Lajmidites.com

Tag: shtetet

  • Kërcënimet gjeopolitike në rritje, BE-ja shtrëngon rregullat për kontrollin e investimeve të huaja

    Kërcënimet gjeopolitike në rritje, BE-ja shtrëngon rregullat për kontrollin e investimeve të huaja

    Parlamenti Evropian dhe shtetet anëtare të BE-së po ndërmarrin hapa për të parandaluar rivalët si Kina, që t’i “shndërrojnë” investimet e tyre në armë.

    Shtetet anëtare të Bashkimit Evropian dhe Parlamenti Evropian kanë arritur një marrëveshje për të forcuar kontrollin e investimeve të huaja në bllok, ndërsa tensionet rriten për shkak të investimeve nga vende të tilla si Kina.

    Parlamenti kishte kërkuar një shqyrtim të gjerë të investimeve të huaja direkte, por janë shtetet anëtare të BE-së ato që kanë autoritetin përfundimtar mbi shqyrtimet e investimeve. Të dyja palët tani kanë rënë dakord për një tekst të përbashkët që forcon rregullat ekzistuese.

    Sipas marrëveshjes, shqyrtimet e detyrueshme tani do të mbulojnë pajisjet ushtarake, inteligjencën artificiale, teknologjitë kuantike, gjysmëpërçuesit, lëndët e para, infrastrukturën e transportit dhe atë digjitale, madje edhe sistemet zgjedhore.

    “Duke kërkuar që të gjitha shtetet anëtare të zbatojnë një mekanizëm shqyrtimi dhe duke forcuar bashkëpunimin midis tyre, rregullorja mbyll boshllëqet e mundshme për investimet me rrezik të lartë në tregun e brendshëm”, tha eurodeputeti Bernd Lange, kryetar i komitetit të tregtisë së Parlamentit.

    Ai shtoi se negociatorët e Parlamentit “kanë avokuar me sukses për një fushëveprim minimal më të gjerë të mekanizmave kombëtarë të shqyrtimit, duke siguruar që investimet në sektorë veçanërisht kritikë duhet të shqyrtohen nga të gjitha shtetet anëtare”.

    Mbrojtja e sigurisë ekonomike të Evropës

    Korniza e ripërpunuar rrjedh nga një iniciativë e Komisionit Evropian për të forcuar mbrojtjen ekonomike të BE-së.

    “Në muajt e fundit, është bërë e qartë se konteksti gjeopolitik ka ndryshuar ndjeshëm”, tha një diplomat i BE-së të enjten. “Tregtia nuk mund të shihet më gjithmonë si një transaksion neutral midis operatorëve të pavarur ekonomikë.”

    Ai vuri në dukje se disa raste të kohëve të fundit “demonstruan se instrumentet ekonomike janë përdorur si armë kundër Evropës për qëllime gjeopolitike”.

    Në shtator, Holanda e vendosi prodhuesin e çipave Nexperia, me seli në Holandë dhe në pronësi kineze, nën mbikëqyrje shtetërore, nga shqetësimi se njohuritë kritike nga objektet e saj evropiane mund të ktheheshin përsëri në Kinë.

    Pekini u përgjigj duke kufizuar eksportet e çipave në Evropë, duke kërcënuar kështu industrinë automobilistike të BE-së, e cila mbështetet shumë në këto komponentë. Edhe pse një marrëveshje SHBA-Kinë përfundimisht i riktheu eksportet, tensionet midis Pekinit dhe Hagës mbeten të larta.

    BE-ja ka pasur një mekanizëm bashkëpunimi për shqyrtimin e investimeve të huaja direkte që nga tetori i vitit 2020, por rezistenca fillestare ishte e fortë.

    “Në fillim, disa aktorë ekonomikë në të gjithë Evropën ngurronin të (zbatonin) një shqyrtim të tillë”, tha një burim parlamentar për Euronews. “Çështjet e investimeve janë thelbësore për ta dhe ndonjëherë ata nuk i shohin rreziqet.”

    Sipas rregullave të BE-së, Komisioni mund të kërkojë informacion dhe të japë opinione, por nuk mund ta detyrojë një shtet anëtar të shqyrtojë dhe bllokojë një investim.

    Për më tepër, një rregullore e vitit 2023 prezantoi një regjim të ri shqyrtimi për subvencionet jashtë BE-së të dhëna kompanive që operojnë në bllok – një tjetër veprim që e vendos Kinën fort në qendër të vëmendjes./ Euronews.

  • BE përshpejton riatdhesimet në fushatën kundër migrimit

    BE përshpejton riatdhesimet në fushatën kundër migrimit

    Migrantët mund të dërgohen në “qendra kthimi” jashtë shtetit sipas reformave të reja të kritikuara nga organizmat e të drejtave të njeriut.

