Një ngjarje e rëndë tronditi zonën e Kamzës pak pas mesnatës, kur persona ende të paidentifikuar vendosën një sasi lënde plasëse në murin rrethues të banesës së deputetit të Partisë Demokratike, Xhelal Mziu.
Po ashtu është publikuar edhe një video që tregon momentin e shpërthimit dhe zhurmën e krijuar në zonë.
Pamjet filmike, të siguruara nga një kamera sigurie e vendosur pranë banesës, tregojnë momentin kur ndodh shpërthimi, rreth orës 00:55.
Policia ka konfirmuar më herët se ngjarja ka ndodhur në rrugën “Arjan Sala”, dhe se për fat të mirë, shpërthimi ka shkaktuar vetëm dëme materiale, pa lënduar persona.
Grupi hetimor ndodhet ende në vendngjarje dhe po punon për identifikimin dhe kapjen e autorëve, ndërsa po analizohen edhe pamjet e kamerave të tjera të sigurisë në zonë.
Tag: shpërthimit
-
VIDEO/ Tritoli në banesën e deputetit të PD Xhelal Mziu, ja momenti i shpërthimit që tronditi zonën
-
Shpërthimi i fuqishëm në një lokal në Madrid, nxirret trupi i pajetë i një burri 52-vjeçar
Një tragjedi goditi lagjen punëtore Vallejas, në jug të Madridit, të shtunën pasdite, kur një shpërthim i fuqishëm në një bar lokal shkaktoi një viktimë dhe mbi 25 të plagosur, mes tyre tre në gjendje të rëndë.
Ngjarja ndodhi rreth orës 16:00 në ambientet e barit “Mis Tesoros”, në katin përdhes të një ndërtese trekatëshe, dhe u shoqërua me shembje të pjesshme të strukturës, duke lënë zona të tëra nën rrënoja.
Pas orësh të tëra pune intensive nga mbi 18 ekipe zjarrfikësish, të shoqëruar nga njësi qensh dhe ekspertë shpëtimi, autoritetet konfirmuan se trupi i një burri 52-vjeç u gjet nën rreth një metër rrënoja dhe mbeturina.
Zyrtarët nuk kanë bërë publik ende identitetin e viktimës, por sipas burimeve nga vendngjarja, ai dyshohet të ketë qenë brenda barit në momentin e shpërthimit. Zjarrfikësit arritën ta nxirrnin trupin gjatë natës, në një operacion të kujdesshëm për shkak të rrezikut të shembjeve të mëtejshme.
Sipas deklaratave të Manuel Marín, kreut të Departamentit të Zjarrfikësve të Komunitetit të Madridit, shpërthimi dyshohet të jetë shkaktuar nga një grumbullim gazi, ndonëse ende nuk është përcaktuar saktësisht lloji apo burimi i rrjedhjes.
“Ka pasur një shpërthim për shkak të një akumulimi të gazit. Ende nuk mund të themi çfarë lloj gazi apo ku ka ndodhur rrjedhja,” – u shpreh Marín.
Ndërtesa ku ndodhej bar-restoranti pësoi dëme strukturore të konsiderueshme, sidomos në pjesën midis katit përdhes dhe katit të parë. Si masë sigurie, rreth dhjetë familje që banonin në ndërtesë u evakuuan menjëherë pas ngjarjes.
Zëvendëskryetarja e bashkisë së Madridit, Inmaculada Sanz, tha se në momentet e para ishte përjashtuar mundësia që të kishte të tjerë të bllokuar nën rrënoja, por kërkimet u intensifikuan për t’u siguruar.
Autoritetet spanjolle kanë nisur hetime të plota për të përcaktuar shkakun e saktë të shpërthimit dhe për të kuptuar nëse kishte neglizhencë në sigurinë e ambienteve të lokalit.
Ngjarja ka shkaktuar tronditje në komunitetin lokal, ndërsa shumë prej banorëve të zonës janë shprehur se kishin ndjerë dridhje dhe zhurmë të tmerrshme në momentin e shpërthimit.Top Channel
-
“S’di çfarë ka bërë djali”, reagon babai i Jozefin Markut pas shpërthimit me tritol në Fushë-Kuqe
Babai i ish-banorit të “Big Brother Vip Albania”, Jozefin Marku, ka thyer heshtjen pas shpërthimit me tritol në zonën e Fushë-Kuqes mëngjesin e 26 gushtit. Në dëshminë e dhënë para policisë, ai ka mohuar kategorikisht se ka ndonjë problem apo konflikt personal dhe ka theksuar se nuk është në dijeni për ndonjë situatë të ngjashme që mund të përfshijë djalin e tij. Sipas tij, familja nuk ka pasur asnjë arsye të mendojë se mund të bëhej objekt i një sulmi të tillë.
