Lajmidites.com

Tag: shtabit

  • Pete Hegseth shkarkon shefin e Shtabit të Marinës Amerikane

    Pete Hegseth shkarkon shefin e Shtabit të Marinës Amerikane

    Sekretari amerikan i Luftës, Pete Hegseth, ka shkarkuar papritur shefin e Shtabit të Marinës së SHBA-ve, Jon Harrison, një lëvizje që shihet si përpjekje e administratës Trump për të riformatuar udhëheqjen ushtarake dhe strukturën e Pentagonit.

    Një shkarkim i papritur me tone politike

    Harrison, i emëruar në janar, ka qenë figurë kyçe në ndryshimet e gjera që u bënë në zyrat e politikave dhe buxhetimit të marinës amerikane. Ai ka punuar ngushtë me John Phelan, një donator i madh i presidentit Trump, i cili mori detyrën e Sekretarit të Marinës në mars. Dyshja kishin tentuar të kufizonin ndikimin e nënsekretarit të Marinës, post që tradicionalisht luan rol qendror në menaxhimin e buxhetit të kësaj dege ushtarake.

    Pentagoni konfirmoi largimin e Harrison përmes një deklarate për median Politico, ku thuhej ‘Ai nuk do të shërbejë më si Shef i Shtabit i Sekretarit të Marinës. Jemi mirënjohës për shërbimin e tij ndaj Departamentit të Mbrojtjes’, raporton The Guardian.

    Përplasje brenda zinxhirit komandues

    Vendimi i Hegseth vjen vetëm pak ditë pas konfirmimit të Hung Cao, një ish-oficer i Marinës dhe kandidat republikan për Senat, në postin e nënsekretarit të Marinës.

    Sipas Politico, Harrison dhe Phelan kishin zhvendosur disa këshilltarë të lartë që duhej të ndihmonin Cao në fillimet e tij, një veprim që, sipas raportimeve, synonte të zvogëlonte ndikimin e rolit të nënsekretarit.

    Pastrim i brendshëm në nivelet më të larta të ushtrisë

    Harrison është zyrtari më i fundit që largohet në një periudhë trazirash të vazhdueshme brenda ushtrisë amerikane nën drejtimin e Hegseth.

    Që prej majit, sekretari i mbrojtjes ka urdhëruar shkurtimin me 20% të gjeneralëve dhe admiralëve me katër yje, ndërsa ai dhe presidenti Trump kanë larguar më shumë se gjashtë gjeneralë të lartë që nga janari, përfshirë të vetmet dy gra që mbanin atë gradë.

    Në shkurt, Hegseth gjithashtu shkarkoi gjeneralin e Forcave Ajrore CQ Brown Jr, kryetar i Shefave të Përbashkët të Shtabit dhe vetëm i dyti afro-amerikan që ka mbajtur ndonjëherë këtë post.

    Një Pentagon në konflikt me vetveten

    Në një fjalim të pazakontë përpara drejtuesve ushtarakë këtë javë, Hegseth u shpreh kundër politikave të diversitetit dhe përfshirjes, duke akuzuar administratat e mëparshme se e kishin kthyer departamentin e mbrojtjes në ‘departamentin e zgjimit’.

    Fjalimi i tij shkaktoi reagime të ashpra nga veteranët, shumë prej të cilëve e akuzuan Hegseth për minimin e moralit dhe profesionalizmit brenda forcave të armatosura.

    Analistët e sigurisë kombëtare paralajmërojnë se valët e këtyre shkarkimeve sinjalizojnë një shkallëzim të përpjekjeve për politizimin e ushtrisë amerikane, ndërsa administrata Trump synon të konsolidojë kontrollin mbi komandat e larta përpara zgjedhjeve presidenciale të vitit 2026.

