Lajmidites.com

Tag: subjekti

  • “Ka cënuar besimin e publikut”, KPA nxjerr jashtë radhëve të Drejtësisë prokurorin shkodran…

    “Ka cënuar besimin e publikut”, KPA nxjerr jashtë radhëve të Drejtësisë prokurorin shkodran…

    Kolegji i Posaçëm i Apelimit, KPA shpalli të martën më 25 nëntor vendimin për shkarkimin nga detyra të prokurorit të Shkodrës, Agron Bushati. Ashtu si drejtuesi i SPAK, edhe Kolegji vlerësoi se prokurori Agron Bushati ka cënuar besimin e publikut, lidhur me qëndrimet në dy çështje të hetuara prej tij dhe për një video ku ai shfaqet me armë të ftohta, prova të sekuestruara të prokurorisë ku ushtronte funksionin.
    Lidhur me një hetim të regjistruar në vitin 2003 për veprat penale vrasje me dashje dhe armëmbatje pa leje, subjekti ka përpiluar urdhërin për veprimet hetimore që duhej të kryente oficeri i Policisë Gjyqësore. Sipas KPA, të vetmet veprimet hetimore të kryera nga subjekti për këtë ngjarje të rëndë janë vetëm dy procesverbale deklarimi që u përkasin vëllezërve të viktimës, një vendim sekuestrimi automjeti, si dhe janë administruar dy akte teknike balistike. Gjatë shpalljes së vendimit, u evidentua se Bushati e ka pezulluar hetimin në shkurt të vitit 2004 dhe e ka mbajtur dosjen në kasafortë për dy vjet e gjysmë, derisa është gjetur nga drejtuesi i prokurorisë Shkodër në shtator të vitit 2007, kur gjatë kontrollit të ushtruar nga ky i fundit, është konstatuar se në kasafortë janë mbajtur dhe dy procedime penalë të tjerë.
    Bazuar në këto zbulime, ndaj subjektit është dhënë masa disiplinore nga Prokurori i Përgjithshëm i kohës, që ka vendosur zbritjen në detyrën e oficerit të Policisë Gjyqësore për një vit.
    Trupi gjykues vëren se kjo situatë nuk i është nënshtruar gjykimit në KPA, por është konsideruar në kuadër të vlerësimit të aftësisë së subjektit për të reflektuar dhe vetëkorrigjuar, apo të vazhdimësisë së të njëjtave qasje në vijimësi.
    Lidhur me një tjetër çështje të denoncuar nga publiku, konstatohet se denoncuesi ka depozituar disa kallëzime penale në Prokurorinë e Shkodrës, ku ngriheshin për humbjen e kallëzimit penal në Komisiariatin e Policisë Shkodër. Sipas denoncuesit, kallëzimi penal ishte marrë nga subjekti, i cili nuk kishte kryer asnjë veprim procedural. Në 2008-ën, denoncuesi ka depozituar kallëzim penal dhe ndaj prokurorit Bushati.
    Sipas KPA, vërtetohet se kallëzimi ndaj një zyrtari publik është përcjellë në prokurori në vitin 2002 nga ana e komisariatit të policisë dhe është marrë me nënshkrim nga prokurori Agron Bushati. Rezulton se subjekti nuk e ka regjistruar kallëzimin në regjistrin e prokurorisë. Po ashtu, nuk gjendet ndonjë veprim procedural i subjektit për të kundërshtuar këtë fakt, megjithëse ndaj tij ka pasur hetim penal për një periudhë gjashtëvjeçare. KPA vëren se subjekti nuk arriti të provojë se nuk e ka nënshkruar ai dhe se nënshkrimi nuk ishte i tij. Mosveprimi i subjektit për mosregjistrimin e çështjes ka vijuar deri në vitin 2008, kur denoncuesi ka kryer kallëzim dhe ndaj tij.
    Mosveprimi çmohet se është në kundërshtim të hapur me Kodin e Procedurës Penale. Sipas KPA, subjekti me mosveprimin e tij ka cënuar jo vetëm interesat e kallëzuesit, por edhe interesat e ligjshme të shtetit, duke krijuar perceptimin në publik se ndjekja penale ndaj funksionarëve publikë nuk ushtrohet nga organet e drejtësisë, pavarësisht insistimit të vazhdueshëm të një qytetari në një hark kohor prej mbi 10 vitesh.
    KPA çmon se subjekti ka diskretituar rëndë pozitën dhe figurën e prokurorit si mbrojtës i interesit publik, si dhe të perceptimit të sistemit të drejtësisë në përgjithësi.
    Lidhur me problemin tjetër të ngritur në ankim, që ka të bëjë me një video ku subjekti shfaqet në makinën e tij me armë të ftohta, prova të prokurorisë, trupi gjykues vlerëson se përdorimi i një sendi që ka qenë provë materiale, i marrë në vendin e ruajtjes në organin e akuzës ku Bushati ushtronte detyrën, është një veprim në kundërshtim të hapur me rregullat për marrjen, ruajtjen e disponimin e tyre.
    “Përdorimi i provave materiale në kushte paligjshmërie të hapur, në këtë rast, nga një prokuror që njeh rëndësinë e tyre, për më tepër një arme të ftohtë, veç rrezikut që mund të ketë për personat e pranishëm, mund të cënoje dhe procesin penal për të cilin janë administruar, duke cënuar interesat e individit e të shtetit. Këto veprime cilësohen si shkelje shumë të rënda”, vlerëson Kolegji.
    Bazuar në këto konstatime, KPA konkludon se subjekti ka pasur një sjellje jo të përshtatshme e të vazhdueshme, që nuk është rikuperuar dhe pas vendosjes së dy masave disiplinore në vitin 2005 e në 2008-ën.
    Në përfundim, Kolegji çmon se në vlerësimin tërësor, konkludohet se prokurori Agron Bushati ka cënuar besimin e publikut tek sistemi i drejtësisë. Për rrjedhojë, u vendos ndryshimi i vendimit të KPK dhe shkarkimi nga detyra i këtij subjekti rivlerësimi.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Nuk justifikon pasurinë, Altin Dumani kërkon shkarkimin e gjyqtarit Ervin Pollozhani

