Lajmidites.com

Tag: shpërthim

  • “Do largohem”, shpërthimi i Vinicius tremb Real Madrid

    “Do largohem”, shpërthimi i Vinicius tremb Real Madrid

    Suksesi në “El Clasico” ndaj rivalit të përjetshëm, Barcelonës, u zbeh disi nga ai shpërthim i Vinicius jr, me brazilianin që iu drejtua trajnerit Alonso me fjalët: “Gjithmonë unë! Do të largohem nga ky ekip! Do të largohem, është më mirë të largohem”, u shpreh braziliani përpara se t’i drejtohej dhomës së zhveshjes, për t’u rikthyer në fund të ndeshjes për të festuar me pjesën tjetër të ekipit. Ky shpërthim i Vinicius nuk u prit mirë nga trajneri Alonso, por as nga drejtuesit e klubit.
    Këta të fundit u rreshtuan përkrah trajnerit, por nuk morën asnjë masë ndaj lojtarit. Fakt është që me Alonson në stol, Vinicius jr ka zhvilluar vetëm 3 ndeshje në total për 90 minuta të plota, është e qartë se në sytë e Alonsos nuk është i paprekshëm. Ky shpërthim i fundit i Vinicius ndez edhe një herë diskutim rreth të ardhmes së tij. Sulmuesi ka një kontratë me Real Madrid deri në 2027, Vinicius e dashuron Madridin dhe Realin, por nëse Alonso do të vijojë të jetë trajner i Realit edhe vitin tjetër, nuk përjashtohet mundësia për një divorc të bujshëm.

    Këtë verë, Vinicius mori një ofertë marramendëse nga Arabia Saudite, por në fund vendosi të qëndrojë në Madrid, por me këto dyshime të mëdha në lidhje me rolin e tij në skuadër, Vinicius tani do të mendohet dy herë përpara se të refuzojë ndonjë ofertë tjetër.
    Në mes të sezonit, Reali e sheh veten në një pozicion jo komod dhe me një “patate të nxehtë në duar”. Mbetet për t’u parë se si do të jetë raporti i Vinicius me Alonson pasi ekipi të rikthehet në fushë, me trajnerin që u shpreh qartë se do të sqarohet privatisht me Vinicius.
    ()

  • Shpërthim i fuqishëm në fabrikën ushtarake në Rusi, raportohet për 12 viktima

    Shpërthim i fuqishëm në fabrikën ushtarake në Rusi, raportohet për 12 viktima

    Një shpërthim i fuqishëm ka ndodhur të mëkurën e datës 22 tetor, në një fabrikë ushtarake në Rusi, ku si pasojë kanë humbur jetën 12 njerëz.
    Fillimisht u raportua se katër persona u vranë dhe pesë të tjerë u plagosën në shpërthimin në fabrikë, që mediat lokale thanë se prodhon produkte plastike.
    Por Reuters shkruan se numri i viktimave është rritur në dymbëdhjetë, ndërsa të plagosur janë pesë persona.
    Aleksei Teksler, guvernatori i rajonit të Chelyabinskut, ku ka ndodhur incidenti, ka njoftuar se të gjitha shërbimet e emergjencës ishin në vendngjarje dhe nuk kishte kërcënim për banorët ose infrastrukturën civile.
    Hetuesit rusë thanë të enjten se kishin hapur një çështje penale lidhur me incidentin. Mediet lokale, duke cituar dëshmitarë, raportuan se shpërthimi kishte ndodhur në fabrikën ‘Plastmass‘ në qytetin Kopeisk në rajonin e Chelyabinskut. Guvernatori Teksler tha se nuk kishte asnjë tregues që incidenti kishte lidhje me ndonjë aktivitet të dronëve.

  • Shpërthim i fuqishëm në Bukuresht: 3 të vdekur, 13 të plagosur dhe dy pallate të shkatërruara

    Shpërthim i fuqishëm në Bukuresht: 3 të vdekur, 13 të plagosur dhe dy pallate të shkatërruara

    Një shpërthim i fuqishëm ka tronditur paraditen e sotme kryeqytetin rumun, Bukuresht. Ngjarja e rëndë ka ndodhur në një ndërtesë tetëkatëshe, ku si pasojë e shpërthimit janë shkatërruar dy pallate, kanë humbur jetën tre persona dhe janë plagosur të paktën 13 të tjerë.
    Sipas mediave të huaja, shpërthimi ka ndodhur në katin e pestë dhe të gjashtë të godinës. Autoritetet njoftojnë se shkaku i ngjarjes tragjike nuk është përcaktuar ende, ndërsa furnizimi me gaz në zonë është ndërprerë si masë sigurie.
    Ministria e Shëndetësisë e Rumanisë bëri të ditur se viktimat janë raportuar me politraumë dhe djegie të rënda. Një prej tyre u gjet pa shenja jete nën një pllakë betoni në katin e gjashtë, ndërsa të plagosurit janë dërguar në spitalet e kryeqytetit.
    Të gjithë banorët janë evakuuar menjëherë nga ndërtesa, ndërsa ekipet e shpëtimit po vijojnë kërkimet për persona që mund të kenë mbetur të bllokuar nën rrënoja.

