Lajmidites.com

Tag: stërvitje

  • Serbia dhe Kina nisin për herë të parë stërvitje të përbashkët ushtarake

    Serbia dhe Kina nisin për herë të parë stërvitje të përbashkët ushtarake

    Bota E Hënë, 14 Korrik 2025 19:53
    Ministria e Mbrojtjes së Kinës njoftoi të hënën se Kina dhe Serbia do të zhvillojnë për herë të parë një stërvitje të përbashkët ushtarake, e cila pritet të mbahet në fund të këtij muaji.
    Ushtrimet ushtarake, të quajtura “Paqeruajtësit 2025”, do të zhvillohen në provincën Hebei në veri të Kinës dhe do të përfshijnë forcat speciale nga të dyja vendet. Lajmin e bëri të ditur koloneli Jiang Bin gjatë një konference për shtyp, sipas një njoftimi të shpërndarë nga Ministria e Mbrojtjes së Kinës.

    “Stërvitja synon të forcojë aftësitë luftarake të pjesëmarrësve dhe të thellojë bashkëpunimin ushtarak midis dy vendeve,” tha Jiang.
    Kjo është hera e parë që ushtritë e Kinës dhe Serbisë marrin pjesë në një stërvitje të përbashkët, edhe pse dy vendet i konsiderojnë marrëdhëniet e tyre një partneritet strategjik.
    Serbia mban statusin e neutralitetit ushtarak, por është pjesë e programit të NATO-s “Partneriteti për Paqe”. Megjithatë, Beogradi ka ndërtuar lidhje të forta me Pekinin, si në fushën e mbrojtjes ashtu edhe në ekonominë civile, përfshirë investimet dhe kreditë kineze në projekte infrastrukturore.
    Po ashtu, Serbia mbështetet në Kinën për përkrahje diplomatike në organizatat ndërkombëtare, sidomos sa i përket mosnjohjes së pavarësisë së Kosovës.
     

  • Serbia dhe Kina do të kryejnë stërvitje të përbashkët ushtarake për herë të parë

    Serbia dhe Kina do të kryejnë stërvitje të përbashkët ushtarake për herë të parë

    Serbia dhe Kina pritet të zhvillojnë stërvitje të përbashkët ushtarake për herë të parë rreth fundit të këtij muaji, njoftoi Ministria e Mbrojtjes e Kinës të hënën.

    Pjesë e ushtrimeve të përbashkët “Paqeruajtësit 2025” do të jenë forcat speciale të Serbisë dhe Kinës dhe stërvitja do të zhvillohet në provincën Hebei, në Kinën veriore, tha koloneli Jiang Bin, zëdhënës i Ministrisë kineze të Mbrojtjes, në një konferencë për shtyp, sipas Ministrisë.

    “Ky do të jetë stërvitja e parë e përbashkët midis ushtrive kineze dhe serbe. Do të kontribuojë në forcimin e aftësive luftarake të pjesëmarrësve dhe thellimin e bashkëpunimit midis dy ushtrive”, tha ai.

    Serbia është ushtarakisht neutrale, por është anëtare e “Partneritetit për Paqe”, një program bashkëpunimi dypalësh midis NATO-s dhe vendeve individuale jo-anëtare.

    Beogradi zyrtar mban marrëdhënie të mira me Kinën dhe këto dy vende e cilësojnë bashkëpunimin e tyre të ndërsjellë si partneritet strategjik, ndërsa Serbia është kandidate për anëtarësim në Bashkimin Evropian.

    Autoritetet në Beograd po mbështeten në përkrahjen e Kinës në organizatat dhe institucionet ndërkombëtare në kundërshtimin e pavarësisë së Kosovës.

