Lajmidites.com

Tag: sistemin

  • Një javë nga çelja, ankimohet tenderi 2.1 mln euro për sistemin e Thesarit, shkak dokumentet

  • Rama përshëndet fjalën e ish-ndihmës sekretarit amerikan të Shtetit, Rubin: Dënimi pa prova i ish-drejtuesve të UÇK, një njollë e tmerrshme në sistemin juridik

    Rama përshëndet fjalën e ish-ndihmës sekretarit amerikan të Shtetit, Rubin: Dënimi pa prova i ish-drejtuesve të UÇK, një njollë e tmerrshme në sistemin juridik

    Ish-ndihmës sekretari amerikan i Shtetit, James P. Rubin, ka deklaruar se dënimi pa prova i ish-drejtuesve të UÇK-së do të ishte një njollë e tmerrshme për sistemin ligjor ndërkombëtar.

    Rubin ka folur në lidhje me gjyqin e ish-udhëheqësve të UÇK-së në Hagë dhe ka deklaruar se nëse ata do të dënohen, do të ishte një tragjedi, sidomos nëse do të shpalleshin fajtorë pa asnjë provë.
    “Lutem që kjo të mos ndodhë, do të ishte një tragjedi e vërtetë për njerëzit që luftuan dhe dhanë jetën për lirinë, të shpalleshin fajtorë pa asnjë provë. Do të ishte një njollë e tmerrshme në sistemin juridik ndërkombëtar”, është shprehur Rubin.
    Këtë pjesë nga podcasti e ka shpërndarë edhe kryeministri Edi Rama, me ane të një postimi në Facebook, duke e shoqëruar me shprehjen “Liria ka emër”.

    Top Channel

  • Partitë për Kushtetuesen, Balla: GJK nuk është mbi sistemin. Tabaku: Po braktisni vendimet e saj

    Partitë për Kushtetuesen, Balla: GJK nuk është mbi sistemin. Tabaku: Po braktisni vendimet e saj

    Deputetja e Partisë Demokratike, Jorida Tabaku, ka akuzuar mazhorancën se me rrugën e forcës dhe mosrespektimin e vendimeve, po tenton të minojë thelbin e Gjykatës Kushtetuese. 
    “Sa herë që priten vendime të rëndësishme nis presioni për ndryshime. Ky instrumentalizim dhe kjo politikë dystandardëshe është rreziku më i madh për drejtësinë kushtetuese dhe unë besoj që ne duhet të gjithë të kujdesemi që t’ia ruajmë ‘shtyllën kurrizore’ Gjykatës Kushtetuese,” deklaroi deputetja Tabaku. 
    Ndërsa kreu i grupit parlamentar të Partisë Socialiste, Taulant Balla, duke theksuar rolin e Komisionit të Venecias në ruajtjen e balancave institucionale, shtoi se Gjykata Kushtetuese nuk është mbi sistemin, por pjesë e saj. 
    “Edhe Gjykata Kushtetuese duhet ta shohë veten si pjesë të sistemit, jo mbi sistemin. Ky Komision, në rastin e Shqipërisë, keni qenë edhe arkitektë të ekuilibrave kushtetues,” tha z. Balla. 
    E pranishme ishte edhe Avokatja e Popullit, Erinda Ballanca, e cila kërkoi që konfliktet politike të mos transferohen tek institucionet e tjera. 
    “Konflikti politik nuk duhet të transferohet në çdo institucion tjetër të shtetit, sepse vetëm do ta minonte edhe besimin qytetar,” theksoi znj. Ballanca. 
    Ajo që i bashkoi pjesëmarrësit në panel ishte rëndësia e Komisionit të Venecias në zhvillimin dhe balancimin e institucioneve shqiptare. 

