Lajmidites.com

Tag: stubb

  • Trump i gatshëm për kompromis? Presidenti finlandez zbulon detaje nga biseda

    Trump i gatshëm për kompromis? Presidenti finlandez zbulon detaje nga biseda

    Bota E Diel, 23 Nëntor 2025 17:38
    Presidenti i Finlandës, Alexander Stubb, ka bërë të ditur se ka zhvilluar një bisedë telefonike me Presidentin amerikan Donald Trump dhe Kryeministren italiane Giorgia Meloni, në kuadër të diskutimeve për një plan paqeje për konfliktin në Ukrainë.
    Në një deklaratë për AFP, Stubb tha se telefonata u zhvillua për të diskutuar planin 28-pikësh dhe zhvillimet më të fundit lidhur me përpjekjet ndërkombëtare për arritjen e paqes, gjatë Samitit të G20 në Johannesburg, ku po marrin pjesë zyrtarë të lartë europianë.

    “Pata mundësinë të flisja me Presidentin Trump, së bashku me Kryeministren Meloni. Diskutuam situatën, planin 28-pikësh dhe hapat e mëtejshëm për procesin e paqes”, u shpreh Stubb.

    Ai shtoi se telefonata me Trump është zhvilluar herët në mëngjes sipas orës së SHBA-së.

    “Presidenti Trump iu përgjigj telefonit në orën 05:00 të mëngjesit të së dielës në SHBA, gjë që tregon se ai po punon ditë e natë për të arritur një marrëveshje paqeje në luftën e Rusisë kundër Ukrainës”, theksoi Presidenti finlandez.

  • Udhëheqësi finlandez: Ka nisur një epokë e re e armëve bërthamore

    Udhëheqësi finlandez: Ka nisur një epokë e re e armëve bërthamore

    Presidenti i Finlandës, Alexander Stubb, tha se ka nisur “një epokë e re e armëve bërthamore”, pasi javën e kaluar Shtetet e Bashkuara njoftuan se planifikojnë të kryejnë testime të reja të armëve bërthamore.
    Stubb tha se “logjika e frenimit” dhe “stabiliteti strategjik midis superfuqive” po i nënshtrohet një transformimi.
    “Ne kemi hyrë në një epokë të re të armëve bërthamore, të cilën, fatkeqësisht, rëndësia e armëve bërthamore është në rritje”, tha Stubb gjatë një fjalimi në Helsinki më 3 nëntor.

    Javën e kaluar presidenti amerikan, Donald Trump, njoftoi se SHBA-ja do të fillojë testimet e armëve bërthamore, duke rritur pikëpyetjet nëse kjo nënkupton shpërthimin e parë bërthamor të vendit që nga viti 1992.
    Njoftimi erdhi pasi Rusia tha se kishte testuar një raketë të re lundruese bërthamore, Burevestnik, si dhe një dron nënujor me kapacitet bërthamor.
    Asnjë shtet tjetër, përveç Koresë së Veriut, nuk dihet të ketë kryer ndonjë shpërthim bërthamor për dekada të tëra.
    Rusia dhe Kina nuk kanë zhvilluar testime të tëra që nga viti 1990, respektivisht nga viti 1996.
    Të dielën, Trump pretendoi se shtetet si Rusia dhe Kina kanë kryer testime bërthamore nëntokësore, të panjohura për publikun, dhe SHBA-ja do të veprojë njësoj.
    ”Si mund të ndërtojmë së bashku politikën e frenimit? Si mund ta kontrollojmë përshkallëzimin”, pyeti Stubb, duke theksuar se këto janë pyetje që një vend i vogël i Finlanda, që ndan një kufi prej 1.340 kilometrash me Rusinë, duhet t’i shqyrtojë tani bashkë me aleatët e saj.
    Duke hequr dorë nga dekada të mosangazhimit ushtarak, ky vend nordik iu bashkua NATO-s më 2023, pas nisjes së pushtimit rus të Ukrainës.

  • VIDEO / Homologun finlandez e kishte përballë, Trump nuk e njeh: Ku është ai…?!

