Lajmidites.com

Tag: sondazhi

  • Gjashtë në dhjetë gjermanë janë kundër shërbimit ushtarak me short, zbulon sondazhi

    Gjashtë në dhjetë gjermanë janë kundër shërbimit ushtarak me short, zbulon sondazhi

    Shumica e gjermanëve kundërshtojnë idenë e një shorti për të përcaktuar se kush është i përshtatshëm për rekrutim dhe kush thirret për të shërbyer në forcat e armatosura, sipas një sondazhi.

    Qeveria federale e kancelarit Friedrich Merz po shqyrton rivendosjen e një forme të shërbimit të detyrueshëm ushtarak, i cili u pezullua në vitin 2011, me qëllim që t’i përgjigjet kërcënimit në rritje rus dhe të forcojë Bundeswehr-in (forcat e armatosura të Gjermanisë) në përputhje me objektivat e reja të NATO-s.
    Sipas një sondazhi nga instituti INSA për Bild të së dielës, 60% e të anketuarve besojnë se përdorimi i një sistemi shorti për të përcaktuar se kush do të thirret për shërbim ushtarak është i gabuar.
    Një në pesë të anketuar mendonin se një sistem shorti do të ishte i duhuri për këtë qëllim. Rreth 11% thanë se nuk ishin të interesuar dhe 8% nuk ​​iu përgjigjën pyetjes.
    Ministri i Mbrojtjes Boris Pistorius i tha gazetës Bild se i takon Bundestagut (parlamenti federal) të vendosë se si t’i forcojë forcat e armatosura gjermane. Shërbimi ushtarak duhet të bazohet në rekrutimin vullnetar për sa më gjatë të jetë e mundur, shtoi ai. Megjithatë, ai theksoi se një rekrutim në shkallë të gjerë në Gjermani nuk do të kalonte pa u vënë re në Rusi dhe do të vepronte si një pengesë.

    Top Channel

  • Sondazhi: Rama edhe 4, 8 apo 12 vjet si kryeministër?

    Sondazhi: Rama edhe 4, 8 apo 12 vjet si kryeministër?

    Sondazhi online prej disa ditësh me pyetjen: “Rama edhe 4, 8 apo 12 vjet si kryeministër?” ka rezultuar me rezultate si me poshtë.
    Edhe katër vite: 45680 vota ose 33.2 %

    Edhe tetë vite: 83992 vota ose 61.1 %

    Edhe 12 vite : 7821 ose 5.7 %

  • Binaj kandidat i pavarur për Tiranën? Sondazhi: Shumica e të anketuarve e mendojnë të Berishës

    Binaj kandidat i pavarur për Tiranën? Sondazhi: Shumica e të anketuarve e mendojnë të Berishës

    Në “Zëri i Shqiptarëve’, ABC News publikoi këtë të hënë përgjigjet e sondazhit të radhës javor, me çështje që shqetësojnë shqiptarët.
    Linku i pyetësorit u shpërnda me SMS të rastësishme, proporcionalisht në 24 njësitë administrative të bashkisë, ku pyetësori u plotësua elektronikisht në mënyrë krejt anonime nga të anketuarit.
    Sondazhit iu nënshtruan 1221 banorë të rritur të Bashkisë Tiranë. Vlen të theksohet se maksimumi i marzhit të gabimit statistikor: është plus/minus 2.9%.
    Lidhur për kandidaturën e Florian Binajk si “kandidat i pavarur” për Bashkinë e Tiranës, sondazhi i ABC News tregon se 84.7% besojnë se është kandidat i Berishës dhe vetëm 15.% besojnë se është i pavarur.

