Lajmidites.com

Tag: takohen

  • Zelensky dhe Macron bien dakord të takohen pas samitit Trump-Putin

    Zelensky dhe Macron bien dakord të takohen pas samitit Trump-Putin

  • SHBA dhe Kina do të rifillojnë bisedimet për tarifat

    SHBA dhe Kina do të rifillojnë bisedimet për tarifat

    Negociatorët e lartë amerikanë dhe kinezë takohen në Stokholm të hënën për të trajtuar mosmarrëveshjet ekonomike afatgjata në qendër të luftës tregtare të vendeve, me qëllim zgjatjen e një armëpushimi që mban larg tarifat shumë më të larta .

    Kina po përballet me një afat deri më 12 gusht për të arritur një marrëveshje të qëndrueshme tarifore me administratën e Presidentit Donald Trump , pasi Pekini dhe Uashingtoni arritën një marrëveshje paraprake në qershor për t’i dhënë fund javëve të përshkallëzimit të tarifave “grumbull për grrumbullim”.
    Pa një marrëveshje, zinxhirët globalë të furnizimit mund të përballen me trazira të reja nga detyrimet që tejkalojnë 100%.

    Bisedimet në Stokholm, të udhëhequra nga Sekretari i Thesarit i SHBA-së, Scott Bessent, dhe Zëvendëskryeministri kinez, He Lifeng, zhvillohen një ditë pasi Presidentja e Komisionit Evropian, Ursula von der Leyen, takohet me Trump në fushën e tij të golfit në Skoci, në përpjekje për të arritur një marrëveshje që ka të ngjarë të shihte një tarifë bazë prej 15% për shumicën e mallrave të BE-së.
    Analistët e tregtisë në të dyja anët e Paqësorit thonë se diskutimet në kryeqytetin suedez nuk ka gjasa të sjellin ndonjë përparim, por mund të parandalojnë përshkallëzimin e mëtejshëm dhe të ndihmojnë në krijimin e kushteve që Trump dhe Presidenti kinez Xi Jinping të takohen më vonë këtë vit.

  • A do të takohen Putin dhe Zelensky? Kryediplomati turk zbulon bisedimet

    A do të takohen Putin dhe Zelensky? Kryediplomati turk zbulon bisedimet

    Moska dhe Kievi kanë rënë dakord që Presidenti rus Vladimir Putin të takohet me Presidentin e Ukrainës Volodymyyr Zelensky, sipas Ministrit të Jashtëm turk Hakan Fidan. Komentet e tij erdhën menjëherë pas raundit të fundit të negociatave dypalëshe të lehtësuara nga Ankaraja.

    Raundi i tretë i bisedimeve të drejtpërdrejta për paqe u zhvillua të mërkurën në Stamboll. Ndërsa nuk u arrit armëpushim, palët bënë disa përparime në çështjet humanitare, duke përfshirë marrëveshjet për shkëmbimin e mëtejshëm të të burgosurve të luftës dhe civilëve.

    “Gjatë takimit, udhëheqësit diskutuan kushtet në të cilat mund të takohen”, tha Fidan për transmetuesin turk NTV të premten, duke vënë në dukje se “një samit midis udhëheqësve në Turqi u ra dakord në parim”.

    Më herët gjatë javës, Fidan i përshkroi bisedimet e Stambollit si një hap tjetër drejt përfundimit të konfliktit, duke theksuar se “çdo arritje e re i sjell palët një hap më afër paqes”.

     

     

    Zëdhënësi i Kremlinit, Dmitry Peskov, konfirmoi se po shqyrtohet një takim i mundshëm midis Putinit dhe Zelenskyt, por theksoi se ai duhet të zhvillohet vetëm në fazën përfundimtare të negociatave të paqes. Ai shtoi se një samit i tillë “nuk ka gjasa” të ndodhë brenda një muaji.

    Rusia pohon se është e hapur për një zgjidhje diplomatike, por vetëm një që adreson atë që ajo e quan “shkaqet rrënjësore” të luftës dhe shqetësimet e Moskës për sigurinë.

    Zelensky ka kërkuar prej kohësh një takim personal me Putinin. Negociatorët e Ukrainës e përsëritën propozimin në Stamboll këtë javë, duke thënë se një samit kokë më kokë ishte një hap kyç drejt përfundimit të luftimeve. Presidenti i SHBA-së, Donald Trump, ka shprehur gjithashtu mbështetje për bisedime të drejtpërdrejta midis dy udhëheqësve, si pjesë e një përpjekjeje më të gjerë për të zgjidhur konfliktin. Moska nuk e ka përjashtuar kurrë mundësinë, por këmbëngul se së pari duhet të krijohen bazat e nevojshme.

    Rusia ka vënë në pikëpyetje legjitimitetin e Zelensky-t, duke përmendur skadimin e mandatit të tij pesëvjeçar në maj 2024. Zelensky ka refuzuar të mbajë zgjedhje të reja, duke përmendur gjendjen e jashtëzakonshme. Zyrtarët rusë argumentojnë se çdo marrëveshje e nënshkruar nën autoritetin e tij mund të kontestohet potencialisht.