    VIDEO / Homologun finlandez e kishte përballë, Trump nuk e njeh: Ku është ai…?!

    Presidenti amerikan, Donald Trump ka takuar gjatë ditës së hënë liderët evropianë në kuadër të përpjekjeve për përfundimin e luftës mes Ukrainës dhe Rusisë.
    Në mesin e pjesëmarrësve ishte presidenti finlandez, i cili iu bashkua takimit me homologun ukrainas, Volodymyr Zelensky.
    Trump duket se u hutua për një moment kur kërkoi presidentin e Finlandës, Alexander Stubb, i cili ishte ulur përballë tij.
    Ai u shpreh “president Stubb i Finlandës, ai është dikush që… ku është ai?”
    Presidenti Stubb iu përgjigj qetësisht “unë jam këtu”.
    Trump nuk ngurroi të vlerësonte shëndetin dhe punën e tij, duke shtuar se:
    “Oh! Dukesh më mirë se kurrë që të kam parë! Ke bërë një punë të shkëlqyer!”

  • E kishte përballë/ Trump nuk njeh presidentin finlandez, momenti bëhet viral në rrjet

    E kishte përballë/ Trump nuk njeh presidentin finlandez, momenti bëhet viral në rrjet

    Presidenti amerikan, Donald Trump ka takuar gjatë ditës së djeshme liderët evropianë në kuadër të përpjekjeve për përfundimin e luftës mes Ukrainës dhe Rusisë.

    Në mesin e pjesëmarrësve ishte presidenti finlandez, i cili iu bashkua takimit me homologun ukrainas, Volodymyr Zelensky.
    Trump duket se u hutua për një moment kur kërkoi presidentin e Finlandës, Alexander Stubb, i cili ishte ulur përballë tij.
    Ai u shpreh “president Stubb i Finlandës, ai është dikush që… ku është ai?”
    Presidenti Stubb iu përgjigj qetësisht “unë jam këtu”.
    Trump nuk ngurroi të vlerësonte shëndetin dhe punën e tij, duke shtuar se “Oh! Dukesh më mirë se kurrë që të kam parë! Ke bërë një punë të shkëlqyer!”

    ⚡️Trump lost track of the President of Finland sitting right across from him
    Trump: “President Stubb of Finland, he’s somebody that… where is he?”
    Stubb: “I’m right here.”
    Trump: “Oh! You look better than I’ve ever seen you look! You’ve done a great job!” pic.twitter.com/nQunafPeAK
    — NEXTA (@nexta_tv) August 18, 2025

    Top Channel

  • Diplomacia në fushën e golfit, ‘asi’ nën mëngë i Europës ndaj Trump mund të jetë presidenti finlandez

    Diplomacia në fushën e golfit, ‘asi’ nën mëngë i Europës ndaj Trump mund të jetë presidenti finlandez