  • Emërime nga PD në qeveri? Sondazhi: 43.4 përqind përgjigjen PO, 43.1 përqind kundër

    Emërime nga PD në qeveri? Sondazhi: 43.4 përqind përgjigjen PO, 43.1 përqind kundër

    Në ABC News u publikuan të dhënat e sondazhit të përjavshëm me çështjet që shqetësojnë më shumë shqiptarët, duke u kthyer kështu në zërin e tyre.
    Janë 1187 banorë që i janë nënshtruar anketës, përmes një linku dërguar atyre me SMS në mënyrë proporcionale në territorin e të gjitha bashkive, me një marzh të gabimit statistikor: plus/minus 2.9%.
    Pyetjes se a mendoni se Rama ka bërë mirë që ka emëruar në poste të larta shtetërore politikanë opozitarë si Silva Caka, 43.4 përqind u përgjigjën po, 43.1 përqind u përgjigjën jo dhe 13.5 përqind janë të dyzuar.

  • Sondazhi/ Shqiptarët, mbështetësit më të vendosur të NATO-s

    Sondazhi/ Shqiptarët, mbështetësit më të vendosur të NATO-s

    Qytetarët shqiptarë vijojnë të jenë ndër mbështetësit më të vendosur të Aleancës së NATO-s. Sipas sondazhit më të fundit të NATO Audience Research për tremujorin e dytë të vitit 2025, qytetarët shqiptarë e konsideruar Aleancën e Atlantikut të Veriut si garanci kyçe për sigurinë e vendit.
    Referuar shifrave të sondazhit, 91% e shqiptarëve do të votonin për të qëndruar në NATO në një referendum. Kjo shifër është shumë mbi mesataren e vendeve të NATO-s, ku 68% e qytetarëve do të votonin për qëndrim dhe 15% për dalje.
    Po ashtu, sipas këtij sondazhi, 63% e shqiptarëve deklarojnë se NATO është shumë e rëndësishme për sigurinë e ardhshme të Shqipërisë, duke konfirmuar angazhimin e fortë të publikut ndaj Aleancës.
    67% e shqiptarëve besojnë se vendi i tyre duhet të mbrojë një aleat të NATO-s në rast se ai sulmohet – një tjetër tregues i gatishmërisë për të mbështetur parimin e mbrojtjes kolektive.
    78% e qytetarëve shqiptarë besojnë se anëtarësimi në NATO e bën më të pamundur një sulm të huaj ndaj Shqipërisë, duke shënuar edhe një ndër shifrat më të larta në të gjithë Aleancën.
    69% e shqiptarëve mbështesin rritjen e shpenzimeve për mbrojtje, një mbështetje shumë më e lartë se mesatarja e NATO-s (41%). Vetëm 11% janë kundër rritjes së buxhetit ushtarak.
    Në të njëjtën linjë, 73% e shqiptarëve kërkojnë rritje të prodhimit të mbrojtjes kombëtare, për të përmirësuar aftësitë ushtarake dhe gatishmërinë, ndërsa vetëm 6% janë kundër.
    Lidhur me luftën në Ukrainë, 55% e shqiptarëve mbështesin vazhdimin e ndihmës për Ukrainën. Shqetësimi për mundësinë e një lufte në vendet e NATO-s është ulur ndjeshëm: vetëm 65% e shqiptarëve ndihen të shqetësuar për këtë.
    Shqiptarët vazhdojnë të jenë ndër qytetarët më besnikë ndaj NATO-s, duke treguar një nivel të lartë të ndërgjegjësimit për sigurinë dhe përkushtim ndaj vlerave të mbrojtjes kolektive. Ndërsa sfidat ndërkombëtare vazhdojnë, sondazhi konfirmon se për shqiptarët, NATO mbetet një garanci e pazëvendësueshme për paqen dhe stabilitetin.

  • Sondazhi i eurobarometrit për besimin te BE, shqiptarët të parët në rajon për mbështetjen drejt anëtarësimit, serbët të fundit

    Sondazhi i eurobarometrit për besimin te BE, shqiptarët të parët në rajon për mbështetjen drejt anëtarësimit, serbët të fundit

    Shumica e qytetarëve të Bashkimit Evropian janë në favor të zgjerimit të mëtejshëm të unionit, tregon sondazhi më i ri i Eurobarometrit, sipas të cilit, mbështetja për anëtarësim në Shqipëri është më e larta në Ballkan, me 91%.

