Lajmidites.com

Tag: shpeshta

  • Probleme me energjinë në Lezhë/ Rrjeti elektrik i amortizuar, disa fshatra ankohen për ndërprerje të shpeshta

    Probleme me energjinë në Lezhë/ Rrjeti elektrik i amortizuar, disa fshatra ankohen për ndërprerje të shpeshta

    Furnizimi me energji elektrike në disa fshatra të Lezhës, përfshirë Zadrimën, Fishtën, Kallmetin dhe Dajçin, është kthyer në një problem serioz që prej kohësh shqetëson banorët dhe bizneset e zonës.

    Ndërprerjet e shpeshta të energjisë vijojnë të jenë pjesë e përditshmërisë, ndërsa situata bëhet me problematike sa here ka reshje shiu apo ere te fortë.
    Banorët shprehen se rrjeti i amortizuar dhe mungesa e investimeve ne rrjet sjelle probleme te vazhdueshme ne keto zona
    Pavarësisht përpjekjeve të Njësisë së Operatorit të Shpërndarjes së Energjisë Elektrike në Lezhë për të mbajtur në funksion linjat ekzistuese, amortizimi i rrjetit ka bërë që defektet të jenë të shpeshta dhe të pashmangshme. Zgjidhja e vetme shihet ndërtimi i një rrjeti të ri elektrik, por ende nuk ka një afat se kur mund të nisë ky investim.

    Top Channel

  • Energjia shpesh ndërpritet në disa fshatra të Lezhës, banorët në shqetësim

    Energjia shpesh ndërpritet në disa fshatra të Lezhës, banorët në shqetësim

    Furnizimi me energji elektrike në disa fshatra të Lezhës, përfshirë Zadrimën, Fishtën, Kallmetin dhe Dajçin, është kthyer prej kohësh në një problem serioz për banorët dhe bizneset e zonës.
    Ndërprerjet e shpeshta të energjisë vijojnë të jenë pjesë e përditshmërisë, veçanërisht gjatë reshjeve të shiut ose erërave të forta, duke bërë situatën më problematike.

    Banorët shprehen se rrjeti i amortizuar dhe mungesa e investimeve janë shkaku kryesor i këtyre problemeve të vazhdueshme.

    Pavarësisht përpjekjeve të Njësisë së Operatorit të Shpërndarjes së Energjisë Elektrike në Lezhë për të mbajtur linjat ekzistuese në funksion, amortizimi i rrjetit bën që defektet të jenë të shpeshta dhe të pashmangshme.

    Ekspertët theksojnë se zgjidhja afatgjatë do të ishte ndërtimi i një rrjeti të ri elektrik, megjithatë ende nuk është vendosur një afat se kur mund të nisë ky investim.

  • Përfshirja e të miturve në krim/ Shifra shqetësuese për vitin 2025, trafiku i drogës dhe plagosjet veprat më të shpeshta

    Përfshirja e të miturve në krim/ Shifra shqetësuese për vitin 2025, trafiku i drogës dhe plagosjet veprat më të shpeshta

    Dy 16-vjeçarë nga Kamza të cilët bënë për spital 3 shokët e tyre për një motiv krejt banal. Por rasti I tyre nuk është i izoluar.

    Të miturit në Shqipëri po prekin kufij alarmues të përfshirjes në krim. Ne vetëm 6 muajt e parë të këtij viti janë evidentuare 1113 të mitur që kanë konsumuar një vepër penale ajo që e bën edhe më alarmante situatën është fakti se 393 prej tyre janë fëmijë nën  moshën 14 vjeç.
    “Kemi një rritje të ndjeshme të veprave penale ku të dyshuar janë të miturit. Vetëm gjatë vitit 2025 kemi shqyrtuar 60 kërkesa për vlerësimin e masës së sigurisë arrest në flagrancë për të miturit. Janë disa vepra penale ku ata janë përsëritës siç është jo e vjedhjes dhe shitja e narkotikëve”-shprehet Migena Laska, Gjyqtare, e seksionit për të mitur.
    Këtë e dëshmon edhe kjo video e marrë nga kamerat e një biznesi në kryeqytet.  Një i mitur për të disatën herë kryen vjedhje në biznes, shoqërohet nga policia dhe për shkak të moshës së tij lihet i lirë pa mundur të rehabilitohet.
    Vjedhja është ndër veprat më të shpeshta që kryhet nga të miturit por të shpeshta janë edhe sherret dhe plagosjet mes tyre ku sipas të dhënave të policisë vetëm këtë 6 mujor janë evidentuar 114 të mitur si autor. Problematike mes të miturve mbetët edhe drejtimi i mjetit pa patentë.
    “Ata nuk kanë përkrahjen e prindërve. Prindërit nuk marrin përsipër mbikëqyrjen. Duhet të krijohen institucione  të pamatshme pasi Burgu duhet të jetë alternativa e fundit”-shton Laska.
    Këto shifra nuk janë thjesht krime të miturve. Janë krime të një shoqërie që nuk po arrin t’i mbrojë fëmijët e saj. Nëse sot shoqëria nuk vendos të investojë në parandalim që ti largoje fëmijët nga dhuna, vjedhjet dhe shkelje të tjera të  ligjit çmimi që do duhet të paguajë do të jetë shumë më i madh.

