Lajmidites.com

Tag: suzana

  • Mat, numërohen 8 nga 47 kuti/ Kandidati socialist udhëheq me 1481 vota

    Mat, numërohen 8 nga 47 kuti/ Kandidati socialist udhëheq me 1481 vota

    Sipas të dhënave të KQZ, Bashkia Mat ka shënuar numrin më të lartë të pjesëmarrësve në votim, me 39.23%.

    Në këtë Bashki ka tre kandidat, Altin Bojni i PS, Eduart Brahilika dhe Suzana Pasha të pavarur.

    Numërohen 8 nga 47 kuti:

    Altin Bojni 1481
    Eduart Brahilika 581
    Suzana Pasha 131

    MAT/ Numërimi drejt fundit, kandidati socialist kryeson me 68% të votave! I pavaruri i opozitës 27%
    Bashkia e Matit është e vetmja ku po vijon numërimi. PS kryeson në të vetmen bashki në veri të vendit që shkoi në zgjedhje të pjesshme.
    Kandidati i PS, Altin Bojini numëron 7018 vota ose 67.81%, ndërsa rivali i tij, kandidati i pavarur i mbështetur nga PD ka Eduart Brahilika ka marrë 27.02% ose 2797 vota.
    Ndërkohë, kandidatja Suzana Pasha që sfidoi partinë e saj PS-në, duke kandiduar si e pavarur deri më tani rezulton me 5.17% ose 535 vota.

     

  • Zgjedhjet në Mat/ Voton kandidatja e pavarur, Suzana Pasha: Jam dhe vazhdoj të jem socialiste ndonëse idetë tona u ndanë

    Zgjedhjet në Mat/ Voton kandidatja e pavarur, Suzana Pasha: Jam dhe vazhdoj të jem socialiste ndonëse idetë tona u ndanë

    Suzana Pasha, kandidatja e pavarur në Bashkinë e Matit ka votuar pak momente më parë.

    Në një prononcim për mediat, ajo u shpreh se procesi është i qetë, ndërsa uroi që garën ta fitojë kandidati më i mirë.
    Ajo u ndal tek bindja e saj politike, duke thënë se ka qenë dhe është socialiste, ndonëse idetë e tyre u ndanë.
    “Faleminderit të gjithë qytetarëve te Matit, u kam kërkuar mbështetjen derë më derë. Jam krejt e qetë, vota është e lirë, procesi është i qetë, i lirë dhe i barabartë. U bëftë më e mira dhe fitoftë më i miri.
    Në këtë fushatë kam qenë e vetme, problematika kam hasur por lej organet ligj zbatuese të bëjnë punën e tyre. Skam pasur kërcënime, zgjedhja ime ka qenë e lirë, unë kam qenë dhe do të vijoj që të jem socialiste. Është partia ime e zemër. Unë mendoj që duhet të isha unë kandidate dhe ndaj garoj e pavarur”, u shpreh ajo.

    Top Channel

  • Kandidate për në Kongres/ Suzana Shkreli, shqiptarja që drejton lotarinë shtetërore të Miçiganit në SHBA

    Kandidate për në Kongres/ Suzana Shkreli, shqiptarja që drejton lotarinë shtetërore të Miçiganit në SHBA

    Në një kohë kur shqiptarët po kërkojnë gjithnjë e më shumë zë në politikën dhe institucionet amerikane, një emër spikat si shembull frymëzimi, Suzi Shkreli.

    Ajo është Komisionerja e Lotarisë së Shtetit Michigan, një post kyç që menaxhon miliarda dollarë fondesh që përdoren për arsimin publik.

    Jo vetëm që është një nga gratë më të rëndësishme në administratën e Michiganit, por edhe një nga shqiptarët më të suksesshëm që përfaqëson komunitetin tonë me dinjitet dhe kompetencë.

    Por rruga e Suzanës ka qenë gjithçka veçse e lehtë.

    E lindur dhe rritur në SHBA nga prindër shqiptarë emigrantë, Suzana Shkreli ka ndërtuar karrierën si avokate, duke u bërë një figurë e respektuar në fushën e drejtësisë.

