Lajmidites.com

Tag: skuadër

  • Dueli i viteve 2010-2020 spostohet një ligë më poshtë, nesër Skënderbeu- Laçi kthen…’nostalgjinë

    Dueli i viteve 2010-2020 spostohet një ligë më poshtë, nesër Skënderbeu- Laçi kthen…’nostalgjinë

    Kategoria e Parë e këtij edicioni të 78-të duket më i padeshifruar se kurrë. Edhe pse Skënderbeu e Laçi kanë bërë diferencën në lojë dhe pikë, sërish skuadrat e tjera po shfaqen po aq produktive. Së paku në terren aty ku çdo skuadër mund të marrë goditje nga …çdo skuadër.

    Kjo javë e 5-të e cila do të nisë nesër, ofron duelin epik Skënderbeu- Laçi. Luhet në Korçë dhe ish skuadrat që jo larg duelonin në Superiore për trofe, tani duhet të zgjidhin fatet e tyre në inferiore.

    Skënderbeu:

    Ernest Gjoka ka organikën e bollshme dhe përgatitjet ndaj Laçit kanë vijuar me intensitet. Sidoqoftë korçarët nuk janë dhe aq të plotë. Probleme për stafin teknik janë kryesisht në prapavijë ndërsa lojtarë si Vaskez e veçanerisht Klevis Shaqe (u dëmtua frikshëm në duelin e kaluar me Pogradecin), pritet të jenë mungesa thelbësore. Edhe Marko Ramos nuk u listua javën e kaluar me pikëyetjen e rikthimit në rolin e një mbrojtësi. Lojtari më ishtrenjtë në transfermarkt: Marko Alia dhe Saleh Nasr 300 mijë. Skënderbeu vendi i parë 10-të pikë.

    Laçi:

    Te Laçi i trajnerit Stefano Senigaliezi problemi madhor lidhet me portierin e dëmtuar në Peshkopi ndaj Korabit, Klevis Hasanbelli. Edhe Xhoel Hajdari i huazuar nga Vllaznia ende nuk ka rekuperuar mirpo lajmi më i mirë për bardhezinjtë ka emrin Ledio Tresa. Tiranasi ka lënë përfundimisht dëmtimin dhe do të jetë gati në supersfidën e nesërme në program orën 19:00. Laçi vendi i dytë 9-të pikë. Vlera më e lartë në transfermarkt për lojtarë; Agan Mjaki dhe Ledio Tesa 350 mijë./Isuf Myrtaj/

    Vazhdo leximin

  • “E dinim se do ishte ndeshje e vështirë ndaj Partizanit”, tekniku i Elbasanit: Kam skuadër me mentalitet fituesi, jam i bindur

    “E dinim se do ishte ndeshje e vështirë ndaj Partizanit”, tekniku i Elbasanit: Kam skuadër me mentalitet fituesi, jam i bindur

    Trajneri i Elbasanit, Ivan Gvozdenovic analizoi fitoren 1-0 ndaj Partizanit.
    “Sot ishte një ndeshje shumë e vështirë. Partizani është ekip i mirë. Jam i kënaqur me pikët, pasi pas 4 javësh kemi 10 pikë dhe jemi në vendin e parë. Sot jam i kënaqur me vazhdimësinë, çunat treguan cilësi dhe kemi mentalitet fitues.

