Lajmidites.com

Tag: sulmuesit

  • Balotelli zgjedh 3 sulmuesit më të mirë italianë të gjitha kohërave, ka dyshime mes Tottit dhe Del Pieros

    Balotelli zgjedh 3 sulmuesit më të mirë italianë të gjitha kohërave, ka dyshime mes Tottit dhe Del Pieros

    13 Tetor 2025

    11:52

    Alfred Lleshi

    Në Festivalin e Sportit në Trento, Mario Balotelli zbuloi top-3 sulmuesit më të mirë italianë të të gjitha kohërave: “Duhet të vendos Riva, patjetër. Baggio gjithashtu, pastaj jam i ndarë mes Del Piero dhe Totti. Sigurisht do të ishte edhe Vieri, nuk është e lehtë të zgjedh tre. Po vendos Totti”.
    Ai foli edhe për marrëdhënien me Zlatan Ibrahimovic: “Më pëlqente shumë Tevez, edhe Zlatan nuk ishte keq. Pastaj kam luajtur me Figo, Kakà, Gerrard, Pirlo…, ndoshta harroj dikë. Ibra? Pak ‘i bezdisshëm’, por vetëm me ata që i do. Donte që të jepja më të mirën në çdo ndeshje dhe stërvitje. Si i ri, ndonjëherë zgjohesha me humor të keq dhe ai më përgatiste, por ishte mënyra e tij për të më dhënë dashuri”.
    Balotelli komentoi edhe largimin e papritur nga kombëtarja: “Arsyeja e vërtetë? Nuk e di as vetë. Mund ta imagjinoj, por nuk mund të jem i sigurt. A ka lidhje me pak afinitet me botën e Juventusit? Ndoshta po. Gjithsesi, nuk kam pasur asnjë konflikt, gjithmonë kam shkuar mirë me të gjithë. Thjesht janë marrë vendime të ndryshme duke dëgjuar persona të caktuar, kaq”.

  • Tare në aksion, Levandovskit i del emri te Milan

    Tare në aksion, Levandovskit i del emri te Milan

    Sipas raportimeve të mediave spanjolle (Sport), dhe atyre italiane (Sportmediaset), Igli Tare drejtori sportiv i Milanit ka filluar bisedimet për të sjellë në Milanelo sulmuesin polak Robert Levandoski. Mësohet se ka pasur kontakte midis agjentit të sulmuesit të Barcelonës, Pini Zahavi, dhe drejtorit sportiv të Milanit, Igli Tare, i cili ka kërkuar informacion për të kuptuar situatën në lidhje me të ardhmen e sulmuesit dhe gatishmërinë e tij për të konsideruar një transferim në Itali.

    Në fakt, Tare ëndërron një tjetër nënshkrim në stilin e Modriç, pasi kontrata e sulmuesit 37-vjeçar të Barcelonës skadon më 30 qershor. Ndërsa ish-lojtari i Dortmund dhe Bajern Mynih do të ishte i lumtur ta përfundonte karrierën e tij në Camp Nou, por gjithçka do të vendoset pas pak javësh. Me shumë gjasë ai do të ishte i lirë të arrinte një marrëveshje me një klub tjetër që në janar.

    Duke pasur parasysh që polaku fiton 33 milionë euro në vit në Spanjë, klubi Blaugrana deri vonë me probleme për të regjistruar lojtarë mund ta shpërfillë idenë e polkaut për të qëndruar gjatë në Bracelonë.

    Vazhdo leximin

  • Ngjarja e rëndë me dy të vrarë në Dallas, FBI: Fishekët e gjetur pranë personit të armatosur përmbajnë mesazh anti-ICE

    Ngjarja e rëndë me dy të vrarë në Dallas, FBI: Fishekët e gjetur pranë personit të armatosur përmbajnë mesazh anti-ICE

    FBI-ja po e heton incidentin si një akt dhune, thotë agjenti special i FBI-së, Joe Rothrock.

    Provat e hershme tregojnë se fishekët e gjetur pranë sulmuesit përmbanin mesazhe me natyrë anti-ICE, shton Rothrock.Këto të dhëna po analizohen për të përcaktuar lidhjet e mundshme me grupet ekstremiste ose qëllimet e sulmuesit.

    Ky detaj i rëndësishëm mund të ofrojë një pasqyrë më të thellë mbi motivet dhe qëllimet e veprimit të tij, duke shtuar kompleksitetin e hetimit.

