Pritjes së Zhegrovës i erdhi fundi. Lojtari shqiptar do të luajë për herë të parë si titullar me fanellën e Juventusit. Lajmin e ka bërë të ditur vetë Spaleti. Trajneri i bardhezinjve ka njoftuar në konferencë për shtyp se Edon Zhegrova do të luajë nga minuta e parë kundër Pafosi në Ligën e Kampionëve. Spaleti pranon se forma e lojtarit nga Kosova nuk është më e mira e mundshme, por thekson se ai e meriton të jetë pjesë e 11-shes.
“Diçka do të ndryshojë. Mund të them një gjë mjaft të rëndësishme, Zhegrova do të fillojë si titullar. Ai gjithashtu mungoi në stërvitje javën e kaluar. Nëse i bën testet, ai nuk është në formë të mirë, kështu që edhe arsyetimi bëhet në dy mënyra. E vendos në një pozicion për të luajtur gjysmën e fundit të orës, gjë që ai patjetër do ta bëjë mirë, ose e përdor derisa të jetë gati dhe pastaj e zëvendëson. Dhe këtë herë dua ta bëj në këtë mënyrë sepse djali e meriton. Ai po punon shumë”, ka deklaruar Luçiano Spaleti./Sport Ekspres/
Tag: spaleti
-
Merr fund pritja, Zhegrova titullar te Juventusi! E konfirmon Spaleti: Ai e meriton
-
Rikthehet interesimi për Granit Xhakën
Luçiano Spaleti po punon për të krijuar një Juventus të fortë dhe të organizuar me një qasje taktike të detajuar dhe të kujdesshme. Trajneri i “Zonjës së Vjetër” ka përqendruar stërvitjet tek lojëra të vogla për të përmirësuar kontrollin e topit dhe qarkullimin e shpejtë të lojës.
SPALETI PROVON MBROJTJEN ME KATËR – Një pjesë e stërvitjeve fokusohet në përmirësimin e mbrojtjes me katër mbrojtës dhe eksperimentimin e formacioneve që mund të rrisin stabilitetin e ekipit. Spaleti ka kërkuar një ekuilibër të fortë mes mesfushës dhe mbrojtjes, duke rritur intensitetin dhe presionin ndaj kundërshtarëve në të gjithë fushën. Ai inkurajon lojtarët të jenë kreativë në sulm, por gjithmonë duke respektuar detyrat taktike. Me këtë strategji, Juventus synon të dominojë posedimin e topit dhe të jetë konkurrues në të gjitha frontet këtë sezon.
RIKTHEHET INTERESIMI PËR GRANIT XHAKËN – Në të njëjtën kohë, Juventus është duke shqyrtuar mundësinë e rikthimit të mesfushorit Granit Xhaka gjatë merkatos së janarit. Drejtuesi sportiv, Komoli, është i gatshëm të veprojë për të siguruar shërbimet e zviceranit, duke e parë atë si një përforcim të rëndësishëm për mesfushën e ekipit. Xhaka është një mesfushor i fortë në kontrollin e lojës, me aftësi të shkëlqyera në pasimet e shkurtra dhe të gjata, si dhe në mbulimin e hapësirave në fazën mbrojtëse, arsye pse e kërkonte edhe Milani në verë.
Juventus e sheh atë si një lojtar që mund të shtojë stabilitetin dhe cilësinë në qendër të fushës, veçanërisht në situata ku ekipi ka nevojë për të diktuar ritmin e lojës. Për Komolin, operacioni i mundshëm është ende në fazë vlerësimi, por ai është duke analizuar mundësitë e kontratës dhe marrëveshjeve për të siguruar që ky transferim të përfundojë pa ndikuar negativisht në bilancin financiar të klubit. Me një strategji të kujdesshme dhe një plan të detajuar, Spaleti dhe Juventus synojnë të forcojnë çdo repart dhe të arrijnë rezultate pozitive në kampionat.
Xhaka mund të jetë një element kyç në përpjekjen për të mbajtur ekipin konkurrues dhe për të siguruar objektivat e sezonit. Mediat italiane madje mësojnë se futbollisti i përfaqësueses zvicerane është një nga kërkesat e posaçme të teknikut Spaleti drejtuar drejtuesve të klubit. Xhaka po luan një sezon fantastik tek Sanderland, ndaj Spaleti e sheh si përforcimin e duhur për repartin e mesfushës, aq më tepër, kur këtë sezon dyshja Turam-Lokateli nuk po funksionin ashtu siç duhet. -
“Zhegrova ka çmendurinë për të shpikur gjëra”, Spaleti i thur elozhe Edonit: Kur të vë ai në shënjestër…
Edon Zhegrova po fiton gjithnjë e më shumë minuta nën drejtimin e Luçiano Spaletit. Trajneri italian beson shumë te aftësitë e tij, gjë të cilën e ka shprehur edhe përpara gazetarëve. Pas përfundimit të derbit kundër Torinos, Spaleti ka deklaruar se ka mbetur edhe pak kohë që Zhegrova të arrijë në nivelin e tij më të mirë. Kreu i pankinës së Juventusit i ka thurur elozhe sulmuesit shqiptar për aftësitë e tij teknike dhe dribluese, të cilat e bëjnë atë një armë shumë të rrezikshme për çdo kundërshtar.
