Vlera e stablecoin-ve ka kaluar nga 3 miliardë dollarë në vitin 2019, në gati 300 miliardë sot. Ky boom i jashtëzakonshëm është nxitur edhe nga presidenti amerikan Donald Trump, i cili jo vetëm ka miratuar ligjin “Genius Act”, që rregullon këtë sektor, por ka bërë të qartë synimin e tij për ta kthyer SHBA-të në qendrën botërore të valutave të reja dixhitale. Dhe, si në shumë iniciativa të Trump, pas kësaj fshihet edhe një interes i drejtpërdrejtë ekonomik.
Çfarë janë stablecoin-sat?
Bëhet fjalë për valuta dixhitale që, ndryshe nga kriptovalutat e zakonshme, mbështeten me garanci për të ruajtur gjithmonë një vlerë fikse. Këto garanci mund të jenë para cash, obligacione shtetërore, depozita bankare, asete të tjera dixhitale ose algoritme që rregullojnë ofertën në treg.
Sot, 99% e stablecoin-eve në qarkullim janë të lidhura me dollarin dhe investohen kryesisht në bono të Thesarit amerikan. Stablecoin-t në euro mbeten minoritare, me një treg prej vetëm 395 milionë eurosh.
Sektori kontrollohet pothuajse tërësisht nga dy gjigantë:
Tether (USDT) me 184 miliardë dollarë (63% të tregut)
USD Coin (USDC) me 75 miliardë dollarë (26%)
Së bashku, ato zënë rreth 90% të tregut global.
Sipas Komitetit Konsultativ të Thesarit amerikan (TBAC), vlera e stablecoin-eve mund të arrijë në 2 trilionë dollarë deri në vitin 2028. Banka Citi shkon edhe më tej: në skenarin më optimist, tregu mund të dyfishohet deri në 4 trilionë dollarë në vitin 2030.
Shumica e emetuesve të stablecoin-eve investojnë rezervat e tyre në bono afatshkurtra të Thesarit amerikan. Vetëm në 2024-ën, ata blenë 40 miliardë dollarë obligacione.
Trump, i cili së bashku me familjen ka investuar në stablecoin-in USD1 përmes kompanisë World Liberty Financial, e ka kuptuar potencialin: Stablecoin-et po kthehen në blerësit e ardhshëm kryesorë të borxhit amerikan, duke rritur kërkesën dhe ulur kostot e interesit për qeverinë.
Sot, Tether ka ekspozim prej 135 miliardë dollarësh në bono amerikane, më shumë se Gjermania dhe Arabia Saudite.
Megjithatë, bankat qendrore paralajmërojnë se rritja e sektorit rrit ndjeshëm riskun e krizave financiare. Arsyeja? Çdo humbje besimi ndaj emetuesve mund të shkaktojë shitje masive, duke detyruar kompanitë të likuidojnë me urgjencë asetet e tyre, përfshirë bonot e Thesarit.
Kjo do të shkaktonte rritje të fortë të normave të interesit dhe do të trondiste tregjet tradicionale.
Ekspertët kujtojnë shembullin dramatik të vitit 2022, kur stablecoin-i Terra USD u shemb nga 1 dollar në vetëm 0.07 dollarë brenda pak ditësh, duke fshirë dhjetëra miliarda.
Edhe Tether dhe USDC kanë kaluar episode destabilizimi, përfshirë “shkëputjet” nga vlera fikse dhe panikun e shkaktuar nga kriza të tjera në tregun e kriptovalutave.
Sipas Bankës së Rregullimeve Ndërkombëtare, një krizë e një prej dy stablecoin-eve kryesorë, USDT apo USDC, do të përhapej me shpejtësi në tregjet e kriptove, valutave dhe obligacioneve shtetërore, duke nxitur një efekt domino në gjithë financën globale.
Dhe rreziku rritet çdo vit, ndërsa sektori i afrohet shifrave kolosale prej 2 trilionë dollarësh.