    Top Channel

  • “Kam folur edhe me trajnerin, ndihem më mirë pas sulmuesit”, Bajrami: E bëmë mirë analizën nga ndeshja e fundit

    Shqipëria ka bërë detyrën mbrëmjen e sotme. Kuqezinjtë kanë mposhtur Letoninë me shifrat minimale 1-0 në “Air Albania”. Ndeshja u vendos nga Kristjan Asllani në minutën e 25. Një prekje e topit me dorë në zonë i dha mundësinë e një 11 metërshi Kombëtares shqiptare. Asllani u tregua i saktë nga pika e bardhë e penalltisë, duke i dhënë kështu tre pikë mjaft të vyera kuqezinjve. Pas përfundimit të takimit, protagonistët kanë dhënë intervistat e tyre për mikrofonin e “Super Sport”-it.
    Bajrami: “Nuk kam luajtur shumë kohët e fundit, por për Kombëtaren jam gjithmonë gati. Ky ishte shansi im. Ndeshjen e fundit kur luajtëm jashtë, e bëmë analizën mirë. Rëndësi tani ka që të kthehemi në klube dhe të fokusohemi aty. Kur të thërritemi sërish në Kombëtare, duhet të japi gati dhe të japim 100%. Këto biseda i kam pasur edhe me trajnerin. Unë ndihem më mirë pas sulmuesit, por luaj edhe në krahë”./Sport Ekspres/

  • Ndodh për herë të parë te Milan, pas 100 vitesh. Pas largimit të Luka Jovic, kuqezinjtë mbeten pa numrin 9

    Ndodh për herë të parë te Milan, pas 100 vitesh. Pas largimit të Luka Jovic, kuqezinjtë mbeten pa numrin 9

    7 Shtator 2025

    17:29

    Telesport

    Milan ishte një nga ekipet më aktive në merkaton e fundit, ku pati disa përforcime, por edhe shumë largime. Një nga lojtarët e larguar ishte edhe Luka Jovic, i cili mbante numrin 9 te kuqezinjtë.
    Pas largimit të sulmuesit serb, Milan mbetet për herë të parë pas plot 100 vitesh pa numrin 9. Edhe pse vitet e fundit, sulmuesit që e kanë mbajtur këtë numër, nuk është se kanë patur ndonjë rendiment të jashtëzakonshëm, me përjashtim të Oliver Giroud, numri 9 ka një rëndësi dhe peshë për çdo ekip.
    Nga opsionet që Milan ka aktualisht në sulm, asnjë prej tyre nuk do të mbajë fanellën me numrin 9 këtë sezon. “La Gazzetta dello Sport” thotë se fakti që askush nga sulmuesit e tanishëm nuk mban numrin 9, mund të jetë shenjë për transferimin e Dusan Vlahovic në merkaton e janarit. Sulmuesit serb i skadon kontrata me Juventus në fund të këtij sezoni dhe deri tan nuk ka shenja për rinovim mes palëve.

  • Juventus siguron të ardhmen e sulmuesit, gati rinovimi i kontratës deri në vitin 2030

    Juventus siguron të ardhmen e sulmuesit, gati rinovimi i kontratës deri në vitin 2030

    3 Shtator 2025

    9:37

    Telesport

    Juventus dëshiron të sigurojë të ardhmen e sulmuesit turk Kenan Yildiz. Siç raportohet nga “Tuttosport”, pas pushimit të ndeshjeve ndërkombëtare, bisedimet do të rifillojnë në lidhje me rinovimin e kontratës së tij.
    Kontrata aktuale e 20-vjecarit, që është rritur me bardhezinjtë dhe luan prej dy sezo nesh në ekipin e parë, skadon në vitin 2029. Qëllimi i klubit bardhezi është ta zgjasë atë të paktën deri në vitin 2030.
    Për sa i përket rrogës, ajo pritet të fillojë me të paktën 3.5 apo 3.6 milionë euro neto për sezon, duke u rritur me kalimin e viteve deri sat ë shkojë në pagën fikse prej 4 milionë eurosh, plus disa bonuse.
    Me fanellën bardhezi, Kenan Yildiz ka realizuar 16 gola në 85 ndeshje zyrtare, një talent që Juventus kërkon ta mbajë fort. Për momentin, kostoja e martonit të tij është 50 milionë euro.

