Lajmidites.com

Tag: tajvanin

  • Trump: Kina nuk dëshiron të pushtojë Tajvanin

    Trump: Kina nuk dëshiron të pushtojë Tajvanin

    Presidenti amerikan, Donald Trump këtë të hënë është shprehur se Kina nuk do të pushtojë Tajvanin, ndërsa shprehu besim në marrëdhënien e tij me homologun e tij kinez, Xi Jinping me të cilin do të takohet këtë muaj.

    Trump u pyet në lidhje me një vlerësim të mëparshëm të Pentagonit se Xi mund të përpiqet të pushtojë Tajvanin në gjashtë vitet e ardhshme.

    “Mendoj se do të jemi mirë me Kinën. Kina nuk dëshiron ta bëjë këtë”, u tha Trump gazetarëve ndërsa takohej me kryeministrin australian, Anthony Albanese.

    Duke folur për planet e Xi-së për Tajvanin , Trump tha se nuk e sheh si veprim që të ndodhë.

    “Mendoj se do të shkojmë shumë mirë me njëri-tjetrin për sa i përket Tajvanit dhe të tjerëve”, tha ai.

    Trump do të zhvillojë takimin e tij të parë me Xi gjatë mandatit të tij të dytë kur udhëheqësit e dy ekonomive më të mëdha në botë vizitojnë Korenë e Jugut këtë muaj për një samit Azi-Paqësor.

    Trump tha se përparësia e tij ishte arritja e një marrëveshjeje tregtare të drejtë me Kinën. Ai refuzoi të përgjigjej nëse do të sakrifikonte mbështetjen e SHBA-së për Tajvanin si pjesë e një marrëveshjeje me Xi.

    “Dua të jem i mirë me Kinën. E dua marrëdhënien time me Presidentin Xi. Ne kemi një marrëdhënie të shkëlqyer”, tha Trump.

  • Supertajfuni Ragasa goditi Filipinet dhe Tajvanin, Kina evakuon 400 mijë banorë

    Supertajfuni Ragasa goditi Filipinet dhe Tajvanin, Kina evakuon 400 mijë banorë

    Kina do të evakuojë 400 mijë njerëz për shkak të një supertajfuni që ka goditur Filipinet dhe Tajvanin ditën e sotme.

    Supertajfuni Ragasa, i cili po drejtohet drejt juglindjes së Kinës, ka sjellë erëra me shpejtësi deri në 214 km/orë, duke shkaktuar pezullimin e fluturimeve dhe trageteve.
    Mijëra njerëz janë evakuuar tashmë nga shtëpitë dhe shkollat në Filipine dhe Tajvan, ndërsa qindra mijëra të tjerë pritet të largohen nga shtëpitë e tyre në Kinë.
    Më shumë se 8,200 vetë u evakuuan në vende të sigurta në Cagayan, ndërsa 1,220 të tjerë u strehuan në qendra emergjente në Apayao, një zonë e prirur ndaj përmbytjeve të menjëhershme dhe rrëshqitjeve të dheut.
    Fluturimet vendase u pezulluan në provincat veriore të goditura nga tajfuni dhe anijet e peshkimit si dhe tragetet ndër-ishullore u ndaluan të largoheshin nga portet për shkak të detit të trazuar.
    Në qarqet jugore të Tajvanit, u urdhërua mbyllja e disa zonave bregdetare dhe malore, së bashku me ishujt Orchid dhe Green ndërsa aeroporti i Shenzhen-it njoftoi se do të ndalojë fluturimet që nga nata e së martës, ndërkohë që në provincën Fujian, në bregdetin juglindor të Kinës, 50 linja tragetesh janë pezulluar gjithashtu.
    Agjencia meteorologjike e Filipineve paralajmëroi se ekziston “një rrezik i lartë i një stuhie kërcënuese për jetën, me dallgë që tejkalojnë 3 metra brenda 24 orëve të ardhshme në zonat bregdetare të ulëta ose të ekspozuara” në disa provinca veriore.
    Ndërkohë, presidenti filipinas Ferdinand Marcos pezulloi punën e institucioneve qeveritare dhe urdhëroi mbylljen e të gjitha shkollave.