    Në vigjilje të samitit të Alaskës, Europa zbuloi një “urë” të paparashikuar për t’u afruar me Donald Trump dhe për të ndikuar në sjelljen e tij për luftën në Ukrainë: presidenti finlandez Alexander Stubb. Në sipërfaqe, dy udhëheqësit s’kanë asgjë të përbashkët veç një detaji shumë të rëndësishëm për presidentin e Shtëpisë së Bardhë: golfit, shkruan La Repubblica.
    Stubb është kaq i mirë në këtë sport saqë kur ishte i ri mori një bursë për të ndjekur një universitet amerikan pa pagesë ku luajti në kampionatin kombëtar të universiteve dhe më vonë, e mendoi që të bëhej lojtar profesionist. Në vend të kësaj, zgjodhi politikën: kur u kthye në atdhe, u bë anëtar i parlamentit, ministër, kryeministrër dhe së fundmi, president.
    Pesë muaj më parë, e gjeti veten në një fushë të gjelbër me Trump në Florida duke i lënë mbresa presidentit amerikan. Nga ai moment, ata kanë luajtur bashkë disa herë dhe Donald e ka telefonuar në agim në Helsinki, duke u habitur “çfarë, je zgjuar që tani?” Ai e gjeti zgjuar sepse Stubb, 57 vjeç, është i vëmendshëm ndaj shëndetit, zgjohet në pesë të mëngjesit për trajnimin e përditshëm të triathlonit dhe më pas sauna. Falë golfit, miqësia që ka lindur tashmë është e dobishme për vendet europiane. Për këtë arsye, lideri finlandez është përfshirë në grupin e përzgjedhur, bashkë me kolegë nga Franca, Gjermania dhe Mbretëria e Bashkuar i cili flet vazhdimisht me presidentin ukrainas, Zelensky dhe më pas i raporton Trump.
    “Ne finlandezët nuk kemi agjendë të fshehtë dhe njihemi si të drejtpërdrejtë në bisedat tona”, tha Stubb për Wall Street Journal. “Unë mund t’i them Trump çfarë mendon Europa dhe Zelensky dhe më pas t’u them atyre çfarë mendon presidenti amerikan.” Mbi të gjitha, ai e kupton më mirë se kushdo ç’do të thotë të pushtohesh nga Ruasia: gjyshi dhe babai i tij lindën në 15% e Finlandës që Stalini ia doli ta aneksonte në luftën e 1939-1940. Diktatori rus donte ta pushtonte të gjithën, por finlandezët rezistuan.
    Financial Times raporton se Stubb citon rastin e vendit të tij që ka mbetur demokratik dhe i pavarur, si një zgjidhje e mundshme për Kievin. Ajo që është e sigurt është se kur Trump përshkallëzoi tensionet me Putin, po rikthehej nga një turne golfi nga i cili postoi foto në rrjetet sociale me Stubb dhe trofetë që kishin fituar. Shpresa e liderëve europianë është që me ndihmën e presidentit finlandez, drejtuesi i Kremlinit të dalë huq në Alaskë.

  • Tjeter goditje ndaj Izrelit/ Finlanda drejt njohjes së Palestinës? Presidenti Stubb: Gati ta miratoj…

    Tjeter goditje ndaj Izrelit/ Finlanda drejt njohjes së Palestinës? Presidenti Stubb: Gati ta miratoj…

    Presidenti i Finlandës, Alexander Stubb, deklaroi se është i gatshëm të miratojë njohjen e një shteti palestinez nëse qeveria vendos të ecë përpara me një propozim të tillë.

    Shumë vende, përfshirë Francën dhe Kanadanë, kanë shprehur gatishmërinë për të njohur Palestinën si shtet gjatë Asamblesë së 80-të të Kombeve të Bashkuara që do të mbahet në shtator.

    “Vendimet e Francës, Mbretërisë së Bashkuar dhe Kanadasë forcojnë trendin drejt njohjes së Palestinës si pjesë e përpjekjeve për të rinisur procesin e paqes,” shkroi Stubb në një postim në platformën X.

    Presidenti i Finlandës, i zgjedhur për një mandat gjashtëvjeçar, ka kompetenca të kufizuara, por luan një rol të rëndësishëm në bashkërendimin e politikës së jashtme në bashkëpunim të ngushtë me qeverinë.

    “Nëse marr një propozim për të njohur shtetin palestinez, jam i gatshëm ta miratoj,” u shpreh Stubb, duke dënuar situatën “çnjerëzore” në Gaza.

    Ai shtoi se e kuptonte që finlandezët kishin “mendime të ndryshme për njohjen e Palestinës dhe se ekziston gjithashtu shqetësim”, duke bërë thirrje për një debat “të hapur” dhe “të ndershëm”.

    Partia e ekstremit të djathtë, “Partia e Finlandezëve”, dhe Demokratët e Krishterë janë shprehur kundër njohjes së një shteti palestinez.

    Kryeministri finlandez, Petteri Orpo, të premten përsëriti mbështetjen e Helsinkit për një zgjidhje me dy shtete, por pa dhënë detaje nëse qeveria është e gatshme të ndërmarrë hapin për njohjen e Palestinës.