    Nuk justifikon pasurinë, Altin Dumani kërkon shkarkimin e gjyqtarit Ervin Pollozhani

    Drejtuesi i SPAK, Altin Dumani u qëndroi gjatë bisedimeve përfundimtare shkaqeve të ankimit në çështjen e vetingut të gjyqtarit të Tiranës, Ervin Pollozhani dhe kërkoi shkarkimin e tij për deklarim të pasaktë e të pamjaftueshëm në kriterin e pasurisë. Pollozhani kundërshtoi gjetjet për deklarime kontradiktore, si dhe pretendoi se kishte provuar burimet e ligjshme të pasurive, duke kërkuar lënien në fuqi të vendimit të Komisionit për konfirmimin e tij.
    Prokurori Klodian Braho, i cili përfaqësoi Dumanin në këtë çështje, parashtroi të martën me 25 nëntor gjetjet lidhur me burimet e një apartamenti, kthimin e një vlere nga shoqëria ndërtuese, një gjendje cash 1 milion lekë, si dhe shpenzimet e mobilimit.
    Për apartamentin që zotëron subjekti dhe bashkëshortja e tij në Tiranë, janë deklaruar si burim krijimi të ardhurat e përfituara nga shitja e një apartamenti të mëparshëm. Ky i fundit është porositur e paguar në vitin 2007 nga bashkëshortja e subjektit dhe prindërit e saj, ndërkohë që kontrata e shitblerjes në vitin 2012 është nënshkruar vetëm nga subjekti e bashkëshortja. Po ashtu, në 2011-ën, kur ata kishin lidhur martesë, kompania ndërtuese u ka kthyer një shumë prej 4.4 milionë lekësh, për arsye se apartamenti i porositur kishte sipërfaqe më të vogël dhe se punimet nuk ishin si ato të përcaktuara në kontratë. Pollozhani ka deklaruar se nuk ka kontribuar në pagesën e çmimit të apartamentit të porositur në vitin 2007.
    Sipas Brahos, apartamenti i mëparshëm i porositur dhe paguar në vitin 2007 nga bashkëshortja e prindërit e saj, nuk mbulohej me burim të ligjshme. Ai konstatoi se nga aktet dhe shpjegimet e subjektit, nuk u arrit të provohen një pjesë e të ardhurave të bashkëshortes dhe familjarëve të saj.
    Megjithatë, nisur nga fakti se këto burime janë deklaruar si të krijuara e përdorura para martese, konsiderohen prej drejtuesit të SPAK si të pamjaftueshme për të sjellë penalizim veçmas, por është çmuar të trajtohen në vlerësimin e përgjithshëm të kriterit të pasurisë.
    Në vijim, Braho u ndal në shumën 4.4 milion lekë të deklaruar se është dhënë prej shoqërisë ndërtuese pasi apartamenti i dorëzuar ishte më i vogël dhe nuk plotësonte kriteret e dakordësuara në 2007-ën. Sipas Brahos, dhënia e kësaj shume prej shoqërisë ndërtuese, që përbënë 30% të vlerës së apartamentit, është deklaruar në vitin 2011, kur subjekti kishte lidhur martesë me bashkëshorten.
    Në vijim, Braho konstatoi se diferenca mes çmimit të paguar në vitin 2007 kur është lidhur kontrata e porosisë me atë të shitblerjes në vitin 2012, është 2.1 milionë lekë dhe jo 4.4 milionë lekë sa ka deklaruar subjekti se ka kthyer shoqëria ndërtuese. Ai shtoi se në kontratën e sipërmarrjes nuk janë përcaktuar penalitete në rast të mospërmbushjes së dorëzimit të banesës brenda afatit 6-mujor, ashtu si ishte parashikuar.
    Drejtuesi i SPAK i cilëson të pabazuara edhe pretendimet për cilësinë e punimeve, duke argumentuar në kontratën e shitblerjes së vitit 2012 të nënshkruar nga subjekti e bashkëshortja citohet se shitësi e dorëzon pronën në gjendje të mirë, pa të meta dhe me cilësinë e përcaktuar më parë ndërmjet palëve, ndërsa shtohet se “blerësit marrin në dorëzim pronën pa paraqitur ndonjë rezervë…”.
    Braho vërejti se subjekti nuk ka paraqitur ndonjë preventiv apo ndonjë dokument tjetër provues në lidhje me punimet e pakryera, të cilat pretendon se i ka kryer ai, si dhe rezulton të ketë deklaruar shpenzime për rikonstruksion apo punime shtesë të kryera në këtë apartament. Për rrjedhojë, pretendimet e tij për investime shtesë konsiderohen në nivel deklarativ.
    Në vijim, Braho nënvizoi se mbetet e paqartë se si një apartament, i cili përfundimisht është blerë në vitin 2012 me vlerën 11.7 milionë lekë, që sipas pretendimeve të vetë subjektit punimet nuk ishin të një cilësie të mirë, është shitur pas rreth dy vitesh për rreth 18 milionë lekë. Braho theksoi se se ndryshimi i çmimeve nuk mund të justifikohet nga vlera e mobiljeve të deklaruara nga subjekti në shumën 1 milionë lekë dhe as nga luhatjet e rtegut gjatë viteve 2012-2014.
    “…Vlerësojmë se pretendimet e subjektit lidhur me vonesën e dorëzimit të apartamentit, ndryshimin e sipërfaqes, cilësinë e punimeve dhe materialeve, si dhe punimet e pakryera mbeten në nivel deklarativ”, tha Braho.
    Nisur dhe nga konstatimi iu pamundësisë financiare për krijimin e shumës 4.4 milionë lekë, drejtuesi i SPAK vlerëson se gjyqtari Pollozhani ndodhet në kushtet e deklarimit të pasaktë dhe të pamjaftueshëm të kësaj pasurie të përfituar gjatë martesës dhe gjatë ushtrimit të detyrës, e cila është deklaruar si e përfituar nga shoqëria ndërtuese, vlerë që më vonë është pretenduar si një nga burimet e krijimit të një depozite bankare në emër të subjektit.