    Sipas sondazhit të Eurobarometrit, mbështetja e integrimit është dukshëm i lartë në Shqipëri, ashtu si dhe besimi tek unioni, pasi qytetarët vlerësojnë ndihmën për zhvillimin ekonomik dhe luftën ndaj korrupsionit. Pas shqiptarëve, anëtarësimin në Bashkimin Evropian e mbështesin qytetarët e Maqedonisë së Veriut, me 69%.
    Në të dyja vendet fqinje, qytetarët shohin përfitime si rritja e cilësisë së jetesës dhe hapja e kufijve. Po ashtu, 56% e të anketuarve besojnë se vendi i tyre do të përfitonte nga zgjerimi i ardhshëm. Mbështetja është veçanërisht e lartë në mesin e të rinjve, ku rreth 2/3 e qytetarëve të moshës 15 deri në 39 vjeç besojnë se vendet kandidate apo potenciale duhet të anëtarësohen në Bashkimin Evropian sapo të përmbushin kushtet e nevojshme.
    Megjithatë, qytetarët kanë edhe shqetësime, kryesisht lidhur me migracionin, korrupsionin, krimin dhe koston financiare të zgjerimit. Sondazhi është realizuar në periudhën shkurt-mars 2025, me pjesëmarrjen e mbi 26,300 qytetarëve nga të 27 vendet anëtare të BE-së.
    Sondazhe të ngjashme janë zhvilluar edhe në vendet kandidate, si Shqipëria, Bosnje-Hercegovinë, Kosovë, Gjeorgji, Moldavi, Mali i Zi, Maqedoni e Veriut, Serbi dhe Ukrainë, ku janë intervistuar 1000 qytetarë për secilin vend. Në Serbi, mbështetja për anëtarësimin në Bashkimin Evropian është më e ulëta në rajon, me vetëm 33%, duke reflektuar shqetësime politike dhe mungesë besimi ndaj unionit.
    Në përgjithësi, sondazhi tregon se imazhi i Bashkimit Evropian është më pozitiv në Ballkanin Perëndimor, sesa në vendet e Evropës lindore, me përjashtim të Serbisë.
     

    Top Channel

  • Sondazhi i Reuters/ A duhet t’i sanksionojë Trump partnerët tregtarë të Rusisë? Ja çfarë mendojnë amerikanët

    Sondazhi i Reuters/ A duhet t’i sanksionojë Trump partnerët tregtarë të Rusisë? Ja çfarë mendojnë amerikanët

    Shumica e amerikanëve mbështesin vendosjen e sanksioneve ndaj partnerëve tregtarë të Rusisë si një mënyrë për të ushtruar presion mbi Moskën që t’i japë fund luftës së saj në Ukrainë, sipas një sondazhi të ri të Reuters/Ipsos.

    Sondazhi tre-ditor, i cili përfundoi të dielën, zbuloi se 62% e të anketuarve mbështesin vendosjen e sanksioneve ndaj partnerëve tregtarë të Rusisë, një strategji që presidenti i SHBA-së, Donald Trump e ka miratuar pjesërisht dhe ka kërcënuar ta zgjerojë duke përfshirë Kinën.
    Rusia nisi pushtimin e saj të plotë të Ukrainës në shkurt 2022, duke shkaktuar konfliktin më të madh në Evropë që nga Lufta e Dytë Botërore. Më shumë se 1 milion njerëz janë vrarë ose plagosur nga të dyja palët, përfshirë mijëra civilë kryesisht ukrainas, sipas analistëve.
    Në javët e fundit, Trump është angazhuar në diplomaci intensive, duke u takuar me presidentin rus, Vladimir Putin në Alaska, por deri më tani nuk ka arritur t’i japë fund konfliktit, një qëllim që ai u zotua ta arrijë që në ditën e tij të parë në detyrë.
    Trump, i cili thuhet se ka thënë se do të donte të fitonte një Çmimin Nobel për Paqen, ka vendosur tashmë sanksione dytësore, në formën e një tarife prej 25%, kundër Indisë për vazhdimin e blerjes së naftës ruse, burimi kryesor i financimit të Kremlinit për luftën e saj në Ukrainë, në përpjekjen e saj për t’i dhënë fund luftimeve.
    Presidenti i SHBA-së ka kërcënuar të vendosë tarifa të larta për Kinën, blerësin më të madh të naftës ruse, Turqinë, Emiratet e Bashkuara Arabe dhe vendet e tjera që tregtojnë me Rusinë, për të rritur presionin mbi Moskën për të rënë dakord për një armëpushim.
    Rreth 76% e republikanëve të Trump në sondazhin e Reuters/Ipsos thanë se mbështesin sanksionet ndaj partnerëve tregtarë rusë si një mënyrë për t’i dhënë fund luftës, ashtu si edhe një shumicë modeste, 58% e demokratëve.
    Sondazhi i Reuters/Ipsos me 1,022 amerikanë në të gjithë vendin ka një diferencë gabimi prej 3% për të gjithë të anketuarit. Marzhi i gabimit për republikanët dhe demokratët ishte 6 pikë.