  • Dita e Kushtetutës së SHBA, ambasada amerikane në Tiranë organizon diskutim midis gazetarëve: Ju jeni sytë…

    Dita e Kushtetutës së SHBA, ambasada amerikane në Tiranë organizon diskutim midis gazetarëve: Ju jeni sytë…

    Në kuadër të Ditës së Kushtetutës së Shteteve të Bashkuara, Ambasada e SHBA në Tiranë organizoi dje një aktivitet të posaçëm për të promovuar vlerat themelore të demokracisë amerikane, me fokus të veçantë në lirinë e shprehjes dhe rolin e shtypit të lirë. “Është Dita e Kushtetutës së Shteteve të Bashkuara – e themeluar nga Kongresi në vitin 1956 për të nxitur të gjithë amerikanët të mësojnë më shumë rreth Kushtetutës së tyre! Në prag të kësaj dite, Ambasada e SHBA organizoi një diskutim midis gazetarëve shqiptarë dhe reporteres politike amerikane, fituese të çmimit Emmy, Lori Geary, rreth të drejtës së Amendamentit të Parë për lirinë e shprehjes dhe shtypin e lirë. “Ju jeni sytë dhe veshët e popullit”, u kujtoi Geary gazetarëve përgjegjësinë e medias për të vendosur qeverinë përballë përgjegjësisë ndaj vullnetit të popullit”, shprehet ambasada amerikane në Tiranë.
    Ndwrkohw Tirana mikpriti dje Konferencën e 28-të të Shefave të Shtabit të Përgjithshëm të Kartës së Adriatikut (SHBA-A5). Konferenca u bashkëkryesua nga shefi i Shtabit të Përgjithshëm i FA të Shqipërisë, Arben Kingji, shefi i Shtabit të FA të Bosnjë-Hercegovinës Gojko Knezevic dhe komandanti i Komandës Amerikane në Evropë, gjeneral Alexus G. Grynkewich. “Ndërsa kombet tona rrisin shpenzimet për mbrojtjen dhe bëjnë hapa të mëdhenj në modernizimin ushtarak, ne duhet të punojmë së bashku për të siguruar që këto investime të shndërrohen në aftësi të vërteta. Kjo kërkon përqëndrim të vazhdueshëm në përmirësimin e ndërveprueshmërisë, ndërtimin e gatishmërisë dhe zhvillimin e marrëveshjeve mbështetëse. Pas dëgjimit të të gjitha diskutimeve optimiste sot, jam i bindur se mund t’i arrijmë këto qëllime.” – Komandanti i Komandës Europiane të Shteteve të Bashkuara dhe Komandant Suprem i Forcave Aleate për Europën, Gjenerali Alexus Gregory Grynkewich në konferencën e Shefave të Shtabit të Përgjithshëm të SHBA-Kartës së Adriatikut (A5) 2025”, njoftoi dje ambasada e SHBA në Tiranë.

  • Ish-shefi i shtabit të forcave izraelite bën thirrje për largimin e qeverisë Netanyahu: Djali im vdiq nga zgjedhjet e këtij kabinetit

    Ish-shefi i shtabit të forcave izraelite bën thirrje për largimin e qeverisë Netanyahu: Djali im vdiq nga zgjedhjet e këtij kabinetit

    Ish-Shefi i Shtabit të IDF-së, trupat mbrojtëse të Izraelit, Gadi Eisenkot, tha se djali i Gal, i cili u vra në Gaza, së bashku me ushtarë të tjerë, humbën jetën për shkak të zgjedhjeve politike dhe ideologjike të qeverisë.

    Duke folur në radion publike Kan, Eisenkot theksoi se qeveria e kryeministrit, Benjamin Netanyahu është “një qeveri që i shmanget përgjegjësive të saj dhe nuk është e denjë për Galin… nuk është e denjë për shumë ushtarë luftarakë dhe, për fat të keq, as për pengjet, të cilët humbën jetën për shkak të frikacakllëkut dhe hezitimit politik dhe për shkak të përshtatshmërisë politike dhe ideologjike të atyre që duan të kthehen në vendbanimet e Gazës dhe të shohin ëndrra të mëdha dhe një mrekulli që bëhet realitet, në kundërshtim të plotë me qëllimet e luftës”.
    Ai shtoi se deputeti i opozitës Benny Gantz, me të cilin ai ishte aleat politik në të kaluarën, po “bën një gabim të hidhur” duke propozuar t’i bashkohet qeverisë së Netanyahut për të çuar përpara një marrëveshje për pengjet.
    Sipas Eisenkot, “ajo që nevojitet është të ushtrohet presion politikisht dhe publikisht mbi Netanyahun që të marrë vendimin e dukshëm që ai e ka shmangur për më shumë se një vit dhe të bëjë gjithçka që është e nevojshme për ta zëvendësuar atë.
    Dhe këtu sipas tij të gjitha forcat e shëndetshme të shtetit të Izraelit duhet të bashkëpunojnë në mënyrë që kjo qeveri e keqe të largohet dhe të ndërtohet një alternativë që do ta rikthejë Izraelin në rrugën e duhur.

