Lajmidites.com

Tag: sistemi

  • Kryqi i Kuq: Sistemi shëndetësor në Gaza është ‘shfarosur’, stafi është ‘mbytur’ me viktima masive

    Kryqi i Kuq: Sistemi shëndetësor në Gaza është ‘shfarosur’, stafi është ‘mbytur’ me viktima masive

    Hisham M’hanna, zëdhënësi i Komitetit Ndërkombëtar të Kryqit të Kuq për Gazën, ka dhënë një pamje të sfidave të mëdha me të cilat përballen punonjësit e kujdesit shëndetësor në territorin e rrethuar, ndërsa sulmet izraelite vazhdojnë të pandërprera.

    “Që nga rifillimi i armiqësive më 18 mars, nuk kemi parë asnjë javë pa një raport mbi një incident që ka ndodhur ose ka ndikuar në një strukturë shëndetësore, një spital, një ekip ambulance ose një mjek dhe infermier, përfshirë ata që janë në detyrë”, i tha ai Al Jazeera-s nga Deir el-Balah në Gazën qendrore.

    M’hanna tha se stafi mjekësor është “vazhdimisht i nënshtruar” ndaj ndikimit të luftimeve,  dhe “i mbingarkuar” nga numri i lartë i njerëzve të vrarë dhe të plagosur.

    “Spitali ynë fushor në Rafah, i cili ka vetëm një kapacitet prej 60 shtretërish, ka pritur që nga muaji i kaluar një fluks të madh viktimash masive”, shtoi ai.

    “Shumica dërrmuese e tyre janë të plagosur me plagë nga armë zjarri. Shumë prej tyre kanë raportuar se po përpiqeshin të arrinin në vendet e shpërndarjes së ndihmave në Rafah.”

    M’hanna tha se situata “jo vetëm që ka shteruar” kapacitetin e punëtorëve, por edhe vetë spitalin.

    “Shumicën e ditëve, spitali funksionon me pothuajse dyfishin e kapacitetit të tij, duke konsumuar burimet e tij që janë jashtëzakonisht të kufizuara dhe të ndikuara nga kufizimet në hyrjen e ndihmës humanitare”, shtoi ai, duke vënë në dukje se spitali fushor është i vetmi objekt plotësisht funksional në Rafah dhe në përgjithësi një nga më të pajisurit në Gaza.

    “Kjo ju jep një shembull të qartë, se sa i përkeqësuar dhe i shkatërruar është sistemi i kujdesit shëndetësor në Gaza.”/ Al Jazeera.

  • “Kemi deformuar qëndrimin e popullit”/ Mërtiri: Sistemi elektoral aktual, penalizon partitë e…

    “Kemi deformuar qëndrimin e popullit”/ Mërtiri: Sistemi elektoral aktual, penalizon partitë e…

    Analisti Ergys Mërtiri komentoi zhvillimet në aspektin politik për zgjedhjet e 11 majit, si dhe procesin post zgjedhor.
    Mërtiri tha se sistemi aktual elektoral nuk u përket partive të vogla, si dhe deformon vullnetin e popullsisë. Më tej, Mërtiri shtoi se me rezultatin e zgjedhjeve partitë e vogla mund të kishin më shumë mandate, për të krijuar një pol të tretë.
    “Sistemi elektoral duhet tu përkas partive të vogla dhe duke kthyer në bipolar mënyrën sesi duhet të bëhet sistemi zgjedhor ne kemi përjahstuar partitë e vogla dhe kemi deformuar qëndrimin e popullit.
    Demokracia duhet të mbrojë pakicën, qëllimi është që pushteti të bjerë. Pushteti bie duke u dhënë peshë të vegjëlve. Ky kod i pengon të vegjlit të rriten dhe deformon vullnetin e popullsisë. Lapaj ka marrë 64 mijë vota dhe ka 1 mandat ndërkohë duhet të kishte 4. Nëse do kishim një sistem tjetër Rama do të kishte më pak se 64, Berisha më pak dhe me 20 mandate do ishte një pol i tretë në politikë.”