  • Juventusi nuk dorëzohet për Kolo Muani, ndryshon strategji për ta bindur PSG-në

    Juventusi nuk dorëzohet për Kolo Muani, ndryshon strategji për ta bindur PSG-në

    Koha për merkaton verore po shkon drejt fundit. Limiti është e hëna, ora 20:00, por Juventusi ende nuk e ka zgjidhur çështjen e sulmuesit francez, Kolo Muani. Drejtori Comolli ka shfaqur qetësi, por janë orë vendimtare për të provuar ta rikthejë sulmuesin francez në “Continassa”.
    Negociatat me PSG-në kanë pasur luhatje gjatë gjithë verës, me njoftime të ndryshme për afrimin e sulmuesit dhe pengesa të papritura, që kanë acaruar tifozët bardhezinj dhe vetë protagonistët. Në Torino vazhdojnë të punojnë me të gjitha mënyrat për të arritur një marrëveshje pozitive, duke ruajtur optimizmin, pavarësisht “barrës” që krijon Vlahovic dhe vështirësive me disa dalje të tjera që nuk po realizohen.
    Sipas mediave italiane, Juventusi ka ndryshuar ofertën për PSG-në. Tani ofrohet një huazim më i shtrenjtë, mbi 10 milionë euro, me të drejtën për blerje, që do të bëhej obligative nëse do të plotësoheshin disa kushte sportive.
    Alternativa është edhe një huazim i thjeshtë deri në qershor 2026, duke shtyrë çdo vendim për transferimin përfundimtar. Të dyja opsionet do t’i lejonin Juventusit të respektojë rregullat e “fair-play financiar” të UEFA-s. Tani, përgjigja varet nga kampioni aktual i Europës, ndërsa koha po mbaron shpejt.

  • Tronditëse! Ish-sulmuesi gjendet i vdekur në banesën e tij, dyshimet e para

    Tronditëse! Ish-sulmuesi gjendet i vdekur në banesën e tij, dyshimet e para

    Futbolli afrikan është në zi pas ndarjes nga jeta të ish-sulmuesit të njohur, Tendai Ndoro, në moshën 40-vjeçare. Ai u gjet i vdekur në banesën e tij në Johannesburg, Afrikë e Jugut.

    Lajmin e hidhur e konfirmoi klubi i tij i dikurshëm, Orlando Pirates, me një deklaratë zyrtare: “Jemi thellësisht të pikëlluar për humbjen e ish-sulmuesit tonë Tendai Ndoro. Klubi shpreh ngushëllimet më të sinqerta për familjen, miqtë dhe të dashurit e tij në këtë moment të vështirë.”
    Tifozët kanë shpërndarë dhjetëra mesazhe prekëse në rrjete sociale.
    Njëri prej tyre shkroi: “Pusho në paqe, vëlla.”
    Një tjetër shtoi: “Faleminderit për kujtimet. Ngushëllime për familjen. Deri sa të takohemi sërish.”
    Ndërsa një fans kujtoi golin e tij të paharruar kundër Kaizer Chiefs: “Nuk do ta harroj kurrë atë perlë… RIP legjendë Ndoro.”
    Ndoro ka qenë pjesë e Kombëtares së Zimbabwes në periudhën 2013–2017, ku ka zhvilluar 14 ndeshje dhe ka realizuar pesë gola, një prej tyre në Kupën e Kombeve të Afrikës 2017 kundër Tunizisë.
    Ai spikati fillimisht me klubin Chicken Inn në Zimbabve, përpara se të transferohej në Premier Ligën e Afrikës së Jugut më 2013.
    Me Black Aces shënoi 14 gola, ndërsa me Orlando Pirates bëri historinë duke realizuar 23 gola në dy sezone dhe u shpall golashënuesi i dytë më i mirë i kampionatit në sezonin 2016/17.
    Më pas, karriera e tij vazhdoi me një eksperiencë në Arabinë Saudite te Al-Faisaly, përpara se të rikthehej në Afrikën e Jugut me Ajax Cape Town dhe Highlands Park. Lojtari i varur këpucët në vitin 2020 me klubin Al-Orouba në Oman.
    Shkaku i vdekjes së Ndoro ende nuk është bërë publik, por raportohet se ish-futbollisti ka pasur probleme shëndetësore kohët e fundit.

