Lajmidites.com

Tag: sinagogë

  • Protesta në Londër në mbështetje të “Palestina Action”/ Vihen në pranga 300 persona, tensione të ashpra pas sulmit në sinagogë

    Protesta në Londër në mbështetje të “Palestina Action”/ Vihen në pranga 300 persona, tensione të ashpra pas sulmit në sinagogë

    Policia Metropolitane arrestoi 300 persona në Londër gjatë protestave të zhvilluara në mbështetje të grupit të ndaluar “Palestina Action”.

    Protesta u organizua nga lëvizja “Mbrojini Juritë Tona” në Sheshin Trafalgar, ku morën pjesë qindra njerëz, pavarësisht thirrjeve për shtyrjen e saj, pas një sulmi tragjik në një sinagogë në Mançester ku u vranë dy persona hebrenj.
    Protestuesit mbanin pankarta me mbishkrimet “Unë kundërshtoj gjenocidin” dhe “Unë mbështes Veprimin për Palestinën”, ndërsa Policia Metropolitane dërgoi mbi 1,500 efektivë për të mbikëqyrur situatën.
    Gjashtë persona u arrestuan gjithashtu për shpalosjen e banderolave në Urën e Westminster-it.
    Organizatorët thanë se protesta ishte paqësore dhe kishte për qëllim të dënonte dhunën në Gaza, jo të sfidonte komunitetin hebre.
    “Nuk ka asnjë dyshim se të gjithë ata që marrin pjesë në vigjiljen e heshtur do të tregojnë respekt dhe pikëllim të vërtetë për ata që u prekën nga mizoria në Heaton Park,” tha Jonathon Porritt nga “Mbrojini Juritë Tona”.
    “Por kjo nuk do të thotë që duhet të heqim dorë nga e drejta për të mbrojtur ata që po shkatërrohen nga një gjenocid i vazhdueshëm në kohë reale në Gaza”, shtoi ai.
    Nga ana tjetër, komuniteti hebre dhe organizata bamirëse Community Security Trust (CST) e cilësuan protestën si të papërshtatshme dhe provokuese.
    “Të pretendosh se mbron të drejtat e njeriut, ndërkohë që ia heq policisë mundësinë për të mbrojtur sigurinë e hebrenjve që thjesht duan të shkojnë në sinagogë, është thellësisht egoiste dhe e pandjeshme”, tha Dave Rich, përfaqësues i CST.
    “Palestina Action” u ndalua nga qeveria britanike në korrik 2025, sipas ligjit kundër terrorizmit, pas një sërë aksionesh të dhunshme ndaj bazave ushtarake dhe furnizuesve të armëve të Izraelit. Çdo shfaqje mbështetjeje ndaj grupit tani është e paligjshme.
    Grupi po sfidon ndalimin ligjërisht dhe organizatat protestuese kërkojnë rikthimin e të drejtës për të shprehur solidaritet paqësor.
     

    Top Channel

  • Protesta në Londër në mbështetje të “Palestina Action”/ Vihen në pranga 175 persona, tensione të ashpra pas sulmit në sinagogë

    Protesta në Londër në mbështetje të “Palestina Action”/ Vihen në pranga 175 persona, tensione të ashpra pas sulmit në sinagogë

    Policia Metropolitane arrestoi 175 persona në Londër gjatë protestave të zhvilluara në mbështetje të grupit të ndaluar “Palestina Action”.

