Analisti Edvin Kulluri foli për ndërtimin e aeroportit të Vlorës dhe largimin nga projekti të një prej fituesve të fituesve të tenderit.
Kujtojmë se njëra nga kompanitë fituese të tenderit u largua nga projekti dhe i shiti aksionet me një vlerë minimale prej 4450 eurosh, duke ngritur paralelisht me shqetësimet mjedisore, edhe pikëpyetje të reja për projektin.
Kulluri tha se ministrja Belindja Balluku duhet t’i japi një shpjegim opinionit publik se pse ka ndryshuar një aksioner dhe se pse nuk është zëvendësuar me një aksioner të ngjashëm me të.
Sipas analistit, kompania turke që u tërhoq nga projekti nuk ishte në rolin e financuesit, por kishte një funksion teknik të rëndësishëm për ndërtimin e aeroportit. Ai theksoi se mungesa e një zëvendësimi të përshtatshëm ngre pikëpyetje mbi seriozitetin e projektit dhe përmbushjen e kritereve të koncesionit.
“Çdo ndryshim aksionerësh duhet të marrë miratimin e Ministrisë së Infrastrukturës. Këtë e përcakton qartë ligji,” shtoi ai, duke kërkuar transparencë të plotë për ndryshimet që po ndodhin në prapaskenë.
Edvin Kulluri: Ministria ka detyrim nëse shohin se nuk ndryshojnë kushtet e koncesionit. Ti kur i ke dhënë koncesionin ka dy aspekte, një aspekt financiar dhe një aspekt teknik. Pra kompania turke nuk ishte aty në rolin e financuesit. Problemi është kush do ta ndërtojë këtë gjë.
Zonja Balluku duhet t’i japi një shpjegim opinionit publik se pse ka ndryshuar një aksioner dhe nuk është zëvendësuar me një aksioner të ngjashëm me të që të merrte të njëjtat pikë që garantonte ai tjetri.
Çdo ndryshim aksionerësh, pra kur ndryshon aksioneri duhet të marri patjetër miratimin e ministrisë ndryshimi i aksionerëve. E ka përcaktuar ligji.
Tag: shpjegim
-
Aeroporti i Vlorës, Kulluri: Balluku duhet t’i japë shpjegim opinionit publik, se pse ka ndryshuar një aksioner
-
PSG e “përjashtoi” Donnarumma, flet Abbiati: Veprim i çmendur, pa shpjegim logjik sportiv
12 Gusht 2025
8:41
Alfred Lleshi
Gianluigi Donnarumma nuk është thirrur nga PSG për Superkupën e Europës kundër Tottenham, gjë që ka habitur jo pak botën e futbollit. Ish-shoku i tij te Milani, Christian Abbiati, tha për “Gazzetta dello Sport”: “Nëse ka ndodhur diçka, që ne nuk e dimë, atëherë janë punët e tyre. Përndryshe, është një gjë e çmendur, pa shpjegim logjik sportiv”.
Abbiati kujtoi se Donnarumma ka qenë vendimtar për sukseset e PSG-së: “Ju thoni që i ka dhuruar gjysmën e Champions-it, unë them edhe më shumë… Mund të ketë të tjerë më të mirë me topin në këmbë, por të ndërroni një portier që të ka sjellë në vitrinë një Champions…”
Për ish-portierin kuqezi, arsyeja e lënies jashtë është e pakuptueshme: “Në Europë ka bërë pritje të pabesueshme, ndërhyrje që pak do t’i bënin. Një portier i nivelit të tij do të gjejë patjetër klub tjetër të madh. Është mëkat ta ndërpresë kështu një cikël. I uroj zgjidhjen më të mirë, sepse e meriton”. -
Fakte mistike për Paralelin 27
Planeti tokës mbart shumë mistere. Një prej këtyre mistereve është një zonë e Meksikës, ku ora ndalon dhe radiot nuk punojnë.Bëhet fjalë për një shkretëtirë 2000 metra mbi nivelin e detit, në mes të shteteve të Durango, Coahuila dhe Chihuahua me emrin “Zona del Silencio” (Zona e Heshtjes). Ajo është një zonë shumë pak e populluar, ku radiot nuk punojnë dhe ora ndalet, por deri më tani askush nuk ka dhënë një shpjegim bindës shkencor për këtë rajon.
Kjo mungesë faktesh për shpjegim sjell në vëmendje se rajoni përshkohet nga paraleli 27 (që kalon nëpërmjet Trekëndëshit të Bermudës, piramidave të Egjiptit dhe Himalajeve) dhe e ka ushqyer me shumë mister zonën për të aluduar histori rreth dukurive të çuditshme për një prani të mundshme të jetës aliene.
