Tag: spital

Një 11-vjeçare në Zelandën e Re u ngatërrua gabimisht me një paciente të humbur, çka pasoi në marrjen  e saj me forcë, injektimin e mjekimeve anti-psikotike dhe u dërgua në një spital psikiatrik.
Policia dhe autoritetet shëndetësore janë përpjekur të shpjegojnë ngatërresën që ka shtangur liderët politikë dhe ka shkaktuar zeemërim në mbarë vendin, raporton The Guardian.
Vajza, e cila shfaqi “aftësi verbale të kufizuara”, po kalonte një urë në Hamilton kur një patrullë policie e identifikoi gabimisht si një paciente 20-vjeçare. Policia e dërgoi në spital ku ajo u vendos në një  “njësi të kujdesit intensitv psikiatrik”, pavarësisht se një infermiere tha se “dukej si fëmijë”.
“Pacienti A ka një aftësi ndryshe që do të thotë se nuk  ishte e aftë t’u tregonte njerëzve për veten”, thuhej në një përmbledhje të Ministrisë së Shëndetësisë, ku i referohej vajzës.
Pasi refuzoi stafin për të marrë mjekimet, vajza u mbajt me forcë dhe iu injektuan “anti-psikotikë” që u jepen rrallë fëmijëve”.
“Stafi po vepronte me hamendësimin se po ia jepnin mjekimin një të rrituri, jo një fëmije”, thuhet në shkresën e incidentit të datës 9 mars.
E mitura kaloi më shumë se 12 orë në spital derisa policia kuptoi gabimin dhe telefonoi familjen e saj.
“Dua t’ia nis duke i kërkuar falje kësaj vogëlusheje dhe familjes së saj për traumën dhe shqetësimin e shkaktuar”, tha një zyrtar i lartë i shëndetësisë, Richard Sullivan duke shtuar se është “e nevojshme që të sigurohen që mos të përsëritet”.
Kryeministri Christopher Luxon nisi një hetim javën e shkuar pasi ngjarja doli në dritë.