Një shpërthim me lëndë plasëse ka tronditur orët e para të mëngjesit në fshatin Gurëz, njësia administrative Fushë Kuqe, Kurbin. Sipas Policisë së Shtetit, rreth orës 04:20, në portën e jashtme të murit rrethues të banesës së shtetases M. D. (alias M. B.) është hedhur një sasi e vogël lënde plasëse, e dyshuar si artizanale. Burimet policore bëjnë me dije se shënjestra mund të ketë qenë këngëtari i njohur Jozi, i cili ka prezencë në televizion.
Menjëherë pas njoftimit, në vendngjarje mbërritën shërbimet e policisë dhe grupi hetimor. Nga kontrolli paraprak u konstatua se porta e murit rrethues ishte dëmtuar lehtë si pasojë e shpërthimit. Gjatë kontrollit në perimetrin përreth, hetuesit sekuestruan disa gëzhoja, të cilat sipas policisë janë të vjetra dhe u administruan si provë materiale.
Ngjarja është duke u hetuar nën drejtimin e Prokurorisë, ndërkohë që grupi hetimor po punon për sqarimin e plotë të rrethanave, identifikimin e autorëve dhe dokumentimin ligjor të rastit. Autoritetet kanë bërë apel që çdo qytetar që ka informacion lidhur me shpërthimin të kontaktojë në mënyrë të menjëhershme Policinë e Shtetit.
Rasti ka tronditur komunitetin lokal, ndërsa hetimet vijojnë për të përcaktuar motivet dhe për të parandaluar incidente të tjera të ngjashme në këtë zonë.
Tag: shpërthim
-
Shpërthim misterioz në Kurbin, dyshohet se shënjestra ishte Jozi
-
Shpërthim i beftë në derë të shtëpisë/ Lëndë plasëse, dhe gëzhoja ja çfarë ka ndodhur
Një shpërthim ka ndodhur në fshatin Gurëz në Fushë Kuqe. Sipas policisë, në portën e jashtme të një shtetasi ishte hedhur një sasi e vogël lënde plasëse e dyshuar artizanale, shërbimet e Policisë shkuan në vendin e ngjarjes, së bashku me grupin hetimor.
Ngjarja ka ndodhur rreth orës 04:20. Gjatë këqyrjes së vendit të ngjarjes dhe territorit përreth, rezultoi se porta e murit rrethues të banesës ishte dëmtuar lehtë nga shpërthimi i lëndës plasëse, e dyshuar artizanale.
Në vijim të veprimeve, grupi hetimor gjeti në rrugë, në afërsi të banesës, disa gëzhoja në dukje të vjetra, të cilat u sekuestruan dhe administruan në cilësinë e provës materiale.
Nën drejtimin e Prokurorisë, vijojnë veprimet e thelluara hetimore për sqarimin e rrethanave, identifikimin e autorit/ve dhe dokumentimin e plotë ligjor të rastit. -
Tragjedi në Pakistan/ Shpërthim i fuqishëm në një depo fishekzjarresh në Karaç, 4 të vdekur dhe mbi 30 të plagosur
Një shpërthim i fuqishëm ndodhi ditën e djeshme në një depo fishekzjarrësh në qytetin pakistanez të Karaçit, duke vrarë katër persona dhe duke plagosur më shumë se 30.
Në veçanti, sipas Reuters, depoja dhe disa dyqane aty pranë u përfshinë nga flakët pas shpërthimit fillestar, i cili u pasua nga disa shpërthime më të vogla, duke i detyruar banorët të largoheshin nga zona.
Intensiteti i shpërthimit ishte aq i fortë sa xhamat e dyqaneve aty pranë u thyen, duke shpërndarë copa xhami mbi njerëzit në rrugë.
“Mendova se kishin shpërthyer disa bomba”, u tha gazetarëve Aqib Khan, një banor i zonës.
A massive explosion at a fireworks warehouse in Karachi, Pakistan, left four people dead and more than 30 injured on Thursday, according to police.The blast triggered a fire that engulfed the warehouse and several nearby shops. Multiple smaller explosions followed, forcing… pic.twitter.com/0AcMWHI1Iu— The Siasat Daily (@TheSiasatDaily) August 22, 2025
Siç shihet në video, tym i dendur ngrihej nga një ndërtesë shumëkatëshe ndërsa zjarrfikësit përpiqeshin të shuanin zjarrin. Deri më tani nuk ka asnjë të dhënë për shkakun e shpërthimit.
Njerëzit filluan të vraponin për t’u fshehur dhe shoferët i devijuan me nxitim makinat e tyre.
