Dita e shtunë pritet të sjellë përkeqësim të motit në të gjithë territorin. Prej orës 10:00 të paradites e përgjatë gjithë ditës në të gjithë territorin do të ketë shtrëngata shiu, ku në disa zona do të jenë në formën e stuhive.
Po ashtu raportohet se gjatë ditës së shtunë në disa zona të vendit të ketë stuhi breshëri.
Pritet që moti gjatë ditës së nësërme të sjellë edhe ulje të ndjeshme të temperaturave krahasuar me dy ditët e fundit.
Temperaturat maksimale pritet të arrijnë deri në 27 gradë celcius, ndërsa ato minimale në 12 gradë celcius.
Tag: stuhi
-
“Stuhi të forta me vetëtima…”, moti bënë kthesën drastike këtë fundjavë, ja çfarë pritet të ndodh
-
Sinoptikani grek paralajmëron shqiptarët për nesër: Bëhuni gati për stuhi të fuqishme
Shqipëria pritet të përballet me kushte ekstreme atmosferike këtë fundjavë, veçanërisht ditën e shtunë, sipas një paralajmërimi urgjent nga sinoptikani i njohur grek dhe eurodeputeti i PASOK-ut, Sakis Arnaoutoglou.
Në përditësimin e tij më të fundit në YouTube, Arnaoutoglou u është drejtuar qytetarëve shqiptarë dhe turistëve në vend me një thirrje të drejtpërdrejtë për kujdes dhe përgatitje, duke theksuar se pritet një situatë jo e zakonshme për stinën, me stuhi të fuqishme, reshje të dendura, vetëtima të vazhdueshme dhe breshër të madh, që mund të shkaktojë dëme serioze.
Sipas hartave dhe parashikimeve të publikuara, zonat më të prekura pritet të jenë: Shkodra, Lezha, Durrësi por edhe pjesë të tjera të ultësirës perëndimore
Arnaoutoglou paralajmëron për rrezik real për përmbytje të menjëhershme, për shkak të sasisë së madhe të reshjeve që do të bien në një kohë shumë të shkurtër.
“Nuk bëhet fjalë për një mot të zakonshëm vjeshte, kjo që vjen është një situatë ekstreme që kërkon vëmendje dhe përgatitje,” – deklaroi ai.
Ai u ka bërë thirrje Autoriteteteve lokale që të vihen në gjendje gatishmërie, ndërkohë që qytetarët i ka këshilluar të shmangin lëvizjet e panevojshme, sidomos gjatë së shtunës.
-
Sinoptikani grek jep paralajmërimin për Shqipërinë: Të shtunën përgatituni për stuhi të fuqishme dhe breshër të madh
“Një mot i egër po i afrohet Shqipërisë!” Sinoptikani i njohur grek dhe eurodeputeti i PASOK-ut, Sakis Arnaoutoglou, ka dalë me një paralajmërim urgjent për kushte ekstreme që pritet të godasin Shqipërinë perëndimore dhe veriperëndimore këtë fundjavë, veçanërisht të shtunën.
Në përditësimin e tij të fundit në YouTube, sinoptikani i njohur grek i drejtohet drejtpërdrejt qytetarëve shqiptarë dhe turistëve që ndodhen aktualisht në vend: përgatituni për stuhi të fuqishme, reshje intensive, vetëtima të vazhdueshme dhe breshër të madh që mund të shkaktojë dëme serioze.
Sipas parashikimeve të tij të detajuara dhe hartave që publikon, zonat më të rrezikuara përfshijnë Shkodrën, Lezhën, Durrësin dhe pjesë të tjera të ultësirës perëndimore.
Ekziston rreziku real për përmbytje të menjëhershme, si pasojë e sasisë së lartë të reshjeve që do të bjerë në një kohë shumë të shkurtër.
“Nuk bëhet fjalë për një mot të zakonshëm vjeshte, kjo që vjen është një situatë ekstreme që kërkon vëmendje dhe përgatitje,” – deklaroi ai.
Autoritetet lokale pritet të vihen në gatishmëri, ndërkohë që qytetarët këshillohen të shmangin lëvizjet e panevojshme gjatë së shtunës. -
Mot i keq me stuhi në disa rajone të Francës, Italisë dhe Britanisë! Paralajmërime për banorët, dëme të mëdha materiale
Ndërkohë që disa vende vijojnë luftën me zjarret, një pjesë tjetër po përballen me stuhi të forta.
Një dallgë jashtëzakonisht e fortë goditi këtë të martë bregdetin e Francës, me valë deri në pesë metra. Autoritetet urdhëruan menjëherë mbyllen e plazheve për të mbajtur të sigurt pushuesit, ndërsa helikopterët e sigurisë po monitorojnë gjithë vijën bregdetare.