Ngjarja ndodhi në fshatin Gurëz, ku lënda plasëse ishte vendosur në portën e jashtme të banesës së shtetases M. D. Hetimet paraprake tregojnë se gruaja nuk ka pasur konflikte me askënd dhe se nuk përbënte një shënjestër të mundshme. Megjithatë, burime nga organet e rendit kanë bërë me dije se objektivi kryesor i atentatit ka qenë Jozefin Marku, por autorët dyshohet se kanë ngatërruar adresën, duke vendosur lëndën plasëse në banesën e gabuar.
Gjatë kontrollit të zonës përreth, hetuesit gjetën disa gëzhoja të vjetra, të cilat u sekuestruan në cilësinë e provës materiale. Aktualisht, policia po analizon çdo të dhënë që mund të çojë drejt zbardhjes së motivit dhe identifikimit të autorëve të këtij sulmi të rrezikshëm. Hetimet mbeten të hapura, ndërsa familja Marku kërkon drejtësi dhe qetësi. -
Tragjedi në Pakistan/ Shpërthim i fuqishëm në një depo fishekzjarresh në Karaç, 4 të vdekur dhe mbi 30 të plagosur
Një shpërthim i fuqishëm ndodhi ditën e djeshme në një depo fishekzjarrësh në qytetin pakistanez të Karaçit, duke vrarë katër persona dhe duke plagosur më shumë se 30.
Në veçanti, sipas Reuters, depoja dhe disa dyqane aty pranë u përfshinë nga flakët pas shpërthimit fillestar, i cili u pasua nga disa shpërthime më të vogla, duke i detyruar banorët të largoheshin nga zona.
Intensiteti i shpërthimit ishte aq i fortë sa xhamat e dyqaneve aty pranë u thyen, duke shpërndarë copa xhami mbi njerëzit në rrugë.
“Mendova se kishin shpërthyer disa bomba”, u tha gazetarëve Aqib Khan, një banor i zonës.
A massive explosion at a fireworks warehouse in Karachi, Pakistan, left four people dead and more than 30 injured on Thursday, according to police.The blast triggered a fire that engulfed the warehouse and several nearby shops. Multiple smaller explosions followed, forcing… pic.twitter.com/0AcMWHI1Iu— The Siasat Daily (@TheSiasatDaily) August 22, 2025
Siç shihet në video, tym i dendur ngrihej nga një ndërtesë shumëkatëshe ndërsa zjarrfikësit përpiqeshin të shuanin zjarrin. Deri më tani nuk ka asnjë të dhënë për shkakun e shpërthimit.
Njerëzit filluan të vraponin për t’u fshehur dhe shoferët i devijuan me nxitim makinat e tyre.
Karaçi është kryeqyteti financiar i Pakistanit dhe ka një popullsi prej më shumë se 20 milionë banorësh, ndërsa shpërthimi ndodhi një ditë pasi shirat e rrëmbyeshëm të musoneve përmbytën qytetin.
-
Llava vijon të rrjedhë poshtë shpatit të malit Etna pas shpërthimit të vullkanit
Llava vazhdon të rrjedhë përgjatë shpatit të malit Etna gjatë shpërthimit në Katania të Italisë.
Llava ushqehet nga një çarje efuzive që u hap në një lartësi prej 3 mijë metrash më 10 gusht, e vendosur mes kraterit Bocco Nuova dhe atij Juglindor.
Fronti më i avancuar i llavës ka arritur një lartësi prej 2.700 metrash, ndërsa aktiviteti shpërthyes vazhdon me intensitet të ndryshëm nga krateri Juglindor, duke dërguar hi në zonën e majës teksa alarmi për aviacionin mbetet në nivel portokalli.
Mali Etna është një nga vullkanet më të famshëm dhe më aktivë në botë pasi është në aktivitet pothuajse të vazhdueshëm, me shpërthime efuzive dhe shpërthyese.
Derisa shpërthimet janë të shpeshta, ato zakonisht nuk janë katastrofike për popullatën aty pranë, por ato mund të pengojnë udhëtimin ajror dhe të dëmtojnë infrastrukturën.
-
Bregdeti sirian i përgjakur, të paktën 1400 të vrarë që nga marsi i këtij viti! OKB: Krime lufte të mundshme pas shpërthimit të dhunës
OKB-ja ka paralajmëruar se krime lufte, përfshirë vrasje, tortura dhe ekzekutime të civilëve, ka të ngjarë të jenë kryer gjatë shpërthimit të dhunës në rajonet bregdetare të Sirisë në mars, ku mbetën të vrarë rreth 1,400 persona, shumica civilë.