    Tjetër problem i konstatuar nga Braho ishte dhe mospasqyrimi nga ana e subjektit në deklaratat periodike të një gjendje cash në shumën 1 milion lekë. Sipas tij, përveçse nuk është deklaruar ky kursim, shuma 4.4 milionë lekë e deklaruar si burim, nuk mbulohet me burime të ligjshme. Edhe në këtë rast, drejtuesi i SPAK konkludon se subjekti gjendet në kushtet e deklarimit të pasaktë e të pamjaftueshëm.
    Braho paraqiti vlerësim të njëjtë dhe për shpenzimet e deklaruara nga subjekti se janë përdorur për mobilimin e apartamentit në vitin 2016, me argumentin se nuk mbulohen me burime të ligjshme shpenzimet dhe investimet e kryera në atë periudha. Po ashtu, konstatohet se Pollozhani ka kryer deklarime kontradiktoe, pasi ka deklaruar vlera dhe burime të ndryshme për këto shpenzuime.
    Në përfundim, drejtuesi i SPAK vlerëson se Pollozhani nuk arrin nivel të besueshëm në kriterin e pasurisë dhe kërkoi shkarkimin e tij nga detyra.
    Pollozhani deklaroi se ankimi lidhet me burimin e burimit të apartamentit që ai zotëron. Ai vërejti se nuk është konsideruar nga ana e Komisioneres Publike momenti i krijimit të apartamentit të mëparshëm, përpara martesës me bashkëshorten. Subjekti këmbënguli se i ka shpjeguar në mënyrë të detajuar fondet që kanë shërbyer për krijimin e asaj pasurie, që përbëhen nga të ardhurat e bashkëshortes para martesës nga puna si mjeke e përgjithshme e mjeke promocioni, ato nga përkthimet, si dhe të prindërve të saj nga shitja e bimëve medicinale e të ardhura të tjera të tyre.
    Pollozhani solli në vëmendje se bazuar në jurispudencën e Kolegjit, provohet ligjshmëria e këtyre burimeve. Ai tha se në ankim tentohet të përfshihen datat e njohjes e të fejesës me bashkëshorten, por sipas tij në atë kohë nuk bashkëjetonin dhe aq më tepër nuk merrnin vendime të përbashkëta.
    Lidhur me nënshkrimin e kontratës së shitblerjes, ai sqaroi se është përfshirë në atë kohë për arsye të situatës së gjendjes civile, si i martuar.
    Në vijim, Pollozhani nënvizoi se kthimi i vlerës 4.4 milionë lekë nga shoqëria ndërtuese kishte të bënte me diferencën mes përcaktimeve në kontratën e porosisë së vitit 2007, me gjendjen që u mor në dorëzim apartamenti.
    Për depozitimin e një pjese të vlerës 4.4 milionë lekë në llogarinë e tij, Pollozhani tha se kjo ishte kryer me dakordësinë e bashkëshortes.
    Ai shtoi se prindërit e bashkëshortes kanë kontribuar financiarisht dhe për vajzën tjetër të tyre, për shkollimin e saj, si dhe për dy djemtë të cilëve u kanë blerë tokë që të ndërtonin shtëpi.
    Subjekti theksoi se me shpjegimet dhe provat që ka dorëzuar i ka përmbysur pretendimet e ngritura në ankim për pamundësi financiare prindërve dhe bashkëshortes për pagesën e çmimit të apartamentit në vitin 2007. Ai shpjegoi se prindërit e bashkëshortes kanë pasur të regjistruar biznesin e tyre me aktivitet të pandërprerë. Po ashtu, ritheksoi se bashkëshortja ka siguruar të ardhura të mjaftueshme nga punët si përkthyese, si mjeke promocioni, ndërsa familja nga tregtimi i bimëve medicinale. “Kam paraqitur dokumente”, deklaroi subjekti duke petenduar se vërtetohen të gjitha të ardhurat e deklaruara.
    Lidhur me mosdeklarimin e gjendjes cash, subjekti shpjegoi se në vitet 2011 e 2012 nuk përcaktohej në formularin e deklarimit pasqyrimi këtij lloj likujditeti.
    Ai shpjegoi se depozitimi i shumës 3 milionë lekë në llogarinë e tij nga vlera 4.4 milionë lekë e kthyer nga shoqëria ndërtuese, tregon se pjesa tjetër e mbetur ka shërbyer për cash-in.
    Edhe për shpenzimet për mobilimin e dy apartamenteve, subjekti pretendoi se në formulare nuk ka pasur rubrikë për të kryer një deklarim të tillë. Ai këmbënguli se vërteton se ka pasur burime të ligjshme për kryerjen e mobilimit të banesave.
    Në vijim, Pollozhani u ndal në gjetjen e ONM-së lidhur me vlerën 4.4 milionë lekë të kthyer nga shoqëria ndërtuese, duke shpjeguar se këto fakte ishin hetuar më së paku pesë herë dhe nuk ishin evidentuar probleme.
    Ai vërejti se vëzhguesi ndërkombëtar i ka kryer përllogaritjet duke përdorur kurse këmbimi valutor të ndryshëm, që kanë sjellë dhe konstatimin e vlerave të ndryshme.
    Subjekti theksoi se vetë shoqëria ndërtuese ka sqaruar se vlera 4.4 milionë lekë është kthyer pasi apartamenti nuk është dorëzuar në kohë dhe me sipërfaqen e gjendjen e përcaktuar në kontratën e porosisë.
    Pollozhani kundërshtoi edhe konstatimin për shitjen e apartamentit në një vlerë të konsiderueshme më të lartë sa ishte blerë, duke pretenduar se ashtu si ishte rritur çmimi i referencës, ishte rritur dhe ai i tregut të lirë. Sipas subjektit, nuk qëndron gjetja se është bërë për përfitim.
    Në përfundim, gjyqtari Ervin Pollozhani kërkoi lënien në fuqi të vendimmarrjes së Komisionit për konfirmimin e tij në detyrë.
    Kolegji njoftoi se vendimi do të shpallet më datë 15 dhjetor, në orën 15:00. /BIRN