    Kremlini ka kërkuar gjithashtu që Ukraina të heqë gjendjen e jashtëzakonshme dhe të mbajë zgjedhje brenda 100 ditëve, si kusht për çdo armëpushim afatgjatë.

  • Ministrat evropianë takohen në Londër pas ultimatumit ndaj Rusisë për të pranuar armëpushim 30-ditor

    Ministrat evropianë takohen në Londër pas ultimatumit ndaj Rusisë për të pranuar armëpushim 30-ditor

    Ministrat e jashtëm nga disa vende evropiane do të takohen sot në Londër për diskutime “thelbësore” mbi Ukrainën, dy ditë pasi aleatët i dhanë Rusisë një ultimatum për të pranuar një armëpushim 30-ditor.

    Sekretari i Jashtëm Britanik, David Lamy, do të mirëpresë homologët e tij nga Gjermania, Polonia dhe Spanja. Franca do të përfaqësohet nga Ministri për Çështjet Evropiane Benjamin Haddad dhe BE-ja nga shefja e diplomacisë Kaya Kalas, ndërsa një përfaqësues nga Italia do të jetë gjithashtu i pranishëm në takimin e të ashtuquajturit grup “Weimar”, i cili u krijua në shkurt dhe është takuar gjashtë herë që atëherë.
    Këto “diskutime vendimtare” do të përqendrohen “në përpjekjet e përbashkëta për të forcuar sigurinë evropiane dhe një paqe të drejtë dhe të qëndrueshme në Ukrainë”, tha Ministria e Jashtme në një deklaratë. “Ne duhet të mbetemi të bashkuar, aleatë në mbrojtjen e sovranitetit, paqes dhe Ukrainës”, theksoi Lamy.
    Sipas tij, udhëheqësit evropianë përballen me një “sfidë” që “nuk ka të bëjë vetëm me të ardhmen e Ukrainës”, por është thelbësore për “ekzistencën e Evropës në tërësi”.
    Sekretari i Jashtëm Britanik foli dje, të dielën, me homologun e tij amerikan Marco Rubio, i cili e siguroi atë se “prioriteti i parë (i Uashingtonit) është ndërprerja e luftimeve dhe një armëpushim i menjëhershëm”, sipas zëdhënëses së Departamentit të Shtetit, Tammy Bruce.
    Kjo konferencë zhvillohet dy ditë pas vizitës në Kiev të Presidentit Francez Emmanuel Macron, Kancelarit Gjerman Friedrich Merz, Kryeministrit Polak Donald Tusk dhe Kryeministrit Britanik Keir Starmer, si pjesë e “Aleancës së të Vullnetshmëve”.
    Ukraina dhe aleatët e saj evropianë, në koordinim me SHBA-në, i kanë lëshuar një ultimatum Moskës për të pranuar një “armëpushim të plotë dhe pa kushte” brenda 30 ditësh nga sot, duke kërcënuar se do të vendosin “sanksione të reja masive” ndaj Rusisë.
    Lamy theksoi se Londra do të shpallë sot “sanksione të reja kundër atyre që mbështesin pushtimin e paligjshëm” të Ukrainës.
    Pa iu përgjigjur ultimatumit, Presidenti rus Vladimir Putin deklaroi se ishte i gatshëm “për negociata pa parakushte” me Ukrainën, duke propozuar që ato të mbahen të enjten në Stamboll.
    Homologu i tij ukrainas, Volodymyr Zelenskyy, dje e ftoi Putinin ta takonte “personalisht” të enjten në Stamboll.
    Nga ana e tij, Presidenti i SHBA-së Donald Trump kërkoi dje, të dielën, që Ukraina dhe Rusia të takohen “menjëherë” pa pritur një armëpushim.

    Top Channel

  • Negociatat për formimin e qeverisë së re të Kosovës, Albin Kurti takohet me Fatmir Limajn

    Negociatat për formimin e qeverisë së re të Kosovës, Albin Kurti takohet me Fatmir Limajn