    Top Channel

  • Pse NATO mund ta humbasë Luftën e Tretë Botërore brenda 5 ditësh

    Pse NATO mund ta humbasë Luftën e Tretë Botërore brenda 5 ditësh

    Rusia mund të nisë sulmin në drejtim të Perëndimit sapo Kina të vendosë të pushtojë Tajvanin , “për ta mbajtur Perëndimin të zënë”. Putini vazhdon të sulmojë Lituaninë më 5 nëntor, ndërsa Presidenti i SHBA-së, Donald Trump, ngec.
    Gjenerali britanik Sir Richard Shirreff është ish-zëvendëskomandant suprem i forcave aleate të NATO-s për Evropën. Shkurt, një figurë ushtarake me përvojë të lartë, veçanërisht në lidhje me Moskën dhe frontin lindor të Aleancës Atlantike.

    Dje, në një artikull për Daily Mail, ai shpjegoi dhe imagjinoi se si Rusia mund ta sulmonte NATO-n në të ardhmen e afërt, duke detajuar lëvizjet dhe kohën e saj, në një skenar apokaliptik. Në të cilin Perëndimi, sipas Sir Richard, mund të “humbte Luftën e Tretë Botërore”. Dhe vetëm në pesë ditë, rendi botëror do të transformohej plotësisht.

    Sipas Shirreff, Rusia mund të nisë sulmin në drejtim të Pekinit, sapo Kina të vendosë të pushtojë Tajvanin , “për ta mbajtur Perëndimin të zënë”. Putinit sigurisht që nuk do t’i pëlqejë ky rol nënshtrues, vëren gjenerali britanik. Por duke qenë se cari së shpejti mund të ketë nevojë për burime të konsiderueshme financiare dhe ushtarake për të shmangur rrëzimin në shtëpi pas tre vjet e gjysmë lufte në Ukrainë, “atëherë ai mund të vendosë të luajë lojën e Kinës dhe kështu të ekspozojë të gjitha dobësitë e Evropës”.

    Shirreff e imagjinon sulmin e Rusisë ndaj NATO-s duke filluar më 3 nëntor 2025, në orën 14:00, sipas kohës lituaneze. Natyrisht, nuk ka asnjë tregues të vërtetë se një skenar kaq i tmerrshëm mund të zhvillohet pikërisht atë ditë. Por gjenerali e zgjedh këtë datë në mënyrë të përkohshme për të ilustruar dinamikën dhe kohën e mundshme sapo të fillojë sulmi i carit.
    Pra, Shirreff përshkruan këtë skenar. Kryeqyteti, Vilnius, dhe pjesa tjetër e vendit goditen nga ndërprerje masive të energjisë elektrike, të cilat shpejt u përhapën në Estoni dhe Letoni, për shkak të një virusi malware në linjat e energjisë lituaneze. “Bankat, zyrat dhe spitalet mbyllen. Paniku shpërthen shpejt në vendet baltike, ndërsa agjentët dhe mbështetësit rusë (që vijnë nga Bjellorusia) lëshojnë trazira, vjedhje dhe plaçkitje, duke i detyruar autoritetet të vendosin një shtetrrethim”, shkruan gjenerali.
    Në atë pikë, sipas Shirreff, “ndërprerjet e energjisë u përhapën edhe në Mbretërinë e Bashkuar, Francë dhe Gjermani. Udhëheqësit perëndimorë bënë thirrje për qetësi. Por në orën 7 të mëngjesit të ditës tjetër, më 4 nëntor, Putin njoftoi se trupat ruse në enklavën e Kaliningradit ishin “në gatishmëri maksimale” dhe grumbulluan ushtarë dhe pajisje ushtarake në kufirin me Lituaninë. Autoritetet evropiane nxituan të flisnin me carin, i cili nuk e mori telefonin. Dikush qëlloi nga enklava ruse drejt Lituanisë, e cila u përgjigj dhe arrestoi luftëtarë pro-rusë. Putini më pas vendosi të merrte kontrollin e korridorit Suwalki, i vetmi brez kufitar – rreth 100 kilometra – midis Lituanisë dhe Polonisë, dhe aeroplanët rusë morën kontrollin mbi qiellin mbi zonën.
    Pra, në rrëfimin shumë të detajuar të Shirreff (të cilin e kemi thjeshtuar këtu), Sekretari i Përgjithshëm i NATO-s, Mark Rutte, përmend Nenin 5 të NATO-s . Putini vazhdon të sulmojë Lituaninë më 5 nëntor, ndërsa Presidenti i SHBA-së, Donald Trump, ngec. Ndërkohë, Lituania është nën rrethim, por me Rusinë që kontrollon Korridorin Suwalki, është gjithnjë e më e vështirë për Aleatët ta mbrojnë atë.
    Më 6 nëntor, Kina njoftoi mbështetjen e saj të hapur për Moskën, “sepse ajo mbron qytetarët e saj në Ukrainë dhe Lituani”, dhe i dërgoi Moskës një ortek municionesh dhe armësh. Disa orë më vonë, Pekini nisi ofensivën e tij kundër Tajvanit, duke lëshuar raketa mbi infrastrukturën e saj ushtarake dhe portuale, përpara se të dërgonte 100,000 dronë kundër Taipeit: “Po vriten politikanë, biznesmenë dhe gazetarë”.
    Trump më pas lëshoi ​​një kërcënim serioz ndaj Kinës, por ndërkohë, anijet luftarake të Pekinit rrethuan Tajvanin, ku forcat speciale kineze zbarkuan për të neutralizuar mbrojtjet e fundit të ishullit. Por më 7 nëntor, presidenti amerikan u dorëzua dhe e la Tajvanin në fatin e tij, të paktën ushtarakisht, ndërkohë që vendosi ndalimin e të gjitha marrëdhënieve tregtare me Pekinin. Ky dekret iu kalua edhe aleatëve të saj perëndimorë, por në praktikë mezi u zbatua.
    Historia e Shirreff mbaron këtu, me rendin botëror të përmbysur vetëm në pesë ditë, me Kinën që merr atë që gjithmonë dëshironte (Tajvanin), Putinin që tani pushton dhe pretendon vendet baltike përveç Ukrainës, dhe “NATO është shpërbërë në mënyrë efektive”. Me shumë mundësi, vetëm një fantazi distopiane, ose një makth. Por sipas gjeneralit britanik, nuk ka asnjë garanci se ky komplot një ditë mund të bëhet një realitet i frikshëm.
    /La Repubblica

