Presidenti i SHBA, Donald Trump, njoftoi se ka nënshkruar letra për 12 shtete, ku shpjegohen nivelet e ndryshme të tarifave që do t’u imponohen mallrave që ato eksportojnë në SHBA. Letrat, të cilat janë cilësuar si “merr ose lëre”, do të dërgohen të hënën. Trump nuk dha detaje për emrat e shteteve, por këto do të bëhen publike atë ditë.
Në muajin prill, Trump shpalli një tarifë të bazuar prej 10% për shumicën e shteteve dhe shtesa tarifore që mund të arrinin deri në 50%. Megjithatë, tarifat përveç asaj të bazës u pezulluan për 90 ditë për të lejuar kohë për negociata. Ky periudhë skadon më 9 korrik, dhe Trump ka sugjeruar se tarifat mund të arrijnë deri në 70%, me shumicën që do të hyjnë në fuqi më 1 gusht.
Fillimisht, administrata e Trumpit kishte planifikuar të negociojë marrëveshje me shumë shtete për tarifat, por pas disa dështimesh me partnerët kryesorë tregtarë si Japonia dhe Bashkimi Evropian, Presidenti është tërhequr nga kjo rrugë dhe ka vendosur të dërgojë letra të drejtpërdrejta. Shtëpia e Bardhë po përballet me sfida për të arritur marrëveshje mbi tarifat dhe barrierat jo-tarifore, duke përfshirë ndalimet për importet bujqësore, gjithashtu me një afat të ngushtë kohor.
Marrëveshje përkatëse janë arritur vetëm me Britaninë dhe Vietnamin, ku janë ulur tarifat dhe janë bërë përjashtime për disa sektorë.
Tag: shtete
-
Trump nënshkruan letrat për mallrat e eksportit: 12 shtete në objektiv dhe rreziku i tarifave deri në 70 për qind
-
A do ta përfundojë tani Trump edhe luftën në Gaza? Zbulohet plani me 5 pika për Izraelin dhe palestinezët
Teksa lufta 12-ditore mes Izraelit dhe Iranit ka përfunduar, duket se SHBA dhe Izraeli janë dakordësuar për një plan të ardhshëm për Lindjen e Mesme. Trump dhe Netanjahu duan të arrijnë shpejt marrëveshje të reja paqeje me shtete arabe dhe të përfundojnë sa më parë luftën në Gaza.
Një zgjidhje me dy shtete, pra një shtet izraelit përkrah një shteti palestinez, duket se është sërish në tryezën e diskutimeve.Pas sulmit amerikan ndaj impianteve bërthamore të Iranit, dy aleatët, SHBA dhe Izraeli kanë rënë dakord për një plan me 5 pika për Lindjen e Mesme. BILD shpjegon pikat më të rëndësishme:
Pika 1: Luftimet në Gaza duhet të përfundojnë brenda dy javësh,” shkruan gazeta. Presidenti amerikan Trump tha të premten para gazetarëve në Shtëpinë e Bardhë se ai beson “që brenda javës së ardhshme do të ketë një armëpushim në Gaza.
Sipas Israel Hayom, katër shtete arabe përfshirë Egjiptin dhe Emiratet e Bashkuara Arabe pritet të marrin në dorë administrimin e Gazës, duke zëvendësuar Hamasin. Udhëheqja e mbetur e Hamasit do të dërgohet në mërgim dhe 50 pengjet e mbajtura do të lirohen më në fund.
Pika 2: Disa shtete në mbarë botën do të pranojnë banorë të Gazës që dëshirojnë të largohen. Nuk është bërë e ditur se për cilat vende bëhet fjalë megjithatë, Trump e ka propozuar këtë ide disa herë më parë.
Pika 3: Marrëveshjet e Abrahamit marrëveshjet e paqes mes Izraelit dhe disa shteteve arabe pritet të zgjerohen me përfshirjen e Sirisë dhe Arabisë Saudite. Veçanërisht një marrëveshje me Sirinë, e cila nuk e ka njohur kurrë Izraelin si shtet, do të ishte një hap vendimtar drejt paqes në Lindjen e Mesme. Sipas televizionit izraelit i24, një marrëveshje historike paqeje mes Izraelit dhe Sirisë mund të ndodhë brenda këtij viti, ku Izraeli do të tërhiqej tërësisht nga territori sirian.
