Pas Enea Mihajt, Silvinjo ka ndjekur nga afër një tjetër lojtar të Kombëtares. Trajneri i Shqipërisë, ishte në stadiumin “San Siro” të Dielën, për ndeshjen mes Milanit dhe Atalantës.Tekniku brazilian ishte së bashku me zëvendëstrajnerin Pablo Zabaleta, për të vëzhguar nga afër paraqitjen e kapitenit kuqezi, Berat Gjimshiti, pjesë e formacionit të Atalantës.
Mbrojtësi shqiptar u aktivizua për 59 minuta, por u detyrua të lërë fushën për shkak të një dëmtimi. Lojtari do i nënshtrohet testeve, për të kuptuar shkallën e lëndimit.Vizitat e Silvinjos në klubet europiane do të vijojnë, në kuadër të përgatitjeve për kualifikueset e Kampionatit Botëror 2026, me qëllim vëzhgimin dhe takimin me futbollistët e ekipit kombëtar./TV Klan
Tag: silvinjo
-
Silvinjo ndjek kapitenin nga afër, por Gjimshiti dëmtohet në Milan-Atalanta
-
Silvinjo dhe Zabaleta shkojnë për të ndjekur një tjetër lojtar, shohin kapitenin tonë në ndeshjen kundër Milanit
Trajneri i Kombëtares shqiptare, Silvinjo, së bashku me zëvendëstrajnerin Pablo Zabaleta, ndoqën mbrëmjen e së dielës ndeshjen Milan – Atalanta, e zhvilluar në stadiumin “San Siro”.
Stafi teknik i Kombëtares vëzhgoi nga afër paraqitjen e kapitenit kuqezi, Berat Gjimshiti, pjesë e formacionit të Atalantës. Mbrojtësi shqiptar u aktivizua për 59 minuta, por u detyrua të lërë fushën për shkak të një dëmtimi.
Vizitat në klubet europiane do të vijojnë, në kuadër të përgatitjeve për kualifikueset e Kampionatit Botëror 2026, me qëllim vëzhgimin dhe takimin me futbollistët e ekipit kombëtar. -
Trajneri Silvinjo dhe Zabaleta ndjekin ndeshjen Milan-Atalanta në “San Siro”
21 Prill 2025
16:23
Telesport
Trajneri i Kombëtares shqiptare, Silvinjo, së bashku me zëvendëstrajnerin Pablo Zabaleta, ndoqën mbrëmjen e së dielës ndeshjen Milan – Atalanta, e zhvilluar në stadiumin “San Siro”.
Stafi teknik i Kombëtares vëzhgoi nga afër paraqitjen e kapitenit kuqezi, Berat Gjimshiti, pjesë e formacionit të Atalantës. Mbrojtësi shqiptar u aktivizua për 59 minuta, por u detyrua të lërë fushën për shkak të një dëmtimi.
Vizitat në klubet europiane do të vijojnë, në kuadër të përgatitjeve për kualifikueset e Kampionatit Botëror 2026, me qëllim vëzhgimin dhe takimin me futbollistët e ekipit kombëtar. -
Trajneri Silvinjo ndjek nga afër Enea Mihajn ndeshjen Porto – Famalicao
Në vijim të punës së vëzhgimit të lojtarëve të Kombëtares shqiptare që aktivizohen në kampionatet europiane, trajneri Silvinjo ishte i pranishëm mbrëmjen e së premtes në ndeshjen Porto – Famalicao, e vlefshme për kampionatin portugez.
Trajneri brazilian ndoqi nga afër paraqitjen e mbrojtësit të Kombëtares, Enea Mihaj, i cili është pjesë e Famalicaos. Mihaj luajti për 90 minuta të plota dhe ishte graduar kapiten i skuadrës në këtë takim.
