Lajmidites.com

Tag: skenë

  • Si skenë filmi! Policia ndalon “Porsche Panamera” në Sarandë, i riu vrapon dhe hidhet në det për t’i shpëtuar arrestimit

    Si skenë filmi! Policia ndalon “Porsche Panamera” në Sarandë, i riu vrapon dhe hidhet në det për t’i shpëtuar arrestimit

    Një skenë që të kujton filmat aksion është regjistruar mbrëmjen e djeshme në qytetin e Sarandës, ku një person është hedhur në det për t’i shpëtuar ndjekjes së policisë.

    Ngjarja ndodhi në rrugën “Butrinti”, pranë shëtitores së qytetit. Policia ndaloi një automjet luksoz, tip Porsche Panamera, në të cilin ndodheshin tre persona.
    Në momentin kur efektivët tentuan ndalimin, njëri prej tyre zbriti me shpejtësi nga automjeti dhe u largua me vrap, duke u hedhur më pas në det. Ai mbante një çantë në krah.
    Dy personat e tjerë u ndaluan menjëherë dhe u shoqëruan nga forcat “Shqiponja”. Ndërkohë, dhjetëra forca policore mbërritën në vendngjarje, ndërsa në det ndërhyri policia kufitare me një skaf. Pas një ndjekjeje të shkurtër në ujë, i dyshuari u kap dhe u nxor në shëtitore, ku u shoqërua drejt furgonit të policisë.
    Dyshohet se ai ka hedhur në det sende të paligjshme ndërsa hetimet janë në vijim për të zbardhur rrethanat e kësaj ngjarjeje të pazakontë.

    Top Channel

  • Një emër i ri del në skenë, Barcelona i vë syrin yllit brazilian për krahun e majtë

    Një emër i ri del në skenë, Barcelona i vë syrin yllit brazilian për krahun e majtë

    7 Korrik 2025

    20:32

    Telesport

    Pas dështimit të transferimit të Nico ëilliams dhe vështirësive për të nënshkruar me Luis Diaz, Marcus Rashford apo Rafael Leao, pasi të tre kanë një kosto ekonomike shumë të lartë, një emër i ri ka dalë në skenë për krahun e majtë të sulmit të Barcelonës.
    Në orët e fundit po përmendet emri i brazilianit Antony për një transferim të mundshëm te Barcelona. Klubi katalanas ka filluar ta konsiderojë seriozisht nënshkrimin e tij, veçanërisht tani që Manchester United thuhet se është i gatshëm të pranojë një ofertë prej rreth 35 milionë eurosh, një shifër dukshëm më e ulët se ajo që është kërkuar për emrat e përmendur më sipër.
    Antony shkëlqeu në pjesën e dytë të sezonit të kaluar kur ishte i huazuar te Betis dhe do ta mirëpriste një rikthim në La Liga, aq më tepër kur të kërkon një ekip si Barcelona.

  • “Kujtesa e ujit” në skenën teatrore me interpretimin e të rinjve, komedia e zezë vepër e autores Sheila Stefenson

    “Kujtesa e ujit” në skenën teatrore me interpretimin e të rinjve, komedia e zezë vepër e autores Sheila Stefenson