Tag: stablecoin
-
Stablecoin drejt shpërthimit global: Trump i kthen në mjet financiar dhe politik
-
Europës i duhet një euro dixhitale
Strategjia e Bankës Qendrore Europiane (BQE) për të siguruar autonominë në pagesa fokusohet te “euro dixhitale”, e cila do të zëvendësonte efektivisht paranë fizike në Eurozonë. Por ndikimi i euros dixhitale do të kufizohej vetëm te pagesat me pakicë dhe nuk do të rriste ndjeshëm pjesën e euros në transaksionet ndërkombëtare apo në rezervat valutore.Europa ka pritshmëri të mëdha për “euron dixhitale” që është duke u zhvilluar. Paraja fizike ka shërbyer prej kohësh si garancia përfundimtare e depozitave bankare, duke forcuar besimin te sistemi financiar në tërësi. Në epokën dixhitale, kur pjesa që zë paraja fizike edhe në transaksionet më të vogla po bie me shpejtësi, BQE shpreson që euro dixhitale të marrë këtë rol.Por ambiciet për euron dixhitale shkojnë më tej. Europa shpreson që valuta të forcojë autonominë e saj strategjike, në një botë ku dollari amerikan është monedha rezervë kryesore dhe ku sistemet e pagesave, ndërkombëtare dhe vendase, dominohen nga kompani private amerikane si Visa, Mastercard dhe PayPal. Sipas kësaj vizioni, euro dixhitale do të mbronte rolin ndërkombëtar të euros dhe do të mbështeste sfiduesit e hegjemonisë amerikane në pagesa. Megjithatë, vetëm euro dixhitale vështirë se mund t’i përmbushë këto pritshmëri.Euro dixhitale është konceptuar si një shtesë e parasë fizike, jo si alternativë e depozitave bankare, të cilat përbëjnë shumicën dërrmuese të ofertës monetare. Ashtu si paratë cash, eurot dixhitale do të shpërndaheshin nga bankat tregtare, por do të ishin të kthyeshme në bankën qendrore. Ato do të kishin fuqi ligjore pagese, kështu që qytetarët mund t’i përdorin për të paguar blerjet online dhe në dyqane (përmes telefonit), si dhe për të dërguar para shpejt e me efikasitet te njëri-tjetri. Po ashtu, si paraja fizike, eurot dixhitale nuk do të ofronin interes. Mbajtja në portofolin dixhital do të kufizohej në 3,000 euro, por do të mund të rimbushej me lehtësi.Me rënien e përdorimit të parasë fizike, qytetarët mund të ndihen më të sigurt nga fakti se mund të konvertojnë lehtësisht depozitat bankare në euro dixhitale që funksionojnë si cash. Por, sipas konceptimit aktual, euro dixhitale do të ishte e pavlefshme për transaksione korporatash dhe nuk do të luante rol të rëndësishëm në menaxhimin e likuiditetit apo në pagesat me shumicë. Dhe pikërisht këto transaksione, jo ato me pakicë, janë ato që do të bënin diferencën në forcimin e rolit ndërkombëtar të euros.BQE ka një plan për të zgjeruar rolin e euros dixhitale në pagesat me shumicë duke lidhur sistemin e saj qendror të regjistrave me sistemet e ardhshme të pagesave me shumicë, që me shumë gjasa do të mbështeten te teknologjia e shpërndarë e regjistrave (DLT). Në këtë drejtim, janë njoftuar dy programe. Programi Pontes është një iniciativë afatshkurtër, që synon krijimin e një ure mes platformave private DLT dhe sistemit të centralizuar të BQE-së, TARGET Services. Ndërsa programi më ambicioz Appia synon të krijojë një ekosistem financiar “gati për të ardhmen”, të bazuar mbi DLT.Këto nisma do të lejojnë BQE-në të veprojë si kundërpalë kryesore për një gamë të gjerë shkëmbimesh, përfshirë transaksionet ndërbankare, në një botë ku bankat dhe aktorë të tjerë të tregut kanë përqafuar DLT. Por, në thelb, ato vetëm do ta bëjnë po aq