  • E rëndë/ Shpërthim në një ndërtesë 8-katëshe, dy të vdekur dhe 12 të plagosur

    E rëndë/ Shpërthim në një ndërtesë 8-katëshe, dy të vdekur dhe 12 të plagosur

    Dy persona kanë humbur jetën dhe 12 të tjerë janë plagosur pas një shpërthimi të fuqishëm që ndodhi të premten në një ndërtesë tetëkatëshe në Bukuresht, kryeqytetin e Rumanisë.

    Sipas mediave lokale, shpërthimi shembi dy kate të ndërtesës dhe dëmtoi rëndë katet poshtë saj. Xhamat e një shkolle të mesme aty pranë u thyen nga fuqia e eksplozionit.
    Shkaku i shpërthimit nuk dihet ende. Ekipet e emergjencës vijojnë kërkimet në rrënoja, ndërsa autoritetet kanë nisur hetimet.

  • Shpërthim në një ndërtesë 8-katëshe, dy të vdekur dhe 12 të plagosur

    Shpërthim në një ndërtesë 8-katëshe, dy të vdekur dhe 12 të plagosur

    Dy persona kanë humbur jetën dhe 12 të tjerë janë plagosur pas një shpërthimi të fuqishëm që ndodhi të premten në një ndërtesë tetëkatëshe në Bukuresht, kryeqytetin e Rumanisë.

    Sipas mediave lokale, shpërthimi shembi dy kate të ndërtesës dhe dëmtoi rëndë katet poshtë saj. Xhamat e një shkolle të mesme aty pranë u thyen nga fuqia e eksplozionit.
    Shkaku i shpërthimit nuk dihet ende. Ekipet e emergjencës vijojnë kërkimet në rrënoja, ndërsa autoritetet kanë nisur hetimet.

    Top Channel

  • Tragjedi në Itali/ Shpërthim i fuqishëm në një banesë gjatë operacionit policor, humbin jetën 3 karabinierë dhe plagosen 15 të tjerë

    Tragjedi në Itali/ Shpërthim i fuqishëm në një banesë gjatë operacionit policor, humbin jetën 3 karabinierë dhe plagosen 15 të tjerë

    Një ngjarje e rëndë ndodhi në mëngjesin e së martës në Castel d’Azzano, pranë Veronës, në veri të Italisë.

    Gjatë një operacioni për të zbrazur një banesë të zënë në mënyrë të paligjshme, një shpërthim i fuqishëm shkaktoi shkatërrimin e një shtëpie dykatëshe, duke marrë jetën e 3 karabinierëve dhe plagosur 15 persona të tjerë, përfshirë policë dhe zjarrfikës.
    Viktimat janë tre karabinierët Marco Piffari, Davide Bernardello dhe Valerio Daprà. Ata ndodheshin në vendin e ngjarjes për të zbatuar një urdhër për të larguar banorët dhe për të kontrolluar për materiale të rrezikshme, si bomba molotov.
    Fatkeqësisht, shpërthimi i papritur plagosi rëndë pjesëtarët e tjerë të forcave të sigurisë dhe zjarrfikësve.
    Ky nuk ishte rasti i parë që banorët përdornin gaz për të shmangur ndërhyrjen. Një vit më parë, ata kishin mbushur banesën me gaz, por atëherë operacioni ishte shtyrë dhe nuk kishte ndodhur ndonjë incident i rëndë.
    Kryeministrja italiane Giorgia Meloni shprehu ngushëllimet më të sinqerta për familjet e viktimave. Ajo theksoi edhe rëndësinë e punës së karabinierëve dhe forcave të sigurisë në shërbim të vendit.
    Ministri i Brendshëm, Matteo Piantedosi, tha se shpërthimi ndodhi menjëherë pas hapjes së derës dhe se dyshohet se është shkaktuar nga dikush brenda banesës. Ministri i Mbrojtjes, Guido Crosetto, u shpreh se karabinierët dhanë jetën duke kryer detyrën.
    Prokurori i Veronës po heton ngjarjen dhe po kërkon personin e tretë që është arratisur. Në banesë po kërkoheshin edhe mjete të tjera të rrezikshme. Autoritetet po punojnë për të sqaruar çdo detaj dhe për të siguruar drejtësi.

    Top Channel

  • Shpërthim i fuqishëm në fabrikën e municioneve në SHBA, disa të vdekur dhe të zhdukur

    Shpërthim i fuqishëm në fabrikën e municioneve në SHBA, disa të vdekur dhe të zhdukur

    Një shpërthim i fuqishëm ka ndodhur këtë të premte, 10 tetor, në një fabrikë ushtarake municionesh në Tennessee, që ka shkaktuar viktima dhe persona të zhdukur.
    Sipas mediave amerikane, incidenti ndodhi në objektin e kompanisë Accurate Energetic Systems, e cila prodhon dhe teston eksplozivë në një kompleks me tetë ndërtesa në kodrat pranë qytetit Bucksnort, rreth 100 kilometra në jugperëndim të Nashville.
    Sherifi i qarkut Humphreys, Chris Davis, deklaroi në një konferencë për shtyp: “Disa persona janë ende të paidentifikuar dhe të zhdukur. Po përpiqemi të jemi të kujdesshëm ndaj familjeve dhe situatës. Fatkeqësisht, kemi konfirmuar disa të vdekur.”