Në një raport të publikuar nga Komisioni Hetimor i OKB-së për Sirinë thuhet se luftëtarë të lidhur me ish-regjimin e Bashar al-Assad dhe forca të qeverisë së përkohshme siriane janë përgjegjës për këto shkelje të rënda të të drejtave të njeriut, megjithëse nuk u gjetën prova që autoritetet në Damask urdhëruan sulmet.
Dhuna shpërtheu në zemër të rajonit të banuar nga komuniteti alavit, pas përleshjeve midis forcave të sigurisë, të përbëra kryesisht nga sunitë, dhe mbështetësve të regjimit të kaluar, shumica alavitë. Ajo u shndërrua në një valë hakmarrjesh sektare.
Raporti dokumenton shkelje të rënda në 16 zona në provincat Latakia, Tartus, Homs dhe Hama. Sipas dëshmive, autorët hynin në shtëpi dhe identifikonin civilët alavitë përpara se të ekzekutonin burrat dhe djemtë, ndërsa në disa raste u vranë edhe gra dhe fëmijë.
“Shkalla dhe brutaliteti i dhunës është thellësisht shqetësuese,” tha Paulo Sérgio Pinheiro, kryetar i komisionit. “I bëjmë thirrje autoriteteve të përkohshme të kërkojnë llogaridhënie për të gjithë autorët, pavarësisht rangut apo përkatësisë.”
Raporti përshkruan gjithashtu akte çnjerëzore, si mbajtja e kufomave nëpër shtëpi nga frika e hakmarrjes dhe varrime masive në rrugë. Spitalet u mbushën përtej kapaciteteve, ndërsa mijëra civilë u detyruan të largohen drejt Libanit ose një baze ajrore ruse për siguri.
Sipas OKB-së, modelet e sulmeve tregojnë se dhuna nuk ishte e rastësishme apo e izoluar, por e organizuar dhe e qëllimshme. Hetimi bazohet në më shumë se 200 intervista dhe verifikim në terren.
Top Channel
-
I mbijetuari i Nagasakit rrëfen tmerrin e bombës atomike dhe paralajmëron për brezat e ardhshëm: T’i zhdukim armët e luftës para se të na zhdukin ne
Më 9 gusht 1945, Terumi Tanaka, një djalë 13-vjeçar i mbijetoi shpërthimit të bombës atomike të hedhur nga Shtetet e Bashkuara në qytetin e Nagasakit.
Edhe pse jetonte më pak se dy milje larg qendrës së shpërthimit, si mbijetoi mrekullisht. Sot, ai është një nga zërat më të fortë që paralajmërojnë botën për rrezikun e përsëritjes së një katastrofe bërthamore.
Në fjalimin e tij gjatë ceremonisë së ndarjes së Çmimit Nobel për Paqe, që iu dha Konfederatës Japoneze të Viktimave të Bombave A dhe H (Nihon Hidankyo), i mbijetuari ndau kujtimet e tij të dhimbshme nga ajo ditë e errët.
Ai rrëfeu se xhami i derës që i ra sipër nuk u thye, duke i shpëtuar jetën, por pesë anëtarë të familjes së tij humbën jetën: dy halla, gjyshi, një kushëri dhe xhaxhai, i cili vdiq nga sëmundja e rrezatimit pasi shkoi të kërkonte ndihmë.
Deri në fund të vitit 1945, vlerësohet se rreth 70,000 njerëz u vranë nga bomba në Nagasaki, ndërsa 140,000 humbën jetën në Hiroshima. Në total, mbi 400,000 njerëz u ekspozuan ndaj efekteve të dy bombave, shumica civilë, gra, fëmijë dhe të moshuar.
Të mbijetuarit e Hiroshima-s dhe Nagasaki-t kanë ndarë dëshmi të tronditëse që ilustrojnë shkatërrimin që shkaktojnë armët bërthamore.
Yoshie Oka, atëherë 14 vjeç në një bunker në Hiroshima, kujtoi momentin kur shpërthimi ndodhi: “Ndërsa po i flisja dikujt, pashë një dritë të bardhë të verbër. U hodha poshtë pajisjeve, por arrita të dal jashtë me një shok klase. Gazi radioaktiv ishte si një mjegull dhe nuk mund të shihnim as 10 metra larg”
Një tjetër e mbijetuar, Setsuko Thurlow, kujtoi skenat pranë qendrës së shpërthimit ku mijëra nxënës ndihmonin në pastrimin e rrugëve.