  • Aktivizohet sistemi i mbrojtjes amerikane në Irak. Shtëpia e Bardhë reagon për sulmin në Katar

    Aktivizohet sistemi i mbrojtjes amerikane në Irak. Shtëpia e Bardhë reagon për sulmin në Katar

    Sistemi i mbrojtjes ajrore është vënë në funksion në bazën ushtarake amerikane Ain al-Asad, në Irak. Lajmi raportohet nga agjencia Reuters, duke cituar burime ushtarake. Nga ana tjetër, Shtëpia e Bardhë ka bërë me dije se monitoron me kujdes sulmet iraniane ndaj bazave të saj në Lindjen e Mesme, konkretisht në Katar dhe Irak. Më herët u dha lajmi që Irani sulmoi bazat amerikane në Katar, ndërsa shpërthime janë ndjerë në Doha. Irani ka sulmuar me gjashtë raketa një bazë amerikane në Katar. Sakaq Katari mbylli hapësirën ajrore, ndërsa DASH u bëri thirrje qytetarëve që mund të ishin në rajon të gjenin strehim të sigurtë.
     

     

  • Aktivizohet sistemi i mbrojtjes ajrore në bazën amerikane në Irak. Shtëpia e Bardhë: Po monitorojmë kërcënimet ndaj bazës në Katar

    Aktivizohet sistemi i mbrojtjes ajrore në bazën amerikane në Irak. Shtëpia e Bardhë: Po monitorojmë kërcënimet ndaj bazës në Katar

    Sistemi i mbrojtjes ajrore është vënë në funksion në bazën ushtarake amerikane Ain al-Asad, në Irak. Lajmi raportohet nga agjencia Reuters, duke cituar burime ushtarake. Nga ana tjetër, Shtëpia e Bardhë ka bërë me dije se monitoron me kujdes sulmet iraniane ndaj bazave të saj në Lindjen e Mesme, konkretisht në Katar dhe Irak. Më herët u dha lajmi që Irani sulmoi bazat amerikane në Katar, ndërsa shpërthime janë ndjerë në Doha. Irani ka sulmuar me gjashtë raketa një bazë amerikane në Katar. Sakaq Katari mbylli hapësirën ajrore, ndërsa DASH u bëri thirrje qytetarëve që mund të ishin në rajon të gjenin strehim të sigurtë.
     

     

  • Rishikim të Kodit Zgjedhor? Kodi Elektoral? Klosi në ‘Real Story’: Problemin nuk e ka sistemi, por duhet të…

    Rishikim të Kodit Zgjedhor? Kodi Elektoral? Klosi në ‘Real Story’: Problemin nuk e ka sistemi, por duhet të…

    Sekretari i Përgjithshëm i Partisë Socialiste, Blendi Klosi, u shpreh në “Real Story” se problemi i zgjedhjeve në Shqipëri nuk lidhet me Kodin Zgjedhor.
    Ai theksoi se nuk ekziston një sistem absolut, i cili pranohet pa rezerva nga palët politike.
    “Në këto vitet e demokracisë, kemi ndryshuar sistemin shumë herë, por nuk e di a kemi bërë mirë apo keq. Nuk besoj se ka sot një propozim që ky është sistemi që ta vlerësojmë të gjitha. Nuk është sistemi që prodhon fitoren.
    Nuk ka një sistem, që të jetë një sistem ideal. Që ta kishim bërë sot, nëse ka një propozim që duhet diskutuar, të diskutohet sot, që partitë ta dinë se kush është sistemi dhe mos ta ndryshojnë sistemin muajin dhe javën e fundit”, tha Klosi.
    I pyetur se a do të rishikohet Kodi Zgjedhor, duke marrë parasysh se Partia Socialiste ka siguruar më 11 maj 83 mandate, për këtë Klosi nuk dha një përgjigje të prerë, por la të kuptohet se në thelb të çështjes është “konsensusi” mes palëve.
    “Kodi negociohet…ka detyrim dhe ke negocim. Puna e sistemin, nuk është thelbi i politikës.
    Në procesit zgjedhore nuk është problem kodi, por konsensusi, pra që forcat politika bien dakord që këto janë rregullat dhe me këto rregulla do garojmë, dikush do fitojë dhe dikush do humbasë. Ajo që i mungon politikës shqiptare në 34 vjet që fjala “zgjedhje” mos të jetë një ditë ku zgjidhen hallet, por një ditë ku ngatërrohen problemet”, theksoi ai.

