Lajmidites.com

Tag: sipas

  • ‘Ministrja me 6 gishta’, Rama pas talljes me deklaratat e Trump: Shyqyr që e shpikëm, ka bërë për imazhin e Shqipërisë…

    ‘Ministrja me 6 gishta’, Rama pas talljes me deklaratat e Trump: Shyqyr që e shpikëm, ka bërë për imazhin e Shqipërisë…

    Kryeministri Edi Rama deklaroi sot se Shqipëria vazhdon të jetë në qendër të vëmendjes ndërkombëtare falë emërimit të ministres së parë të Inteligjencës Artificiale, Diella. Sipas Ramës, zyrat e tij janë përmbytur nga kërkesa për intervista dhe interesimi ndërkombëtar ka qenë i jashtëzakonshëm.

    “Nuk mbaj mend kur kërkesat për intervista drejt zyrës sime të kenë qenë kaq të panumërta. Nuk ka pasur një tjetër lajm nga Shqipëria që të kapë kaq fort të gjitha antenat dhe faqet e planetit,” tha Kryeministri në Podcastin e tij “Flasim”.

    Pra u kuptua se pse u shpik Diella. Të majtët e kanë në gjak propagandën dhe shpikja e Diellës herë më 5 e here me 6 gishta ka qene pikërisht për këtë qëllim.

    Që mediat ti kërkojnë intervista pronarit të Diellës e ai të flasë për shpikjen e tij. E në këtë mënyrë sipas “Liderit global” të njihej Shqipëria. Por mediat e botës pothuajse asnjë nuk e merr seriozisht kreun e qeverisë Rama. Kllunada që ka krijuar ai vet për gjoja imazh të Shqipërië dhe shqiptarëve tashmë ka marrë dhënë.

    Njëherë del me atlete të bardha në samite serioze, për pak vemendje nga këmbët, një herë tjetër u turret të huajve ti përqafoje e tu puthë duart, pastaj shpiku “Diellën”, e së fundi ka marrë përsipër të tallet edhe me Presidentin e SHBA Donald Trump.

    Turpi nuk ka më asnjë kufi për kreun e rilindjes. Tani po i sillet rrotull gishtit të gjatë të Diellës që ta mbajë edhe pak ditë lojën e gallatës në rrjetet sociale me shqiptarët e për shqiptarët.

     “Unë nuk kam asnjë dyshim që Diella do të jetë një histori e bukur suksesi. Edhe nëse nuk do të bënte asgjë tjetër, vetëm kjo vëmendje që ka sjellë për Shqipërinë do të mjaftonte për ta bekuar,” u shpreh ai.

    Pra sipas Kreut të qevrisë i ka mjaftur që ai të përdorë budallallëkun Diella për të marë vëmendje ai vete, si negative apo pozitive, nuk ka asnjë lloj rëndësie për atë, thjesht i duhet vëmendje. Sidomos pas masakrës së 11 majit. Duhet të harrohet. Propaganda me të dy senset për atë është njëlloj. Ka të bëjë me modelin dhe me mënyrën që si vepron edhe në vend. Vidh paratë e shqiptarëve e me ato para blej vota dhe influencë e pastaj merr pushtetin që të vjedhë sërish edhe vota edhe influencë.

    Diella e sigurte që do të ndihmojë në këtë drejtim. Sepse kur gjyqtarët do ta pyesin atë se kush i vodhi paratë e tenderave ajo do nxjerrë gishtin e gjashtë që i paska djegur kaq shumë Edi Ramës.

  • Aspirina, si ndikon në organizëm konsumi i përditshëm i saj

    Aspirina, si ndikon në organizëm konsumi i përditshëm i saj

    Aspirina është një ilaç farmaceutik i cili përdoret që prej 1899.

    Aspirina i përket një grupi kimikatesh të njohura si salicilates, që gjenden natyralisht tek rrushi i thatë dhe kajsitë por edhe fruta e perime të tjera.

    Këto grupe substancash kimike janë përdorur për trajtimin e disa sëmundjeve për mijëra vjet me radhë.

    Edhe pse funksioni i saj primar ka lidhje me qetësimin e dhimbjeve të ndryshme dhe uljen e temperaturës, studime kanë treguar që të mirat e saj nuk mbarojnë këtu.