    Top Channel

  • Zjarret në Delvinë, Vengu takim me shefin e shtabit dhe drejtuesit vendorë për planin e masave

    Zjarret në Delvinë, Vengu takim me shefin e shtabit dhe drejtuesit vendorë për planin e masave

    Ministri i Mbrojtjes Pirro Vengu, së bashku me Shefin e Shtabit të Përgjithshëm të FA-së Gjenerallejtënant Arben Kingji dhe drejtuesit vendorë kanë zhvilluar në mesnatë një takim në Delvinë për të koordinuar planin e masave për izolimin e plotë të flakëve dhe rikthimin e normalitetit në qytet.
    Për shkak të flakëve që po afrohen në qytetin e Delvinës, shumica e forcave të bashkive Sarandë, Gjirokastër, Konispol dhe Finiq, së bashku me Brigadën e Mbështetjes së Emergjencave Civile të Forcave të Armatosura, janë dislokuar në terren për të luftuar vatrat e rrezikshme të zjarrit dhe për të ndihmuar në evakuimin e banorëve. Raportohet se nuk ka rrezik për banesat.
    Aktualisht në territorin e vendit janë raportuar 34 vatra zjarri, nga të cilat 27 janë aktive dhe 7 po mbahen nën monitorim. Situata më problematike vijon të jetë në jug të vendit, me rrezik të lartë për zonat e mbrojtura, banesat dhe infrastrukturën.

  • Tensione në kabinetin qeveritar izraelit, ministri i Mbrojtjes përplaset me shefin e shtabit të forcave izraelite

    Tensione në kabinetin qeveritar izraelit, ministri i Mbrojtjes përplaset me shefin e shtabit të forcave izraelite

    Ministri izraelit i Mbrojtjes, Israel Katz, thirri sot në radhët e tij shefin e shtabit të forcave të armatosura izraelite, gjeneralin Eyal Zamir, mes tensioneve midis ushtrisë dhe qeverisë përpara një operacioni të ri ushtarak të shpallur në Rripin e Gazës.

    “Konsultimet e mbajtura nga shefi i shtabit, gjenerali Eyal Zamir, mbi emërimet në hierarkinë ushtarake u kryen pa koordinim ose marrëveshje paraprake nga ministri”, tha Ministria izraelite e Mbrojtjes në një deklaratë.
    “Katz nuk ka ndërmend të diskutojë ose miratojë këto emërime”, shtoi deklarata.
    Gjenerali Zamir u përgjigj pak më vonë, nëpërmjet një deklarate të ushtrisë, duke deklaruar se “ai është i vetmi autoritet i autorizuar për të emëruar oficerë nga grada e kolonelit”.
    “Shefi i shtabit është ai që merr vendimin në lidhje me emërimet, ato më pas i paraqiten ministrit për miratim”, vuri në dukje Zamir.
    Tensionet janë rritur për dy javë midis shefit të shtabit dhe qeverisë së kryeministrit Benjamin Netanyahu mbi vazhdimin e operacioneve ushtarake në Rripin e Gazës që synojnë lirimin e pengjeve izraelite dhe mposhtjen e Hamasit.
    Sipas shtypit kombëtar, Gjenerali Zamir kundërshton planin e ratifikuar të premten për të marrë kontrollin e Qytetit të Gazës, një zonë me popullsi të dendur që aktualisht i shpëton kontrollit ushtarak izraelit, i cili ushtrohet mbi rreth 75% të enklavës palestineze që ka pësuar shkatërrime të mëdha nga lufta për 22 muaj.
    Shefi i shtabit, i cili u emërua në mars pas dorëheqjes së paraardhësit të tij, tha javën e kaluar se do të vazhdonte të fliste “pa frikë” dhe në një mënyrë “profesionale”.
    Ministri i Mbrojtjes u përgjigj se në çdo rast shefi i shtabit duhet të “zbatojë me vendosmëri” vendimet politike të qeverisë.

