Lajmidites.com

Tag: sigurimeve

  • Rritje e qëndrueshme e tregut të sigurimeve vullnetare, zgjerim edhe i kontratave

    Rritje e qëndrueshme e tregut të sigurimeve vullnetare, zgjerim edhe i kontratave

    Ekonomi E Diel, 30 Nëntor 2025 15:41
    Tregu i sigurimeve vullnetare vijoi të zgjerohet gjatë periudhës janar-tetor të këtij viti, duke shënuar ritme pozitive rritjeje në pothuajse të gjitha portofolat. Tendenca konfirmon interesin në rritje të individëve dhe bizneseve për mbrojtje financiare më të gjerë, si dhe një stabilizim të strukturës së tregut.
    Sipas të dhënave paraprake, primet e sigurimit vullnetar arritën rreth 8,4 miliardë lekë, me një rritje prej 6,79% krahasuar me të njëjtën periudhë të një viti më parë. Edhe numri i kontratave u rrit në të njëjtën linjë, me 6,58%, çka tregon se rritja nuk është vetëm në vlerë monetare, por edhe në zgjerim të bazës së klientëve.

    Rritje ka pësuar edhe segmenti i sigurimeve vullnetare të Jo-Jetës, me një ecuri pozitive prej 4,97%, çka reflekton rritjen e kërkesës për mbrojtje ndaj riskut të pronës, përgjegjësive dhe forcave të natyrës.

    Portofolat e “Pronës, përgjegjësive dhe garancive” siguruan mbi 3,58 miliardë lekë gjatë periudhës, duke mbajtur peshën kryesore në tregun e Jo-Jetës. Brenda këtij grupi, sigurimi nga “Zjarri dhe dëmtime të tjera në pronë” zuri vendin kryesor me 67,07% të të ardhurave totale, i ndjekur nga sigurimi i përgjegjësisë së përgjithshme, me 23,25%. Ky dominim tregon se bizneset po i kushtojnë më shumë vëmendje menaxhimit të riskut dhe mbrojtjes së aseteve.

    Ndërkohë, portofoli i “Zjarrit dhe forcave të natyrës” regjistroi një rritje të qëndrueshme, si në vëllimin e primeve të shkruara bruto me 4,53%, ashtu edhe në numrin e kontratave, me një rritje të fortë prej 9,92%. Ky rezultat lidhet edhe me ndërgjegjësimin në rritje për pasojat e fenomeneve klimatike.
    Tregu i sigurimeve të aksidenteve dhe shëndetit arriti të gjenerojë rreth 1,201 miliardë lekë, një rritje prej 2,67%, ndërsa kërkesa për produkte të kujdesit shëndetësor privat vijon të jetë e qëndrueshme.
    Segmenti i sigurimeve të Jetës ka shënuar një nga performancat më të forta në treg, me primet që arritën 1,862 miliardë lekë, një rritje e ndjeshme prej 13,87% krahasuar me vitin 2024. Ky zhvillim i atribuohet zgjerimit të ofertave të paketave afatgjata të kursimit dhe rritjes së ndërgjegjësimit për planifikimin financiar.
    ATSH

  • Tregu i sigurimeve rritet me 10,5%, dominon sigurimi i pasurisë dhe nga aksidentet

    Tregu i sigurimeve rritet me 10,5%, dominon sigurimi i pasurisë dhe nga aksidentet

    Tregu i sigurimeve njohu rritje të konsiderueshme gjatë periudhës janar-tetor.
    Sipas raportit të publikuar nga Autoriteti i Mbikëqyrjes Financiare (AMF), të ardhurat nga primet e shkruara bruto arritën 22.397 milionë lekë, një rritje prej 10,53% krahasuar me vitin e kaluar.
    Kjo rritje pasqyron një zgjerim të tregut dhe një rritje të kërkesës për produkte sigurimesh.Gjatë këtij periudhe, numri i kontratave të lidhura është rritur me 5,12%, duke arritur në 1.384.414 kontrata.
    Sigurimet e Jo-Jetës mbeten dominueset në treg, duke përfaqësuar 91,65% të totalit të primeve të shkruara, ndërsa sigurimet e Jetës përbëjnë vetëm 8,32%.
    Ky raport tregon se tregu i sigurimeve në Shqipëri është ende i orientuar kryesisht drejt produkteve që ofrojnë mbrojtje për pasuritë dhe aksidentet, sesa për sigurimet afatgjata të jetës.
    Në segmentin e sigurimeve motorike, sigurimi i detyrueshëm motorik (MTPL) njohu rritje të fortë prej 13,97%, duke pasuar një rritje të numrit të kontratave me 7,47%.Ndërsa sigurimi kufitar pësoi rënie të lehtë prej 1,47%.
    Sigurimet vullnetarë patën gjithashtu një rritje prej 6,79% në primet e shkruara, duke arritur 8,493 milionë lekë.
    Sigurimi i pronës dhe përgjegjësisë ka kontribuar ndjeshëm në këtë rritje, veçanërisht sigurimi nga zjarri dhe forcat e natyrës, që pati rritje prej 4,53%.Nga ana tjetër, sigurimet e Jetës shënuan një rritje të dukshme prej 13,87%.