të shpejtë dhe efikas përdorimin e euros për transaksione me shumicë sa përdorimin e dollarit amerikan apo valutave të tjera. Për pasojë, Pontes dhe Appia ka gjasa të mos sjellin rritje të konsiderueshme të pjesës së euros në transaksionet ndërkombëtare apo në rezervat valutore.Megjithatë, ekziston një mundësi për ndryshim rrënjësor: stablecoin-et (asetet dixhitale të lidhura me monedhat tradicionale ose me mallra). Ndryshe nga euro dixhitale, e cila supozohet të funksionojë si paraja cash, stablecoin-et mund të veprojnë si alternativë e depozitave. Edhe pse programi Appia nuk e angazhon BQE-në për të krijuar një stablecoin në euro, ai do të vendosë infrastrukturën për zhvillimin e tij. Dhe me një kuadër mbështetës rregullator, stablecoin-et mund të kombinojnë shpejtësinë dhe efikasitetin e pagesave dixhitale me sigurinë e depozitave bankare.Legjislacioni i fundit në të dy anët e Atlantikut shkon në këtë drejtim. Në SHBA, ligji GENIUS (Guiding and Establishing National Innovation for US Stablecoins Act), dhe në Europë rregullorja MiCA (Markets in Crypto-Assets), kërkojnë që institucionet emetuese të mbajnë asete të mjaftueshme cilësore e likuide për të mbështetur stablecoin-et plotësisht. Por ky kriter nuk mjafton, sepse në kohë krize vlera e aseteve mbështetëse mund të bjerë, duke nxitur një tërheqje masive të fondeve nga stablecoin-i, e ngjashme me një panik bankar, por pa bankë qendrore që të shërbejë si huadhënës i fundit.Deri tani, as BQE dhe as Rezerva Federale nuk kanë shprehur ndonjë synim për të marrë këtë rol. Por Presidenti amerikan Donald Trump është i vendosur të mbështesë zhvillimin e industrisë së kriptove dhe duket se i sheh emetuesit e stablecoin-eve si një burim të rëndësishëm të ardhshëm kërkese për bonot e thesarit amerikan. Kjo sugjeron se administrata Trump mund të ndërmarrë çdo hap rregullator të nevojshëm për t’u dhënë stablecoin-eve hapësirë për t’u zhvilluar, përfshirë edhe garancinë që Rezerva Federale do t’u ofrojë emetuesve mbështetje likuiditeti.Nëse Fed ndërmerr këtë hap, dhe BQE jo, stablecoin-et në dollar do të errësojnë stablecoin-et në euro, duke forcuar më tej dominimin e dollarit amerikan. Përtej kufizimit të autonomisë së BE-së në pagesa dhe zhvillimit të tregut të kapitalit, kjo do ta linte BQE-në të varur nga likuiditeti i Fed në rast krize, duke minuar pavarësinë e politikës monetare dhe duke rritur koston e kapitalit.Sigurisht, garantimi i mbështetjes së BQE-së për emetuesit e stablecoin-eve do të sillte një ndryshim radikal në peizazhin financiar dhe të pagesave në Eurozonë. Por në një kontekst teknologjik e gjeopolitik që po ndryshon me shpejtësi, BQE mund të detyrohet të bëjë zgjedhjen e madhe. / Project SyndicateKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Ngrihet alarmi për kriptovalutat, Banka Qendrore Evropiane: Na duhen rregulla tani, s’mund të presim një krizë
Rreziqe të reja po shfaqen në horizont. Christine Lagarde ka bërë një paralajmërim të qartë për rreziqet që vijnë nga sektori financiar jo-bankar dhe zhvillimi i shpejtë i “stablecoin”-eve, duke paralajmëruar për mundësinë e krizave të likuiditetit që mund të destabilizojnë tregjet.
Në fjalimin hapës të konferencës së nëntë vjetore të Bordit Evropian për Rrezikun Sistemik (ESRB), presidentja e Bankës Qendrore Evropiane theksoi se inovacioni financiar nuk ka eliminuar rreziqet strukturore që godasin sistemin në mënyrë ciklike.