  • Vuçiç: Serbia pret ndihmë nga Kina për Kosovën

    Vuçiç: Serbia pret ndihmë nga Kina për Kosovën

    Presidenti i Serbisë, Aleksandar Vuçiç, ka thënë se ka marrë garanci nga Kina se Serbia mund të presë ndihmë të mëtejme dhe mbështetje në të gjitha çështjet, përfshirë Kosovën.

    “Mund të presim në çështje të ndryshme politike, si Kosova, integriteti territorial e sovraniteti, siç e përkrahim ne parimin e një Kine dhe nuk do të dorëzohemi në këtë”, ka thënë Vuçiçi të premten pas një takimi që ka pasur me presidentin kinez, Xi Jinping në Pekin, transmetojnë mediat në

    Vuçiçi po ashtu ka thënë se Serbia e konsideron Kinën, mike të sinqertë dhe partnere të mirë në ekonomi dhe politikë.

    Vuçiçi mori pjesë në paradën e ushtrisë kineze ditë më parë. Ai ishte në mesin e shumë liderëve autokratë në atë që po konsiderohet blloku antiperëndimor. Në krye të liderëve ishin presidenti kinez, ai rus e ai i Koresë së Veriut.

    Vuçiqi ka thënë se Kina është dëshmi se si bota po ndryshon shpejt e madje sipas tij, ndryshimet do të vërehen edhe në Ballkanin Perëndimor. “Kina po përparon me shpejtësi marramendëse. Me ndikimin e saj, Kina po zë hapësirë shumë më të rëndësishme në politikat botërore… Nuk është e lehtë për ata që po përpiqen ta ndalin”, ka thënë Vuçiçi.

    Ai ka thënë se “gjërat do të ndryshojnë edhe në Ballkanin Perëndimor në të ardhmen”. “Shpresoj, edhe pse s’është e sigurt, por do të ketë ndryshime në botë… në 10 vjet ne nuk do të jemi në gjendje të kujtojmë se si ka qenë para dhjetë vjetësh. Dhe këto ndryshime po bëhen tejet më të shpejta tani”, ka shtuar ai.

