Lajmidites.com

Tag: sllovakia

  • Gjermania shtanget në ndeshjen e parë, e mund Sllovakia me vetëm 30% mbajtje të topit

    Gjermania shtanget në ndeshjen e parë, e mund Sllovakia me vetëm 30% mbajtje të topit

    Gjermania ka luajtur sot ndeshjen e parë në kualifikueset e Botërorit 2026. “Pancerat” janë shtangur nga Sllovakia në transfertë. Sllovakët kanë arritur të marrin tre pikët ndaj kundërshtarit më të fortë në grup falë golave të shënuar nga Hançkoja në minutën e 42-të dhe nga Streleku në minutën e 55.
    Gjermania dominoi rivalin e saj sa i përket zotërimit të topit, duke e pasur në kontroll në 70% të kohës. Por mbajtja e topit nuk mjaftoi, pasi sllovakët ishin më të saktë përpara portës. Në fund gjermanët u mposhtën me shifrat 2-0 dhe tashmë duhet të kërkojnë suksesin ndaj Irlandës së Veriut, me të cilën do të përballen më 7 shtator./Sport Ekspres/

  • Orban dhe Fico dalin kundër Europës? Hungaria dhe Sllovakia kërkojnë heqjen e disa oligarkëve rusë nga lista e sanksioneve të BE-së

    Orban dhe Fico dalin kundër Europës? Hungaria dhe Sllovakia kërkojnë heqjen e disa oligarkëve rusë nga lista e sanksioneve të BE-së

    Hungaria dhe Sllovakia po i kërkojnë sërish Bashkimit Evropian (BE) të heqë masën për ngrirjen e aseteve dhe ndalimin e vizave për gjashtë biznesmenë rusë, si kusht për vazhdimin e regjimit të sanksioneve individuale kundër Kremlinit, në fuqi që nga nisja e pushtimit në shkallë të gjerë të Ukrainës nga Moska, më shumë se tre vjet më parë.

    Sanksionet, që pas 18 rundesh masash kufizuese të BE-së tashmë përfshijnë mbi 2.600 individë e kompani, duhet të zgjaten çdo gjashtë muaj me unanimitet – zakonisht në mes të marsit dhe shtatorit.
    Në listë gjenden emra si presidenti rus, Vladimir Putin, dhe ministri i Jashtëm, Sergei Lavrov, por edhe disa oligarkë e biznesmenë të akuzuar se kanë financuar luftën e Rusisë apo kanë përfituar nga ajo.
    Siç ka ndodhur rregullisht në Bruksel, Hungaria – dhe së fundmi edhe Sllovakia – kanë përdorur veton e tyre për të hequr disa nga emrat e nivelit të lartë. Të dyja këto shtete të Evropës Qendrore gëzojnë marrëdhënie të ngushta politike me Kremlinin, dhe pretendojnë se sanksionet dëmtojnë ekonominë evropiane më shumë se ekonominë ruse.
    Në mars, biznesmeni rus Viatcheslav Moshe Kantor; ministri i Sportit, Mikhail Degtyaryov; dhe Gulbahor Ismailova, motra e miliarderit Alisher Usmanov, u hoqën nga lista pas javësh negociatash të vështira diplomatike ndërmjet zyrtarëve evropianë.
    Vitin e kaluar, në mënyrë të ngjashme, u hoqën bashkëthemeluesi i gjigantit rus të internetit, Yandex, Arkady Volozh; biznesmeni Sergei Mndoiants; shtetasi sllovak, Jozef Hambalek, udhëheqës i klubit motoçiklistik nacionalist rus Ujqit e Natës në Evropë; si dhe Violetta Prigozhina, nëna e biznesmenit të vdekur dhe udhëheqësit të mercenarëve Wagner, Yevgeny Prigozhin.
    Sipas disa diplomatëve të BE-së që folën në kushte anonimiteti, këtë herë Sllovakia po kërkon heqjen e Usmanovit dhe biznesmenit Mikhail Fridman. Përveç këtyre dy emrave, Hungaria po kërkon edhe heqjen e oligarkëve Dmitry Mazepin, Pyotr Aven, Musa Bazhaev dhe Albert Avdolyan.
    Shumica e këtyre emrave janë propozuar edhe më herët për heqje nga listat, përveç Avdolyanit, i cili u vendos nën sanksione nga BE-ja vetëm në shkurt të këtij viti.
    Shtetet e tjera anëtare të BE-së kanë paraqitur një alternativë: të hiqen vetëm një ose dy raste të ashtuquajtura “të dobëta” – individë të cilët me gjasë do të hiqeshin gjithsesi, pasi sanksionet ndaj tyre bazohen në prova që nuk do të qëndronin nëse do të sfidoheshin në gjykatë. Përveç kësaj, ato propozojnë që sanksionet të zgjasin çdo 12 muaj, në vend të 6 muajve aktualë.
    Por, si Bratislava, ashtu edhe Budapesti, e kanë refuzuar këtë propozim në diskutimet paraprake në Bruksel, dhe çështja tani do të kalojë në nivel ambasadorësh të BE-së, më 3 shtator.
    Një marrëveshje atë ditë nuk pritet, por me afatin e 15 shtatorit që po afrohet për rinovimin e sanksioneve, pritet që javën e ardhshme të arrihet një kompromis. /rel