    Serbia gjithashtu mbështeten te Kina për investime ekonomike dhe kredi./ REL

  • Stërvitje pa trajner dhe gjysmën e titullarëve, Tirana nis përgatitjet për sezonin e ri

    Stërvitje pa trajner dhe gjysmën e titullarëve, Tirana nis përgatitjet për sezonin e ri

    Tirana prej dy ditësh është duke u stërvitur në “Skënder Halili”. Të shtunën pasdite dhe të dielën paradite, skuadra ka punuar e drejtuar nga ish-ndihmësit e Shkëmbit, si dhe trajneri i portierëve, Alfred Osmani.
    TITULLARËT – Nga lojtarët titullarë, veç shqiptarëve të mbetur si: Haxhiu, Kola, Ismajli e ndonjë tjetër, pjesa tjetër ishte me të rinj. Me grupin edhe dyshja latinoamerikane Rafael dhe Luçiano Vera. Me grupin ishte bashkuar Ernest, ndërsa Gjumsi vazhdon të vuajë një problem në shpatull. Pjesa tjetër e futbollistëve ishte e gjitha dhe të rinjtë e skuadrës bashkuar me 19-vjeçarët.

    MUNGESAT – Në stërvitje kanë qenë disa lojtarë, të cilët kanë munguar, shumica e tyre të huaj. Së pari, mungonte dyshja Mahamadu Dembele dhe Ualid Zharmuni. Ata nuk ishin në fushën e stërvitjes. Po kështu, nuk është parë në “Skënder Halili” as Ian Soler, spanjolli i mesfushës. Ky i fundit do të jetë sot në kryeqytet, ashtu si edhe Abel Abah.
    LARGIME NGA STAFI – Veç lojtarëve, te Tirana janë larguar edhe pjesë të stafit të vjetshëm. Sabien Lilaj është te Struga, ndonëse klubi nuk ka zyrtarizuar largimin. Po kështu, Marvin Kastrati një nga fizioterapistët nuk do të jetë më pjesë e bardhebluve. “Pas 4 vitesh si pjesë e stafit të Klubit të Futbollit Tirana, rrugët tona ndahen dhe aventura ime profesionale në këtë klub merr fund. U rrita shumë më herët, në shkallët e stadiumit, mes emocioneve të një fëmije që ëndërronte bardheblu dhe që rritej me këtë dashuri bashkë me familjen e tij.
    Pata fatin dhe nderin të punoj për ekipin që kam dashur gjithë jetën. Të jem pranë djemve në fushë, të ndaj emocione, sfida, fitore dhe sakrifica. Falënderoj çdo koleg dhe lojtar me të cilët kam ndarë këtë rrugëtim, por mbi të gjitha, faleminderit TIRONA ime, jo vetëm për mundësinë, por për çdo emocion që më ke dhuruar që kur isha fëmijë, e deri më sot”, shkruante ai në rrjetet sociale.

  • “Do intensitet edhe në stërvitje, nuk pranon sipërfaqësinë”; Marquinhos zbulon sekretet e Luis Enrique

    “Do intensitet edhe në stërvitje, nuk pranon sipërfaqësinë”; Marquinhos zbulon sekretet e Luis Enrique

    Pas fitores bindëse 4-0 ndaj Atletico Madridit në ndeshjen e parë të Botërorit për Klube, parizienët përgatiten për sfidën e radhës ndaj Botafogo, gjithashtu me 3 pikë, që do të jetë vendimtare për të fituar vendin e parë në grupin B të turneut.
    Një skuadër, ajo braziliane, që mbrojtësi i parizienëve Marquinhos e njeh mirë: “Do të jetë një ndeshje vendimtare. Kjo përballje me Botafogon do të jetë shumë e rëndësishme për ne. Edhe pse ata kanë humbur disa lojtarë të rëndësishëm nga titulli i sezonit të kaluar, kanë ruajtur një nivel të shkëlqyer”.
    Më pas, qendërmbrojtësi brazilian foli për kërkesat që trajneri Luis Enrique i bën atij dhe skuadrës, edhe pas një sezoni të jashtëzakonshëm si ai që kulmoi me fitimin e Champions League. Edhe në këtë turne, trajneri spanjoll kërkon përqendrim maksimal, ashtu si në çdo stërvitje:
    “Ai (Luis Enrique) nuk pranon sipërfaqësinë, nuk pranon intensitetin e ulët në stërvitje apo në ndeshje. Kjo është ajo që na përgatit të përballemi me kundërshtarë të rëndësishëm si Botafogo, edhe pse nuk jemi mësuar të luajmë kundër skuadrave braziliane. Do të jemi gati dhe do të luajmë një ndeshje me shumë intensitet, duke ditur që do të jetë e vështirë. Duhet të përgatitemi mirë”.