Itali po përballet gjithashtu me një stuhi të fortë, me shi, breshër dhe erëra që tejkalojnë 100 kilometër për orë, që ka shkaktuar dëme të mëdha e shkatërrim në shumë zona. Përmbytje, qindra pemë të rrëzuara, dhjetëra automjete të dëmtuara dhe dëme në resortet e plazheve dhe të mbjellat, ndërkohë që operacionet e shpëtimit janë në terren. Në rajonin e Emilia-Romagna po përgatitet të shpallet gjendja e emergjencës.
Autoritetet në Britaninë e Madhe kanë dhënë alarmin për një stuhi të fortë, me gjatësi mbi 800 kilometra, që pritet të godasë këtë fundjave. Sipas autoriteteve, stuhia me valë masive po i afrohet vendit dhe pritet të fillojë të premten.
Një stuhi e pazakontë rëre, e njohur në meteorologji si habub, goditi të hënën në mbrëmje edhe zonën metropolitane të Phoenix, në Arizona, duke shkaktuar rrëzimin e pemëve, dëme të mëdha materiale dhe ndërprerje të energjisë elektrike. Në aeroportin Sky Harbor të Phoenix, një urë u shkatërrua nga erërat me shpejtësi 112 km/orë.Top Channel
-
VIDEO/ SHBA, momenti kur një mur i madh pluhuri “gëlltit” Phoenix
Një “mur” i madh pluhuri, i njohur në meteorologji si habub, “gëlltiti” pjesë të zonës metropolitane të Phoenix të hënën në mbrëmje, duke shkaktuar vizibilitet zero.
Sipas CNN, pas stuhisë së rërës, stuhi të forta goditën qytetin, duke shkaktuar rrëzimin e pemëve, dëme të mëdha materiale dhe ndërprerje të energjisë elektrike. Në aeroportin Sky Harbor të Phoenix, një urë u shkatërrua nga erërat me shpejtësi 112 km/orë.
Shërbimi i Phoenix lëshoi paralajmërime për stuhi rëre dhe stuhi të forta ndërsa stuhia arriti në Qarkun Maricopa, me autoritetet që u bënë thirrje njerëzve të shmangin drejtimin e automjeteve për shkak të dukshmërisë së ulët në mënyrë të rrezikshme.
Departamenti i Transportit i Arizonës raportoi përmbytje në rrugë, duke u bërë thirrje shoferëve të jenë të kujdesshëm.Dust storm blankets everything in its path as it rolls through the Phoenix, Arizona, area. pic.twitter.com/FpecQcryHo
— Fox News (@FoxNews) August 26, 2025Siç raporton rrjeti amerikan, më shumë se 60,000 klientë në Arizona mbetën pa energji elektrike për shkak të stuhive, me shumicën e problemeve me energjinë elektrike të regjistruara në Qarkun Maricopa, sipas PowerOutage.us.
This evening: A massive dust storm is sweeping across Phoenix, creating an intense scene visible from Sky Harbor International Airport.
📍 Phoenix, Arizona, USA . pic.twitter.com/WQGr0HKSK8
— Weather Monitor (@WeatherMonitors) August 26, 2025Për rreth një orë, Aeroporti Ndërkombëtar Phoenix Sky Harbor vendosi një ndalesë tokësore dhe pezulloi të gjitha uljet dhe ngritjet, pasi objektet ishin të mbuluara nga një re e madhe pluhuri. Aeroporti u rikthye më vonë në funksionim, por pati vonesa në fluturime deri vonë natën e së hënës, ndërsa ekipet kontrolluan zonën për ndonjë dëmtim.
Në Gilbert të Arizonës, rreth 35 kilometra në juglindje të Phoenix, pati “ndërprerje të semaforëve dhe pemë të rrëzuara në të gjithë qytetin”, tha policia, duke u bërë thirrje banorëve të shmangin udhëtimet për shkak të kushteve të rrezikshme.
Stuhitë e rërës nuk janë asgjë e re gjatë sezonit të musoneve në Arizona, por kjo ishte mjaft intensive. Siç shpjegon CNN, fenomeni i habubit shkaktohet nga erërat e një stuhie që fryn në drejtime të ndryshme, duke ngritur rërë nga shkretëtira dhe duke formuar një mur pluhuri. Këto mure mund të arrijnë qindra metra lartësi dhe të shtrihen për disa kilometra, duke zhdukur horizontin në sekonda, si një stuhi dëbore në dimër.Top Channel
-
Stuhi e fortë në Kroaci: Breshër me madhësinë e kokrrës së arrës, rrugët u përmbytën
Një stuhi e fuqishme e shoqëruar me breshër në madhësinë e arrës dhe reshje të dendura ka goditur mbrëmjen e së mërkurës qytetin e Umagut dhe veriperëndimin e Istrës në Kroaci. Sipas portalit meteorologjik Istramet, brenda një kohe të shkurtër kanë rënë rreth 100 milimetra shi për metër katror.