    Top Channel

  • Orban dhe Fico dalin kundër BE? Hungaria dhe Sllovakia kërkojnë heqjen e disa oligarkëve rusë nga lista e sanksioneve të BE-së

    Orban dhe Fico dalin kundër BE? Hungaria dhe Sllovakia kërkojnë heqjen e disa oligarkëve rusë nga lista e sanksioneve të BE-së

    Hungaria dhe Sllovakia po i kërkojnë sërish Bashkimit Evropian (BE) të heqë masën për ngrirjen e aseteve dhe ndalimin e vizave për gjashtë biznesmenë rusë, si kusht për vazhdimin e regjimit të sanksioneve individuale kundër Kremlinit, në fuqi që nga nisja e pushtimit në shkallë të gjerë të Ukrainës nga Moska, më shumë se tre vjet më parë.

    Sanksionet, që pas 18 rundesh masash kufizuese të BE-së tashmë përfshijnë mbi 2.600 individë e kompani, duhet të zgjaten çdo gjashtë muaj me unanimitet – zakonisht në mes të marsit dhe shtatorit.
    Në listë gjenden emra si presidenti rus, Vladimir Putin, dhe ministri i Jashtëm, Sergei Lavrov, por edhe disa oligarkë e biznesmenë të akuzuar se kanë financuar luftën e Rusisë apo kanë përfituar nga ajo.
    Siç ka ndodhur rregullisht në Bruksel, Hungaria – dhe së fundmi edhe Sllovakia – kanë përdorur veton e tyre për të hequr disa nga emrat e nivelit të lartë. Të dyja këto shtete të Evropës Qendrore gëzojnë marrëdhënie të ngushta politike me Kremlinin, dhe pretendojnë se sanksionet dëmtojnë ekonominë evropiane më shumë se ekonominë ruse.
    Në mars, biznesmeni rus Viatcheslav Moshe Kantor; ministri i Sportit, Mikhail Degtyaryov; dhe Gulbahor Ismailova, motra e miliarderit Alisher Usmanov, u hoqën nga lista pas javësh negociatash të vështira diplomatike ndërmjet zyrtarëve evropianë.
    Vitin e kaluar, në mënyrë të ngjashme, u hoqën bashkëthemeluesi i gjigantit rus të internetit, Yandex, Arkady Volozh; biznesmeni Sergei Mndoiants; shtetasi sllovak, Jozef Hambalek, udhëheqës i klubit motoçiklistik nacionalist rus Ujqit e Natës në Evropë; si dhe Violetta Prigozhina, nëna e biznesmenit të vdekur dhe udhëheqësit të mercenarëve Wagner, Yevgeny Prigozhin.
    Sipas disa diplomatëve të BE-së që folën në kushte anonimiteti, këtë herë Sllovakia po kërkon heqjen e Usmanovit dhe biznesmenit Mikhail Fridman. Përveç këtyre dy emrave, Hungaria po kërkon edhe heqjen e oligarkëve Dmitry Mazepin, Pyotr Aven, Musa Bazhaev dhe Albert Avdolyan.
    Shumica e këtyre emrave janë propozuar edhe më herët për heqje nga listat, përveç Avdolyanit, i cili u vendos nën sanksione nga BE-ja vetëm në shkurt të këtij viti.
    Shtetet e tjera anëtare të BE-së kanë paraqitur një alternativë: të hiqen vetëm një ose dy raste të ashtuquajtura “të dobëta” – individë të cilët me gjasë do të hiqeshin gjithsesi, pasi sanksionet ndaj tyre bazohen në prova që nuk do të qëndronin nëse do të sfidoheshin në gjykatë. Përveç kësaj, ato propozojnë që sanksionet të zgjasin çdo 12 muaj, në vend të 6 muajve aktualë.
    Por, si Bratislava, ashtu edhe Budapesti, e kanë refuzuar këtë propozim në diskutimet paraprake në Bruksel, dhe çështja tani do të kalojë në nivel ambasadorësh të BE-së, më 3 shtator.
    Një marrëveshje atë ditë nuk pritet, por me afatin e 15 shtatorit që po afrohet për rinovimin e sanksioneve, pritet që javën e ardhshme të arrihet një kompromis. /rel