  • KPA shkarkon nga detyra prokurorin Agron Bushati

    KPA shkarkon nga detyra prokurorin Agron Bushati

    Kolegji i Posaçëm i Apelimit, KPA shpalli të martën më 25 nëntor vendimin për shkarkimin nga detyra të prokurorit të Shkodrës, Agron Bushati. Ashtu si drejtuesi i SPAK, edhe Kolegji vlerësoi se prokurori Agron Bushati ka cënuar besimin e publikut, lidhur me qëndrimet në dy çështje të hetuara prej tij dhe për një video ku ai shfaqet me armë të ftohta, prova të sekuestruara të prokurorisë ku ushtronte funksionin.
    Lidhur me një hetim të regjistruar në vitin 2003 për veprat penale vrasje me dashje dhe armëmbatje pa leje, subjekti ka përpiluar urdhërin për veprimet hetimore që duhej të kryente oficeri i Policisë Gjyqësore. Sipas KPA, të vetmet veprimet hetimore të kryera nga subjekti për këtë ngjarje të rëndë janë vetëm dy procesverbale deklarimi që u përkasin vëllezërve të viktimës, një vendim sekuestrimi automjeti, si dhe janë administruar dy akte teknike balistike. Gjatë shpalljes së vendimit, u evidentua se Bushati e ka pezulluar hetimin në shkurt të vitit 2004 dhe e ka mbajtur dosjen në kasafortë për dy vjet e gjysmë, derisa është gjetur nga drejtuesi i prokurorisë Shkodër në shtator të vitit 2007, kur gjatë kontrollit të ushtruar nga ky i fundit, është konstatuar se në kasafortë janë mbajtur dhe dy procedime penalë të tjerë.
    Bazuar në këto zbulime, ndaj subjektit është dhënë masa disiplinore nga Prokurori i Përgjithshëm i kohës, që ka vendosur zbritjen në detyrën e oficerit të Policisë Gjyqësore për një vit.
    Trupi gjykues vëren se kjo situatë nuk i është nënshtruar gjykimit në KPA, por është konsideruar në kuadër të vlerësimit të aftësisë së subjektit për të reflektuar dhe vetëkorrigjuar, apo të vazhdimësisë së të njëjtave qasje në vijimësi.
    Lidhur me një tjetër çështje të denoncuar nga publiku, konstatohet se denoncuesi ka depozituar disa kallëzime penale në Prokurorinë e Shkodrës, ku ngriheshin për humbjen e kallëzimit penal në Komisiariatin e Policisë Shkodër. Sipas denoncuesit, kallëzimi penal ishte marrë nga subjekti, i cili nuk kishte kryer asnjë veprim procedural. Në 2008-ën, denoncuesi ka depozituar kallëzim penal dhe ndaj prokurorit Bushati.