    Top Channel

  • Merr mandatin e dytë, Begaj dekreton Arben Kingjin Shef të Shtabit të Përgjithshëm të Forcave të Armatosura

    Merr mandatin e dytë, Begaj dekreton Arben Kingjin Shef të Shtabit të Përgjithshëm të Forcave të Armatosura

    Sot më 11 gusht, në një ceremoni zyrtare, Presidenti Begaj, dekretoi Gjeneral Lejtnant Arben Kingji në detyrën e Shefit të Shtabit të Përgjithshëm të Forcave të Armatosura të Republikës së Shqipërisë për një mandat të dytë.
    “Ceremonia nisi me ekzekutimin e Himnit Kombëtar dhe vijoi me leximin e dekretit të Presidentit të Republikës për emërimin e Shefit të Shtabit të Përgjithshëm në mbështetje të Kushtetutës dhe ligjit “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, njoftoi zyra për shtyp e Presidencës.
    Pas leximit të dekretit, Gjeneral Lejtnant Arben Kingji bëri betimin me dorën mbi Kushtetutë.
    Në ceremoninë e betimit të Shefit të Shtabit të Përgjithshëm mori pjesë Ministri i Mbrojtjes, Pirro Vengu, Zëvendësshefi i Shtabit të Përgjithshëm, si dhe komandantët e forcave dhe strukturave të tjera të Forcave të Armatosura.
    Kush është Arben Kingji
    Gjenerallejtënant Arben Kingji ka lindur në Kukës, më 22 dhjetor 1970. Pas mbarimit të Akademisë Ushtarake “Skënderbej” dhe titullimit oficer, ai u emërua komandant toge në Repartin Ushtarak 9001. Në Turqi, kreu Kursin Bazë Komando në vitin 1993 dhe Kursin Bazë të Forcave Speciale në vitin 1999.
    Gjenerallejtënant Kingji ka shërbyer në detyra të ndryshme duke përfshirë komandant toge; instruktor taktik; drejtues i Grupit VII Special në Batalionin Komando; shef i S-3 i Batalionit Forcave Speciale; zëvendëskomandant i Batalionit të Forcave Speciale; oficer shtabi për trajnim dhe vlerësim në Komandën e Bashkuar; komandant i Batalionit III në Forcën Tokësore; komandant i Batalionit të Mbështetjes së Shtabit të Përgjithshëm; komandant i Batalionit të Policisë Ushtarake; atashe ushtarak në Rumani.
    Në shtator 2020, u promovua me gradën madhore gjeneral brigade me dekret të presidentit të Republikës së Shqipërisë dhe në 02 tetor 2020 u emërua komandant i Forcës Tokësore.
    Në 02 gusht të vitit 2022, gjenerallejtënant Kingji mori detyrën e shefit të Shtabit të Përgjithshëm të Forcave të Armatosura.
    Në 27 nëntor 2024, me dekret të presidentit të RSH u promovua në gradën më të lartë madhore gjenerallejtënant.
    Ai ka shërbyer në katër misione jashtë vendit: tre në Afganistan (2003; 2009; 2012) dhe një në Irak (2006), si komandant kontingjenti në të gjitha misionet.
    Gjenerallejtënant Kingji ka kryer përfunduar të gjitha kurset institucionale të oficerit të karrierës, si dhe ka kryer një sërë kualifikimesh të tjera si: Kursin e Standardeve të NATO-s; Kursi i Trajnimit CIMIC; Kurs Orientimi për Kontrollin e Armëve; Kursi i Mbrojtjes dhe Sigurisë Personale.
    Përgjatë karrierës së tij mbi 39-vjeçare ushtarake është vlerësuar me medalje të ndryshme si: Medalja për Shërbime të Shquara nga ministri i Mbrojtjes; Medalja e Shërbimit; Medaljen e Shërbimit të Merituar dhënë nga SHBA; Medalja NATO-ISAF; Medalja e Shërbimit Ndërkombëtar dhënë nga Ministria e Mbrojtjes; Medalja e Karrierës; Medalje për Shërbime të Veçanta, si dhe Medalja e Artë e Shqiponjës e dhënë nga presidenti i Republikës së Shqipërisë në vitin 2003.
    Gjenerallejtënant Kingji flet gjuhën angleze dhe turke. Ai është i martuar me dy fëmijë.