    Nga Julia Vrapi
    “Kujtesa e ujit” komedi e zezë, që erdhi me interpretimin e të rinjve në skenën teatrore. “Kujtesa e ujit” shkruar nga autorja Sheila Stefenson përmes ngjarjeve të saj erdhi në skenë si një vepër që i flet realitetit. “Kujtesa e ujit” u shfaq në skenën e Teatrit Kombëtar Eksperimental “Kujtim Spahivogli” për dy mbrëmje me radhë, por prof. asoc. dr. Rozi Kostani pedagoge udhëheqëse tregon për punën e të rinjve të arteve, që sollën në skenë këtë vepër teatrore në datat 28 dhe 29 qershor. Shkruar nga autorja Stefenson te “Kujtesa e ujit” një vepër që i flet realitetit në qendër janë tre motra, tre karaktere shumë të ndryshme nga njëra-tjetra. Prof. asoc. dr. Rozi Kostani tregon se dhjetë studentë punuan për këtë shfaqje.“Janë viti i tretë Bachelor dhe ishte diploma e Bahcelorit. Dhjetë studentë dhe ishin dy grupe nga pesë studentë secili grup, ishin dublantë të njëri- tjetrit, një grup në datë 28 dhe një grup datë 29 qershor me shfaqjen në teatër. Është një kohë në shkollë, diku 2-3 javë që bëhet përzgjedhja e veprës.
    Janë vepra që nga studentët lexohen edhe në klasë dhe pastaj në bazë të peshës dhe ngarkesës së roleve ne vendosim për veprën që do jetë në skenë”, shprehet prof. asoc. dr. Rozi Kostani për këtë shfaqje që erdhi nga studentët e Fakultetit të Artit Skenik. Në rolet e veprës ishin Maria Brokshi, Keida Shqefni, Dejna Mataj, Gejson Selfo, Muhamed Babamusta, Amela Rrukaj, Denada Bixhaku, Livia Lozi, Rigers Kuri, Ronaldo Kolgjokaj, të cilët nën udhëheqjen e pedagoges së tyre Rozi Kostani sollën “Kujtesa e ujit”, duke marrë dhe duartrokitjet e të pranishmëve në sallën e teatrit. “Kujtesa e ujit” u shfaq për dy mbrëmje me radhë në skenën e Teatrit Kombëtar Eksperimental “Kujtim Spahivogli” në Tiranë, por prof. asoc. dr. Rozi Kostani pedagoge udhëheqëse thotë  se kushtet për të punuar nuk ishin të duhurat. “Ne shkojmë atje bëjmë dhe prova, por te teatri nuk kanë  kondicioner, sistemi i ftohjes është i prishur. Nëse dikur jemi ankuar te Teatri Kombëtar që është ftohtë në dimër, ne vazhdojmë traditën për t’i lënë aktorët dhe gjithë trupën për teatrin në skamje”, shprehet prof. asoc. dr. Kostani, e cila thotë se duhet bërë më shumë për artistët në aktivitetin e tyre.
     Vepra në skenë
    Në qendër të veprës janë tri motra, tri karaktere shumë të ndryshme nga njëra-tjetra: Tereza, Meri dhe Katerina. Pas shumë vitesh ndarjeje, ato takohen së bashku në funeralin e së ëmës, që ka qenë e sëmurë me Alzheimeri. Vepra shpërfaq problematika familjare, të cilat zbulohen pas humbjes së mamasë, kjo humbje që i risjell në shtëpi tre motrat duke risjellë njëkohësisht dhe luftën për kujtesat e tyre për të njëjtat ngjarje, por secila ndryshe nga tjetra përpiqet për të gjetur kujtimet individuale. Tereza motra e madhe, e cila është kujdesur për mamanë derisa vdiq, është kthyer në një elefant i nevrikosur qe nuk harron kurrë. Meri, motra e dytë ishte e preferuara e mamasë, por ngeli peng e një lidhje me një burrë të martuar dhe e treta Katerina, fëmija më fatkeq, e lënë totalisht pasdore. Marrëdhëniet e mamasë me tre vajzat dhe marrëdhëniet e saj me babain e tyre na jep një portret familjar, të cilin e gjejmë në çdo kohë, duke qenë se proceset njerëzore nuk mund ti ndryshojë koha. “Kujtesa e ujit” që erdhi në skenë si një komedi e zezë u shfaq tek Teatrit Kombëtar Eksperimental “Kujtim Spahivogli” edhe në kuadrin e “Paktit për Universitetin” ku më parë është nënshkruar një marrëveshje ndërmjet Universitetit të Arteve, Fakultetit të Artit Skenik dhe institucioneve të kulturës në varësi të Ministrisë së Kulturës.