     

  • Rama: Mikrosigurime për të zgjeruar mbulimin e familjeve dhe biznesit të vogël

    Rama: Mikrosigurime për të zgjeruar mbulimin e familjeve dhe biznesit të vogël

    Kryeministri Edi Rama nënvizoi dje rëndësinë e zgjerimit të mbulimit me sigurime te biznesi i vogël dhe familjet me të ardhura të ulëta. Në Konferencën Vjetore të IAIS (Organizata Botërore e Mbikëqyrësve të Sigurimeve), mbledhja më e madhe e mbikëqyrësve të sigurimeve, që zhvillohet për herë të parë në rajonin e Ballkanit, në Tiranë, Rama u shpreh se mikrosigurimet mund të ndihmojnë në këtë drejtim. Në rastin e Shqipërisë, Kryeministri theksoi se pavarësisht përpjekjeve për mbulim më të mirë me sigurime, ende shumë familje dhe biznese të vogla mbeten pa mbrojtjen e nevojshme.
    Dëmi i katastrofave të tilla si përmbytjet, zjarret, tërmetet, sipas Kryeministrit, mund të shkatërrojnë vite pune të mundimshme duke i lënë ata të pambrojtur. “Rruga përpara është e qartë. Na duhet të zgjerojmë rrjetat tona të sigurimit për të përfshirë më shumë individë, sektorë dhe lloje rreziqesh dhe të sigurohemi që këto zgjidhje të mund të merren nga gjithkush”, shtoi Rama. Rama theksoi se “ana pozitive e kësaj tabloje të zymtë është se ka zgjidhje dhe po dalin platforma digjitale që po na fuqizojnë për të zgjeruar shtrirjen tonë, sidomos për komunitete të nënshërbyera”.
    “Evoluimi i vazhdueshëm digjital që po kalojmë synon të krijojë tërheqje më efikase, më të aksesueshme, përfshi sigurimet. Detyrimi ndaj qytetarëve tanë është që t’i ndihmojmë t’i shohin sigurimet si një pjesë thelbësore jetës së tyre dhe si një investim në të ardhmen e tyre”, shtoi Rama. Strategjitë novatore të sigurimeve, sipas tij, ofrojnë premtimin e rezistencës për të gjithë. “Nisma si mikrosigurimet mund të ndihmojnë në zgjerimin e mbulimit duke përfshirë bizneset e vogla dhe individët me të ardhura të ulëta, duke lidhur ngushtë sigurinë shoqërore me zgjidhjet e orientuara nga tregu. Kur bëhet me sukses sigurimi gjithëpërfshirës, garanton siguri”, shtoi Rama. Ndërkohë, Kryeministri theksoi se harmonizimi i politikave mes vendeve ndërton një përgjigje më të fortë ndaj krizave.

  • Rritja e pensioneve, sa shtohet çdo muaj dhe kush përfiton më shumë, eksperti zbulon prapaskenat e buxhetit dhe…

    Rritja e pensioneve, sa shtohet çdo muaj dhe kush përfiton më shumë, eksperti zbulon prapaskenat e buxhetit dhe…