Karaçi është kryeqyteti financiar i Pakistanit dhe ka një popullsi prej më shumë se 20 milionë banorësh, ndërsa shpërthimi ndodhi një ditë pasi shirat e rrëmbyeshëm të musoneve përmbytën qytetin.
-
Shpërthim me lëndë plasëse në ambientet e jashtme të një banese në Durrës
Një shpërthim me lëndë plasëse ka ndodhur në orët e para të mëngjesit të sotëm në Durrës.
Sipas uniformave blu mësohet se ngjarja ka ndodhur në lagjen nr. 14, ku një sasi e vogël lënde plasëse është hedhur në ambientet e jashtme të banesës së 66-vjeçarit me inicialet I.Gj.
Nga shpërthimi ka pasur vetëm dëme materiale.
“Në orët e para të mëngjesit të sotëm, ambientet e jashtme të banesës së shtetasit I. Gj., 66 vjeç, në lagjen nr. 14, është hedhur një sasi e vogël lënde plasëse.
Si pasojë pati vetëm dëme materiale”, njofzon policia.
Grupi hetimor, në drejtimin e Prokurorisë, po punon për identifikimin dhe kapjen e autorit/ëve, si dhe për sqarimin e rrethanave të rastit./Opinion.al -
Shpërthim i fortë në Durrës
Një shpërthim me lëndë plasëse është regjistruar rreth mesnatës, në Durrës, në lagjen 14.
Nuk raportohet për dëme në njerëz, vetëm dëme materiale.
Ende nuk ka të dhëna për objektivin.
Sipas banorëve të zonës, shpërthimi ka qënë i fuqishëm, duke shkaktuar panik në gjithë zonën. -
Shpërthim në fabrikën e çelikut në Pensilvani/ Një i vdekur, dhjetëra të plagosur dhe një i zhdukur
Një shpërthim u raportua në uzinën US Steel Clairton jashtë Pittsburgh, Pensilvani, të hënën, duke shkaktuar lëndime të shumta dhe duke bllokuar disa persona, thonë zyrtarët.
Një person ka vdekur dhe një është i zhdukur, ndërsa dhjetëra janë plagosur nga shpërthimi.
Zëdhënësi i Shërbimeve të Emergjencave të Qarkut Allegheny, Kasey Reigner, konfirmoi se kishte “dhjetëra” të plagosur, por nuk mundi të konfirmonte viktimat ose një shkak, raportoi CBS News.
Një zëdhënës tjetër konfirmoi se një operacion shpëtimi ishte duke u zhvilluar për njerëzit e bllokuar.
Guvernatori Josh Shapiro postoi në rrjetet sociale se shërbimet e menaxhimit të emergjencave të shtetit dhe policia ishin në vendngjarje.Top Channel
-
Shpërthim në fabrikën e çelikut në Pensilvani, dhjetëra të plagosur
Një shpërthim u raportua në uzinën US Steel Clairton jashtë Pittsburgh, Pensilvani, të hënën, duke shkaktuar lëndime të shumta dhe duke bllokuar disa persona, thonë zyrtarët.
Zëdhënësi i Shërbimeve të Emergjencave të Qarkut Allegheny, Kasey Reigner, konfirmoi se kishte “dhjetëra” të plagosur, por nuk mundi të konfirmonte viktimat ose një shkak, raportoi CBS News.
Një zëdhënës tjetër konfirmoi se një operacion shpëtimi ishte duke u zhvilluar për njerëzit e bllokuar.
Guvernatori Josh Shapiro postoi në rrjetet sociale se shërbimet e menaxhimit të emergjencave të shtetit dhe policia ishin në vendngjarje.Top Channel
-
Mali Lewotobi Laki Laki shpërthen përsëri, hi gjigant, shtëllunga dhe rrufetë ndriçojnë kraterin e vullkanit
Mali Lewotobi Laki Laki, një nga vullkanet më aktivë të Indonezisë, shpërtheu për të dytën ditë radhazi, duke dërguar një kolonë materialesh vullkanike dhe hiri deri në 18 kilometra në qiell herët të shtunën, dhe duke mbuluar fshatrat me mbeturina. Nuk u raportuan menjëherë viktima.
Një shpërthim tjetër të premten në mbrëmje kishte dërguar re hiri deri në 10 kilometra (6.2 milje) të larta dhe kishte ndriçuar qiellin e natës me lavë të ndezur dhe rrufe. Të dy shpërthimet ndodhën në një hark kohor prej më pak se pesë orësh.
Agjencia e Gjeologjisë e Indonezisë regjistroi një ortek resh gazi përvëluese të përziera me shkëmbinj dhe lave, që udhëtuan deri në 5 kilometra poshtë shpateve të malit. Vëzhgimet me dron treguan lëvizje të thellë të magmës, duke shkaktuar dridhje që u regjistruan në monitorët sizmikë.