“Pothuajse të gjithë u dogjën dhe u zhdukën pa lënë gjurmë. Shumë të tjerë vdiqën brenda pak ditësh. Brezi im u zhduk pothuajse i tëri”, tha ajo.
Në Nagasaki, Sumiteru Taniguchi, atëherë 16 vjeç, ishte mbi biçikletë kur ndodhi shpërthimi.
“Një valë më hodhi nga biçikleta dhe më përplasi në tokë”, tregoi ai. Pavarësisht se ndodhej më shumë se një milje larg, ai pësoi djegie të rënda që u infektuan dhe kaloi katër vite në spital duke u rikuperuar.
Pasojat nuk u ndalën me shpërthimin. Efektet e rrezatimit vazhduan për vite. Toru Ikemoto, 7 vjeç, dhe motra e tij Aiko, 9, ndonëse ishin brenda në momentin e shpërthimit, pësuan humbje flokësh, temperaturë, dhimbje dhe gjakderdhje. Toru vdiq në moshën 11-vjeçare dhe Aiko në moshën 29-vjeçare.
Shumë fëmijë që ishin ende në barkun e nënës linden me defekte të rënda ose të vdekur. Stigma sociale dhe frika nga dëmtimi i fëmijëve të ardhshëm i shtyu shumë të mbijetuar të mos krijojnë kurrë familje.
Sipas të mbijetuarit, ndalimi moral dhe ligjor global kundër përdorimit të armëve bërthamore është në rënie. Luftërat në Evropë dhe Lindjen e Mesme, ku përfshihen shtete me arsenale bërthamore dhe kërcënime të hapura për përdorim të tyre, po e dobësojnë gjithnjë e më shumë këtë tabu.
Edhe pse India dhe Pakistani nuk përdorën armë bërthamore në përplasjen e fundit, situata tregon sa e brishtë është paqja mes fuqive bërthamore.
Të mbijetuarit, përmes organizatës Nihon Hidankyo, bëjnë thirrje për mbështetje ndaj Traktatit të Kombeve të Bashkuara për Ndalimin e Armëve Bërthamore. Traktati ndalon jo vetëm armët, por edhe prodhimin, vendosjen dhe përdorimin e tyre, dhe kërkon ndihmë për të prekurit dhe pastrimin e zonave të ndotura nga testimet.
Edhe pse më shumë se gjysma e vendeve të botës e kanë nënshkruar ose ratifikuar traktatin, shumë shtete, përfshirë Japoninë, vazhdojnë të mbështeten te strategjitë e frikësimit bërthamor.
“Ideja se armët bërthamore na mbrojnë është një iluzion”, thotë Tanaka.
“Nëse politikanët do të kuptonin çfarë ndodhi në qytetin tim dhe në Hiroshima, nuk do të flisnin për ‘mbrojtje përmes armëve bërthamore’”, shton ai.
Ai e përmbylli fjalimin me një mesazh për brezin e ri dhe një paralajmërim nga historia: “Nëse njerëzimi nuk ndjek rrugën e paqes dhe ligjit ndërkombëtar, brezi i ardhshëm do të jetojë Luftën e Tretë Botërore. Siç ka thënë John F. Kennedy: ‘Armët e luftës duhet të zhduken, para se të na zhdukin ne.’”
Top Channel
-
Shpërthen bombola e gazit në një banesë në Leskovik, lëndohet 67-vjeçari
Një 67-vjeçar është lënduar në banesën e tij në Leskovik, pas shpërthimit të një bombole gazi që përdorej për gatim. Ngjarja ka ndodhur këtë të martë, rreth orës 13:00, në banesën e shtetasit Dh.N. ku si pasojë e shpërthimit ai është dëmtuar.
I moshuari është transportuar menjëherë për ndihmë mjekësore ndërsa sipas njoftimit të policisë, është jashtë rrezikut për jetën. Grupi hetimor po punon për zbardhjen e plotë të rrethanave të ngjarjes.
Njoftimi i policisë
“Rreth orës 13:00, në banesën e shtetasit Dh. N., 67 vjeç, dyshohet se ka shpërthyer një bombël, që përdorej për gatim. Si pasojë është dëmtuar 67-vjeçari, i cili është në kujdesin e mjekëve dhe aktualisht jashtë rrezikut për jetën. Grupi hetimor është në vendngjarje, ku po punon për sqarimin e rrethanave të rastit”, thuhet në njoftim. -
Njihet si Visi i garave, kush është shënjestra e shpërthimit me tritol në Tiranë
Elvis Kosova është pronari i garazhit, që iu vendos tritol në orët e para të mëngjesit të së enjtes.