“Jehona e rrezikut mbetet e njohur: tensione likuiditeti, humbje të papritura besimi dhe ndërlidhje të fshehura. I njohim këto rreziqe. Dhe nuk duhet të presim një krizë për t’i parandaluar,” tha Lagarde.
Mesazhi kryesor i Lagarde ishte se qendra e gravitetit të financës evropiane është zhvendosur. Për dekada, monitorimi i bilanceve bankare mjaftonte për të kuptuar rrezikun. Sot jo më. Sektori jo-bankar është rritur në përmasa më të mëdha se ai amerikan në raport me PBB-në: 3.8 herë kundrejt 3.1 herë.
Fondet e investimeve, sigurimet, fondet e pensioneve, platformat fintech dhe aktorë të tjerë paralelë kanë zgjeruar transformimin financiar. Ndërlidhja me bankat mbetet e ngushtë, por ndarjet tradicionale nuk funksionojnë më.
“Vija ndarëse mes ‘bankave’ dhe ‘institucioneve jo-bankare’ është zbehur aq shumë sa që dallimi konceptual nuk është më i dobishëm,” tha Lagarde, duke theksuar nevojën për të parë përtej etiketave dhe për t’u fokusuar në aktivitetet reale.
ESRB prej kohësh mbështet një qasje “gjithëpërfshirëse”, që identifikon rreziqet kudo që shfaqen në sistem. Për Lagarde, rreziqet nuk janë kurrë vërtet të reja: kreditë, tregu, likuiditeti, sigurimi, rreziqe operative… janë konstante që rikthehen, edhe pse në forma të reja. Prandaj ajo këmbënguli në përdorimin e mjeteve të provuara: rezerva kapitali dhe likuiditeti, të dhëna të besueshme, infrastrukturë solide për të garantuar qëndrueshmëri.
Një shembull konkret janë “stablecoin”-et, asetet dixhitale të lidhura me një valutë ose një grup rezervash. Në pamje të parë duken si mjete të reja, por në fakt riprodhojnë dobësi të njohura për rregullatorët. Problemi kryesor është likuiditeti: emetuesit premtojnë rimbursim të menjëhershëm me vlerë nominale, edhe pse shpesh investojnë në asete të rrezikshme. Kjo dinamikë ka bërë që në të kaluarën disa fonde monetare të jenë të brishta ndaj panikut dhe tërheqjeve masive.
“Rreziku më i dukshëm është ai i likuiditetit. I njohim mirë sfidat e institucioneve që investojnë në asete të rrezikshme ndërsa premtojnë rimbursim të menjëhershëm dhe të plotë,” tha Lagarde.
Rregullorja evropiane për tregjet e kripto-aseteve (MiCAR) përpiqet të adresojë problemin, duke detyruar emetuesit të garantojnë rimbursim nominal për investitorët e BE-së dhe të mbajnë një pjesë të madhe të rezervave në depozita bankare. Por ka ende boshllëqe.
Lagarde paralajmëroi për “skemat me emetim të shumëfishtë”, ku një entitet evropian dhe një jashtë BE-së emetojnë së bashku “stablecoin”-e të shkëmbyeshme. Në rast paniku, investitorët do të kërkonin mbrojtje në juridiksionin evropian, ku mbrojtjet janë më të forta dhe tarifat të ndaluara. Por rezervat në BE mund të mos mjaftojnë për të përballuar kërkesën e përqendruar, duke krijuar një çekuilibër të rrezikshëm. “Këto skema riprodhojnë të njëjtat rreziqe që kemi parë në grupet bankare transnacionale,” tha ajo.
Lagarde theksoi se pa një kuadër global të unifikuar, përpjekjet e BE-së mund të jenë të pamjaftueshme. Financa, veçanërisht ajo dixhitale, ndjek rrugën e rezistencës më të ulët rregullatore.