  • Pas Beyonces, edhe Katy Perry ngec në skenë

    Pas Beyonces, edhe Katy Perry ngec në skenë

    Katy Perry përjetoi një moment paniku gjatë një koncerti në Australi, kur topi gjigant metalik ku ishte ngjitur nisi të anohej rrezikshëm. Ajo u kap fort pas strukturës, ndërsa stafi ndaloi gjithçka për ta shpëtuar situatën.
    Fansat u trembën, por gjithçka përfundoi pa lëndime, vetëm disa ditë pasi Beyoncé kaloi një situatë të ngjashme me makinën e saj fluturuese në Houston.
    Për rastësi apo jo, rekuizitat “e varura” po bëhen makthet e artistëve në skenë.

    Katy Perry almost fell out of the giant ball during her ‘Lifetimes Tour’.
    pic.twitter.com/xfEyQteOuZ
    — Buzzing Pop (@BuzzingPop) July 1, 2025

  • ‘TABAN’ rikthen në skenë këngën qytetare/ Muho: Duhen koncerte me muzikë shqiptare

    ‘TABAN’ rikthen në skenë këngën qytetare/ Muho: Duhen koncerte me muzikë shqiptare

    Një skenë e mbështjellë me emocion, tinguj që zgjohen nga rrënjët e shpirtit shqiptar dhe një publik që nuk reshti së përqafuari çdo notë. Kështu u përjetua koncerti recital ‘TABAN’ i sopranos Nina Muho, në Teatrin Kombëtar të Operës, Baletit dhe Ansamblit Popullor.

    Një program i gjatë, por i shijuar deri në fund nga publiku, që e mbushi sallën me ngrohtësi dhe një mall të pashuar për këngët qytetare shqiptare, të sjella në një formë të rafinuar me kuartetin harkor. Për të, mbrëmja kishte edhe një ngarkesë të veçantë emocionale.

    Në listën e këngëve nuk mungonin ato që lidhen me kujtimet më të dashura familjare.

    Koncerti ‘TABAN’ ishte një dëshmi se muzika qytetare shqiptare mbart ende forcën për të krijuar emocione të gjalla dhe për të bashkuar breza. Vetë artistja, e ndikuar nga jehona e kësaj mbrëmjeje, e mbyll me një reflektim të thellë:

    ‘TABAN’ ishte një ftesë për ta rikthyer në skenë këngën qytetare, si një pasuri shpirtërore që meriton të dëgjohet, të kujtohet dhe të jetojë.

  • Endri Çela: “Zemërimi i shkronjave” pas 40 vitesh vjen akoma më e përshtatur për realitetin e sotëm

    Endri Çela: “Zemërimi i shkronjave” pas 40 vitesh vjen akoma më e përshtatur për realitetin e sotëm

