Një grua 56-vjeçare është dërguar me urgjencë në spital pas një reaksioni të ndaj medikamenteve, ndërsa Policia ka referuar materialet në Prokurori, duke nisur procedimin në gjendje të lirë për dy punonjëse të shëndetësisë.
Sipas njoftimit zyrtar, janë proceduar shtetaset E. H., 46 vjeçe, me detyrë mjeke, dhe A. T., 71 vjeçe, infermiere në pension.
Hetimet paraprake treguan se medikamentet i janë përshkruar 56-vjeçares F. K. nga mjekja E. H., ndërsa injeksionet janë aplikuar në banesë nga infermierja A. T.
Pas reagimit të fortë ndaj mjekimit, gruaja është dërguar në spital, ku ndodhet nën kujdesin e mjekëve.
Tag: spital
-
Reaksion nga medikamentet/ Në spital 56-vjeçarja, procedohet mjekja dhe infermierja
-
Gëlltiti të gjithë hamburgerin e papërtypur për shkak të një sfide, 22-vjeçari vdes pas 7 ditësh në spital
Një 22-vjeçar, i cili gëlltiti një hamburger të papërtypur për shkak të një sfide të rrezikshme ka ndërruar jetë pas 7 ditësh në spital.
Ngjarja ka ndodhur në Athinë, Greqi.
Sipas mediave vendase, 22-vjeçari u mbyt pasi rrugët e frymëmarrjes iu bllokuan.Ai u transportua menjëherë në spital dhe u shtrua i intubuar në kujdesin intensiv, në gjendje jashtëzakonisht kritike. Pavarësisht përpjekjeve të mjekëve, i riu nuk ia doli.
-
Shëndeti i përkeqësohet, aktori i njohur dërgohet me urgjencë në spital
Ajo që filloi me një dhimbje të fortë koke përfundoi me një shtrim urgjent në spital për Liev Schreiber. Të dielën, më 16 nëntor, aktori 58-vjeçar kontaktoi mjekun e tij, i cili, pasi dëgjoi simptomat, e këshilloi të shkonte menjëherë në spital, i alarmuar nga mundësitë e origjinës së këtyre simptomave.
Sipas informacionit nga TMZ, Liev Schreiber thuhet se e kaloi natën e së dielës, më 16 nëntor, në një spital të Nju Jorkut nën vëzhgim duke pritur rezultatet e analizave për të sqaruar gjendjen shëndetësore të aktorit amerikan.
Çfarë i ndodhi Liev Schreiber?
Sipas TMZ, burime pranë Liev Schreiber thuhet se konfirmuan se megjithëse aktori vuante nga një dhimbje e fortë koke, aftësitë e tij njohëse nuk u prekën dukshëm, ai ishte në gjendje të fliste dhe të ecte normalisht, megjithatë, gjendja e tij është veçanërisht shqetësuese për shkak të historisë së tij mjekësore.
Më parë, Schreiber thuhet se vuante nga një gjendje e rrallë e quajtur amnezi globale kalimtare, gjatë paraqitjes së tij në “Late Night with Seth Meyers”, ndërsa luante në “Doubt: a Parable” në Broadway.
“Isha në dhomën e zhveshjes dhe pata një dhimbje koke të tmerrshme. Mendova se ndoshta ishte një dhimbje koke nga ushqimi i shpejtë, por ndihesha pak më e fortë se kaq”, tha Schreiber.
Megjithatë, e zuri paniku kur pa bashkë-aktoren e tij Amy Ryan dhe nuk mundi ta mbante mend emrin e saj:
“Shfaqja është fshirë nga mendja ime… E di që jam në një shfaqje, por nuk e di se në cilën” komentoi Schreiber.
Pas kësaj, atij iu diagnostikua amnezi globale kalimtare, megjithatë, vetë Schreiber dyshoi në diagnozën e tij, duke treguar për një goditje në tru të pazbuluar:
«E dini, si një hebre i mirë hipokondriak, jam i bindur se kam pësuar një goditje në tru dhe ata thjesht nuk e kanë zbuluar», tha ai me sensin e tij karakteristik të humorit.