Pika 4: Izraeli synon të shprehë gatishmërinë për një zgjidhje të ardhshme të konfliktit palestinez sipas modelit të dy shteteve por vetëm nëse bëhen reforma në Autoritetin Palestinez që qeveris Bregun Perëndimor.Pika 5: Sipas Israel Hayom, SHBA do ta njohin pjesërisht kontrollin izraelit mbi Bregun Perëndimor. -
Plani me 5 pika! Donald Trump synon t’i japë fund edhe luftës në Gaza
Donald Trump
SHBA-Teksa lufta 12-ditore mes Izraelit dhe Iranit ka përfunduar, duket se SHBA dhe Izraeli janë dakordësuar për një plan të ardhshëm për Lindjen e Mesme. Trump dhe Netanjahu duan të arrijnë shpejt marrëveshje të reja paqeje me shtete arabe dhe të përfundojnë sa më parë luftën në Gaza.
Një zgjidhje me dy shtete – pra një shtet izraelit përkrah një shteti palestinez – duket se është sërish në tryezën e diskutimeve.
Pas sulmit amerikan ndaj impianteve bërthamore të Iranit, dy aleatët, SHBA dhe Izraeli kanë rënë dakord për një plan me 5 pika për Lindjen e Mesme. BILD shpjegon pikat më të rëndësishme:
Pika 1: “Luftimet në Gaza duhet të përfundojnë brenda dy javësh,” shkruan gazeta. Presidenti amerikan Trump tha të premten para gazetarëve në Shtëpinë e Bardhë se ai beson “që brenda javës së ardhshme do të ketë një armëpushim në Gaza.”
Sipas Israel Hayom, katër shtete arabe përfshirë Egjiptin dhe Emiratet e Bashkuara Arabe pritet të marrin në dorë administrimin e Gazës, duke zëvendësuar Hamasin. Udhëheqja e mbetur e Hamasit do të dërgohet në mërgim dhe 50 pengjet e mbajtura do të lirohen më në fund.
Pika 2: Disa shtete në mbarë botën do të pranojnë banorë të Gazës që dëshirojnë të largohen. Nuk është bërë e ditur se për cilat vende bëhet fjalë megjithatë, Trump e ka propozuar këtë ide disa herë më parë.
Pika 3: Marrëveshjet e Abrahamit – marrëveshjet e paqes mes Izraelit dhe disa shteteve arabe – pritet të zgjerohen me përfshirjen e Sirisë dhe Arabisë Saudite. Veçanërisht një marrëveshje me Sirinë, e cila nuk e ka njohur kurrë Izraelin si shtet, do të ishte një hap vendimtar drejt paqes në Lindjen e Mesme. Sipas televizionit izraelit i24, një marrëveshje historike paqeje mes Izraelit dhe Sirisë mund të ndodhë brenda këtij viti, ku Izraeli do të tërhiqej tërësisht nga territori sirian.
Pika 4: Izraeli synon të shprehë gatishmërinë për një zgjidhje të ardhshme të konfliktit palestinez sipas modelit të dy shteteve – por vetëm nëse bëhen reforma në Autoritetin Palestinez që qeveris Bregun Perëndimor.
Pika 5: Sipas Israel Hayom, SHBA do ta njohin pjesërisht kontrollin izraelit mbi Bregun Perëndimor. -
Kumbaro: Aplikacioni TEA e çon turizmin përtej kufijve, përdorues nga 126 shtete
Kalendari turistik i eventeve verore edhe këtë vit vjen i harmonizuar në aplikacionin TEA (Tourism Events of Albania).
Ministrja e Turizmit dhe Mjedisit, Mirela Kumbaro ftoi sot të gjithë të interesuarit ta instalojnë këtë aplikacion, për të mos humbur asnjë nga aktivitetet turistike që zhvillohen në vend.Kumbaro vlerësoi se TEA është aplikacioni shqiptar që e çon turizmin përtej kufijve, ndërsa vuri në dukje se përdoruesit e këtij aplikacioni vijnë nga 126 shtete të botës.
“TEA udhëton kudo ku ka dëshirë për të zbuluar Shqipërinë, prandaj përdoruesit e saj vijnë nga 126 shtete të botës, sepse Shqipëria nuk është vetëm një destinacion, por një ndjesi që e merr me vete kudo”, u shpreh ministrja Kumbaro.