    Top Channel

  • Sllovakia ndryshon mendje, kryeministri sllovak udhëzon delegacionin e tij në BE të miratojnë paketën e 18-të të sanksioneve ndaj Rusisë

    Sllovakia ndryshon mendje, kryeministri sllovak udhëzon delegacionin e tij në BE të miratojnë paketën e 18-të të sanksioneve ndaj Rusisë

    Sllovakia është gati të miratojë paketën e 18-të të sanksioneve të Bashkimit Evropian kundër Rusisë, tha kryeministri sllovak Robert Fico.Propozimi i Komisionit Evropian për paketën e re të masave synon veçanërisht sektorët financiarë dhe të energjisë të Rusisë, në përgjigje të refuzimit të presidentit rus Vladimir Putin për të negociuar një armëpushim pa kushte në Ukrainë.Ratifikimi i masave u shty pasi Fico tha se nuk ishte i përgatitur t’i miratonte ato, duke përmendur shqetësimet e qeverisë së tij në lidhje me mjaftueshmërinë e gazit të Sllovakisë.Por të enjten, Fico njoftoi nëpërmjet Facebook-ut se kishte udhëzuar delegacionin sllovak të miratonte grupin e 18-të të sanksioneve.Kryeministri sllovak argumentoi se nëse ai vazhdonte të bllokonte paketën e re të sanksioneve, situata do të bëhej “kundërproduktive” për interesat e Sllovakisë si shtet anëtar i BE-së.Bratislava ka siguruar garanci nga Komisioni për ndihmë në rast të mungesës së gazit, rritjes së çmimeve, tarifave të transmetimit ose ndërlikimeve ligjore, sipas Fico-s.Sipas burimeve në Bruksel, përfaqësuesit e përhershëm të 27 vendeve në selinë e BE-së pritet të ratifikojnë paketën e 18-të, ndoshta që sot.Kërkohet unanimitet absolut që BE-ja të vazhdojë me vendosjen dhe zbatimin e sanksioneve.Të martën, ministrat e jashtëm nuk e miratuan paketën e re, pasi Sllovakia këmbënguli në veton e saj.