    Ajo kandidoi për Kongresin Amerikan dhe, megjithëse nuk fitoi atëherë, tregoi se një grua shqiptare mund të hyjë në skenën e madhe politike amerikane me dinjitet dhe mbështetje të fortë nga komuniteti.

    Në vetëm tre muaj fushatë, Suzana Shkreli arriti të mbledhë 600 mijë dollarë, kryesisht nga komuniteti shqiptar një dëshmi e forcës së bashkimit dhe besimit që ajo frymëzoi.

    Sot, ajo është zyrtarisht në krye të një prej institucioneve më të rëndësishme të Michiganit: Michigan Lottery, nga ku fondet e mbledhura ndihmojnë shkollat publike dhe sistemin arsimor të shtetit.

    Suzana Shkreli është më shumë se një emër. Ajo është një model për gjeneratat e reja shqiptaro-amerikane.

  • Një gjyshe peshkatare në Sarandë

    Një gjyshe peshkatare në Sarandë

    Nga Thoma Nika
    Të peshkuarit me grep buzë detit në Sarandë, është gjëja më e zakonshme që mund të shikosh gjatë një shetitjeje në pedonale. Ata që e bëjnë këtë, ose janë njerëz të detit, që tani zanatin e kthyer në pasion, e zhvillojnë në breg, ose mesoburra, që e ushtrojnë peshkimin me grep si hobi, gjatë orëve të tyre të lira.Ndërsa fillua në duart e një gruaje, që me orë të tëra pret të vijë peshku në grepin e saj, është një befasi dhe sfidë ndaj burrave.
    Po ja ku është Suzana, që nuk e ka fare për gajle, që, ashtu “burrash”, të zerë një kënd të qetë, buzë detit, të nxjerrë nga çanta rrotën e fillos e ushqimin e menduar se i pëlqen gjahut të saj dhe të provojë shansin e ditës.
    – Është eksperiencë e bukur dhe gjëja më antistres, që të çlodh trurin- thotë Suzana.
    I thotë këto, pa e hequr fillon nga dora dhe pa e hequr vëmendjen nga loja, që mund të bëjë peshku poshtë ujit, me grepin e saj.
    Me një sy nga fillispanja e zhytur në det, Suzana flet si një eksperte e peshkimit. Ajo di mirë trashësitë e fillove, numrat e grepave dhe se me çfarë ushqimi ndillet në grep peshku e çfarë preferon oktapodi. Ka më shumë se 10 vjet që detit i merr jodin, po i merr edhe peshkun.
    Më e veçanta e Suzana Terollit, është se ajo është dy herë gjyshe. Të katër fëmijët i ka të martuar e të rregulluar me familjet e tyre. Kujton se kur ishin fillimet e saj në gjuetinë e peshkimit, e kishin ca të zorshme. Por tani e shohin me simpati e ndodh që i vihen në krah, me vajza e me nipër.
    Duke pritur me durim që peshku t’i vijë në grep, biseda me gjyshen peshkatare, shkon edhe te votimet dhe te premtimet, tek mosbesimi në politikën që bëhet, te pensionet që nuk dalin dhe tek vota personale, që nuk do ta lerë të digjet më 11 maj.
    Megjithëtë, 64-vjeçarja Suzana Terolli e shikon jetën me optimizëm dhe e shijon atë. E shijon edhe përmes adrenalinës që i jep peshkimi me grep për disa orë në ditë. Edhe përmes shijes së peshkut të freskët, të zënë nga vetë ajo. Detit të Sarandës e të Ksamilit, gjyshja peshkatare i merr jo vetëm jodin e nevojshëm për shëndet të mirë, por edhe peshkun e oktapodin. Pa u mërzitur edhe kur ka raste që largohet duarbosh.
    Sepse atë, bashkë me Agronin, burrin e saj pranë, do t’i gjesh sërish duke hedhur e mbledhur fillot e tyre, si një sport që u jep kënaqësi e pastaj ekonomi.

