Lajmidites.com

Tag: sulmi

  • Sulmi kibernetik futi në kaos aeroportet e Europës, autoritetet angleze arrestojnë 40-vjeçarin që dyshohet se fshihet pas tij

    Sulmi kibernetik futi në kaos aeroportet e Europës, autoritetet angleze arrestojnë 40-vjeçarin që dyshohet se fshihet pas tij

    Një burrë rreth të 40-ave është arrestuar nga Agjencia Kombëtare e Krimit (NCA) e Mbretërisë së Bashkuar në lidhje me sulmin kibernetik që goditi Aeroportin Heathrow dhe aeroporte të tjera të mëdha evropiane fundjavën e kaluar.

    40-vjeçari u arrestua në West Sussex të martën dhe u akuzua për shkelje të Aktit të Keqpërdorimit të Kompjuterëve dhe është liruar me kusht. Sulmi kishte në shënjestër Collins Aerospace dhe shkaktoi probleme me sistemet e regjistrimit dhe të hipjes në bord, duke rezultuar në vonesa të konsiderueshme në fluturime në Heathrow, Bruksel dhe Berlin.
    “Ndërsa ky arrestim është një hap pozitiv, hetimi është ende në një fazë të hershme dhe është duke vazhduar. Krimi kibernetik mbetet një kërcënim i vazhdueshëm global që vazhdon të shkaktojë ndërprerje të konsiderueshme në Mbretërinë e Bashkuar. Së bashku me partnerët tanë vendas dhe ndërkombëtarë, NCA është e angazhuar për të zvogëluar këtë kërcënim në mënyrë që të mbrojë publikun britanik”, tha Zëvendësdrejtori i NCA-së, Paul Foster, Kryetar i Njësisë Kombëtare të Krimit Kibernetik.
    Autoritetet po hetojnë më tej rrethanat e sulmit dhe shkallën e mundshme të përfshirjes së individit të arrestuar.

    Top Channel

  • Sulmi kibernetik, përsëri vonesa në fluturime në gjithë Evropën

    Sulmi kibernetik, përsëri vonesa në fluturime në gjithë Evropën

    Pasagjerët po përballen me një tjetër ditë me vonesa fluturimesh nëpër Evropë, pasi aeroportet kryesore vazhdojnë të përballen me pasojat e një sulmi kibernetik ndaj kompanisë që qëndron pas softuerit të përdorur për check-in dhe imbarkim.

    Disa nga aeroportet më të mëdha të Evropës, përfshirë atë të Heathrow në Londër, kanë qenë duke u përpjekur të rikthejnë në funksionimin normal gjatë ditëve të fundit, pasi një sulm të premten ndërpreu softuerin automatik të check-in-it dhe imbarkimit.

    Problemi ka buruar nga Collins Aerospace, një ofrues softuerësh që punon me disa linja ajrore në mbarë botën.

    Kompania, e cila është një degë e gjigantit amerikan të industrisë ajrore dhe mbrojtjes RTX, tha këtë të hënë se po punonte me katër aeroporte dhe klientë linjash ajrore të prekur, dhe ishte në fazat përfundimtare të përditësimeve të nevojshme për të rikthyer në funksionalit të plotë.

    Agjencia e Bashkimit Evropian për Sigurinë Kibernetike tha të hënën se Collins kishte pësuar një sulm ransomware, një lloj sulmi ku hakerët bllokojnë të dhënat dhe sistemet e shënjestrës, duke kërkuar shpërblim për t’i zhbllokuar ato.

    Aeroportet në Bruksel, Dublin dhe Berlin gjithashtu kanë përjetuar vonesa. Ndërkohë që kioskat dhe makineritë për dorëzimin e bagazheve ishin jashtë funksionit, stafi i linjave ajrore është mbështetur në përpunimin manual.

    Siç shkruan “The Guardian”, Jonathan Hall KC, vlerësues i pavarur i qeverisë britanike për legjislacionin kundër terrorizmit, tha se ishte e mundur që sulmi të ishte kryer nga hakerë të sponsorizuar nga shteti.

    Kur u pyet nëse një shtet si Rusia mund të ishte përgjegjës, Hall i tha Times Radio: “Çdo gjë është e mundur.”

    Ai shtoi se, ndonëse njerëzit mendojnë me të drejtë për shtete që ndërmarrin veprime të tilla, gjithashtu është e mundur që edhe entitete shumë të fuqishme dhe të sofistikuara private të jenë pas këtyre veprimeve.