“Legjislacioni evropian duhet të sigurojë që këto skema të mos operojnë pa regjim të fortë ekuivalence në juridiksione të tjera dhe pa garanci për transferimin e aseteve mes entiteteve të BE-së dhe jashtë saj,” tha Lagarde. “Kjo tregon pse bashkëpunimi ndërkombëtar është i domosdoshëm. Pa një fushë loje globale të barabartë, rreziqet do të kërkojnë gjithmonë rrugën më të lehtë.”
Referenca ndaj përvojave të fundit ishte e nënkuptuar, por e qartë. Nga “dash for cash” (shënim: një term financiar që përshkruan një situatë ku investitorët, bankat, fondet apo institucionet e tjera financiare përpiqen me ngut të shesin asetet e tyre për të marrë likuiditet (para në dorë ose të gatshme) në mars 2020, deri te krizat e bankave rajonale amerikane vitin e kaluar, çdo episod ka treguar sa shpejt mund të zhduket besimi dhe si tensionet e likuiditetit mund të përhapen. Tani i njëjti skenar rrezikon të përsëritet me kripto-asetet. Edhe pse ende margjinale krahasuar me financën tradicionale, “stablecoin”-et mund të marrin një rol më të madh në sistemet e pagesave dhe ndërmjetësimit, duke rritur ndikimin e tyre sistemik.
Për të përforcuar mesazhin, Lagarde përdori metaforën e një nëndetëseje që, falë sonarit, mëson të dallojë sinjalet e rëndësishme nga zhurma e sfondit. Po kështu, rregullatorët duhet të filtrojnë risitë e dukshme për të njohur rreziqet që rikthehen.
“Detyra jonë, si ajo e nëndetëses, është të dëgjojmë me kujdes dhe të ndajmë sinjalin nga zhurma,” tha ajo, duke cituar ekonomistin Charles Kindleberger: “Krizat financiare janë një bimë shumëvjeçare.”
Toni i Lagarde nuk la vend për dyshime: kriza e ardhshme mund të mos ngjajë me të fundit, por do të lindë nga të njëjtat linja. Dhe rreziku që të shfaqet në një sektor vetëm në dukje inovativ, si “stablecoin”-et, mbetet real. “Jehona e rrezikut mbetet e njohur,” përsëriti Lagarde. Dhe u kujtoi politikëbërësve të ESRB-së: “Nuk duhet të presim një krizë për t’i parandaluar.”
Shkrim nga La Stampa -
BE përshpejton planet për euron dixhitale pasi SHBA miraton ligjin për stablecoin
Shqetësimi mbi konkurrueshmërinë ngre mundësinë e përdorimit të blockchain publik në vend të atij privatZyrtarët e BE-së po përshpejtojnë planet për një euro dixhitale, sipas personave të përfshirë në diskutime, pasi një ligj i ri i SHBA-së për monedhat dixhitale të qëndrueshme thelloi shqetësimet në lidhje me konkurrueshmërinë e një monedhe dixhitale europiane. Monedhat dixhitale të qëndrueshme, të njohura si stablecoin, janë një lloj token dixhital i lidhur në raportin 1:1 me një valutë sovrane dhe i mbështetur nga rezerva si obligacionet qeveritare.Kongresi i SHBA-së muajin e kaluar miratoi një ligj historik që mbikëqyr tregun e stablecoin prej 288 miliardë dollarësh, i cili dominohet kryesisht nga dollari, pas lobimit të gjerë nga industria e kriptove.Një person i përfshirë në diskutime tha se që kur u miratua i ashtuquajturi Akti i Gjeniut (Genius Act), zyrtarët e BE-së kishin “ripërpunuar planet për euron dixhitale”.Njerëz të njohur me çështjen shtuan se zyrtarët tani po shqyrtonin drejtimin e një euro dixhitale në një blockchain publik si Ethereum ose Solana në vend të një blockchain privat, gjë që pritej më parë, për shkak të shqetësimeve për privatësinë. Miratimi i shpejtë i ligjit amerikan “shqetësoi shumë njerëz”, tha një person, duke