    Ai tha se diskutimet për politikën e jashtme dhe Lindjen e Mesme me presidentin do të vazhdojnë deri në konferencën e OKB-së në fund të shtatorit.

  • Finlanda drejt njohjes së Palestinës? Presidenti Stubb: Gati ta miratoj nëse e propozon qeveria

    Finlanda drejt njohjes së Palestinës? Presidenti Stubb: Gati ta miratoj nëse e propozon qeveria

    Alexander Stubb

    FINLANDË — Presidenti i Finlandës, Alexander Stubb, deklaroi se është i gatshëm të miratojë njohjen e një shteti palestinez nëse qeveria vendos të ecë përpara me një propozim të tillë.
    Shumë vende, përfshirë Francën dhe Kanadanë, kanë shprehur gatishmërinë për të njohur Palestinën si shtet gjatë Asamblesë së 80-të të Kombeve të Bashkuara që do të mbahet në shtator.
    “Vendimet e Francës, Mbretërisë së Bashkuar dhe Kanadasë forcojnë trendin drejt njohjes së Palestinës si pjesë e përpjekjeve për të rinisur procesin e paqes,” shkroi Stubb në një postim në platformën X.
    Presidenti i Finlandës, i zgjedhur për një mandat gjashtëvjeçar, ka kompetenca të kufizuara, por luan një rol të rëndësishëm në bashkërendimin e politikës së jashtme në bashkëpunim të ngushtë me qeverinë.
    “Nëse marr një propozim për të njohur shtetin palestinez, jam i gatshëm ta miratoj,” u shpreh Stubb, duke dënuar situatën “çnjerëzore” në Gaza.
    Ai shtoi se e kuptonte që finlandezët kishin “mendime të ndryshme për njohjen e Palestinës dhe se ekziston gjithashtu shqetësim”, duke bërë thirrje për një debat “të hapur” dhe “të ndershëm”.
    Partia e ekstremit të djathtë, “Partia e Finlandezëve”, dhe Demokratët e Krishterë janë shprehur kundër njohjes së një shteti palestinez.
    Kryeministri finlandez, Petteri Orpo, të premten përsëriti mbështetjen e Helsinkit për një zgjidhje me dy shtete, por pa dhënë detaje nëse qeveria është e gatshme të ndërmarrë hapin për njohjen e Palestinës.
    Ai tha se diskutimet për politikën e jashtme dhe Lindjen e Mesme me presidentin do të vazhdojnë deri në konferencën e OKB-së në fund të shtatorit./ZËRI/

  • Sanksione “shkatërruese” ndaj Rusisë? Presidenti i Finlandës paralajmëron: Trumpit po i soset durimi me Putinin

    Sanksione “shkatërruese” ndaj Rusisë? Presidenti i Finlandës paralajmëron: Trumpit po i soset durimi me Putinin

    Presidenti i Finlandës Alexander Stubb ka deklaruar se ish-presidenti amerikan Donald Trump po shfaq shenja impatience ndaj presidentit rus Vladimir Putin, ndërsa paralajmëroi se fati i Ukrainës nuk duhet të vendoset pa përfshirjen e Kievit.