    Një zëdhënës i aeroportit të Brukselit tha se Collins Aerospace ende nuk e kishte konfirmuar nëse sistemi ishte i sigurt sërish. Të hënën, 40 nga 277 fluturimet e nisjes nga ky aeroport dhe 23 nga 277 fluturimet hyrëse u anuluan.

    Një zëdhënës i Heathrow tha se “shumica dërrmuese e fluturimeve në Heathrow po operojnë normalisht, edhe pse check-in-i dhe imbarkimi për disa fluturime mund të zgjasë pak më shumë se zakonisht”.

    Heathrow u kërkoi pasagjerëve të kontrollojnë statusin e fluturimit të tyre para se të udhëtojnë për në aeroport, dhe të “mos mbërrijnë më herët se tre orë për fluturime ndërkontinentale dhe dy orë për fluturime të shkurtra”.

    Një zëdhënës i aeroportit të Dublinit tha se nuk pritej të kishte anulime të hënën për shkak të problemeve IT, por nuk e përjashtoi mundësinë. Të dielën, Aer Lingus tha se ishte “ndjeshëm i prekur” nga problemi.

    Sulmi ka nxjerrë në pah rreziqet që lidhen me varësinë e aeroporteve nga furnitorët për teknologji kritike. Komisioni Evropian tha të shtunën se po e monitoronte nga afër incidentin dhe se “shenjat aktuale nuk tregojnë për një sulm të përhapur apo të rëndë”.

    Aksionet e disa linjave ajrore ranë në treg mëngjesin e të hënës, duke përfshirë pronarin e British Airways, IAG, që ra me 1.2%, easyJet me 1.4% dhe Wizz Air me 1.1%.

  • Fillon trajnimi i civilëve ne Venezuelë për të luftuar kundër SHBA-së në rast të një sulmi

    Fillon trajnimi i civilëve ne Venezuelë për të luftuar kundër SHBA-së në rast të një sulmi

    Bota E Diel, 21 Shtator 2025 18:29
    Qeveria venezueliane po trajnon civilë se si të përdorin armët për të mbrojtur vendin në rast të një sulmi amerikan.
    ”Nën sloganin ‘Kazermat shkojnë te populli’, ushtarët kanë zhvilluar seancat e para të trajnimit në pjesë të ndryshme të vendit”, tha sot presidenti Nicolas Maduro.

    Ai u bëri thirrje fermerëve venezuelianë të jenë të përgatitur dhe, nëse është e nevojshme, të marrin armët masivisht.

    “Populli venezuelian i thotë perandorisë: Ndalo kërcënimet!” u tha Maduro fermerëve në një tubim.

    Ai pretendoi se ndërsa Shtetet e Bashkuara kërcënojnë Venezuelën, vendi i Amerikës së Jugut është më i bashkuar se kurrë në mbrojtjen e sovranitetit të tij.
    Vetëm pak ditë më parë, Venezuela nisi një manovër ushtarake në shkallë të gjerë në Karaibe mes tensioneve në rritje me Shtetet e Bashkuara.
    Në javët e fundit, ushtria amerikane ka sulmuar atë që thotë se ishin disa anije trafikimi droge në ujërat në jug të SHBA-së, duke vrarë shumë njerëz.
    Presidenti Donald Trump akuzon Venezuelën për dërgimin e drogës në SHBA.
    Përveç kësaj, Trump e ka kërcënuar Maduron me pasoja drastike nëse qeveria e tij nuk merr menjëherë mbrapsht shtetas të caktuar, përfshirë kriminelë të dyshuar. ATSH

  • Kaos në aeroportet evropiane pas një sulmi kibernetik, gjysma e fluturimeve anulohen

    Kaos në aeroportet evropiane pas një sulmi kibernetik, gjysma e fluturimeve anulohen

    Pasagjerët në disa nga aeroportet më të mëdha të Europës vijojnë të përballen me vështirësi serioze këtë të diel, pas një sulmi kibernetik që preku sistemin e regjistrimit të fluturimeve të shtunën, duke shkaktuar paralizë të operacioneve në disa terminale.