    Eksperti i ekonomisë, Kujtim Hoxha, ka komentuar në një studio televizive vendimin e qeverisë për rritjen e pensioneve dhe pagave që pritet të hyjë në fuqi në vitin 2026 dhe në vitet pasuese. Sipas tij, ndryshimet e parashikuara në projektbuxhetin e vitit 2026 nuk përbëjnë një rritje reale të të ardhurave për qytetarët, por një shtesë fikse që nuk lidhet me indeksimin e pensioneve. Hoxha thekson se shtesa mujore prej 600 deri në 1800 lekësh për pensionistët nuk mjafton për të përblekëuar inflacionin apo koston në rritje të jetesës. Ai e cilëson këtë masë më shumë si një veprim simbolik sesa si një zgjidhje afatgjatë për shtresat në nevojë. Ndërkohë, eksperti thekson se rritja e pagës minimale në 500 euro është një hap i nevojshëm, por që mund të sjellë sfida për bizneset private. Sipas Hoxhës, qeveria duhet të ndërhyjë në mënyrë më të thelluar në skemën e sigurimeve shoqërore për ta bërë atë më të drejtë dhe më efikase. Ai paralajmëron se pa reforma strukturore, as pensionet dhe as pagat nuk do të mund të përmirësojnë realisht jetesën e qytetarëve shqiptarë.
    –Zoti Hoxha, do të doja që ne të shpjegojmë me terma të thjeshtë se çfarë është indeksimi i pagave. Indeksim vjetor në të gjitha nivelet e ka shprehur Kryeministri Edi Rama.
    Duhet t’i përmbahemi kryesisht projektbuxhetit të vitit 2026, i cili është futur në komisionin parlamentar dhe pritet të kalojë në parlament gjatë fillimit të muajit dhjetor. Aty janë parashikuar shpërndarja e buxhetit, e cila në vitin 2026 parashikohet rreth 8.44 miliardë euro. Është një shifër e rritur në krahasim me vitin 2025 dhe për këtë, sipas degëve të ekonomisë, qeveria ka parashikuar rishpërndarjen e kësaj, se si do të zbatohet ky buxhet në sektorë të ndryshëm të vendit. Këtu veçanërisht janë parashikuar edhe projektbuxheti për sigurimet shoqërore, që parashikon indeksimet dhe një bonus, e cila nuk është në kuptimin e atyre bonuseve që kanë ndodhur më përpara. Përjashtimisht, viti 2026 do të ketë një shpërndarje nëpër pensionet sipas llojit të pensionit: pensioni i pleqërisë, pension familjar dhe pension invaliditeti. Këto të ndara në zonat urbane dhe në zonat rurale.
    Gjithashtu, ka një ndarje për pensionet e plota dhe pensionet e pjesshme. Pra, ka një ndarje ndryshe nga ato të ndarjeve të mëparshme që i kishte në dy shklekëë. Pensionet që trajtoheshin deri në 200.000 lekë trajtoheshin më shumë se pensionet mbi 200.000 lekë, kështu ishte ndarë. Viti 2026 do të ketë një risi tjetër, sepse kjo dhënie shtesë në pension do të jetë e përmuajshme, pra do të jetë fikse sipas këtyre kategorive të cilat përfshihen nga 600 LEKË deri në 1800 lekë. Kjo nuk përbën ndonjë risi. Këtu lexohet që s’ka folur askush nga ata që kam ndjekur unë në studio se ç’bëhet me skemën e sigurimeve shoqërore.
    Kryeministri tha që nuk do të ketë skemë. Kush e kupton? Unë po e shpjegoj çfarë tha, duke thënë që do të ketë një shtesë sipas këtyre kategorive në mënyrë fikse çdo muaj. Përmendi që viti 2026 do ta ketë, 2027 do të dyfishohet, 2028 me radhë. Është kjo skemë, s’ka tjetër, e tha. Tani diskutojmë nëse kjo plotëson kërkesat e pensionistëve apo jo. Unë do ta bëj pak më konkrete për ta përmbledhur, sepse do të jemi të fokusuar te pagat. Këto kanë lidhje, ka një lidhje shkak-pasojë. Po them se nëse nuk ka të ardhura nga rritja e pagave, s’do të ketë as… Prandaj, këtu nuk ka ndonjë zhvillim.
    Kryeministri e ka thënë para dy muajsh, por e ka thënë në forma të tjera. Plani i Shqipërisë për vitet 2030 e tha atë. Tani e hodhi si ide dhe e futi në parlament të paktën për vitin 2026. Kjo është ndryshimi. A i zgjidh problemet kjo? Jo. Pse nuk i zgjidhi? Sepse marrim invalidët. Janë 600 LEKË do t’i shtohet vitin 2026. 2027 do të bëhet 1200, 1800 vitin tjetër dhe me radhë. 24.000 LEKË për katër vjet. Me 24.000 LEKË, një invalid që merr 200.000 LEKË, do të ketë 22.400 LEKË (shënim: burimi thotë 224, ndoshta duke nënkuptuar 224.000). Ka ndonjë ndryshim thelbësor kur nuk dihet sa do të jetë inflacioni? S’ka. Nuk është zgjidhje. Zgjidhje do të ishte nëse Kryeministri—unë prisja shumë prej tij—të nxirrte minimumin etik. Kjo ishte sfida e qeverisë dhe e të gjithë faktorëve që mund të ndikojnë në financat shqipe.
    -A kemi kusht nga Bashkimi Europian që ta kemi të përcaktuar me ligj minimumin etik për t’u integruar, për t’u anëtarësuar?
    Po, patjetër. Duhet ta kemi patjetër. Në kapitullin e dytë ka thënë për konkurrueshmërinë: A jemi konkurrentë neve me këto pensione në Europë? S’jemi. Jemi vendi i fundit, dhe në Blekëkan po mbetemi vendi i fundit për pensionin minimal. Me pensionin mesatar spekullojnë të gjithë që dalin atje, sepse s’e njohin skemën e sigurimeve shoqërore dhe thonë: “Pensioni do të vijë 400 euro”. Çfarë nënkupton pension mesatar? Ti ke në skemë aktualisht 721.000 pensionistë që marrin. Këta ndahen: 537.000 prej tyre marrin një pension nën 200€. Dhe vetëm pjesa që është mbi 237.000 e kalon kufirin e 200 euro, kështu që mesatarisht thonë mbani një pension 180-190€. Atëherë, cilat janë problemet që shqetësojnë? Jep ndonjëri zgjidhje për këto probleme?
    Kjo është e rëndësishme, sepse edhe kjo formë, kjo metodë për rishpërndarje, në koncept, tregon që: “Atë që kisha për t’jua dhënë në një vit, po jua jap muaj për muaj”. Kjo do të thotë për mua, ju u jepni idenë pensionistëve që këta nuk i administrojnë mirë këto para dhe po jua jap muaj për muaj që t’i rezervojnë. Ndryshon ndonjë gjë nëse merr një pension 100.000 LEKË? Kaq është pensioni prej 120.000 qytetarë shqiptarë. Zgjidhin gjë nga kjo? Këtë duhet të zgjidhë qeveria, qeveritë në përgjithësi, kushdo që të jetë, për ndryshimin e gjendjes sidomos për shtresat në nevojë. Me këtë, Kryeministri tha që unë nuk kam ndërmend të merrem me pension troç, sepse atë ide e kishte hedhur më përpara. Pra, nuk ka zgjidhje. Rritje? Jo. Indeksim?
    Jo. Rritje s’është. Kjo është pjesë fikse që do të merret së bashku me pensionin dhe nuk është pjesë e indeksimit. Pensioni që merr sot pensionisti do marrë atë shtesën. Kur do vijë 1 tetori, do marrë indeksimin vetëm pensioni, jo kjo pjesë shtesë. Vetëm pensioni. Kjo është ajo që duhet theksuar dhe duhet ta kuptojmë. Është e rëndësishme sepse, nëse do ta thoshte Kryeministri, ishte më kollaj të thoshte: “Të gjitha pensionet, për invaliditetit në pensionin e tyre, ishte kaq. Shtohet edhe 6.000 LEKË dhe është pjesë përbërëse e kësaj.” S’e tha. Pra, është jashtë kësaj dhe ka kuptimin e vet kjo, pse? Sepse kjo është shtesë që u bëhet në të ardhurat shtesë. Faktikisht, sepse pensionistët do ta marrin këtë, por është nga buxheti i shtetit. Nuk mund të bëhen politika. Pra, nuk është nga skema e sigurimeve shoqërore. Skema e sigurimeve shoqërore bazohet në kontributet, dhe kjo është edhe arsyeja që kur indeksohen, indeksohen me përqindje fikse, sepse ka kontribuar si ai që ka kontribuar për një pension të ulët, ashtu edhe ai për pension të madh.