  • ‘Transformim me AI në çdo sektorë’/ Rama zbulon vizionin e tij: Do të shkojmë në nivel tjetër në 2030-n

    ‘Transformim me AI në çdo sektorë’/ Rama zbulon vizionin e tij: Do të shkojmë në nivel tjetër në 2030-n

    Kryeministri Edi Rama, ishte i pranishëm këtë të hënë në aktivitetin për prezantimin e Identitetit Dixhital, i cili gjatë fjalimit të tij theksoi se Shqipëria tashmë është një vend lider në rajon sa i përket shërbimeve publike dhe inovacionit.
    Sipas tij, vendi jonë është përkushtuar inovacionit, duke krijuar një bazë solide për transformimin e çdo sektori, falë inovacionit dhe tanimë edhe falë AI.
    “Besojmë se përmes teknologjisë dhe inteligjencës artificiale do të mund të krijojmë kushte dhe premisa tërësisht të reja për shërbimin shëndetësor, për mundësinë e kujtdo për të pasur një vëzhgim dhe trajtim cilësor, pavarësisht gjeografisë ku ndodhet, për sistemin arsimor. Po punojmë për të digjitalizuar sistemin e transporteve dhe me radhë.
    Po ecim me hapa të shpejtë lidhur me fillimin e zbatimit të projektit të smart city që do të na ndihmojnë të dixhitalizojmë të gjithë sistemin e monitorimit të trafikut në qytetet tona, do na ndihmojë të kemi pamje shumë më mbështetëse sa i përket mbledhjes së të dhënave në raport me ligjshmërinë, luftën kundër kriminalitetit.
    Do të kemi një pamje më mbështetëse përsa i përket të dhënave, për rendin publik, luftën kundër kriminalitetit dhe pamje në kohë reale të ecurisë së jetës së përditshme në shkolla. Do të rritet mundësia e prindërve për të ndjekur ecurinë e sjelljes së fëmijëve në shkollë në momente kritike por dhe në përditshmëri. Programi është më kompleks. Ne do ta çojmë Shqipërinë në 2030-n në një nivel krejt tjetër nga ky i sotmi, do ta fuqizojmë qytetarin që t’ia lehtësojmë jetën e përditshme. T’i bëjmë të mundura, me më pak stres ndërveprimet që përndryshe kanë nevojë për më tepër kohë”, tha Rama.

  • Zbuloni 5 ushqimet që bëjnë mrekulli për imunitetin

    Zbuloni 5 ushqimet që bëjnë mrekulli për imunitetin

    Gjatë ditëve të ftohta, sigurohuni që të hani një nga këto pesë ushqime, të cilat do t’ju ndihmojnë të qëndroni të shëndetshëm, plot forcë dhe me humor të mirë.

    Gjatë vjeshtës dhe dimrit, trupi ynë përballet me një sërë sfidash, ekspozim të reduktuar ndaj rrezeve të diellit, ftohje të shpeshta, mungesë vitaminash dhe aktivitet të reduktuar fizik.

    Kjo është arsyeja pse është jashtëzakonisht e rëndësishme në këtë periudhë të forcohet imuniteti me ushqim të duhur. Disa ushqime kanë një fuqi të veçantë për të mbështetur mekanizmat mbrojtës të trupit, për të na mbrojtur nga sëmundjet dhe për të siguruar energjinë që na nevojitet, edhe kur moti është i zymtë dhe i ftohtë.

    Mjaltë

    Mjalti është si një farmaci natyrale është i pasur me enzima, vitamina të grupit B, hekur, magnez dhe veti antiseptike natyrale. Çdo mëngjes mund të tresni një lugë çaji mjaltë në një gotë me ujë të ngrohtë me limon.

    Kjo pije jo vetëm që forcon sistemin imunitar, por gjithashtu siguron energji afatgjatë. Është e rëndësishme të mos shtoni mjaltë në çajin e nxehtë sepse ai humbet vetitë e tij të vlefshme në një temperaturë mbi 40 gradë Celsius.

    Agrume

    Portokajtë, mandarinat, grejpfruti dhe limonët janë aleatë natyralë në luftën kundër ftohjeve. Përveçse janë të pasura me vitaminë C, ato na freskojnë dhe na ngrenë humorin falë vajrave esencialë që përmbajnë.

    Mundohuni të hani të paktën një agrume çdo ditë ose shtoni lëng limoni në ujë, sallata dhe vakte. Kjo është një mënyrë e thjeshtë dhe e shijshme për të forcuar sistemin tuaj imunitar gjatë muajve të ftohtë kur viruset janë më aktive.

    Lakër

    Lakra është një pasuri e vërtetë për dimër, plot me vitaminë C, fibra dhe enzima natyrale që mbështesin tretjen e shëndetshme dhe forcojnë imunitetin.