    Aeroporti i Brukselit ka njoftuar se gjysma e fluturimeve të planifikuara për t’u nisur sot do të anulohen, për shkak të ndërprerjes së vazhdueshme të sistemit të regjistrimit elektronik.
    “U kemi kërkuar linjave ajrore të anulojnë 50% të fluturimeve të së dielës, më 21 shtator, për të shmangur radhët e gjata dhe anulimet e vonshme,” deklaroi një zëdhënës i aeroportit.
    Eurocontrol, agjencia evropiane e menaxhimit të trafikut ajror, u ka kërkuar gjithashtu linjave ajrore të reduktojnë gjysmën e orarit të fluturimeve për në dhe nga Brukseli deri të hënën.
    Sulmi prek edhe Heathrow-n dhe Berlinin
    Aeroporti Heathrow në Londër gjithashtu është prekur nga sulmi, me disa fluturime të vonuara për shkak të një “problemi teknik” që ndikon sistemet e regjistrimit të disa linjave ajrore. Ndërkohë, pritje të gjata dhe vonesa janë raportuar edhe në Aeroportin Brandenburg të Berlinit.
    Kompania RTX, pronare e Collins Aerospace – e cila operon sistemin Muse, softuerin e prekur – konfirmoi se bëhej fjalë për një “ndërprerje të lidhur me një sulm kibernetik” që preku “aeroporte specifike”.
    Muse është një sistem i përbashkët i përdorur nga linja të ndryshme ajrore për regjistrimin e pasagjerëve dhe dorëzimin e bagazheve në sportele të përbashkëta.
    Në Heathrow, British Airways ka kaluar në një sistem rezervë dhe po operon normalisht, por shumica e linjave të tjera ajrore janë prekur rëndë. Administrata e aeroportit paralajmëroi për vonesa të mëtejshme, ndërsa përpjekjet për rivendosjen e plotë të sistemit janë ende në vijim.
    Komisioni Evropian tha se po “monitoron nga afër” situatën, duke shtuar se nuk ka indikacione që sugjerojnë një përhapje të gjerë apo një kërcënim më serioz.
    Sipas platformës FlightAware, qindra fluturime u vonuan të shtunën në të gjithë Evropën. Në Irlandë, aeroportet e Dublinit dhe Korkut raportuan “ndikim të vogël”, me disa linja ajrore që kaluan në regjistrim manual.
    EasyJet dhe Ryanair, të cilat nuk përdorin sistemet e prekura në Heathrow, thanë se po operojnë normalisht.
    Megjithatë, në një incident të veçantë në Aeroportin e Dublinit, Terminali 2 u evakuua përkohësisht për shkak të një alarmi sigurie për bagazhe të dyshimta – që më vonë rezultuan të padëmshme.
    Analistët e sigurisë kibernetike thonë se ky incident tregon sërish dobësinë e industrisë së aviacionit ndaj sulmeve në infrastrukturën dixhitale. Në korrik, një ndërprerje globale për shkak të një përditësimi të gabuar nga CrowdStrike shkaktoi anulime masive në SHBA.
    Ka dyshime të pakonfirmuara se hakerë të lidhur me Moskën mund të jenë pas këtij sulmi, por ekspertët theksojnë se sulmet më të mëdha vitet e fundit janë kryer nga grupe kriminale që kërkojnë përfitime financiare përmes zhvatjes.
    Collins Aerospace ende nuk ka dhënë komente publike mbi natyrën apo origjinën e sulmit, ndërsa hetimet janë në vazhdim.

    Top Channel

  • Kaos në qiellin e Europës! Sulmi kibernetik paralizoi aeroportet evropiane, gjysma e fluturimeve anulohen

    Kaos në qiellin e Europës! Sulmi kibernetik paralizoi aeroportet evropiane, gjysma e fluturimeve anulohen