shtuar: “Ata po thonë, ‘Le të nxitojmë, le të shtyjmë’”.Banka Qendrore Europiane ka punuar për disa vite për krijimin e mundshëm të një versioni dixhital të euros, i cili do të ishte i lirë për t’u përdorur në të gjithë Eurozonën.Mbështetësit thonë se një monedhë e tillë dixhitale do t’u jepte njerëzve akses në një formë pagese të mbështetur nga banka qendrore, ndërsa përdorimi i parave të gatshme bie, si dhe do të promovonte euron globalisht.Zyrtarët e BE-së tani janë të shqetësuar se legjislacioni i ri amerikan do të nxisë përdorimin tashmë në rritje të tokenëve të denominuar në dollarë dhe besojnë se një euro dixhitale është e nevojshme për të mbrojtur dominimin e monedhës në të gjithë kontinentin.“Po fillon të gjenerojë biseda që nuk ishin në vend para Aktit të Gjeniut”, tha një nga personat.Piero Cipollone, anëtar i bordit ekzekutiv të BQE-së, tha në prill se promovimi nga ana e qeverisë amerikane i monedhave të qëndrueshme të mbështetura nga dollari “ngre shqetësime për stabilitetin financiar dhe autonominë strategjike të Europës”.Ai shtoi se kjo mund të rezultojë në “zhvendosjen e depozitave në euro në Shtetet e Bashkuara dhe në një forcim të mëtejshëm të rolit të dollarit në pagesat ndërkufitare”.Kompanitë e kriptovalutave Circle dhe Tether janë ndër ato që përdorin stablecoin të lidhura me dollarin, ndërsa bankat amerikane si Citi dhe JPMorgan Chase po shqyrtojnë lançimin e tyre.Monedhat dixhitale të bankave qendrore janë forma dixhitale të parave publike. Kina është më përpara me tokenin e saj, ndërsa Mbretëria e Bashkuar po shqyrton krijimin e një paundi dixhital.Disa monedha të qëndrueshme të denominuara në euro janë lançuar, më e madhja prej të cilave drejtohet nga Circle dhe ka një kapitalizim tregu prej 225 milionë dollarësh. Por krijimi i një tokeni nga vetë BQE-ja do të çimentonte angazhimin e rajonit ndaj aseteve dixhitale.“Europa nuk mund të përballojë të mbështetet tepër në zgjidhjet e pagesave të huaja”, tha Cipollone në prill.Nëse euro dixhitale do të funksiononte në një blockchain publik, ajo do të mund të tregtohej kudo, gjë që mund të rriste qarkullimin dhe përdorimin e saj. Por zyrtarët janë të kujdesshëm në lidhje me përdorimin e blockchain-eve ekzistuese sepse transaksionet janë publike, duke ngritur shqetësime për privatësinë.Përdorimi i një blockchain publik ështe “padyshim diçka që zyrtarët e BE-së po e marrin më seriozisht tani”, tha njëri prej personave.Një person tjetër tha se një euro dixhitale në formën e saj të pritur gjerësisht, private, do të dukej “shumë më shumë si ajo që po bën banka qendrore kineze sesa ajo që po bëjnë kompanitë private në SHBA”, duke iu referuar tokenit të Bankës Popullore të Kinës, i cili drejtohet privatisht.BQE u shpreh se po shqyrtonte teknologji të ndryshme, si të centralizuara ashtu edhe të decentralizuara, në zhvillimin e euros dixhitale dhe se një vendim për këtë çështje nuk ishte marrë ende. / FTKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Tregu i kriptomonedhave tejkalon 4 trilionë dollarë për herë të parë, miratohet projektligji ‘historik’ në SHBA
Vlera totale e tregut të kriptomonedhave ka tejkaluar shifrën prej 4 trilionë dollarësh për herë të parë, falë rritjes së numrit të altkoin-eve dhe miratimit të projektligjit të parë federal për stablecoin-et në Shtetet e Bashkuara.