    Po të lexoni strategjinë më të fundit të sigurisë së Uashingtonit, e cila kritikon politikat e migrimit evropian dhe pretendon se kontinenti përballet me një ‘zhdukje të qytetërimit’, mund të mendoni se BE po hap kufijtë e tij plotësisht.
    Në fakt, migrimi i parregullt drejt bllokut po zvogëlohet, dhe shtetet e BE sapo kanë miratuar rregullat më kufizuese të migrimit deri më sot, me qëllim që t’u lehtësojnë anëtarëve ndalimin dhe riatdhesimin e shpejtë të azikërkuesve të refuzuar.
    Ministri i Migrimit i Danimarkës, Rasmus Stoklund, tha se reformat e reja do të ndihmonin në riparimin e një sistemi “jofunksionues” të BE dhe do të rivendosnin një ndjenjë “kontrolli”.
    Megjithatë, këto masa kanë shkaktuar gjithashtu kritika të ashpra nga mbrojtësit e të drejtave të njeriut, me Amnesty që akuzon BE për imitim të “ndalimeve, internimeve dhe riatdhesimeve masive të dhimbshme, çnjerëzore dhe të paligjshme që ndodhin në Shtetet e Bashkuara të Amerikës.”
    Dërgimi i migrantëve në qendra paraburgimi jashtë vendit?
    Seria e reformave të mbështetura nga ministrat e Brendshëm të BE të hënën përfshin miratimin ligjor për idenë e ashtuquajturave “qendra kthimi”. Kjo mund të nënkuptojë qendra paraburgimi jashtë BE, ku migrantët mund të dërgohen për të përpunuar kërkesat për azil, ose madje si pjesë e një biletë me një drejtim jashtë Evropës.
    Rishikimi i rregullave, i cili ende duhet të negociohet me Parlamentin Evropian, do t’u lejonte qeverive të BE të arrijnë marrëveshje me shtete jashtë kufijve të BE dhe të dërgojnë migrantët atje, edhe kur ata nuk kanë lidhje me vendin.
    Edhe pse Danimarka filloi të eksplorojë mënyra për të dërguar migrantët në Ruandë në vitin 2021, anëtari i parë i BE që e zbatoi këtë ishte Italia. Vitin e kaluar, ajo krijoi qendra në vendin fqinj jashtë BE, Shqipërinë, por në Romë qendrat u përballën me probleme ligjore dhe u pezulluan.
    Ministri i Brendshëm italian tha të hënën se marrëveshja midis ministrave lë qendrat me bazë në Shqipëri në një pozicion të mirë për t’u bërë shembulli i parë i vërtetë i një qendre kthimi të BE dhe për të “rikthyer” operacionet.
    Megjithatë, analistja e politikave të migrimit Helena Hahn tha se “mbetet për t’u parë” se si do të duken qendrat e kthimit përtej modelit italian dhe, mbi të gjitha, cilat vende jashtë BE do të jenë të gatshme të pranojnë migrantët që synojnë Evropën.
    OJF-të dhe aktivistët, përfshirë Human Rights Watch dhe Oxfam, në të kaluarën kanë kritikuar BE për “shmangien e përgjegjësisë së tij” duke u përpjekur të delegojë përpunimin e kërkesave për azil.
    “BE po përpiqet të transferojë edhe më shumë nga përgjegjësitë e tij te vendet që tashmë strehojnë shumicën e refugjatëve dhe shpesh kanë shumë më pak burime,” thanë dhjetëra OJF vitin e kaluar.
    Në deklaratën e tyre, ata insistuan se premtimet e BE për të mbrojtur të drejtat e migrantëve ishin “fjalë boshe”.
    Stoklundi i Danimarkës i hodhi poshtë këto akuza të hënën. “Kur dërgojmë dikë në një qendër kthimi, ne do të jemi përgjegjës për respektimin e të drejtave të tyre të njeriut,” u shpreh ai për gazetarët pas bisedimeve në Bruksel.
    Dëbim më i shpejtë përmes përcaktimit të vendeve “të sigurta”
    Shtetet anëtare të BE gjithashtu mbështetën propozime të reja që synojnë përshpejtimin e dëbimeve, me dënime më të ashpra për migrantët që injorojnë urdhrat e dëbimit. Kjo vjen pas një marrëveshjeje të mëparshme mbi planet e BE për të ulur nivelin e marrëdhënieve tregtare me vendet që nuk bashkëpunojnë në dëbime.