    Gazetari Bahri Cani ka komentuar takimin e mbrëmshëm të kryeministrit, Albin Kurti me kreun e NISMA-s, Fatmir Limaj. Përmes një shkrimi në Facebook, ai është deklaruar rreth çështjes së koalicionit të ardhshëm.
    “Personalisht mendoj se Kurti dhe Limaj kanë mundur dhe është dashur të takohen edhe në zyrë, zyrtarisht. Por është e drejtë e tyre të takohen e bisedojnë ku të duan”, ka shkruar ai. “Eh tashti, ka të tillë që thonë se Limaj pa AAK nuk do të futej në Kuvend, se nuk është e moralshme etj etj. Por në pyetje janë “interesat e vendit”!”, vijon Cani.
    Postimi i plotë:
    Kryeministri Albin Kurti dhe LVV synojnë që së bashku me konstituimin e Kuvendit të ri, me 15 prill të krijojnë dhe votojnë edhe qeverinë e re. Kurti ka pasur këto ditë në kabinetin e tij takime me përfaqësuesit e minoriteteve, përveç Listës Serbe.
    Dy-tre prej tyre akoma nuk kanë deklaruar përfundimisht se do ta votojnë qeverinë Kurti III. Duda Balje për shembull ka kërkuar edhe një komunë boshnjake, e ajo ka kërkuar edhe post ministror apo postin e zvkryeministres.…
    Mediat në Kosovë bëjnë të ditur që Kurti mbrëmë “ka darkuar” diku në Prishtinë me kryetarin e Nismës Socialdemokrate, Fatmir Limaj. Nisma ka 3 deputetë.
    Thuhet se kanë biseduar për bashkëpunim. Nuk dihet se cilat janë rezultatet e darkës së përbashkët Kurti-Limaj, por dihet që LVV së bashku me Nismën dhe minoritetet joserbe do të kishte numër të mjaftueshëm për krijimin e qeverisë, më shumë se 60 vota.
    Limaj ka qenë së bashku në zgjedhje me AAK-në, por ai ka thënë se “për interes të vendin” ai është i gatshëm për bashkëpunim edhe me Kurtin!
    Personalisht mendoj se Kurti dhe Limaj kanë mundur dhe është dashur të takohen edhe në zyrë, zyrtarisht. Por është e drejtë e tyre të takohen e bisedojnë ku të duan.
    Eh tashti, ka të tillë që thonë se Limaj pa AAK nuk do të futej në Kuvend, se nuk është e moralshme etj etj. Por në pyetje janë “interesat e vendit”!

  • Shefi i ushtrisë britanike takohet me homologët francezë dhe ukrainas në Kiev

    Shefi i ushtrisë britanike takohet me homologët francezë dhe ukrainas në Kiev

    Ndërsa fokusi është përqendruar tek takimi që po zhvillojnë politikanët në Bruksel, një tjetër takim i rëndësishëm po mbahet në Kiev, shkruan sky news.

    Shefat ushtarakë britanikë po takohen sot me homologët e tyre nga Franca dhe Ukraina.

    Mediat në Ukrainë raportojnë se shefat e shtabit ushtarak të Francës dhe Britanisë, liderët e “koalicionit të vullnetarëve”, do të takohen me Volodymyr Zelenskyy.

    Qëllimi i delegacionit franko-britanik u tha se ishte diskutimi i vendosjes së mundshme të një kontigjenti trupash të huaja në Ukrainë.

    Kjo ide, e paraqitur nga partneriteti anglo-franko, është pritur me diskutime nga aleatët e saj, por nga disa shihet si çelësi për sigurimin e paqes në vend të një mbështetëseje amerikane.

  • Manisteriali i parë për 2025-ën, ministrat e Jashtëm takohen në Bruksel në 4 dhe 5 prill

    Manisteriali i parë për 2025-ën, ministrat e Jashtëm takohen në Bruksel në 4 dhe 5 prill

    Ministrat e Jashtëm të NATO-s takohen në Bruksel më 3-4 Prill për ministerialin e parë të vitit 2025, duke hapur rrugën për diskutime të rëndësishme mbi sigurinë.

    Lajmi u bë e ditur nga vetë faqja zyrtare e Ambasadës amerikane në Shqipëri, përmes një postimi në Facebook.
    Ambasada shprehet se ky çast historik shënon gjithashtu ministerialin e parë të Sekretarit Rubio në krye të Departamentit të Shtetit.
    “Ministrat e Jashtëm të NATO-s takohen në Bruksel më 3-4 Prill për ministerialin e parë të vitit 2025, duke hapur rrugën për diskutime të rëndësishme mbi sigurinë. Ky çast historik shënon gjithashtu ministerialin e parë të Sekretarit Rubio në krye të Departamentit të Shtetit”, thuhet në postim.

    Top Channel

  • Manisteriali i parë për 2025-ën, ministrat e Jashtëm të NATO-s takohen në Bruksel në 4 dhe 5 prill

    Manisteriali i parë për 2025-ën, ministrat e Jashtëm të NATO-s takohen në Bruksel në 4 dhe 5 prill

    Ministrat e Jashtëm të NATO-s takohen në Bruksel më 3-4 Prill për ministerialin e parë të vitit 2025, duke hapur rrugën për diskutime të rëndësishme mbi sigurinë.
    Lajmi u bë e ditur nga vetë faqja zyrtare e Ambasadës amerikane në Shqipëri, përmes një postimi në Facebook.

    Ambasada shprehet se ky çast historik shënon gjithashtu ministerialin e parë të Sekretarit Rubio në krye të Departamentit të Shtetit.
    “Ministrat e Jashtëm të NATO-s takohen në Bruksel më 3-4 prill për ministerialin e parë të vitit 2025, duke hapur rrugën për diskutime të rëndësishme mbi sigurinë. Ky çast historik shënon gjithashtu ministerialin e parë të Sekretarit Rubio në krye të Departamentit të Shtetit”, thuhet në postim.