Moti i keq erdhi nga perëndimi duke sjellë shi të rrëmbyeshëm dhe breshër, duke detyruar qytetarët të kërkonin strehim deri në qetësimin e situatës.
Rrugët në Umag janë përmbytur, ndërsa autoritetet kanë bërë thirrje që banorët të marrin masa mbrojtëse dhe të ndjekin udhëzimet zyrtare.
Deri më tani nuk raportohet për dëme të mëdha materiale, por Shërbimi Meteorologjik Shtetëror i Kroacisë (DHMZ) ka paralajmëruar se reshjet e shoqëruara me vetëtima dhe bubullima do të vazhdojnë edhe gjatë së enjtes dhe të premtes.
Sipas ekspertëve, ekziston rreziku për përmbytje urbane dhe rrëshqitje të përkohshme, veçanërisht në rajonin e Adriatikut verior.
-
Moti i keq godet sërish Italinë, përmbytje, stuhi dhe alarm në disa rajone
Disa rajone të Italisë po përballen sërish me mot të keq, përmbytje dhe stuhi që kanë shkaktuar dëme dhe alarme në disa zona.
Në Siçili, në Leonforte dy makina përfunduan në lumin Crisa dhe dy persona u shpëtuan nga zjarrfikësit, ndërsa një person tjetër rezulton i zhdukur. Në Sardenjë, shiu dhe breshëri kanë shkatërruar hektarë të tërë me tokë bujqësore dhe kanë përmbytur disa qytete.
Departamenti i Mbrojtjes Civile ka lëshuar një alarm portokalli për Ligurinë dhe Lombardinë duke filluar nga ora 21:00 e së martës. Në Milano dhe Bergamo, kopshtet dhe parqet publike do të mbyllen më 20 gusht.
Në Italinë Veriore dhe Qendrore, reshje të forta me stuhi priten në rajonet Valle d’Aosta, Piemonte, Liguria, Lombardi, Emilia-Romagna, Friuli-Venezia Giulia, Veneto dhe Toskana. Për këto zona, është lëshuar alarm i verdhë nga Mbrojtja Civile.
Arezzo ka përjetuar rrebeshin e tretë të rrëmbyeshëm brenda tre ditësh i cili ka shkaktuar përmbytje dhe ka bllokuar disa rrugë. Ndërkohë, në Peruxhia, erërat dhe reshjet e dendura rrëzuan pemë në autostradën Perugia-Bettolle, duke detyruar mbylljen e përkohshme të saj.
Autoritetet bëjnë thirrje për kujdes maksimal dhe ndjekje të udhëzimeve të emergjencës.
-
Situatë jo e mirë në Itali. Ka përmbytje, stuhi dhe alarm në disa rajone
Bota E Martë, 19 Gusht 2025 21:17
Në një pjesë të Europës ka zjarre, në Itali ka përmbytje. Disa rajone po përballen sërish me mot të keq, përmbytje dhe stuhi që kanë shkaktuar dëme dhe alarme në disa zona.
Në Siçili, në Leonforte dy makina përfunduan në lumin Crisa dhe dy persona u shpëtuan nga zjarrfikësit, ndërsa një person tjetër rezulton i zhdukur. Në Sardenjë, shiu dhe breshëri kanë shkatërruar hektarë të tërë me tokë bujqësore dhe kanë përmbytur disa qytete.Departamenti i Mbrojtjes Civile ka lëshuar një alarm portokalli për Ligurinë dhe Lombardinë duke filluar nga ora 21:00 e së martës. Në Milano dhe Bergamo, kopshtet dhe parqet publike do të mbyllen më 20 gusht.
Në Italinë Veriore dhe Qendrore, reshje të forta me stuhi priten në rajonet Valle d’Aosta, Piemonte, Liguria, Lombardi, Emilia-Romagna, Friuli-Venezia Giulia, Veneto dhe Toskana. Për këto zona, është lëshuar alarm i verdhë nga Mbrojtja Civile. -
Uragani Erin forcohet në një stuhi të Kategorisë 4, kërcënon Bregun Lindor të SHBA-së
Uragani Erin është forcuar në një stuhi të Kategorisë 4, ndërsa kërcënon të sjellë dallgë shkatërruese që rrezikojnë jetën në Bregun Lindor të Shteteve të Bashkuara.