    Sipas disa studimeve aspirina luan një rol kyç në uljen e rrezikut të prekjes nga sëmundjet e zemrës.

    Kur duhet përdorur aspirina

    Ekspertët thonë se një dozë e vogël ditore e aspirinës mund të shmangë atakun në zemër për personat tashmë të rrezikuar prej këtij problemi. Aspirina pengon mpiksjen e gjakut dhe lehtëson qarkullimin e tij drejt zemrës.

    Megjithatë, përpara nisjes së një terapie të tillë, AgroWeb.org këshillon që të konsultoheni me mjekun.

    Njerëzit që vuajnë nga gjakderdhjet por edhe gratë shtatzëna duhet të shmangin tërësisht aspirinën sepse ajo ka një ndikim më të fortë tek qelizat e gjakut.

    Çfarë ndodh në organizëm nëse pini aspirinë çdo ditë:

    Ky ilaç mund të shkaktojë efekte anësore në organizmin e disa njerëzve.

    Aspirina shkakton ulçerë në stomak

    Aspirina është një ilaç i fortë dhe disa njerëz kanë një tolerancë të ulët ndaj saj.

    Përdorimi kronik i aspirinës mund të dëmtojë shtresën e brendshme të stomakut duke nxitur shfaqjen e ulçerës dhe dhimbje në stomak.

    Rreziku është më i lartë tek grupmoshat mbi 65 vjeç, njerëzit që kanë probleme ekzistuese me stomakun, ata që pijnë alkol, ata që vuajnë nga epilsepsia, apo ata që marrin hollues gjaku.

    Rrezik i ulur i atakut në zemër

    Nëse ju keni kaluar një episod ataku në zemër apo ishemie, mjeku mund të rekomandojë një dozë të ulët aspirine ditore për të parandaluar një episod tjetër.

    Sipas Shoqatës Amerikane të Zemrës, aspirina është një metodë trajtimi efikase por dozat ditore të saj duhen vendosur vetëm nga mjeku specialist.

    Aspirina rrit rrezikun e gjakderdhjes

    Në rastet e një lëndimi fizik, aspirina ndikon negativisht duke penguar mpiksjen e gjakut dhe nxitur gjakderdhjen, madje edhe në stomak

    Rreziku i gjakderdhjes është më i lartë nëse pacienti merr medikamente të tjera apo suplementë.

    Aspirina ul rrezikun e kancerit të zorrës së trashë

    Sipas studimeve të cilave u referohet AgroËeb.org, njerëzit që kanë marrë aspirinë për të paktën 6 vjet apo më shumë, janë 19% më pak të rrezikuar nga kanceri i zorrës së trashë dhe 15% më pak të rrezikuar nga kanceri i stomakut.

    Aspirina Mund Të Nxisë Dëmtim të Mëlçisë

    Një nga efektet anësore të përdorimit ditor të aspirinës është dëmtimi i mëlçisë.

    Një nga shenjat paralajmëruese të dëmtimit të këtij organi është edhe verdhëza./Agroweb

  • MOTI SOT – Parashikimi i sinoptikanëve për vendin tonë, për ditën e diel, 5 tetor 2025…

    MOTI SOT – Parashikimi i sinoptikanëve për vendin tonë, për ditën e diel, 5 tetor 2025…

    Sot vendi ynë do të ndikohet nga kushte atmosferike të paqëndrueshme, sipas Shërbimit Meteorologjik Ushtarak.
    Moti parashikohet fillimisht me kthjellime si dhe alternime vranësirash. Pas orëve të mesditës dhe kryesisht ato të pasdites mot me vranësira mesatare dhe të dendura në të gjithë territorin.
    Duke nisur prej orëve të pasdites nisin reshjet e shiut të herëpashershme me intensitet të ulët dhe mesatar fillimisht përgjatë Ultësirës Perëndimore. Më pas reshjet e shiut me intensitet mesatar shtrihen në të gjithë territorin ndërsa përgjatë Ultësirës Perëndimore reshjet në periudha afatshkurtra në formën e rrebesheve shoqëruar me shkarkesa elektrike.
    Era do të fryjë me drejtim jugperëndim-juglindje me shpejtësi mesatare 12 m/s, ndërsa përgjatë vijës bregdetare e lugina era do të fitojë shpejtësi deri në 22 m/s, shoqëruar me valëzimin në detet Adriatik dhe Jon të forcës 5-6 ballë.
    Temperaturat parashikohen:

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Gjermania “nuk i beson” BE-së, kërkon shtrëngimin e emigracionit, samit në Mynih

    Gjermania “nuk i beson” BE-së, kërkon shtrëngimin e emigracionit, samit në Mynih

    Ministri i Brendshëm gjerman Alexander Dobrindt e ka kthyer në prioritet të tij kufizimin e emigracionit. Ai nuk i beson shumë për këtë BE-së, prandaj ka ftuar disa homologë të tij për bisedime në Mynih.

