Lajmidites.com

Tag: shtetëror

  • Marrin fund dilemat, Komisioneri Shtetëror i Zgjedhjeve miraton numërimin e votave të ardhura nga Greqia

    Marrin fund dilemat, Komisioneri Shtetëror i Zgjedhjeve miraton numërimin e votave të ardhura nga Greqia

    Kreu i Komisionit Qendror të Zgjedhjeve, Ilirjan Celibashi, ka njoftuar se KQZ ka pranuar kërkesën e PS dhe ka vendosur hapjen e kutive dhe numërimin e zarfeve të votave të ardhura nga diaspora shqiptare në Greqi.
    Gjatë fjalës së tij, Celibashi theksoi se asnjë kuti nuk është vlerësuar e parregullt, ndaj është detyrim ligjor për te numëruar dhe vlerësuar çdo vote dhe çdo zarf që gjendet në këto kuti.
    “Komisioni shtetëror i zgjedhjeve vendos vazhdimin dhe përfundimin e numërimit dhe të vlerësimit të çdo dokumentacioni zgjedhor të votuesve nga jashtë të ardhur në KQZ, si dhe tabelimin e rezultateve përkatëse për subjektet zgjedhore, kandidatët që i janë nënshtruar votimit për çdo qark. Ky urdherim përfshin gjithashtu edhe zarfet që nuk janë shqyrtuar dhe janë administruar sipas vendimit të Komisionit Shtetëror të Zgjedhjeve nr. 1121, datë 12.05.2025. Ky vendim hyn në fuqi menjëherë”, tha Celibashi.
    Kujtojmë se votat e mbërritura nga Greqia u lanë pezull pas kërkesës së bërë nga PD drejtuar KQZ, por pas këtij vendimi, PS e ankimoi në KAS, dhe ky i fundit i dha të drejtë.
    Partia Socialiste kërkoi marrjen e masave për të vijuar në mënyrë të rregullt procesin e numërimit dhe vlerësimit të zarfeve “B” të kontestuara nga grupet e numërimit.

    Mund të udhëtosh me qerre, Fiat ose Ferrari. Zgjedhja është në dorën tuaj! Lidhu me SHKODRAWEB, mjafton të klikoni Kontaktoni për të mësuar më shumë.
    Ju mirëpresim!

  • “Sherri” për numërimin e votës së Greqisë, Komisioneri Shtetëror i Zgjedhjeve nesër nis shqyrtimin e ankesës së PS

    “Sherri” për numërimin e votës së Greqisë, Komisioneri Shtetëror i Zgjedhjeve nesër nis shqyrtimin e ankesës së PS

    Komisioneri Shtetëror i Zgjedhjeve do të zhvillojë seancë publike ditën e nesërme, në ora 09:30 me këtë rend dite.

    Çështje për shqyrtim do të jetë për shqyrtimin e kërkesës së Partisë Socialiste të Shqipërisë për marrjen e masave për vijimin e rregullt të procesit të numërimit dhe vlerësimit të votave nga jashtë.

    Kujtojmë se mes PD dhe PS ka pasur ‘përplasje’ në lidhje me numërimin e votave të diasporës, ku ato të që kanë ardhur nga Greqia demokratët kanë kërkuar që të mos numërohen pasi pretendojnë për parregullsi, ndërsa socialistët kanë kërkuar vijimin e numërimit normalisht.

    Top Channel

  • Komisioneri Shtetëror i Zgjedhjeve urdhëron partitë: Respektoni heshtjen zgjedhore

    Komisioneri Shtetëror i Zgjedhjeve urdhëron partitë: Respektoni heshtjen zgjedhore

    Foto ilustruese

    TIRANË- Komisioneri Shtetëror i Zgjedhjeve përmes një deklarate në rrjetet sociale ka njoftuar të gjitha subjektetet zgjedhore duke urdhëruar respektimin e heshtjes zgjedhore.
    “Komisioneri Shtetëror i Zgjedhjeve urdhëron respektimin e plotë të heshtjes zgjedhore, e cila ndalon çdo lloj fushate apo thirrjeje elektorale, përfshirë edhe atë në rrjetet sociale.
    Subjektet zgjedhore nuk duhet të adresojnë mesazhe politike apo elektorale gjatë heshtjes zgjedhore, në asnjë formë”, thuhet në deklaratë.
     