    Top Channel

  • Sondazhi me 250 turistë, cilat janë pjatat e preferuara të të huajve, joshja e rakisë

    Sondazhi me 250 turistë, cilat janë pjatat e preferuara të të huajve, joshja e rakisë

    Kuzhina shqiptare është kthyer në një nga përvojat më të vlerësuara të udhëtimit, sipas një ankete të zhvilluar gjatë muajit qershor nga “Monitor” me 250 turistë të huaj në Tiranë, Durrës, Shkodër, Gjirokastër, Vlorë dhe Berat.Çmimet e ulëta, shijet tradicionale dhe autenticiteti i gatimeve po rrisin vlerën ekonomike të turizmit lokal. Pjatat më të preferuaraUshqimet tradicionale shqiptare po fitojnë gjithnjë e më shumë zemrat e turistëve të huaj.Në krye të preferencave është tava e dheut, me 22% të të anketuarve që e cilësuan si pjatën më të shijshme të udhëtimit të tyre në Shqipëri.Pas saj renditet peshku në furrë (17%), duke treguar rëndësinë e freskisë së produkteve detare në përvojën gastronomike.Një tjetër sinjal pozitiv është popullariteti në rritje i qifqive, një gatim tipik nga Gjirokastra që deri vonë mungonte në menutë e restoranteve.Preferencat e turistëve po ndikojnë drejtpërdrejt në ofertën lokale, duke i rikthyer këto receta në qendër të vëmendjes. Burimi: Sondazhi i Monitor me 250 turistë Pijet më të kërkuara: Vera dhe rakia në kryeNë një treg turistik gjithnjë e më të orientuar drejt autenticitetit, pijet tradicionale shqiptare po zënë një rol qendror në përvojën e vizitorëve të huaj.Vera vendase rezulton pija më e konsumuar, me 63% të të anketuarve që e kanë përfshirë në përvojën e tyre kulinare, ndërsa rakia, simbol i trashëgimisë gastronomike shqiptare, është zgjedhur nga 52% e tyre.Vlen të theksohet se birrat vendase janë më të konsumuara se ato të huaja (47% kundrejt 35%), çka dëshmon një prirje të qartë drejt produkteve lokale.Ky orientim ndaj konsumit autentik jo vetëm që pasuron përvojën turistike, por gjithashtu krijon vlerë të shtuar për prodhuesit vendas dhe sektorin agroushqimor në tërësi. Burimi: Sondazhi i Monitor me 250 turistë Perceptimi mbi çmimetÇmimet në restorantet shqiptare vlerësohen si tepër të favorshme nga shumica e turistëve të huaj.Rreth 38% i konsiderojnë ato “shumë të lira”, ndërsa një tjetër 45% i cilësojnë “të përballueshme”.Vetëm 3% i quajtën çmimet “të shtrenjta”, një tregues i qartë se Shqipëria vazhdon të ofrojë një raport çmim – cilësi shumë konkurrues në rajon. Burimi: Sondazhi i Monitor me 250 turistë Vlerësimi i përgjithshëm: 5 yje për kuzhinën shqiptareRezultatet e anketës tregojnë një vlerësim jashtëzakonisht pozitiv të përvojës kulinare në Shqipëri nga turistët e huaj. 52.8% e të anketuarve i dhanë ushqimit shqiptar vlerësimin maksimal prej 5 yjesh, ndërsa 26.4% dhanë 4.5 yje.Vetëm një pjesë e vogël (15.2%) e vlerësoi me 4 yje, dhe më pak se 6% dhanë një vlerësim prej 3 yjesh ose më pak.Ky nivel i lartë kënaqësie sinjalizon se gastronomia po shndërrohet në një komponent kyç të produktit turistik shqiptarBurimi: Sondazhi i Monitor me 250 turistë Kur u pyetën për qytetet ku kanë pasur përvojën më të mirë kulinare, turistët renditën Gjirokastrën në vend të parë, me 91% të vlerësimeve pozitive, ndjekur nga Berati (88%), Vlora (85%) dhe Shkodra/Thethi (82%).Këto destinacione dallohen për praninë e restoranteve autentike dhe agroturizmeve, ku kuzhina tradicionale nuk është më element simbolik, por pjesë qendrore e menusë. Burimi: Sondazhi i Monitor me 250 turistë Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Sondazhi/ Shumica e qytetarëve në Francë, Gjermani, Itali dhe Spanjë mbështesin rikthimin e Mbretërisë së Bashkuar në BE