Dëshmi të tjera në lidhje me zonën ka patur shumë, por ajo bë e famshme në vitin 1970, kur një raketë e NASA-s ra në shkretëtirë. Dëshmitarët thanë se pajisjet e tyre si busullat apo radiot në momentin që filluan të raportonin u prishën.
Diçka e ngjashme ndodhi në vitet 1930, kur një meksikan i njohur, Francisco Sarabia Tinoco, gjithashtu kishte probleme me radion dhe pajisje të tjera, të cilat e detyruan atë të bëjë një ulje emergjente me aeroplanin e tij.
-
Ilir Meta nuk mposhtet! Avokati i tij: Prokurorët s’dhanë asnjë shpjegim
Apeli i GJKKO-së ka lënë në fuqi masën e sigurisë “arrest me burg” ndaj Ilir Metës. Në një prononcim për mediat, avokati i tij, Kujtim Cakrani tha se prokurorët nuk dhanë asnjë shpjegim konkret se pse Meta po mbahet në ambientet e paraburgimit prej 9 muajsh tashmë.
“Është e paprecedentë! Organi i procedurës i gjendur përballë pyetjeve të mia, edhe të dy prokurorët zoti Kraja dhe kolegu i tij nuk dhanë asnjë shpjegim. Këta janë rrogëtarë, jo gjyqtarë!”, tha Cakrani.
“Ka prej ditësh nën presion nga pikëpamja administrative, është privuar nga disa aktivitete. Zoti Meta do të përballet me të gjithë, është individ që nuk mposhtet kollaj. Nëse përdorin mjete represioni për ta bërë zotin Meta të dalë nga vetja, e kanë gabim. Do marrë fund kjo histori!”, përfundoi Cakrani.
Më 26 qershor, GJKKO vendosi të lërë në fuqi masën e “arrestit me burg”, ndërsa Meta e cilëson të gjithin një proces me prapavijë politike.
Kjo nuk ishte e vetmja kërkesë e ish-presidentit Ilir Meta për liri. Kujtojmë se ai i është drejtuar edhe Gjykatës Kushtetuese ku kërkon shfuqizimin si antikushtetues të vendimit të 27 shkurtit të Gjykatës së Lartë që e la në masën e sigurisë arrest me burg si dhe prishjen e vendimeve edhe në shkallët më të ulëta, atë të Apelit të Gjykatës së Posaçme më 19 nëntor 2024 dhe të Shkallës së Parë më 20 dhe 23 tetor 2024.
Meta dhe ish-bashkëshortja e tij, Monika Kryemadhi janë marrë të pandehur nga SPAK për korrupsion, pastrim parash dhe mosdeklarim të pasurisë. /tvklan.al -
Apeli lë në burg Ilir Metën, avokati i tij: Prokurorët nuk dhanë asnjë shpjegim
Gjykata e Apelit të Posaçëm ka vendosur sot, 17 korrik, të lërë në fuqi masën e sigurimit “arrest me burg” për ish-Presidentin e vendit Ilir Meta.
Në një prononcim për mediat, avokati i tij, Kujtim Cakrani tha se prokurorët nuk dhanë asnjë shpjegim konkret se pse Meta po mbahet në ambientet e paraburgimit prej 9 muajsh tashmë, pa u mbyllur hetimet.
“Është e paprecedentë! Organi i procedurës i gjendur përballë pyetjeve të mia, edhe të dy prokurorët zoti Kraja dhe kolegu i tij nuk dhanë asnjë shpjegim. Këta janë rrogëtarë, jo gjyqtarë!”, tha Cakrani.
“Ka prej ditësh nën presion nga pikëpamja administrative, është privuar nga disa aktivitete. Zoti Meta do të përballet me të gjithë, është individ që nuk mposhtet kollaj. Nëse përdorin mjete represioni për ta bërë zotin Meta të dalë nga vetja, e kanë gabim. Do marrë fund kjo histori!”, përfundoi avokati.
Më 26 qershor, GJKKO vendosi të lërë në fuqi masën e “arrestit me burg”, ndërsa Meta e cilëson të gjithin një proces me prapavijë politike.
Kjo nuk ishte e vetmja kërkesë e ish-presidentit Ilir Meta për liri. Kujtojmë se ai i është drejtuar edhe Gjykatës Kushtetuese ku kërkon shfuqizimin si antikushtetues të vendimit të 27 shkurtit të Gjykatës së Lartë që e la në masën e sigurisë arrest me burg si dhe prishjen e vendimeve edhe në shkallët më të ulëta, atë të Apelit të Gjykatës së Posaçme më 19 nëntor 2024 dhe të Shkallës së Parë më 20 dhe 23 tetor 2024.