    Top Channel

  • 5 Ushqimet që nuk duhet t’i hani kurrë nëse vuani nga gastriti

    5 Ushqimet që nuk duhet t’i hani kurrë nëse vuani nga gastriti

    Gastriti është një nga problemet më të shpeshta të stomakut dhe prek mijëra njerëz çdo vit. Dhimbjet, djegia dhe shqetësimet që shkakton kjo gjendje shpesh lidhen drejtpërdrejt me mënyrën e të ushqyerit. Mjekët theksojnë se, përveç trajtimit mjekësor, një rol vendimtar ka edhe dieta e përditshme. Ka disa ushqime të cilat duhen shmangur me çdo kusht, sepse vetëm sa e përkeqësojnë gjendjen dhe rrisin inflamacionin.

    Ekspertët rendisin si problematikë të parë ushqimet me aciditet të lartë, përfshirë agrumet, domatet dhe lëngjet e tyre, të cilat shtojnë ndjeshëm sekretimin e acidit në stomak. Në listën e zezë futen edhe pijet me kafeinë dhe ato alkoolike, sepse stimulojnë prodhimin e tepërt të acidit gastrik dhe irritojnë murin e stomakut. Ushqimet e yndyrshme dhe të skuqura, të cilat ngadalësojnë tretjen dhe rëndojnë procesin e tretjes, janë gjithashtu ndër faktorët kryesorë që duhen eliminuar nga menuja. Po kaq të dëmshme janë edhe ushqimet pikante dhe të përpunuara si erëzat e forta, sallamet apo produktet e konservuara, që njihen për efektin e tyre irritues. Ndërkohë, edhe ushqimet e ëmbla e të kripura, përfshirë pijet e gazuara dhe ëmbëlsirat industriale, kontribuojnë në rritjen e inflamacionit dhe e rëndojnë më tej stomakun.

    Specialistët këshillojnë që të sëmurët nga gastriti të orientohen drejt një diete të lehtë dhe të balancuar, duke zgjedhur ushqime të buta dhe jo-acidike si banane, mollë, oriz, patate të ziera, peshk ose mish pule pa lëkurë, si dhe çajra bimorë si kamomili apo xhenxhefili. Përveç kësaj, rekomandohet të konsumohen vakte të vogla e të shpeshta, në mënyrë që stomaku të mos ngarkohet dhe të lehtësohet procesi i tretjes.

  • Zbardhet misteri i vizitave të shpeshta të Aleks Soros në vilën qeveritare të Edi Ramës në Dhërmi, kërcënimet e…

    Zbardhet misteri i vizitave të shpeshta të Aleks Soros në vilën qeveritare të Edi Ramës në Dhërmi, kërcënimet e…