    Ministrat gjithashtu dhanë dritë të gjelbër për një listë të centralizuar të vendeve “të sigurta” që autoritetet kombëtare mund të përdorin për të përshpejtuar vendimet dhe për t’u mohuar lejen e qëndrimit atyre që kanë më pak gjasa të u jepet azili.
    Për shembull, vetëm rreth 4% e banorëve të Bangladeshit që aplikuan për azil në BE vitin e kaluar u pranuan, dhe Bangladeshi kryeson listën e vendeve të konsideruara të sigurta nga Brukseli. Shtete të tjera në listë përfshijnë Indinë, Kolumbinë, Egjiptin, Marokun dhe Tunizinë.
    Ministrat ranë dakord që edhe shtetet kandidate për anëtarësim në BE, si Mali i Zi, Moldavia dhe Serbia, të konsiderohen gjithashtu të sigurta, përveç në rastet e konflikteve ose kufizimeve të të drejtave themelore.
    Shtetet bregdetare jugore si Greqia thonë se kanë nevojë për ndihmë nga anëtarë të tjerë të BE për të përpunuar kërkesat për azil nga njerëzit që mbërrijnë në bregdetet e tyre.
    Shtetet e BE kanë finalizuar një plan që, sipas analistes Helena Hahn, kundërvepron në njëfarë mase tendencën drejt rritjes së kufizimeve.
    I ashtuquajturi “fond solidariteti” do të bëjë që shtetet anëtare në veri dhe lindje të Evropës ose të pranojnë më shumë migrantë nga shtetet e jugut, ku mbërrijnë shumica e azikërkues, ose të kontribuojnë në një fond për të mbështetur vende si Qipro, Spanja, Italia dhe Greqia.
    Hahn e përshkruan këtë si “një mekanizëm për organizimin dhe koordinimin e ndarjes së përgjegjësive midis ahteteve anëtare në lidhje me azilkërkuesit” dhe beson se është një “hap i madh”.
    “Çështjet që lidhen me vendosjet, kuotat dhe shpërndarjen ‘e drejtë’ të azikërkuesve në të gjithë Evropën kanë qenë prej kohësh një nga çështjet kryesore të ndjeshme politike që kanë penguar zbatimin dhe funksionimin e sistemit të përbashkët evropian të azilit,” shpjegoi ajo.
    Detajet se cilat vende do të paguajnë çfarë mbeten sekret, por Hungaria, anëtare e BE, tashmë ka premtuar se nuk do t’i ndjekë rregullat, gjë që mund të çojë në beteja ligjore të ardhshme midis Brukselit dhe Budapestit.
    Votuesit dhe rritja e ekstremit të djathtë
    Qytetarët e BE shpesh e përmendin migrimin e parregullt si një nga shqetësimet e tyre kryesore. Sipas të dhënave nga një sondazh i kryer më herët këtë vit në të gjithë Bashkimin Evropian, qytetarët e renditën atë të dytin, pas luftës së Rusisë në Ukrainë, në një listë me sfidat më të mëdha me të cilat përballet BE, përpara kostos së jetesës, ndryshimeve klimatike dhe çështjeve të sigurisë dhe mbrojtjes.
    Partitë e ekstremit të djathtë, që përqendrohen në mesazhe kundër migrantëve po fitojnë popullaritet në shumë vende të BE, ndërsa forcat qendriste po përpiqen të rikthejnë votat.
    “Po përballemi me një agjendë shumë kufizuese për migrimin,” i tha DW studiuesja Helena Hahn, duke vënë në dukje se gjithnjë e më shumë vende po përpiqen të gjejnë të ashtuquajtura “zgjidhje inovative” për të penguar, ndaluar dhe dëbuar migrantët.
    “Por deri tani kemi parë shumë pak rezultate,” shpjegoi Hahn. “Prandaj mendoj se kjo tregon shumë për qëndrueshmërinë politike të disa prej këtyre ideve, të cilat duket se sugjerojnë se do të ishte mjaft e lehtë të zhvendosësh njerëzit nga A në B, pa marrë parasysh rrethana specifike politike, diplomatike ose praktike.” /dw

