Lajmidites.com

Tag: shpërthyer

  • Tritol servisit të motorëve në Vlorë, shpërthimi shkakton dëme (VIDEO)

    Tritol servisit të motorëve në Vlorë, shpërthimi shkakton dëme (VIDEO)

    Një sasi tritoli ka shpërthyer në një servis motorësh  në rrugën Transballkanike në Vlorë.

    Shpërthimi ka ndodhur rreth orës 23:00 ndërsa servisi ka qenë I mbyllur.

    Nga shpërthimi ka vetëm dëme materiale.

    Rreth orës 23:00, në lagjen “Bashkimi”, në dritaren e një servisi motorësh, në pronësi të shtetasit V. B., ka shpërthyer një sasi lënde e dyshuar plasëse, ku si pasojë janë shkaktuar vetëm dëme të vogla materiale.

    Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar, informoi policia. 

  • Shmanget tragjedia në Fier, merr flakë bombola e gazit, zonja e shtëpisë me djegie në fytyrë

    Shmanget tragjedia në Fier, merr flakë bombola e gazit, zonja e shtëpisë me djegie në fytyrë

    Pamje nga vendi i ngjarjes

    FIER- Një ngjarje e rëndë është shmangur në orët e para të mëngjesit të sotëm në lagjen “Kastriot”, Fier, ku edhe ka shpërthyer një bombul gazi rrezikoi të shpërthente në një pallat trekatësh. Si pasojë e shpërthimit, ka mbetur e lënduar gruaja e shtëpisë, e cila ka pësuar djegie në fytyrë. Në momentin që ka shpërthyer zjarri, ajo ka tentuar dhe ia ka dalë që të shuajë flakët, por nuk ia ka dalë pa pësuar djegie në fytyrë.  
    Menjëherë, ajo është dërguar në spitalin e Fierit, ku edhe ndodhet jashtë rrezikut për jetën. 
    Ndërkohë që në vendngjarje kanë mbërritur dy mjete zjarrfikëse, për të parandaluar një shpërthim të mundshëm nga akumulimi i gazit në zonë. Teksa zjarrfikësit kanë hapur dritaret dhe kanë kryer ajrosjen e të gjithë banesës, ndërsa të gjithë banorët e tjerë të pallatit janë evakuuar përkohësisht.
    Në kohën kur ishin në zonë, Policia u ka bërë thirrje edhe drejtuesve të mjeteve në zonë që të mos ndiznin makinat e tyre, për të mos shkaktuar asnjë shkëndijë që mund të provokonte një tjetër shpërthim të mundshëm./ZËRI

  • Hoteli përfshihet në flakë në Indi, 14 viktima

    Hoteli përfshihet në flakë në Indi, 14 viktima

    Të paktën 14 persona kanë mbetur të vdekur si pasojë e një zjarri që ka shpërthyer të martën në një hotel ne qytetin e Kalkutës, në Indinë lindore, ka bërë të ditur policia.
    Një oficer policie u ka thënë gazetarëve se zjarri ka shpërthyer të martën në mbrëmje në hotelin Rituraj në qendër të Kalkutës, dhe është shuar pas një përpjekjeje të mundimshme.
    Shkaku i zjarrit nuk është bërë ende i qartë, raporton AP.

    Zjarret janë të zakonshme në Indi, ku ndërtuesit dhe banorët shpesh shpërfillin ligjet e ndërtimit dhe kodet e sigurisë. Aktivistët thonë se ndërtuesit shpesh evitojnë çështjet e sigurisë për të kursyer kostot.
    Në vitin 2022, të paktën 27 njerëz kanë vdekur kur një zjarr masiv shpërtheu një ndërtesë tregtare katërkatëshe në New Delhi.
     

  • Përplasje mes grupeve rivale në burgun italian, 10 shqiptarë përplasen me të dënuarit afrikanë

    Përplasje mes grupeve rivale në burgun italian, 10 shqiptarë përplasen me të dënuarit afrikanë

    Një përplasje e fortë ka shpërthyer në burgun Bassone në Como, ku një grup prej 10 shqiptarësh është përfshirë në një konflikt me një grup rival, të përbërë nga të burgosur nga Afrika e Veriut. Konflikti, sipas mediave italiane, ka shpërthyer pas thyerjes së një porte të brendshme që ndante seksionin e shqiptarëve nga ai i rivalëve.
    Arsyet e përplasjes mendohet të lidhen me mosmarrëveshje të mëparshme mes dy grupeve. Gjatë përleshjes, ka pasur përplasje fizike, por forcat e policisë kanë ndërhyrë në kohë për të ndaluar dhunën. Për të menaxhuar situatën, autoritetet kanë dërguar përforcime nga Milano.
    Katër të burgosur janë plagosur gjatë përplasjes dhe janë dërguar në spitalin Sant’Anna të Como për trajtim mjekësor. Gjithashtu, 6 nga 10 të burgosurit shqiptarë janë transferuar në burgje të tjera, përkatësisht në Opera, Vigevano dhe Cremona.

  • Shpërthen vullkani në Islandë/ Paniku nga llava dhe tërmetet, evakuohen banorët dhe turistët

    Shpërthen vullkani në Islandë/ Paniku nga llava dhe tërmetet, evakuohen banorët dhe turistët

    Turistët dhe banorët janë evakuuar pasi një vullkan ka shpërthyer në jugperëndim të Islandës, duke kërcënuar një qytet dhe një atraksion natyror.

    Vullkani ka nxjerrë llavë dhe tym që kur shpërthimi ka nisur në mëngjes, duke krijuar një çarje të madhe në tokë e cila është rritur në 1.2 km gjatësi.
    Tërmete të shumta kanë ndodhur në zonën vullkanike gjatë gjithë ditës, pasi vullkani është afër qytetit të peshkimit të Grindavik dhe banjës së famshme “Blue Laguna”. Një numër i vogël njerëzish refuzuan të evakuonin qytetin, raportuan mediat lokale.
    Njerëzve iu kërkua “të largoheshin nga zona e rrezikut”, ka thënë komisioneri i policisë së rajonit.
    Ende ekziston frika se qyteti mund të preket nga rrjedhat e llavës të hynin në zonën e banuar.
    Barrierat mbrojtëse rreth Grindavik janë thyer gjithashtu, pasi një çarje e re është hapur disa qindra metra brenda territorit të mbrojtur pas një shpërthimit të fundit. Aktiviteti vullkanik është lehtësuar disi pasditen e së martës, por ende nuk ka siguri.
    Rrugët brenda dhe jashtë qytetit mbeten të mbyllura, ndërsa fluturimet aktualisht nuk janë prekur.
    Shumica e 4.000 banorëve të Grindavikut janë larguar në një evakuim masiv edhe në vitin 2023 për shkak të rreziqeve të aktivitetit vullkanik. Që atëherë, vullkani ka shpërthyer disa herë.

    Top Channel