  • BE ende pa marrëveshje për sanksione shtesë ndaj Rusisë

    BE ende pa marrëveshje për sanksione shtesë ndaj Rusisë

    Në takimin e ministrave të Jashtëm të BE-së duhej të vendosej për paketën e 18 të sanksioneve ndaj Rusisë. Por Sllovakia nuk është dakord. E hapur mbetet edhe çështja e financimit të sistemeve “Patriot” për Ukrainën.
    Ministrat e Jashtëm të Europës janë fare pranë një dakordësimi, vuri në dukje Kaja Kallas, e ngarkuara e BE-së për Politikën e Jashtme pas bisedimeve në Bruksel. Por ajo nuk mundi të komunikojë një sukses. “Jam vërtetë e mërzitur, që nuk mundëm të arrijmë një marrëveshje”, tha Kallas. Nuk u arrit të bindej Sllovakia. Në këtë mënyrë paketa e 18 e sanksioneve ndaj Rusisë dështoi në mbledhjen vendimtare. Me sanksionet e reja synohet, që Rusiatë ketë më pak të ardhura se deri tani nga eksporti i naftës në vende të treta. Ishin planifikuar tavane të reja çmimesh për naftën ruse dhe ndalimi i mjeteve lundruese, që të transportojnë naftë nga Rusia me çmime më të larta ose e sigurojnë atë. KrahasSllovakisë, sipas të dhënave të diplomatëve edhe Malta ka shprehur rezerva kundër këtyre masave. Malta druan se me pa të drejtë mund të ketë disavantazh për sipërmarrjet vendase të lundrimit, nëse ulet ndjeshëm i ashtuquajturi tavan i çmimit të naftës.

    Sllovakia kërkon zhdëmtim financiarKryeministri sllovak Robert Fico prej javësh është kundër miratimit të paketës së re të sanksioneveMe kundërshtimin e tij ai do t’i bëjë presion BE-së. Synimi i tij është tek nafta, por kërkon zhdëmtim financiar për vendin e tij, në rast se ndërpritet importi i gazit rus në Sllovaki, që mund t’i shkaktojë dëme ekonomisë së vendit.
    Sinjal jo i mirë i BE-sëE ngarkuara e BE-së për Politikën e Jashtme, Kallas u përpoq ta minimizojë dëmin nga dështimi. Do të bëhen përpjekje të mëtejshme tha ajo që të bindet Sllovakia. Por kjo nuk ndryshon faktin, se BE-ja nuk paraqitet unike. Pikërisht në ditën kur presidenti i SHBA-së ndryshoi kursin, duke u shprehur për herë të parë me kritika ndaj presidentit rus Vladimir Putin, BE-ja nuk është në gjendje të ndalojë rrjedhjen e parasë në arkat e luftës së Vladimir Putinit.
    Fico ka marrëdhënie të mira me KremlininMarrëveshja në BE u pengua nga Robert Fico, kryeministri që e tregon hapur afërsinë e tij me Putinin. Në fund të vitit të kaluar ai udhëtoi për në Moskë dhe u takua me Putinin. Të dy pozuan duke demonstruar harmoni. Takimi ngjalli indinjatë jo vetëm në BE, por edhe në Ukrainë. Përmbajtja e bisedimeve nuk u bë e ditur – përveçse dihet që është biseduar për furnizimet ruse me gaz në Sllovaki.
    Kush do t’i paguajë sistemet e SHBA-së të mbrojtjes nga ajri?Në takimin e ministrave të Jashtëm nuk arriti të sqarohet as çështja, se kush do t’i paguajë përveç Gjermanisë, armët e mbrojtjes nga ajri të tipit “Patriot” nga SHBA, që sikurse ofroi presidenti Trump, ato duhet të blihen dhe t’i furnizohen më tej Ukrainës. “Ne e përshëndesim vendimin e Trump për të furnizuar më shumë armë”, deklaroi Kallas, “por do të dëshironim, që kostot të ndahen”. Këtë në fakt e ka përjashtuar presidenti i SHBA-së. Ai miraton eksportin, por pagesën duhet ta bëjnë partnerët e NATO-s. Deri tani vetëm Gjermania ka siguruar se do të paguajë. Ministri gjerman i Mbrojtjes, Boris Pistorius, deklaroi se do të blejë edhe dy sisteme të tjera të tipit “Patriot” nga SHBA, për të mbështetur Kievin. Më parë qeveria e kancelarit Scholz i furnizoi Ukrainës tre sisteme “Patriot”.
    Kostot për këto sisteme bashkë me municionin llogariten rreth një miliard dollarë. Vendet partenre në NATO Danimarka dhe Holanda janë shprehur gjithashtu pozitivisht dhe duan të shqyrtojnë mundësitë e financimit në vend. Si Danimarka edhe Holanda parimisht qysh përpara dy vjetësh kanë lënë të kuptohet se kanë gatishmëri për pjesëmarrje në funrizimet me sistemet “Patriot”. DW