    Kur Vuçiçi përmend “Kinën si të tërë” bëhet fjalë për çështjen e Tajvanit. Tajvani është shtet, por i panjohur ndërkombëtarisht dhe nuk është pjesë e Organizatës së Kombeve të Bashkuara. E Kina e konsideron Tajvanin si pjesë të saj. Shtetet e Bashkuara janë mbrojtësi kryesor i Tajvanit dhe kjo konsiderohet ndarja kryesore në raportet Kinë-SHBA. Kina e ka shtrembëruar Rezolutën 2758 të Asamblesë së Përgjithshme të OKB-së. Ajo lidhet në mënyrë të rreme me “parimin e një Kine” dhe përdoret si mjet për ta penguar Tajvanin në OKB. Megjithatë, kjo rezolutë nuk e përmend fare Tajvanin dhe nuk thotë se ai është pjesë e Kinës.

    E siç ka shkruar mediumi serb “Danas” të premten, ekspertë në Serbi kanë thënë se Kina mund ta ndihmojë Serbinë në çështjen e Kosovës pikërisht vetëm me veto në Këshillin e Sigurimit në OKB. / Koha Net.

  • Shefi i NATO-s: Rusia do të shënjestrojë Evropën, nëse Kina sulmon Tajvanin

    Shefi i NATO-s: Rusia do të shënjestrojë Evropën, nëse Kina sulmon Tajvanin

    Shefi i NATO-s, Mark Rutte, paralajmëroi se Kina dhe Rusia paraqesin kërcënime në rritje për aleancën transatlantike, duke konfirmuar se NATO po përgatitet për një sulm të mundshëm rus në shkallë të plotë në territorin e aleancës në vitet e ardhshme.
    “Xi Jinping, presidenti i Kinës, përpara se të sulmojë Tajvanin, së pari do të telefonojë në Moskë për t’i kërkuar (presidentit rus) Putinit të na mbajë të zënë në këtë pjesë të Evropës”, u tha Rutte gazetarëve në një konferencë shtypi me kancelarin gjerman Friedrich Merz në Berlin.

    “Kina po ndërton me shpejtësi forcat e saj të armatosura. Ata tani kanë më shumë anije se sa SHBA-ja. Ata do të kenë edhe 100 anije deri në vitin 2030. Ata tani kanë 1 000 koka bërthamore. Kjo nuk është për të organizuar parada në Pekin. Kjo është me të vërtetë për ta përdorur, për ta shfrytëzuar këtë”, pohoi ai, duke parashikuar se Kina do të përpiqet të marrë disi kontrollin e Tajvanit.
    “Supozimi ynë është, bazuar në shumë diskutime që kemi pasur, dhe sigurisht, ajo që dimë nga burimet tona është se rreziku është gjithnjë e më shumë i pranishëm”, tha ai.
    Rutte argumentoi se kërcënimet e sigurisë ndaj NATO-s nga Indo-Paqësori janë rritur ndjeshëm vitet e fundit.
    Ai përmendi pjesëmarrjen aktive të Koresë së Veriut në luftën e Ukrainës duke mbështetur Rusinë, furnizimin e Kinës me mallra me përdorim të dyfishtë për Rusinë dhe ndarjen e teknologjisë së dronëve nga Irani me forcat ruse.
    Ai pohoi se Rusia nuk do të ndalet në Ukrainë dhe ka të ngjarë të nisë një sulm në territorin e NATO-s brenda shtatë viteve të ardhshme.
    Rutte theksoi se aleatët e NATO-s vendosën të rrisin objektivat e tyre të shpenzimeve të mbrojtjes në samitin e muajit të kaluar jo për të qetësuar presidentin e SHBA-së Donald Trump, por sepse e njohin kërcënimin në rritje.

  • Shefi i NATO-s, Rutte paralajmëron kur fillon Lufta e Tretë Botërore: Kina pushton Tajvanin, kurse Putin godet NATO-n!

    Shefi i NATO-s, Rutte paralajmëron kur fillon Lufta e Tretë Botërore: Kina pushton Tajvanin, kurse Putin godet NATO-n!

    Rutte paralajmëron Luftën e Tretë Botërore. Ai tha se Kina pushton Tajvanin, kurse Putin sulmon NATO-n.
    “Do të jetë një Armagedon global nëse Perëndimi nuk riarmohet”, – thotë shefi i NATO-s.