Lënda plasëse dyshohet se ishte vendosur në portën hyrëse të garazhit të 39 vjeçarit. Si pasojë e shpërthimit janë shkaktuar dëme të konsiderueshme materiale në disa automjete, të parkuara.
Një emër i njohur për policinë, Elvis Kosova ka precedent të mëparshëm penal. I njohur ndryshe si Visi i garave, apo Visi i makinave te shpejta, ai u arrestua në gusht të vitit 2024 për shkak se u akuzua për vjedhjen e nje audi R8 me vlerë 200 mijë euro.
Lidhur me këtë rast, bashkë me të u vu në pranga edhe një shtetas turk. Shtetasi turk kishte marrë me qira një automjet të markës ‘Audi’ në Gjermani. Pasi kishte hyrë në territorin shqiptar, automjeti iu dorëzua Elvis Kosovës, i cili dyshohet se ka manipuluar situatën për ta përvetësuar automjetin për vete. Shtetasi turk më pas bëri një kallëzim pranë autoriteteve duke pretenduar se automjeti i ishte vjedhur pranë një hoteli afër stadiumit “Air Albania” në Tiranë.
Njoftimi i policise
Rreth orës 03:50, në rrugën “Peti”, dyshohet se në portën hyrëse të garazhit të shtetasit E. K., 39 vjeç, është vendosur dhe ka shpërthyer një sasi e dyshuar lënde plasëse. Si pasojë janë shkaktuar dëme të konsiderueshme materiale në disa automjete, të parkuara.
Grupi hetimor ka administruar pamjet filmike nga vendngjarja dhe po vijon punën për identifikimin dhe kapjen e autorit, si dhe për dokumentimin e plotë të rrethanave të ngjarjes. -
Çfarë fshihet pas shpërthimit të raketës? Meksika kërcënon me padi Elon Musk
Presidentja e re e Meksikës, Claudia Sheinbaum, ka paralajmëruar se do të padisë kompaninë e Elon Musk, SpaceX, pas rënies së mbetjeve të një rakete në territorin meksikan, si pasojë e një shpërthimi gjatë një testimi në Teksas.
Ajo deklaroi se pas shpërthimit janë konstatuar ndotje dhe dëme të mundshme në shtetin meksikan të Tamaulipas, rreth 300 kilometra larg pikës së lëshimit të raketës.
Raketa “Starship 36”, pjesë e projektit ambicioz të Musk për dërgimin e njerëzve në hapësirë, shpërtheu më 19 qershor në objektin Starbase në jug të Teksasit, shumë pranë kufirit me Meksikën. Autoritetet lokale konfirmuan një “dështim katastrofik”, ndërsa mbetjet e shpërndara u përhapën edhe përtej kufirit.
Presidentja Sheinbaum tha se autoritetet po shqyrtojnë nëse janë shkelur ligjet ndërkombëtare për të ndërmarrë hapa ligjorë. Ajo u shpreh se po verifikohen distancat e sigurisë që kërkohen për lëshime të tilla, për të shmangur rreziqet për zonat urbane pranë kufirit.
Nga ana tjetër, SpaceX reagoi në platformën “X”, duke thënë se përpjekjet për të rimarrë mbetjet janë penguar nga “personat që kanë hyrë në mënyrë të paligjshme në pronat private”. Kompania shton se nuk ka asnjë rrezik për komunitetet përreth dhe se analizat e mëparshme kanë treguar se materialet nuk përbëjnë ndonjë kërcënim kimik apo toksik.
Megjithatë, ekspertët shprehen të shqetësuar për ndikimin që mbetjet hapësinore kanë në atmosferë dhe klimë.
Sipas një kimisteje atmosferike nga University College London, lëshimet e raketave çlirojnë kimikate që ndikojnë në shtresën e ozonit, si dhe grimca që ngrohin atmosferën. Raketa “Starship” përdor karburant të ri, metan të lëngshëm, për të cilin mungojnë ende matje të sakta për ndotjen që shkakton.
Ky nuk është rasti i vetëm që një mjet hapësinor sjell shqetësime në Tokë.
Në janar, një objekt 500 kg ra në një fshat në Kenia, ndërsa në mars, një raketë ruse krijoi një “shpërthim zanor” pranë brigjeve të Australisë. Sipas ekspertëve, rritja e industrisë hapësinore pa rregulla të qarta për ndotjen, po e kthen hapësirën në një rrezik të heshtur për mjedisin global.