    Top Channel

  • BE bën pakt për emigrantët: Do të rishpërndahen/ Shtohet lista e vendeve të sigurta, nuk ka më azil nga Kosova

    BE bën pakt për emigrantët: Do të rishpërndahen/ Shtohet lista e vendeve të sigurta, nuk ka më azil nga Kosova

    Ministrat e Brendshëm të Bashkimit Evropian ranë dakord për t’i bërë më të thjeshta refuzimet e kërkesave për azil dhe për të hartuar një listë të përbashkët të “vendeve të sigurta të origjinës”.

    Marrëveshja parashikon gjithashtu zhvendosje të brendshme të azilkërkuesve brenda BE-së dhe kontribute financiare nga shtetet anëtare.
    Sipas marrëveshjes së arritur në Bruksel, rreth 21 mijë azilkërkues do të zhvendosen në vende të tjera të BE-së për të ulur presionin mbi shtetet që përballen me flukse të larta migratore.
    Paralelisht, vendet më pak të prekura nga migracioni do të kontribuojnë financiarisht me rreth 420 milionë euro në kuadër të mekanizmit të solidaritetit.
    Ende nuk është përcaktuar ndarja konkrete e kontributeve për secilin shtet, përfshirë Gjermaninë.
    Një nga ndryshimet kryesore lidhet me njësimin e procedurave të riatdhesimit në të gjithë Bashkimin Evropian. Këto masa përfshijnë paraburgimin para dëbimit, ndalimet e rihyrjes dhe rregulla më të ashpra për bashkëpunimin e personave që duhet të largohen me autoritetet përgjegjëse.
    Në vlerësimin e Komisionit Evropian, Greqia, Qiproja, Spanja dhe Italia pritet të përfitojnë nga mekanizmi i solidaritetit gjatë vitit të ardhshëm, për shkak të presionit të lartë migrator. Disa shtete, përfshirë Gjermaninë, mund të kërkojnë përjashtim nga detyrimi për zhvendosje, bazuar në udhëzimet e Komisionit Evropian.
    Sipas rregullave të reja, vende si Suedia, Portugalia, Hungaria, Rumania dhe Luksemburgu pritet të kontribuojnë ose përmes pranimit të migrantëve, ose përmes formave të tjera solidariteti.
    Për herë të parë, BE ka miratuar një listë të përbashkët të vendeve të sigurta të origjinës.
    Në këtë listë përfshihen Egjipti, Maroku, Tunizia, India, Kosova, Bangladeshi dhe Kolumbia. Për azilkërkuesit nga këto vende do të zbatohen procedura të përshpejtuara, përfshirë shqyrtimin e kërkesave në kufi ose në zonat e tranzitit.
    Tani, shtetet anëtare të BE-së dhe Parlamenti Evropian do të duhet të bien dakord mbi tekstin juridik përfundimtar të marrëveshjes.
     

    Top Channel

  • BE bën pakt për emigrantët: Do të rishpërndahen. Shtohet lista e vendeve të sigurta

    BE bën pakt për emigrantët: Do të rishpërndahen. Shtohet lista e vendeve të sigurta

    Ministrat e Brendshëm të Bashkimit Evropian ranë dakord për t’i bërë më të thjeshta refuzimet e kërkesave për azil dhe për të hartuar një listë të përbashkët të “vendeve të sigurta të origjinës”.
    Marrëveshja parashikon gjithashtu zhvendosje të brendshme të azilkërkuesve brenda BE-së dhe kontribute financiare nga shtetet anëtare.

    Sipas marrëveshjes së arritur në Bruksel, rreth 21 mijë azilkërkues do të zhvendosen në vende të tjera të BE-së për të ulur presionin mbi shtetet që përballen me flukse të larta migratore.

    Paralelisht, vendet më pak të prekura nga migracioni do të kontribuojnë financiarisht me rreth 420 milionë euro në kuadër të mekanizmit të solidaritetit.

    Ende nuk është përcaktuar ndarja konkrete e kontributeve për secilin shtet, përfshirë Gjermaninë.
    Një nga ndryshimet kryesore lidhet me njësimin e procedurave të riatdhesimit në të gjithë Bashkimin Evropian. Këto masa përfshijnë paraburgimin para dëbimit, ndalimet e rihyrjes dhe rregulla më të ashpra për bashkëpunimin e personave që duhet të largohen me autoritetet përgjegjëse.
    Në vlerësimin e Komisionit Evropian, Greqia, Qiproja, Spanja dhe Italia pritet të përfitojnë nga mekanizmi i solidaritetit gjatë vitit të ardhshëm, për shkak të presionit të lartë migrator. Disa shtete, përfshirë Gjermaninë, mund të kërkojnë përjashtim nga detyrimi për zhvendosje, bazuar në udhëzimet e Komisionit Evropian.
    Sipas rregullave të reja, vende si Suedia, Portugalia, Hungaria, Rumania dhe Luksemburgu pritet të kontribuojnë ose përmes pranimit të migrantëve, ose përmes formave të tjera solidariteti.
    Për herë të parë, BE ka miratuar një listë të përbashkët të vendeve të sigurta të origjinës.
    Në këtë listë përfshihen Egjipti, Maroku, Tunizia, India, Kosova, Bangladeshi dhe Kolumbia. Për azilkërkuesit nga këto vende do të zbatohen procedura të përshpejtuara, përfshirë shqyrtimin e kërkesave në kufi ose në zonat e tranzitit.
    Tani, shtetet anëtare të BE-së dhe Parlamenti Evropian do të duhet të bien dakord mbi tekstin juridik përfundimtar të marrëveshjes.