Meta dhe ish-bashkëshortja e tij, Monika Kryemadhi janë marrë të pandehur nga SPAK për korrupsion, pastrim parash dhe mosdeklarim të pasurisë. -
Nuk ju pëlqen se si tingëllon zëri juaj kur regjistrohet? Çfarë thonë ekspertët për këtë
Shumë prej nesh nuk na pëlqen të dëgjojmë tingujt e zërit tonë. Në fakt, është aq e zakonshme sa ka një term për të: konflikt vokal. Por pse konflikti vokal është kaq i zakonshëm?
Një shpjegim i zakonshëm është se për shkak se ne normalisht dëgjojmë zërin tonë kur flasim, marrim zërin që transmetohet në veshët tanë nga jashtë nëpërmjet ajrit dhe zërin që transmetohet nga brenda përmes kockave tona. Kjo përcjellje kockore e tingullit siguron frekuenca të pasura të ulëta që nuk përfshihen në tingullin vokal përmes ajrit.
Pra, kur dëgjoni zërin tuaj të regjistruar pa këto frekuenca, ai tingëllon më i fortë dhe ndryshe. Kryesisht, arsyetimi është se ne nuk na pëlqen sepse zëri ynë i regjistruar nuk tingëllon ashtu siç e presim.Fakti që tingëllojmë më lart se sa mendojmë nuk i plotëson pritshmëritë tona; zëri ynë luan një rol të madh në formimin e identitetit tonë dhe mendoj se askujt nuk i pëlqen të kuptojë se ju nuk jeni vërtet ai që mendoni se jeni – shpjegoi Dr. Silke Polman, një psikologe nga Universiteti i Essex.
Megjithatë, disa studime kanë treguar se ky mund të jetë vetëm një shpjegim i pjesshëm. Për shembull, një studim i vitit 2013 u kërkoi pjesëmarrësve të vlerësonin atraktivitetin e mostrave të ndryshme të zërit të regjistruar. Kur zëri i tyre u përzie fshehurazi në ato mostra, ata i dhanë vlerësime dukshëm më të larta zërit të tyre kur nuk e njihnin atë si të tyren. Për më tepër, një shpjegim i plotë mund të gjendet në një seri studimesh të hershme të botuara vite përpara që ofrojnë një shpjegim të frekuencës dhe kohëzgjatjes së zërit.
“Kur dëgjojmë zërin tonë të izoluar, i cili më pas ndahet nga pjesa tjetër e sjelljes sonë, ne mund të kalojmë përmes një procesi automatik të vlerësimit të zërit tonë që bëjmë në mënyrë rutinore me zërat e njerëzve të tjerë. Më pas krahasojmë përshtypjet tona për zërin me mënyrën se si njerëzit e tjerë na perceptojnë, kjo është arsyeja pse shumë njerëz janë të mërzitur ose të pakënaqur me mënyrën se si tingëllon, sepse përshtypjet e krijuara nuk u përshtaten tipareve shoqërore që duan të portretizojnë”, sipas Mark Pell, një neuroshkencëtar nga Universiteti McGill.
Të tjerët ndoshta nuk e gjykojnë zërin tuaj në të njëjtën mënyrë si ju. Ne nuk e kemi zakon të jemi kritikë ndaj zërave të të tjerëve, kështu që shanset janë që të jeni i vetmi person që mendon kështu për zërat tuaj. -
Zelensky kërkon shpjegim nga Pekini, presidenti: Po prodhojnë armë dhe po furnizojnë Rusinë
Presidenti Ukrainas, Volodymyr Zelenskyy thotë se Ukraina ka prova se Kina po furnizon Rusinë me artileri dhe barut.
Duke folur në një konferencë shtypi sot, presidenti i Ukrainës pohoi gjithashtu se Pekini po ndihmon me prodhimin e armëve të caktuara në territorin rus.
“Ne besojmë se përfaqësuesit kinezë janë të angazhuar në prodhimin e disa armëve në territorin e Rusisë”, tha ai në një konferencë shtypi në Kiev.
Ai nuk specifikoi nëse kishte parasysh sistemet e artilerisë apo predha.
Kjo vjen pasi Ukraina tha se ka kapur dy shtetas kinezë që luftonin në Ukrainën lindore në fillim të prillit.
Ai tha se forcat e tij kishin luftuar gjashtë ushtarë kinezë dhe dy prej tyre ishin zënë rob. Ai shtoi se kishte urdhëruar zyrtarët të kërkonin një shpjegim nga Pekini.Top Channel