    -Tani hidhemi tek pagat. Edhe për pagat, Kryeministri ka hedhur idenë më përpara, që në fushatë elektorale, që paga minimale do të rritet. Dhe 2026 parashikohet dhe do futet, se kështu është në politikat ekonomike të qeverisë. Paga minimale do të jetë 500 euro. Si ndërtohen pagat?
    Duhet ta kenë konceptin. Kjo është dyshemeja. Fillimisht përcaktohet paga e Presidentit me vendim dhe pastaj fillon ajo që quhet piramida. Ndërtohet paga për Kryeministrin, Kryetarin e Kuvendit dhe Avokatin e Shtetit; e kanë njëlloj, 95% të pagës së Presidentit. Pastaj fillojnë shklekëët e tjera duke zbritur në të gjithë administratën shtetërore. Aty është hedhur ideja që do të ketë rritje pagash, të cilat në vitin 2029 do të kenë një pagë që do të jetë 1300-1400 euro. Kjo është parashikim, duhet të themi, sepse nuk është parashikuar në buxhet. Në buxhet është parashikuar vetëm viti 2026.
    Çfarë anë të mirë ka kjo dhe çfarë ndikon për keq në disa sektorë të ekonomisë? Rritja e pagës është domosdoshmëri në fakt, sepse ne kërkojmë të aderojmë në vendet ku kanë paga të larta. Dhe pa plotësuar disa standarde ekonomike nuk mund të quhesh konkurrues për aty. Nuk diskutohet që ne asnjëherë nuk do të jemi të barabartë për pagat dhe për mënyrën e jetesës me ata qytetarë europianë ku ne duhet të jemi pjesë e Europës. Sidoqoftë, duhet të ketë rritje pak më të shpejtë në mënyrë që pagat të afrohen. Kjo ishte edhe shkaku i frenimit të lëvizjes së njerëzve nga Shqipëria në vende të tjera, sepse do ta ndiejnë veten më mirë këtu, do të kontribuojnë këtu.
    Ndërkohë, ka anë pozitive, sepse kontributet do të derdhen mbi bazën e kësaj page. Nuk mund të lejohet që nën 500 euro të derdhen kontributet. Ky do të jetë dyshemeja. Ndërkohë, edhe pagat e tjera, duke qenë të rritura, do të derdhin kontribute më shumë se sa derdhin tani.
    –Ku do ta godiste kjo sektorin privat?
    Pjesa tjetër është mbi bazën e kontratave private, midis kontratave që lidh punëdhënësi dhe punëmarrësi. Faktikisht, në përbërje të kostos, të asaj që quhet shpenzimet që duhet të përblekëojë një biznes, qoftë i vogël, qoftë edhe biznes që është në fusha të tjera, siç janë subjektet SHPK, SHA, me numër fuqie punëtore të lartë, duke rritur pagat, rriten shpenzimet. Dhe diferenca midis të ardhurave dhe shpenzimeve, që do të thotë fitimi bruto, do të jetë më i vogël për këta qytetarët.
    Në këto raste çfarë bëhet? Shumë vende, edhe qeveria jonë e mëparshme, që nga ’93-shi kur ka filluar kjo skemë e sigurimeve shoqërore, ka ndjekur politika për atë përqindje e vjeljes së detyrimeve sigurimeve shoqërore dhe shëndetësore, e cila ka filluar me 41.9%. Ka filluar në vitet ’94-’95. Në vitet 2000 kjo përqindje ka zbritur dhe ka vajtur 31.5%. Çfarë do të thotë kjo? Do të thotë që pagat rriten, stimulohen. Në një anë tjetër, shteti ju grumbullon këtyre me një tarifë më të vogël, duke i favorizuar, duke i mbështetur në lidhje me aktivitetin e këtyre firmave. Për t’i stimuluar të mos bëhen sebep themi që: “Nëse unë kam 100 punëtorë dhe shteti më kërkon që të paguaj për 500 euro, atëherë mua më rriten shpenzimet,” dhe thotë: “10 nga këta unë do t’i heq”. Të mos bëhet pengesë në angazhimet që ka subjekti për të zhvilluar aktivitet normalisht, të jetë stimulues.
    Ndërkohë, efektet e rritjes së pagave do të jenë edhe derdhje e kontributit, do të ketë më shumë të ardhura. Sigurimi i më shumë të ardhurave do të thotë që shteti të ketë mundësi të bëjë politika pastaj edhe për rritjen e pensioneve të jenë më dinjitoze. Por është për të njëjtin numër të punësuarve. Nuk është se do të ketë shtim të numrit të të punësuarve.
    Ka një kompleksitet problemesh në skemën e sigurimeve shoqërore, për të cilën unë prisja dhe pres, nëse do të ketë një reflektim, që të ketë një ndryshim thelbësor në skemën e sigurimeve shoqërore, se vetë skema e sigurimeve shoqërore është frenuese për derdhjen e kontributeve. Po them dy gjëra të vogla. Për ta përmbyllur, themi për shembull që pensionet do të llogariten mbi bazën e koefiçientëve të indeksimit të pagave për efekt të llogaritjes së pensionit fillestar. Dalin çdo vit ato, duke marrë parasysh inflacionin. Sot është 13.327 për periudhat para ’94-ës dhe vjen duke u zvogëluar, duke qenë një në tre vitet e fundit: 2023, 2024, 2025. Si është e ndarë kjo? Kjo vërtetë i lexon këto zhvleftësimin e parasë dhe për efekt të llogaritjes së pensionit i merr këto të diferencuara dhe pastaj indekson që t’i bëjë të krahasueshme këto të dhëna.
    Por ç’ndodh me ata që derdhin maksimalisht? Ata që derdhin maksimalisht me këto koefiçientë pothuajse nuk përfshihen fare. I ka vënë tavanin. Që do të thotë, ai që e kupton këtë problem thotë: “Unë që derdh sot 176.416 LEKË, kaq është paga maksimale mbi të cilën derdhet kontributi. Pse duhet të derdh kaq, që kur të vijë që të më rikthejë shteti, më zë prapë siç i kisha?” Ndërkohë, një që derdh mbi bazën e 80.000 LEKË-ve e merr atë koefiçientin, i zier atij deri në kufirin maksimal. Pra, si ai që derdh 80.000 LEKË, si ky që e ka pagën 176.000 LEKË, do dalin atje, do t’i llogaritet njëlloj pensioni. Pra, e frenon këtë.
    Realisht, shteti duhet të marrë parasysh pikërisht faktorët që ndikojnë negativisht, sepse këto që ndikojnë pozitivisht duhet t’i ketë përparësi për t’i stimuluar, për të zhvilluar. Ndërsa ato probleme që reflektohen në skemën e sigurimeve shoqërore duhet t’i ndreqë. Gjë që unë nuk shikoj një përmirësim.
    Nuk mund t’i thuhet një invalidi që do ta shtojë pensionin me 600 LEKË. Është për të tlekëur. Në një farë mënyre Kryeministri po i jep nga buxheti i shtetit ato 100.000 euro. Po i jep të ndara që askush nga ata që flasin për këto punë nuk e kupton. Po marrin shembuj hipotetikë dhe thonë: “Njeri që ka 40.000 LEKË…” Ç’do bëhet me këta 537.000 qytetarë që marrin nën 20.000 LEKË? Shtrohet pyetja: Jetohet me 100€ apo jo? Janë 120.000 qytetarë që marrin 120€. Si do bëhet me këtë? Ke mundësi ti, ke ndonjë plan emergjent për të ndryshuar këtë gjendje, apo nuk ke? Këto gjëra kërkojnë një zgjidhje.
    Unë po e shpreh si shqetësim shoqëror. Në çdo vend të botës universitetet janë parësore për zgjidhjen e problemeve ekonomike. Cili universitet në Shqipëri, qoftë ai shtetëror ose privat, ka studime në lidhje me sigurimet shoqërore? Një doktoraturë, një gjë për të nxjerrë këtë gjendje? S’ka. Thjesht për të lexuar ca libra, për të marrë ca diploma. Ku ishim? Asgjëkundi. Çfarë bëjmë? Asgjë.
     