    Lakra turshi, në veçanti, është një probiotik natyral që ndihmon trupin të luftojë infeksionet në mënyrë më efektive. Përfshijeni atë si një pjatë anësore ose si një meze të lehtë dhe sigurojini trupit tuaj mbrojtje shtesë gjatë ditëve të ftohta.

    Karrota dhe kungull

    Perimet me ngjyrë portokalli janë një thesar i vërtetë për lëkurën, shikimin dhe sistemin imunitar. Beta-karoteni nga karotat dhe kungulli shndërrohet në trup në vitaminë A, e cila ndihmon qelizat të mbrohen nga bakteret dhe viruset.

    Provoni lëngun freskues të karrotës dhe mollës dhe mos ngurroni të shtoni kungull në supa, ushqime të pjekura ose qull. Për të përfituar sa më shumë nga lëndët ushqyese, është mirë t’i hani ato me një pikë vaji cilësor.

    Peshk deti

    Skumbri, salmoni dhe sardelet nuk janë vetëm një zgjedhje e shijshme, por edhe një aleat i zemrës, enëve të gjakut dhe sistemit nervor. Ato janë të pasura me acide yndyrore omega-3 që zvogëlojnë inflamacionin në trup dhe mbrojnë shëndetin e lëkurës dhe trurit.

    Rekomandohet që të hani peshk 2-3 herë në javë, të përgatitur në furrë ose të zier, në mënyrë që të shijoni të gjitha përfitimet, duke ruajtur njëkohësisht vijën.

  • “Makineria propagandistike Rama-Soros shpërbënë sistemin e drejtësisë”/ Reagon Berisha: Motive korruptive

    “Makineria propagandistike Rama-Soros shpërbënë sistemin e drejtësisë”/ Reagon Berisha: Motive korruptive

    Kryetari i PD, Sali Berisha, theksoi se 80% e prokurorive në vend nuk kanë kryetarë, pasi sipas tij, ato poste ruhen për patronazhistë. Berisha tha se makineria propagandistike Rama-Soros e prishën sistemin e drejtësisë në vend.
    Sali Berisha:
    Ju nuk mund ta imagjinoi se çfarë pengu është sot ai që quhet sistemin e drejtësisë. Ju keni dëgjuar se 80% e prokurorive nuk kanë kryetar. KLP dhe KLGJ, qeveritë kushtetues e të tyre nuk emërojnë kryetar.
    Motivet janë po prapë korruptive. Kushtetuta ka përcaktuar, kritere për të qenë kryetar. Tani ose ata nuk plotësojnë kriteret ose ata plotësojnë kriteret por duhet të paguajnë qimet e kokës. Ose ato ruhen për patronazhistët të cilët nuk kanë bërë 8 vite në ato gjykata. Shikoni se çfarë kapje të tmerrshme i kanë bërë drejtësisë, këta mafiozë.
    Kanë vënë rregull që magjistratët duhet të kenë bërë disa vite ne administratë. Dhe magjistratët janë patronazhistë. Dhe tani këta patronazhistë kanë mbaruar disa prej tyre. Por problemi është që nuk plotëson kushtin kushtetues.
    Dhe po të lexosh “drejtësia më e palyera”, historia më e madhe e manipulimit të opinionin shqiptar. Në vitin 2012, 2013 sigurisht kishte korrupsion, por të themi të vërtetën, korrupsionin në drejtësi ishte mbrapa atij të politikës dhe të policisë. Dhe ishin agjencitë ndërkombëtare që e bënin këtë.
    Makineria propagandistike e Ramës dhe Sorosit, e nxirrte korrupsionit në drejtësi që s’kishte ndodhur vetëm për të shpërbërë sistemin e drejtësisë.

  • ‘Institucionet jashtë funksioni’, ish-deputeti socialist nxjerr ‘zbuluar’ qeverinë: Reforma në drejtësi ka dështuar

    ‘Institucionet jashtë funksioni’, ish-deputeti socialist nxjerr ‘zbuluar’ qeverinë: Reforma në drejtësi ka dështuar