  • Begaj dekreton Shefin e Shtabit të Përgjithshëm të FA për një mandat të dytë

    Begaj dekreton Shefin e Shtabit të Përgjithshëm të FA për një mandat të dytë

    Presidenti i Republikës Bajram Begaj, dekretoi Gjeneral Lejtnant Arben Kingji në detyrën e Shefit të Shtabit të Përgjithshëm të Forcave të Armatosura të Republikës së Shqipërisë për një mandat të dytë.
    Dekretimi është kryer në një ceremoni zyrtare, e cila nisi me ekzekutimin e Himnit Kombëtar dhe vijoi me leximin e dekretit të Presidentit të Republikës për emërimin e Shefit të Shtabit të Përgjithshëm në mbështetje të Kushtetutës dhe ligjit “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”
    Gjeneral Lejtnant Arben Kingji, pas leximit të dekretit bëri betimin me dorën mbi Kushtetutë.
    Në ceremoninë e betimit të Shefit të Shtabit të Përgjithshëm mori pjesë Ministri i Mbrojtjes Pirro Vengu, Zëvendës-shefi i Shtabit të Përgjithshëm, si dhe komandantët e forcave dhe strukturave të tjera të Forcave të Armatosura.

     
     
     

  • Presidenti Begaj dekreton Arben Kingjin për mandatin e dytë si Shef i Shtabit të FA

    Presidenti Begaj dekreton Arben Kingjin për mandatin e dytë si Shef i Shtabit të FA

    Në një ceremoni zyrtare, Presidenti i Republikës, Bajram Begaj, dekretoi Gjeneral Lejtnant Arben Kingji në detyrën e Shefit të Shtabit të Përgjithshëm të Forcave të Armatosura të Republikës së Shqipërisë për një mandat të dytë.
    Ceremonia nisi me ekzekutimin e Himnit Kombëtar dhe vijoi me leximin e dekretit të Presidentit të Republikës për emërimin e Shefit të Shtabit të Përgjithshëm në mbështetje të Kushtetutës dhe ligjit “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”.

    Pas leximit të dekretit, Gjeneral Lejtnant Arben Kingji bëri betimin me dorën mbi Kushtetutë.

    Në ceremoninë e betimit të Shefit të Shtabit të Përgjithshëm mori pjesë Ministri i Mbrojtjes Pirro Vengu, Zëvendësshefi i Shtabit të Përgjithshëm, si dhe komandantët e forcave dhe strukturave të tjera të Forcave të Armatosura.

  • Presidenti Begaj dekreton Shefin e Shtabit të Përgjithshëm të FA për një mandat të dytë

    Presidenti Begaj dekreton Shefin e Shtabit të Përgjithshëm të FA për një mandat të dytë

    Sot, në një ceremoni zyrtare, Presidenti i Republikës, Sh. T. Z. Bajram Begaj, dekretoi Gjeneral Lejtnant Arben Kingji në detyrën e Shefit të Shtabit të Përgjithshëm të Forcave të Armatosura të Republikës së Shqipërisë për një mandat të dytë.
    Ceremonia nisi me ekzekutimin e Himnit Kombëtar dhe vijoi me leximin e dekretit të Presidentit të Republikës për emërimin e Shefit të Shtabit të Përgjithshëm në mbështetje të Kushtetutës dhe ligjit “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”.
    Pas leximit të dekretit, Gjeneral Lejtnant Arben Kingji bëri betimin me dorën mbi Kushtetutë. Në ceremoninë e betimit të Shefit të Shtabit të Përgjithshëm mori pjesë Ministri i Mbrojtjes Pirro Vengu, Zëvendësshefi i Shtabit të Përgjithshëm, si dhe komandantët e forcave dhe strukturave të tjera të Forcave të Armatosura.

