Lajmidites.com

Tag: spalleti

  • Spalletti di çfarë zgjedh, ky është lojtari i parë që ka kërkuar për merkaton e janarit

    Spalletti di çfarë zgjedh, ky është lojtari i parë që ka kërkuar për merkaton e janarit

    11 Nëntor 2025

    19:19

    Telesport

    Edhe pse nuk po bën shumë ditë në krye të stolit të Juventusit, Luciano Spalleti, ka kërkuar nga drejtuesit e klubit një përforcim me patjetër në mesfushë, repart që sipas trajnerit italian “çalon” shumë, sidomos në aspektin difensiv.
    Dëshira e madhe e Spalletti-t për mesfushën mban emrin e Pierre-Emile Hojbjerg, danezi i cili po shkëlqen në sezonin e tij të dytë tek Olimpique Marseille. Klubi marsejez pagoi 20 milionë euro për danezin tek Tottenham gjatë merkatos së fundit, pasi sezonin e kaluar ai ishte i huazuar dhe i bindi të gjithë me paraqitjet e tij.
    Pavarësisht se është një lojtar kyç për Roberto De Zerbin dhe po kalon një moment të lumtur në Francë, mesfushori 30-vjeçar nuk do t’i thoshte dot “jo” mundësisë për t’u transferuar në Serie A, e sidomos te një ekip si Juventus. Ende nuk dihet gjë për mënyrën e transferimit dhe detajet ekonomike, por Pierre-Emile Hojbjerg është emri i parë që Spalleti ka kërkuar për merkaton e janarit.

  • Spalleti debuton me fitore te Juvja, bardhezinjtë thyejnë Cremonesen

    Spalleti debuton me fitore te Juvja, bardhezinjtë thyejnë Cremonesen

    Luciano Spalleti e nis me fitore aventurën në krye të stolit të Juventusit. Bardhezinjtë mundën 1-2 Cremonesen në transfertë.
    “Zonja e Vjetër” zhbllokoi shifrat që në minutën e dytë, me anë të Kostic. Për golin e dytë mendoi Cambiaso, në të 68-tën. Goli i Vardyt për vendasit shërbeu vetëm për statistikë.

    Juve renditet në vendin e pestë me 18 pikë. Kjo humbje nuk zbeh sezonin e Cremoneses, me këta të fundit që janë në vendin e nëntë.

  • Juventus prezanton zyrtarisht Spalletti-n, zbulohet rroga dhe detajet e tjera të kontratës

    Juventus prezanton zyrtarisht Spalletti-n, zbulohet rroga dhe detajet e tjera të kontratës

    Tashmë ka ardhur edhe zyrtarizimi. Luciano Spalleti është trajneri i ri i Juventusit. 66-vjeçari ka nënshrkuar me bardhezinjtë deri në fund të këtij seozni, me mundësi rinovimi në bazë të objektivave të arritura.
    Spalleti do të zëvendësojë kështu Igor Tudor, i cili u largua për shkak të rezultateve të dobta vetëm pas 8 javëve të para në Serie A. Mediet italiane kanë zbuluar dhe rrogën e Spalletti-t te Juventusi, që do të jetë 3 milionë euro.
    “Spalletti u bë i njohur me Udinesen në fillim të viteve 2000, me të cilën arriti garat evropiane për tre vjet rresht. Në sezonin 2004/05, ai siguroi kualifikimin e parë historik të klubit friulian në Ligën e Kampionëve. Më pas e udhëhoqi atë te Roma për katër sezonet e ardhshme, duke fituar dy tituj Kupe Italie dhe një Superkupë Italiane.
    Nga viti 2009 deri në vitin 2014, Spalletti drejtoi Zenit St. Petersburg, duke fituar dy tituj kampioni, një kupë dhe një Superkupë Ruse, përpara se të kthehej në Itali për të drejtuar Romën dhe më pas Interin. Kampion i Italisë në fund të sezonit 2022/23 me Napolin, trajneri toskan më pas shërbeu si trajner i ekipit kombëtar italian deri në qershorin e kaluar.
    Një figurë shumë e aftë dhe me përvojë, jemi të kënaqur ta mirëpresim në familjen e Juventusit: mirë se vini në Juventus dhe fat të mbarë, zotëri!”, shkruhet në postimin zyrtar të klubit bardhezi.