    Vrasja e gjyqtarit Astrit Kalaja në sallën e gjyqit të Gjykatës së Apelit ka nxjerrë në pah një sërë problematikash prezentë në sistemin e drejtësisë si dhe në atë të qeverisjes.
    Ish-deputeti dhe juristi Plarent Ndreca është shprehur se të gjitha institucionet shtetërore që janë të ngarkuara nga Kushtetuta për të kontrolluar funksionimin e atyre të drejtësisë, por dhe vetë këto të fundit, kanë dështuar totalisht. Kompleksi për të mos ndërhyrë në vendimmarrjen e universitetit të drejtësisë, ka sjellë dëme në sistem, është shprehur Ndreca.
    “Flas për gjithë sistemin, për gjithë ushtruesit e drejtësisë dhe për atë që janë ngarkuar nga Kushtetua për të monitoruar, qeverisur dhe për të informuar publikun për problemet që ka qeveria. Rruga më e mirë për nderuar figurën e gjyqtarit, është të themi të vërtetuar de jo të fshehim kokën, të vëmë gishtin në plagë dhe të kujtojmë sëmundjen në rrënjë.
    Çdo problematikë e sistemit duhet trajtuar siç duhet. Është morali i lartë që drejtësia duhet të përfaqësojë. Nëse nuk e bëjmë këtë, pavarësisht reformës apo ndërhyrjeve për të ndryshuar sistemin e drejtësisë, kjo nuk do të thotë që të heshtim, duhet ta pranojmë që ka çështje pafund që zvarriten, që shkelen të drejtat e njeriut. Institucionet që janë të ngarkuara me qeverisjen e drejtësisë, praktikisht janë jashtë funksioni.
    Kompleksi për të ndërhyrë në çështje të drejtësisë, është një barazalargim që po sjell dëme në sistem. Nuk ka ndodhur në 35 vite. Të gjithë palët e ngarkuara nga Kushtetuta duhet të ulen dhe të shikojnë qartë problemet e sistemit sot, përfshirë dhe ato që kanë të bëjnë me sigurinë e gjykatave e skanimin”, tha Ndreca.

  • Ferri me vdekjen ne QSUT’, Stafa: KLSH vërtetoi se pacientëve i jepen ilaçe të skaduara, raportin do ta dorëzoj në SPAK