Amnezia globale kalimtare zakonisht zgjidhet vetvetiu brenda 24 orëve dhe shpesh shkaktohet nga stresi, por mund të shkaktohet edhe nga një migrenë e fortë ose një ndryshim i menjëhershëm i temperaturës, kështu që dhimbja e kokës që aktori përjetoi ditët e fundit ngriti kambanat e alarmit tek mjeku i tij. -
Plagosje me thikë në Fier, dërgohet në spital 33-vjeçari
Një ngjarje e rëndë ka ndodhur mbrëmjen e sotme në Fier, ku një 33-vjeçar, i identifikuar si D.D., është plagosur me thikë dhe është dërguar me urgjencë në spital për të marrë ndihmën mjekësore.
Policia ka nisur hetimet dhe kërkimet për autorin e dyshuar, J.R., ndërsa shkaqet dhe rrethanat që çuan në këtë konflikt mbeten ende të paqarta.
Njoftimi i Policisë:
Rreth orës 18:30, në lagjen “15 Tetori”, dyshohet se pas një konflikti për motive të dobëta, shtetasi J. R., ka dëmtuar lehtë me mjet prerës shtetasin D. D., 33 vjeç, banues në Roskovec, i cili ndodhet në kujdesin e mjekëve.
Shërbimet e Policisë po punojnë për kapjen e shtetasit J. R.
Grupi hetimor po punon për zbardhjen e plotë të rrethanave të ngjarjes. -
Panik në Oklahoma pas rrjedhjes së amoniakut nga një kamion cisternë, dhjetëra persona në spital, mbi 500 banorë të evakuuar nga zona
Një ngjarje e rëndë është shënuar në një qytet të vogël në Oklahoma të SHBA-së, pasi rrjedhjes së amoniakut në atmosferë nga një kamion cisternë i parkuar në parkingun e një hoteli, duke detyruar qindra banorë të evakuohen nga shtëpitë e tyre dhe duke dërguar dhjetëra njerëz në spital.
Banorët e zonës patën probleme me frymëmarrjen, thanë zyrtarët e qytetit të Weatherford në një konferencë për shtyp. Shumica e pacientëve u dërguan në një spital lokal, por disa, përfshirë katër në gjendje kritike, u transferuan në spitale të tjera për trajtim të specializuar.
Të paktën 500 deri në 600 persona janë strehuar në vende të tjera për të shmangur gazin toksik.
Disa azile pleqsh u evakuuan dhe shkollat në zonë u mbyllën sipas Associated Press .
Shoferi i kamionit, i cili ishte në parking, bëri një ndalesë në qytet për të pushuar përpara se të vazhdonte udhëtimin e tij, tha shefi i policisë, duke shtuar se pastrimi i derdhjes mund të zgjasë disa ditë.
Aktualisht, shkaku i rrjedhjes duket të jetë një defekt mekanik në një valvul ose një guarnicion i dëmtuar.
Kompania e shpërndarjes së gazit industrial Airgas, e cila zotëron cisternën, tha në një deklaratë se po bashkëpunon me autoritetet lokale për të pastruar rrjedhjen kimike.
“Amoniaku kërkon trajtim dhe menaxhim të kujdesshëm”, tha kompania me seli në Radnor të Pensilvanisë, duke u bërë thirrje banorëve të Weatherford të ndjekin udhëzimet e autoriteteve, që u kanë kërkuar të mos dalin nga shtëpitë.
Weatherford ka rreth 12,000 banorë dhe ndodhet rreth 70 milje në perëndim të Oklahoma City.Top Channel
-
Panik në Oklahoma pas rrjedhjes së amoniakut nga një kamion cisternë, dhjetëra persona në spital…
Një ngjarje e rëndë është shënuar në një qytet të vogël në Oklahoma të SHBA-së, pasi rrjedhjes së amoniakut në atmosferë nga një kamion cisternë i parkuar në parkingun e një hoteli, duke detyruar qindra banorë të evakuohen nga shtëpitë e tyre dhe duke dërguar dhjetëra njerëz në spital.
