Real Madridi ka bërë një sërë përforcimesh të rëndësishme, përfshirë mesfushorin sulmues Gabriel Suárez Castrelo, i lindur në vitin 2006 dhe që vjen nga sektori i të rinjve të Atlético-s.
Suárez Castrelo ishte një nga lojtarët më premtues nga sistemi i të rinjve të rojiblanco-s dhe kishte vendosur të mos e rinovonte kontratën e tij me Atlético-n, të cilët nuk e kanë aktivizuar që nga dhjetori pavarësisht talentit që ai ka treguar, me 8 gola në 21 ndeshje me ekipin e të rinjve.
Përveç mesfushorit spanjoll, Real Madridi ka nënshkruar edhe me Ares Capetana-n, një mbrojtës të djathtë nga ekipi Leganés U-16 me origjinë rumune.
Përveç kësaj, janë blerë edhe Mario Bullón, Pablo Ibáñez dhe Hugo Sarmiento, të lindur në vitin 2008 nga Getafe, të destinuar për të forcuar radhët e ekipit të të rinjve.
Një tjetër talent interesant është Leon Westin, një suedez 16-vjeçar nga Las Palmas, një mëngjarash që ka veshur tashmë fanellën e ekipit të tij kombëtar në kategoritë më të ulëta dhe që premton të bëhet një yll i së ardhmes.
Real Madridi vazhdon të forcojë ekipin e të rinjve, me të rinj premtues të gatshëm të lënë gjurmë.
Tag: suarez
-
Real “vjedh” Atletico-n, përforcohet me talentin e radhës
-
Luis Suarez: Përballja me PSG e vështirë, ja si mund të eliminohen kampionët e Europës
25 Qershor 2025
11:10
Telesport
Luis Suarez, sulmuesi i Inter Miami, foli pas barazimit 2-2 kundër Palmeiras, i cili u lejoi amerikano-veriorëve të kualifikoheshin për raundin tjetër të Kupës së Botës për klube.
Në këtë raund, skuadra amerikane do të përballen me PSG e Luis Enriques, kampione e Europës një muaj më parë. Sulmuesi i Inter Miami ka folur me superlativa për trajnerin e parizienëve.
“Për mua, Luis Enrique, së bashku me maestro Tabárez, është një nga trajnerët më të rëndësishëm në karrierën time. Ne e dimë sa e vështirë është të përballesh me kampionët e Champions League”, tha Luis Suarez.
“Do të jetë një ndeshje shumë e vështirë, por ne kemi armët tona për të konkurruar. Ne duhet të korrigjojmë disa gabime që, në ndeshje si kjo, paguhen shtrenjtë“, shtoi sulmuesi uruguajan. -
“Biskotë” në Inter Miami-Palmieras? “X” kualifikon të dy ekipet (VIDEO)
Mjaftonte një “X” për të kaluar më tej të dy prej dore, dhe ashtu ndodhi. Inter Miami dhe Palmeiras nuk i bëjnë keq njëri-tjetrit, ndahen në paqe në një barazim 2-2 që i dhuron dy ekipeve një biletë për në fazën e 1/8. Mbeten jashtë Porto dhe Al Ahyl, me dy ekipet që dhuruan spektakël për tifozët pas një barazimi 4-4. Leo Messi nuk arriti të linte gjurmë në këtë takim përballë Palmeiras, por protagonist u shndërrua miku i tij, Luis Suarez, me uruguaianin që dhuroi një asist dhe realizoi një gol.
Në minutën e 16-të, Suarez futi një top të bukur për Allende me argjentinasin që finalizoi saktë duke kaluar në avantazh ekipin nga Miami. Në fraksionin e dytë, në minutën e 65-të, Suarez me një aksion të bukur personal dyfishoi shifrat. Atëherë kur gjërat po shkonin drejt fundit, brenda 7 minutash, 80-87, ekipi brazilian gjeti dy herë rrugën e rrjetës duke siguruar një pikë të artë që i dhuroi kreun e Grupin A në kuotën e 5 pikëve, po aq sa edhe Inter Miami. Trishtimi ishte i dukshëm në sytë e Messit me shokë, të vetëdijshëm se në fazën e 1/8 do të përballen me një nga favoritet e Botërorit për Klube, PSG.