Aplikacioni TEA këtë sezon veror ofron një përvojë të përmirësuar dhe më gjithëpërfshirëse për të gjithë ata që dëshirojnë të eksplorojnë bukuritë natyrore dhe kulturore të vendit.Versioni më i fundit i TEA-s, Guidës Digjitale 360° për turizmin në Shqipëri, përmban: informacion të detajuar mbi plazhet publike dhe private përgjatë të gjithë vijës bregdetare shqiptare; Imazhe, përshkrime dhe koordinata të sakta për secilin destinacion bregdetar; Mundësi raportimi të shkeljeve apo problematikave, duke e kthyer aplikacionin në një mjet bashkëpunues mes turistëve dhe institucioneve; Evente kulturore, sportive dhe tradite, për të promovuar dimensionin shumëplanësh të turizmit në Shqipëri; Shërbime utilitare, që ndihmojnë turistët në planifikimin dhe orientimin gjatë udhëtimit të tyre në Shqipëri.
TEA nuk është thjesht një aplikacion informativ. Ai përfaqëson një filozofi të re të zhvillimit të turizmit, të bazuar në teknologji, transparencë dhe përfshirje qytetare. Përdoruesit tashmë kanë një burim të besueshëm në telefonin e tyre, që jo vetëm i orienton drejt përvojave më të mira, por edhe i fuqizon për të ndikuar pozitivisht në përmirësimin e shërbimeve.
Duke ndërtuar ura midis trashëgimisë natyrore, kulturës dhe teknologjisë, Shqipëria po pozicionohet gjithnjë e më shumë si një destinacion inteligjent dhe mikpritës në hartën e turizmit ndërkombëtar. -
Nëntë shtete zotërojnë armë bërthamore. Nëse çmendet Bota janë 12 mijë e 241 koka bërthamore gati për luftë
Nëntë shtete zotërojnë zyrtarisht armë bërthamore – Shtetet e Bashkuara, Mbretëria e Bashkuar, Franca, Izraeli, Rusia, Kina, Koreja e Veriut, India dhe Pakistani. Pothuajse të gjitha kanë vazhduar programet intensive të modernizimit në vitin 2024, duke përmirësuar armët ekzistuese dhe duke shtuar versione të reja.
Ky është një nga gjetjet kryesore të raportit të vitit 2025 nga Instituti Ndërkombëtar i Kërkimeve për Paqen në Stokholm (SIPRI).90% e potencialit bërthamor – dy shtete
Hulumtuesit e SIPRI arrijnë në përfundimin se nga 12241 koka bërthamore të vlerësuara në total në janar 2025, rreth 9614 ishin në potencialet ushtarake – të montuara në raketa, të vendosura në baza me forca operative, ose në depo qendrore nga të cilat mund të vendoseshin.
Rreth 3912 prej këtyre kokave bërthamore janë vendosur në raketa dhe avionë, ndërsa rreth 2100 janë në gjendje gatishmërie të lartë për raketa balistike.
Pothuajse të gjitha këto koka bërthamore, rreth 90 për qind, i përkasin Rusisë ose Shteteve të Bashkuara. Por vlerësohet se edhe Kina mund të ketë tani disa koka bërthamore në raketa.
Analistët e SIPRI-t paralajmërojnë se gjithnjë e më shumë shtete po shqyrtojnë zhvillimin e armëve bërthamore, me debate kombëtare mbi statusin dhe strategjinë bërthamore.
Nëse çmendet Bota dhe fillon hedhja e një bombe bërthamore, nuk ndalon kasaphana botërore.
Mos ndodhtë parashikimi i një emri të njohur nga bota e shkencës kur u pyet ” se si do të jetë lufta e III-të botëre”, ai u përgjigj” Di se lufta e IV botërore do të jetë me shpata e shigjeta!”.
-
Izrael-Iran/ Eksperti i sigurisë: Nëse përfshihen këto shtete, do të nisë lufta botërore
Eksperti i sigurisë, Xhavit Shala, thotë se lufta Izrael-Iran ka hyrë në një fazë serioze.
I ftuar në rubrikën “Përballë Lajmit” në Klan News, Xhavit Shala shprehet se Izraeli e ka justifikuar sulmin ushtarak ndaj Iranit, pasi është ndjerë i kërcënuar.