    Ferri me vdekjen ne QSUT’, Stafa: KLSH vërtetoi se pacientëve i jepen ilaçe të skaduara, raportin do ta dorëzoj në SPAK
    I ftuar në emisionin “Kafe Shqeto” në Syri TV, gazetari Osman Stafa hodhi dritë mbi një ndër skandalet më të rënda në sistemin shëndetësor publik, që sipas tij është mbajtur i fshehur për katër vite me radhë. Ai deklaroi se raporti i fundit I KLSH konfirmon zyrtarisht atë që ai dhe burime të brendshme e kanë denoncuar prej kohësh, përdorimin e medikamenteve të skaduara, mungesën kronike të barnave jetike dhe manipulimin e të dhënave në sistemin farmaceutik.
    Stafa theksoi se për shkak të këtyre praktikave, pacientët onkologjikë janë detyruar të kthehen në shtëpi pa marrë trajtimin, madje disa herë për muaj të tërë, duke rrezikuar jetën në mënyrë të drejtpërdrejtë
    Gazetari i njohur denoncoi me emra përgjegjësit institucionalë, nga drejtorët e Farmacisë Qendrore, te ish-ministrat e Shëndetësisë, duke theksuar se në vend që të përballeshin me problemet reale, këta drejtues u morën me mbulimin e skandalit dhe rotacionin e emrave në krye të institucioneve.
    Kemi ndërtuar resorte dhe kemi blerë palma me miliona euro, ndërsa pacientët vdesin pa ilaç” – u shpreh ai, duke paralajmëruar se raportin e plotë do ta dorëzojë në SPAK. Për Stafën, ky raport përfaqëson një realitet të errët që duhet të ishte në faqet e para të çdo media kombëtare por që, në vend të kësaj, po heshtet nga një sistem që, në vend të shërojë, po vret në heshtje.
    Pjesë nga deklarata:
    Pas katër vitesh betejë, dilte ish-ministrja Albana Koçiu. Jo se nuk është e vërtetë që ato që nxjerr gazetari janë shpifje. KLSH, pas 4 vitesh (2021–2025), nxjerr më të zezat nga çfarë unë isha më i kujdesshëm. Nuk guxoja dot, edhe pse më thonin njerëzit, edhe nga brenda institucionit: “Shiko se ka medikamente të skaduara, shiko se u tjetërsohet data.” Nuk guxoja dot, sepse mendoja për pacientët dhe këtë e thotë KLSH sot.
    Me tmerr, sepse kam arritur të kuptoj që një që niset të bëjë keq është më i respektueshëm sesa ti, që je institucioni shtetëror shëndetësor, që ke detyrimin të shpëtosh jetën. Shiko vetë: 6 muaj pa medikamente, barna të skaduara që qëndrojnë aktivë në sistemin PENTAHO të Farmacisë Qendrore.
    Këto kanë pasur disa drejtorë: Alma Cani, Florenc Spaho. Aty është bërë me drejtorë çdo dy-tre muaj, vetëm ndërrohen. Ministra kanë qenë dy: Manastirliu dhe Koçiu. Është një raport të cilin unë do ta dërgoj në SPAK. Jam duke punuar për këtë punim. E kam bërë një kallëzim të mëhershëm në SPAK, në komunikimet e mjekëve të Onkologjikut dhe vërtetohet edhe aty mungesa. Po të marrësh këto dy dokumente dhe komunikimet e mjekëve, do shikosh që janë njëlloj. Momentet dhe datat kur thuhet që mungon kjo, reflektohet edhe këtu.
    Ky raport është tronditës dhe duhet të zinte lajmet e para të çdo televizioni. Tregon një realitet më të frikshëm se ai që kam treguar unë. Një pacient 39 herë pa marrë kimioterapi ka shkuar 39 herë dhe të gjitha herët është kthyer në shtëpi. Kemi pacientë të tjerë me kartela. Kjo që është bërë me raportin është puna më e mirë që është bërë ndonjëherë, dhe dua të falënderoj grupin e auditimit. Ata ndoshta kanë bërë punën e tyre, por në këtë Shqipëri ku jetojmë, është sfidë e madhe të bësh punën.
    Si ka mundësi që nga mjekët, drejtuesit e QSUT-së, Farmacisë Qendrore, Agjencisë së Barnave, Fondit të Sigurimit Shëndetësor, Ministrisë, shtetit e me radhë si ka mundësi që nuk kanë një fije njerëzillëku për këta pacientë që luftojnë me jetën? Se ti i thua një pacienti që vuan nga kanceri, dhe për gjëra që i ke detyrim si shtet, 6 muaj nuk ia siguron. Kur ia siguron, e ke medikamentin, pastaj del s’ke. Pastaj i thua: “Shko, se e more këtë javë, dhe një muaj do presësh.” Po a njeh kanceri tendera?
    Po si shkon investon 4.3 milionë euro për një kopsht “Eden”? Si guxon 8 milionë euro për palmat në rrugën Durrës–Tiranë? Shkon merr Tiger 1 dhe Tiger 2 që ne as sot nuk e dimë sa kanë kushtuar. Si krijon një incenerator që s’dihet sa ka shkuar? Nuk vendos që të ardhurat e shtetit, taksat tona, t’i çosh për këta të sëmurë? Janë 7,000 raste në vit. Shkon, prish Kirurgjinë e Vjetër dhe ndërtohet hotel. Ndërkohë, Onkologjiku skandal! QSUT s’ka shtretër, ka vetëm 29 vende. Ka rrëfime të frikshme: pritet të vdesë njeri që t’ia vendosin aparaturat tjetrit. Zoti mos na bëftë për spital, se shteti ka mbaruar.

  • ‘Alarm në QSUT’, Stafa: KLSH vërtetoi se pacientëve i jepen ilaçe të skaduara, raportin do ta dorëzoj në SPAK

    ‘Alarm në QSUT’, Stafa: KLSH vërtetoi se pacientëve i jepen ilaçe të skaduara, raportin do ta dorëzoj në SPAK

    I ftuar në emisionin “Kafe Shqeto” në Syri TV, gazetari Osman Stafa hodhi dritë mbi një ndër skandalet më të rënda në sistemin shëndetësor publik, që sipas tij është mbajtur i fshehur për katër vite me radhë. Ai deklaroi se raporti i fundit I KLSH konfirmon zyrtarisht atë që ai dhe burime të brendshme e kanë denoncuar prej kohësh, përdorimin e medikamenteve të skaduara, mungesën kronike të barnave jetike dhe manipulimin e të dhënave në sistemin farmaceutik.