  • Komisioneri Shtetëror i Zgjedhjeve urdhëron subjektet politike: Respektoni heshtjen zgjedhore, mos adresoni asnjë mesazh, në asnjë formë!

    Komisioneri Shtetëror i Zgjedhjeve urdhëron subjektet politike: Respektoni heshtjen zgjedhore, mos adresoni asnjë mesazh, në asnjë formë!

    Njoftim zyrtar nga Komisioneri Shtetëror i Zgjedhjeve:

    Komisioneri Shtetëror i Zgjedhjeve urdhëron respektimin e plotë të heshtjes zgjedhore, e cila ndalon çdo lloj fushate apo thirrjeje elektorale, përfshirë edhe atë në rrjetet sociale.
    Subjektet zgjedhore nuk duhet të adresojnë mesazhe politike apo elektorale gjatë heshtjes zgjedhore, në asnjë formë.

    Top Channel

  • Sulmi me armë zjarri në universitetin shtetëror të Floridas, shkon në 2 numri i viktimave, 6 të tjerë të plagosur

    Sulmi me armë zjarri në universitetin shtetëror të Floridas, shkon në 2 numri i viktimave, 6 të tjerë të plagosur

    Dy persona kanë vdekur dhe gjashtë të tjerë janë në spital pas të shtënave të enjten në Universitetin Shtetëror të Floridës në Tallahassee.

    Policia tha se viktimat nuk ishin studentë.
    Sherifi i Qarkut Leon Walter McNeil, tha se autori i dyshuar është një 20-vjeçar. McNeil tha se ai është djali i një oficeri dhe një nga armët e gjetura në vendngjarje i përkiste atij.
    Presidenti amerikan, Donald Trump tha se ai ishte informuar për incidentin në fillim të një takimi me kryeministren italiane Giorgia Meloni në Shtëpinë e Bardhë, duke e quajtur atë “një gjë e tmerrshme”.
    “Lutjet tona janë me familjen tonë të FSU, zbatuesit e ligjit shtetëror po përgjigjet në mënyrë aktive”, tha Guvernatori i Floridas, Ron DeSantis.
    Universiteti ka anuluar të gjitha aktivitetet deri të premten, dhe ngjarjet sportive u anuluan gjithashtu për fundjavën.
    Policia iu përgjigj një thirrjeje aktive të të shtënave rreth mesditës, tha universiteti.
    Një alarm u lëshua menjëherë pasi paralajmëroi studentët dhe ata në kampus të “kërkojnë strehim dhe të presin udhëzime të mëtejshme”.
    “Një nga shoqet e mia të klasës mori një alarm në telefonin e saj dhe ia njoftoi atë pjesës tjetër të klasës”, tha studentja Ava Arenado për CBS News Miami.
    Një student tjetër, Blake Leonard, i tha CBS se fillimisht kishte dëgjuar rreth 12 të shtëna.
    “Në kokën time në fillim mendova se ishte ndërtim, derisa shikova pas meje dhe pashë njerëz që vraponin nga sindikata në drejtimin tim, dhe më pas dëgjova 12 ose 15 të shtëna të tjera, kështu që fillova të ikja edhe prej andej”, tha ai.
     

    Top Channel

  • SHBA-Iran negociata të tjera mbi programin bërthamor javën e ardhshme

    SHBA-Iran negociata të tjera mbi programin bërthamor javën e ardhshme

    Irani dhe SHBA-ja do të zhvillojnë më shumë negociata javën e ardhshme lidhur me avancimin e shpejtë të programit bërthamor të Teheranit, njoftoi televizioni shtetëror iranian në fund të raundit të parë të bisedimeve midis dy vendeve – që kur presidenti, Donald Trump u kthye në Shtëpinë e Bardhë, sipas AP.
    Transmetuesi shtetëror i Iranit zbuloi se i dërguari i SHBA-së për Lindjen e Mesme Steve Witkoff dhe ministri i Jashtëm iranian Abbas Araghchi “folën shkurt” së bashku – hera e parë që të dy vendet e bëjnë këtë që nga administrata e Obama-s.