Trajneri Silvinjo do të vijojë turin e tij në disa vende të Europës, teksa stafi teknik po përgatitet për ndeshjet e ardhshme të Shqipërisë në kualifikueset e Kampionatit Botëror. -
Skuka nuk ndalet në Rumani, Bajrami 88 pasime të sakta, Mehmeti ende pa ftesë nga Silvinjo
Adriatik BALLA
Lojtarët shqiptarë që luajnë në kampionatet e lindjes po rrisin performancën e tyre cilësore në këtë fundsezoni dhe gjërat për ta po shkojnë në drejtimin e duhur, por së fundmi dhe në Portugali po spikasin lojtarët shqiptarë e këtu është fjala për mesfushorin Ardijan Bajrami. Xhuliano Skuka po “abonohet” me golin në elitën e futbollit rumun. Sulmuesi 26-vjeçar, ka gjetur sërish rrugën e rrjetës me fanellën e Poli Iasit në duelin ndaj Gloria Buzaut. I aktivizuar si titullar, vetëm 3 minuta, i mjaftuar futbollistit dibran për të tundur rrjetën, duke i dhuruar avantazhin skuadrës së tij në transfertë. Ish-sulmuesi i Partizanit, përfitoi nga një top i kthyer gabim nga një prej mbrojtësit kundërshtar, teksa me një parabol fantastik brenda zonës, arriti të mposhte portierin kundërshtar. Ky është goli i dytë në 7 ndeshje për Skukën me fanellën e Poli Iasit në kampionatin elitar të Rumanisë. Sulmuesi duket se po fiton gradualisht besimin e drejtuesve, duke u shndërruar në një futbollist të rëndësishëm.
88 pasime të sakta, Bajrami statistika prej talenti te Benfika
Ndërkohë që Skuka ka spikatur për golin e bukur në Rumani, një tjetër talent shqiptar bën performancë cilësore në Portugali. Kështu, ishte moment special për mbrojtësin e Kombëtares Shqiptare, Ardian Bajrami, i cili së fundmi luajti për herë të parë me fanellën e Benfikës në një ndeshje zyrtare, ku skuadra e tij triumfoi me rezultatin 5-0 ndaj Tirsenses në Kupën e Portugalisë, në duelin e parë gjysmëfinal. Bajrami luajti nga minuta e parë deri në fund, duke bërë një paraqitje dinjitoze. Ky ishte edhe debutimi i mbrojtësin shqiptar me skuadrën e parë të Benfikës, duke e justifikuar plotësisht besimin e dhënë. Bajrami u vlerësua me notën 7.1 nga faqja e specializuar e statistikave “Sofa Score”, teksa regjistroi 88 pasime të sakta nga 95 në total, si dhe fitoi 3 duele me kundërshtarët.
Anis Mehmeti e meriton një shans
Një nga futbollistët që pritej të ftohej nga trajneri Silvinjo në muajin mars, për ndeshjet që u luajtën kundër Anglisë dhe Andorrës, Anis Mehmeti, nuk u ftua dhe kjo shkaktoi bujë në media dhe pati kritika për trajnerin Silvinjo. Në kushtet kur sulmi po çalonte dhe duhej një forcë re, Mehmeti mund të jepte kontributin tij dhe mund të ishte një zgjedhje e re efikase në sulm, por ai as nuk u ftua në grumbullim nga tekniku i Kombëtares. Lojtari që luan me Bristol Sitin në ligën e dytë angleze ka të dhëna të mira dhe po kalon një sezon pozitiv, me gola e asiste dhe e meritonte një shans, të paktën një ftesë në grumbullim. Por Silvinjo, me sa duket, e ka zgjedhur grupin që i beson dhe këtë e tregoi edhe në grumbullimin e marsit. Sidoqoftë, në qershor mund të ketë ndonjë surprizë në ftesat që do të bëhen, pasi në vijimësi skuadra ka nevojë për përtëritje. Informacione të ndryshme nga stafi kuqezi flasin edhe për emra të tjerë që janë në projekt, por ndoshta më parë Silvinjo do t’i testojë ata në ndonjë grumbullim, ose do t’i ndjekë nga afër në skuadrat ku aktivizohen. -
“Silvinjo është shqiptarizuar edhe në ide”! Artan Hoxha: Nuk më harrohet ndeshja me Kroacinë, nuk po guxon më si më parë kur erdhi
Artan Hoxha ishte i ftuar në emisionin “Max Sport” që transmetohet në “EuroNeës Albania”. Gazetari është ndalur edhe te Silvinjo, teksa shprehet se ky trajner nuk po guxon më si më parë kur erdhi te Shqipëria. Hoxha ka përmendur edhe ndeshjen e famshme me Kroacinë në Europianin e Gjermanisë, pengu më i madh i shqiptarëve.