“Izraeli dhe Irani nuk po luajnë më luftash, këtë herë situata duket më serioze. Izraeli është në kushte mbijetese dhe ka vite që Irani shprehet hapur që kërkon zhdukjen e shtetit izraelit. Kjo është diçka që e ka justifikuar, duke e quajtur veten Izraeli që është në kushte mbijetese. Në telefonatën Trump-Netanyahu, duket që Presidenti Trump ka lënë mundësinë për një sulm të armatosur për të shtuar trysninë e Iranit për t’u ulur në bisedime”.
Eksperti u shpreh se nëse situata merr përmasa më të mëdha, Britani, Gjermania dhe Franca janë shprehur se do të mbështesin Izraelin.
Nga ana tjetër, Kina e Rusia mbështesin Iranin. Sipas ekspertit, Irani synon të bëjë aleancë me shtete mbi baza fetare, por kjo nuk ka ndodhur.
Megjithatë, eksperti Xhavit Shala thotë se nëse përfshihen këto shtete, atëherë do të nisë Lufta e III Botërore.
“Këtë herë situata duket serioze sepse ekziston mundësia e përfshirjes së aktorëve të tjerë. Nga ana tjetër, Kina, Rusia, mbështesin Iranin. Irani po përpiqet të bëjë një aleancë shtetesh mbi baza fetare, kryesisht të botës myslimane, por nuk ka përgjigje pozitive nga këto shtete sepse secili ka interesat e veta. Turqia është paraqitur si negociator. Nëse do përfshiheshin direkt në konflikt këto fuqi botërore, direkt do të kishim një luftë botërore. Izraeli ishte shumë i suksesshëm, ishte i shkëlqyer”. -
Operacion në 12 shtete, Interpol arreston 20 persona të akuzuar për abuzim me fëmijët
Organizata ndërkombëtare policore (Interpol) ka thënë se 20 persona janë arrestuar në Evropë dhe kontinentin amerikan, pas një operacioni të kryer në bashkëpunim me 12 shtete, për të luftuar abuzimin seksual me fëmijë.
Operacioni, që është udhëhequr nga policia spanjolle, ka nisur në fund të vitit të kaluar, pasi disa zyrtarë policorë kanë identifikuar grupe mesazhesh online, në të cilat kanë qarkulluar imazhe të shfrytëzimit seksual të fëmijëve.
Autoritetet spanjolle i kanë arrestuar shtatë të dyshuar, përfshirë një punëtor shëndetësor dhe një mësues, ka thënë Interpoli.Punëtori shëndetësor dyshohet se i ka paguar të miturit në Evropën Lindore për imazhet eksplicite, derisa mësuesi është akuzuar për posedim dhe shpërndarje të materialit të abuzimit seksual me fëmijë në disa platforma online.
Autoritetet në Amerikën Latine i kanë arrestuar 10 të dyshuar në shtatë shtete, përfshirë tre në El Salvador dhe një mësues në Panama. Të dyshuarit tjerë janë arrestuar në pjesë tjera të Evropës dhe Shteteve të Bashkuara.
Interpoli ka thënë se deri më tani janë identifikuar edhe 68 të dyshuar tjerë, dhe që hetimet janë duke vazhduar. /REL/ -
SHBA ndalon hyrjen për 12 shtete, Trump: Nuk do të lejojmë askënd që nuk është verifikuar në mënyrë të sigurt
Presidenti amerikan, Donald Trump, ka nënshkruar një vendim që ndalon hyrjen në Shtetet e Bashkuara për qytetarët nga 12 shtete, përfshirë nga Afganistani dhe Irani.
Bëhet fjalë për vende kryesisht nga Lindja e Mesme dhe Afrika. Pjesa më e madhe e shteteve do të ketë një ndalim të plotë, ndërsa të tjerët, kufizim të pjesshëm.
Presidenti amerikan tha se ndalesa e udhëtimit është e nevojshme për çështje sigurie“Sulmi i fundit terrorist në Kolorado ka vënë në pah rreziqet ekstreme që i kanosen vendit tonë nga hyrja e shtetasve të huaj që nuk kanë kaluar nëpër kontrolle siç duhet, si dhe nga ata që vijnë këtu si vizitorë të përkohshëm dhe qëndrojnë më gjatë sesa lejohet me vizat që posedojnë. Ne nuk i duam ata”, tha Trump.