  • Forca Detare e Shqipërisë krah Skuadronit të Marinës së SHBA, Ambasada Amerikane: Stërvitje thelbësore për sfidat e sigurisë

    Forca Detare e Shqipërisë krah Skuadronit të Marinës së SHBA, Ambasada Amerikane: Stërvitje thelbësore për sfidat e sigurisë

    Ditën e sotme u zhvillua një nga operacionet më të mëdha në brigjet e vendit tonë në kuadër të stërvitjes së përbashkët të forcave të NATO-s, ku mori pjesë edhe Shqipëria.
    Në këtë stërvitje ishin të pranishme edhe forcat ushtarake nga Skuadronit të Sigurisë së Ekspeditës Detare të Marinës Amerikane, që patrulluan së bashku me Forcën Detare Shqiptare. Ambasada Amerikane në Tiranë publikoi edhe fotot e rastit, duke e quajtur këtë stërvitje shumë thelbësore për aleancën euroatlantike.

    “Sot, deti Adriatik u shndërrua në një skenë simulimi për të zhvilluar operacione detare si pjesë e #Defender25.
    Dy anije patrullimi nga Skuadroni i Sigurisë së Ekspeditës Detare të Marinës së ShBA shoqëruan anijet e Forcës Detare Shqiptare gjatë stërvitjes, e cila përfshiu forcat shqiptare teksa zbritën me litar dhe hipën në një anije të Forcës Detare.
    DEFENDER 25 është stërvitja vjetore më e madhe e Ushtrisë Amerikane në Europë, që bashkon 25,000 trupa nga 29 vende aleate dhe partnere për të rritur shpërndarjen e shpejtë dhe gatishmërinë për operacione të përbashkëta. Këto stërvitje janë thelbësore për të siguruar që Aleatët e NATO-s të mbeten të gatshëm për të përballuar sfidat e vërteta të sigurisë” – shkruan Ambasada Amerikane në Tiranë.

  • Lajm i mirë për Kombëtaren, Rey Manaj rikthehet në stërvitje pas helmimit

    Lajm i mirë për Kombëtaren, Rey Manaj rikthehet në stërvitje pas helmimit

    Pas disa ditësh shqetësimesh për gjendjen shëndetësore të Rey Manajt, sulmuesi i Kombëtares shqiptare është rikthyer sot në stërvitje me ekipin. Lajmi vjen si një lehtësim për trajnerin Sylvinho dhe gjithë tifozët kuqezi, vetëm pak ditë përpara sfidave të rëndësishme të Europianit.
    Manaj kishte munguar në seancat stërvitore për tre ditë pasi kishte përfunduar në spital si pasojë e një helmimi, që i kishte shkaktuar temperaturë të lartë dhe probleme të përgjithshme fizike.
    Fatmirësisht, gjendja e tij është përmirësuar ndjeshëm dhe pasditen e sotme ai është parë duke kryer stërvitje të plotë me pjesën tjetër të skuadrës, çka sinjalizon se është gati për t’u rikthyer në fushë.
    Ky zhvillim është një lajm pozitiv për stafin teknik dhe për pritshmëritë e tifozëve, që shpresojnë te kontributi i sulmuesit në ndeshjet e radhës të Kombëtares.

  • ‘Karshillëk’ NATO-s? Rusia nis stërvitje të mëdha ushtarake në Detin Baltik

    ‘Karshillëk’ NATO-s? Rusia nis stërvitje të mëdha ushtarake në Detin Baltik

    Rusia ka filluar stërvitje detare “të mëdha” në Detin Baltik, thonë raportet e huaja.

    Agjencia ruse e lajmeve, Interfax, raporton se stërvitja ka filluar ditën e sotme, por nuk dihet sa do zgjasë.