Shirat e stuhisë kanë filluar të godasin juglindjen e Bahamas dhe Ishujt Turks dhe Caicos, ku është në fuqi një paralajmërim për stuhi tropikale.
Edhe pse nuk pritet që Erin të prekë drejtpërdrejt tokën në ishuj, parashikohet të sjellë reshje në Turks dhe Caicos si dhe në pjesën lindore të Bahamas.
Erin, uragani i parë i sezonit Atlantik 2025, “u thellua dhe u intensifikua në mënyrë shpërthyese” të shtunën në një stuhi të Kategorisë 5, përpara se të dobësohej përkohësisht dhe më pas të rifitonte forcën.
Një hartë tregon rrugën e parashikuar të uraganit Erin. Ai ndodhet në lindje të Bahamas në orën 05:00 EDT (GMT-4) të hënën, duke lëvizur paralelisht me Bregun Lindor të SHBA-së. Parashikohet të kalojë pranë kufirit mes Floridës dhe Georgias në orën 02:00 EDT të mërkurën, dhe më pas paralel me bregun e Karolinës së Veriut deri në orën 02:00 EDT të enjten.
Prezantuesja kryesore e BBC Weather, Helen Willetts, tha se uragani Erin është aktualisht “një stuhi e madhe”.
“Edhe pse në këtë fazë nuk pritet të godasë drejtpërdrejt tokën, ai do të sjellë reshje të dendura, duke shkaktuar përmbytje të menjëhershme, përmbytje bregdetare nga dallgët, dëme nga era dhe rryma detare të rrezikshme,” shtoi ajo.
“Deri tani kemi parë reshje të mëdha në Porto Riko – 82 mm në 24 orë – dhe në Anguilla, 62.3 mm.”
Më shumë se 150,000 njerëz mbetën pa energji elektrike në Porto Riko, pasi erërat e forta dëmtuan linjat e furnizimit me energji elektrike, sipas kompanisë lokale të energjisë Luma. Sidoqoftë, kompania tha se ka kryer riparime emergjente dhe se deri të dielën në mbrëmje (sipas orës lokale), 95% e klientëve kishin sërish energji elektrike.
Brezat e jashtëm të stuhisë kanë filluar të ndikojnë në Bahamas, sipas Qendrës Kombëtare të Uraganeve (NHC) të SHBA-së.
Edhe pse nuk pritet që stuhia të godasë drejtpërdrejt ishujt, Autoriteti i Menaxhimit të Rrezikut nga Fatkeqësitë në Bahamas ka inkurajuar banorët të marrin masa paraprake.
Drejtori menaxhues i këtij autoriteti, Aarone Sargent, u kërkoi banorëve të kontrollojnë se cilat strehimore janë më afër tyre dhe të jenë të informuar për alternativat, nëse strehimorja kryesore mbushet.
“Këto stuhi janë shumë të paqëndrueshme dhe mund të ndryshojnë papritur drejtimin e tyre,” tha ai.
Sipas parashikimeve të NHC-së, bërthama e uraganit Erin pritet të kalojë në lindje të Bahamas juglindore sot dhe më pas të lëvizë ndërmjet Bermudës dhe Bregut Lindor të SHBA-së gjatë mesit të javës.
Po ashtu, NHC thekson se Erin do të mbetet “një uragan i madh dhe i rrezikshëm” gjatë gjithë kësaj periudhe.
Në Outer Banks – një varg ishujsh pranë brigjeve të Karolinës së Veriut – tashmë ka filluar përgatitja për dallgë të larta dhe erëra të forta.
Autoritetet kanë urdhëruar evakuimin e detyrueshëm të ishullit Hatteras, duke paralajmëruar se autostrada kryesore që lidh Hatteras me ishujt e tjerë mund të bëhet e pakalueshme.
Meteorologët kanë paralajmëruar gjithashtu për batica të rrezikshme që mund të ndikojnë në të gjithë Bregun Lindor të Shteteve të Bashkuara.Top Channel
-
Stuhi ere në Vlorë, tremben pushuesit! Largohen me nxitim nga plazhi
Erërat e forta dhe reshjet e befasishme të shiut kanë trmbur pushiesit apsditen e kësaj të premteje në qytetin e Vlorës.
Siç shihet edhe në videon e Vizion Plus, pushuesit largohet me nxitim nga plazhi, ndërsa era e fortë ka ngritur rërën.
Po ashtu në video shihet se si çadrat dhe shezlonget tunden fort nga era. Raportohet se kjo situatë zgjati disa minuta, por kaq mjaftoi për të boshatisur të gjithë vijën bregdetare të qytetit.