    Deklarata vjen pas një bisede të gjatë mes Stubb dhe Trump, përpara një telefonate të planifikuar mes këtij të fundit dhe Putinit të hënën.
    “Zelenskyy është i duruar. Trump po bëhet i paduruar – por në drejtimin e duhur, drejt Rusisë,” tha Stubb në Konferencën e Sigurisë Lennart Meri në Talin.
    Sanksione “shkatërruese” në horizont
    Sipas Stubb, në varësi të rezultatit të bisedës mes Trump dhe Putin, senatorët amerikanë Lindsey Graham dhe Richard Blumenthal mund të paraqesin në Kongres një paketë të re sanksionesh ekonomike, që synon të godasë rëndë financat e Rusisë. Graham, një aleat i afërt i Trump, e ka përshkruar këtë paketë si “shkatërruese”, duke synuar edhe kompanitë e huaja që importojnë energji nga Rusia.
    Pjesë e planit është edhe vendosja e tarifave 500% ndaj vendeve që tregtojnë energji me Rusinë, megjithëse Trump më parë ka kundërshtuar qasje të tilla ekstreme në politikat tregtare.
    “Rusia nuk është më një fuqi e madhe”
    Stubb shtoi se ka punuar personalisht për të ndikuar te Trump, duke theksuar se Rusia nuk është më një superfuqi: “Ekonomia e saj është më e vogël se ajo e Italisë dhe pak më e madhe se e Spanjës. Rezervat po shterojnë, interesat mbi 20% dhe përparimi në frontin e luftës është minimal.”
    Ai theksoi se çdo kontakt i BE-së me Moskën duhet të koordinohet përmes liderëve të E3: Britania, Franca dhe Gjermania.
    Amerika kërkon më shumë angazhim europian në mbrojtje
    Në konferencë foli edhe ambasadori amerikan në NATO, Matthew Whitaker, i cili paralajmëroi se SHBA do të ulë praninë ushtarake në Evropë, duke përsëritur mesazhin e Trump: “Mjaft. Kjo do të ndodhë tani. Nuk ka më durim për zvarritje.”
    Ndërkohë, ministri i jashtëm i Polonisë, Radosław Sikorski, tha se Putini “ka zgjuar një gjigant të fjetur” dhe përshëndeti rritjen e shpenzimeve të mbrojtjes në NATO.
    “Në samitin e ardhshëm të NATO-s, do të synojmë 3.5% të PBB-së për mbrojtjen ushtarake dhe 1.5% për mbrojtjen civile dhe kibernetike,” shtoi ai, duke theksuar se Europa është në gjendje të lërë Rusinë në hije, veçanërisht nëse fondet shpenzohen më mirë dhe me qëllime të qarta.
    NATO përgatitet për vendime të vështira
    Megjithëse SHBA nuk ka përmendur zyrtarisht ndonjë tërheqje nga NATO, diplomatë evropianë paralajmërojnë për përplasje strategjike në samitin e ardhshëm të Aleancës. Roli i Ukrainës dhe kërcënimi afatgjatë nga Rusia pritet të jenë tema kyçe, me shumë liderë që këmbëngulin se paqja nuk duhet të përjashtojë integrimin e Ukrainës në NATO.

    Top Channel

  • Finlanda tërhiqet nga Konventa e Otavës, rrit shpenzimet e mbrojtjes për shkak të Rusisë

    Finlanda tërhiqet nga Konventa e Otavës, rrit shpenzimet e mbrojtjes për shkak të Rusisë

    Presidenti finlandez, Alexander Stubb tha se Finlanda do të tërhiqet nga marrëveshja ndërkombëtare e Konventës së Otavës dhe do të shpenzojë 3% të PBB-së për mbrojtje,

    Në një postim në X, ai shkruan se vendi i tij do të përgatisë tërheqjen e tij nga konventa.
    “Vendimi bazohet në një vlerësim të plotë nga ministritë përkatëse dhe forcat e mbrojtjes. Finlanda është e përkushtuar ndaj detyrimeve të saj ndërkombëtare në lidhje me përdorimin e përgjegjshëm të minave”, shtoi ai.
    Konventa e Otavës, që nga viti 1997, është vënë nën presion për shkak të luftës së Rusisë kundër Ukrainës, veçanërisht në vendet fqinje me Rusinë. Në mars, Polonia dhe tre vendet baltike njoftuan se do të tërhiqen nga konventa ndërkombëtare.
    Kujtomë se Finlanda ndan një kufi prej 1340 kilometrash me Rusinë. Stubb tha gjithashtu se Helsinki do të shpenzojë 3% të PBB-së për mbrojtjen deri në vitin 2029, krahasuar me 2.4% në 2024. Kjo është më shumë se objektivi aktual i NATO-s prej 2%, që pritet të rritet gjatë samitit të qershorit në Hagë.
    “Kjo është pjesë e kontributit të Finlandës për një Evropë që po merr më shumë përgjegjësi për mbrojtjen tonë”, tha presidenti finlandez.
    Gjatë fundjavës, Stubb bëri një udhëtim të papritur, jozyrtar në Florida dhe foli me presidentin e SHBA, Donald Trump për luftën në Ukrainë.