“Nuk duhet edhe shumë për t’u kthyer në nivelin më të lartë. Është djalë i zgjuar, por sigursht që ndeshja duhet luajtur. Ai ka këtë çmendurinë për të shpikur gjëra që askush nuk i di. Kur ai të vë në shënjestër, ashtu si Jëlldizi, as ai vetë nuk e di se si i bën. Kemi armë të forta për të gjuajtur”, ka deklaruar Luçiano Spaleti./Sport Ekspres/ -
Spaleti debuton me fitore te Juventusi, Zhegrova pa minuta edhe me trajnerin e ri
Spaleti e ka nisur në mënyrën më të mirë të mundshme përvojën e tij të re te Juventusi. Trajneri italian ka debutuar me fitore në krye të pankinës së bardhezinjve. “Zonja e vjetër” ka mposhtur Kremonezen në transfertë me shifrat 1-2.
Kostiçi zhbllokoi rezultatin që në minutën e 2-të, ndërsa Kambiaso dyfishoi rezultatin në minutën e 68. Vardi ngushtoi shifrat për Kremonezen në minutën e 83-të të ndeshjes, por pa mundur t’i japë pikë skuadrës së tij. Ndërkohë, Edon Zhegrova nuk është preferuar në fushën e lojës as nga trajneri i ri, duke bërë që ndeshja e tij e fundit me fanellën bardhezi të datojë që në muajin shtator./Sport Ekspres/ -
Spaleti: Të gjithë e dimë historinë e Juves, synoj ta kthej në krye
Luçiano Spaleti te Juventus. Dje deklarata zyrtare, sot prezantimi i tij si trajneri i ri i Juventusit në një konferencë për shtyp:
Besimi: “Nëse nuk do të besoja se ky ekip nuk ka potencial, pavarësisht se kishte kaluar kohë të vështira, pse do të kisha pranuar një kontratë tetëmujore? Lloji i kontratës nuk është problem.” Për ambiciet e Juventusit: “Shpresoj të kthehem në garën për Scudetto.
Vlahovic? Do të flas me të dhe nuk kam pasur asnjë lloj presioni nga klubi. Qëndrimi im është i duhuri.” Për Napolin: “Napoli është një qytet që do të mbetet gjithmonë në zemrën time. Pas Napolit, thashë se pas atij sezoni nuk do të doja të vishja një tjetër uniformë, vetëm për atë sezon. Kisha respekt për atë opsion dhe për Napolin si qytet.”
Përshtypjet e tij të para bardh e zi. “Është një ndjenjë e mrekullueshme sepse të gjithë e dimë historinë e këtij klubi, të gjithë e dimë se si është i organizuar ky klub, e dimë që ka pritje të larta, dimë për shumë gjëra, por pastaj të hysh brenda dhe të kesh kontakt të drejtpërdrejtë është në thelb gjithmonë një ndjenjë e mrekullueshme.”
Vazhdo leximin
-
Spaleti është zyrtarisht trajneri i ri i Juventusit
Luçiano Spaleti është edhe zyrtarisht trajner i Juventusit. Tekniku i njohur italian ka firmosur sot kontratën me klubin bardhezi që do ta drejtojë deri në fund të edicionit.
Pikërisht ky ishte kushti bazë i Juventusit, që nuk ofronte një kontratë afatgjatë për trajnerin, i cili duhej të tregonte se sa vlente deri në mbyllje të këtij edicioni.
Njoftimi i Juventusit:Luçiano Spaleti është trajneri i ri i Juventusit: trajneri toskan ka nënshkruar një marrëveshje deri më 30 qershor 2026.
I lindur në Çertaldo, në provincën e Firences, në vitin 1959, Spaleti e filloi karrierën e tij si trajner 30 vjet më parë, pasi luajti për Speciav dhe Empoliv, ndër të tjera. Ai e filloi karrierën e tij si trajner pikërisht në klubin toskan, duke fituar një Kupë Italie të Serisë C dhe më pas duke fituar një vend në Serie A, duke u afirmuar si një nga trajnerët më inovativë në kampionatin italian.