  • Skandal/ Thirrje për sulmuesin kuqezi, Daku sulmohet nga tifozët e Zenitit

    Skandal/ Thirrje për sulmuesin kuqezi, Daku sulmohet nga tifozët e Zenitit

    Në Rusi plas skandali. Mirlind Daku sulmohet nga tifozët e Zenitit. Incidenti ndodhi më 12 gusht në Shën Petersburg gjatë raundit të dytë të fazës së grupeve të Kupës së Rusisë.
    “Komiteti i Kontrollit dhe Disiplinës i RFU-së do të shqyrtojë episodin me thirrje ofenduese nga tifozët e Zenitit të Shën Petersburgut, drejtuar sulmuesit të Rubin të Kazanit, Mirlind Daku”, tha për “RIA Novosti” kreu i komitetit, Artur Grigoryants. Incidenti ndodhi më 12 gusht në Shën Petersburg, në raundin e dytë të fazës së grupeve të Kupës së Rusisë “RPL”, në të cilën Zeniti mposhti Rubinin 3-0.

    Mirlind Daku, sulmuesi i ekipit të Kazanit, shënoi një gol, por ai u anulua pas ndërhyrjes së VARit. Në verë, Zeniti tregoi interes për transferimin e sulmuesit shqiptar, por marrëveshja nuk u realizua dhe Rubin ia zgjati kontratën futbollistit 27- vjeçar. “Në ndeshjen ZenitRubin do të shqyrtojmë brohoritjet masive të përsëritura me shprehje fyese nga tifozët e ekipit vendas, drejtuar sulmuesit të ekipit mik, Mirlind Daku”, tha Artur Grigoryants. Mbledhja do të zhvillohet më 20 gusht.

  • “Hojlund ka paguar fajet, që nuk ishin vetëm të tija. Në Itali mund të rilindë”

    “Hojlund ka paguar fajet, që nuk ishin vetëm të tija. Në Itali mund të rilindë”

    I intervistuar nga “MilanNews.it”, gazetari i “Daily Mail”, Chris Wheeler, që merret kryesisht me çështjet e lidhura me Manchester United, foli kështu për objektivin numër një të merkatos kuqezi, Rasmus Hojlund:
    “Te Manchester United nuk funksionoi shumë për të. Shënoi 16 gola në sezonin e parë, por vetëm 10 në të dytin, prej të cilëve 4 në Premier League, që nuk mjaftojnë për një klub kaq të madh dhe çmim kartoni të lojtarit kaq të lartë. Duhet të kemi pak mëshirë për të, sepse luante në një skuadër mesatare dhe furnizohej shumë keq. Për më tepër, iu desh të mbante një barrë të madhe duke qenë kaq i ri. Nëse sulmuesit blihen për 72 milionë paund, ndodh sepse duhet ta ringrenë një skuadër. Ai nuk e bëri kurrë këtë”.
    Çfarë i mungoi për t’u imponuar në futbollin anglez?Nuk shënoi mjaftueshëm gola, kaq e thjeshtë. Nuk ishte cinik sa duhet para portës, siç duhet të jenë sulmuesit e mëdhenj. Është një sulmues fizik, por megjithatë u pa shpesh ta humbiste shumë lehtë dyluftimin. Nuk pati kurrë një lidhje të fortë me shokët e skuadrës.
    Hojlund konsiderohet ndër sulmuesit më të dobët në historinë e Manchester United…Jo, kjo do të ishte e padrejtë të thuhej. Ishte fatkeqësi që firmosi për një shumë të fryrë dhe luajti në një skuadër të dobët të Manchester United. Edhe sulmues të tjerë të shtrenjtë kanë vuajtur te “Djajtë e Kuq”: Gary Birtles dhe Alan Brazil në vitet ’80, në kohët më të fundit edhe emra si Radamel Falcao. Manchester United nuk ka pasur një qendërsulmues të madh që prej kohës së Robin van Persie dhe, për një periudhë të shkurtër, Zlatan Ibrahimovic.
    A mund të rilindë në futbollin italian?Shpresoj. Shifrat që tregoi tek Atalanta ishin aq të mira sa e bindën Manchester United ta blinte. Bëri mirë edhe te Sturm Graz. Shumë lojtarë që nuk patën sukses te Manchester United, si Romelu Lukaku, Alexis Sanchez dhe Matteo Darmian, kanë bërë mirë në Itali. Pastaj, Hojlund ka ende një karrierë të gjatë përpara.