    Sekretari i Përgjithshëm i NATO-s, Mark Rutte, ka dhënë një deklaratë tronditëse për të ardhmen gjeopolitike të globit, duke paralajmëruar për mundësinë reale të një Lufte të Tretë Botërore, e shkaktuar nga sulme të koordinuara të Kinës dhe Rusisë.
    Në një intervistë për New York Times, ai tha se nëse Xi Jinping vendos të pushtojë Tajvanin, do të kërkojë ndërkohë që Vladimir Putin të godasë territoret e NATO-s për të mbajtur të shpërqendruar Perëndimin.
    “Le të mos jemi naivë. Nëse Xi sulmon Tajvanin, ai më parë do t’i telefonojë ‘partnerit të tij’, Putinit, që të veprojë ndaj NATO-s. Kjo është mënyra më e mundshme si do të ndodhë”, – deklaroi Rutte, duke nënvizuar se Rusia ka në shënjestër republikat baltike: Estoninë, Letoninë dhe Lituaninë.
    Ai theksoi nevojën urgjente që vendet perëndimore të riarmatosen, duke paralajmëruar se Rusia po prodhon tre herë më shumë municione brenda tre muajve sesa NATO në një vit. “Kjo është e paqëndrueshme. Ata bashkëpunojnë me Korenë e Veriut, Iranin dhe Kinën”, shtoi ai.
    Në një reagim tallës, ish-presidenti rus Dmitry Medvedev tha se “Rutte ka ngrënë shumë nga kërpudhat magjike të holandezëve” dhe shtoi me ironi se “rusishtja do t’i duhet në një kamp në Siberi”.
    Ndërkohë, Rusia vazhdon agresionin në Ukrainë. Sulme me raketa dhe 157 dronë goditën Kievin, Kharkivin dhe Zaporizhzhian, ndërsa Ukraina reagoi me një sulm me dronë detarë në Detin e Zi.
    Rutte vlerësoi Donald Trumpin si “të vetmin që po mban dialog me Putinin”, megjithëse pa ndonjë rezultat paqeje deri më tani.

  • Deklarata e Mark Rutte: Lufta e Tretë Botërore do të fillojë me pushtime të njëkohshme nga Xi dhe Putin

    Deklarata e Mark Rutte: Lufta e Tretë Botërore do të fillojë me pushtime të njëkohshme nga Xi dhe Putin

    Shefi i NATO-s, Mark Rutte, bëri një parashikim të frikshëm, sipas të cilit Lufta e Tretë Botërore do të fillojë me pushtime të njëkohshme nga Xi Jinping dhe Vladimir Putin.

