Lajmidites.com

Tag: sinner

  • Sinner mposht Alcaraz në finalen e “Six Kings Slam” dhe arkëton shumën marramendëse

    Sinner mposht Alcaraz në finalen e “Six Kings Slam” dhe arkëton shumën marramendëse

    18 Tetor 2025

    22:17

    Telesport

    Tenisti italian Jannik Sinner fitoi mbrëmjen e së shtunës finalen e turneut “Six Kings Slam”, duke mbrojtur titullin e fituar një vit më parë. Në Riad të Arabisë Saudite, ai mundi 2-0 (6-2, 6-4) spanjollin Carlos Alcaraz.
    Një finale në përgjithësi e dominuar nga italiani, numri 2 në botë, që mposhti kreun e renditjes botërore edhe pse ky turne nuk jep pikë. Përvecse fitoi trofeun, Sinner arkëtoi edhe plot 6 milionë dollarë.
    Të gjashtë pjesëmarrësit fituan nga 1.5 milionë secili, ndërsa fituesi edhe 4.5 milionë të tjera. Ndeshja më së shumti foli për italianin. Pas një seti të parë, ku ishte superior në fushë, në të dytin ai hasi më shumë rezistencë.
    Gjithsesi, Alcaraz nuk arriti dot t’i bëjë ballë deri në fund, me Sinner që fitoi një “game” me shërbimet e spanjollit, duke fituar më pas edhe ndeshjen. Kjo ishte finalja e radhës mes dy tenistëve, që prej dy vitesh po dominojnë në këtë sport.

  • Anisimova triumfon në turneun Masters të Shangai, Sinner tërhiqet i dëmtuar

    Anisimova triumfon në turneun Masters të Shangai, Sinner tërhiqet i dëmtuar

    6 Tetor 2025

    8:47

    Telesport

    Tenistja amerikane Amanda Anisimova, numri 4 në botë për femra, është shpallur fituese e turneut Masters të Shangai. Në finale, ajo mundi 2-1 (6-0, 2-6, 6-2) çeken Linda Noskova. Pasi humbi në finalet e Wimbledon dhe US Open, ky trofe është një shpërthim gëzimi për Anisimova.
    Ndërkohë, te meshkujt, aventura e tenistit italian Jannik Sinner, numri 2 në botë, është ndalur në raundin e katërt. Ai u detyrua të tërhiqej në përballjen ndaj holandezit Tallon Griekspoor për shkak dëmtimi, në shifrat 7-6, 5-7, 2-3. Sinner ishte kampion në fuqi dhe tashmë dorëzon titullin.
    Nxehtësia dhe kushtet e ashpra në Shangai e kanë kthyer Sinner në një viktimë në këtë turne, që i thotë lamtumirë Kinës. Më tej avancon serbi Novak Djokovic, që tashmë shihet si kandidati kryesor për ta fituar turneun (mungon për arsye dëmtimi edhe Alcaraz).

  • Numri 3 në botë akuzon: Organizatorët e turneve duan gjithnjë Sinner apo Alcaraz në finale dhe fitues

    Numri 3 në botë akuzon: Organizatorët e turneve duan gjithnjë Sinner apo Alcaraz në finale dhe fitues

    4 Tetor 2025

    17:57

    Telesport

    Tenisti gjerman Alexander Zverev, aktualisht numri 3 në botë, kritikoi drejtorët e turneve në një konferencë për shtyp, pas fitores së tij në raundin e dytë ndaj francezit Royer në Shanghai Masters 1000.
    “E urrej kur shpejtësia e sipërfaqeve është e njëjtë kudo. E di që po lëvizin në këtë drejtim sepse, padyshim, duan që Jannik Sinner dhe Carlos Alcaraz të kenë sukses në çdo turne”, tha tenisti gjerman.
    “Ne gjithmonë kemi pasur sipërfaqe të ndryshme. Nuk mund të luash të njëjtin tenis në të njëjtën mënyrë në fushat me bar, ato me dhe apo me çement. Sot, mund të luash pothuajse në të njëjtën mënyrë në çdo sipërfaqe”, shtoi Zverev.