Një show i vërtetë ofensivë rezultoi sfida tjetër ndërmjet Portos dhe egjiptianëve të Al Ahyl, 8 gola të shënuar, me dy ekipet që e mbyllën në paqe pas barazimit 4-4. Tre gola u shënuan në fraksionin e parë, me ekipin egjiptian që e mbylli në avantazh 1-2, por në fraksionin e dytë u realizuan edhe 5 gola të tjera, por që në fund nuk kishin asnjë peshë, pasi dy ekipet e mbyllin Botërorin e Klubeve në kuotën e 2 pikëve.
() -
Suarez me gol dhe asist, Messi feston përgjysmë. Palmeiras rrëmben kreun me përmbysje (video)
38-vjetori i Lionel Messit kishte një shije të ëmbël dhe të hidhur. Inter Miami kaloi në 1/8 finale të Kupës së Botës për Klube, por e bëri si e dyta e Grupit A, pasi u përmbys në fund nga Palmeiras. Verdhëjeshilët, që arritën nga disavantazhi 0-2 në barazimin 2-2 për vetëm 7 minuta, kryesojnë grupin dhe sigurojnë, të paktën në letër, derbin brazilian kundër Botafogos. Leo Messi & CO, ndërkohë, do të përballen me ish-skuadrën e “Pleshtit”, PSG-në.
Ndeshja rezultoi e këndshme dhe emocionuese, me të besuarit e Mascheranos që e zhbllokuan rezultatin e bardhë duke u mbështetur te cilësitë individuale. Redondo pason për Luis Suarez, i cili me një spondë me gjoks aktivizon depërtimin e Allendes, i cili përballë Weverton, në minutën e 16-të, nuk gaboi.
Palmeiras përpiqet të reagojë me Estevao dhe Torres, por në pjesën e parë nuk gjen mënyrën për t’i thyer amerikanët, të cilët në mesin e pjesës së dytë dyfishojnë epërsinë. Protagonist ishte sërish “El Pistolero”, që driblon si birila dy kundërshtarë dhe godet portën braziliane me një të majtë të fuqishme brenda zonës.
Ndeshja dhe vendi i parë në xhep? As për ëndërr, sepse Abel Ferreira nxori nga stoli tre “asa”. Në minutën e 80-të, Allan dhuron asistin për Paulinhon për 2-1, ndërsa Mauricio në 87’ tronditi Ustari dhe i dha Palmeirasit kreun e grupit. Porto dhe Al Ahly jashtë, përpara shkojnë Inter Miami dhe verdhëjeshilët. Për Messin, 38-vjetori festohet përgjysmë.
NOTAT E INTER MIAMI – Klasi i Suarez (7.5) është gjithmonë i qartë. Për uruguajanin, një asist dhe një gol. Messi ndizet me shkëndija (6), paraqitje e vakët. Allende dhe Redondo (7 dhe 6.5) vlerësohen për golin, shpejtësinë dhe organizimin e lojës. Ustari i shpëtoi të tijtë në minutën e 94-t dhe meriton vlerësimin 6.5. Në formë të dobët u paraqit Busquets (5.5). -
Luis Suarez vlerëson Yamal: “Po shënon një epokë. Në moshën 17 vjeç duket e pamundur ajo gjë…”
Vetëm 17 vjeç, Lamine Yamal po pushton botën e futbollit me performanca të jashtëzakonshme dhe pjekuri të habitshme. Talenti i ri nga Barcelona nuk po kalon pa u vënë re as midis ish-lojtarëve të klubit Blaugrana. Luis Suárez, tani sulmues për Inter Miami, kishte disa fjalë të rëndësishme për lojtarin e lindur në vitin 2007.
Suarez po përgatitet të jetë protagonist në Kupën e Botës për Klube : “Ka lojtarë që piqen para të tjerëve. Yamal, në moshën 17 vjeç, po tregon një pjekuri shumë të rëndësishme dhe një përgjegjësi të madhe në fushë”, tha uruguaiani në një intervistë.
Suárez theksoi jo vetëm rritjen teknike të sulmuesit të ri anësor, por edhe vendosmërinë e tij për t’i vendosur vetes qëllime gjithnjë e më ambicioze: “Këto janë sfida që ai i vendos vetes, dhe si tifoz i Barçës jam vërtet i lumtur për të”.