    Sipas dikasterit që ai drejton ky është vetëm një “takim pune” dhe nuk është planifikuar ndonjë deklaratë përfundimtare. Takimi synon të hapë rrugën për të ashtuquajturat qendra kthimi, pohon Dobrindti.
    Këto qendra do të strehojnë azilkërkues të refuzuar nga Evropa që nuk mund të kthehen në vendet e tyre të origjinës, tha ai për “Münchner Merkur”. Ata duhet të vendosen sa më afër vendeve të tyre të origjinës. Për qendra të tilla po punohet tashmë në nivelin e BE-së, por ministri Dobrindt nuk është i kënaqur dhe tha se nuk mund të mbështetet te BE-ja për të krijuar “qendra të tilla kthimi”.
    Sipas ideve të tij disa shtete anëtare të BE-së duhet të jenë në gjendje të marrin përsipër një rol drejtues në këtë çështje. Organizatat e refugjatëve njoftuan protesta kundër takimit dhe masave ashpërsuese të diskutuara, teksa kritikuan “instrumentalizimin e politikës së migracionit për çekuilibra socio-politikë dhe për përjashtim racist”.
    Sipas Ministrisë  të Brendshme Federale në takimin e Mynihut pritet të marrin pjesë përveç ministrave të Brendshëm të Polonisë, Italisë, Luksemburgut dhe Zvicrës, edhe ministrat e migracionit të Danimarkës, Suedisë, Belgjika dhe Holandës, si dhe Komisioneri i BE-së për Migracionin, Magnus Brunner. Temë diskutimi pritet të jenë edhe fluturimet e dronëve, gjë për të cilën u debatua fort së fundmi.
     
     

    Top Channel

  • Bamir Topi: PD ndodhet në një “pikiatë” të rrezikshme! Rama-Berisha kontrollojnë bashkë sistemin politik

    Bamir Topi: PD ndodhet në një “pikiatë” të rrezikshme! Rama-Berisha kontrollojnë bashkë sistemin politik

    Një portret politik dhe sfidat e opozitës në kërkimin e kandidatit të saj për kryeqytetin. Ish-presidenti Bamir Topi analizon ngjarjet politike në prag të zgjedhjeve të pjesshme për Bashkinë Tiranë. Në analizën e tij, Topi thekson se gara për Tiranën nuk është vetëm një përballje elektorale, por edhe një betejë për të ringritur opozitën dhe për të testuar balancat e reja politike në vend.
    Topi sugjeron kandidatin ideal për Tiranën, që jo domosdoshmërisht duhet të jetë një figurë e komunitetit “autokton”, por më shumë një qytetar profesionist, me një CV të pasur dhe të njohur për kontributin e tij në një fushë të caktuar. Sipas tij, nuk mund të futesh në garën për kryeqytetin pa qenë një person publik, i dëgjuar dhe i respektuar nga komuniteti. Një lidhje e fortë me Tiranën do të ishte një plus, por nuk është domosdoshmërisht kushti i vetëm që përcakton suksesin.
    Në qendër të analizës së Topit është edhe marrëdhënia mes Edi Ramës dhe Erion Veliajt. Ai e lexon “çështjen Veliaj” si një konflikt politik të brendshëm, që sipas tij ka prodhuar një frakturë të thellë në kampin qeveritar. Fakti që pjesë e bashkëpunëtorëve të Ramës janë sot pas hekurave shihet nga ish-presidenti si një element që forcon narrativën e dështimit moral dhe institucional të maxhorancës. Kjo situatë do të duhej të kishte hapur terren të ri për opozitën. Por çfarë e pengon opozitën ta shfrytëzojë këtë terren?!
    Sipas Topit, opozita ndodhet ende në kërkim të një “çlirimi” politik nga marrëveshja e hershme Rama–Berisha, të cilët, sipas tij, kontrollojnë bashkërisht sistemin politik shqiptar. Edhe si ish-drejtues i PD-së vite më parë, Bamir Topi paralajmëron se Partia Demokratike ndodhet në një “pikiatë” të rrezikshme, duke humbur terren jo vetëm përballë maxhorancës, por edhe në raport me qytetarët.
    Në analizën e tij, Topi flet për aktorët dhe faktorët që mund ta riparojnë opozitën. Për të, zgjidhja nuk qëndron te rikthimi i figurave të konsumuar, por te personalitete të reja, të pastërta, me kredenciale profesionale dhe me lidhje organike me qytetin.
    Ish-presidenti e sheh garën për Tiranën si një test që shkon përtej një beteje elektorale — një sfidë për opozitën për të dëshmuar se mund të ringrihet mbi krizat e brendshme, të përzgjedhë një figurë reale për qytetin dhe të rikthejë shpresën e publikut se politika mund të ofrojë alternativa të vërteta.