  • Ndryshon procedura e azilit, BE bie dakord për rregulla më të rrepta për deportimet

    Ndryshon procedura e azilit, BE bie dakord për rregulla më të rrepta për deportimet

    Shtetet anëtare të BE-së duan të rrisin presionin mbi azilkërkuesit e refuzuar dhe t’i bëjnë deportimet më efikase. Për këtë qëllim, njerëzit pa të drejtë qëndrimi do të përballen me detyrime të reja dhe shkurtime të përfitimeve për shkak të mungesës së bashkëpunimit me autoritetet, siç njoftuan shtetet anëtare pas arritjes së një marrëveshjeje në një takim të ministrave të brendshëm evropianë në Bruksel.
    Ministrat e Brendshëm të BE-së duan gjithashtu të shtrëngojnë më tej ligjin e azilit. U ra dakord për dy masa kryesore: një rishikim i konceptit të të ashtuquajturave vende të treta të sigurta dhe futja e një liste të përbashkët të vendeve të sigurta të origjinës. “Çdo vit, dhjetëra mijëra vijnë në Evropë dhe aplikojnë për azil, edhe pse vijnë nga vende të sigurta”, shpjegoi ministri danez, Rasmus Stoklund. Danimarka aktualisht mban presidencën e radhës të Këshillit. Rregullat e reja synojnë të mundësojnë procedura më të shpejta dhe më efektive të azilit.
    Në të ardhmen, shtetet anëtare do të jenë në gjendje të refuzojnë më lehtë kërkesat për azil nëse mbrojtja ekziston tashmë në një vend të sigurt jashtë BE-së. Një lidhje midis aplikantit dhe vendit të tretë nuk do të jetë më e detyrueshme. Nga ana tjetër, koncepti mund të zbatohet nëse aplikanti ka udhëtuar nëpër vendin e tretë ose nëse ekziston një marrëveshje për përpunimin e kërkesave për azil.
    Prandaj, propozimi lejon krijimin e të ashtuquajturave qendra kthimi në vendet e treta. Kështu, azilkërkuesit mund të deportohen në vendet që nuk i kanë vizituar kurrë. Azilkërkuesit e refuzuar nuk do të lejohen automatikisht të qëndrojnë në BE ndërsa apeli i tyre është në pritje.
    Për herë të parë, BE-ja ka krijuar gjithashtu një listë të përbashkët të vendeve të sigurta të origjinës. Kjo listë përfshin Egjiptin, Marokun, Tunizinë, Indinë, Kosovën, Bangladeshin dhe Kolumbinë. Azilkërkuesit nga këto vende do të jenë të kualifikuar për procedura të përshpejtuara, për shembull, direkt në kufij ose në zonat e tranzitit. Aplikantët nga vendet kandidate të BE-së gjithashtu konsiderohen përgjithësisht të sigurt, me kusht që të mos ketë luftë ose rreziqe serioze për të drejtat e njeriut.
    Për më tepër, 21,000 azilkërkues do të zhvendosen brenda Bashkimit Evropian për të lehtësuar barrën mbi shtetet anëtare të BE-së që janë nën presion të veçantë, siç përcaktuan më tej ministrat e brendshëm të BE-së. Ky është një i ashtuquajtur grup solidariteti.
    Për momentin, mbetet e paqartë se çfarë kontributesh specifike do të duhet të japin Gjermania ose vendet e tjera sipas marrëveshjes. Megjithatë, sipas një analize nga Komisioneri i Çështjeve të Brendshme të BE-së, Magnus Brunner, Gjermania mund të tregojë faktin se ajo tashmë po kujdeset për një numër të madh azilkërkuesish për të cilët shtetet e tjera anëtare të BE-së do të ishin në fakt përgjegjëse.

  • BE ashpërson politikën për emigracionin, azilkërkuesit e refuzuar nuk do të lejohen të qëndrojnë

    BE ashpërson politikën për emigracionin, azilkërkuesit e refuzuar nuk do të lejohen të qëndrojnë

    Bota E Hënë, 8 Dhjetor 2025 21:22
    Ministrat e Brendshëm të BE-së arritën një marrëveshje të gjerë për paketën e reformave mbi migracionin të hënën, duke mbushur boshllëqet e fundit të reformës së migracionit të Bashkimit Evropian dhe duke hapur rrugën për negociatat me Parlamentin Evropian.
    Tre projektligjet kryesore rishkruajnë në mënyrë të ndjeshme rregullat për azilin në BE dhe janë pjesë e Paktit për Migracionin dhe Azilin – plani kryesor i BE-së, i cili pritet të hyjë në fuqi deri në qershor të vitit 2026. Në një takim në Bruksel, ministrat miratuan atë që Komisioni Evropian e ka quajtur për një kohë të gjatë “pjesën e humbur” të sistemit: rregulloren për rikthimet. Ky ligj, i propozuar për herë të parë në mars, mundëson që shtetet e BE-së të krijojnë “qendra rikthimi” jashtë territorit të BE-së për migrantët që presin të deportohen.