Ish-numri 9 i Barçës më pas e këshilloi Yamalin të vazhdonte udhëtimin e tij me qetësi: “Ai duhet të vazhdojë të shijojë veten, të mësojë dhe të rritet, siç bëmë të gjithë ne midis moshës 18 dhe 25 vjeç”.
Së fundmi, Suárez pranoi ndikimin tashmë të dukshëm të talentit të ri: “Ai është një lojtar që po shënon një epokë dhe po bën një ndryshim të madh”. Shkurt, Lamine Yamal duket i destinuar të bëhet një nga protagonistët absolutë të futbollit botëror në vitet e ardhshme. -
1000 ndeshje, Suarez rekordmeni i Uruguait
E mërkura ishte një ditë e veçantë për sulmuesin Luis Suarez. Uruguaiani shënoi dy herë në fitoren 4-2 të Inter Majemi ndaj Montreal Impact dhe festoi me stil ndërsa arriti pikën e një mijë ndeshjeve si futbollist profesionist.
Një pikë e arritur kurrë nga asnjë bashkatdhetar: “Kjo është rruga që duhet ndjekur. Krenar për ekipin, i lumtur me rezultatin. Le të vazhdojmë të shtyjmë për të arritur më shumë!”, deklaroi ish-lojtari i Liverpul dhe Barcelonës në rrjetet sociale, duke theksuar se kishte luajtur ndeshjen e tij të njëmijtë.
Një numër i denjë për librat e rekordeve, por ajo që ka rëndësi janë synimet e ardhshme të klubit nga Florida, i cili dëshiron të bëjë mirë në Kupën e Botës për Klube dhe të përpiqet të fitojë titullin e MLS.
Vazhdo leximin
-
Luis Suárez, 1000 ndeshje dhe mesazh për mikun Messi: Duhet të arrijmë më shumë…
E mërkura ishte një ditë speciale për Luis Suárez. Sulmuesi uruguajan shënoi dy gola në fitoren 4-2 të Inter Miami ndaj Montreal Impact dhe festoi siç duhej ndeshjen e tij të 1000-të si futbollist profesionist. Një arritje që asnjë futbollist tjetër uruguajan nuk e kishte përmbushur më parë.
“Kjo është rruga që duhet ndjekur. Jam krenar për ekipin, i lumtur për rezultatin. Duhet të vazhdojmë të shtyjmë për të arritur edhe më shumë”, – shkroi Suárez në rrjetet sociale, duke theksuar rëndësinë e këtij momenti historik.
Edhe pse shifra është e denjë për librin e rekordeve, Suárez i ka sytë nga e ardhmja, me objektiva të qarta për Inter Miamin: të shkëlqejë në Kupën e Botës për Klube dhe të synojë titullin në MLS.
Ja ekipet me të cilat Luis Suárez ka arritur 1000 ndeshje:
Barcelona – 283 ndeshje
Ajax – 159 ndeshje
Kombëtarja e Uruguajit – 143 ndeshje
Liverpool – 133 ndeshje
Atletico Madrid – 83 ndeshje
Inter Miami – 57 ndeshje
Gremio – 54 ndeshje
Nacional (Uruguaji) – 51 ndeshje
Groningen – 37 ndeshje
Në moshën 38-vjeçare, pas një karriere të lavdishme në 8 klube dhe me kombëtaren, Suárez nuk ka ndërmend të ndalet. Ai dëshiron të shtojë edhe më shumë ndeshje dhe gola në këtë arritje madhështore, duke qenë element kyç në projektin ambicioz të Inter Miami, krah mikut dhe bashkëpunëtorit të përhershëm, Lionel Messi. -
Dy gola secili, Messi dhe Suarez rikthejnë Inter Miamin te fitorja
Vitet kalojnë, por klasi i Lionel Messit dhe Luis Suarezit mbetet. Dyshja e riktheu Inter Miamin te suksesi, duke mposhtur me rezultatin 4-2 Montrealin.
Messi dhe Suarez ishin padyshim protagonistët kryesorë të takimit, teksa shënuan nga dy gola secili.
Pas këtij suksesi, Inter Miami arriti fitoren e dytë në nëntë ndeshjet e fundit. Sinjale dhe nga Suarez, i cili nuk kishte shënuar që nga fitorja e fundit e skuadrës më 3 maj.
Uruguajani shkon në kuotën e 4 golave në këtë sezon dhe mbetet shumë larg pritshmërive.