    Sipas KPA, vërtetohet se kallëzimi ndaj një zyrtari publik është përcjellë në prokurori në vitin 2002 nga ana e komisariatit të policisë dhe është marrë me nënshkrim nga prokurori Agron Bushati. Rezulton se subjekti nuk e ka regjistruar kallëzimin në regjistrin e prokurorisë. Po ashtu, nuk gjendet ndonjë veprim procedural i subjektit për të kundërshtuar këtë fakt, megjithëse ndaj tij ka pasur hetim penal për një periudhë gjashtëvjeçare. KPA vëren se subjekti nuk arriti të provojë se nuk e ka nënshkruar ai dhe se nënshkrimi nuk ishte i tij. Mosveprimi i subjektit për mosregjistrimin e çështjes ka vijuar deri në vitin 2008, kur denoncuesi ka kryer kallëzim dhe ndaj tij.
    Mosveprimi çmohet se është në kundërshtim të hapur me Kodin e Procedurës Penale. Sipas KPA, subjekti me mosveprimin e tij ka cënuar jo vetëm interesat e kallëzuesit, por edhe interesat e ligjshme të shtetit, duke krijuar perceptimin në publik se ndjekja penale ndaj funksionarëve publikë nuk ushtrohet nga organet e drejtësisë, pavarësisht insistimit të vazhdueshëm të një qytetari në një hark kohor prej mbi 10 vitesh.
    KPA çmon se subjekti ka diskretituar rëndë pozitën dhe figurën e prokurorit si mbrojtës i interesit publik, si dhe të perceptimit të sistemit të drejtësisë në përgjithësi.
    Lidhur me problemin tjetër të ngritur në ankim, që ka të bëjë me një video ku subjekti shfaqet në makinën e tij me armë të ftohta, prova të prokurorisë, trupi gjykues vlerëson se përdorimi i një sendi që ka qenë provë materiale, i marrë në vendin e ruajtjes në organin e akuzës ku Bushati ushtronte detyrën, është një veprim në kundërshtim të hapur me rregullat për marrjen, ruajtjen e disponimin e tyre.
    “Përdorimi i provave materiale në kushte paligjshmërie të hapur, në këtë rast, nga një prokuror që njeh rëndësinë e tyre, për më tepër një arme të ftohtë, veç rrezikut që mund të ketë për personat e pranishëm, mund të cënoje dhe procesin penal për të cilin janë administruar, duke cënuar interesat e individit e të shtetit. Këto veprime cilësohen si shkelje shumë të rënda”, vlerëson Kolegji.
    Bazuar në këto konstatime, KPA konkludon se subjekti ka pasur një sjellje jo të përshtatshme e të vazhdueshme, që nuk është rikuperuar dhe pas vendosjes së dy masave disiplinore në vitin 2005 e në 2008-ën.
    Në përfundim, Kolegji çmon se në vlerësimin tërësor, konkludohet se prokurori Agron Bushati ka cënuar besimin e publikut tek sistemi i drejtësisë. Për rrjedhojë, u vendos ndryshimi i vendimit të KPK dhe shkarkimi nga detyra i këtij subjekti rivlerësimi./ BIRN

  • Kreu i SPAK kërkon trajnim njëvjeçar për prokurorin Arben Agovi

    Kreu i SPAK kërkon trajnim njëvjeçar për prokurorin Arben Agovi

    Drejtuesi i SPAK, Altin Dumani e ndryshoi qëndrimin e tij përfundimtar në çështjen e vetingut të prokurorit të Tiranës, Arben Agovi, duke kërkuar të martën dërgimin e tij për trajnim njëvjeçar në Shkollën e Magjistraturës, ndryshe nga kërkimi për shkarkim nga detyra gjatë parashtrimeve një javë më parë.
    Prokurori Klodian Braho që përfaqëson Dumanin në këtë çështje, vërejti se pas shpjegimeve dhe provave të dorëzuara nga subjekti, për dy nga çështjet e trajtura në ankim bien shkaqet. Në vijim ai paraqiti konstatimet për pesë çështje të tjera të hetuara prej Agovit, duke vlerësuar se nuk janë kryer hetime të plota, fakte që sipas Brahos, janë konkluduar dhe nga gjykatat që kanë rrëzuar vendimarrjet e Agovit.
    Braho u shpreh se, megjithëse pamundësia financiare dhe problemet e konstatuara për profesionalizmin nuk janë të mjaftueshme për të sjellë penalizim, është e nevojshme që subjekti të kryejë trajnimin njëvjeçar pranë Shkollës së Magjistraturës. Në përfundim Braho kërkoi ndryshimin e vendimit të Komisionit për konfirmimin e Agovit, pezullimin e tij nga detyra dhe detyrimin për të ndjekur trajnimin në Shkollën e Magjistraturës.
    Përfaqësuesi ligjor i prokurorit Agovi, avokati Julian Mërtiri paraqiti me detaje qëndrimet lidhur mbi çdo shkak ankimi. Për disa përj çështjeve të trajtuara, Mërtiri theksoi se subjekti ka dhënë shpjegime bindëse dhe se gjykatat i kanë gjetur të drejta vendimarrjet e tij. Ai i cilësoi veprimet hetimore e procedurale të kryera nga subjekti sit ë plota, të detajuara e vendimtare për zgjidhjen e çështjeve.
    Sipas Mërtirit, subjekti ka dhënë shpjegime shteruese për gjithë gjetjet e konstatuara, ndërsa për shkaqet e ankimit vërejti se në ato nuk evidentohen mangësi profesionale. Në përfundim, ai i cilësoi shkaqet e ngritura të pamjaftueshme për të sjellë ndryshimin e vendimit të Komisionit dhe kërkoi lënien në fuqi të konfirmimit të prokurorit Arben Agovi.
    Kolegji u tërhoq për të marrë vendimin që u njoftua se do të shpallet më datë 12 nëntor, në orën 09:30.
    Arben Agovi u konfirmua në detyrë më 13 dhjetor 2023 në mënyrë unanime nga trupa e Komisionit të Pavarur të Kualifikimit, KPK e kryesuar nga Suela Zhegu, me relator Roland Ilian dhe anëtare Genta Tafa Bungon. Gjatë seancës dëgjimore më 11 dhjetor, Agovi dha shpjegime për burimin e një apartamenti të blerë nga prindërit, një bilanc negativ si pasojë e pasaktësive në deklarimin e kursimeve cash si dhe për gjetjet në disa prej çështjeve të denoncuara nga publiku. Ndërkohë, ai mori vlerësim pozitiv për pastërtinë e figurës.
    Komisionerja Publike, Irena Nino vlerësoi ndryshe nga KPK, duke ngritur shkaqe në kriterin e aftësive profesionale, duke pretenduar se subjekti i rivlerësimit nuk kishte dhënë shpjegime bindëse, si dhe nuk kishte arritur të provojë të kundërtën e barrës së proves. Nino kërkoi në ankim shkarkimin e Agovit./ Reporter.al