    Një stuhi politike dhe ndërkombëtare po merr formë mes brigjeve të Dhërmiut dhe Shtëpisë së Bardhë. Vizitat e shpeshta të Aleks Soros, djalit të miliarderit Xhorxh Soros në vilën qeveritare të kryeministrit Edi Rama nuk janë më thjesht një enigmë verore, por pjesë e një skenari që lidhet me një nga organizatat më të rrezikshme dhe më të fuqishme të planetit. Presidenti amerikan, Donald Trump, dy ditë më parë, lëshoi një deklaratë tronditëse, teksa kërkoi ngritjen e akuzave penale ndaj George Soros dhe djalit të tij në bazë të ligjit RICO, ligji që përdoret për ndjekjen penale të organizatave kriminale. “George Soros, dhe djali i tij i mrekullueshëm i Radical Left-it, duhet të akuzohen me RICO për shkak të mbështetjes së tyre për Protestat e Dhunshme, dhe shumë më tepër, nëpër të gjithë Shtetet e Bashkuara të Amerikës. Ne nuk do t’i lejojmë këta të çmendur të shqyejnë më Amerikën, duke mos i dhënë asnjëherë shansin të ‘MARRË FRYMË,’ dhe të jetë E LIRË. Soros, dhe grupi i tij i psikopatëve, i kanë shkaktuar dëme të mëdha vendit tonë! Kjo përfshin edhe miqtë e tij të ÇMENDUR nga Bregu Perëndimor. Kini kujdes, po ju vëzhgojmë! Faleminderit për vëmendjen tuaj!”, shkroi Trump në platformën Truth.
    Prapaskenat
    Por këto kërcënime nga Trump duket se kanë vënë në alarm rrjetin global të Sorosëve dhe bashkëpunëtorët e tyre. Pikërisht për këtë arsye, Aleks Soros është parë dy herë brenda muajit gusht në Dhërmi. Më 3 gusht, ai dhe bashkëshortja e tij Huma Abedin darkuan me Edi dhe Linda Ramën në një prej restoranteve luksoze të zonës, ndërsa më 12 gusht vizita u zhvendos në vilat qeveritare, ku takimi u zhvillua në kushte të fshehtësisë maksimale. Burime të afërta me qarqe diplomatike nënvizojnë se këto takime nuk janë të zakonshme: ato lidhen drejtpërdrejt me frikën e Sorosëve se rikthimi i Trump në pushtet do të jetë një “ciklon shkatërrimtar” për organizatën e tyre.
    Në këtë skakierë globale, Edi Rama shihet si një hallkë e besueshme, një mbështetës i heshtur dhe i gatshëm për t’u përdorur si bazë e intrigave politike dhe financiare. Vizitat e Aleks Soros në Shqipëri, larg syve të publikut amerikan, janë shndërruar kështu në një alarm të kuq: tregues i qartë se organizata më e rrezikshme e botës ndodhet në prag të një përplasjeje historike me presidentin më të vendosur të SHBA-ve. Dhe ndërkohë që Trump premton të “shkërmoqë” këtë rrjet, Dhërmiu është kthyer në një qendër të padukshme të intrigave ndërkombëtare. Pra misteri i vizitave të shpeshta të Aleks Soros në vilen qeveritare të Edi Ramës në Dhërmi, ka të bëjë pikërisht me këtë, pra grupi Soros duke e ditur që janë tani shënjestër e presidentit Trump, takohen për të thurur plane si mund të mbrohen.
    Nga ana tjetër në sfondin e një vere të nxehtë, kjo histori ka ngjyrat e një thrilleri politik global: një kryeministër shqiptar që pranon në oborrin e tij vizitat e djalit të një miliarderi të akuzuar si kreu i një organizate kriminale, dhe një president amerikan që betohet publikisht se do t’i fundosë të gjithë. Madje një gjë është e sigurt, se, kjo histori nuk është thjesht një episod i zakonshëm i politikës. Është preludi i një përplasjeje epike, ku intrigat e Dhërmiut takohen me stuhinë e Uashingtonit. Dhe pas furtunës, shumë koka mund të bien. Megjithatë pyetja që ngrihet tani është e thjeshtë, por tronditëse: a do ta përballojë kjo organizatë goditjen e Trump, apo Dhërmiu do të mbetet simboli i fundit të një epoke intrigash?

  • Nga irritimi tek rrahjet e shpeshta të zemrës, kujdes nga këto simptoma të hipoglicemisë

    Nga irritimi tek rrahjet e shpeshta të zemrës, kujdes nga këto simptoma të hipoglicemisë

    Niveli i ulët i glukozës në gjak (i njohur si hipoglicemia) është një shqetësim për këdo që trajtohet për diabet. Mund të ndodh kur merr më shumë insulinë, nuk ha mjaftueshëm, ose ushtrohesh më shumë se zakonisht. Mund të ndodh edhe kur bën maksimumin për menaxhimin e diabetit.

    Ndaj, është e rëndësishme të dish të gjitha shenjat paralajmëruese. Është e rëndësishme që këto shenja të njihen edhe nga familjarët dhe miqtë.
    Cila është vlera e ulët?

    Shumica e njerëzve kanë simptoma kur niveli i glukozës në gjak bie nën 70 mg/dl. Por nuk është njësoj për të gjithë. Mund të ndjeni të dridhura në trup edhe në nivele më të larta të glukozës se kjo. Me kohën do të kuptoni vet se cila është vlera shqetësuese për ju
    Mund të keni edhe simptoma të tjera si:
    – Irritim
    – Dridhje
    – Marrje mendsh
    – Rrahje të shpeshta të zemrës
    – Uri
    – Lodhje
    – Konfuzion dhe vështirësi në përqendrim
    – Djersitje dhe ethe
    – Dobësi dhe këputje trupore
    Nëse nuk e korrigjoni menjëherë nivelin e glukozës në gjak, simptomat mund të përkeqësohen. Mund të keni:
    – Shikim të turbulluar
    – Problem me të folurën
    – Konvulsione
    – Humbje ndjenjash

  • Vranësira dhe temperatura deri në 34 gradë Celcius, parashikimi i motit për sot