Pas kësaj fitoreje, Inter Miami ngjitet në vendin e gjashtë në Konferencën Lindore, me 26 pikë pas 15 ndeshjeve. -
“Me Messin kuptohemi symbyllurazi, Simeone më ndihmoi të kapërceja dobësitë”
Luis Suárez e ka rifituar buzëqeshjen dhe është rikthyer te goli pas plot 9 ndeshjesh. Sulmuesi uruguajan vazhdon të kënaqet në një kampionat “më të lehtë”, përkrah disa shokëve të vjetër si Lionel Messi, Sergio Busquets dhe Jordi Alba, me objektivin për të fituar MLS-në dhe bërë paraqitje të mirë në Botërorin e ardhshëm për Klube.
Ish-lojtari i Liverpool-it dhe Barcelonës foli për emisionin “Simplemente Fútbol”, ku preku tema të ndryshme nga karriera e tij, mes të kaluarës, të tashmes dhe së ardhmes. Në lidhje me Messin, uruguajani zbuloi se mjafton një shikim për t’u kuptuar në fushë: “E di tashmë kur do të bëjë një lëvizje dhe kur jo. Rrallëherë keqkuptohemi apo gabojmë.
Nuk më streson më, sepse e di që nuk jam më në nivelin e mëparshëm. Nuk jemi më asnjëri si dikur. Po e shijojmë këtë moment të bukur, donim të ishim këtu për të fituar diçka dhe për të kaluar mirë njëkohësisht”.
Suárez e kujton me shumë dashuri përvojën e shkurtër tek Atlético Madridi. Klubi madrilen e bëri ta ndjejë sërish veten lojtar i rëndësishëm pas disa muajve të vështirë te Barcelona. Mes atyre që ia rikthyen entuziazmin është padyshim Diego Simeone:
“Është një trajner që më mësoi shumë. Mund të diskutosh me të për disa çështje, të ndash mendime, më ndihmoi shumë për të rifituar ritmin, të tregoja se isha ende në nivel. Ishte një vit spektakolar me të. Trajneri dhe të gjithë shokët më ndihmuan shumë tek Atlético Madridi për ta fituar një titull pas shumë vitesh”. -
A do të jetë Messi në Botërorin 2026? Suárez zbulon: E ka këtë dëshirë, por koha do ta tregojë
Në një intervistë për “El País”, Luis Suárez ka folur hapur. Miku dhe bashkëlojtari i Lionel Messit tek Inter Miami, pasi më parë kanë luajtur së bashku edhe te Barcelona, ka zbuluar se argjentinasi, i cili sot është 37 vjeç, ka dëshirë të marrë pjesë në Botërorin e ardhshëm që do të zhvillohet në SHBA, Kanada dhe Meksikë.
Synimi i 8 herë fituesit të “Topit të Artë” është për ta mbrojtur titullin e fituar ndaj Francës në “Katar 2022”. “E ka këtë dëshirë për të luajtur në Botërorin e vitit të ardhshëm”, – ka rrëfyer sulmuesi uruguajan.
Luis Suárez ka folur edhe për marrëdhënien e tij me kombëtaren e Uruguajit: “Sigurisht, pasi kam qenë larg kombëtares për pak kohë (ai shpalli tërheqjen nga kombëtarja në shtator 2024), ajo dëshirë është zbehur më shumë tek unë se tek ai (Messi), por ende nuk kemi folur seriozisht për këtë”.
Por, a është e sigurt që Messi do të marrë pjesë në Botërorin 2026? “Jo, jo, jo, as nuk ia bëj si pyetje… E njoh dhe nuk i bëj asnjë pyetje për këtë temë. Koha do të na e tregojë”, – saktësoi Suarez.
Gjithsesi, kjo nuk është diçka e re për trajnerin e Argjentinës, Lionel Scaloni, i cili e kishte paralajmëruar më parë. Edhe në një intervistë të dhënë për kanalin argjentinas “Dsports”, ai e ka konfirmuar:
“Gjëja e parë që duhet thënë është se Messi dhe shokët e tij janë të vetëdijshëm se ka ende kohë përpara. Si ai, ashtu edhe të tjerët duan të luajnë në Botëror. Por për ta bërë këtë, do të duhet të shohim se si kalon koha dhe në çfarë gjendje do të arrijnë atje”.