    “Marrëveshja do të mundësojë që si BE-ja ashtu edhe një ose më shumë shtete anëtare të bëjnë një marrëveshje me një shtet të tretë për krijimin e qendrave të rikthimit,” tha ministri i Imigracionit të Danimarkës, Rasmus Stoklund. Ministrat gjithashtu miratuan ndryshimet në konceptin e shtetit të tretë të sigurt, i cili do ta bënte më të lehtë refuzimin e kërkesave për azil dhe mundësonte deportimet në shtetet që kërkuesi ka kaluar vetëm nëpër to. Për herë të parë, shtetet e BE-së do të kenë një listë të shteteve të sigura të origjinës në nivel evropian, e cila përfshin Bangladeshin, Kolumbinë, Egjiptin, Indinë, Kosovën, Marokun dhe Tunizinë. Përveç këtyre shteteve, Komisioni gjithashtu i konsideron shtetet kandidate për anëtarësim në BE, si Turqinë dhe Gjeorgjinë, si të sigurta. Aplikimet nga qytetarët e këtyre shteteve do të trajtohen më shpejt.

    Luftra politike më e vështirë ishte nëse të gjitha shtetet e BE-së duhet të zbatojnë automatikisht urdhërat për deportimin e njëri-tjetrit, një pjesë e propozimit për rikthimet. Teksti përfundimtar paraqet një mekanizëm në dy etapa: fillimisht vullnetar dhe pastaj detyrues. Ai gjithashtu krijon procedura të përbashkëta për BE-në, krijon detyrime për ata që nuk kanë të drejtën për të qëndruar, forcimin e bashkëpunimit mes kryeqyteteve dhe mundëson krijimin e “qendrave rikthimi” në shtetet jashtë BE-së.

    Disa qeveri kishin frikë se njohja e ndërsjellë e rikthimeve do të mundësonte që shtetet në vijën e parë të fronteve, si Spanja, Italia ose Greqia, të kalonin migrantët përtej kufirit, duke i ngarkuar shtetet e tjera me barrën e enforcement-it. Ministrat gjithashtu arritën një marrëveshje mbi mekanizmin e solidaritetit të Paktit, i cili kërkon që çdo kryeqytet i BE-së të kontribuojë përmes relocimeve, mbështetjes financiare ose ndihmës operative.
    Komisioni kishte propozuar 30,000 relocime ose mbështetje financiare të barabartë (€20,000 për person), por ministrat ranë dakord për një objektiv më të ulët por detyrues: 21,000 relocime ose €420 milion për ciklin deri në 2026. Organizatat e shoqërisë civile reaguan me shqetësim ndaj marrëveshjes së Këshillit, veçanërisht ndaj nenit të propozimit për rikthimet, i cili do të lejonte autoritetet të kryenin bastisje, hetime dhe kontrollime shtesë për të zbatuar deportimet.
    Ky dispozitë do të përfshinte si shtëpitë e individëve që janë nën urdhra rikthimi, ashtu edhe “objekte të tjera të rëndësishme,” mundësisht duke përfshirë rezidencat e qytetarëve të BE-së që dyshohet se strehojnë migrantë, si dhe zyra të OJQ-ve dhe qendra humanitare. “Kjo propozim i ri mban shenjat e një shteti policor,” paralajmëroi Silvia Carta, oficere e mbështetjes në Platformën për Bashkëpunim Ndërkombëtar për Migrantët pa Dokumente. Sipas saj, leja për autoritetet të hyjnë në shtëpi private me një liri të tillë është një përpjekje e qartë për të intimiduar këdo që ndihmon një njeri dhe për të rrezikuar njerëzit në nevojë edhe më shumë. Me rregulloren për rikthimet, BE-ja po “legjitimon burgjet jashtë territorit, profilizimin racor dhe burgosjen e fëmijëve në mënyra që nuk kemi parë më parë,” tha Sarah Chander, drejtoreshë në Iniciativën Equinox për Drejtësinë Racore.

  • Kërkesat për azil në BE, ndryshon procedura/ Dakordësim për rregulla më të rrepta për..

    Kërkesat për azil në BE, ndryshon procedura/ Dakordësim për rregulla më të rrepta për..