  • Rama në Konferencën Botërore të Sigurimeve: Sfidat globale kërkojnë zgjidhje novatore dhe bashkëpunim

    Rama në Konferencën Botërore të Sigurimeve: Sfidat globale kërkojnë zgjidhje novatore dhe bashkëpunim

    Kryeministri i vendit, Edi Rama, mëngjesin e sotëm mori pjesë në konferencën Vjetore të IAIS (Organizata Botërore e Mbikëqyrësve të Sigurimeve).
    Mbledhja më e madhe e mbikëqyrësve të sigurimeve, zhvillohet për herë të parë në rajonin e Ballkanit.
    Shefi i qeverisë theksoi se  ndryshimet klimatike, kërcënimet kibernetike, apo katastrofat natyrore janë sfida që i prekin të gjithë, ndaj kërkojnë zgjidhje novatore dhe bashkëpunim qtë përbashkët mes vendeve.

    “Industria e sigurimeve është përballë një sfide të jashtëzakonshme dhe po kështu është përballë zgjedhjeve shumë të vështira në një përpjekje për të rikthyer rrezikun rezistent dhe në një siguri të përbashkët”, theksoi Rama.
    Rama: Ndryshimi i klimës, kërcënimet kibernetike janë sfida që na ndikojnë të gjithëve dhe që kërkojnë prej nesh zgjidhje novatore gjithpërfshirëse. Problemi ështëe që dritarja për të përmbushur objektivat e klimës po mbyllet me shumë shpejtësi dhe pasojat e mosveprimit po formësojnë tashmë ekonomitë tona dhe po imponon një kosto të shtrenjtë në jetët tona. Industria e sigurimeve është përballë një sfide të jashtëzakonshme dhe po kështu është përballë zgjedhjeve shumë të vështira në një përpjekje për të rikthyer rrezikun rezistent dhe në një siguri të përbashkët. Për një të ardhme të qëndueshme duhet të përqafojmë një qasje tërësore ndaj rezistencës që merr në konsidertaë morinë e sfidave me të cilat përballen familjet, bizneset e kombet. Për ekonomitë më të vogla pasojat e këtyre rreziqeve globale janë të amplifikuara.
    Vitet e fundit na kanë treguar se sa shpejt mund t’i trazojnë krizat ekonomitë tona, dhe të stresojnë komunitetet. Megjithatë mes këtyre sprovave ka mësim të fuqishëm, mund të mos parashikojmë dot çdo katastrofë por mund të fortifikohemi për të përballur dhe rimëkëmbur. Të ndërtosh një rezistencë të tillë duhet mendësi e ndryshme dhe në shumë vende ka hendeqe domethënëse të mbulimit. Dëmi i katastrofave të tilla si përmbytjet, zjarret e tërmetet mund të fshijnë vite. Rruga përpara është e qartë, na duhet të zgjerojmë rrjetet tona të sigurisë dhe të sigurohemi që këto zgjidhje të merren nga gjithkush. Ka zgjidhje, platforma dixhitale po ndimon të zgjerojmë dhtritjen tonë. Evoluimi i vazhdueshëm synon të krijojë tregje më efikase dhe të aksesueshme përfshirë sigurimet. Edukimi i qytetarëve me dije financiare do t’i ndhmojë t’i shikojnë sigurimet si pjesë thelbësore e jetës së tyre dhe investim në të ardhmet e tyre.