    Top Channel

  • Presidenti finlandez Stubb takohet me Trump në Florida, diskutojnë forcimin e partneritetit dypalësh

    Presidenti finlandez Stubb takohet me Trump në Florida, diskutojnë forcimin e partneritetit dypalësh

    Presidenti finlandez, Alexander Stubb bëri dje një udhëtim të papritur për t’u takuar me presidentin e SHBA-së, Donald Trump në pronën e tij në Florida, ku të dy udhëheqësit diskutuan forcimin e partneritetit dypalësh mes vendeve të tyre, sipas “Reuters”.
    “Presidenti Stubb dhe unë presim me padurim të forcojmë partneritetin midis Shteteve të Bashkuara të Amerikës dhe Finlandës, dhe kjo përfshin blerjen dhe zhvillimin e një numri të madh të akullthyesve shumë të nevojshëm për SHBA-në, duke ofruar paqe dhe siguri ndërkombëtare për vendet tona dhe botën”, tha Trump në një postim në rrjetet sociale.

    Dy presidentët u takuan për mëngjes, luajtën golf dhe drekuan së bashku. Ata diskutuan gjithashtu çështje të politikës së jashtme, duke përfshirë Ukrainën.
    Presidenti ukrainas Volodymyr Zelensky u takua me Stubb në Helsinki javën e kaluar.
    Zyra e presidentit finlandez tha në një deklaratë se vizita e paparalajmëruar e Stubb në pronën e Trump në Mar-a-Lago në West Palm Beach, Florida, ishte joformale.
    Takimi u zhvillua një ditë pasi zëvendëspresidenti amerikan i Trump, J.D. Vance, bëri një vizitë të paftuar në Groenlandë, një territor gjysmë autonom i aleatit të ngushtë nordik të Finlandës, Danimarkës.
    Vance akuzoi Danimarkën për një punë të dobët duke e mbajtur Groenlandën të sigurt.
    Trump ka shprehur interes për blerjen e Groenlandës, pjesë e një fokusi ndërkombëtar në rritje në konkurrencën për të kontrolluar Arktikun.
    Qeveria e Danimarkës e kundërshton një veprim të tillë, ashtu si shumica e banorëve të Groenlandës.
    Finlanda është prodhuesi kryesor në botë i akullthyesve. Rreth 80% e anijeve janë projektuar nga kompani finlandeze dhe rreth 60% e tyre janë ndërtuar në kantieret finlandeze.
    Në nëntor, Kanadaja, Finlanda dhe administrata e ish-presidentit amerikan, Joe Biden nënshkruan një marrëveshje të quajtur Përpjekja e Bashkëpunimit të Akullthyesit (ICE) – për të punuar së bashku për të zhvilluar akullthyes të klasit botëror të Arktikut dhe polare përmes shkëmbimit të njohurive, informacionit dhe burimeve.
    Përpara vizitës së tij, Stubb tha se shpresonte të luante golf me Trump dhe se diplomacia e akullthyesit mund ta ndihmonte Finlandën të mbante marrëdhënie të mira me SHBA-në dhe Trump.
    Finlanda ndan kufirin më të gjatë të Bashkimit Evropian me Rusinë. Pasi Rusia pushtoi Ukrainën, vendi bëri një kthesë të politikës së jashtme pas disa dekadash mungesë angazhimi ushtarak, duke vendosur të bashkohej me NATO-n së bashku me Suedinë.
    Kritikat e shpeshta të Trump ndaj aleatëve të NATO-s dhe ndryshimi i tij drejt normalizimit të marrëdhënieve me Rusinë i kanë bërë disa vende evropiane të përpiqen të rrisin shpenzimet e tyre të mbrojtjes. //a.i/ ATSH