    Shfaqja “Zemërimi i shkronjave” do të rikthehet në skenë pas 40 vitesh. Një shfaqje me kukulla pjesë e një projekti për të cilin regjisori Endri Çela me aktorët po vazhdojnë punën për ta sjellë në skenë. Në intervistën për gazetën “SOT” regjisori Endri Çela thotë se ka qenë kënaqësi për të që ai të punonte me përshtatjen e këtij teksti shkruar nga Minerva Kumi.
    Ai thotë se pas 40 vitesh ky tekst vjen i freskët dhe i përshtatur akoma më shumë për realitetin e sotëm. Regjisori Çela që e sjell këtë shfaqje në skenë dhe do të jetë premierë në muajin shtator  thotë se teknika e kukullave do të jetë e ndryshme nga shfaqja e parë, sipas tij vlen të përmendet që stili i kukullave do të jetë një stil i ri, i paprovuar më parë te Teatri i Kukullave. Shfaqja është pjesë e projektit Marionetat e Trashëgimisë: Ringjallja e Traditës për një të Ardhme të Qëndrueshme dhe Fuqizimi i të Rinjve përmes Edukimit mbi Trashëgiminë Kulturore, ku regjisori Endri Çela shprehet se fokusi i tij është ringjallja e një trashëgimie kulturore e mbetur në heshtje.
    Regjisori Endri Çela ndalet dhe tek rëndësia që ka Teatri i Kukullave në jetën artistike për fëmijët. Ai shprehet se plot vlera janë shpërfaqur në atë skenë të vogël, por të madhe për nga rëndësia dhe impakti tek edukimi i shumë brezave. Për këtë arsye, sipas tij si regjisor është e udhës që projekte të tilla të kthehen në traditë të përvitshme. Programi “EU4Culture Albania” u shpreh këto ditë se projekti Marionetat e Trashëgimisë: Ringjallja e Traditës për një të Ardhme të Qëndrueshme dhe Fuqizimi i të Rinjve përmes Edukimit mbi Trashëgiminë Kulturore po avancon me ritme të mira. Pas përfundimit të skenarit dhe ndarjes së roleve, aktorët kanë nisur zyrtarisht provat, duke e filluar me një lexim në tryezë dhe ky është një hap i rëndësishëm drejt rikthimit në jetë të shfaqjes me kukulla, “Zemërimi i shkronjave”, e cila është vënë në skenë për herë të parë në vitin 1981 dhe pritet të debutojë sërish në shtator. Kjo nismë mbështetet nga programi i granteve “EU4Culture”, i financuar nga Bashkimi Evropian dhe i zbatuar nga UNOPS në partneritet me Ministrinë e Ekonomisë, Kulturës dhe Inovacionit.
    -Ju po punoni këtë kohë për të sjellë në skenën teatrore shfaqjen “Zemërimi i shkronjave”,  që do të rikthehet pas 40 vitesh në skenë. Çfarë mund të na thoni më shumë për punën tuaj si regjisor rreth këtij teksti?
    Pas një hulumtimi mes veprave më të suksesshme ndër vite të repertorit të hershëm të Teatrit të Kukulla, u përzgjodh pikërisht “Zemërimi i shkronjave” për t’ia rikthyer publikut të vogël mesazhin se e folura bukur dhe pastër është diçka e qënësishme. Vepra e shkruar nga Minerva Kumi ka patur një sukses të jashtëzakonshëm ndër vite. Prindërit tanë e mbajnë mend akoma batutën e famshme “dua e-në me kaçurrelat tek balli”. Prandaj për nder të këtij suksesi, për kënaqësinë e nostalgjikëve, por edhe për mesazhin edukues ende domethënës edhe në ditët e sotme, u vendos kjo vepër, për të cilën shpresojmë të ketë të njëjtin sukses.
    -Në regjinë tuaj, çfarë përcjell shfaqja në ditët e sotme, mesazhi për fëmijët?
    Së pari më duhet të them që për mua ka qenë kënaqësi të punoja me përshtatjen e këtij teksti. Pas 40 vjetësh ai vjen i freskët dhe i përshtatur akoma më shumë për realitetin e sotëm. Kanë lëvizur skena, janë shtuar dhe hequr momente që mbase nuk i qëndrojnë ditëve të sotme dhe është pasuruar me akoma më shumë batuta komike. Mendoj se puna e deritanishme do e nderojë shfaqjen, e cila tani ka hyrë në procesin e punës me aktorët. Shfaqja, duke qenë se primare ka të folurin, ajo bazohet tek fjala. Teknika e kukullave do të jetë e ndryshme nga shfaqja e parë. Vlen të përmendet që stili i kukullave do të jetë një stil i ri, i paprovuar më parë te Teatri i Kukullave.