  • Mallkimi i Drake prek edhe Sinner, reperi kishte vënë bast 300 mijë dollarë për fitoren e italianit në US Open

    Mallkimi i Drake prek edhe Sinner, reperi kishte vënë bast 300 mijë dollarë për fitoren e italianit në US Open

    9 Shtator 2025

    12:20

    Telesport

    Mallkimi i Drake ka rënë edhe mbi Jannik Sinner. Tifozët e italianit e kanë pasur frikë humbjen e tenistit të tyre atë që kur reperi i njohur njoftoi se kishte vënë bast 300,000 dollarë për Jannik, për të fituar US Open.
    Historia e tij e mëparshme flet vetë: Amerikani ka mbështetur vazhdimisht “sportistin e gabuar” dhe si përfundim kishte humbur shumë para më parë. Kjo gjë u përsërit edhe me tenistin italian në US Open.
    Një nga këto baste të mallkuara përfshinte edhe vetë Sinner, protagonist në finalen e US Open 2024 kundër Fritz. Në atë rast, Drake kishte vënë bast për kalifornianin. Rezultati? Një fitore e madhe për Sinner.
    Këtë herë, Drake nuk i solli Sinner fat të dielën. Reperi 38-vjeçar ka vënë shumë baste të gabuara. Ndër më të spikaturat është basti prej 355,000 dollarësh që Mike Tyson të sfidonte dhe fitonte ndaj Jake Paul (i cili fitoi).

  • US Open/ Alcaraz “rrëzon nga froni” Sinner-in, spanjolli triumfon 3-1 në finalen e madhe të turneut amerikan

    US Open/ Alcaraz “rrëzon nga froni” Sinner-in, spanjolli triumfon 3-1 në finalen e madhe të turneut amerikan

    Carlos Alcaraz është i riu mbret i Us Open dhe i renditjes botërore. Në Flushing Meadows, kampioni spanjoll mundi Jannik Sinner-in, që ishte dukshëm jo në formën e tij optimale, në finale me shifrat (2-6, 6-3, 1-6, 4-6), duke fituar Grand Slam-in e tij të gjashtë dhe duke kaluar italianin në krye të renditjes ATP, duke u bërë numri një i ri i botës. Në fushën e Arthur Ashe nën vëzhgimin edhe të Presidentit të SHBA, Donald Trump dhe shumë yjeve të tjerë të artit botëror, Carlos nisi fort sfidën, duke komanduar lojën me goditjen e tij të drejtpërdrejtë nga qendra e fushës dhe duke fituar setin e parë me dy break.
    Në pjesën e dytë, Jannik shërbeu më mirë, manovroi me më shumë rend dhe e barazoi rezultatin duke rritur ritmin e këmbimit. Reagimi i tij nuk ndikoi në planin taktik të spanjollit. Sërish në sulm, i qëndrueshëm në variacionet e tij dhe i ashpër me goditjet e tij të kthimit nga linja e anës, Alcaraz i dha vetëm një game italianit në setin e tretë teksa Sinner arriti të fitonte vetëm 1 Game, ndërsa më pas në setin e 4 do të ishte sërish spanjolli që e mbylli ndeshjen duke vazhduar të luajë dhe të shërbejë në mënyrë agresive deri në 6-4 përfundimtar.

    Sinner komplimentoi në përfundim të ndeshjes Alcaraz, duke pranuar se kishte dhënë gjithçka në fushë, por spanjolli ishte më lart se sa ai. Në këtë mënyrë Alcaraz ngjitet në majën e renditjes së tenistëve botëror, duke “rrëzuar nga froni” Sinnerin pas plotë 65 javëve, kur italiani mbajti primatin në renditjen ATP.