  • E shkarkoi vetingu, rikthehet në detyrë gjyqtarja Blerina Muço

    E shkarkoi vetingu, rikthehet në detyrë gjyqtarja Blerina Muço

    Kolegji i Posaçëm i Apelimit, KPA shpalli të hënën më 13 tetor vendimin për rikthimin në detyrë të gjyqtares së Tiranës, Blerina Muço, e cila u shkarkua prej Komisionit të Pavarur të Kualifikimit më 1 nëntor të vitit 2023 për probleme në kriterin e pasurisë dhe në vlerësimin tërësor.
    Subjekti paraqiti ankim në Kolegj, ku pas shqyrtimit në dhomë këshillimi të shkaqeve të ngritura, u vendos vijimi i gjykimit të kësaj çështjeje në seancë gjyqësore publike, me qëllim konstatimin e saktë dhe të plotë të situatës faktike lidhur me pagimin e detyrimeve tatimore për të ardhurat e bashkëshortit nga një marrëveshje bashkëpunimi me një shoqëri për ofrim të konsulencës ligjore.
    Muço parashtroi se bashkëshorti nuk kishte qenë në dijeni të moshlyerjes së detyrimeve tatimore nga shoqëria. Sipas saj, në marrëveshje kishte qenë e përcaktuar se detyrimet tatimore duhej t’i shlyente punëdhënësi dhe për këtë arsye bashkëshorti kishte qenë në kushtet e besimit të plotë. Ajo nënvizoi se vërtetohej me dokumentacion se bashkëshorti e kishte përfituar në kohë vlerën prej 73 mijë euro, si dhe se kjo gjë përputhej me deklarimet në vite. Subjekti kundërshtoi dhe konstatimet e tjera të Komisionit gjetjet e tjera dhe kërkoi konfirmimin në detyra.
    Lidhur me të ardhurat e bashkëshortit, Kolegji konstaton se subjekti i ka deklaruar rregullisht vlerën dhe përfitimin e tyre në vite e në deklaratën veting, të cilat përkojnë dhe me periudhën e deklaruar nga shoqëria. Po ashtu, u evidentua se Muço ka paraqitur dhe marrëveshjen e bashkëpunimit, ku përcaktohet se shlyerja e detyrimeve për të ardhurat do të kryhet në kohë nga ana e shoqërisë.
    Nga verifikimi i llogarisë bankare ka rezultuar se shoqëria në fjalë, ka kredituar vlerën 73 mijë euro gjatë periudhës 2005-2010. Po ashtu, përmes një vendimi gjyqësor të vitit 2024, që është lënë në fuqi po atë vit, është njohur detyrimi i shoqërisë për pagesën e detyrimit mbi të ardhurat e bashkëshortit në masën 73 mijë euro, si dhe është konfirmuar ekzekutimi i këtij detyrimi.
    Trupi gjykues i Kolegjit çmon se gjatë shqyrtimit ligjor, subjekti provoi bindshëm krijimin e këtyre të ardhurave, si me dokumente, ashtu edhe përmes deklarimeve në kohë reale. KPA argumenton se, përderisa këto të ardhura janë deklaruar rregullisht dhe provohet se vijnë nga burim i ligjshëm, si dhe se nga fakti se detyrimin për shlyerjen e detyrimeve tatimore e ka pasur shoqëria, ato e kalojnë testin dhe duhet të përfshihen në të ardhurat e ligjshme.
    Për rrjedhojë, ndryshe nga Komisioni, u konkludua se gjyqtarja Muço nuk gjendet në kushtet e e deklarimit të pasaktë.
    Pamundësia financiare e mbetur në shumën 954 mijë lekë, e shpërndarë në disa vite u çmua prej Kolegjit bazuar në parimin e objektivitetit dhe proporcionalitetit, u konkludua se nuk mund të sjellë penalizim për subjektin.
    Po ashtu, Kolegji vlerësoi të pamjaftueshme për të cënuar besueshmërinë e gjyqtares Muço, edhe gjetjet në kriterin profesional që kishin të bënin me tejkalimin e afatit në gjykime, si dhe ato të konfliktit të interesit me dy shoqëri palë në çështjet e shqyrtuara prej saj.
    Për konstatimet e KPK lidhur me mosrespektimin e praktikës unifikuese të Gjykatës së Lartë, Koelgji vërejti se qëndron vetëm një rast, por që nuk mund të sjelli penalzim. Për çështjet që kishin të bënin me shoqërinë me të cilën bashkëshorti kishte lidhur marrëveshjen e bashkëpunimit, u konstatua se ato ishin trajtuar prej subjektit disa vjet pasi ishte përmbyllur bashkëpunimi.
    Në përfundim, Kolegji çmon se konkluzuionet e KPK për pasurinë, profesionalizmin dhe gjetjet në vlerësimin tërësor, nuk janë rezultat i një vlerësimi të bazuar në akte dhe në ligj. Për rrjedhojë u vendos ndryshimi i vendimit të KPK dhe konfirmimi në detyrë i gjyqtares Blerina Muço.