  • Dështon takimi i ministrave të jashtëm në Bruksel, Sllovakia bllokon sanksionet e reja të BE-së kundër Rusisë

    Dështon takimi i ministrave të jashtëm në Bruksel, Sllovakia bllokon sanksionet e reja të BE-së kundër Rusisë

    Bashkimi Evropian dështoi sot të miratojë një paketë të re sanksionesh kundër Rusisë , njoftoi shefja e politikës së jashtme evropiane Kaia Kallas pas përfundimit të Këshillit Evropian të Punëve të Jashtme në Bruksel.
    Kallas tha se ishte “vërtet e trishtuar” nga ngjarja, duke shtuar se tani “topi është në fushën e Sllovakisë “.  Më parë, kryeministri sllovak Robert Fico kishte njoftuar se përfaqësuesi i vendit të tij në Këshill do të kërkonte një shtyrje të votimit për vendosjen e sanksioneve shtesë ndaj Moskës.
    Ai argumentoi se kërkesa pasqyron qëndrimet e partive politike të vendit të tij mbi propozimet e paraqitura nga Komisioni për të ndihmuar Sllovakinë të kapërcejë çdo pengesë që do të hasë në furnizimet e saj me gaz pas ndalimit të planifikuar të importeve të gazit rus nga viti 2028.
    Ky plan nuk lidhet me paketën e re të sanksioneve, por Sllovakia i lidhi të dy çështjet.  Kalas tha gjithashtu se çështja e aseteve të “ngrira” ruse në BE do të diskutohet në takimin joformal të ministrave të jashtëm në fund të gushtit.

  • Sllovakia synon të arrijë marrëveshje me BE-në për ndërprerjen e furnizimeve me gazin rus, Fico: Kemi afat deri të martën!

    Sllovakia synon të arrijë marrëveshje me BE-në për ndërprerjen e furnizimeve me gazin rus, Fico: Kemi afat deri të martën!

    Sllovakia po kërkon të arrijë një marrëveshje me partnerët evropianë në lidhje me furnizimet me gaz rus deri të martën, në mënyrë që të miratojë një paketë të re sanksionesh të BE-së ndaj Rusisë, tha të shtunën kryeministri Robert Fico.

    Ai u tha gazetarëve në Bratislavë se dëshiron “ta zgjidhë këtë deri të martën, sepse tensionet po rriten nga të gjitha anët”.
    Deri më tani, Sllovakia ka ruajtur veton e saj në paketën e 18-të të sanksioneve që do të zbatohet në përgjigje të pushtimit të plotë të Ukrainës nga Rusia.
    Bratislava e ka bllokuar paketën për shkak të shqetësimeve mbi një propozim për heqjen graduale të të gjitha lëndëve djegëse fosile ruse deri në vitin 2028, nga frika se kjo mund të dëmtojë interesat ekonomike të vendit.
    Sllovakia merr pjesën më të madhe të gazit nga Rusia dhe ka një kontratë afatgjatë me Gazprom-in rus që vlen deri në vitin 2034. Fico dëshiron garanci ligjore nëse Gazprom pretendon një shkelje të mundshme të kontratës.
    Fico tha se kishte folur me kancelarin gjerman Friedrich Merz rreth kësaj çështjeje, duke theksuar se Sllovakia do ta hiqte veton e saj nëse arrihet një marrëveshje për ndalimin e gazit.
    Paketa e fundit e sanksioneve, e zbuluar të martën nga Presidentja e Komisionit Evropian Ursula von der Leyen dhe Përfaqësuesja e Lartë Kaja Kallas, fut në listën e zezë edhe 22 banka të tjera ruse dhe e zgjeron ndalimin e transaksioneve për subjektet me seli jashtë vendit që kontribuojnë në anashkalimin e sanksioneve. Fondi Rus i Investimeve Direkte, një fond sovran pasurie me një kapital të vlerësuar prej 10 miliardë dollarësh është në shënjestër.
    Gjithashtu, ai përmban një ndalim për përdorimin direkt ose indirekt të tubacioneve Nord Stream që lidhin Rusinë dhe Gjermaninë. Tubacionet nënujore sot janë jofunksionale dhe Berlini ka përjashtuar mundësinë e rifillimit të tranzitit të gazit pas përfundimit të luftës.
     