Materiali vullkanik, përfshirë zhavorr të nxehtë sa një gisht i madh, u hodh deri në 8 kilometra (5 milje) nga krateri, duke mbuluar fshatrat dhe qytetet aty pranë me mbetje të trasha vullkanike, tha agjencia. Ajo u kërkoi banorëve të jenë vigjilentë ndaj reshjeve të dendura të shiut, që mund të shkaktojnë rrjedhje lave në lumenjtë që burojnë nga vullkani.
Shpërthimi i së shtunës ishte një nga më të mëdhenjtë në Indonezi, që nga viti 2010 kur Mali Merapi, vullkani më i paqëndrueshëm i vendit, shpërtheu në ishullin e dendur të populluar të Java-s. Ky shpërthim vrau më shumë se 350 njerëz dhe detyroi qindra mijëra të evakuoheshin.
Kjo ndodhi gjithashtu më pak se një muaj pasi një shpërthim i madh më 7 korrik detyroi vonesën ose anulimin e dhjetëra fluturimeve në aeroportin Ngurah Rai të Balit dhe mbuloi rrugët dhe fushat e orizit me baltë të trashë gri dhe shkëmbinj.
Lewotobi Laki Laki, një vullkan 1,584 metra i lartë në ishullin e largët Flores, ka qenë në nivelin më të lartë të alarmit që nga shpërthimi i tij më 18 qershor dhe një zonë përjashtimi është dyfishuar në një rreze prej 7 kilometrash, ndërsa shpërthimet u bënë më të shpeshta.
Qeveria indoneziane ka zhvendosur përgjithmonë mijëra banorë pas një serie shpërthimesh atje që vranë 9 persona dhe shkatërruan mijëra shtëpi në nëntor.
Indonezia është një arkipelag me më shumë se 280 milionë banorë me aktivitet të shpeshtë sizmik. Ka 120 vullkane aktive dhe ndodhet përgjatë “Unazës së Zjarrit”, një seri vijash sizmike në formë patkoi që rrethojnë pellgun e Paqësorit./ AP.
-
Shpërthim i fuqishëm në një bllok apartamentesh në Selanik, dëme të mëdha në ndërtesat përreth
Një shpërthim shumë i fuqishëm ndodhi në orët e para të së shtunës (26/7) në Selanik, në katin përdhes të një pallati në rrugën Makedonomachon nr. 19, në kufijtë e komunës Neapolis-Sykeon.
Thestival.gr raporton se një burrë dhe një grua u plagosën lehtë nga xhamat e thyer. Të dy janë dërguar në spitalin e Hipokratit pa asnjë rrezik.
Shpërthimi i fuqishëm, i cili u dëgjua në një sipërfaqe të gjerë, shkaktoi dëme të shumta materiale në katin përdhes të ndërtesës së apartamenteve dhe në të paktën katër ndërtesa apartamentesh ngjitur.
Gjashtë makina u dëmtuan gjithashtu, ndërsa vala goditëse shkaktoi dëme edhe në një distancë të madhe.
Forcat zjarrfikëse dhe të policisë nxituan në vendngjarje. Sipas informacioneve, presidenti i federatës së oficerëve të burgjeve jeton në ndërtesën e apartamenteve.
Vlerësimi fillestar i Policisë Helenike ishte se sulmi ndaj ndërtesës së apartamenteve ishte një sulm terrorist.
-
Shpërthim i fuqishëm në një bllok apartamentesh, dëme të mëdha në ndërtesat përreth
Një shpërthim shumë i fuqishëm ndodhi në orët e para të së shtunës (26/7) në Selanik, në katin përdhes të një pallati në rrugën Makedonomachon nr. 19, në kufijtë e komunës Neapolis-Sykeon. Thestival.gr raporton se një burrë dhe një grua u plagosën lehtë nga xhamat e thyer. Të dy janë dërguar në spitalin e Hipokratit pa asnjë rrezik.
Shpërthimi i fuqishëm, i cili u dëgjua në një sipërfaqe të gjerë, shkaktoi dëme të shumta materiale në katin përdhes të ndërtesës së apartamenteve dhe në të paktën katër ndërtesa apartamentesh ngjitur. Gjashtë makina u dëmtuan gjithashtu, ndërsa vala goditëse shkaktoi dëme edhe në një distancë të madhe.
Forcat zjarrfikëse dhe të policisë nxituan në vendngjarje. Sipas informacioneve, presidenti i federatës së oficerëve të burgjeve jeton në ndërtesën e apartamenteve. Vlerësimi fillestar i Policisë Helenike ishte se sulmi ndaj ndërtesës së apartamenteve ishte një sulm terrorist.