  • Zgjedhjet e 11 Majit/ Gjinushi: Sistemi aktual është i përhapur dhe funksional, ja cilat janë problemet

    Zgjedhjet e 11 Majit/ Gjinushi: Sistemi aktual është i përhapur dhe funksional, ja cilat janë problemet

    Kryetari i Akademisë së Shkencave, Skënder Gjinushi, është shprehur se problemet me zgjedhjet në Shqipëri nuk lidhen domosdoshmërisht me sistemin elektoral, i cili sipas tij është mjaft i përhapur dhe nuk është i keq në vetvete.
    Gjinushi theksoi se ndër vite ka pasur deformime të procesit dhe se sfida qëndron te modeli i zbatimit dhe drejtimi administrativ i procesit. Ai kërkoi komisione sa më neutrale dhe një administrim të saktë të zgjedhjeve, ndërsa nënvizoi se në thelb, vota e qytetarëve është reflektuar në rezultatet elektorale.
    Komisionet të jenë sa më neutrale. Procesi të ketë një drejtim administrativ sa më të saktë. Problem ka qenë deformimi i sistemit zgjedhor. Sistemi elektoral është mjaft i përhapur, nuk është i keq. S’ka qenë faji i sistemit elektoral, por i modelit që ngrihet. Sistem që mos e deformojë votën nuk ka. OSBE tha se vullneti në esencë u shpreh, por kishte disa cene.

  • “Atje kam zhvilluar vetëm dy gjyqe”, Lapaj flet për akuzat mbi vjehrrin, ish-kryetar i Gjykatës së Sarandës

    “Atje kam zhvilluar vetëm dy gjyqe”, Lapaj flet për akuzat mbi vjehrrin, ish-kryetar i Gjykatës së Sarandës

    Para dhe gjatë fushatës për zgjedhjet parlamentare të 11 majit, drejtuesi i koalicionit “Shqipëria bëhet”, Adriatik Lapaj, u akuzua se kishte përdorur të shumta për mitingje brenda dhe jashtë vendit, një pjesë e të cilave nga vjehrri i tij që ishte kryetar i Gjykatës së Sarandës deri në fund të vitit 2017, kur doli nga sistemi.
    Në studion e emisionit “Të Paekspozuarit” në MCN TV, Lapaj tha se që nga dita kur ka filluar punë si avokat në vitin 2014, e deri kur vjehrri u largua nga puna, ai i kishte ndaluar vetes të merrte pjesë në procese gjyqësore në gjykatën e Sarandës.
    “Shko në Gjykatën e Sarandës bëj një kërkesë dhe thuaj: që nga dita që Adriatiku është martuar, deri në ditën që ky zotëria ka qenë gjyqtar, a ka zhvilluar ndonjë proces gjyqësor në atë gjykatë? Dhe sa kohë ka qenë ai gjyqtar?
    E dini që nga dita kur jam martuar unë ai është larguar nga sistemi. Kanë kaluar vetëm dy muaj. Unë jam martuar në dhjetor të vitit 2017.
    Që nga dita kur djali është identifikuar si i dashuruar, pra, që në universitet dhe deri në ditën që ai u largua nga sistemi, a ka pasur ndonjë gjyq të zhvilluar nga Adriatik Lapa në Gjykatën e Sarandës? A jeni në gjendje ta verifikoni këtë?
    Që nga dita kur kam filluar punë si avokat në vitin 2014, e deri kur ai zotëria u largua nga puna, unë ia kisha ndaluar vetes të merrja pjesë në procese gjyqësore në atë gjykatë. Që nga dita kur kam përfunduar shkollën dhe jam bërë avokat, e deri në ditën që ai doli nga sistemi, unë nuk kam pranuar të bëj gjyqe në atë gjykatë. Kam zhvilluar vetëm dy gjyqe: një me trup gjykues nga Gjirokastra dhe një tjetër që ishte çështje e thjeshtë, pa ndonjë rëndësi dhe pa lidhje. Ai nuk ka qenë fare pjesë e atyre gjyqeve. Jam ruajtur që të mos shkoj fare në atë gjykatë. Aspak.
    Pjesa dërrmuese, u rrotulluan nga çdo anë…pasi u morën me Sorosin dhe e panë që s’pinte më ujë, ajo kë ka pas ky me njollë në biografi?  Ky që ka i martuar me vajzën e filanit. Çfarë thonë njerëzit? Njerëzit i thonë gjyqtarë, po gjyqtarët njerëz të korruptuar. Ti biem këtij te vjehrri. Po unë jam unë, ore ai, dhe mund ta ketë shkelë ligjin. Unë tani mbaj përgjegjësi për të? Se s’ka dhe logjikë”- tha Lapaj.