    Deklarata e Teheranit se të dy palët folën ballë për ballë – edhe pse shkurt – sugjeron që negociatat shkuan mirë edhe për televizionin shtetëror iranian, i cili është kontrolluar prej kohësh nga linjat e ashpra.
    Në një deklaratë të lëshuar të shtunën pasdite, Shtëpia e Bardhë i përshkroi diskutimet si “shumë pozitive dhe konstruktive”, ndërsa pranoi se çështjet që duhet të zgjidheshin ishin shumë të ndërlikuara.
    “Komunikimi i drejtpërdrejtë i të dërguarit special Witkoff sot ishte një hap përpara në arritjen e një rezultati reciprokisht të dobishëm”, tha Shtëpia e Bardhë.
    Trump u tha gazetarëve në “Air Force One” ndërsa po fluturonte për në Miami për një ngjarje UFC se bisedimet po shkonin mirë.
    “Nuk mund t’ju them sepse asgjë nuk ka rëndësi derisa ta kryeni atë, kështu që nuk më pëlqen të flas për të, por po shkon mirë. Situata në Iran po shkon shumë mirë, mendoj,” tha ai.
    “Raundi tjetër i bisedimeve do të zhvillohet të shtunën”, më 19 prill, sipas deklaratave iraniane dhe amerikane.
    Raund i parë i bisedimeve nisi dje rreth orës 15:30. Të dyja palët folën për më shumë se dy orë në një vend në periferi të Muscat, kryeqyteti i Omanit, duke i dhënë fund bisedimeve rreth orës 17:50. //a.i/ ATSH

  • Tragjedia në Koçan, arrestohen ish-ministrat e Ekonomisë në Maqedoninë e Veriut, e pëson edhe zyrtari i Saigurimit të Shtetit

    Tragjedia në Koçan, arrestohen ish-ministrat e Ekonomisë në Maqedoninë e Veriut, e pëson edhe zyrtari i Saigurimit të Shtetit

    Në kuadër të hetimeve për zjarrin tragjik në Koçan, ku humbën jetën 61 persona, policia ka ndaluar ish-ministrat e Ekonomisë, Valon Saraçini dhe Bekim Neziri, kuadro të BDI-së, si dhe ministrin aktual pa portofol dhe ish-drejtor i Drejtorisë për Mbrojtje dhe Shpëtim , Shaban Saliu, mëson “360 Gradë”.
    Mes të arrestuarve është edhe drejtori aktual i Sigurimit të Shtetit, Xhevat Selami, punonjës i VLEN.
    Sipas informacioneve tona hetimi po zgjerohet duke përfshirë edhe 23 të dyshuar të rinj.
    Nëntëmbëdhjetë prej tyre janë ndaluar ose janë në paraburgim. Njëri prej tyre është vendosur të mos jetë në vend. Fjala është për Driton Kuçin, njëherësh ish-ministër i Ekonomisë si kuadër i BDI-së, i cili aktualisht është ambasador i vendit në Mbretërinë e Norvegjisë.
    Sipas mënyrës se si po kryen hetimet nga Prokuroria, dyshimet janë se ka lidhje shkakësore që nga viti 2012 në Ministrinë e Ekonomisë dhe Shërbimin e Sigurimit Shtetëror, por jo në drejtimin e Inspektoratit Shtetëror të Tregut deri në momentin e zjarrit në kabarenë e ashtuquajtur “Pulse” në Koçan. Sipas informacioneve tona, të gjithë ata që kanë qenë ministra të ekonomisë dhe drejtorë të Entit Shtetëror të Statistikave që nga viti 2012, përfshirë edhe drejtorin aktual të Entit Shtetëror të Statistikave, janë arrestuar.
    Ministri aktual i Ekonomisë Besar Durmishi nuk është i dyshuar. Në Prokurorinë Publike të Koçanit është duke u hetuar lidhur me zjarrin në të ashtuquajturën Kabareja “Pulse” në Koçan që ndodhi më 16 mars. Kosovapress.

  • Kryepeshkopi Joan intervistë në gjuhën shqipe për televizionin shtetëror të Greqisë (VIDEO)

    Kryepeshkopi Joan intervistë në gjuhën shqipe për televizionin shtetëror të Greqisë (VIDEO)

    Kryepeshkopi i ri i Kishës Ortodokse Autoqefale të Shqipërisë, Imzot Joani, ka zgjedhur një televizion grek për të dhënë intervistën e tij të parë televizive.
    Ndonëse e njeh gjuhën greke, ai foli në shqip për televizionin shtetëror të Greqisë, ERT.
    Kryepeshkopi tregon rrugëtimin e tij të besimit, studimet dhe bashkëpunimin që pati me paraardhësin e tij Anastas Janullatos.
    Në videon më poshtë ndiqni të plotë intervistën e Imzot Joanit.