    -Ju keni sjelle në skena shfaqje teatrore për fëmijë dhe të rritur, por çfarë mund të na thoni më shumë rreth projektit Marionetat e Trashëgimisë: Ringjallja e Traditës për një të Ardhme të Qëndrueshme dhe Fuqizimi i të Rinjve përmes Edukimit mbi Trashëgiminë Kulturore, përmes të cilit vjen dhe kjo shfaqje në skenë, sa ka rëndësi për ju?
    Ky është projekti i 19-të i karrierës sime për teatrin e fëmijëve, por është i pari projekt me kukulla. Sa do të jetë sfidë për mua, do të jetë eksperiencë dhe kënaqësi. Mezi po e pres kurorëzimin. Përsa i përket projektit “Marionetat e Trashëgimisë: Ringjallja e Traditës për një të Ardhme të Qëndrueshme dhe Fuqizimi i të Rinjve përmes Edukimit mbi Trashëgiminë Kulturore” fokusi i tij është ringjallja e një trashëgimie kulturore e mbetur në heshtje. Mendoj se projekte të tilla duhet të kthehen në traditë dhe për vit të ketë rijetësime të shfaqjeve të vjetra të Teatrit të Kukullave. Ai është një teatër me mbi 75 vite histori. Plot vlera janë shpërfaqur në atë skenë të vogël, por të madhe për nga rëndësia dhe impakti tek edukimi i shumë brezave. Për këtë arsye, është e udhës që projekte të tilla të kthehen në traditë të përvitshme. Me sa kam kuptuar dëshira e financuesve dhe sidomos e drejtoreshës së Qendrës Kombëtare për Fëmijë, zj. Melsi Qirici, është që ky projekt të vazhdojë për vit. Kështu që mendoj se unë isha i pari që u kontraktova dhe shpresoj ta kem hapur rrugën për të tjerët dhe për shfaqjet e tjera.
    -Kjo është një vepër shqiptare, por duke qenë regjisor që keni sjellë në skenë vepra teatrore si për të rritur dhe fëmijë, sa ka rëndësi dramaturgjia shqipe në teatër?
    Dramaturgjia shqipe ka shumë rëndësi për teatrin. Përpos që nxit shtimin e dramaturgëve dhe veprave shqiptare, tërheq edhe më shumë publikun që t’i aksesohet një problematike shumë herë më të afërt sesa të një tjetre, e cila ka paralelizëm me realitetin tonë. Nëse politikat për kulturën do të mendonin më shumë për teatrin, për stimulimin e dramaturgëve tanë, kjo do të ishte një ide shumë e mirë. Do të përfitonin këta të fundit në mënyrë direkte, teatri dhe publiku.
    Intervistoi: Julia Vrapi
    “Zemërimi i shkronjave”
    Olsi dhe Ini janë dy djem që nuk flasin bukur. Flasin me shkurtime se nuk kanë kohë të flasin gjatë. Flasin shëmtuar, se nuk janë radio shekullore që të artikulojnë bukur, pastër dhe pa gabime. Madje do të guxojnë të krijojnë edhe një shqipe të re, moderne. Të gjitha këto i zemërojnë shkronjat e Abetares dhe i vënë në lëvizje që të gjejnë një zgjidhje. Njëra pas tjetrës ato fillojnë të ikin nga fjalori i fëmijëve, duke u përpjekur që t’u mësojnë në këtë mënyrë rëndësinë e të folurit mirë. Por Olsi dhe Ini e gjejnë nga një zgjidhje të shpejtë dhe praktike. Gjersa në fund, në konkursin e interpretimit të vjershave…Një “luftë gjuhësore” mes të folurit të fëmijëve të sotëm dhe të folurit saktë. Një komedi ku fëmijët dëgjojnë ç’ndodh kur nuk shqipton dot një shkronjë, apo një tjetër. Plot humor, argëtim dhe, sigurisht, edukim në këtë shfaqje të bazuar në tekstin e Minerva Kumit, që do të vijë e freskët pas 40 vitesh prej Endri Çelës.

