Lajmidites.com

Tag: sllovaki

  • Dita e verdikteve, Euro U21 me katër duele

    Në Sllovaki aty ku po zhvillohet Euro U21 sot është radha e ndeshjeve të treta në grupe. Do të luhet në dy fasho oraresh ndërsa dy takime janë programuar për në orën 18:00 dhe dy të tjera në orën 21:00.

    Grupi C ofron sfidat e pasdites: Francë U21- Poloni U21 dhe Gjeorgji U21- Portugali U21. Tre skuadra luanjë për dy vende. Franca, Portugalia kanë nga 4 pikë ndërsa Gjeorgjia 3 pikë. Polonia e eleminuar.

    Ndërkohë në orën 21:00 dy sfidat e Grupit A. Në fushë do të jenë Spanjë U21- Itali U21 dhe Rumani U21- Sllovaki U21. Te ky grup verdiket janë dhënë që në raundin e dytë pasi Spanja dhe Italia janë kualifikuar (sot luhet vepëm për të përcaktuar skuadrën e parë apo të dytë). Situatë analoge dhe te Rumani- Sllovaki me vendasit sllovakë që krërkojnë të mbyllin me nder kompeticionin.

    Vazhdo leximin

  • Euro U21/ Fitojnë Spanja, Italia, Franca e Portugalia

    Dy skuadrat e para të eleminura nga Euro U21 që po zhvillohet në Sllovaki janë Sllovakia U21 dhe Polonia U21

    Ndeshjet e dyta e U21 në grupet A dhe C u luajtën sot në Sllovaki. Në orën 18:00 Spanja përmbysi në fundin e ndeshjes Rumaninë duke fituar 2-1 engjitur në vend të parë në Grupin A.

    Ndërkohë në mbrëmje po në Grupin A, Italia U21 kaloi me vështirësi Sllovakinë vendase 0-1 me një gol të shënuar në start të ndeshjes.

    Sakaq në Grupin C, Franca dhe Gjeorgjia dueluan deri në minutën e fundit për të marrë fitoren. Moashat e Francës morën kryesimin përmes një penalltie në pjesën e parë miro në të dytën kaukazët përmbysën 1-2 teksa në lojë ishin luajtur 84′ minuta. Në të 89′ Franca arrin të barazojë ndërsa në të 90+12′ gjeti dhe goline fitores 3-2.

    Ndeshja tjetër Portugali- Poloni nuk pati histori. Luzitanët me një protagonist absolut si Kuenda (shënoi dy gola dhe dha asistin e golit të tretë) fitoi thellë 5-0.

    Vazhdo leximin

  • Euro U21 në Sllovaki/ Dita e dytë, katër duele programi…

    Euro U21 i cili nisi dje me katër takime në Sllovaki, ecën sot me po katër duele për grupet B dhe D. Do të nisë Ukrainë-Danimarkë (Grupi D) e cila sipas UEFA-s është programuar të luhet në Presov duke nisur nga ora 18:00.

    Në mbrëmje (21:00), radha e takimit tjetër e Grupit D Finlandë-Holandë si dhe e dy përballjeve të Grupit B; Çeki- Angli (në Dunajska Streda) dhe Gjermani-Slloveni (në Nitra).

    Euro U21, faza finale në Sllovaki:

    12 qershor 2025 ora 18:00

    Ukrainë-Danimarkë

    21:00

    Republika Çeke- Angli

    Gjermani- Slloveni

    Finlandë- Holandë/Sportiim.al/

    Vazhdo leximin

  • Nis Euro U21, rregullorja e re vihet në zbatim

    Me duelin Sllovaki- Spanjë (0-2 kohë reale), mori udhë faza finale e kampionatit Europian deri në 21 vjeç që po zhvillohet në Sllovaki.

    UEFA do të zbatojë rregullin e ri për humbjen e kohës së portierëve, të miratuar nga IFAB në mars në Kampionatin Evropian të UEFA-s nën 21 vjeç në Sllovaki, i cili thotë se nëse një portier e mban topin për më shumë se tetë sekonda, gjyqtari do të akordojë një goditje nga këndi për ekipin kundërshtar.

    Gjyqtarët e ndeshjes do të përdorin gjithashtu një numërim mbrapsht të dukshëm prej pesë sekondash për të sinjalizuar fundin e afatit kohor. Udhëzimet e UEFA-s për gjyqtarët që zbatojnë rregullin e ri përcaktojnë se numërimi mbrapsht prej tetë sekondash fillon kur portieri ka kontroll të plotë të topit dhe nuk po sfidohet nga një lojtar kundërshtar.