Legjislacioni u miratua si pjesë e të ashtuquajturës “Java e Kriptomonedhave” në Kongresin e SHBA-së dhe ka mbështetjen e republikanëve, si dhe të Presidentit Donald Trump.
Projektligji parashikon mbikëqyrje shtetërore ose federale të stablecoin-eve të lidhura me dollarin, duke synuar institucionalizimin e një tregu që tashmë vlerësohet në 265 miliardë dollarë dhe mund të arrijë në 3.7 trilionë dollarë deri në vitin 2030, sipas Citigroup.
Altkoin-et po udhëheqin rritjen, me Etherin që është rritur me 22% në pesë ditë. Bitcoin arriti një rekord të ri historik prej 123,205 dollarësh, ndërsa Uniswap u rrit me 24% dhe Solana fitoi 6.5% brenda ditës.
Përveç projektligjit për stablecoin-in, Parlamenti miratoi të enjten një kuadër të dytë legjislativ më të gjerë për rregullimin e tregut të kriptomonedhave, i cili tani pret miratimin e Senatit.Top Channel
-
Shopify lançon pagesat në stablecoin-in USDC
Gjiganti i e-commerce Shopify do të sjellë pagesat përmes stablecoins duke përdorur blockchainin layer-2 të Ethereu, Base, thanë kompanitë editën e Enjte.
Integrimi u lançua më 12 Qershor për një numër të kufizuar përdoruesish ndërsa disponueshmëria më e gjerë do të mbërrijë drejt fundit të vitit për të gjithë tregtarët që përdorin Shopify Payments.
Sapo lançimi të jetë kryer, tregtarët do të mund të pranojnë pagesa në tokenin USDC të Circle duke shmangur kështu komisionet e transfertave ndërkombëtare.Shopify tha se planifikon të ofrojë 1 përqind cashback konsumatorëve që paguajnë me USDC.
Stablecoin, janë kriptomonedha vlera e të cilave është e lidhur ngushtë me një aset real si në rastin e USDC që është e barabartë 1:1 me dollarin Amerikan. Përdorimi i stablecoin ka shpërthyer me një rritje prej 54 përqind nga viti në vit.Inciativa e re do të lehtësojë tregtinë globale duke shfrytëzuar infrastrukturën e kriptomonedhave. /PCWorld Albanian
-
Bankat më të mëdha të Amerikës po mendojnë të hyjnë në tregun kripto me një stablecoin
Bankat e mëdha në SHBA po eksplorojnë krijimin e një stablecoin të përbashkët për të konkurruar drejtpërdrejtë me dominimin e industrisë kripto në pagesat dixhitale.
Diskutime po zhvillohen me JPMorgan Chase, Bank of America, Citigroup, Wells Fargo dhe disa emra të tjerë të shquar raportoi Wall Street Journal.
Kjo ide po hidhet për ti paraprirë ligjit stablecoin që pritet të miratohet në senat dhe mund të ndihmojë bankat të kenë një bazë rregullatore për të emëtuar një stablecoin.Stablecoin janë monedha dixhitale të lidhura me 1 me 1 me vlerën e dollarit ose valutave të tjera. Ndërsa disa i shohin si destabilizues të politikave ekonomike dhe monetare, individët dhe bizneset shohin përfitime të mëdha.
Këtë javë Senati Amerikan eci përpara me Aktin GENIUS, një ligj i cili synon të rregullojë stablecoin-et duke vendosur standarde të rezervës federale, krijuar transparencë dhe aplikuar monitorim.Nëse akti bëhet ligj, stablecoin-et do të përshpejtojnë adoptimin e aseteve dixhitale. Duke u përfshirë në këtë industri bankat po përpiqen të konkurrojnë me dy emrat që dominojnë këtë sektor Circle dhe Tether me monedhat USDC dhe USDT respektivisht.
Mbi 150 miliardë dollarë janë emëtuar në industri nga Tether dhe mbi 60 miliardë dollarë nga Circle. /PCWorld Albanian