  • Vepra “Carmina Burana” më shumë se 200 artistë në skenë, artistëve të TKOB iu bashkohet dhe Kori i Operës së Kosovës

    Vepra “Carmina Burana” më shumë se 200 artistë në skenë, artistëve të TKOB iu bashkohet dhe Kori i Operës së Kosovës

     Nga Julia Vrapi
    “Carmina Burana” kompozuar nga gjermani Carl Orff në vitin 1936 u rikthye në Teatrin Kombëtar të Operës dhe Baletit. E kompozuar nga kompozitori Carl Orff  libreti i saj është një përmbledhje poezish të gjetura në një dorëshkrim të shekullit XIII, i ardhur nga kuvendi Benediktbeuern në Gjermani. Për dy mbrëmje me radhë në Teatrin Kombëtar të Operës dhe Baletit një spektakël tingujsh, i krijuar sipas teatrit nga më shumë se 200 artistë që u ngjitën në skenë për të sjellë “Carmina Burana”.
    Kryevepra e Carl Orff erdhi për publikun në një interpretim nga solistët sopranot Eva Golemi dhe Nina Muho, tenori Matias Xheli dhe baritoni Armando Likaj, Orkestra Simfonike, Kori i Teatrit Kombëtar të Operës dhe Baletit dhe Kori i Zërave të Bardhë të cilëve ju bashkua edhe Kori i Operës së Kosovës. “Për të krijuar një natë të mbushur me emocione të freskëta dhe energji të papërmbajtshme”, thuhet ndër të tjera nga Teatri Kombëtar i Operës dhe Baletit. Vepra monumentale e autorit gjerman Carl Orff këtë qershor shënoi një rikthim në skenë, ku dirigjent ishte Sergio Alapont. Dirigjent kori Dritan Lmshi, drejtuese e Korit të Zërave të Bardhë Sonila Baboçi, koncert maestër solist Igli Rapaj, koncert maestër kori Ingrid Pulizo.
    Përgjatë këtij sezoni artistik në skenën e Teatrit Kombëtar të Operës dhe Baletit janë në vënë në skenë shfaqje të ndryshme opere dhe baleti, janë zhvilluar koncerte dhe aktivitete të tjera, por dhe dy mbrëmjet që sollën në skenë kryeveprën e Orff  “Carmina Burana” sollën një spektakël tingujsh, ku më shumë se 200 artistë u ngjitën në skenë. Një vit më parë “Carmina Burana” erdhi në skenë e TKOB ndryshe nga herët e tjera, një opera- balet me koreografi e skenografi të Youri Vamos.
    Vepra që shkruajti Orff
    Në fillim, muzika e veprës “Carmina Burana” u kritikua, por në vazhdim më vonë, kjo vepër edhe për frymën e saj jetësore u prit me entuziazëm nga regjimi nazist si një kremtim i “kulturës ariane”. O Fortuna! Me këtë thirrje ndaj perëndeshës së fatit nis “Carmina Burana”, kjo kantatë skenike nga Carl Orff, i cili prej kohësh konsiderohet një klasik i ri i historisë së muzikës. Brilante në thjeshtësinë e vet, depërtuese në ritmikë dhe përjetësisht e re në tematikë, “Carmina Burana” i jep flatra fantazisë si rrallë ndonjë vepër tjetër muzikore e shekullit të XX. “Carmina Burana” shkruar më 1936 është një nga veprat më të njohura të kompozitorit Carl Orff (1895-1982). Pjesa e parë, e trilogjisë së tij të famshme, e cila, ka në përbërje të saj: Catulli Carmina (pjesa e dytë) dhe Trionfo di Afrodite (pjesa e tretë), ndërkohë që trilogjia në vetvete mban titullin Trionfi. Orff ka reflektuar interesin e tij për poezinë mesjetare Gjermane te “Carmina Burana”, vepër që është bazuar në një manuskript mesjetar, të quajtur Codex, zbuluar në Manastirin Benedictine të Benediktbeuern, në jug të Gjermanisë, në vitin 1803. Ky koleksion titullohet gjithashtu “Carmina Burana”.