    Sot ishte fitore për besimin, sepse edhe kundër Egnatias, Dinamos, por edhe sot ishte ndeshje e vështirë dhe me ritëm. Këto ekipe ishin në Europë dhe kanë tjetër ritëm. Ne jemi skuadër e mirë dhe e fortë, tani jemi pak më të qetë. Për objektivat nuk flasim dot sepse është java e 4-t.
    Unë mendoj që kemi mentalitet fituesi. Kur ishim 0-1 dhe kur ishim një lojtar më shumë, mund të luanim më shumë ofensiv dhe të shënonim të dytin, që të rrinim më të qetë. Por kemi nevojë edhe për pak kohë, por kjo është situata.
    Ideja nga fillimi ishte që të bënim një presing ultra-ofensiv. Edhe Partizani ka cilësi dhe është skuadër e fortë, sot ishte në shtëpi. Plus Partizani sot kishte nevojë për pikë pasi erdhi nga një ndeshje shumë e vështirë në Shkodër.
    Organika? Patjetër që jam i kënaqur. Mund të flasim për të gjithë lojtarët, për Delaj, por më shumë për Boriçin. Ai është i talentuar dhe meriton më shumë minuta. Nëse vazhdon me punë të mirë dhe serioze do të kapë minuta, është lojtar shumë i talentuar. Sot kishim përsëri 3 mungesa, nuk është pak”,
    © BalkanWeb

  • Euroleague “zgjerohet” me 20 skuadra, pjesëmarrëse edhe një skuadër nga Arabia

    Euroleague “zgjerohet” me 20 skuadra, pjesëmarrëse edhe një skuadër nga Arabia

    Më datën 30 shtator do të nisë sezoni 2025-2026 në Euroleague, eventi më i rëndësishëm kontinental në basketboll për meshkuj. Këtë vit do të jenë 20 skuadra që do të marrin pjesë në garë për trofeun.
    Pra, dy më shumë. Listës së skuadrave i janë shtuar Hapoel Tel Aviv dhe Dubai Basketball, ndërkohë që rikthehet Valencia Basket, që zë vendin e Alba Berlin. Për herë të parë në këtë kompeticion merr pjesë një skuadër arabe.
    Sipas rregullores, 6 ekipet e renditura në 6 vendet e para të sezonit të rregullt kualifikohen direkt në cerekfinalet play off. Skuadrat e renditura në ve ndet 7-10 do të luajnë në play out, për dy cerekfinalistet e fundit.
    Sezoni i rregullt do të përfundojë më 17 prill 2026. Do të luhet me sistem vajtje-ardhje, pra gjithsej do të luhen 38 javë. Skuadra turke e Fenerbahce është kampione në fuqi, ndërkohë që “final four” do të luhet në Athinë.
    Ekipet pjesëmarrëse: Anadolu Efes, Barcelona, Baskonia Gasteiz, Bayern Munich, Crvena Zvezda, Dubai Basketball, Armani Milano, Fenerbahce, Hapoel Tel Aviv, Villeurbanne, Maccabi Tel Aviv, Monaco, Olympiacos, Panathinaikos, Paris Basketball, Partizan Beograd, Real Madrid, Valencia Basket, Virtus Bologna, Zalgiris Kaunas.

  • “Ndeshja më e mirë e Kosovës”, Foda dhe Muriqi krenar për suksesin e dardanëve: Reagim perfekt pas Zvicrës

    “Ndeshja më e mirë e Kosovës”, Foda dhe Muriqi krenar për suksesin e dardanëve: Reagim perfekt pas Zvicrës

    Fitorja e Kosovës ndaj Suedisë ishte padyshim një prej rezultateve më të mira në historinë e përfaqësueses dardane. Një sukses ndaj një skuadër yjesh siç është përfaqësuesja suedeze, por mbi të gjitha një fitore që ndez ëndrrën Botëror, një ëndërr që pakkush e mendon se mund të bëhet realitet, por performanca e skuadrës së teknikut Foda të hënën në “Fadil Vokrri”, konfirmoi shpirtin luftarak dhe karakterin që kjo skuadër ka.
    Vetë tekniku gjerman u shpreh mjaft i kënaqur në përfundim të sfidës ndaj Suedisë:

    “Jam shumë krenar me skuadrën në përgjithësi, kanë luftuar për gjatë 90 minuta, ndaj një kombëtare me lojtarë me shumë kualitet si Suedia. I’u thashë lojtarëve pas Zvicrës që ndaj Suedisë kemi mundësi të reja për të marrë 3 pikë. Gjithë Kosova mund të jetë krenar sot për atë ç’ka skuadra tregoi sot. 
    E kishim planifikuar që të dilnim shpejt me kundërsulme. Posaçërisht me Albion Rrahmanin, e kishim planifikuar që mund të shkonim drejt golit në atë mënyrë.
    I pyetur nëse kjo ishte ndeshja më e mirë e Fodës në drejtimin e Kosovës, tekniku u përgjigj plotë siguri:
    “Kjo ndeshja më e mirë e Kosovës nën drejtimin tim, kjo ishte loja më e vështirë, ndaj një skuadër si Suedia, me lojtarë si Isak, Elagan, Gyokeres. Mund të fitonim edhe 3 me 0 ose 4 me 0”.

  • Sylvinho: Luajmë për fitore, Letonia është skuadër e fortë

  • Ish-sulmuesi i Laçit i mbush mendjen Martinit, spostohet tek ekipi “A” i Vllaznisë

    Ish-sulmuesi i Laçit i mbush mendjen Martinit, spostohet tek ekipi “A” i Vllaznisë

    Vllaznia ka qenë një skuadër shumë aktive në këtë merkato verore, duke “transformuar” thuajse totalisht ekipin në krahasim me atë të sezonit të shkuar. Me kuqeblutë që mes largimesh dhe afrimesh i kanë dhënë një “fytyrë” tjetër skuadrës për edicionin 2025-26.
    Por, te shkodranët duket se mendojnë edhe për të ardhmen, duke afruar në skuadër elementë të perspektivës dhe nga të cilët mund të përfitohet si ekonomikisht apo edhe sportivisht. Një ndër ta është Nikolas Kofi, sulmuesi 19-vjeçar nga Bregu i Fildishtë i cili në sezonin e shkuar u aktivizua në vendin tonë me Laçin.

    Shtatlarti e ka mbyllur aventurën e tij me bardhezinjtë dhe prej disa javësh po stërvitet në radhët e Vllaznia “B”. Ku me skuadrën e dytë të kuqebluve ka rënë në sy për aftësitë e tij dhe ka bindur momentalisht. Ku edhe në miqësoren e fundit ndaj Basanias që Vllaznia “B” fitoi 3- 1, Kofi do të shënonte një dopietë me dy gola shumë të bukur. Duke treguar shumë për cilësitë e tij dhe aftësinë për të shënuar gola. Mosha e tij e re patjetër është një favor dhe momentalisht do pritet edhe pak nga ana e drejtuesve që t’i ofrojnë një kontratë 19-vjeçarit.
    Aktualisht ivoriani vijon stërvitjen me Vllaznia “B” dhe performancat e tij kanë “ngrohur” drejtuesit, por edhe stafin teknik të ekipit të parë. Të cilët pas largimit edhe të Mensah mund të marrin në skuadrën “A” një tjetër sulmues nga Afrika, me Kofin që duket një kandidat potencial për të qenë pjesë e 9 herë kampionëve të vendit tonë në sezonin e ri. Pavarësisht se minutat ish-sulmuesi i Laçit mund t’i ketë të garantuara vetëm te Vllaznia “B”, pasi konkurrenca për një vend në sulmin e ekipit të parë duket shumë e “ashpër” tashmë edhe me afrimin e Çarls Bismark në radhët e shkodranëve.

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Dosti: Ky nuk është Partizani ynë, Skuka reagon pas përplajses

    Dosti: Ky nuk është Partizani ynë, Skuka reagon pas përplajses

    Partizani edhe pse 4 pikë në ndeshje nuk është se ka bindur në fushë. Aq më tepër që dje gjatë Partizani- Teuta (0-0) u pa një episod i paprecedentë mes radhëve të tyre. Dy sulmuesit e kuq, Xhuliano Skuka dhe Judah Garcia krijuan një situatë aspak miqësore me njëri-tjetrin.