  • Një identikit për kandidatin e Tiranës dhe analiza e ngjarjeve politike/ Ish-presidenti Topi: Gara, një betejë për të ringritur opozitën

    Një identikit për kandidatin e Tiranës dhe analiza e ngjarjeve politike/ Ish-presidenti Topi: Gara, një betejë për të ringritur opozitën

    Një portret politik dhe sfidat e opozitës në kërkimin e kandidatit të saj për kryeqytetin. Ish-presidenti Bamir Topi analizon ngjarjet politike në prag të zgjedhjeve të pjesshme për Bashkinë Tiranë. Në analizën e tij, Topi thekson se gara për Tiranën nuk është vetëm një përballje elektorale, por edhe një betejë për të ringritur opozitën dhe për të testuar balancat e reja politike në vend.
    Topi sugjeron kandidatin ideal për Tiranën, që jo domosdoshmërisht duhet të jetë një figurë e komunitetit “autokton”, por më shumë një qytetar profesionist, me një CV të pasur dhe të njohur për kontributin e tij në një fushë të caktuar. Sipas tij, nuk mund të futesh në garën për kryeqytetin pa qenë një person publik, i dëgjuar dhe i respektuar nga komuniteti. Një lidhje e fortë me Tiranën do të ishte një plus, por nuk është domosdoshmërisht kushti i vetëm që përcakton suksesin.
    Në qendër të analizës së Topit është edhe marrëdhënia mes Edi Ramës dhe Erion Veliajt. Ai e lexon “çështjen Veliaj” si një konflikt politik të brendshëm, që sipas tij ka prodhuar një frakturë të thellë në kampin qeveritar. Fakti që pjesë e bashkëpunëtorëve të Ramës janë sot pas hekurave shihet nga ish-presidenti si një element që forcon narrativën e dështimit moral dhe institucional të maxhorancës. Kjo situatë do të duhej të kishte hapur terren të ri për opozitën. Por çfarë e pengon opozitën ta shfrytëzojë këtë terren?!
    Sipas Topit, opozita ndodhet ende në kërkim të një “çlirimi” politik nga marrëveshja e hershme Rama–Berisha, të cilët, sipas tij, kontrollojnë bashkërisht sistemin politik shqiptar. Edhe si ish-drejtues i PD-së vite më parë, Bamir Topi paralajmëron se Partia Demokratike ndodhet në një “pikiatë” të rrezikshme, duke humbur terren jo vetëm përballë maxhorancës, por edhe në raport me qytetarët.
    Në analizën e tij, Topi flet për aktorët dhe faktorët që mund ta riparojnë opozitën. Për të, zgjidhja nuk qëndron te rikthimi i figurave të konsumuar, por te personalitete të reja, të pastërta, me kredenciale profesionale dhe me lidhje organike me qytetin.
    Ish-presidenti e sheh garën për Tiranën si një test që shkon përtej një beteje elektorale — një sfidë për opozitën për të dëshmuar se mund të ringrihet mbi krizat e brendshme, të përzgjedhë një figurë reale për qytetin dhe të rikthejë shpresën e publikut se politika mund të ofrojë alternativa të vërteta. /TEMA/

