Lajmidites.com

Tag: sinner

  • Wimbledon/ Sinner e Djokoviç kalojnë pa probleme, Zverev eleminohet që në raundin e parë

    Wimbledon/ Sinner e Djokoviç kalojnë pa probleme, Zverev eleminohet që në raundin e parë

    Jannik Sinner fitoi lehtësisht në Wimbledon në derbin Italian ndaj Luca Nardit me rezultatin 6-4, 6-3, 6-0 dhe kaloi në raundin e dytë ku do të përballet me australianin Aleksandr Vukic. Sinner dominoi ndeshjen, duke qenë i barabartë vetëm në setin e parë, ndërsa më pas imponoi superioritetin e tij.
    Nga ana tjetër, Novak Djokovic kaloi gjithashtu pa probleme në raundin e dytë pas një beteje të fituar 3-1 me sete ndaj francezit Muller. Pas një fillimi të lehtë me 6-1, Djokovic u përball me rezistencë në setin e dytë, të cilin e humbi në tie-break, por u rikthye fuqishëm duke fituar setet e mëtejshme me 6-2, 6-2.

    Ndërsa, një surprizë erdhi nga eliminimi i Alexander Zverev, nr.3 I botës, i cili pas një ndeshjeje të gjatë u mund 3-2 me sete nga francezi Rinderknech. Ndeshja pati shumë kthesa dhe tie-break-e, por në setin e pestë francezi doli fitues me 6-4.
    Po ashtu, dolën nga gara edhe Bublik, Eubanks, Michelsen dhe Walton pas ndeshjeve të ngushta me rezultatin 3-2.
    Ndërkohë tek femrat suprizën e solli eleminimi I tenistes amerikane nr.2 në botë dhe favorites për të triumfuar në këtë turne Coco Gauf, e cila u mund 2-0 nga ukrainasja Yastremska.

  • Wimbledon me surpriza të mëdha te femrat, kualifikohen Sinner e Djokovic te meshkujt

    Wimbledon me surpriza të mëdha te femrat, kualifikohen Sinner e Djokovic te meshkujt

    2 Korrik 2025

    9:10

    Telesport

    Kanë vijuar takimet e raundit të parë në grand slam të Wimbledon. Numri 2 në botë për femra, tenistja amerikane Coco Gauff, u eliminua që në start. Ajo u mund 2-0 nga ukrainasja Dayana Yastremska.
    Një tjetër teniste “big” që eliminohet shumë shpejt është Jessica Pegula e Amerikës. Nuk zhgënjen tenistja polake Iga Swiatek, që siguron një biletë për në raundin e dytë. Më tej avancojnë edhe Barbora Krejcikova e Danielle Collins.
    Nuk ka surpriza të meshkujt, teksa numri 1 në botë, italiani Jannik Sinner, fitoi 3-0 ndaj patriotit të tij Luca Nardi. Kualifikohet edhe serbi Novak Djokovic, që mundi 3-1 Alexandre Muller.

  • “Numri 1” në botë eliminohet nga eventi i Halle, nuk shkon në çerekfinale për hjerë të parë pas 19 turnesh radhazi

    “Numri 1” në botë eliminohet nga eventi i Halle, nuk shkon në çerekfinale për hjerë të parë pas 19 turnesh radhazi

    20 Qershor 2025

    11:20

    Telesport

    Tenisti italian Jannik Sinner, numri 1 në botë për meshkuj, u eliminua në raundin e katërt të turneut ATP të Halle (Gjermani). Ai u mund 2-1 (3-6, 6-3, 6-4) nga Alexander Bublik.
    Kjo është hera e parë pas 19 turnesh radhazi që Sinner eliminohet para fazës çerekfinale (që nga Shanghai 2023). Madje në tetë turnetë e fundit ku ka marrë pjesë kishte shkuar gjithnjë në finale.
    “Kështu ishte e shkruar. Më duhen disa ditë pushim para Wimbledon, pastaj kemi një javë për t’u përgatitur. Por sinqerisht, pak pushim është i mirë për mua tani“, u shpreh Jannik Sinner pas humbjes.
    Italiani humbet 450 pikë nga ky turne dhe tani rrezikon të lërë kreun e renditjes botërore, me Carlos Alcaraz që i afrohet gjithnjë e më shumë.

  • Humbën të dy në finalen e Roland Garros, Sinner dhe Sabalenka qëndrojnë “numri 1”

    Humbën të dy në finalen e Roland Garros, Sinner dhe Sabalenka qëndrojnë “numri 1”