    Ndërkohë ish sulmuesi i njohur i Partizanit Edmond Dosti pasi ndoqi Laçi- Kastrioti (3-1; ka luajtur me të dy ekipet) udhëtoi drejt ‘Arena e Demave’ për të ndjekur ekipin e tij të parë Partizanin. Indinjatën e tij për atë që ka konstatuar në atë takim me durrsakët, ‘Moke’ e ka shprehur në një postim.

    Postimi i ish bomberit Edmond Dosti:

    “Partizani më i dobët që kam parë deri më sot! Ky Partizan nuk funksionon, ekip pa personalitet. Duket që tek Partizani ka shumë probleme serioze. Situata u rëndua edhe më shumë kur në fund, dy lojtarë të skuadrës sonë, Xhulio Skuka dhe Garcia, u zunë mes tyre. Në vend që të jenë bashkë, të ndihmojnë njëri-tjetrin dhe të japin gjithçka për fanellën, ata përfunduan duke u përplasur si armiq.

    Kjo është një tablo shumë e hidhur për t’u parë, sidomos për ne ish-futbollistët dhe tifozët që jetojmë me këtë skuadër. Partizani nuk ka mungesë vetëm te goli, por edhe te harmonia dhe karakteri. Pa unitet, pa respekt mes lojtarëve, dhe me këtë gjendje nuk do të arrihen rezultate. Prandaj i bëjmë thirrje Presidentit Demi: është koha të tërhiqet veshi të gjithëve, të vendoset rregulli dhe të vihet dorë mbi këtë situatë. Sepse pa disiplinë dhe pa drejtim, Partizani nuk mund të ecë përpara. Ky nuk është Partizani ynë.PMTP”, shkruan Dosti.

    Reagimi i Xhuliano Skukës:

    “Jam i vetëdijshëm se sjellja ime mund të mos ketë qenë më e mira, përkundrazi kërkoj ndjesë por dua të theksoj se kjo nuk vjen nga mungesa respekti apo dëshire për të qenë pjesë e këtij ekipi. Arsyeja pse reagoj ndonjëherë më shumë se ç’duhet është sepse këtë ekip e ndiej si shtëpinë time dhe dua të jap gjithmonë maksimumin.

    Nuk jam këtu thjesht si ata që vijnë e ikin, por sepse kam një histori më të gjatë dhe më të thellë me këtë skuadër. Ky ekip për mua është shumë më tepër se një skuadër futbolli, është një pjesë e imja që dua ta çoj përpara me pasion, respekt dhe përkushtim.

    Në fushë i lejmë të gjitha, përvec rezultatit që do punojmë fort dhe do mundohemi të ngrejm ekipin aty ku e meriton. Jam gati të punoj me veten, të përmirësohem aty ku kam gabuar, sepse mbi të gjitha e dua këtë ekip dhe dua të jem pjësë e tij denjësisht. Skuka i Partizanit!”/Sportiim.al/

    Vazhdo leximin

  • Trajneri shqiptar merr skuadër në Holandë

    Trajneri shqiptar merr skuadër në Holandë

    Lëvizje e madhe, Erbim Fagu firmos për Den Hag U19. Ish-trajneri i Tiranës bën hapin cilësor duke prekur strukturat e një klubi të vjetër dhe të njohur në Holandë.

    Në fakt, Den Hag ka histori të suksesshsme me mënyrën e përgatitjes së lojtarëve të rinj ndërsa afrimi i tiranasit te klubi i elitës holandeze konsiderohet më shumë se një arritje e momentit.