  • A është gjenerali Zamir anti-Netanyahu i ri? Nga plani i Gazës te frika e një “vrime të zezë”

    A është gjenerali Zamir anti-Netanyahu i ri? Nga plani i Gazës te frika e një “vrime të zezë”

    Gjenerali Eyal Zamir është një djalë i ashpër. Ishte ai që planifikoi pushtimin e Gazës. Dhe ndoshta u ngrit në detyrë si Shef i Shtabit të Forcave të Armatosura të Izraelit katër muaj më parë pikërisht sepse kishte shkruar në letër planet që i pëlqenin më shumë Kryeministrit Benjamin Netanyahu: të pushtonte Gazën dhe t’i hiqte Hamasit kontrollin mbi atë që kishte mbetur nga jeta civile në Rrip. Në thelb ajo që amerikanët u përpoqën të bënin në Vietnam.
    Atëherë, metafora ishte të “prisje ujin” rreth rezistencës së Viet Kongut, domethënë të ndash guerilasit nga popullsia civile, të prisje mbështetjen për luftën e armatosur.
    Nuk shkoi shumë mirë, dhe midis thashethemeve të ndryshme që qarkullonin në Jerusalem, ishte edhe një që Shefi i Shtabit Zamir i përmendi Netanyahut një “rrezik Vietnami”.
    Ai u tha ndihmësve të tij se “të hysh në Gaza është si të biesh në një vrimë të zezë”.
    Gjenerali është i shqetësuar për jetën e pengjeve dhe si teknik, për lodhjen e trupave dhe konsumimin e pajisjeve.
    Pushtimi i Gazës do të thotë mobilizimi i 40.000 deri në 60.000 izraelitëve. Ushtarët profesionistë dhe të rekrutuar nuk janë të mjaftueshëm dhe rezervistët duhet të thirren përsëri.
    Izraeli nuk ka qenë kurrë në luftë për kaq gjatë në historinë e tij. Shumë rezervistë në mandatin e tyre të katërt ose të pestë po kërkojnë ndonjë justifikim për ta shmangur.
    “Kultura e mospajtimit është një pjesë integrale e historisë së popullit izraelit dhe përfaqëson një element themelor në kulturën organizative të IDF-së”, tha gjenerali të enjten.
    Ishte hera e parë që ai fliste publikisht pas ditësh në të cilat gazetat ishin plot me mosmarrëveshjet e tij me udhëheqjen politike.
    Djali i kryeministrit, Yair Netanyahu, shkoi aq larg sa denoncoi rrezikun e një “grushti shteti ushtarak” duke pasur parasysh ngurrimin e oficerëve për të shkuar bashkë me të atin.
    Ne do të vazhdojmë të shprehim qëndrimin tonë pa frikë, objektivisht, në mënyrë të pavarur dhe profesionalisht. Nuk na interesojnë teoritë, por jetët njerëzore dhe mbrojtja e shtetit. Vetëm mirëqenia dhe siguria e tij janë para syve tanë.
    Zamiri ishte i patëmetë në forumin e djeshëm të Shtabit të Përgjithshëm. Asnjë polemikë, por as asnjë poshtërim: Unë jam këtu për t’i shërbyer vendit tim si ushtar. Pikë.
    Thelbi i debatit të brendshëm në udhëheqjen e shtetit hebraik mbetet i njëjtë. Shumë profesionistë të sigurisë, ish-gjeneralë, ish-agjentë të inteligjencës, të liruar nga detyrimi i bindjes në pension, janë shprehur kundër një pushtimi total. Dhe e kanë bërë këtë publikisht, duke hapur një përçarje delikate.
    Vija e kuqe e Hamasit në negociata duket se ka qenë fundi i luftës dhe tërheqja e Izraelit. Ky është një kusht i papranueshëm për Netanyahun, i cili që nga fillimi ka folur për “shkatërrimin” e grupit terrorist./Corriere