  • Rama: Industria e sigurimeve, në sfidë të jashtëzakonshme. Harmonizim me standardet e BE

    Rama: Industria e sigurimeve, në sfidë të jashtëzakonshme. Harmonizim me standardet e BE

    Kryeministri Edi Rama në fjalën e tij në Konferencën Vjetore të IAIS, Organizata Botërore e Mbikëqyrësve të Sigurimeve , deklaroi se bota po përjeton një periudhë sfidash të ndërlidhura, duke përfshirë ndryshimet klimatike, kërcënimet kibernetike dhe luhatjet e tregjeve globale, të cilat kërkojnë qasje të reja, novatore dhe gjithëpërfshirëse.
    Kryeministri paralajmëroi se pasojat e mosveprimit ndaj krizës klimatike po bëhen çdo ditë më të dukshme dhe më të kushtueshme, duke ndikuar ekonomitë dhe jetët e qytetarëve.
    Ai theksoi se industria e sigurimeve ndodhet përballë një sfide të jashtëzakonshme, ku duhet të marrë vendime të vështira për të transformuar rrezikun në rezistencë, përmes bashkëpunimit global dhe qasjeve të reja financiare. Rama nënvizoi se kërcënimet klimatike, pasiguritë financiare dhe ndërhyrjet kibernetike janë rreziqe të lidhura mes tyre:
    “Ndërlidhjet që nxisin rritjen, mund të rrisin edhe dobësitë tona”, tha ai, duke theksuar se familjet, bizneset dhe kombet kanë nevojë për një qasje tërësore ndaj rezistencës dhe mbrojtjes financiare.
    Kreu i qeverisë vuri në dukje se vendet e vogla, përfshirë Shqipërinë, përballen me të njëjtat kërcënime si vendet e mëdha, por shpesh u mungon rezistenca financiare dhe mbulimi i nevojshëm i sigurimeve për t’i përballuar ato.
    Sipas tij, rruga përpara kërkon zgjerimin e rrjeteve të sigurisë për të mbuluar më shumë individë, sektorë dhe lloje rreziqesh, duke garantuar që zgjidhjet të jenë të aksesueshme për të gjithë.
    Rama theksoi se koncepti i sigurimit gjithëpërfshirës po ripërcakton rolin e qeverive, nga institucione që frenojnë, në aktorë që mbështesin në mënyrë proaktive gatishmërinë dhe rimëkëmbjen.
    Kryeministri vuri theksin te përparimet e bëra në harmonizimin e legjislacionit shqiptar me atë të Bashkimit Europian në fushën e shërbimeve financiare, duke e cilësuar këtë proces si bazë për rritjen e besimit, rezistencës dhe gjithëpërfshirjes.
    Ai nënvizoi se modernizimi i mbikëqyrjes së sigurimeve dhe afrimi me standardet e BE-së përbëjnë një hap të rëndësishëm drejt një sistemi financiar më të sigurt dhe më të integruar.
    Rama tha se përfshirja e sigurimeve në politikat publike, veçanërisht në bujqësi, infrastrukturë dhe rrjetet e sigurisë sociale, do të përmirësojë ndjeshëm qasjen e vendit ndaj financimit të rreziqeve të lidhura me katastrofat natyrore.
    Ai shtoi se një strategji gjithëpërfshirëse që bashkon sigurimet, fondet rezervë dhe buxhetimin mund të ulë ndjeshëm rreziqet fiskale nga fatkeqësitë natyrore, ndërsa orientimi i sistemeve financiare drejt praktikave më të gjelbra është “jetik për të ardhmen”.

  • Vetëm 1.7% e sigurimeve blihen online, Shqipëria renditet e fundit në rajonin e Ballkanit Perëndimor

  • Buxheti “fiton” nga rritja e pagës/ Ekspertët: Do të shtohen paratë për skemat e pensioneve. Indeksimi do të ndiqet çdo vit

    Buxheti “fiton” nga rritja e pagës/ Ekspertët: Do të shtohen paratë për skemat e pensioneve. Indeksimi do të ndiqet çdo vit

    Duke filluar nga 1 janar 2026 qeveria parashikon të rris pagën minimale e maksimale.