    Protesta u organizua nga lëvizja “Mbrojini Juritë Tona” në Sheshin Trafalgar, ku morën pjesë qindra njerëz, pavarësisht thirrjeve për shtyrjen e saj, pas një sulmi tragjik në një sinagogë në Mançester ku u vranë dy persona hebrenj.
    Protestuesit mbanin pankarta me mbishkrimet “Unë kundërshtoj gjenocidin” dhe “Unë mbështes Veprimin për Palestinën”, ndërsa Policia Metropolitane dërgoi mbi 1,500 efektivë për të mbikëqyrur situatën.
    Gjashtë persona u arrestuan gjithashtu për shpalosjen e banderolave në Urën e Westminster-it.
    Organizatorët thanë se protesta ishte paqësore dhe kishte për qëllim të dënonte dhunën në Gaza, jo të sfidonte komunitetin hebre.
    “Nuk ka asnjë dyshim se të gjithë ata që marrin pjesë në vigjiljen e heshtur do të tregojnë respekt dhe pikëllim të vërtetë për ata që u prekën nga mizoria në Heaton Park,” tha Jonathon Porritt nga “Mbrojini Juritë Tona”.
    “Por kjo nuk do të thotë që duhet të heqim dorë nga e drejta për të mbrojtur ata që po shkatërrohen nga një gjenocid i vazhdueshëm në kohë reale në Gaza”, shtoi ai.
    Nga ana tjetër, komuniteti hebre dhe organizata bamirëse Community Security Trust (CST) e cilësuan protestën si të papërshtatshme dhe provokuese.
    “Të pretendosh se mbron të drejtat e njeriut, ndërkohë që ia heq policisë mundësinë për të mbrojtur sigurinë e hebrenjve që thjesht duan të shkojnë në sinagogë, është thellësisht egoiste dhe e pandjeshme”, tha Dave Rich, përfaqësues i CST.
    “Palestina Action” u ndalua nga qeveria britanike në korrik 2025, sipas ligjit kundër terrorizmit, pas një sërë aksionesh të dhunshme ndaj bazave ushtarake dhe furnizuesve të armëve të Izraelit. Çdo shfaqje mbështetjeje ndaj grupit tani është e paligjshme.
    Grupi po sfidon ndalimin ligjërisht dhe organizatat protestuese kërkojnë rikthimin e të drejtës për të shprehur solidaritet paqësor.
     

    Top Channel

  • Sulmi në sinagogë në Mançester, dëshmitari: Pashë të keqen dhe urrejtjen tek autori

    Sulmi në sinagogë në Mançester, dëshmitari: Pashë të keqen dhe urrejtjen tek autori

    Një dëshmitar në Mançester, njëkohësisht edhe drejtues i lutjeve, ka rrëfyer momentet dramatike kur një person u përpoq të hynte me forcë në sinagogë, e më pas të kryente sulmin me pasoja në jetë njerëzish.

    “Pashë të keqen, pashë urrejtjen”, tha ai për BBC.
    Dëshmitari Daniel Walker është shprehur se ai dhe të tjerë mbajtën me forcë të mbyllura dyert e sinagogës Heaton Park, ndërsa sulmuesi Jihad Al-Shamie përpiqej të hynte brenda.
    “Po sulmonte dyert, hidhte vazo të rënda me bimë, bënte gjithçka që mundej për të hyrë. Duhet ta them se pashë heroizëm të vërtetë. Njerëz që vrapuan për të ndihmuar të tjerët, jo për të ikur. Ishte e mahnitshme”, tregoi Walker.
    Sipas tij, sulmi ndodhi pak para se të niste shërbesa për Yom Kippur, kur më vonë pritej prania e qindra personave në ambient.
    “Nëse një zotëri në veçanti nuk do të kishte vepruar aq shpejt për të mbyllur dyert, mund ta imagjinojmë se çfarë tragjedie mund të kishte ndodhur”, shtoi ai.
    Gjatë sulmit, dy persona humbën jetën, Adrian Daulby, 53 vjeç, dhe Melvin Cravitz, 66 vjeç, ndërsa tre të tjerë mbeten në spital me lëndime të rënda.
    Sulmuesi, Jihad Al-Shamie, u qëllua për vdekje nga policia në vendngjarje. Policia e Mançesterit të Madh ka konfirmuar se një nga viktimat është goditur nga të shtënat e gjatë përpjekjes për të neutralizuar autorin. Policia e ka klasifikuar sulmin si një incident terrorist.

    Top Channel

  • Sulm në një sinagogë në Mançester, raportohet për katër të plagosur/ Policia ekzekuton autorin e krimit

    Sulm në një sinagogë në Mançester, raportohet për katër të plagosur/ Policia ekzekuton autorin e krimit

    Një sulm i rëndë ka ndodhur në Mançester, teksa policia britanike raporton se ka ndodhur në një sinagogë në Mançester, në Anglinë veriore.

    Autori i dyshuar u ekzekutua nga policia, teksa katër persona u plagosën nga një automjet dhe sulmet me thikë.

    “Policia u thirr në Sinagogën e Kongregacionit Hebraik të Heaton Park, në orën 9:31 të mëngjesit, nga një person, i cili deklaroi se kishte qenë dëshmitar i një makine që po drejtohej drejt qytetarëve që ndodheshin atje, dhe i një burrë të plagosur me thikë”, tha policia, sipas CNN.