    Sipas Rutte-s, Kina do të fillojë duke kërkuar të pushtojë Tajvanin, ndërkohë që do të sigurojë që presidenti rus të sulmojë njëkohësisht territorin e NATO-s, mes frikës se Putini po i ka vënë syrin republikave baltike, të cilat më parë ishin pjesë e BRSS-së, Estonia, Letonia dhe Lituania gjithsesi.
    Rusia reagoi sot, duke iu drejtuar ish-kryeministrit holandez Rutte në Twitter, duke pretenduar se ai kishte “ngrënë shumë nga kërpudhat magjike që holandezët i donin”, ndërsa paralajmëroi se ai duhet të presë me padurim një të ardhme në një kamp pune të tmerrshëm në Siberi.
    Ai sheh një bashkëpunim të fshehtë midis Kinës dhe Rusisë për Tajvanin dhe më pas një sulm rus ndaj Evropës.
    “Por ai ka të drejtë për një gjë: duhet të mësojë rusisht. Mund të jetë e dobishme në një kamp siberian”, shkroi ish-presidenti rus.
    Duke theksuar nevojën urgjente për riarmatim dhe forcimin e buxheteve ushtarake, Rutte i tha New York Times në një vizion të frikshëm për të ardhmen: “Le të mos jemi naivë për këtë. Nëse Xi Jinping sulmon Tajvanin, ai së pari do të sigurohet që të telefonojë partnerin e tij shumë më të vogël në të gjithë këtë, Vladimir Vladimirovich Putin, i cili banon në Moskë, dhe t’i thotë: ‘Hej, unë do ta bëj këtë dhe kam nevojë që ti t’i mbash të zënë në Evropë duke sulmuar territorin e NATO-s.”
    “Ndoshta kështu do të shkojë kjo, dhe për t’i penguar ata, duhet të bëjmë dy gjëra”, shtoi ai.
    Duke vazhduar përshkrimin e tij të tmerrshëm, Rutte tha: “Një gjë është se NATO, kolektivisht, është aq e fortë sa rusët nuk do ta bëjnë kurrë këtë. Dhe së dyti, partneriteti Indo-Paqësor, diçka që Presidenti Trump po e promovon shumë, sepse ne kemi këtë lidhje të ngushtë, duke punuar së bashku në industrinë e mbrojtjes, inovacionin midis NATO-s dhe Indo-Paqësorit.”
    Rutte paralajmëroi se Putini po riarmatoset me një ritëm të shpejtë, duke këmbëngulur që vendet perëndimore duhet të rrisin shpenzimet e mbrojtjes.
    “Kemi një sfidë të madhe gjeopolitike përpara nesh. Dhe kjo është para së gjithash Rusia, e cila po rindërtohet me një ritëm dhe shpejtësi të paparë në historinë e kohëve të fundit”, tha ai.
    Rutte e vlerësoi Trumpin për përpjekjet e tij për të bërë përparim me Putinin.
    “Ai është personi që e theu bllokimin me Putinin. Kur u bë president në janar, ai i nisi këto diskutime me Putinin dhe ishte i vetmi që ishte në gjendje ta bënte këtë”, tha shefi i NATO-s.
    Megjithatë, kjo ende nuk kishte çuar në një marrëveshje paqeje.
    “Nuk jemi ende atje dhe kjo do të thotë që ndërkohë duhet të siguroheni që Ukraina të ketë atë që i nevojitet për të qëndruar në garë”, tha ai.

    Top Channel

  • Sekretari Amerikan i Mbrojtjes: SHBA do të përgjigjet ushtarakisht nëse Kina sulmon Tajvanin

    Sekretari Amerikan i Mbrojtjes: SHBA do të përgjigjet ushtarakisht nëse Kina sulmon Tajvanin

    Teksa kryesoi forumin për mbrojtjen “Dialogu Shangri-La” në Singapor, Sekretari i Mbrojtjes i Shteteve të Bashkuara, Pete Hegseth, paralajmëroi se kërcënimi i Kinës është real dhe potencialisht i afërt.

    “Pekini po përgatitet për të përdorur forcën ushtarake për të ndryshuar ekuilibrin e fuqisë në Indo-Paqësor. Presidenti kinez Xi Jinping ka urdhëruar ushtrinë e tij të pushtojë Tajvanin deri në vitin 2027. Çdo përpjekje e Kinës komuniste për të pushtuar Tajvanin me forcë do të rezultonte në pasoja shkatërruese për Indo-Paqësorin dhe botën”.
    Sekretari amerikan i Mbrojtjes përsëriti vërejtjen e Trump se Kina nuk do ta pushtonte Tajvanin nën administratën e Trump.

    Hegseth i siguroi aleatët e Uashingtonit në rajonin Indo-Paqësor se ata nuk do të braktiseshin për t’u përballur me presionet në rritje ushtarake dhe ekonomike nga Pekini.
    SHBA nuk kërkon luftë apo konflikt me Kinën, shtoi Hegseth por nëse do të ishte nevoja ata do ta bënin. “Ne nuk kërkojmë të dominojmë apo mbysim Kinën, ta rrethojmë apo provokojmë. Ne nuk kërkojmë ndryshimin e regjimit, por duhet të sigurojmë që Kina të mos na dominojë ne ose aleatët dhe partnerët tanë,” tha ai, duke shtuar “ne nuk do të largohemi nga ky rajon rëndësisëm”.
    Ai gjithashtu u bëri thirrje aleatëve aziatikë të rrisin shpenzimet e tyre të mbrojtjes.
    “Anëtarët e NATO-s po zotohen të shpenzojnë 5% të PBB-së së tyre për mbrojtje, madje edhe Gjermania, ndërsa aleatët kryesorë në Azi shpenzojnë më pak për mbrojtje përballë një kërcënimi edhe më të frikshëm, për të mos përmendur Korenë e Veriut”.
    Hegseth kritikoi gjithashtu Kinën për përpjekjet e saj për të rritur ndikimin e saj rreth Kanalit të Panamasë. Delegacioni kinez, perfaqësohej në forum nga oficerë të nivelit më të ulët nga Universiteti Kombëtar i Mbrojtjes.
    Dialogu Shangri-La, i cili tërheq zyrtarë të lartë të mbrojtjes, oficerë të lartë ushtarakë, diplomatë, prodhues armësh dhe analistë të sigurisë nga e gjithë bota, do të mbyllet të dielën e 1 Qershorit në Singapor.