    Top Channel

  • Sllovakia, marrëveshje me BE-në për ndërprerjen e furnizimeve me gazin rus/ Fico: Kemi afat deri të martën!

    Sllovakia, marrëveshje me BE-në për ndërprerjen e furnizimeve me gazin rus/ Fico: Kemi afat deri të martën!

    Sllovakia po kërkon të arrijë një marrëveshje me partnerët evropianë në lidhje me furnizimet me gaz rus deri të martën, në mënyrë që të miratojë një paketë të re sanksionesh të BE-së ndaj Rusisë, tha të shtunën kryeministri Robert Fico.
    Ai u tha gazetarëve në Bratislavë se dëshiron “ta zgjidhë këtë deri të martën, sepse tensionet po rriten nga të gjitha anët”.
    Deri më tani, Sllovakia ka ruajtur veton e saj në paketën e 18-të të sanksioneve që do të zbatohet në përgjigje të pushtimit të plotë të Ukrainës nga Rusia.
    Bratislava e ka bllokuar paketën për shkak të shqetësimeve mbi një propozim për heqjen graduale të të gjitha lëndëve djegëse fosile ruse deri në vitin 2028, nga frika se kjo mund të dëmtojë interesat ekonomike të vendit.
    Sllovakia merr pjesën më të madhe të gazit nga Rusia dhe ka një kontratë afatgjatë me Gazprom-in rus që vlen deri në vitin 2034. Fico dëshiron garanci ligjore nëse Gazprom pretendon një shkelje të mundshme të kontratës.
    Fico tha se kishte folur me kancelarin gjerman Friedrich Merz rreth kësaj çështjeje, duke theksuar se Sllovakia do ta hiqte veton e saj nëse arrihet një marrëveshje për ndalimin e gazit.
    Paketa e fundit e sanksioneve, e zbuluar të martën nga Presidentja e Komisionit Evropian Ursula von der Leyen dhe Përfaqësuesja e Lartë Kaja Kallas, fut në listën e zezë edhe 22 banka të tjera ruse dhe e zgjeron ndalimin e transaksioneve për subjektet me seli jashtë vendit që kontribuojnë në anashkalimin e sanksioneve. Fondi Rus i Investimeve Direkte, një fond sovran pasurie me një kapital të vlerësuar prej 10 miliardë dollarësh është në shënjestër.
    Gjithashtu, ai përmban një ndalim për përdorimin direkt ose indirekt të tubacioneve Nord Stream që lidhin Rusinë dhe Gjermaninë. Tubacionet nënujore sot janë jofunksionale dhe Berlini ka përjashtuar mundësinë e rifillimit të tranzitit të gazit pas përfundimit të luftës.

  • Sllovakia bllokon paketën e re të sanksioneve ndaj Rusisë: Bisedimet me Brukselin pa përparim konkret

    Sllovakia bllokon paketën e re të sanksioneve ndaj Rusisë: Bisedimet me Brukselin pa përparim konkret

    Sllovakia konfirmoi zyrtarisht të mërkurën se do të vazhdojë të mbajë veton ndaj paketës së 14-të të sanksioneve të Bashkimit Evropian kundër Rusisë, duke i dhënë një tjetër goditje përpjekjeve të Brukselit për të forcuar presionin ndaj Kremlinit për shkak të agresionit në Ukrainë. Vendimi u riafirmua gjatë një takimi të ambasadorëve në Bruksel, ku paketa u hodh sërish poshtë, sipas burimeve diplomatike të cituara nga Euronews.

    Paketa e re synon sektorët strategjikë të Rusisë, përfshirë bankat, energjinë dhe infrastrukturën e tubacioneve si Nord Stream. Ndërkohë që situata në terren në Ukrainë po përkeqësohet me sulme intensive nga Moska, shtetet anëtare të BE-së ndjejnë një ndjenjë urgjence për të miratuar masat, por përballen me bllokadën sllovake.