    Sondazhi/ Shumica e qytetarëve në Francë, Gjermani, Itali dhe Spanjë mbështesin rikthimin e Mbretërisë së Bashkuar në BE

    Një dekadë pasi deputetët votuan për të mbajtur referendumin që çoi në largimin e Britanisë nga Bashkimi Evropian, një sondazh ka treguar se shumica në katër shtetet më të mëdha anëtare të BE-së do të mbështesnin rikthimin e Mbretërisë së Bashkuar – por jo me të njëjtat kushte që kishte më parë.
    Sondazhi i realizuar nga YouGov në gjashtë vende të Evropës Perëndimore, përfshirë edhe Britaninë, konfirmon gjithashtu se një shumicë e qartë e votuesve britanikë tani mbështesin rikthimin në bllok – por vetëm nëse mund të ruajnë përjashtimet që kishin më parë.
    Sipas sondazhit, kjo përbën një “ngërç të opinionit publik”, edhe pse aktualisht duket shumë e pamundur që qeveria laburiste e Mbretërisë së Bashkuar – e cila këtë vit negocioi një “riformatim” të marrëdhënieve me BE-në – të tentojë një rikthim në BE sipas The Guardian.
    Sondazhi EuroTrack i YouGov tregoi se të paktën gjysma e të pyeturve në katër vendet më të mëdha të BE-së – Francë, Gjermani, Itali dhe Spanjë – mbështesnin lejimin e Britanisë për t’u ribashkuar me BE-në. Përqindjet varionin nga 51% në Itali, 53% në Francë, 60% në Spanjë dhe 63% në Gjermani.
    Por kur u pyetën nëse Britanisë duhet t’i lejohet të rikthehet me të njëjtat kushte që kishte kur doli – përfshirë jo-përdorimin e euros dhe qëndrimin jashtë zonës Shengen – shifrat ndryshuan ndjeshëm.
    Vetëm rreth një e pesta e të anketuarve në katër vendet më të mëdha të BE-së – nga 19% në Itali dhe Francë, në 21% në Spanjë dhe 22% në Gjermani – mendonin se Britania duhet të lejohet të rikthehet me ato kushte, ndërsa 58-62% thonin se ajo duhet të jetë pjesë e të gjitha fushave kryesore të politikave të BE-së.
    Sondazhi gjithashtu testoi qëndrimet duke pyetur nëse, nëse Britania do të pranonte të rikthehej vetëm nëse mund të ruante përjashtimet e mëparshme, a duhej t’i lejohej kjo. Disa (33-36%) mendonin se kjo do të ishte e pranueshme, por më shumë (41-52%) ishin kundër.
    Në Britani, ndërkohë që 54% e britanikëve mbështesnin ribashkimin me BE-në kur pyetja u bë në mënyrë të përgjithshme, kjo shifër ra në vetëm 36% nëse ribashkimi nënkuptonte heqjen dorë nga përjashtimet e mëparshme. Në këto kushte, 45% e britanikëve ishin kundër rikthimit.