  • Sinner lë kreun e renditjes pas 65 javësh, Sabalenka konsolidon pozitat e saj në krye

    Sinner lë kreun e renditjes pas 65 javësh, Sabalenka konsolidon pozitat e saj në krye

    Pas 65 javësh radhazi në majë, tenisti italian Jannik Sinner ka lënë kreun e renditjes botërore për meshkuj. Humbja në finalen e US Open ka qenë fatale për të, duke i lënë kreun Carlos Alcaraz.
    Tenisti spanjoll rikthehet në krye të klasifikimit pas më shumë se një viti dhe mund ta mbyllë vitin në krye, duke qenë se Sinner do t’i duhet të mbrojë shumë pikë muajt në vijim. Në “top-5” qëndron ende Djokovic.
    Te femrat, Aryna Sabalenka konsolidon pozitat e saj në vendin e parë, madje shkëputur mbi 3000 pikë nga ndjekëset. Fitorja në US Open ka forcuar pozitat e bjelloruses, ndërkohë që Iga Swiatek qëndron në vendin e dytë.
    Top-5, meshkuj
    1.Carlos Alcaraz, 11.540 pikë
    2.Jannik Sinner, 10,780 pikë
    3.Alexander Zverev, 5,930 pikë
    4.Novak Djokovic, 4,830 pikë
    5.Taylor Fritz, 4,675 pikë
    Top-5, femra
    1.Aryna Sabalenka, 11,225 pikë
    2.Iga Swiatek, 7,933 pikë
    3.Coco Gauff, 7,874 pikë
    4.Amanda Anisimova, 5,159 pikë
    5.Mirra Andreeva, 4,793 pikë

  • Carlos Alcaraz triumfon në US Open, mund Sinner në finale dhe rikthehet numri 1 në botë

    Carlos Alcaraz triumfon në US Open, mund Sinner në finale dhe rikthehet numri 1 në botë

    Tenisti spanjoll Carlos Alcaraz është shpallur të dielën në mbrëmje fitues i grand slam të US Open për meshkuj për vitin 2025. Në finalen e luajtur në Nju Jork, ai mposhti 3-1 (6-2, 3-6, 6-1, 6-4) italianin Jannik Sinner.
    Një fitore e merituar për spanjollin, që rikthehet fitues në US Open pas tri vitesh. Për Alcaraz ky është suksesi i dytë në këtë turne, pas atij të vitit 2022. Në total, për Alcaraz ky është grand slam nr.6 i fituar në karrierë.
    Ndeshja u dominua nga spanjolli (2 orë e 40 minuta), që edhe pse humbi në setin e dytë, ishte ndjeshëm më superior se rivali italian. Sinner bëri mjaft gabime, nuk ishte në gjendje të shërbente mirë, duke dorëzuar trofeun fituar një vit më parë.
    Përveç titullit, Sinner dorëzoi edhe kreun e renditjes botërore, pasi tashmë është Alcaraz ai që ndodhet në komandë. Për italianin kjo ishte finalja e pestë radhazi në një grand slam, por këtë herë u detyrua të ngrejë “flamurin e bardhë”.
    Alcaraz bëri një ndeshje thuajse të përkryer, duke dominuar në lojën në fundore dhe përfituar nga gabimet e kundërshtarit. Dy tenistët luajtën për të tretën herë radhazi në finalen e një grand slam këtë vit.
    Alcaraz fitoi në Roland Garros, ndërsa Sinner në Wimbledon. Tashmë ishte radhaze spanjollit të buzëqeshte sërish. Në përballjet direkte, Alcaraz udhëheq 10-5 ndaj italianit, që zbret në vendin e dytë të renditjes botërore.