  • Kalvari i tokës në Ksamil, të kesh pronë në Shqipëri një nga hallet më të mëdha

    Kalvari i tokës në Ksamil, të kesh pronë në Shqipëri një nga hallet më të mëdha

    Disa herë emisioni “Stop” ka transmetuar denoncime për Suzana Isufajn, me pretendimin se ajo përmes dokumenteve të parregullta ka përfituar prona, që nuk i takojnë. Silvi Golja një i afërm i Suzanës, dëshmoi nga Kanadaja se Isufaj e ka dhënë pronën e babait të tij me qira në vitin 2021 mbi bazën e një prokure, që i ati Agron Golja i kishte dhënë Suzanës për përfaqësim në gjyqe, por që kishte skaduar në vitin 2017.Të ardhurat e qirasë së pronës me 25 bashkëpronarë i merr vetëm Suzana Isufaj. Gjithçka nisi me një kërkesë-padi të Janarit 2012, me të cilën Suzana Isufaj kërkon të godasë një vendim të vitit 2007 të Agjencisë së Kthimit të Pronave.
    Përmes këtij procesi gjyqësor Suzana synonte të bëhej pronare e 100 hektarëve pronë, anës detit në Ksamil. Prona kap vlerën e tregut rreth 300 milionë euro. Palë në procesin e mbyllur në kohë rekord, për 3 muaj, kanë qenë Agjencia e Kthimit të Pronave dhe Avokatura e Shtetit, 2 institucione Kushtetuese, që mbrojnë interesat e shtetit shqiptar.Ka dyshime se firma e përfaqësuesit të Avokaturës së Shtetit Kristaq Kutra ishte e falsifikuar, nëse krahasohet me të tjera nënshkrime të tij. Trupi gjykues me kryesues Alltun Cela dhe anëtarë Nevrie Duka dhe Petrit Aliaj, vendosën pranimin e kërkesës së Suzana Isufaj Cini, duke e bërë pronare të 100 hektarëve prona në Ksamil.
    Ish-kryetari i Gjykatës Sarandë Alltun Çela, iu shmang shpjegimit duke thënë, se nuk i kujtohej rasti. Menjëherë pas transmetimit tonë, Avokatura e Shtetit falenderoi emisionin “Stop”, duke rivendosur afatet për këtë vendim, që tani do të apelohet nga ky institucion shtetëror.

  • Të shtënat me armë zjarri në Fier, zbulohet shkaku! Çfarë ndodhi një muaj më parë mes të rinjve?

    Të shtënat me armë zjarri në Fier, zbulohet shkaku! Çfarë ndodhi një muaj më parë mes të rinjve?

    Të tjera detaje janë zbuluar nga ngjarja e një dite më parë në Fier (9 prill), ku ndaj nënë e bir, Suzana dhe Hysen Mërnica, u qëllua me armë zjarri, por për fat të mirë i shpëtuan plumbave.
    Sipas gazetarit Igli Çelmeta, shkak për sherrin ka qenë një konflikt mes të rinjsh një muaj më parë, konkretisht mes të lënduarit Hysen Mërnica dhe Ali Cimilit, ky i fundit i shpallur në kërkim pas ngjarjes së djeshme.
    Mësohet se Ali Cimili bashkë me të atin, Afrim Cimili, i cili është arrestuar, i kanë dalë përpara Suzana Mërnicës dhe djalit të saj, Hysen Mërnicës, teksa këta të fundit lëviznin me motor.
    Nga të shtënat nënë e bir nuk janë plagosur, por janë dëmtuar nga goditja prej makinës së autorëve. “Palët e përfshira në sherr rezultojnë se janë kushërinj”, raportoi Çelmeta.
    Igli Çelmeta: Policia ka zbardhur ngjarjen e djeshme në Fier, ku u plagosën nënë e bir. Policia ka arrestuar Afrim Cimilin e ka shpallur në kërkim Ali Cimilin dhe babanë e tij. Babë e bir i kanë dalë përpara nënës dhe djalit, Suzana Mërnicës dhe djalit të saj, Hysen Mërnicës. Nga të shtënat nuk janë dëmtuar nënë e bir, por janë plagosur nga goditja prej makinës së autorëve.
    Shkak për ngjarjen dyshohet se është një konflikt i ndodhur një muaj mes Hysen Mërnicës dhe Ali Cimilit. Palët e përfshira në sherr rezultojnë se janë kushërinj. Është arrestuar Afrim Cimili dhe është shpallur në kërkim djali i tij.