  • Lapaj: Ne fituam një mandat me 64 mijë vota, kurse PS me 7 mijë. Fitore nëse do të ishte çarë sistemi

    Lapaj: Ne fituam një mandat me 64 mijë vota, kurse PS me 7 mijë. Fitore nëse do të ishte çarë sistemi

    Adriatik Lapaj thotë se ata fituan një mandat me 64 mijë vota, ndërsa PS-ja ka marrë mandat me 7 mijë vota në Vlorë. Sakaq ai i bëri thirrje spektrit opozitar që të bashkohen për të ndryshuar Kodin Zgjedhor. Lapaj nënvizon se fitore do të ishte nëse do të ishte çarë sistemi.
    ”Zgjedhjet nuk ishin fitore. Fitore do ishte nëse do ishte çarë sistemi. Fitore do ishte nëse do shkonim në zgjedhje të parakohshme. Ne kemi kërkuar rinumërim të çdo kutie dhe verifikim të vulave. Hapën një kuti në Vlorë, sa për të na hedhur hi syve. Procesi dyshojmë se ka qenë i manipuluar. Ne duam t’i shkojmë ligjit deri në fund. Ligji thotë se fletët duhet të shikohen në kamera në të dyja anët. Janë bërë abuzime në Vlorë e në Fier. Ne kemi dalë të tretët nga gjitha partitë.

    Ne kemi bërë fushatë edhe në qarqe, ku e kishim të vështirë si në Dibër, Kukës etj dhe e kemi bërë këtë, për të thënë se sistemi zgjedhor nuk është i drejtë. Ne fituam një mandat me 64 mijë vota, ndërsa PS në Vlorë ka fituar një mandat me 7 mijë vota. PS ka marrë 10 mandate plus nga formula e ky është gabim fatal i PD-së, e duhet të kërkojnë falje dhe duhet një bashkim opozitar, që të ndryshohet sistemi zgjedhor. Qeveria ka me vete biznesin, ka krimin, administratën e shtetit. Populli shqiptar duhet të kërkojë ndryshimin e sistemit zgjedhor”, tha Lapaj.

  • Krashi: Sistemi më i mirë zgjedhor në Shqipëri do të ishte mazhoritar i pastër

    Krashi: Sistemi më i mirë zgjedhor në Shqipëri do të ishte mazhoritar i pastër

    Deputeti socialist Lavdrim Krashi i cili është në fund të mandatit të tij pasi nuk do të jetë më pjesë e legjislaturës së ardhshem, ka kritikuar kodin zgjedhor që përdoret në Shqipëri.

    I ftuar në Quo Vadis të moderatores Pranvera Borakaj në Vizion Plus, Krashi tha se sistemi më i mirë zgjedhor do të ishte mazhoratar i pastër.
    Pjesë nga debati:

    Krashi: Beteja më e mirë elektorale është mazhoratari i pastër. Mos u çudit nëse parlamenti i ardhshëm do të bëjë një formë tjetër. Maqedonia e Veriut ka proporcional rajonal i ndarë në mënyrë të barabartë.
    Shabani: Kaq të vogla sa i kemi zonat ne, mazhoritar ëhstë. Ky vend kaq i vogël me 12 rajone s’ka aryse, kjo është mbajtje gjallë e feudalizmin.
    Krashi: Patjetër mo që dalin feudalët e zonës, janë këta drejtuesit politikë që sillen si kryeministra në hije. Ajo që më shqetëoson mua është se në dështojmë në çdo gjë. Nëse Arkend Balla në mori në vitin 2021 mbi 2 mijë vota, pse nuk duhet të merrte më shumë.
    Shabani: Po nëse do të ishte Çyrbja në palament a do ta njihnin kaq shumë?