    Stafa theksoi se për shkak të këtyre praktikave, pacientët onkologjikë janë detyruar të kthehen në shtëpi pa marrë trajtimin, madje disa herë për muaj të tërë, duke rrezikuar jetën në mënyrë të drejtpërdrejtë.

    Gazetari i njohur denoncoi me emra përgjegjësit institucionalë, nga drejtorët e Farmacisë Qendrore, te ish-ministrat e Shëndetësisë, duke theksuar se në vend që të përballeshin me problemet reale, këta drejtues u morën me mbulimin e skandalit dhe rotacionin e emrave në krye të institucioneve.

    “Kemi ndërtuar resorte dhe kemi blerë palma me miliona euro, ndërsa pacientët vdesin pa ilaç” – u shpreh ai, duke paralajmëruar se raportin e plotë do ta dorëzojë në SPAK. Për Stafën, ky raport përfaqëson një realitet të errët që duhet të ishte në faqet e para të çdo media kombëtare por që, në vend të kësaj, po heshtet nga një sistem që, në vend të shërojë, po vret në heshtje.

    Pjesë nga deklarata:

    Pas katër vitesh betejë, dilte ish-ministrja Albana Koçiu. Jo se nuk është e vërtetë që ato që nxjerr gazetari janë shpifje. KLSH, pas 4 vitesh (2021–2025), nxjerr më të zezat nga çfarë unë isha më i kujdesshëm. Nuk guxoja dot, edhe pse më thonin njerëzit, edhe nga brenda institucionit: “Shiko se ka medikamente të skaduara, shiko se u tjetërsohet data.” Nuk guxoja dot, sepse mendoja për pacientët dhe këtë e thotë KLSH sot.

    Me tmerr, sepse kam arritur të kuptoj që një që niset të bëjë keq është më i respektueshëm sesa ti, që je institucioni shtetëror shëndetësor, që ke detyrimin të shpëtosh jetën. Shiko vetë: 6 muaj pa medikamente, barna të skaduara që qëndrojnë aktivë në sistemin PENTAHO të Farmacisë Qendrore.

    Këto kanë pasur disa drejtorë: Alma Cani, Florenc Spaho. Aty është bërë me drejtorë çdo dy-tre muaj, vetëm ndërrohen. Ministra kanë qenë dy: Manastirliu dhe Koçiu. Është një raport të cilin unë do ta dërgoj në SPAK. Jam duke punuar për këtë punim. E kam bërë një kallëzim të mëhershëm në SPAK, në komunikimet e mjekëve të Onkologjikut dhe vërtetohet edhe aty mungesa. Po të marrësh këto dy dokumente dhe komunikimet e mjekëve, do shikosh që janë njëlloj. Momentet dhe datat kur thuhet që mungon kjo, reflektohet edhe këtu.

    Ky raport është tronditës dhe duhet të zinte lajmet e para të çdo televizioni. Tregon një realitet më të frikshëm se ai që kam treguar unë. Një pacient 39 herë pa marrë kimioterapi ka shkuar 39 herë dhe të gjitha herët është kthyer në shtëpi. Kemi pacientë të tjerë me kartela. Kjo që është bërë me raportin është puna më e mirë që është bërë ndonjëherë, dhe dua të falënderoj grupin e auditimit. Ata ndoshta kanë bërë punën e tyre, por në këtë Shqipëri ku jetojmë, është sfidë e madhe të bësh punën.

    Si ka mundësi që nga mjekët, drejtuesit e QSUT-së, Farmacisë Qendrore, Agjencisë së Barnave, Fondit të Sigurimit Shëndetësor, Ministrisë, shtetit e me radhë si ka mundësi që nuk kanë një fije njerëzillëku për këta pacientë që luftojnë me jetën? Se ti i thua një pacienti që vuan nga kanceri, dhe për gjëra që i ke detyrim si shtet, 6 muaj nuk ia siguron. Kur ia siguron, e ke medikamentin, pastaj del s’ke. Pastaj i thua: “Shko, se e more këtë javë, dhe një muaj do presësh.” Po a njeh kanceri tendera?