  • Kryepeshkopi Joan jep intervistën e parë televizive për Tv shtetëror të Greqisë (VIDEO)

    Kryepeshkopi Joan jep intervistën e parë televizive për Tv shtetëror të Greqisë (VIDEO)

    Pas gazetës TemA, kryepeshkopi i ri i Kishës Ortodokse Autoqefale të Shqipërisë, Imzot Joani, ka zgjedhur një televizion grek për të dhënë intervistën e tij të parë televizive. Ndonëse e njeh gjuhën greke, ai foli në shqip për televizionin shtetëror të Greqisë, ERT. Kryepeshkopi tregon rrugëtimin e tij të besimit, studimet dhe bashkëpunimin që pati me paraardhësin e tij Anastas Janullatos. Në videon më poshtë ndiqni të plotë intervistën e Imzot Joanit. ©Argjiroja.net

  • 80 vite nga masakra e Filatit/ Alket Veliu: Duhet studim shtetëror për Çamërinë

    80 vite nga masakra e Filatit/ Alket Veliu: Duhet studim shtetëror për Çamërinë

    Fondacioni Çamëria “Hasan Tahsini” i drejtuar nga zoti Alket Veliu organizoi sot një aktivitet në kujtim të 80-vjetorit të masakrës së Filatit. Në 6 Mars 1945 u krye në pabesi në Filat, Çamëri një nga masakrat më të tmerrshme ndaj popullsisë së shqiptare.
    Historiani Pëllumb Xhufi u shpreh se politikanët shqiptarë në 30 vitet e fundit kanë heshtur përballë propagandës greke edhe kur ajo është bërë në mes të Tiranës për spastrimin etnik të Çamërisë.
    “Për këtë masakër”- vijoi më tej Hajredin Isufi, historian, personalitet i shquar i Çamërisë- “kanë shkruar shumë dhe asnjëherë nuk kanë thënë të vërtetën. Dhe misionarët anglezë kur vinte puna i mishëronin çamërit por në fund të fundit nuk thanë asnjë gjë”.
    “Mbaj mend dhjetëra rrëfime nga babai im dhe patriotë që vinin në familjen tonë. Unë jam “ushqyer” nga këto kujtime për dy masakrat” theksoi historiani Enver Kushi.
    Drejtuesi i Fondacionit Çamëria “Hasan Tahsini” Alket Veliu kërkoi nga Instituti i Historisë dhe Akademia e Shkencave një studim zyrtar shtetëror të mirëfilltë për Çamërinë që të jetë busull për politikën tonë.

    “Ajo që ndjej unë dhe besoj shumë të tjerë është fakti që ne duhet të themi të vërtetat tona. Të vërtetat e Çamërisë, të historisë sonë kombëtare. Pak minuta më parë se të fillonim pata një bashkëbisedim me profesor Bernard Zotaj, që dha një ide shumë të mirë lidhur me atë për të cilën çamët akuzohen nga grekët për bashkëpunimin me fashistët.

    Ndërkohë që ka qindra partizanë, shqiptarë të Çamërisë të vrarë në luftë kundër okupatorit dhe nëse e kemi pak disi të vështirë të identifikojmë ata të gjithë që janë vrarë në Çamëri por ne e kemi pak më të thjeshtë që të identifikojmë shqiptarët e Çamërisë të vrarë në Shqipëri. Ndaj mirëprita propozimin e profesorit për të punuar për të ngritur një grup pune për të identifikuar këta shqiptarë të Çamërisë që kanë dhënë jetën për çlirimin e vendit.

    Ajo që kemi nevojë sot është që të kemi një studim zyrtar shtetëror të mirëfilltë për Çamërinë. Do të ishte në nderin tonë kombëtar që Instituti i Historisë, Akademia e Shkencave të ngrinte një grup pune për të pasur një dokument historik të plotë, studimor për çështjen Çame që të jetë një lloj busulle edhe për zyrtarët dhe të gjitha ata që duhet të merren me çështjen çame; Parlamentin shqiptar, qeverinë, ministrinë e Jashtme që të mos të kemi qëndrime të shkëputura që kurrsesi nuk kanë bazë historinë. Pra duhet të kemi bazë historike shtetërore. Unë e konsideroj të rëndësishme këtë gjë” tha ai.