  • “S’mund të justifikohesh me sistemin që vetë miratove”, Hajdari kritikon opozitën:Berisha duhet të largohet pas humbjes

    “S’mund të justifikohesh me sistemin që vetë miratove”, Hajdari kritikon opozitën:Berisha duhet të largohet pas humbjes

    Pas humbjes së thellë në zgjedhjet e 11 majit për ish- deputeten e PD Rudina Hajdari kreu i PD Sali Berisha duhet që të jap dorëheqjen.

    E ftuar ditën e sotme në një emision televiziv, ajo u shpreh se Berisha duhet që të respektojë ndryshimet që ka bërë vet në statut.
    ‘Berisha ka bërë një ndryshim në status që kur një kryetar humb zgjedhjet duhet që të ketë një ndryshim ose një dorëheqje. Ne nëse duam që të ndryshojmë duhet që të respektojmë atë status të PD për mos reflektimin e humbjeve. Ka krime zgjedhore dhe këto janë gjëra të ditura nga opozita, por si falet opozitës që ka votuar këtë sistem zgjedhor’, tha ajo.
    Për Rudina Hajdarin problemi në këto zgjedhje ishte sistemi elektoral që sipas saj është në disavantazh të opozitë.
    ‘Rezultati ka qenë problematik dhe tregon se demokracia nuk funksionon dhe se sistemi zgjedhor është gjeneza e të gjitha problemeve. Në asnjë vend nuk ndodh që ai që është në pushtet ti shtohen votat. Dhe kjo vjen si pasojë jo e mbështetjes që Rama ka tek qytetarët, por e probleme të sistemit elektoral që është propocional rajonal dhe e bënë të vështirë për opozitën dhe krijon kushte të pabarabarta. Kanë bërë një gabim të madh që nuk kanë luftuar për të bërë një sistem që është në avantazh të opozitës. Me votat e Alimehmetit mund të kishim dy deputet, pra ka marr vota sa për dy deputet’, tha ajo.
    Sipas saj, PD dhe duhet të kishte ardhur me një ofertë të re përballë Edi Ramës.
    ‘Listat e hapura kanë nxjerr në pah se cilët janë ata që mbështesin qytetarët dhe ata që kanë qëndruar në hijen e kryetarit. Unë nuk do të zgjidhja asnjëherë që të isha në listën e mbyllur. Opozita në këto zgjedhjet duhet që të luftonte për ndryshimin e sistemi zgjedhor edhe pse në kushtet ku është sot nuk janë në gjendje që ti imponohen qeverisë.
    Problemi kryesor është sistemi zgjedhor dhe opozita nga ana tjetër duhet që të kishte ardhur me një ofertë të re dhe të kishte një reflektim për zgjedhjet lokale. PD pati shumë goditje të forta që e sollën me shumë pasoja dhe me dëmtime, por opozita i kishte në dorë disa gjëra duhet që të kishte bërë një përpjekje më të gjerë për të mos lënë asnjë jashtë listave dhe për të pranuar edhe ata që ishin kundër PD dhe duhet të kishte ardhur me një ofertë të re përballë Edi Ramës. Po të kishte 2 ose 3 Alimehmeti dhe Jorida Tabaku në zgjedhje do kishim një realitet shumë më ndryshe’, tha ajo.
    E pyetur nëse ka ambicie për postin e kryetares së PD, ajo u shpreh kundër.
    ‘Se kam pasur ndonjëherë këtë ambicie unë ambicie kam pasur kontributin që dua të jap në PD duke u treguar e drejtë sepse sot kemi pak nga ata që flasin drejtësisht dhe është një fenomen që vjen nga koha e komunizmit. Nuk duhet që individët të jenë bashkë me individin’, tha ajo.