  • Shpërthen konflikti brenda Hamasit mbi çarmatimin sipas planit të Trump

    Shpërthen konflikti brenda Hamasit mbi çarmatimin sipas planit të Trump

    Krahu politik dhe krahu ushtarak i Hamasit nuk kanë arritur një konsensus mbi çështjen e çarmatimit si pjesë e propozimit të Presidentit të SHBA-së Donald Trump për t’i dhënë fund luftës në Gaza, raporton Wall Street Journal, duke cituar ndërmjetës arabë.
    Sipas raportit, Khalil al-Hayya, negociatori kryesor i Hamasit, dhe zyrtarë të tjerë politikë që jetojnë jashtë Gazës janë të gatshëm ta pranojnë propozimin “pavarësisht rezervave të konsiderueshme”.
    Ndërsa udhëheqësi i Hamasit në Gaza, Izz al-Din Haddad, është i hapur për të dorëzuar armët sulmuese të Hamasit, siç janë raketat, ai dëshiron të mbajë armët “mbrojtëse” të grupit terrorist, siç janë pushkët sulmuese, thotë raporti.
    Komandantë të tjerë ushtarakë janë më pak të hapur për kompromis, sipas raportit. Ata thuhet se mendojnë se nuk do të jenë në gjendje të zbatojnë çarmatimin midis të rinjve që kanë rekrutuar gjatë gjithë luftës, të cilët besojnë se mund të mos jenë të gatshëm të dorëzojnë armët e tyre pasi kanë humbur familjen dhe pronën gjatë luftës.

  • Kundërshtojnë prishjen e bizneseve, banorët e fshatrave në Vlorë: Do të mbrojmë pronat tona, duan t’ia japin oligarkëve

    Kundërshtojnë prishjen e bizneseve, banorët e fshatrave në Vlorë: Do të mbrojmë pronat tona, duan t’ia japin oligarkëve

    Banorët e fshatrave Tragjas, Orikum, Dukat dhe Radhimë në Vlorë janë ngritur kundër aksioneve të IKMT-së, të cilat, sipas tyre, synojnë prishjen e bizneseve vendase për t’u hapur rrugë projekteve turistike që favorizojnë oligarkë të lidhur me qeverinë.
    Ata u mbledhën në një takim të përbashkët, të cilin e quajtën “Kuvendi Komunitar i Krahinës”, me qëllim kundërshtimin e prishjeve të bizneseve të tyre nga ana e IKMT-së.
    Sipas organizatorëve, pas këtij aksioni qëndron një plan i qeverisë për t’i kaluar pronat e banorëve në duart e disa oligarkëve, përmes projekteve turistike.
    “IKMT-në do ta thyejmë. Nëse duhet, edhe me përplasje fizike! Ky është vetëm fillimi,” – deklaroi organizatori i takimit, Edvioll Kulluri, ndërsa ftoi banorët të bashkohen në peticione dhe kallëzime penale, por edhe në rezistencë aktive.
    Sipas banorëve, prishjet e paralajmëruara nuk kanë lidhje me ndërtimet pa leje, por me plane për t’u marrë tokat banorëve dhe për t’ua kaluar individëve me ndikim për ndërtimin e resorteve turistike.
    Ata thanë se një grup i IKMT-së ka dhënë një afat verbal për largimin e bizneseve nga zona e Orikumit dhe Llogarasë deri në fund të tetorit, duke e quajtur këtë një veprim të paligjshëm dhe të pakoordinuar.
    “Prishjet nuk bëhen për ndonjë shëtitore, por për resorte luksoze që do të përjashtojnë ne vendasit nga çdo mundësi zhvillimi ekonomik. Nuk jemi kundër zhvillimit, por kundër grabitjes me ligj!” – thanë të pranishmit.
    Banorët gjithashtu denoncuan falsifikimin e certifikatave të pronësisë, duke pretenduar se toka u është marrë vendasve dhe regjistruar në emër të personave të lidhur me pushtetin.
    Në përfundim të takimit, pjesëmarrësit firmosën një peticion për funksionimin zyrtar të Kuvendit Komunitar dhe ngritën grupe pune për të organizuar hapat e mëtejshëm të protestës.
    Ata ranë dakord të rikthehen sërish ditën e diel, ku pritet të vendosin mbi format e rezistencës dhe aksionet e ardhshme kundër vendimeve të IKMT-së.