    Bratislava, megjithëse nuk kundërshton vetë sanksionet, po e përdor veton si mjet për të fituar lëshime në një çështje tjetër: heqjen graduale të importeve të lëndëve djegëse fosile ruse deri në fund të vitit 2027. Ky plan i Komisionit Evropian, i paraqitur në maj, po has kundërshtime të ashpra nga qeveria e Robert Ficos, e cila paralajmëron pasoja të rënda ekonomike dhe ligjore për vendin.

    Fico ka kërcënuar publikisht me pasoja serioze për Sllovakinë, përfshirë një padi të mundshme nga gjiganti rus i gazit Gazprom, nëse kontrata afatgjatë deri në vitin 2034 ndërpritet në mënyrë të njëanshme. Në një video-mesazh gjatë samitit të BE-së muajin e kaluar, ai kërkoi kompensim financiar nga Brukseli, ndonëse nuk specifikoi ndonjë shumë.

    Për të zbutur tensionet, Komisioni dërgoi javën e kaluar një ekip ekspertësh në Bratislavë për të diskutuar alternativa për diversifikimin e burimeve energjetike dhe forcimin e sigurisë së furnizimit. Zëvendëskryeministrja dhe ministrja e ekonomisë së Sllovakisë, Denisa Saková, e vlerësoi takimin si “një hap pozitiv”, por palët nuk raportuan ndonjë përparim konkret.

    Nga ana e tij, Komisioneri Evropian për Energjinë, Dan Jørgensen, u shpreh se nuk po zhvillohen negociata për subvencione të reja, por po punohet për të garantuar një furnizim të qëndrueshëm për Sllovakinë përmes bashkëpunimit rajonal dhe masave teknike.

    Ndërkohë, diplomacia evropiane vazhdon përpjekjet për të arritur një kompromis para takimit të ardhshëm të ambasadorëve të premten dhe mbledhjes së ministrave të jashtëm të martën. Megjithatë, me Brukselin të përmbajtur në premtimet financiare dhe Ficon të vendosur në kërkesat e tij, një zgjidhje e afërt duket ende larg.

  • Sllovakia dhe Hungaria kundërshtuan, pse BE-ja nuk arriti të binte dakord për sanksionet ndaj Rusisë

    Sllovakia dhe Hungaria kundërshtuan, pse BE-ja nuk arriti të binte dakord për sanksionet ndaj Rusisë

    Udhëheqësit e BE-së nuk arritën të bien dakord mbi sanksionet e fundit të propozuara kundër Rusisë, pasi Sllovakia dhe Hungaria vazhdojnë të bllokojnë një marrëveshje.

    Masat, raundi i 18-të i sanksioneve kundër Rusisë, që nga pushtimi në shkallë të plotë i shkurtit 2022, mbulojnë energjinë, bankat dhe flotën në hije të Rusisë.
    Diplomatët e BE-së i konsiderojnë ato si më të vështirat prej kohësh, megjithëse një ulje e propozuar e çmimit maksimal të naftës në 45 dollarë për fuçi duket e dyshimtë, për shkak të kundërshtimit të SHBA-së.
    Sllovakia dhe Hungaria po bllokojnë sanksionet, në shenjë proteste ndaj një plani të veçantë nga Komisioni Evropian për të hequr gradualisht lëndët djegëse fosile ruse deri në vitin 2028.
    Dy vendet e Evropës Qendrore siguruan një përjashtim nga një embargo ruse e importit të naftës në mars të vitit 2023, që u lejoi atyre të vazhdonin të furnizoheshin nëpërmjet tubacionit Druzhba të epokës sovjetike.
    Për Sllovakinë, problemi kryesor është gazi. Ajo po kërkon garanci se prishja e kontratave me Gazprom nuk do të thotë që kompanitë e energjisë do të duhet të paguajnë dëme të mëdha. Qeveria sllovake thotë gjithashtu se është e shqetësuar për faturat e konsumatorëve.

    Top Channel