  • ‘3 mln lekë fatura’! UKT kërkesë KQZ-së: PSD të paguajë detyrimet

    ‘3 mln lekë fatura’! UKT kërkesë KQZ-së: PSD të paguajë detyrimet

    Tom Doshi

    TIRANË-Ujësjellësi i Kanalizime Tiranë (UKT) i është drejtuar me shkresë zyrtare Partisë Socialdemokrate dhe Komisionit Qëndror të Zgjedhjeve, për një detyrim të papaguar financiar të këtij subjekti politik, me kryetar Tom Doshin.
    Subjekti politik PSD rezulton të jetë debitor për moslikuidimin e kamatës vonesave dhe faturave të ujit në vlerën 336,819.4 lekë të rinj. Në shkresën drejtuar KQZ theksohet se nëse ky detyrim nuk paguhet brenda 30 ditësh, UKT mund të ndërmarrë masa administrative, përfshirë ndërprerjen e furnizimit me ujë dhe procedura për mbledhjen e detyrimit sipas ligjit.

    SHKRESA

  • ’10 mln € të fshehura në vetëm 2 vite!’ DPT: Kryente evazion, zbulohet subjekti në..

    ’10 mln € të fshehura në vetëm 2 vite!’ DPT: Kryente evazion, zbulohet subjekti në..

    Zbulohet një subjekt në periferi të Tiranës që kryente evazion fiskal gjatë tregtimit të prodhimeve blegtorale.
    Sipas një njoftimi nga Drejtoria e Përgjithshme e Tatimeve, subjekti kishte fshehur në dy vite rreth 10 milionë Euro.
    ‘Në periferi të Tiranës, gjatë kontrollit të përbashkët të Task Forcës së Administratës Tatimore dhe strukturave të Ministrisë së Bujqësisë, u zbulua një subjekt qe kryente evazion fiskal gjatë tregtimit të prodhimeve blegtorale. Zero tolerancë për raste të kësaj natyre!’, thuhet në njoftim.
    Gjithashtu DPT u ka bërë thirrje subjekteve të zbatojnë ligjin dhe qytetarëve të denoncojnë çdo abuzim për sigurinë ushqimore dhe formalizimin e tregut.
     
     

  • Mbyllja e News 24, Ministria e Ekonomisë: Hysenbelliu ka 2 milion euro qira pa paguar!

    Mbyllja e News 24, Ministria e Ekonomisë: Hysenbelliu ka 2 milion euro qira pa paguar!

    Ditën e sotme, ka patur një protestë të gazetarëve lidhur me situatën në televizionin News24, ku është ndërprerë transmetimi, pas një “konflikti” mes pronarit dhe shtetit lidhur me kontratat e qirave.
    Kontrata e qirasë për News24 ka përfunduar, ndërkohë që pretendimi i medias është se një prej objekteve e ka kontratën deri në vitin 2033, por edhe ai është bllokuar.
    Lidhur me këtë pretendim, ka reaguar Ministria e Ekonomisë, që bën të ditur se kjo shoqëri nuk ka paguar qira dhe kamatvonesat që shkojnë në vlerën e 2 milionë eurove, ndaj kontrata është ndërprerë.
    “Për pasurinë 10/304, me sipërfaqe 13,922 m2, subjekti qiramarrës ka mosshlyerje të detyrimeve prej muajit shkurt 2017. Sipas akteve financiare të dosjes administrative, detyrimi i pashlyer i faturuar deri në shtator 2021 arrin në shumën 88,305,280 lekë (qira) dhe 2,562,310 lekë (kamatëvonesa). Meqenëse pagesat nuk kanë vijuar pas kësaj date, detyrimet vijojnë të rriten dhe aktualisht përllogariten mbi 2 milionë euro; shuma përfundimtare do të formalizohet pas rifreskimit të llogaritjeve.
    Ç’na tregon memecëria e frikshme për mbylljen e një televizioni
    Që në vitin 2021, palës i është njoftuar zyrtarisht ndërprerja e kontratës për shkak të këtyre detyrimeve të papaguara. Megjithatë, në vend që të përmbushte detyrimet dhe të dorëzonte pasurinë, subjekti ka ndërmarrë masa sigurimi dhe padi me qëllim pengimin e ekzekutimit të detyrimeve të kontratës, duke vijuar të përdorë prej vitesh pa kundërshpërblim një pasuri publike”, thuhet në reagim.
    Reagimi i plotë i MEKI:
    Në vijim të deklaratës publike mbi pasuritë shtetërore pranë ish-Uzinës së Pjesëve të Këmbimit të Automjeteve, si dhe interesit të shtuar për informacion rreth dallimit mes pronave të Shoqërisë Kayo sh.a. dhe pronës 10/304 të pretenduar nga Shoqëria Panaroma Group sh.a., Ministria e Ekonomisë, Kulturës dhe Inovacionit (MEKI) bën këtë sqarim vijues:
    1. Pasuria me nr. kadastral 10/304 (në administrim të Ndërmarrjes Industriale Nr. 1) është çështje e veçantë, e ndryshme dhe pa asnjë lidhje juridike apo faktike me pasuritë e kaluara shoqërisë Kayo sh.a. me VKM nr. 158, datë 12.3.2025.
    2. Për pasurinë 10/304, me sipërfaqe 13,922 m2, subjekti qiramarrës ka mosshlyerje të detyrimeve prej muajit shkurt 2017. Sipas akteve financiare të dosjes administrative, detyrimi i pashlyer i faturuar deri në shtator 2021 arrin në shumën 88,305,280 lekë (qira) dhe 2,562,310 lekë (kamatëvonesa). Meqenëse pagesat nuk kanë vijuar pas kësaj date, detyrimet vijojnë të rriten dhe aktualisht përllogariten mbi 2 milionë euro; shuma përfundimtare do të formalizohet pas rifreskimit të llogaritjeve.
    3. Që në vitin 2021, palës i është njoftuar zyrtarisht ndërprerja e kontratës për shkak të këtyre detyrimeve të papaguara. Megjithatë, në vend që të përmbushte detyrimet dhe të dorëzonte pasurinë, subjekti ka ndërmarrë masa sigurimi dhe padi me qëllim pengimin e ekzekutimit të detyrimeve të kontratës, duke vijuar të përdorë prej vitesh pa kundërshpërblim një pasuri publike. Kjo sjellje është e padrejtë dhe e paligjshme, duke cënuar parimin e trajtimit të barabartë dhe duke ngarkuar barrë të padrejtë mbi taksapaguesit, poashtu edhe mbi punonjësit që përgjigjen para ligjit për ndjekjen, monitorimin dhe respektimin e kontratave.
    MEKI vepron me kujdes institucional dhe respekt të plotë për lirinë e medias dhe të shprehjes. Por këto të drejta nuk mund të përdoren si justifikim ose si mekanizëm për të gëzuar padrejtësisht pronën publike dhe për të shmangur shlyerjen e detyrimeve kontraktuale. Trajtimi i barabartë i të gjitha subjekteve ekonomike, qofshin këto edhe media, është parim themelor: është e padrejtë ndaj çdo aktiviteti të njëjtë që paguan taksa dhe qira në kohë, që disa të tjera të përfitojnë nga kontrata publike të dhëna në mirëbesim pa shlyer dhe pa respektuar detyrimet.
    MEKI do të vijojë verifikimet proceduriale dhe do të ndërmarrë masat administrative dhe ligjore sipas kuadrit në fuqi për zbatimin e obligimeve të detyrueshme të menaxhimit financiar dhe garantimit të administrimit efektiv të pasurisë shtetërore në fjalë dhe arkëtimin e plotë të detyrimeve në interes të qytetarëve dhe taksapaguesve.