“Silvinjo është një trajner i ri dhe ndoshta po i kërkojmë më shumë. Mua nuk më harrohet ajo ndeshja kundër Kroacisë në Hamburg, ishim në minutën e 60 dhe vazhdonte të mos bënte ndërrime. Ndërkohë Kroacia ishte e gjithë e hapur përpara, ndërsa ne ishim të ngelur aty mbrapa. Nuk është fare Kroacia e dobët, ajo di gjithmonë sesi të godas. Atë guxim që Silvinjo e kishte dikur, tani është shqiptarizuar dhe mendon të mos hajë më shumë gola. Silvinjo është bërë shqiptar në ide, e ka kuptuar atë që duam ne dhe atë po bën. Kur erdhi në fillim, Silvinjo guxoi”, tha Hoxha. /Sport Ekspres/? -
Jasir Asani besnik me Silvinjon edhe kur trajneri e lë në stol, Zhegrova ëndërron dyshe sulmi me Brojën
Adriatik BALLA
Sulmuesi anësor i Kombëtares, Jasir Asani, i është besnik trajnerit Silvinjo edhe kur tekniku brazilian e lë në stol, madje edhe sikur ta dërgojë në tribuna. Kjo pasi Asani sheh te Silvinjo personin që e ftoi në Kombëtare, duke e marrë nga Korea e Jugut dhe duke e veshur kuqezi, ku ai përjetoi me fanellën e përfaqësueses emocione të papara. “Silvinjo me mori nga Korea dhe me dha mundësinë të veshë fanellën kuqezi, nëse ai ma kërkon jo në stol por në tribuna shkojë, emocionin qe ma ka dhëne debutimi me kombëtaren nuk do ma jepte as fitimi i kupës së botës me një kombëtare tjetër, unë nuk jam mosmirënjohës dhe kurrë nuk do refuzoja të dilja në nxemje, siç shpifet nga disa media”, shprehet Asani. Ai luajti ndaj Anglisë, por u la në stol në përballjen ndaj Andorrës në “Air Albania”. Në media u shkrua se Asani ishte i pakënaqur me vendimin e trajnerit Silvinjo.
Zhegrova: Me Brojën do të kisha bërë një dyshe fantastike
Fjalë të mira për përfaqësuesen kuqezi dhe sulmuesin Armando Broja ka dhënë së fundmi edhe sulmuesi i Kosovës, Edon Zhegrova. Ai është i bindur se bashkë me Brojën do të kishin formuar një dyshe fantastike në fushë dhe që do të bënin shumë gola. Për të do të ishte krejt normale që ai të luante për Shqipërisë, asi Kosova e Shqipëria janë një. “Unë dhe Broja, çfarë dyshe do të kishim qenë bashkë. Nëse do të kishte ekzistuar si mundësi, do luaja si për Kosovën ashtu edhe për Shqipërinë, sepse për mua të dyja janë një”, theksoi Zhegrova. Ndërkohë, Lila të premten njoftoi për mungesën e Zhegrovës dhe Ethan Mbapesë. Për yllin kosovar në konferencë për shtyp foli trajneri i Lilës, Bruno Genesio. “Ne kemi shpresuar ta kemi në skuadër Zhegrovën për të dielën. Qartë se nuk prisnim që ai të ishte gati të luante nga fillimi pasi Edoni është jashtë për më shumë se tre muaj. Por në fund gjendja e tij nuk ishte aq e kënaqshme sa ta përfshijmë në skuadër”, tha Genesio. Zhegrova po e vazhdon rehabilitimin gradual në skuadër, ka vazhduar trajneri i Lilës. Zhegrova i është nënshtruar një ndërhyrjeje, por faza e rikuperimit po zgjat më shumë se që pritej. Më 5 prill, Lila luan në udhëtim ndaj Lionit, në kuadër të xhiros së 28-të. Në atë ndeshje Zhegrova mund të përfshihet në skuadër.
Kulolli shkëlqen me Sionin, dëshiron të luajë për Kosovën
32-vjeçari kosovar, Benjamin Kololli po shkëlqen te Sioni në Superligën e Zvicrës, duke rigjetur formën e tij të dikurshme. Pas rikthimit nga Japonia – së pari te Bazeli e pastaj te Sioni – në futbollin zviceran, Kololli tashmë po shkëlqen, duke shënuar gjashtë gola e dy asistime në 14 ndeshje në elitën e futbollit zviceran. Mirëpo, këto statistika duket se nuk e kanë zgjuar interesimin te Kosova për ta rikthyer në kombëtare. Për këtë ka folur vetë Kololli për “Blick”. “Nuk jam dëgjuar kurrë me të. Kështu që gjithë çfarë unë duhet të bëj te Sioni është ta jap më të mirën dhe automatikisht të bëhem qendër e vëmendjes”, ka thënë Kololli. Benjamin Kololli ka 24 paraqitje me kombëtaren e Kosovës, mirëpo nuk është ftuar te kombëtarja dardane që nga viti 2022. Ndeshja e tij e fundit ishte ndaj Greqisë në Ligën e Kombeve, më 5 qershor 2022.