    Kështu konkretisht paga minimale rritet nga 40-50 mijë lekë ndërsa ajo maksimale nga 176.416 mijë lekë në 186.416 mijë lekë. Por çfarë do të ndodhë me sektorin privat në këtë rast. Qeveria parashikon të mbuloj kostot për 9 muaj për sigurimet shoqërore dhe shëndetësore.
    “Një lëvizje e tillë e qeverisë nënkupton të ardhura më shumë  rreth 130 mln euro për buxhetin e  sigurimeve shoqërore e shëndetësore. Ndërsa kjo politikë do të nxis edhe privatin të rris pagat duke derdhur kështu më shumë para në këtë buxhet nëpërmjet sigurimeve”-shprehet Selami Xhepa, ekspert ekonomie.
    Për herë të parë parashikohet edhe indeksimi i pagave në administratë me një nivel 2.5%. Kjo do të pagat në të gjitha nivelet e administratës duke filluar nga punonjësit e institucioneve qendrore dhe pushtetit vendor.
    “Hera e parë që parashikohet por duhej bërë si praktikë çdo vit dhe të jetë konstante si për shtetin dhe privatin”-shton Xhepa.
    Referuar relacionit të projektbuxhetit dhe sipas të dhënave të administratës tatimore, efekti pozitiv në të ardhura nga kjo rritje pritet të arrijë në rreth 9 miliardë lekë, ku 7.6 miliardë lekë do të jenë nga kontributet e sigurimeve shoqërore, ndërsa pjesa tjetër prej 1.4 miliardë lekë nga kontributet e sigurimeve shëndetësore.

    Top Channel

  • ALBSIG Jetë në krye të tregut të sigurimeve të jetës për 9-mujorin 2025

    ALBSIG Jetë në krye të tregut të sigurimeve të jetës për 9-mujorin 2025

    ALBSIG Jetë ka mbyllur nëntëmujorin e parë të vitit 2025 me një performancë të jashtëzakonshme, duke u renditur në vend të parë në tregun e sigurimeve të jetës me një pjesë tregu prej 38.09%, sipas të dhënave të publikuara nga Autoriteti i Mbikëqyrjes Financiare (AMF). Kompania ka regjistruar prime të shkruara bruto prej 636 milionë lekësh, me një rritje vjetore prej 76%, duke konfirmuar pozicionin e saj si lider në një treg që po zgjerohet me ritme të shpejta.

    Në segmentin më të madh të tregut – sigurimin e jetës së debitorit, që përbën pjesën kryesore të produkteve të sigurimeve të jetës në Shqipëri – ALBSIG Jetë mban vendin e parë me 44.61% të tregut, duke shënuar një rritje mbresëlënëse prej 96% krahasuar me vitin e kaluar. Ky segment, që lidhet ngushtë me produktet bankare dhe kreditimin e individëve, ka qenë tradicionalisht motori kryesor i tregut të sigurimeve të jetës, dhe ALBSIG Jetë ka ditur ta kapitalizojë më së miri këtë tendencë, falë bashkëpunimeve afatgjata me institucionet financiare, besueshmërisë së ndërtuar në treg dhe mbështetjes së një grupi të madh si Kastrati Group.

    Rezultatet e larta vijnë si fryt i një strategjie të qëndrueshme zhvillimi që vendos në qendër klientin dhe cilësinë e shërbimit. Kompania, e cila operon në tregun e sigurimeve të jetës që prej vitit 2019, ka ndërtuar një portofol produktesh të orientuar drejt nevojave reale të individëve dhe bizneseve, duke kombinuar inovacionin digjital me një model të personalizuar këshillimi financiar. Kjo qasje ka ndihmuar në rritjen e qëndrueshme të numrit të klientëve dhe në forcimin e besimit ndaj ALBSIG Jetë.

    Në një treg që po zgjerohet nën ndikimin e zhvillimeve ekonomike dhe rritjes së ndërgjegjësimit për mbrojtjen financiare, ALBSIG Jetë ka arritur të pozicionohet në krye, jo vetëm në aspektin e volumit të primeve, por edhe të standardeve të shërbimit. Kompania po forcon kanalet e saj digjitale të shitjes, po investon në produkte moderne sigurimi dhe po promovon transparencë të plotë në çdo ndërveprim me klientët.

    Performanca e 9-mujorit 2025 vërteton qartë se ALBSIG Jetë nuk është më thjesht një emër i ri në treg, por një aktor kyç në zhvillimin e segmentit të sigurimeve të jetës në Shqipëri, duke ndërtuar një model suksesi që mbështetet në besim, inovacion dhe rezultate të matshme.

  • Sigurimi i detyrueshëm i banesave nga tërmetet, si do të funksionojë skema dhe cilat janë përfitimet?

    Sigurimi i detyrueshëm i banesave nga tërmetet, si do të funksionojë skema dhe cilat janë përfitimet?