Trump e krahasoi ndalesën e re me kufizimet e ashpra që ai vendosi ndaj një numri shtetesh, kryesisht myslimane më 2017, pak pasi nisi mandatin e parë presidencial. Ai tha se ai vendim ishte një nga politikat më të suksesshme të mandatit të tij të parë.
“Nuk do të lejojmë që ajo që ndodhi në Evropë të ndodhë në Amerikë. Ne nuk mund të kemi një migrim të hapur nga asnjë vend prej nga nuk mund të bëjmë një verifikim të sigurt dhe të besueshëm”, tha Trump.
Ndalesa e udhëtimit do të hyjë në fuqi më 9 qershor ndërsa udhëtarët e prekur nga vendimi përfshijnë studentë, staf akademik, biznesmen, turist dhe të tjerë./vizionplus.tv -
Defender 2025/ Deputeti i PS: Shqipëria ka porositur raketa Javelin dhe Stinger
Deputeti i PS, Denis Deliu deklaroi se lufta në Ukrainë ka sjellë ndryshime të thella në rendin ndërkombëtar dhe ka përshpejtuar riarmatimin e shteteve, përfshirë ato të Ballkanit Perëndimor.
Sipas tij, pas agresionit rus, shumë shtete po ndjekin objektivat e tyre përmes forcës, ndërsa të tjera po mbrohen duke fuqizuar kapacitetet ushtarake.
Në emisionin “Log” në News24, ai theksoi se vendimmarrja për sigurinë ka ndryshuar rrënjësisht dhe sot shumë shtete janë në radhë për të siguruar armatime. Shqipëria, sipas tij, ka bërë investime të zgjuara në Forcat e Armatosura, përfshirë porositë për raketat Javelin dhe Stinger, që janë shumë të kërkuara ndërkombëtarisht.
Në lidhje me zhvillimet rajonale, Deliu ngriti shqetësimin për rritjen e buxhetit të mbrojtjes nga Serbia, që në vitin 2025 do të arrijë në 2.2 miliardë euro.
“Situata gjeopolitike, por edhe gjeostrategjike pas luftës në Ukrainë ka ndryshuar. Kemi një rend të ri botëror, kemi shumë shtete që duan të arrijnë objektivat përmes forcës, ndërsa disa shtete të tjera duan të mbrohen përmes ushtrive.
Lufta në Ukrainë solli një reflektim të çdo shteti për tu riarmatosur. Kjo ndikoi edhe në Ballkanin Perëndimor, edhe për Shqipërinë, duke qenë një vend anëtar i denjë i NATOs, por nuk ishte investuar sa duhej. Shtet mjaftoheshin për të plotësuar ato kapacitetet që NATO-s i duhej.
Lufta në Ukrainë ndryshoi gjithçka, ndryshoi qasjen, vendimmarrjen e duhur sa i përket mbrojtjes ushtarake. Sot kemi kërkesa nga shumë shtete për furnizim me armë.
Ndërkohë Shqipëria, vitet e fundit ka bërë një investim të zgjuar sa i takon FA. Sot në forcën tokësore kemi një armatim të lehtë. Kemi bërë porosi për raketa Javelin dhe Stinger. Ka shumë shtete që presin radhë per tu furnizuar. Në Ballkanin Perëndimor të gjitha vendet e NATO-s, duke përfshirë edhe Kosovën, kërkojnë që të forcojnë mbrojtjen e tyre. Kemi Serbinë që ka rritur buxhetin për mbrojtjen në 2025 në shifrën 2.2 mld euro, është një shifër shumë e madhe po të krahasosh me vendet e NATO-s të Ballkanit Perëndimor, pothuajse i tejkalon të gjitha së bashku. Është një vlerë që shikon që ky buxhet nuk ka vetëm interes mbrojtjen e Serbisë, por qasja e saj është me ide sulmuese dhe patjetër që rreziku rus në Ballkanin Perëndimor qëndron, Serbia është një vend mik i Rusisë dhe përmes furnizimit apo përgatitjes ushtarake kërkon që të destabilizojë Ballkanin Perëndimor” – u shpreh Deliu.