Banorët e zonës patën probleme me frymëmarrjen, thanë zyrtarët e qytetit të Weatherford në një konferencë për shtyp. Shumica e pacientëve u dërguan në një spital lokal, por disa, përfshirë katër në gjendje kritike, u transferuan në spitale të tjera për trajtim të specializuar.
Të paktën 500 deri në 600 persona janë strehuar në vende të tjera për të shmangur gazin toksik.
Disa azile pleqsh u evakuuan dhe shkollat në zonë u mbyllën sipas Associated Press .
Shoferi i kamionit, i cili ishte në parking, bëri një ndalesë në qytet për të pushuar përpara se të vazhdonte udhëtimin e tij, tha shefi i policisë, duke shtuar se pastrimi i derdhjes mund të zgjasë disa ditë.
Aktualisht, shkaku i rrjedhjes duket të jetë një defekt mekanik në një valvul ose një guarnicion i dëmtuar.
Kompania e shpërndarjes së gazit industrial Airgas, e cila zotëron cisternën, tha në një deklaratë se po bashkëpunon me autoritetet lokale për të pastruar rrjedhjen kimike.
“Amoniaku kërkon trajtim dhe menaxhim të kujdesshëm”, tha kompania me seli në Radnor të Pensilvanisë, duke u bërë thirrje banorëve të Weatherford të ndjekin udhëzimet e autoriteteve, që u kanë kërkuar të mos dalin nga shtëpitë.
Weatherford ka rreth 12,000 banorë dhe ndodhet rreth 70 milje në perëndim të Oklahoma City.
-
FOTOT-Makina del nga rruga në Novoselë/ Momenti kur të dëmtuarit dërgohen në spital, ja gjendja e tyre…
Një aksident i rëndë ka ndodhur mbrëmjen e sotme në Vlorë. Raportohet se një automjet ka dalë nga rruga, në afërsi të fshatit Novoselë, duke lënë të plagosur disa persona. Të rinjtë janë transportuar për në spital, ku po marrin ndihmën e parë.
Mjeti pasi është përplasur me barrierat mbrojtëse ka përfunduar në kanal. Aktualisht personat që ishin në makinë paraqiten jashtë rrezikut për jetën.
Policia Rrugore ka mbërritur në vendngjarje për të nisur hetimet dhe zbardhur dinamikën dhe shkaqet e aksidentit. -
“Lojërat e vdekjes”/ Sfida që po i kushton jetën, 22-vjeçari përfundon në intubim pasi hëngri hamburger pa…
Një 22-vjeçar është intubuar në spital, pak pasi ka tentuar një sfidë ngrënieje, duke kapërcyer hamburger pa e përtypur. Një “lojë vdekjeje”, që tani po i kushton shtrenjtë.
I riu, sipas informacioneve, donte të gëlltiste një hamburger pa e përtypur, si pjesë të sfidës. Ngjarja ka ndodhur në Greqi dhe mediat e raportuan ditën e sotme (12 nëntor).
Pak më vonë, ai u rrëzua, ndërsa rrugët e frymëmarrjes iu mbyllën dhe ai u mbyt. Më pas u dërgua me urgjencë në një spital në Atikë, ku po trajtohet në një gjendje jashtëzakonisht kritike në kujdesin intensiv.
Ish-presidentja e EINAP, Matina Pagoni, foli për Mega në lidhje me incidentin dhe theksoi:
“Këto janë situata tragjike. Një fëmijë 22-vjeçar që shkoi në Koropi për t’u argëtuar është aktualisht i intubuar në një gjendje shumë kritike. Le të shpresojmë se do të ketë një përmirësim në ditët në vijim, megjithëse situata është e vështirë”.