    Po si shkon investon 4.3 milionë euro për një kopsht “Eden”? Si guxon 8 milionë euro për palmat në rrugën Durrës–Tiranë? Shkon merr Tiger 1 dhe Tiger 2 që ne as sot nuk e dimë sa kanë kushtuar. Si krijon një incenerator që s’dihet sa ka shkuar? Nuk vendos që të ardhurat e shtetit, taksat tona, t’i çosh për këta të sëmurë? Janë 7,000 raste në vit. Shkon, prish Kirurgjinë e Vjetër dhe ndërtohet hotel. Ndërkohë, Onkologjiku skandal! QSUT s’ka shtretër, ka vetëm 29 vende. Ka rrëfime të frikshme: pritet të vdesë njeri që t’ia vendosin aparaturat tjetrit. Zoti mos na bëftë për spital, se shteti ka mbaruar.

  • Nga përmirësimi i funksioneve të trurit tek shëndeti i zemrës, ja përfitimet shëndetësore të gështenjës

    Nga përmirësimi i funksioneve të trurit tek shëndeti i zemrës, ja përfitimet shëndetësore të gështenjës

    Gështenjat mund të duken si diçka e zakonshme, por kanë një numër përfitimesh të rëndësishme shëndetësore, duke përfshirë aftësinë e tyre për të përmirësuar shëndetin e tretjes, për të forcuar kockat, për të menaxhuar diabetin, për të mbrojtur shëndetin kardiovaskular, për të rritur sistemin imunitar dhe për të ulur presionin e gjakut. Gështenjat gjithashtu parandalojnë sëmundjet kronike.

    PARANDALOJNË DIABETIN

    Shumë njerëz nuk janë në dijeni të rolit të rëndësishëm që mund të luajë fibra dietike në rregullimin, parandalimin dhe menaxhimin e diabetit. Ushqimet që janë të larta në fibra diete, si gështenja, konsiderohen të shëndetshme. Ato u vijnë në ndihmë të sëmurëve diabetikë dhe shpesh janë pararendës për zhvillimin e diabetit, duke e parandaluar atë.

    FORCOJNË SISTEMIN IMUNITAR

    Përqendrimi i lartë i vitaminës C dhe për bërësve të tjerë antioksidues në gështenja, i bën ato ideale për sistemin tuaj imunitar. Vitamina C jo vetëm stimulon prodhimin e qelizave të bardha të gjakut, por gjithashtu vepron si një antioksidant, duke kërkuar radikalet e lira brenda trupit dhe duke neutralizuar ato para se të mund të shkaktojnë që qelizat e shëndetshme të ndryshojnë ose të nxisin stres oksidativ pranë organeve vitale. Kjo mund të ndihmojë sistemin imunitar për parandalimin e sëmundjeve.
    PËRMIRËSOJNË FUNKSIONIN E TRURIT

    Funksioni i trurit përmirësohet ndjeshëm përmes konsumit të gështenjave. Kjo pasi ato janë të pasura me vitaminat e familjes B, të cilat janë të lidhura drejtpërdrejt me zhvillimin dhe funksionimin e duhur neurologjik. Për më tepër, kaliumi i gjetur në gështenja mund të rrisë rrjedhjen e gjakut në tru dhe të promovojë shëndet të mirë të sistemit nervor, duke rritur përqendrimin dhe kujtesën.

    PARANDALIMI I SËMUNDJEVE KRONIKE

    Sëmundjet kronike të të gjitha llojeve shkaktohen nga çlirimi i radikaleve të lira, të cilat mund të shkaktojnë ndryshimin e qelizave të shëndetshme, duke çuar në kancer, stres oksidativ dhe një numër sëmundjesh kronike. Pa antioksidantë si ato që gjenden në gështenja, trupi ynë do të luftojë betejat në shumë fronte, kështu që rritja e mbrojtjes me një grusht gështenja në ditë është një ide e mirë.

    PËRMIRËSOJNË SHËNDETIN E ZEMRËS

    Shumë njerëz mendojnë për yndyra si një gjë e keqe për t’u djegur gjatë një diete, por në fakt, trupi ynë ka nevojë për një numër të yndyrave të tjera për të funksionuar normalisht. Këto yndyra të mira, që gjenden në përqendrime të larta në gështenja, ndihmojnë në balancimin e kolesterolit, zvogëlojnë inflamacionin në të gjithë trupin dhe ulin rrezikun e krijimit të aterosklerozës dhe mpiksjes së gjakut në trup. Kjo ul rrezikun tuaj të goditjes, sulmit në zemër dhe sëmundjeve koronare të zemrës në një masë më të madhe.