  • Sinner dhe Alcaraz sfidë edhe në finalen e US Open, Djokovic dorëzohet në gjysmëfinale

    Sinner dhe Alcaraz sfidë edhe në finalen e US Open, Djokovic dorëzohet në gjysmëfinale

    6 Shtator 2025

    9:01

    Telesport

    Ashtu sikurse ndodhi edhe në Roland Garros e Wimbledon, do të jenë italiani Jannik Sinner dhe spanjolli Carlos Alcaraz dy tenistët që do të duelojnë për fitimin e trofeut të US Open, turneu që po zhvillohet në Nju Jork.
    Sinner, numri 1 në botë, mposhti 3-1 (6-1, 3-6, 6-3, 6-4) kanadezin Felix Auger-Aliassime. Një ndeshje me emocione, sidomos në gjysmën e dytë të saj, por italiani bëri diferencën në fushë.
    Sinner është kampion në fuqi dhe i duhet fitorja për të mbrojtur trofeun dhe vendin e parë. Përballë do të jetë Alcaraz, që në gjysmëfinalen tjetër mundi 3-0 (6-4, 7-6, 6-2) serbin Novak Djokovic.
    Një ndeshje emocionuese në dy setet e para, pasi në të tretin spanjolli bëri diferencën në fushë. Për serbin një tjetër “stop” në gjysmëfinalen e një grand slam-i, ku duket se nuk kalon dot dy finalistët e 3 turneve të fundit.

  • Sinner siguron gjysmëfinalet e US Open, Swiatek eliminohet në çerekfinale

    Sinner siguron gjysmëfinalet e US Open, Swiatek eliminohet në çerekfinale

    4 Shtator 2025

    9:52

    Telesport

    Janë mbyllur sot ndeshjet çerekfinale të grand slam-it të US Open, duke përcaktuar gjysmëfinalistët e fundit. Numri 1 në botë për meshkuj dhe kampioni në fuqi Jannik Sinner avancon më tej.
    Italiani fitoi 3-0 (6-1, 6-4, 6-2) ndaj patriotit të tij Lorenzo Musetti dhe në gjysmëfinale do të përballet me kanadezin Felix Auger-Aliassine. Ai mposhti 3-1 (4-6, 7-6, 7-5, 7-6) australianin Alex de Minaur.
    Te femrat, surpriza më e madhe është eliminimi i polakers Iga Switek. Numri 3 në botë u mund 2-0 (6-4, 6-3) nga tenistja amerikane Amanda Anisimova. Përballë saj do të jetë japonezja Naomi Osaka, që mundi 2-0 çeken Karolina Muchova (6-4, 7-6).

  • Sinner “pret biletën” për në raundin e 4-t të US Open, kualifikohen edhe Swiatek e Gauff

    Sinner “pret biletën” për në raundin e 4-t të US Open, kualifikohen edhe Swiatek e Gauff

    Janë mbyllur sot takimet e raundit të tretë në grand slam të US Open, turne që zhvillohet në Nju Jork. Numri 1 në botë për meshkuj, italiani Jannik Sinner, fitoi 3-1 me përmbysje ndaj kanadezit Denis Shapovalov (5-7, 6-4, 6-3, 6-3).
    Një tjetër Italian që avancon më tej është Lorenzo Musetti, ndërkohë që edhe numri 3 në botë, gjermani Alexander Zverev, siguron një biletë për në raundin e katërt. Kualifikohen edhe Andrey Rublev e Alex de Minaur.
    Te femrat, numri 2 në botë, polakja Iga Swiatek, fitoi 2-0 (7-6, 6-4) ndaj ruses Alina Kalinskaya. Në raundin e katërt shkon edhe tenistja amerikane Coco Gauff, numri 3 në botë, fituese në vitin 2023.
    Fitore të vështirë korri tenistja japoneze Naomi Osaka, ndërkohë që në raundin e katërt kanë avancuar edhe ajo amerikane Anika Anisimova, M.Kostyuk e Ukrainës, K.Muchova e Cekise dhe Haddaa Maia e Brazilit.