    foto ilustruese

    BRUKSEL- Një sulm kibernetik ndaj një ofruesi të sistemeve të regjistrimit dhe imbarkimit ndërpreu operacionet të shtunën në disa aeroporte kryesore evropiane, përfshirë Heathrow të Londrës, më i ngarkuari në kontinent, duke shkaktuar vonesa dhe anulime fluturimesh. Pasagjerët vijojnë të përballen me vështirësi serioze këtë të dielë, pasi sulmi kibernetik shkaktoi paralizë të operacioneve në disa terminale
    Ky ndërprerje është e fundit në një seri sulmesh kibernetike që synojnë qeveritë dhe kompanitë në të gjithë botën, duke goditur sektorë nga kujdesi shëndetësor dhe mbrojtja deri te shitja me pakicë dhe automobilat. Një shkelje e kohëve të fundit në prodhuesin e makinave luksoze Jaguar Land Rover solli ndërprerjen e prodhimit të tij.
    Problemet e së shtunës u përqendruan në softuerin MUSE të prodhuar nga Collins Aerospace, i cili ofron sisteme për disa linja ajrore në aeroporte në nivel global, thanë aeroportet.
    Aeroporti i Heathrow ishte ndër të prekurit. Aeroporti i Brukselit dhe Aeroporti i Berlinit u prekën gjithashtu, thanë ata veçmas. Orë më vonë, Aeroporti i Dublinit tha se po përballej gjithashtu me ndikim të vogël nga problemi, së bashku me Aeroportin e Corkut, i dyti më i madh në Irlandë pas Dublinit.
    Në Heathrow, Berlin dhe Bruksel, 29 nisje dhe mbërritje fluturimesh ishin anuluar që nga ora 11:30 GMT, tha ofruesi i të dhënave të aviacionit Cirium. Në total, 651 nisje ishin planifikuar nga Heathrow, 228 nga Brukseli dhe 226 nga Berlini të shtunën.
    Zyrtarët në Bruksel thanë se kishte pasur katër devijime fluturimesh, si dhe “vonesa në shumicën e fluturimeve në nisje”.
    Aeroporti i Brukselit tha se u kishte kërkuar linjave ajrore të anulonin gjysmën e fluturimeve të planifikuara të dielën për të shmangur radhët e gjata dhe anulimet e vona, duke sinjalizuar se ndërprerja do të vazhdonte gjatë fundjavës.
    Një zëdhënës i Komisionit Evropian tha se aktualisht nuk kishte shenja të një “sulmi të përhapur ose të rëndë” dhe se origjina e incidentit ishte ende nën hetim./ZËRI

  • Në Izrael, Netanyahu shihet si pengesë kryesore për kthimin e pengjeve

    Në Izrael, Netanyahu shihet si pengesë kryesore për kthimin e pengjeve

    Familjet e pengjeve izraelitë që po mbahen ende nga Hamasi kanë deklaruar se kryeministri Benjamin Netanyahu është “pengesa e vetme” që po parandalon kthimin e tyre dhe arritjen e një marrëveshjeje paqeje.
    Në një postim në rrjetet sociale, Forumi i Familjeve të Pengjeve dhe Të Zhdukurve: Ktheni Ata Tani ka theksuar se sulmi i fundit i Izraelit në Katar, ku u goditën udhëheqës të lartë të Hamasit, tregon se “çdo herë që një marrëveshje është afër, Netanyahu e saboton atë”.

    Sulmi i Izraelit në Doha, ka shkaktuar vdekjen e pesë anëtarëve të Hamasit dhe një zyrtari të sigurisë të Katarit. Pas këtij sulmi, Netanyahu ka deklaruar se eliminimi i liderëve të Hamasit në Katar “do të largojë pengesën kryesore” për lirimin e pengjeve dhe përfundimin e luftës.
    Ai gjithashtu ka akuzuar Hamasin se po pengon të gjitha përpjekjet për armëpushim, duke shtyrë kështu luftën në Gaza.
    Sekretari i Shtetit i SHBA, Marco Rubio, udhëtoi për në Izrael dhe pritet të takohet me Netanyahun, ndërkohë që Izraeli po përballet me kritika globale për sulmin në Katar.
    Megjithatë, familjet e pengjeve kanë thënë se reagimi i Netanyahut është “justifikimi më i fundit” për mosmbajtjen e premtimit për kthimin e të dashurve të tyre. Sipas tyre, operacioni i fundit në Katar ka treguar se “ka një pengesë të vetme për kthimin e 48 pengjeve dhe përfundimin e luftës: Kryeministri Netanyahu”.
    Ata theksuan se vonesat e Netanyahut kanë shkaktuar “vdekjen e 42 pengjeve dhe po kërcënojnë jetën e atyre që po mbijetojnë me vështirësi”.
    Koha.net

  • Çfarë nënkupton sulmi izraelit në Katar për Iranin dhe rajonin?

  • Ukraina sulmon luftanijen ruse në Detin e Zi

    Ukraina sulmon luftanijen ruse në Detin e Zi

    Ukraina ka sulmuar një luftanije të flotës së Rusisë në Detin e Zi. Këtë e konfirmon inteligjenca e Kievit që ka shpërndarë edhe pamje të aksionit.
    Sulmi, lexohet në një deklaratë, është kryer me një dron gjatë një operacioni të fshehtë afër portit të Novorosysk.
    Gjithmonë sipas inteligjencës, flota ruse ka vetëm 4 luftanije të këtij lloji dhe vlera e tyre është rreth 60 milionë dollarë. Përdorimi i tyre ka nisur nga viti 2015.