    Në këtë klub kanë drejtuar trajnerë si Dik Advokat dhe kanë luajtur lojtarë si Xhshua Zierkzee, Nathan Ake etj. Lajmi u bë zyrtar nga klubi vetëm pak ditë para fillimit të kampionatit. 38 vjeçari tiranas mban licensën UEFA Pro./Sportiim.al/

    Vazhdo leximin

  • Trajneri i Jagellonias: Dinamo skuadër sulmuese dhe guximtare

    Trajneri i Jagellonias: Dinamo skuadër sulmuese dhe guximtare

    Adrian Siemieniec, trajeni i Jagellonia foli sot për ndeshjen e nesërmme Jagellonia- Dinamo në program në orën 20:15. Sfida e vajtjes play off Conference league luhet në impiantin 30 mijë vendesh, ndërsa tekniku 33 vjeçar vlerëson në maksimum Dinamon.

    Ndër të tjera trajneri Siemieniec

    “Dinamo është një ekip i fortë. Analiza jonë e kundërshtarit tregon se Dinamo ishte skuadra më e mirë në ndeshjen dy-ndeshjeshe kundër Hajdukut dhe me meritë kaloi më tej. Ky është vlerësimi për momentin.

    Pas analizës, arritëm në përfundimin se Dinamo City me meritë kaloi tutje. Ata janë një skuadër sulmuese, e guximshme, pa kompromis, intensive dhe agresive. Ata pëlqejnë të sulmojnë shpejt dhe kanë shumë guxim dhe liri.

    Kjo ishte e dukshme në ndeshjet kundër Hajdukut, dhe veçanërisht në Kroaci, gjë që nuk ishte e lehtë. Me natyrën e tyre agresive në duele, ata pëlqejnë të ushtrojnë presion mbi kundërshtarin dhe ta dominojnë atë”, deklaroi 33-vjeçari.

    Vazhdo leximin

  • Landucci: Atmosferë shumë e mirë në skuadër. 70.000 tifozë për Milan-Bari, faleminderit!

    Landucci: Atmosferë shumë e mirë në skuadër. 70.000 tifozë për Milan-Bari, faleminderit!

    Marco Landucci, zëvendëstrajneri i Milanit, foli për “Milan TV” pas fitores 2-0 ndaj Barit në Kupën e Italisë. Ja deklaratat e tij kryesore: “Kur fiton, je i kënaqur. E interpretuam mirë ndeshjen, ishte një sfidë serioze, djemtë i ndoqën udhëzimet e trajnerit. Fitorja të bën të ndihesh më mirë, nga nesër do të mendojmë për ndeshjen e radhës. Faleminderit publikut, ishin 70 mijë njerëz për Milan-Bari”.
    Për atmosferën në skuadër: “Kam gjetur një ambient me djem të sjellshëm, profesionistë, të gatshëm të japin gjithçka. Ka një frymë shumë pozitive në Milanello, nuk kam dëgjuar askënd të ankohet. Pastaj, janë rezultatet që vlejnë, por ka shumë gjëra të bukura”.
    Për dëmtimin e Leaos: “Duhet ta vlerësojmë në ditët në vijim, preferuam ta zëvendësonim për të mos rrezikuar më tepër”.
    Si është Modric: “Në Milanello kemi gjetur vetëm njerëz korrektë dhe seriozë, ashtu si Luka. Është vënë menjëherë në dispozicion, jep gjithçka, nuk kursehet dhe nuk lëshon asnjë centimetër”.
    Loftus-Cheek, lojtar kyç: “Ka bërë mirë, por e rëndësishme është paraqitja e skuadrës. Bari na ka goditur në portë shumë herë dhe kjo nuk është diçka që na pëlqen aq shumë”.
    Tare foli për Hojlund dhe Vlahovic, çfarë lloj sulmuesi kërkohet: “Nuk flas për merkaton”.
    Gimenez në vështirësi: “Nuk jam aspak i shqetësuar. Ai ka ardhur më vonë se të tjerët, është djalë serioz, punon fort në çdo stërvitje dhe duhet të rritet. Sonte dha një asist. Duhet të rritet ai, ashtu si e gjithë skuadra”.