  • Thirrja nga SHBA: Kina përbën një kërcënim për Tajvanin, investoni tek mbrojtja

    Thirrja nga SHBA: Kina përbën një kërcënim për Tajvanin, investoni tek mbrojtja

    Sekretari i Mbrojtjes i SHBA-së, Pete Hegseth

    SHBA- Sekretari i Mbrojtjes i SHBA-së, Pete Hegseth, ka paralajmëruar se Kina përbën një kërcënim “të menjëhershëm” për Tajvanin, ndërsa u ka bërë thirrje vendeve aziatike të rrisin shpenzimet e mbrojtjes dhe të punojnë me SHBA-në për të parandaluar luftën.
    Hegseth tha gjithashtu se, ndërsa SHBA-të nuk “kërkojnë të dominojnë ose ta mbytin Kinën”, SHBA-të nuk do të shtyhen jashtë Azisë dhe nuk do të lejojnë frikësimin e aleatëve.
    Ai po i drejtohej zyrtarëve të lartë ushtarakë aziatikë në Dialogun Shangri-la, një samit i nivelit të lartë të mbrojtjes që mbahet çdo vit në Singapor.
    Shumë njerëz në Azi kanë frikë nga paqëndrueshmëria e mundshme nëse Kina pushton Tajvanin, një ishull vetëqeverisës i pretenduar nga Pekini. Kina nuk e ka përjashtuar përdorimin e forcës.
    Pekini ende nuk i është përgjigjur vërejtjeve të Hegseth për Tajvanin.
    Në fjalimin e tij, Hegseth e karakterizoi Kinën si një vend që kërkon të bëhet një “fuqi hegjemonike” që “shpreson të dominojë dhe kontrollojë shumë pjesë” të Azisë. Kina është përplasur me disa fqinjë për pretendime territoriale konkurruese në Detin e Kinës Jugore.
    Ai tha se Pekini po “përgatitej në mënyrë të besueshme për të përdorur potencialisht forcën ushtarake për të ndryshuar ekuilibrin e pushtetit” në Azi dhe iu referua një afati të vitit 2027 që Presidenti Xi Jinping dyshohet se i ka dhënë ushtrisë kineze që të jetë në gjendje të pushtojë Tajvanin.
    Kjo është një datë e propozuar nga zyrtarët dhe gjeneralët amerikanë për vite me radhë, por që nuk është konfirmuar kurrë nga Pekini.
    Kina “po ndërton ushtrinë e nevojshme për ta bërë këtë, po stërvitet për të çdo ditë dhe po përgatitet për marrëveshjen e vërtetë”, tha Hegseth.
    “Le të jem i qartë: çdo përpjekje e Kinës komuniste për të pushtuar Tajvanin me forcë do të rezultonte në pasoja shkatërruese për Indo-Paqësorin dhe botën. Nuk ka arsye për ta zbukuruar atë. Kërcënimi që paraqet Kina është real. Dhe mund të jetë i afërt. Shpresojmë që jo, por sigurisht që mund të jetë.”
    Dialogu Shangri-la tradicionalisht ka shërbyer si një platformë për SHBA-në dhe Kinën për t’u bërë thirrje vendeve aziatike, ndërsa ato luftojnë për ndikim në rajon.
    Por, ndërsa këtë vit SHBA-të kanë dërguar një nga delegacionet e tyre më të mëdha ndonjëherë, Kina në vend të kësaj ka dërguar një delegacion të nivelit të ulët dhe ka anuluar fjalimin e saj të planifikuar të dielën.
    Nuk është dhënë asnjë shpjegim për këtë.