  • Zjarri në diskotekë/ Miratohet aktakuza për 34 persona dhe 3 kompani

    Zjarri në diskotekë/ Miratohet aktakuza për 34 persona dhe 3 kompani

    Gjykata Themelore Penale në Shkup ka miratuar në tërësi aktakuzën për zjarrin tragjik që përfshiu diskotekën “Pulse” në Koçan, ngjarje që konsiderohet si një nga fatkeqësitë më të mëdha në historinë e Maqedonisë së Veriut.
    Si pasojë e zjarrit, i cili ndodhi natën mes 15 dhe 16 marsit, humbën jetën 62 persona dhe mbi 200 të tjerë u plagosën.
    Në bankën e të akuzuarve do të ulen 34 persona dhe tre kompani, përfshirë ish-ministra të Ekonomisë, ish-drejtorë të Drejtorisë për Mbrojtje dhe Shpëtim (DMSH), ish-kryetarë komunash, inspektorë dhe përfaqësues të kompanive që menaxhonin diskotekën.
    Në aktakuzë janë ish-ministrat e Ekonomisë Kreshnik Bekteshi dhe Valon Saraçini, një sekretar shtetëror dhe pesë zyrtarë nga kjo ministri, e cila është kompetente për dhënien e licencave për klubet e natës.
    Hetimi kishte përfshirë fillimisht edhe ish-ministrat Bekim Neziri dhe Driton Kuçi, por procedurat ndaj tyre u ndërprenë për mungesë provash.
    Për tre kryetarë të Komunës së Koçanit: Ljubço Papazov, që ishte në detyrë në momentin e ngjarjes, dhe paraardhësit e tij Nikollço Iliev dhe Ratko Dimitrovski prokuroria thotë se ishin në dijeni për funksionimin ilegal të lokalit, i cili nuk ishte i regjistruar sipas Ligjit për veprimtari gastronomike, por megjithatë kishin lejuar aktivitetin dhe kishin pranuar pagesat për ushtrimin e veprimtarisë.
    Po ashtu në mesin e të akuzuarve është edhe Shaban Saliu, aktualisht ministër pa portofol dhe kandidat për kryetar të Komunës së Shuto Orizares në zgjedhjet lokale të 19 tetorit.
    Ai akuzohet në cilësinë e ish-drejtorit të DMSH-së, së bashku me tre ish-drejtorë të tjerë dhe një inspektor të përgjithshëm të kësaj drejtorie.
    Lista e të akuzuarve përfshin gjithashtu inspektorë lokalë dhe ndërtimorë të Komunës së Koçanit, si dhe pjesëtarë të sigurimit të diskotekës, të cilët akuzohen për neglizhencë dhe mosrespektim të detyrimeve ligjore që mund të kishin parandaluar tragjedinë.
    Sipas Gjykatës, lënda është shpërndarë te gjyqtari kompetent për vijimin e procedurave dhe data e fillimit të gjykimit do të njoftohet më vonë.
    Të gjithë të akuzuarit përballen me veprën penale të “shkaktimit të veprave të rënda kundër sigurisë së përgjithshme”.
    Tre nga ta janë pronarë dhe administratorë të kompanive Klasik DM – Koçan dhe MMMM Kafe – Koçan, të cilat ushtronin aktivitet gastronomik në objektin fatkeq që prej dhjetorit të vitit 2012.
    Në listën e të akuzuarve është edhe vëllai i pronarit të diskotekës, përgjegjës për shitjen e biletave dhe kontrollin e numrit e moshës së vizitorëve.
    Sipas Prokurorisë, në natën tragjike në ambientet e “Pulse” ndodheshin mbi 500 persona, shumë më tepër se kapaciteti i lejuar.