    Sondazhi tregoi se votuesit që kishin votuar për të qëndruar dhe ata që mbështesin partitë më pro-BE-së do ta mbështesnin ende rikthimin, edhe nëse kjo nënkuptonte pranimin e euros dhe pjesëmarrjen në zonën Shengen – por me përqindje shumë më të ulëta.
    Pothuajse 60% e votuesve pro-qëndrimit në BE thanë se do ta mbështesnin rikthimin pa përjashtimet e mëparshme – një rënie prej rreth 25 pikësh nga pyetja e përgjithshme. Po ashtu, 58% e votuesve të Partisë Laburiste (-23 pikë) dhe 49% e Liberal Demokratëve (-31 pikë) do ta mbështesnin.
    Ndërsa votuesit euroskeptikë që ishin të gatshëm të mbështesnin rikthimin pa trajtimin e veçantë të mëparshëm, pothuajse u përgjysmuan: nga 21% në 10% mes votuesve që kishin votuar për të dalë nga BE-ja; nga 25% në 12% mes votuesve konservatorë; dhe nga 15% në 9% mes mbështetësve të partisë Reform UK.
    Danimarka, vendi i pestë i anketuar në Evropë kontinentale, rezultoi si përjashtim. Atje, 72% e të anketuarve ishin shumë të gatshëm për rikthimin e Britanisë në BE, dhe ishin më entuziastë se vendet më të mëdha për t’i lejuar Britanisë mbajtjen e përjashtimeve të mëparshme (43%).
    Danimarka është një nga vetëm tre vendet anëtare të BE-së që ka përjashtime nga politikat kryesore të BE-së. Sondazhi zbuloi gjithashtu se shumica të mëdha në të pesë vendet kontinentale (nga 63% në 75%) do të mbështesnin anëtarësimin e një Skocie të pavarur në BE.
    Sondazhi u krye mbi mostra përfaqësuese me më shumë se 2,000 të rritur në Mbretërinë e Bashkuar dhe Gjermani, si dhe më shumë se 1,000 në Danimarkë, Francë, Itali dhe Spanjë, gjatë periudhës 12-27 qershor.

  • Sondazhi: Shumica e qytetarëve në Francë, Gjermani, Itali dhe Spanjë mbështesin rikthimin e Mbretërisë së Bashkuar në BE

    Sondazhi: Shumica e qytetarëve në Francë, Gjermani, Itali dhe Spanjë mbështesin rikthimin e Mbretërisë së Bashkuar në BE

    Një dekadë pasi deputetët votuan për të mbajtur referendumin që çoi në largimin e Britanisë nga Bashkimi Evropian, një sondazh ka treguar se shumica në katër shtetet më të mëdha anëtare të BE-së do të mbështesnin rikthimin e Mbretërisë së Bashkuar – por jo me të njëjtat kushte që kishte më parë.