Kurorëzimi arrin me Udinezen në fillim të viteve 2000, me të cilën arriti garat europiane për tre vjet rresht. Në sezonin 2004/05, ai siguroi kualifikimin e parë historik të klubit friulian në Ligën e Kampionëve, që e çoi pastaj në ato katër pasardhëse te Roma, duke fituar dy Kupa Italie dhe një Superkupë Italiane.
Nga viti 2009 deri në vitin 2014, Spaleti drejtoi Zenit Shën Petersburg, duke fituar dy tituj kampion, një kupë dhe një Superkupë Ruse, përpara se të kthehej në Itali për të drejtuar Romën dhe më pas Interin. Kampion i Italisë në fund të sezonit 2022/23 me Napolin, trajneri toskan më pas shërbeu si trajner i ekipit kombëtar italian deri në qershorin e kaluar.
Një profil me kompetencë dhe eksperiencë, jemi të kënaqur ta mirëpresim në familjen bardhezi. Mirë se vini te Juventusi dhe punë të mbarë, mister! -
Spaleti sot seanca e parë me Juven, nesër prezantimi
Koha e Luçiano Spaletit si trajner i ri i Juventusit ka ardhur: vetëm çështjet teknike dhe praktike kanë vonuar njoftimin zyrtar, i cili, përveç rrethanave të paparashikuara, pritet sot, kur ai do të drejtojë edhe seancën stërvitore të pasdites së ekipit.
Prezantimi do të bëhet nesër. Ish-trajneri i ekipit kombëtar do të nënshkruajë një kontratë deri në qershor, me një rinovim automatik nëse kualifikohen për Ligën e Kampionëve.
Rreth mesditës, Luçiano Spaleti doli nga J Medical, ku kishte shkuar për kontrollet e tij të zakonshme mjekësore, dhe u takua me tifozët. Ai bëri fotot e tij të para dhe nënshkroi autografe si trajner i Juventusit.“Hajde, trajner, sill nder dhe respekt fanellës: e meritojmë”: kjo ishte kërkesa e tifozëve drejtuar Spaletit jashtë J Medical.
Vazhdo leximin
-
Spaleti i fshin të gjithë, tekniku pritet të marrë Juven
Luçiano Spaleti është gjithnjë e më afër si trajner i Juventusit: një njoftim paraprak pritet në orët e ardhshme nga klubi bardhezi. Ish-trajneri i Italisë është gati të zëvendësojë Igor Tudorin e shkarkuar.
Spaleti u takua me drejtorin ekzekutiv të Juventusit, Damien Komoli, këtë pasdite në Milano, duke i dhënë mundësinë e bashkimit me Juventusin. Në të njëjtën kohë, drejtori teknik Modesto bëri pyetje edhe me Rafaele Paladino, me të cilin punoi te Monza.
Me shumë gjasë rruga është e qartë dhe tregon për Spaletin, të zgjedhurin për ta ndryshuar sezonin e Juventusit. Sipas Sky Sport, prezantimi mund të bëhet të enjten.
Vazhdo leximin
-
Spaleti drejt Al Itihad, kërkon sa …Inzagi
Pas shkarkimit të Laurent Blank klubi arab ku aktivizohet mbrojtësi kuqezi Mario Mitaj ka listuar disa emra për stolin e Al- Itihad.
Ndër kryesorët duket italiani Luçiano Spaleti. Mediat e ndryshme raportojnë si ai mund të rikthehet së shpejti në krye të ekipit saudit.
Sipas raportimeve nga Arabia Saudite, ish-trajneri i Italisë është zgjedhja e parë për Al-Itihad. Spaleti kërkon të paktën 20 milionë euro në sezon, e njëjta pagë si e Simone Inzagit te Al Hilal, ndërsa klubi arab thuhet se vendos në dispozicion deri në 12 milionë euro.
Vazhdo leximin
-
Shkarkimi i Murinjos, Spaleti drejt Fenerbahçes
Fenerbahçe është ende në kërkim të një trajneri për të zëvendësuar Zhoze Murinjon, pas shkarkimit të “Special One” nga klubi turk pasi dështoi të kualifikohej për Ligën e Kampionëve pas humbjes së tyre në raundin paraprak kundër Benfikës.
Sipas SportMediaset, një nga kandidatët që po shqyrton menaxhmenti turk është Luçiano Spaleti, një trajner ende jashtë fushe pasi kontrata e tij me Federatën italiane u ndërpre. Megjithatë, Spaletti nuk është i vetmi kandidat, pasi dhe portugezi Sergio Konceiçao, është gjithashtu në listën e gjatë të kandidatëve.
Vazhdo leximin