    Gjyqtari do të numërojë mbrapsht në mënyrë të dukshme pesë sekondat e fundit, duke u siguruar që portieri të mund ta shohë numërimin mbrapsht. Nëse kundërshtarët fillojnë të bëjnë presion ose të pengojnë portierin gjatë numërimit mbrapsht, gjyqtari do ta ndalojë numërimin mbrapsht dhe do t’i akordojë një goditje të lirë indirekte portierit. Rregulli do të zbatohet në të gjitha ndeshjet e garave të UEFA-s që nga sot.

    Programi i ndeshjeve sot:

    Faza finale/ Euro U21 në Sllovaki

    Sllovaki-Spanjë 18:00

    Portugali-Danimarkë 21:00

    Itali-Rumani 21:00

    Poloni-Gjeorgji 21:00

    Vazhdo leximin

  • Euro U21 në Sllovaki/ Vendosja e Kombëtareve në grupe

  • Fiks Fare/ “4500 euro për letra në Sllovaki”, qytetari denoncon mashtrimin: As vizë, as punë dhe s’na kthen paratë!

    Fiks Fare/ “4500 euro për letra në Sllovaki”, qytetari denoncon mashtrimin: As vizë, as punë dhe s’na kthen paratë!

    Fiks Fare denoncoi mbrëmjen e së premtes një tjetër rast mashtrimi për letra në vendet e Bashkimit Europian.

    Një qytetar u ankua në emisionin investigativ se në vitin 2024 ka kontaktuar me një person që nxirrte viza pune për në Sllovaki. Ai thotë se e ka rekomanduar një shoku i tij.
    “E kontaktova shok pak shoku, numër pas numër. Më thanë se nxirrte letra sllovake. Quhej Elton Musaj dhe ishte me origjinë nga Berati” thotë qytetari. Më tej shton se, ky person u ka thënë se duhet të paguanin fillimisht nga 1500 euro për person.
    “Jemi 3 shokë që kemi bërë këtë pagesë. 90 % të pagesës e kemi bërë me pikat e transfertave të parave dhe kemi faturat. Një pjesë ia dhanë në dorë shokët e mi kur ishin në Shqipëri. Në këto pikat e transfertave gjysmat i kemi dërguar te ky emër dhe gjysmat te një person tjetër serb. Eltoni na thoshte se se pasi të paguani do vijojmë me dokumentet, me shenjat e gishtave etj” thotë qytetari.
    Ata kanë edhe një audio ku personi u thotë se erdhën letrat dhe tani shpresojnë të aprovohen. “Dje erdhën dokumentet të përkthyera, që i kishin vajtur atij, edhe të hënën ai do të bëjë aplikimin për gishtat. Tani ça fati të keni vëlla. Kur t’ju thërrasë, kur t’ju vijë takimi nga policia, do t’ju thërrasë 3-4 ditë para të vini. Mirë vëlla, hajt se e mori rrugën tani s’ka ça bën më! Unë shpresoj megjithë shpirt, inshalla nga gjysma e nëntorit që t’a japin. Është çik e vështirë po do Zoti, ça fati të keni!” thotë ai.
    Ndërkohë, denoncuesi shton se në total, paguan te Eltoni shumën prej 4500 eurosh. “Na ra nga 1500 euro secili. E bëmë pagesën në muajin tetor 2024. Tani prit e prit se na thanë për disa javë. Jemi në prill dhe asnjë veprim. I kemi kërkuar paratë dhe na thotë jo sot e nesër. Jo prisni, s’kam e gjëra të tjera. Na gënjen dita-ditës. Mirë që na mori paratë, po tani s’na hap as telefonin. Duam ta denoncojmë mos të mashtrojë persona të tjerë” pohon qytetari.
    Fiksi kontakton me personin në fjalë, Elton Musaj, i cili e pranon se u ka marrë paratë. “I kam unë mbi shpinë. Do ua jap, po tani s’kam pasur mundësi. Unë kam sjellë vëllain në Sllovaki, njihja një person nga Serbia që kishte firmë dhe ai i bënte. E bëra më shumë për t’i ndihmuar po tani ai (serbi) s’më hap as telefonin dhe s’e kam takuar më. U kam thënë se do ua jap unë se mua më ngeli” pohon ai.
    Fiksi e pyet nëse ka apo jo agjenci, apo si individ. “S’kam agjenci, e bëja për të ndihmuar. Unë i kam marrë paratë dhe unë do ua jap. Do ua jap me këste. Këtej në Sllovaki kanë mbyllur aplikimet dhe nuk pranojnë më. Jam zënë ngushtë dhe unë s’kam ndonjë rrogë të madhe. Paratë i ka marrë ai Serbi. Shkova në Vjenë dhe e takova 5 minuta. Më pas u zhduk dhe tani nuk kontaktoj dot më” pohon Eltoni.
    Fiksi e pyet disa herë se si mund të vepronte në këtë mënyrë duke u marrë para dhe mos t’u vijë në ndihmë, teksa ai shton se “do ua kthej me këste …”

    Top Channel