    Nga sulmi ukrainas, janë dëmtuar aparaturat e komunikimit, kontrollit dhe zbulimit të mjetit lundrues. Rusia, ndërkohë, ka bombarduar pa pushim Ukrainën.
    Në rajonin Sumy, një dron goditi një shkollë duke i vënë zjarrin. Bilanci më i rëndë i orëve të fundit është regjistruar në Donjeck, ku 2 persona mbetën të vrarë dhe dhjetë të tjerë u plagosën.
    Forcat ruse kanë bombarduar rëndë dhe Zaporizhian me 527 sulme në 14 zona të ndryshme. Dhjetëra të plagosur janë raportuar në atë rajon. Në shënjestër ka përfunduar edhe Kherson ku konfirmohen 5 të plagosur nga sulmet në 33 vendbanime të ndryshme.
    Forcat e mbrojtjes ajrore të Kievit pretendojnë se kanë rrëzuar me dhjetra dronë dhe raketa. Edhe Rusia pranon se ka përjetuar një natë zjarri. Ushtria e Putinit pretendon se ka shkatërruar 17 dronë të lëshuar nga Ukraina në drejtim të disa rajoneve.

  • S’ndalet arroganca e Netanyahut, sfidon Trump/ Dëshiron të sulmojë sërish Katarin, Presidenti i kërkon të angazhohet në bisedime

    S’ndalet arroganca e Netanyahut, sfidon Trump/ Dëshiron të sulmojë sërish Katarin, Presidenti i kërkon të angazhohet në bisedime

    Presidenti Trump kërkoi një angazhim nga kryeministri izraelit Benjamin Netanyahu për të mos e sulmuar përsëri Katarin pas sulmit kundër udhëheqësve të Hamasit në Doha, thanë për Axios dy burime me njohuri për çështjen.

    Netanyahu nuk u konsultua me Trumpin ose me ndonjë nga këshilltarët e tij kryesorë, derisa raketat u hodhën në ajër. Sulmi zemëroi Shtëpinë e Bardhë dhe alarmoi udhëheqësit në rajon dhe në mbarë botën.

    Sulmi ishte dëmtues, jo vetëm për pozicionin global të Izraelit, por potencialisht edhe për atë të Amerikës.

    Kryeministri i Katarit i tha Shtëpisë së Bardhë se vendi i tij do të rivlerësojë partneritetin e tij të sigurisë me Uashingtonin, pas këtij akti “tradhtie” dhe tha në një intervistë për CNN se udhëheqësit në të gjithë Gjirin po diskutonin se si të reagonin.

    Por Netanyahu nuk kërkon falje publikisht, madje duke sugjeruar se mund të urdhërojë një sulm tjetër, pavarësisht kërkesës së Trump.

    Çfarë po thonë ata: Këshilltarët e Trump u tronditën vërtet nga sulmi në Katar, një aleat i ngushtë i SHBA-së dhe tani vendi i shtatë që Izraeli ka bombarduar që nga 7 tetori 2023.

    “Nuk jam i kënaqur me të gjithë situatën. Isha shumë i pakënaqur me çdo aspekt”, u tha Trump gazetarëve të martën në mbrëmje.

    Një burim pranë Trump i tha Axios se mënyra se si Netanyahu dhe miku i tij i besuar, Ron Dermer, e trajtuan çështjen “ishte një kujtesë e pakëndshme” e sjelljes, që çoi në fërkime me Trumpin gjatë mandatit të tij të parë.

    Trump zhvilloi dy telefonata me Netanyahun të martën për të diskutuar sulmin në Katar, thanë zyrtarët amerikanë.

    Gjatë telefonatës së tyre të parë, Trump shprehu zhgënjim me vendimin e Izraelit dhe habi për atë që supozohej të arrinte ky vendim në planin afatgjatë.

    “Është e papranueshme. Kërkoj që të mos e përsërisni”, i tha Trump Netanyahut, sipas dy burimeve me dijeni.

    Më pas, Trump i dha informacion emirit dhe kryeministrit të Katarit, të cilët u tërbuan. Një ish-zyrtar amerikan tha se kryeministri Mohammed bin Abdul Rahman al-Thani u tha zyrtarëve amerikanë se ai e sheh atë që ndodhi, si një tradhti nga Izraeli dhe nga SHBA-të.