    Shtetet anëtare të BE-së duan të rrisin presionin mbi azilkërkuesit e refuzuar dhe t’i bëjnë deportimet më efikase. Për këtë qëllim, njerëzit pa të drejtë qëndrimi do të përballen me detyrime të reja dhe shkurtime të përfitimeve për shkak të mungesës së bashkëpunimit me autoritetet, siç njoftuan shtetet anëtare pas arritjes së një marrëveshjeje në një takim të ministrave të brendshëm evropianë në Bruksel.
    Ministrat e Brendshëm të BE-së duan gjithashtu të shtrëngojnë më tej ligjin e azilit. U ra dakord për dy masa kryesore: një rishikim i konceptit të të ashtuquajturave vende të treta të sigurta dhe futja e një liste të përbashkët të vendeve të sigurta të origjinës.
    “Çdo vit, dhjetëra mijëra vijnë në Evropë dhe aplikojnë për azil, edhe pse vijnë nga vende të sigurta”, shpjegoi ministri danez, Rasmus Stoklund. Danimarka aktualisht mban presidencën e radhës të Këshillit. Rregullat e reja synojnë të mundësojnë procedura më të shpejta dhe më efektive të azilit.
    Në të ardhmen, shtetet anëtare do të jenë në gjendje të refuzojnë më lehtë kërkesat për azil nëse mbrojtja ekziston tashmë në një vend të sigurt jashtë BE-së. Një lidhje midis aplikantit dhe vendit të tretë nuk do të jetë më e detyrueshme. Nga ana tjetër, koncepti mund të zbatohet nëse aplikanti ka udhëtuar nëpër vendin e tretë ose nëse ekziston një marrëveshje për përpunimin e kërkesave për azil.
    Prandaj, propozimi lejon krijimin e të ashtuquajturave qendra kthimi në vendet e treta. Kështu, azilkërkuesit mund të deportohen në vendet që nuk i kanë vizituar kurrë. Azilkërkuesit e refuzuar nuk do të lejohen automatikisht të qëndrojnë në BE ndërsa apeli i tyre është në pritje.
    Për herë të parë, BE-ja ka krijuar gjithashtu një listë të përbashkët të vendeve të sigurta të origjinës. Kjo listë përfshin Egjiptin, Marokun, Tunizinë, Indinë, Kosovën, Bangladeshin dhe Kolumbinë. Azilkërkuesit nga këto vende do të jenë të kualifikuar për procedura të përshpejtuara, për shembull, direkt në kufij ose në zonat e tranzitit. Aplikantët nga vendet kandidate të BE-së gjithashtu konsiderohen përgjithësisht të sigurt, me kusht që të mos ketë luftë ose rreziqe serioze për të drejtat e njeriut.
    Për më tepër, 21,000 azilkërkues do të zhvendosen brenda Bashkimit Evropian për të lehtësuar barrën mbi shtetet anëtare të BE-së që janë nën presion të veçantë, siç përcaktuan më tej ministrat e brendshëm të BE-së. Ky është një i ashtuquajtur grup solidariteti.
    Për momentin, mbetet e paqartë se çfarë kontributesh specifike do të duhet të japin Gjermania ose vendet e tjera sipas marrëveshjes. Megjithatë, sipas një analize nga Komisioneri i Çështjeve të Brendshme të BE-së, Magnus Brunner, Gjermania mund të tregojë faktin se ajo tashmë po kujdeset për një numër të madh azilkërkuesish për të cilët shtetet e tjera anëtare të BE-së do të ishin në fakt përgjegjëse.

  • “Europa e izoluar, ne jo”.Rusia tregon strategjinë për Ukrainën

    “Europa e izoluar, ne jo”.Rusia tregon strategjinë për Ukrainën

    Bota E Hënë, 8 Dhjetor 2025 12:42
    “Europa donte të na izolonte, por nuk ia doli, dhe tani po kupton se e vetmja që mbeti e izoluar është vetë ajo.” Kështu deklaron Marat Bashirov, politolog i njohur për bindjet pro-Putin dhe ish-kryeministër i republikës separatiste të Luhanskut në vitin 2014, i cili thotë se ky është një moment i favorshëm për Moskën.
    Sipas tij, vizita e Vladimir Putinit në Indi ka qenë ndryshe nga të tjerat, sepse SHBA shpresonte ta largonte Nju Delhin nga bashkëpunimi me “tigrin indian, dragoin kinez dhe ariun rus”.

    “Që nga pritja në aeroport u kuptua se do të finalizonim të gjitha marrëveshjet që administrata Trump kishte tentuar kot t’i pengonte muajt e fundit,” tha Bashirov.

    Ai argumenton se me Donald Trumpin si president, Shtetet e Bashkuara kanë ndryshuar qasjen në promovimin e interesave të tyre.

    “Shtetet e Bashkuara e dinë prej kohësh se Kina është konkurrenti i tyre kryesor. Kjo e detyron Shtëpinë e Bardhë të mos na shohë më si pjesë të të ashtuquajturit ‘boshti i së keqes’. Si pasojë, ‘çështja ukrainase’ për ta nuk ka më vlerë. Thjesht duan të heqin qafe atë problem,” thekson ai.
    Bashirov rendit tre pikat ku Rusia, sipas tij, mund të bëjë lëshime për t’i dhënë fund konfliktit: “Sa i takon NATO-s, territoreve dhe përmasave të forcave të armatosura të Ukrainës, këtu nuk ka asnjë lëvizje – është një qëndrim i ngurtë, zyrtar. Gjithçka tjetër mbetet në zona gri,” thotë politologu.
    Ai shpjegon se nga e merr Moska bindjen se mund të vendosë kushte: “Së pari, ju (evropianët) jeni të ndarë në të paktën tre grupe. Janë miqtë tanë, ose le t’i quajmë aleatë. Pastaj është grupi Francë–Gjermani–Britani, që mbështetin luftën. Grupi i tretë është ai i heshturve, të gjitha shtetet e tjera për të cilat çështja kryesore është uniteti i BE-së dhe problemi i madh i NATO-s, që nuk është më një aleancë atlantike pa SHBA-të. Italia lëkundet mes grupit të dytë dhe të tretit.”
    “Sapo të bini dakord mes njëri-tjetrit, mund të keni më shumë peshë. Por për momentin,” thotë Bashirov, “faktet flasin vetë: ju jeni të izoluar, jo ne.”