    Edhe pse kanë humbur të dy në finalen e Roland Garros, tenisti italian Jannik Sinner dhe ajo bjelloruse Aryna Sabalenka qëndrojnë në krye të renditjes botërore. Madje të shkëputur ndjeshëm nga rivalët.
    Te meshkujt, Sinner ruan një avantazh prej 2000 pikë karshi spanjollit Carlos Alcaraz, i dyti, ndërsa në vendin e tretë është gjermani Alexander Zverev. Fiton një pozicion Novak Djokovic, që ngjitet i katërti.
    Te femrat, pas Sabalenka, vijnë dy teniste amerikane, Coco Gauff dhe Jessica Pegula. E para triumfoi në Paris, por mbetet mbi 3000 pikë pas bjelloruses. Jashtë “top-5” më të mirave ka dalë polakja Iga Swiatek, aktualisht e shtata.
    Top 5 – Meshkuj
    1.Jannik Sinner, 10.880 pikë
    2.Carlos Alcaraz, 8.850 pikë
    3.Alexander Zverev, 6.385 pikë
    5.Novak Djokovic, 4.630 pikë
    4.Jack Draper, 4.550 pikë
    Top 5 – Femra
    1.Aryna Sabalenka, 11.553 pikë
    2.Coco Gauff, 8.083 pikë
    3.Jessica Pegula, 6.483 pikë
    4.Jasmine Paolini, 4.805 pikë
    5.Qinwen Zheng, 4.669 pikë

  • Alcaraz fiton maratonën 5 orëshe ndaj Sinner dhe mbron kurorën e kampionit të Roland Garros

    Alcaraz fiton maratonën 5 orëshe ndaj Sinner dhe mbron kurorën e kampionit të Roland Garros

    Pas 5 orësh e 30 minutash lojë, tenisti spanjoll Carlos Alcaraz mundi 3-2 në finale italianin Jannik Sinner, duke u shpallur kampion për të dytin vit radhazi në grand slam-in e Roland Garros. Në finalen e luajtur në Paris, numri 2 në botë mbron titullin fituar vjet.
    Një ndeshje e jashtëzakonshme, ndër më të bukurat e dekadës së fundit, që ka si protagonistë dy tenistët më të mirë në botë, që dhuruan spektakël dhe emocione në fushë. Fitore me përmbysje e Alcaraz, që arriti të rikuperojë disavantazhin pas dy seteve të para.
    Sinner fitoi 6-4, 7-6 dy setet e para dhe ishte shumë pranë fitores së ndeshjes. Ai kishte tri topa për ta fituar ndeshjen në setin e tretë por gaboi dhe e pagoi shtrenjtë. Alcaraz arrin të rikuperojë 6-4, 7-6, 7-6 tri setet e tjera, duke qenë “mbret” në fushat me dhè të Parisit.
    Kjo ishte finalja më e gjatë e luajtur në historinë e Roland Garros dhe protagonistë të saj janë dy yjet e rinj të këtij sporti, që kanë fituar 5 grand slam-et e fundit (3 spanjolli dhe 2 italiani). Për Alcaraz ky është triumfi i pestë në karrierë në një grand slam, i dyti në Paris.
    Kush kishte dyshime tashmë është i bindur se një epokë e re ka nisur në tenis dhe protagonistë do të jenë këta dy tenistë, që mund të thyejnë rekordet e legjendave.

  • Sinner mposht Djokovic në Paris, sfidon Alcaraz në finalen e Roland Garros

    Sinner mposht Djokovic në Paris, sfidon Alcaraz në finalen e Roland Garros

    7 Qershor 2025

    9:16

    Telesport

    Numrat 1 dhe 2 në botë, respektivisht italiani Jannik Sinner dhe spanjolli Carlos Alcaraz, janë dy finalistët e grand slam-it të Roland Garros, turneu më i rëndësishëm i fushave me dhe.
    Sinner mundi 3-0 në gjysmëfinale serbin Novak Djokovic, në një ndeshje mjaft të fortë dhe të ekuilibruar (6-4, 7-5, 7-6). Një përballje me emocione, por Sinner arriti të bëjë diferencën në momentet vendimtare.
    Më e lehtë fitorja e Alcaraz, që u kualifikua pas tërheqjes së italianit Lorenzo Mosetti në setin e katërt (4-6, 7-6, 6-0, 2-0). Edhe pse e nisi mirë ndeshjen, Musetti u dorëzua, teksa një dëmtim e detyrua të ngrejë “flamurin e bardhë”.
    Sinner dhe Alcaraz (kampion në fuqi në Paris) do të përballen sërish dy javë pas finales së Romës, ku spanjolli mundi italianin. Ndaj, pritet një tjetër ndeshje e fortë mes dy tenistëve më të mirë në botë.

  • Roland Garros/ Sinner, Zverev e Djokovic avancojnë pa probleme, fitojnë edhe Gauff e Padosa

    Roland Garros/ Sinner, Zverev e Djokovic avancojnë pa probleme, fitojnë edhe Gauff e Padosa

    30 Maj 2025

    8:54

    Telesport

    Janë luajtur në Paris ndeshjet e raundit të dytë në grand slam të Roland Garros, turneu më i rëndësishëm i fushave me dhè.
    Tenisti serb Novak Djokovic avancon më tej pas fitores 3-0 ndaj Correntin Moutet. Në raundin e tretë avancon edhe italiani Jannik Sinner, numri 1 në botë, që mundi po 3-0 Richard Gasquet.
    Vuan disi por në fund fiton edhe tenisti gjerman Alexander Zverev. Numri 3 në botë mundi 3-1 Jesper de Jong. Një biletë për më tej sigurojnë edhe Jiri Lehecka, Andrey Rublev, Cameron Norrie dhe Jack Draper.
    Edhe te femrat nuk ka surpriza. Numri 3 në botë, tenistja amerikane Coco Gauff, mundi 2-0 Tereza Valentova. Kualifikohet më tej edhe tenistja spanjolle Paula Badosa, që fitoi 2-1 ndaj Gabriela Ruse.
    Më tej avancojnë edhe Madison Keys, Marketa Voundrousova, Mirra Andreeva, Jessica Pegula, Sofia Kenin e Daria Kastkina.