    Qeveria shqiptare ka rikthyer projektligjin për sigurimin e detyrueshëm të banesave nga tërmetet. Versioni i ri nuk sjell ndryshime të mëdha në thelb, por përmban disa përmirësime në afate, procedura dhe mënyrën e administrimit të skemës. Sipas nismës, të gjitha banesat në Shqipëri do të jenë të detyruara të sigurohen nga tërmetet, me disa përjashtime për ndërtimet prej argjile, qerpiçi, kallami apo ato me karakter të përkohshëm ose të lëvizshëm. Skema e sigurimit do të administrohet nga një ent i posaçëm me kapital shtetëror, i quajtur Fondi Kombëtar për Sigurimin e Detyrueshëm nga Tërmetet.
    Shuma e sigurimit do të përcaktohet me vendim të Këshillit të Ministrave, ndërsa primi i sigurimit që do të paguajnë pronarët e banesave do të caktohet nga Fondi, me pëlqimin e ministrit të Financave. Kryetarja e shoqatës së siguruesve, Mimoza Hajdarmataj tregon detaje mbi ligjin dhe rolin që kjo shoqatë ka pasur në konsultimin publik. Projektligji parashikon gjithashtu sanksione për subjektet që nuk zbatojnë detyrimin për sigurim, të cilat nuk do të mund të marrin shërbime kadastrale, shërbime përmes portalit e-Albania apo nga Qendra Kombëtare e Biznesit. Një ndër ndryshimet e pakta në versionin e ri lidhet me afatet e dëmshpërblimit. Ndërsa në projektligjin fillestar ky afat ishte deri në nëntë muaj, tani parashikohet që pagesa e dëmit të kryhet brenda tre muajve nga momenti i plotësimit të dokumentacionit të nevojshëm.
    Rregullat dhe procedurat e hollësishme do të përcaktohen me udhëzim të Ministrit të Financave. Një tjetër element i ri është përcaktimi i qartë i rasteve kur një banesë është e siguruar si me kontratë të detyrueshme, ashtu edhe me sigurim vullnetar. Në këtë rast, dëmshpërblimi bëhet fillimisht sipas sigurimit të detyrueshëm, ndërsa pjesa që tejkalon këtë vlerë paguhet sipas kontratës vullnetare. Parashikohet që agjentët e shitjeve të mos jenë më vetëm një, por disa, të përcaktuar nga Këshilli i Ministrave, i cili do të vendosë edhe komisionet dhe kushtet e bashkëpunimit me ta. Kjo hap mundësi për përfshirjen e kompanive private të sigurimeve si agjentë të skemës shtetërore. Sa i përket mbikëqyrjes, roli i Autoritetit të Mbikëqyrjes Financiare është më i kufizuar dhe më pak i detajuar se në versionin fillestar. AMF do të ketë përgjegjësi vetëm për mbikëqyrjen e unifikimit të rregulloreve, transparencës ndaj publikut, zbatueshmërisë së kontratave dhe monitorimin e politikave të investimit, si dhe mundësinë për të dhënë rekomandime për përmirësimin e veprimtarisë së Fondit. Skema shqiptare është ndërtuar duke marrë si model sistemin turk të sigurimit të detyrueshëm nga tërmetet, krijuar me mbështetjen e Bankës Botërore. Megjithatë, ekzistojnë dallime të rëndësishme mes dy vendeve. Në Turqi, detyrimi ligjor për sigurim zbatohet vetëm për banesat urbane dhe nuk përfshin ndërtesat që nuk plotësojnë standardet teknike, ndërsa në Shqipëri, detyrimi përfshin si banesat urbane, ashtu edhe ato rurale. Ndryshe nga Turqia, ku primi përcaktohet në bazë të nivelit të rrezikut sizmik të zonës dhe llojit të ndërtimit, në projektligjin shqiptar nuk është parashikuar ende një ndarje e tillë, çka mund të krijojë një ekspozim më të madh financiar për fondin. Përvoja e tërmetit të vitit 2019 tregoi nevojën për një mekanizëm të qëndrueshëm sigurimi. Në 11 bashki të vendit u dëmet arritën në 7.5% të PBB-së. Sipas Autoritetit të Mbikëqyrjes Financiare, tregu i sigurimeve regjistroi mbi 6200 dëme, prej të cilave rreth 93% u shlyen brenda një viti. Vlera totale e dëmshpërblimeve arriti në rreth 40 milionë euro, shumica e të cilave u mbuluan nga risiguruesit. Megjithatë, në raport me dëmet e përgjithshme që arrinin afërsisht në një miliard euro, kontributi i tregut të sigurimeve ishte minimal, për shkak të nivelit të ulët të sigurimit të banesave.
    Sipas të dhënave të AMF, gjatë vitit të fundit, primet e sigurimit të pronës nga katastrofat arritën në 2.2 miliardë lekë, ose rreth 22.5 milionë euro. Në mesatare, çdo qytetar shqiptar paguan rreth nëntë euro në vit për sigurimin e pronës, një shifër ende shumë e ulët në raport me nevojat reale. Pjesa më e madhe e këtyre sigurimeve janë faktikisht të detyrueshme nga bankat për kolateralet e kredive. Shoqatat e siguruesve shprehen se vendosja e sigurimit të detyrueshëm nga tërmetet mund të dekurajojë qytetarët nga blerja e sigurimeve vullnetare, duke e kufizuar tregun edhe më shumë. Shqipëria konsiderohet një ndër vendet më të ekspozuara në Europë ndaj rreziqeve natyrore. Raporti i Rrezikut Botëror 2021 e rendit vendin të parin në kontinent për nivelin e ekspozimit ndaj fatkeqësive natyrore dhe në vendin e 61-të në rang botëror. Sipas Bankës Botërore, humbjet e mundshme nga një fatkeqësi natyrore me periudhë kthimi 250-vjeçare vlerësohen në 2.1 miliardë euro për tërmetet dhe 1.2 miliardë euro për përmbytjet. Që nga fillimi I viteve 1900 e deri më sot, Shqipëria është goditur nga disa tërmete me magnitudë mbi 6 ballë dhe është në hartën e kuqe sizmike, çka tregon se nevoja për një skemë efektive sigurimi nga katastrofat nuk është vetëm çështje ligjore, por një domosdoshmëri për sigurinë ekonomike dhe sociale të vendit. Megjithatë nuk duhet lënë pas edhe fakti se Shqipëria është goditur edhe nga katastrofa të tjera natyrore, si përmbytjet apo zjarret, për të cilat ekspertët thonë se duhet të përfshihen në ligj.