    Al-Thani i tha të dërguarit të Shtëpisë së Bardhë, Steve Witkoff, se pasi u sulmua si nga Irani ashtu edhe nga Izraeli brenda gjashtë muajsh, Katari do të kryejë një vlerësim të thellë të partneritetit të tij të sigurisë me SHBA-në,  “dhe ndoshta do të gjejë disa partnerë të tjerë” që mund të mbështesin sigurinë e tij nëse është e nevojshme, tha një burim me njohuri të drejtpërdrejta.

    Shtëpia e Bardhë nuk iu përgjigj një kërkese për koment.

    Çfarë po thotë ai: Në një video që publikoi të mërkurën, Netanyahu kundërshtoi dhe la të kuptohej se nuk do të hezitojë të urdhërojë një sulm të dytë ndaj Katarit, nëse udhëheqësit e Hamasit qëndrojnë në vend.

    “I them Katarit dhe të gjitha kombeve që strehojnë terroristë, ose i dëboni ose i sillni para drejtësisë. Sepse nëse nuk e bëni ju, ne do ta bëjmë”, tha ai.

    Netanyahu pretendoi se sulmi izraelit ndaj Hamasit në Katar është i ngjashëm me ndjekjen amerikane të al-Kaedës në Afganistan dhe Pakistan pas 11 shtatorit. “Çfarë bëri Amerika pas 11 shtatorit? Ajo premtoi të ndjekë terroristët që kryen këtë krim të shëmtuar, kudo që të jenë. Dje, ne vepruam në këtë drejtim”, tha Netanyahu.

    Kthim në të kaluarën: Pavarësisht këtyre deklaratave, Netanyahu i kërkoi Katarit të udhëhiqte përpjekjet e ndërmjetësimit me Hamasin pas sulmeve të 7 tetorit dhe më parë ka lehtësuar pagesat nga Katari për Hamasin për vite me radhë.

    Ana tjetër: Kryeministri al-Thani i tha CNN se Netanyahu duhet “të nxirret para drejtësisë” për shkeljen e ligjit ndërkombëtar duke sulmuar Katarin në atë që ai e quajti një akt “terrori shtetëror”.

    Ai tha se Katari po diskuton një përgjigje me partnerët në rajon. “I gjithë rajoni i Gjirit është në rrezik.”

    Udhëheqësit në Evropë dhe në pjesën më të madhe të botës, e kanë dënuar gjithashtu sulmin izraelit.

    Hamasi pretendon se sulmi izraelit ishte një dështim, sepse udhëheqësit e tij kryesorë mbijetuan. Ende nuk është plotësisht e qartë se cilët anëtarë u vranë dhe cilët jo./ Axios.

  • Sulmi izraelit mbi Katar: a po shkundet udhëheqja saudite?

    Sulmi izraelit mbi Katar: a po shkundet udhëheqja saudite?

    Princi i Kurorës saudite Mohammed bin Salman e ka dënuar dhe me gjuhë islame sulmin izraelit ndaj Dohas, duke theksuar se sulmi ndaj Katarit kërkon veprim ndërkombëtar për të kundërshtuar agresionin izraelit.
    Në hapje të vitit të dytë të sesionit të nëntë të Këshillit të Shura-s Saudite, bin Salman tha: “Ne e hedhim poshtë dhe e dënojmë agresionin e autoriteteve pushtuese izraelite në rajon, i fundit prej të cilëve ishte agresioni brutal kundër shtetit vëlla të Katarit, i cili kërkon veprime arabe, islame dhe ndërkombëtare për të kundërshtuar këtë agresion dhe për të marrë masa ndërkombëtare për të ndaluar autoritetet pushtuese dhe për t’i dekurajuar ato nga praktikat e tyre kriminale të destabilizimit të sigurisë dhe stabilitetit të rajonit.”
    Ai shtoi: “Ne do të qëndrojmë pranë vendit tonë vëlla të Katarit në çfarëdo mase që ai merr pa kufizime, dhe do të përdorim të gjitha kapacitetet tona për ta arritur këtë.”

    Në të njëjtin kontekst, princi saudit i kurorës dënoi “vazhdimin e sulmeve brutale ndaj popullit vëllazëror palestinez në Gaza dhe këmbënguljen në kryerjen e krimit të urisë dhe zhvendosjes me forcë të palestinezëve”.
    Ai theksoi se “toka e Gazës është palestineze dhe të drejtat e popullit të saj janë të patjetërsueshme dhe nuk mund të merren nga agresioni ose të anulohen nga kërcënimet. Qëndrimi ynë është i vendosur: mbrojeni të drejtën dhe punoni me zell për të parandaluar shkeljet e saj”. /tesheshi.com/