    Vranësira dhe temperatura deri në 34 gradë Celcius, parashikimi i motit për sot

    FOTO ILUSTRUESE

    TIRANË-Përgjatë orëve të paradites territori shqiptar do të mbizotërohet nga moti i kthjellët dhe vranësira të shpeshta. 
    Parashikohet që mbrëmja dhe nata të sjellin përmirësim të situatës atmosferike duke bërë që bregdeti dhe zonat e ulëta të dominohen nga kthjellime, ndërsa me kthjellime dhe vranësira të shpeshta do të mbeten zonat malore.
    Temperaturat e ajrit do të pësojnë rritje në mëngjes, por ulen lehtë në mesditë duke luhatur vlerat ditore nga 11°C vlera më e ulët në Verilindje të vendit deri në 34°C pritet vlera maksimale në qytetin e Beratit. Era do të fryjë e lehtë deri mesatare me shpejtësi maksimale mbi 35 km/h nga drejtimi Veriperëndimor, duke krijuar në brigjet detare dallgëzim mbi 2 ballë./ZËRI

  • MOTI SOT – Parashikimi i sinoptikanëve për vendin tonë, për ditën e martë, 17 qershor 2025…

    MOTI SOT – Parashikimi i sinoptikanëve për vendin tonë, për ditën e martë, 17 qershor 2025…

    Përgjatë orëve të paradites territori shqiptar do të mbizotërohet nga moti i kthjellët dhe vranësira të shpeshta, ku më më theksuara kthjellimet paraqiten përgjatë vijës bregdetare.
    Pas mesditës dhe në vijim pritet shtim i vranësirave si fillim në skajin verior dhe gradualisht përfshijnë gjysmën Lindore të vendit duke gjeneruar rrebeshe afat-shkurta shiu.
    Parashikohet që mbrëmja dhe nata të sjellin përmirësim të situatës atmosferike duke bërë që bregdeti dhe zonat e ulëta të dominohen nga kthjellime, ndërsa me kthjellime dhe vranësira të shpeshta do të mbeten zonat malore.
    Temperaturat e ajrit do të pësojnë rritje në mëngjes, por ulen lehtë në mesditë duke luhatur vlerat ditore nga 13°C vlera më e ulët në Verilindje të vendit deri në 36°C pritet vlera maksimale në qytetin e Elbasanit.
    Era do të fryjë e lehtë deri mesatare me shpejtësi maksimale mbi 35 km/h nga drejtimi Veriperëndimor, duke krijuar në brigjet detare dallgëzim mbi 2 ballë.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Vranësira të shpeshta, por pa reshje/ Ja si parashikohen temperaturat për ditën e sotme

    Vranësira të shpeshta, por pa reshje/ Ja si parashikohen temperaturat për ditën e sotme

    Orët e paradites do të paraqiten nën ndikimin e kthjellimeve dhe vranësirave të lehta e kalimtare në të gjithë territorin, ku më të theksuara vranësirat do të jenë në zonat malore Lindore.
    Parashikohet që orët e pasdites të sjellin prezencë më të dukshme të vranësirave duke gjeneruar shira të dobët e lokalë në zonat Qëndrore dhe skajin Jugor – Juglindor duke pjesën më të madhe të vendit me kthjellime dhe vranësira të shpeshta, por pa reshje.
    Temperaturat e ajrit do të mbeten konstante në vlerat minimale ndërsa rriten maksimumet duke u luhatur nga 6°C vlera minimale e shënuar në Pukë deri në 27°C vlera maksimale e cila do të shënohet në qarkun e Fierit. Era do të fryjë e lehte deri mesatare me shpejtësi 28 km/h nga drejtimi Perëndimor, për pasojë në brigjet detare do të krijohen dallgëzim i ulët.

  • Si do të jetë moti sot?

    Si do të jetë moti sot?

    Ditën e sotme në vendin tonë, që në orët e para të mëngjesit do të dominohet nga alternime kthjellime dhe vranësirash të shpeshta, të cilat herë pas-here do të gjenerojnë reshje të pakta shiu.
    Më të dukshme reshjet do të paraqiten në zonat Veriore dhe pjesërisht në qendër.

    Parashikohet që orët e pasdites të vijojnë me vranësira dhe rrebeshe shiu në zonat Veriore-Verilindore, duke lënë pjesën tjetër të territorit me kthjellime dhe vranësira të shpeshta, por pa reshje.
    Temperaturat e ajrit do të pësojnë rritje në orët e mëngjesit, por ulen në mesditë duke luhatur vlerat ditore nga 6°C vlera më e ulët deri në 24°C vlera më e lartë në rang territori.
    Era do të fryjë mesatare deri e fortë, duke arritur shpejtësinë maksimale 50 km/h nga drejtimi Veriperëndimor, duke sjellë në brigjet detare dallgë 3 ballë.