  • Arrestohet autori i sulmit me armë në Fier, në kërkim djali i tij 23-vjeçar

    Arrestohet autori i sulmit me armë në Fier, në kërkim djali i tij 23-vjeçar

    Policia e Fierit ka mundur të arrestojë një nga autorët e plagosjes së nënë e bir një ditë më parë në fshatin Dërmenas.
    66-vjeçari Ali Cimili, së bashku me djalin e tij Afrim Cimili  qëlloi me armë në drejtim të Suzana Mernica dhe djalit të saj, Hysen Mernica.Lexo edhe :Related Posts
    Nga të shtënat nuk pati të dëmtuar edhe pse fillimisht u raportua se  Suzana Mernica ishte plagosur me armë.

    Por nga ekspertiza mjeko-ligjore rezultoi se nënë e bir mbetën të lënduar nga goditja e motomjetit me të cilin ata lëviznin, nga automjeti që drejtonte  23-vjeçari i shpallur në kërkim.
    Shkak i ngjarjes dyshohet të jetë një konflikt i mëparshëm ndërmjet 23-vjeçarit Afrim Cimili  dhe 26-vjeçarit Hysen Mernica.
    Pas ngjarjes 23-vjeçari është larguar nga vendngjarja, së bashku me babanë e tij.
    Në vendngjarje janë sekuestruar gëzhoja dhe prova që do t’i shërbejnë hetimit për këtë ngjarje.
    Gjithashtu, janë sekuestruar njëri prej automjeteve të përdorur prej autorëve dhe 3 celularë.
    Suzana Mernica është e afërme e Azgan Mernicës i cili vrau me plumb në kokë efektivin e Shqiponjave, Novruz Cenalia në vitin 2024./vizionplus.tv

  • Zbardhet dinamika e atentatit të dështuar në Fier, policia arreston 66-vjeçarin, në kërkim i biri! Suzana Mernica nuk u plagos nga të shtënat

    Zbardhet dinamika e atentatit të dështuar në Fier, policia arreston 66-vjeçarin, në kërkim i biri! Suzana Mernica nuk u plagos nga të shtënat

    Policia e Fierit ka zbardhur dianmikën e atentatit të dështuar, të ndodhur ditën e djeshme në fshatin Dërmenas.
    Autorët e dyshuar Afrim Cimili dhe Ali Cimili qëlluan me armë zjarri në drejtim të një motori me të cilin po lëvizte Suzana Mernica së bashku me të birin.Lexo edhe :Related Posts
    Ditën e djeshme policia raportoi se Suzana Mërcnica mbeti e plagosur me armë zjarri, por pas hetimeve u konstatua se motori i tyre u godit nga makina e drejtuar nga 23-vjeçari dhe si pasojë nënë e bir mbetën të lënduar.

    “Si rezultat i veprimeve hetimore u zbardh dinamika e rastit, si dhe u kap dhe u vu në pranga 66-vjeçari. Nga këto veprime dyshohet se shtetasit A. C. dhe A. C., për shkak të një konflikti të mëparshëm ndërmjet 23-vjeçarit dhe 26-vjeçarit, kanë qëlluar me armë zjarri, në drejtim të motomjetit me të cilin lëviznin shtetasit H. M. dhe S. M.. Nga të shtënat nuk pati shtetas të dëmtuar. Më pas, 23-vjeçari ka goditur me automjetin me të cilin lëvizte, motomjetin, dhe është larguar nga vendngjarja, së bashku me babanë e tij. Si pasojë e goditjes së motomjetit, janë dëmtuar shtetasit H. M. dhe S. M., të cilët janë në kujdesin e mjekëve dhe jashtë rrezikut për jetën”, njoftoi policia.
    Në vendngjarje janë sekuestruar gëzhoja dhe prova që do t’i shërbejnë hetimit për këtë ngjarje. Gjithashtu, janë sekuestruar njëri prej automjeteve të përdorur prej autorëve dhe 3 celularë.
    Vijojnë kërkimet për kapjen e 23-vjeçarit. Materialet procedurale iu referuan Prokurorisë së Fierit, për veprime të mëtjeshme, për veprat penale “Vrasja me paramendim”, mbetur në tentativë, kryer në bashkëpunim, dhe “Prodhimi dhe mbajtja pa leje e armëve, armëve shpërthyese dhe municionit luftarak”.