  • Dumfries-Acuña, sherr i madh në fundin e ndeshjes. Shkaku? E ka origjinën që në Botërorin e Katarit…

    Dumfries-Acuña, sherr i madh në fundin e ndeshjes. Shkaku? E ka origjinën që në Botërorin e Katarit…

    Nuk pati fyerje raciste, por ishte kapitulli i dytë i një konflikti të vjetër. Përplasja mes Denzel Dumfries dhe Marcos Acuña shpërtheu në Seattle, por kjo nuk është skenë e papritur. Në dhjetor 2022, çerekfinalet e Botërorit të Katarit, Argjentina do të kualifikohej pas penalltive. Mes të dyve u shkëmbyen fjalë të rënda atë ditë, me Dumfries që ndoqi mbrojtësin argjentinas, duke shkaktuar një përleshje të përgjithshme.
    E njëjta skenë, më pak a më shumë, u përsërit mbrëmë në fundin e Inter-River Plate 2-0. Skuadra e Gallardos luajti futboll mjaft agresiv që në fillim. Në pjesën e dytë, sidomos pas avantazhit të Interit, intensiteti i ndërhyrjeve u rrit ndjeshëm, duke provokuar edhe reagimet e pankinës zikaltër.
    Gjatë njërit prej këtyre momenteve, Acuña filloi të debatonte me lojtarët e ulur pas Chivu. Në fushë, përplasjet mes tij dhe Dumfries u përsëritën disa herë. Deri në vërshëllimën përfundimtare, kur argjentinasi e ndoqi Dumfries deri te tuneli i dhomave të zhveshjes, ndërsa tifozët e River Plate hidhnin shkopinjtë e flamujve drejt holandezit që po largohej.
    Incidenti vazhdoi edhe në tunel. Disa lojtarë të Argjentinës tentuan ta ndalonin Acuñan, ndërsa të tjerë i vërsuleshin Dumfries me ulërima dhe ofendime, ndërsa ky i fundit mbrohej nga shokët e tij të skuadrës.
    Fjalët ishin të rënda, pa dyshim. Vetë Dumfries, i pyetur pas ndeshjes, mohoi kategorikisht se kishte dëgjuar fyerje raciste. Ajo që mbeti ishte një skenë aspak dinjitoze për futbollin. Trajneri i River, Marcelo Gallardo, bëri autokritikë në konferencën për shtyp: “Ajo që ndodhi nuk na përfaqëson. Nuk është ky imazhi që dua të ketë River Plate në botë. Ishte me të vërtetë një turp”.

  • VIDEO/ Momenti emocionues, Lana Del Rey ndërpret koncertin për të puthur bashkëshortin e saj

    VIDEO/ Momenti emocionues, Lana Del Rey ndërpret koncertin për të puthur bashkëshortin e saj

    Lana Del Rey dhuroi një moment të rrallë dashurie në skenë gjatë koncertit të saj në Cardiff, Uells, të hënën më 23 qershor. Teksa këndonte këngën “Husband of Mine”, artistja 40-vjeçare ndaloi performancën dhe iu drejtua burrit të saj, Jeremy Dufrene, i cili ndodhej pranë skenës. Ajo u përkul, kaloi drejt tij dhe e përqafoi me një puthje të gjatë dhe të ndjerë.

    Pas përqafimit, Del Rey u kthye në skenë duke fshirë lotët, ndërsa vijoi me performancën. Ky ishte një moment i rrallë publik i dashurisë mes çiftit, të cilët e kanë mbajtur marrëdhënien e tyre larg vëmendjes së mediave që prej martesës në shtator 2024.
    Del Rey dhe Dufrene, i njohur si një udhërrëfyes në ekspedita me aligatorë, u martuan pak javë pasi u shfaqën për herë të parë së bashku në publik, gjatë dasmës së modeles Karen Elson me pronarin e Electric Lady Studios, Lee Foster.