    Raportohet gjithashtu se stërvitjet përfshijnë 20 anije luftarake, 3,000 trupa dhe mbështetje ajrore, shkruan A2 CNN.

    Kjo stërvitje vjen në një kohë kur në Kosovë po mbahet stërvitja ushtarake e NATO-s ‘Defender 25’, ku marrin pjesë trupa nga vende të ndryshme të aleancës.

    Ende nuk dihet nëse stërvitja ruse po kryhet qëllimisht në të njëjtën datë me stërvitjen e NATO-s, ose thjeshtë ka qenë një rastësi. 

  • ‘Karshillëk’ NATO-s? Rusia nis stërvitje të mëdha ushtarake në Detin Baltik

    ‘Karshillëk’ NATO-s? Rusia nis stërvitje të mëdha ushtarake në Detin Baltik

    Rusia ka filluar stërvitje detare “të mëdha” në Detin Baltik, thonë raportet e huaja.
    Agjencia ruse e lajmeve, Interfax, raporton se stërvitja ka filluar ditën e sotme, por nuk dihet sa do zgjasë.
    Raportohet gjithashtu se stërvitjet përfshijnë 20 anije luftarake, 3,000 trupa dhe mbështetje ajrore.
    Kjo stërvitje vjen në një kohë kur në Kosovë po mbahet stërvitja ushtarake e NATO-s ‘Defender 25’, ku marrin pjesë trupa nga vende të ndryshme të aleancës.
    Ende nuk dihet nëse stërvitja ruse po kryhet qëllimisht në të njëjtën datë me stërvitjen e NATO-s, ose thjeshtë ka qenë një rastësi.

  • Stërvitje ushtarake transnacionale në Greqi, përfundon më 7 qershor

    Stërvitje ushtarake transnacionale në Greqi, përfundon më 7 qershor

    Një stërvitje ushtarake transnacionale e quajtur “Reagim i Menjëhershëm-25” filloi të hënën në rajonin verilindor të Trakisë.

    Stërvitja është pjesë e aktiviteteve ndërkombëtare të Ushtrisë Greke dhe përfshin seksione të Forcave të Armatosura të Bullgarisë, Francës, Gjeorgjisë, Maqedonisë së Veriut, Spanjës dhe Shteteve të Bashkuara, tha Shtabi i Përgjithshëm i Ushtrisë Helenike.

    Pjesëmarrësit do të stërviten në operacione mbrojtëse dhe ofensive dhe në situata lufte kimike, biologjike, radiologjike dhe bërthamore, ndër të tjera.

    Stërvitja do të përfundojë më 7 qershor.

  • “Manaj nuk ka asnjë dëmtim”! Trajneri i Sivasporit: U mërzit me mua se e hoqa nga fusha, nuk erdhi 4 ditë në stërvitje 

    “Manaj nuk ka asnjë dëmtim”! Trajneri i Sivasporit: U mërzit me mua se e hoqa nga fusha, nuk erdhi 4 ditë në stërvitje 

    Trajneri i Sivasporit, Calimbay ka folur sa i përket situatës së shqiptarit në klub dhe historia e thënë prej tij nuk është aspak e bukur. Manaj ka qenë një titullar i padiskutueshëm te turqit dhe ka luajtur gjithmonë nga 90 minuta. Por fakti që në ndeshjen kundër Bodrumsporit luajti 82 minuta, e ka mërzitur Manajn dhe kjo solli edhe kritikat e trajnerit. Rei u la jashtë për ndeshjen e sotme ndaj Samsunspor dhe në fjalët e tij, Calimbay i tha të gjitha. 
    “Manaj nuk ka asnjë dëmtim. Ai nuk mori pjesë në stërvitje për 3-4 ditë. Më tha se kishte një shqetësim fizik dhe nuk mori pjesë në stërvitje. U mërzit dhe reagoi kundër meje pasi e nxora nga fusha në ndeshjen me Bodrumsporin. Erdhi vetëm në stërvitjen e fundit para ndeshjes me Samsunspor dhe ne nuk e morëm për këtë takim”, tha Calimbay. /Sport Ekspres/