  • “Tregohuni të zotët e vetes”, SHBA i jep afat Europës: Keni kohë deri në 2027-tën për..

    “Tregohuni të zotët e vetes”, SHBA i jep afat Europës: Keni kohë deri në 2027-tën për..

    Shtetet e Bashkuara duan që deri në 2027-tën, Europa të marrë përsipër shumicën e aftësive mbrojtëse konvencionale të NATO-s, që nga informacionet e inteligjencës e deri tek raketat.
    Afati i shkurtër, që iu komunikua në Washington nga zyrtarë të Pentagonit, diplomatëve europiane iu duk tejet jorealist.
    Reuters thotë se mesazhi, i pohuar nga pesë burime që kanë dijeni për këtë diskutim, përfshirë këtu një zyrtar amerikan, u përcoll në një takim në Uashington këtë javë të stafit të Pentagonit që mbikëqyr politikën e NATO-s dhe disa delegacioneve europiane.
    Raportet për afatin e ri vijnë mes agresionit të vazhdueshëm rus në Ukrainë dhe përpjekjeve të udhëhequra nga SHBA-të për të ndërmjetësuar paqen.
    I dërguari amerikan Steve Witkoff dhe Jared Kushner u takuan me një delegacion rus në Kremlin të martën.
    Presidenti Donald Trump u tha gazetarëve në Zyrën Ovale se takimi ishte “mjaftueshëm i mirë”, por Ukraina dhe aleatët e saj europiane e kanë akuzuar presidentin rus Vladimir Putin se po hiqet sikur është i interesuar në përpjekjet për paqe, kur në të vërtetë, drejt saj nuk po shënohet asnjë përparim.
    Administrata Trump tani duket se dëshiron që Europa të marrë shumë më tepër përgjegjësi për mbrojtjen në kontinentin e vjetër. Në këtë pikë, ajo nuk po mjaftohet më as me gatishmërinë e liderëve të NATO-s për të rritur shpenzimet e mbrojtjes në 5% të prodhimit të tyre ekonomik deri në vitin 2035.
    Afati i ri e Pentagonit erdhi me një paralajmërim: Nëse ai nuk përmbushet, Shtetet e Bashkuara mund të tërhiqen nga disa nga koordinimet e tyre të mbrojtjes me aleatët e NATO-s.

  • SYRI TV/ Joseph në Syri TV: SHBA e shqetësuar për reformën në drejtësi dhe arrestimin e liderëve të opozitës

    SYRI TV/ Joseph në Syri TV: SHBA e shqetësuar për reformën në drejtësi dhe arrestimin e liderëve të opozitës

    Pak ditë pas dëshmisë së tij në Kongresin amerikan, eksperti i njohur amerikan Eduart Joseph deklaroi në një intervistë ekskluzive për Syri TV se Shtetet e Bashkuara janë të shqetësuara për arrestimin e figurave kryesore të opozitës në kontekstin zgjedhor. Ai foli për problemet e shfaqura pas miratimit të reformës në drejtësi ku theksoi se stoku i çështjeve u mohon qytetarëve një proces të drejtë ligjor. Joseph tha se krimi i organizuar dhe droga në Shqipëri dhe rajon janë problem madhor për Shtetet e Bashkuara të Amerikës dhe theksoi se në Shqipëri shteti i së drejtës është në pikëpyetje.

     

    SYRI TV

     

    Eksperti i njohur amerikan Eduart Joseph ka rikonfirmuar deklaratat e tij të forta për Shqipërinë para Komitetit për Politikën e Jashtme në Kongresin amerikan. Në një intervistë ekskluzive për Syri TV, Joseph tha se Shtetet e Bashkuara të Amerikës janë të shqetësuara për problemet e shfaqura pas miratimit të reformës në drejtësi, që nga stoku i çështjeve të cilat u mohojnë qytetarëve të drejtën e një procesi të drejtë ligjor e deri te arrestimet e figurave qendrore të opozitës në kontekstin zgjedhor.

     

    Joseph u ndal edhe te çështja e rënies së pluralizmit politik në Shqipëri ku theksoi se qeveria duhet të japë llogari dhe të mbahet përgjegjëse prej opozitës. Ai e cilësoi si shumë profesional raportin e OSBE/ODIHR për zgjedhjet e 11 majit i cili evidentoi se gara nuk ishte e barabartë mes palëve dhe një sërë shkeljesh të tjera, dhe identifikoi ndërhyrjet e qeverisë në procesin zgjedhor.