    Lana Del Rey gets emotional while singing ‘Husband Of Mine’ & walks off to Jeremy Dufrene pic.twitter.com/zwGN2tZkgm

    — 13 Bitches 🇺🇸 (@jojosiwasender) June 24, 2025

    Gjatë fundjavës, këngëtarja ndau në Instagram një foto nga një festë intime për ditëlindjen e saj me bashkëshortin dhe familjen e tij. Në imazh, ajo shfaqet me një veshje kamuflazhi, në përputhje me stilin e Jeremy-t, duke mbajtur dy torta – një me numrin “40” dhe një tjetër me qiririn “4”.
    “Vetëm disa të afërm dhe një fëmijë,” shkroi ajo në përshkrimin e postimit. “Faleminderit që ndave ditëlindjen tënde me mua mbretëreshë e Gaforres, Phoenix 🐦‍🔥. Jam ende e bindur se jam 50/50 Binjake – kjo do të shpjegonte të tre ‘vibet’ e mia që ndodhin njëkohësisht.”
    Del Rey shtoi gjithashtu: “Jam shumë e emocionuar për të nisur turneun nesër dhe për të gjithë ata që do t’i bashkohen. Me të vërtetë, faleminderit, ju dua.”
    Koncerti në Cardiff shënoi nisjen zyrtare të turneut të saj, që do të vazhdojë me një numër të kufizuar datash në Glasgow, Liverpool, Dublin dhe Londër deri në fillim të korrikut. Ajo do të rikthehet në skenë më 3 gusht në Saint Charles, Missouri.
    Ndërkohë, fansat presin me padurim albumin e saj të ri, i cili ende nuk ka një datë zyrtare publikimi. Në prill, Del Rey konfirmoi përmes Instagramit se projekti kishte pësuar vonesa dhe ndryshime, duke shtuar me humor: “E dini që nuk do të dalë në kohë, apo jo? Dhe… ndoshta emri ka ndryshuar sërish.”
    /vizionplus.tv

  • Rikthehet “Carmina Burana” në TKOB, shfaqja ngjitet në skenë sot në mbrëmje

    Rikthehet “Carmina Burana” në TKOB, shfaqja ngjitet në skenë sot në mbrëmje

    Teatri Kombëtar i Operës dhe Baletit rikthen në skenë një nga veprat më të fuqishme të repertorit botëror, “Carmina Burana” e kompozitorit gjerman Carl Orff.

    Vepra njihet për intensitetin e saj ritmik, koralet monumentale dhe në qendër të saj qëndron ideja e ciklit të jetës, që luhatet mes dashurisë, dëshirës, pasionit dhe ironisë së fatit njerëzor.
    Të gjitha këto elementë vijnë në një bashkëpunim të plotë mes 170 artistësh të trupës së korit, solistëve dhe orkestrës së teatrit.

     “Në një nga pjesët e saj flet për dashurinë e një vajze në lëndinë, për delikatesën, për epshet që ajo përmban, për dashurinë që përçon përreth vetes dhe përveç përmbajtjes që ka personazhi im e gjithë vepra është jashtëzakonisht shumë emocionuese, ku imapkti i parë duket sikur flet për rrotën e fatit, ajo rrotë fati e cila të ngre dhe të ul po aq fuqishëm me apo pa dijeninë tënde të ngre në lavdi dhe të rrëzon në fundet e tua ashtu sikurse jeta vet. Mënyra se si është shkruar ana muzikore është rrëqethëse”, tha sopranoja Nina Muho.
     “Është një nga rolet më sfiduese për nga ana e teknikës vokale. Vepra luan me tensionin e përjetshëm të brendshëm të njeriut nga ajo e të shenjtës me atë të profanes. Mes qëndresave të forta të pyetjeve që shpeshherë nuk marrin përgjigje dhe mes lirisë që kërkon njeriu”, tha baritoni Armando Lika.
    Për publikun shqiptar, kjo është një mundësi për të përjetuar nga afër një nga veprat më të rëndësishme të muzikës së shekullit XX, një përzierje mes klasikes dhe modernes, që mbetet po aq aktuale sot sa edhe në kohën kur u krijua.
    Shfaqja do të ngjitet në skenë në datat 25 dhe 26 qershor./vizionplus.tv