  • Horoskopi i ditës së nesërme, e diel 5 Tetor 2025

    Horoskopi i ditës së nesërme, e diel 5 Tetor 2025

    Nga Paolo Fox
    DASHI
    Kjo fundjavë do të jetë veçanërisht dinamike. Hëna e favorshme inkurajon iniciativën dhe ndryshimet e vogla si në punë ashtu edhe në jetën personale. Beqarët mund të përjetojnë takime të papritura, ndërsa çiftet do të duhet t’i kushtojnë vëmendje komunikimit.
    DEMI
    Sipas horoskopit të Paolo Fox (e diel, 5 tetor 2025), ju pret një ditë me reflektim dhe planifikim intensiv. Sa i përket punës, do të jetë e dobishme të mos nxitoheni në vendime të rëndësishme. Është më mirë të analizoni me qetësi çdo situatë përpara se të ndërmerrni veprime.
    BINJAKËT
    Po kaloni një fundjavë veçanërisht krijuese dhe shoqërore. Në punë po shijoni njohuri dhe ide origjinale që mund të ndahen me miqtë ose kolegët. Beqarët do të kenë mundësi interesante për takime stimuluese. Por varet nga ju – angazhohuni.
    GAFORRJA
    Shumë prej jush do të tërhiqen nga vetëanaliza. Është koha ideale për të reflektuar mbi marrëdhëniet dhe për të fituar qartësi. Çiftet do të përjetojnë momente harmonie dhe mirëkuptimi më të madh, ndërsa beqarët mund të takojnë dikë të veçantë përmes kontaktit indirekt.
    LUANI
    Sipas horoskopit të Paolo Fox (e diel, 5 tetor 2025), do të keni një fundjavë energjike dhe pozitive. Në punë, iniciativat personale do të shpërblehen dhe ata që kanë pritur konfirmimin mund ta marrin atë. Çiftet do të kenë mundësinë të forcojnë lidhjen e tyre.
    VIRGJËRESHA
    Do t’ju duhet të përqendroheni te organizimi. Në punë, planifikimi i çdo aktiviteti do të sjellë rezultate të prekshme. Çiftet do të gjejnë dialog dhe mirëkuptim, ndërsa beqarët do të duhet të jenë më të guximshëm për të shmangur humbjen e mundësive emocionuese.
    PESHORJA
    Tensionet në jetën tuaj dashurore duhet të trajtohen më lehtë. Disa shqetësime ose shpërqendrime, ndoshta për shkak të punës, mund të kenë zvogëluar kohën dhe energjinë që i kushtoni ndjenjave tuaja. Marsi në shenjën tuaj dhe disonanca e Jupiterit mund të përkthehen në lodhje dhe ndjesinë se përpjekjet tuaja nuk po shpërblehen. Mos u shqetësoni: përmirësimet janë në horizont.
    AKREPI
    Sipas horoskopit të Paolo Fox (e diel, 5 tetor 2025), duke filluar nga kjo javë, Venusi nuk do të jetë më në një pozicion të pafavorshëm ndaj jush. Disa momente trazirash mund të kenë rrjedhur nga ngjarje të kaluara. Përvojat tuaja të kaluara do të shërbejnë si një udhërrëfyes për të shmangur përsëritjen e zgjedhjeve të këqija. Lidhur me punën, është më mirë të shmangni debatet e panevojshme.
    SHIGJETARI
    Kini kujdes nga vështirësitë në komunikim ose në të kuptuar. Është e rëndësishme të mos e ekzagjeroni ose shtyni gjërat shumë larg. Puna? Situata juaj në punë duket se po zhbllokohet. Që nga korriku, idetë dhe projektet e reja kanë fituar terren dhe tani është koha për t’i vënë ato në praktikë.
    BRICJAPI
    Venusi favorizon një fazë rikuperimi në jetën tuaj dashurore, edhe pse shumë po përpiqen të pohojnë idetë e tyre ose ndihen të largët nga pozicionet e partnerit të tyre. Lidhur me punën, deri në tetor, do të jetë e nevojshme të rivlerësoni rolin tuaj brenda një kompanie ose të ripërcaktoni prioritetet dhe bashkëpunimet tuaja.
    UJORI
    Sipas horoskopit të Paolo Fox (e diel, 5 tetor 2025), kjo është java e fundit me Venusin në një pozicion të pafavorshëm. Shijojeni. Lidhur me punën, për profesionistët e vetëpunësuar, është një kohë vendimesh të rëndësishme që do të ndikojnë në javët që vijnë.
    PESHQIT
    Dashuria kalon në plan të dytë: dikush larg ose disa debate familjare, veçanërisht të shtunën dhe të dielën, do të kontribuojnë në tension. Lidhur me punën, ata që kërkojnë punë kanë mundësi të shkëlqyera gjatë kësaj periudhe për të bërë pyetje dhe për të vlerësuar opsionet.