  • KAS vendos/ Nuk ka mandat për Adriatik Lapajn, ia kalon Ana Dajkos

    KAS vendos/ Nuk ka mandat për Adriatik Lapajn, ia kalon Ana Dajkos

    Komisioni i Ankimimeve dhe Sanksioneve mandatin e vetëm të “Shqipëria Bëhet” ia kaloi Ana Dajkos.
    Sot u shqyrtua në KAS ankimimi ndaj vendimit të Komisionit Qendror të Zgjedhjeve, që i dha mandatin e fituar në qarkun Tiranë kushërirës së Adriatik Lapajt.
    Elvis Çefa, relatori i kësaj ankese sqaroi se dorëheqja më 11 maj e kandidatëve në listën e mbyllur të koalicionit Nisma ‘Shqipëria Bëhet’ është “nul” dhe nuk mund të merret në konsideratë.
    “Për rrjedhojë subjekti nuk mund të presë të miratojë një ligj që është nul. Në këto kushte ky akt nuk krijon asnjë pasojë juridike sepse heqja dorë nga kandidimi do të thotë në vetvete prishjen e listës së kandidaimit të atij subjekti zgjedhor, e cila pasojë ligjore ka ndalimin e konkurrimit të atij subjekti në zgjedhje, cka në këtë moment që është zgjedhur të bëhet si strategji politike nga ana juaj është i pamundur si proces”, tha Çefa.
    Në kërkesën e tij, Lapaj pretendon se mandati i takon listës së hapur, duke kujtuar se kandidatët e listës së mbyllur kanë dhënë dorëheqjen nga kandidimi më datë 11 maj.
     

  • Sherri Lapaj – Shabani, përfshihet edhe KAS: I heq mandatin ‘motrës’ së Lapajt, ia jep…

    Sherri Lapaj – Shabani, përfshihet edhe KAS: I heq mandatin ‘motrës’ së Lapajt, ia jep…

    ‘Lufta’ mes Adriatik Lapajt dhe Endri Shabanit për mandatin e koalicionit ‘Nisma Shqipëria Bëhet’ merr tjetër kthesë.

    Komisioni i Ankimeve dhe Sanksioneve rrëzoi kryekomisionerin Ilsirjan Celibashi duke ia hequr mandatin kushërirës së Lapajt, Kleana Xhuvelit (e katërta në listën e mbyllur) dhe duke ia kaluar atë Ana Dajkos, të parës në listën e mbyllur.

    KAS e argumentoi vendimin duke thënë se dorëheqjet e listës së mbyllur nga kandidimi janë nul.

    “Akti i dorëheqjes nga kandidmi i bërë ditën e zgjedhjeve nga të gjithë kandidatët e listës së mbyllur, është një akt nul. I pavlefshëm dhe nuk mund të merret në konsideratë. Edhe subjekti nuk mund të pretendojë që KQZ të miratojë një akt që është nul. Heqja dorë nga kandidimi nënkupton në vetvete prishjen e listës së kandidimit të atij subjekti, që pasojë ligjore ka ndalimin e konkurrimit të atij subjekti në zgjedhje. Cka në këtë moment që është zgjedhur të bëhet si strategji politike, është i pamundur si proces”, realtoi KAS.