  • Sinner dhe Sabalenka komandojnë renditjet në prag të Roland Garros, ja situata

    Sinner dhe Sabalenka komandojnë renditjet në prag të Roland Garros, ja situata

    Turnetë e fundit Masters (dhe jo vetëm) të zhvilluara në fushat me dhè në tenis, në Madrid dhe Romë, kanë bërë disa modifikime në renditjen e përgjithshme për meshkuj e femra. Ndërkohë që po afrohet grand slam i Roland Garros.
    Italiani Jannik Sinner mbron kreun e renditjes pas 3 muajsh pushim dhe pikëve të mbledhura në turneun Masters të Romës. Ai është +1500 pikë karshi spanjollit Carlos Alcaraz, që ngjitet në vendin e dytë, duke zbritur Zverev në të tretin. Vetëm i gjashti serbi Novak Djokovic.
    Te femrat, tenistja bjelloruse Aryna Sabalenka konsolidon pozitat e saj në krye të renditjes, me gati +4000 pikë nga ndjekësja më e afërt. Në podium janë dy tenistet amerikane Coco Gauff e Jessica Pegula, ndërsa polakja Iga Swiatek humbet tri pozicione dhe zbret në vendin e pestë.
    Renditja, “top-5” meshkuj
    1.Jannik Sinner, 10.380 pikë
    2.Carlos Alcaraz, 8.850 pikë
    3.Alexander Zverev, 7.285 pikë
    4.Taylor Fritz, 4.625 pikë
    5.Jack Draper, 4.610 pikë
    Renditja, “top-5” femra
    1.Aryna Sabalenka, 10.683 pikë
    2.Coco Gauff, 6.863 pikë
    3.Jessica Pegula, 6.243 pikë
    4.Jasmine Paolini, 5.865 pikë
    5.Iga Swiatek, 5.838 pikë

  • Alcaraz mund Sinner dhe triumfon në turneun Masters të Romës, Paolini fiton për femra

    Alcaraz mund Sinner dhe triumfon në turneun Masters të Romës, Paolini fiton për femra

    19 Maj 2025

    9:40

    Telesport

    Ka përfunduar në Romë turneu Masters në tenis. Për meshkuj, fitues doli spanjolli Carlos Alcaraz, që në finale mundi 2-0 (7-6, 6-1) italianin Jannik Sinner. Një ndeshje me rivalitet vetëm në setin e parë, pasi më tej dominoi spanjolli.
    Për Sinner kjo ishte pjesëmarrja e parë pas një pezullimi 3-mujor për shkak dopingu. Ai e ruan kreun e renditjes për meshkuj, ndërkohë që Alcaraz ngjitet në vendin e dytë. Dy tenistët tashmë përgatiten për grand slam të Roland Garros.
    Për femra, fituese e turneut italian doli tenistja vendase Jasmine Paolini, që dominoi në fushë. Në finale ajo mund 2-0 (6-4, 6-2) amerikanen Coco Gauff. Kjo është hera e parë pas 40 vitesh që një teniste italiane triumfon në Romë,.

  • “Numri 1” për femra humbet finalen e Shtutgardit, Sinner 46 javë në krye të renditjes botërore te meshkujt

    “Numri 1” për femra humbet finalen e Shtutgardit, Sinner 46 javë në krye të renditjes botërore te meshkujt

    22 Prill 2025

    9:59

    Telesport

    Tenistja letoneze Jelena Ostapenko fitoi turneun WTA-500 të Shtutgardit. Në finale ajo mundi 2-0 (6-4, 6-1) numrin 1 në botë, bjellorusen Aryna Sabalenka.
    Një rezultat surprizë, pasi bjellorusja konsiderohej favorite, por Ostapenko befasoi të gjithë, me një ndeshje thuajse të përkryer, duke fituar edhe gati 1 milionë dollarë premio.
    Kjo ishte hera e parë që letonezja shkonte në finalen e Shtutgardit dhe ia doli mbanë të fitojë titullin e 9 në karrierë. Për Sabalenka kjo është hera e katërt që humbet në finalen e këtij turneu.
    Ndërkohë, te meshkujt, tenisti italian Jannik Sinner qëndron në krye të renditjes botërore edhe pse nuk luan prej më shumë se dy muajsh, i pezulluar për doping. Ai është në krye të renditjes për 46 javë.
    Gjermani Alexander Zverev ka bërë rokadë në renditjen me spanjollin Carlos Alcaraz, duke u ngjitur në vendin e dytë.