    Sondazhi i realizuar nga YouGov në gjashtë vende të Evropës Perëndimore, përfshirë edhe Britaninë, konfirmon gjithashtu se një shumicë e qartë e votuesve britanikë tani mbështesin rikthimin në bllok – por vetëm nëse mund të ruajnë përjashtimet që kishin më parë.
    Sipas sondazhit, kjo përbën një “ngërç të opinionit publik”, edhe pse aktualisht duket shumë e pamundur që qeveria laburiste e Mbretërisë së Bashkuar – e cila këtë vit negocioi një “riformatim” të marrëdhënieve me BE-në – të tentojë një rikthim në BE sipas The Guardian.
    Sondazhi EuroTrack i YouGov tregoi se të paktën gjysma e të pyeturve në katër vendet më të mëdha të BE-së – Francë, Gjermani, Itali dhe Spanjë – mbështesnin lejimin e Britanisë për t’u ribashkuar me BE-në. Përqindjet varionin nga 51% në Itali, 53% në Francë, 60% në Spanjë dhe 63% në Gjermani.
    Por kur u pyetën nëse Britanisë duhet t’i lejohet të rikthehet me të njëjtat kushte që kishte kur doli – përfshirë jo-përdorimin e euros dhe qëndrimin jashtë zonës Shengen – shifrat ndryshuan ndjeshëm.
    Vetëm rreth një e pesta e të anketuarve në katër vendet më të mëdha të BE-së – nga 19% në Itali dhe Francë, në 21% në Spanjë dhe 22% në Gjermani – mendonin se Britania duhet të lejohet të rikthehet me ato kushte, ndërsa 58-62% thonin se ajo duhet të jetë pjesë e të gjitha fushave kryesore të politikave të BE-së.
    Sondazhi gjithashtu testoi qëndrimet duke pyetur nëse, nëse Britania do të pranonte të rikthehej vetëm nëse mund të ruante përjashtimet e mëparshme, a duhej t’i lejohej kjo. Disa (33-36%) mendonin se kjo do të ishte e pranueshme, por më shumë (41-52%) ishin kundër.
    Në Britani, ndërkohë që 54% e britanikëve mbështesnin ribashkimin me BE-në kur pyetja u bë në mënyrë të përgjithshme, kjo shifër ra në vetëm 36% nëse ribashkimi nënkuptonte heqjen dorë nga përjashtimet e mëparshme. Në këto kushte, 45% e britanikëve ishin kundër rikthimit.
    Sondazhi tregoi se votuesit që kishin votuar për të qëndruar dhe ata që mbështesin partitë më pro-BE-së do ta mbështesnin ende rikthimin, edhe nëse kjo nënkuptonte pranimin e euros dhe pjesëmarrjen në zonën Shengen – por me përqindje shumë më të ulëta.
    Pothuajse 60% e votuesve pro-qëndrimit në BE thanë se do ta mbështesnin rikthimin pa përjashtimet e mëparshme – një rënie prej rreth 25 pikësh nga pyetja e përgjithshme. Po ashtu, 58% e votuesve të Partisë Laburiste (-23 pikë) dhe 49% e Liberal Demokratëve (-31 pikë) do ta mbështesnin.
    Ndërsa votuesit euroskeptikë që ishin të gatshëm të mbështesnin rikthimin pa trajtimin e veçantë të mëparshëm, pothuajse u përgjysmuan: nga 21% në 10% mes votuesve që kishin votuar për të dalë nga BE-ja; nga 25% në 12% mes votuesve konservatorë; dhe nga 15% në 9% mes mbështetësve të partisë Reform UK.
    Danimarka, vendi i pestë i anketuar në Evropë kontinentale, rezultoi si përjashtim. Atje, 72% e të anketuarve ishin shumë të gatshëm për rikthimin e Britanisë në BE, dhe ishin më entuziastë se vendet më të mëdha për t’i lejuar Britanisë mbajtjen e përjashtimeve të mëparshme (43%).
    Danimarka është një nga vetëm tre vendet anëtare të BE-së që ka përjashtime nga politikat kryesore të BE-së. Sondazhi zbuloi gjithashtu se shumica të mëdha në të pesë vendet kontinentale (nga 63% në 75%) do të mbështesnin anëtarësimin e një Skocie të pavarur në BE.
    Sondazhi u krye mbi mostra përfaqësuese me më shumë se 2,000 të rritur në Mbretërinë e Bashkuar dhe Gjermani, si dhe më shumë se 1,000 në Danimarkë, Francë, Itali dhe Spanjë, gjatë periudhës 12-27 qershor.

    Top Channel