Gjithashtu ajo theksoi rëndësinë e trajnimit për ndihmën e shpejtë. -
Nga stërvitja me urgjencë në spital, Oscar pësoi kolaps shëndetësor për shkak të problemit kardiak
12 Nëntor 2025
10:57
Alfred Lleshi
Frikë te San Paolo për Oscar, ish-lojtarin e Chelsea, i cili përjetoi një kolaps gjatë testeve atletike në qendrën stërvitore të klubit. Kjo ndodhi për shkak të një problemi kardiak që u zbulua gjatë provës nën stres fizik. Lojtari u transportua menjëherë në spital dhe gjendja e tij është stabile. Vetëm disa muaj më parë, gjatë kontrolleve për frakturën e një vertebre, Oscar kishte zbuluar një anomali kardiake, por më pas ishte lejuar për aktivitet sportiv.
Ja komunikata e San Paolo: “Gjatë testeve të së martës në mëngjes në ‘SuperCT’, në përgatitje për pre-sezonin 2026, Oscar shfaqi një problem kardiak dhe u ndihmua menjëherë nga stafi mjekësor i klubit dhe ‘Einstein Hospital Israelita’.
Më pas u transportua në spital, ku ndodhet në gjendje stabile dhe do të mbetet nën vëzhgim me teste shtesë për të sqaruar diagnozën. Sipas procedurës dhe në respekt të privatësisë së lojtarit, informacione të mëtejshme do të publikohen sapo të ketë përditësime nga ekipi mjekësor, në marrëveshje me Oscar”. -
Katër të plagosur në një përplasje me armë në Udine, dy në gjendje kritike/ Dyshohet për larje hesapesh mes familjeve
Një ngjarje e rëndë me armë zjarri tronditi mbrëmjen e së martës qytetin e Udines.
Katër persona mbetën të plagosur në një përplasje të armatosur të ndodhur në Via della Roggia, pranë zonës së ish-thertores dhe selisë rajonale.
Mes të plagosurve janë dy burra të moshave 23 dhe 38 vjeç, të cilët u qëlluan respektivisht në bark dhe në ijë. Njëri prej tyre raportohet të jetë në gjendje kritike. Një i tretë u dërgua në spital me kod të verdhë, ndërsa personi i katërt shkoi vetë në urgjencë. Sipas hetimeve të para, ngjarja lidhet me një konflikt të dhunshëm mes dy familjeve me prejardshje rome.
Burime hetimore, të konfirmuara edhe nga dëshmitë në vendngjarje, raportojnë se rreth orës 18:30 dy grupe — një burrë me dy fëmijët e tij nga njëra anë dhe dy vëllezër nga ana tjetër — kishin caktuar orën dhe vendin kur do të takoheshin në një zonë të errët të kompleksit Ater. Fillimisht pati një konfrontim fizik, ku thuhet se u përdor edhe një prerës kutish.
Debati u zhvendos më pas ku shpërthyen edhe të shtënat. Sipas dëshmive, vëllezërit dyshohet të kenë qëlluar të parët, ndërsa treshja u kundërpërgjigj me armë. Të shtënat, sipas informacionit paraprak, janë drejtuar kryesisht drejt gjymtyrëve të poshtme.
Një person i tretë mbërriti më pas për të ndihmuar njërën palë, i ngarkoi të plagosurit në një makinë dhe i largoi nga zona. Në vendngjarje u gjetën të paktën një duzinë gëzhoja. Njëri nga fëmijët kishte humbur shumë gjak dhe nuk jepte shenja jete në momentin e parë, por u stabilizua dhe u dërgua me urgjencë në spital.
Tre të plagosurit e dërguar në spital ishin babai dhe dy djemtë e tij. Nga dy vëllezërit e palës tjetër, njëri shkoi vetë në spitalin e Udines, ndërsa tjetri është ende në kërkim. Policia po vijon kërkimet në gjithë zonën dhe në kampet rome të qytetit.
Ekspertët e kriminalistikës po punojnë për të rindërtuar dinamikën e plotë të ngjarjes.Top Channel