Luis Suárez ka zbuluar një prapaskenë interesante të karrierës së tij. Sulmuesi i Inter Miami, në një intervistë me “Davoo Xeneize” ka pranuar se më 2012 ishte shumë afër kalimit te Juventusi, por në fund Brendan Rodgers e bindi të qëndronte te Liverpool-i.
“Në vitin 2012 doja të shkoja te Juventusi, por Brendan Rodgers më bindi të qëndroja, falë ideve të tij për futbollin”, – rrëfeu “El Pistolero”. Një vit më vonë, ai kishte të njëjtin mendim për Arsenalin, por një bisedë me Steven Gerrard ndryshoi gjithçka:
“Doja të shkoja tek Arsenali sepse luante çdo vit në Champions League, por një ditë, gjatë stërvitjes, Gerrard më tha: As unë nuk shkova te Real Madridi dhe klube të tjera, por besoj se vendimi më i mirë për ty është të qëndrosh edhe një vit. Nëse qëndron, vitin tjetër do të kesh mundësi të zgjedhësh mes Bayernit, Realit ose Barcelonës. Ato fjalë më prekën dhe i thashë gruas sime se do të qëndroja”.
Në lidhje me largimin nga Barcelona, sulmuesi veteran uruguajan pranoi se ishte një moment i vështirë. “E kam vuajtur shumë largimin, por e dija që duhej të ndodhte. Nuk mbaj mëri, por ndjeja se ende mund të jepja shumë për klubin”, – kujtoi ai periudhën e vitit 2020, kur ishte një nga golashënuesit më të mirë të skuadrës.
Tag: suarez
-

VIDEO/ Nuk është ndeshje bamirësie! Luis Suarez paguhet për të dhënë skena të tilla qesharake në MLS, pasimi ishte i Lionel Messi-t
Lionel Messi dhe Luis Suarez vazhdojnë që të japin kontributin e tyre në MLS, pavarësisht se janë shumë larg kohës së artë. Messi vazhdon të mbajë një nivel më të lartë dhe të tregojë shpeshherë klasin e tij në MLS.
Ndërkohë Luis Suarez, është tmerrësisht larg formës së dikurshme, pavarësisht se shifrat në MLS nuk janë edhe aq keq për të. Në mbrëmjen e djeshme, Inter Miami fitoi në shifrat 2-1 ndaj Philadelphias, teksa goli i dytë te Inter Miami u shënua nga Messi. Mjafton të shihni një asist që vjen nga Messi për te Luis Suarez që të mbyll ndeshjen dhe mënyrën sesi e shpërdoron sulmuesi rastin e pastër, për të kuptuar nivelin e tij të tanishëm. Duket si një ndeshje bamirësie, por në fakt nuk është, Suarez paguhet ende për të shënuar gola. /Sport Ekspres/