    Shkaku i shpërthimit nuk është ende i qartë. Pamjet nga vendngjarja tregojnë flakë dhe tym të dendur, ndërsa edhe banorë në distancë të largëta raportuan se ndjenë tronditjen e shpërthimit.
    Ekipet e emergjencës nuk mundën të hynin menjëherë në fabrikë për shkak të shpërthimeve të vazhdueshme. David Stewart, teknik i avancuar i urgjencës në qarkun Hickman, tha se nuk kishte detaje nëse kishte të plagosur.
    Kompania Accurate Energetic Systems, me seli në qytetin e afërt McEwen, nuk ka reaguar ende ndaj kërkesave për koment.
    Stacioni televiziv WTVF-TV me bazë në Nashville transmetoi pamje të mbetjeve të fabrikës të shpërndara në vendngjarje, ku dukeshin edhe automjete të dëmtuara në parking. Banorët e zonës telefonuan për të raportuar shpërthimin e fuqishëm.
    Në qytetin Lobelville, rreth 20 minuta larg nga vendi i ngjarjes, banorët thanë se shtëpitë e tyre u drodhën dhe disa kapën zhurmën e shpërthimit me kamerat e sigurisë në shtëpi.
    Një banor i zonës, Gentry Stover, u zgjua nga shpërthimi: “Mendova se shtëpia ishte shembur me mua brenda. Jetoj shumë afër fabrikës Accurate dhe kuptova pas 30 sekondash që duhej të kishte qenë ajo.”

  • Shpërthim në një fabrikë ushtarake në SHBA, raportohet për viktima

    Shpërthim në një fabrikë ushtarake në SHBA, raportohet për viktima

    Një shpërthim i madh është raportuar në një fabrikë ushtarake të eksplozivëve në shtetin amerikan Tennessee.
    Autoritetet lokale kanë konfirmuar se ka viktima, por deri tani nuk janë dhënë detaje të tjera. Mediat lokale raportojnë gjithashtu se disa persona rezultojnë të zhdukur pas shpërthimit.
    Ngjarja ndodhi mëngjesin e së premtes në një fabrikë të kompanisë Açurate Energetic Systems, e vendosur në zonën Bucksnort, pranë qytetit McEëen, rreth një orë në jug të qytetit Nashville.

    “Mund të konfirmojmë se ka ndodhur një shpërthim në fabrikën e Açurate Energetic Systems në zonën Bucksnort. Shërbimet emergjente ndodhen në vendngjarje dhe po punojnë për të përballuar situatën”, njoftoi zyra e Sherifit të Qarkut Hickman.
    Sipas faqes zyrtare të kompanisë, Açurate Energetic Systems ofron produkte dhe zgjidhje të avancuara për sektorët e mbrojtjes, industrisë ajrore dhe shpërthimeve, dhe ndodhet rreth katër milje nga zona më e populluar e Nashville.

  • Shpërthim i fuqishëm në një fabrikë eksplozivësh në SHBA, disa të vdekur dhe dhjetra të zhdukur

    Shpërthim i fuqishëm në një fabrikë eksplozivësh në SHBA, disa të vdekur dhe dhjetra të zhdukur

    PAMJE NGA VENDNGJARJA

    SHBA-Një shpërthim ka ndodhur në një fabrikë eksplozivësh në Tennessee, SHBA, ku raportohet për disa të vdekur dhe dhjetra të zhdukur. Shpërthimi i fuqishëm goditi uzinën e prodhimit të eksplozivëve në zonën rurale të Tenesit të premten në mëngjes, duke tronditur shtëpitë kilometra larg.
    The guardian raporton se incidenti ndodhi në Accurate Energetic Systems pranë qytetit Bucksnort, rreth 60 milje në jugperëndim të Nashville. Banorët në Lobelville, më shumë se 20 minuta larg me makinë nga prodhuesi, thanë se ndienin shtëpitë e tyre të dridheshin dhe disa njerëz kapën zhurmën e madhe të shpërthimit në kamerat e shtëpive të tyre.

  • Shpërthim i fortë në Sarandë, automjeti hidhet në erë me një person brenda

    Shpërthim i fortë në Sarandë, automjeti hidhet në erë me një person brenda

    Një shpërthim i fuqishëm ka tronditur qytetin e Sarandës mbrëmjen e kësaj të shtune.
    Ngjarja ka ndodhur në lagjen nr. 3, ku si pasojë e shpërthimit është shkatërruar një automjet tip fuoristradë.
    Policia, e cila ndodhet me forca të shumta në vendngjarje, ka konfirmuar se brenda mjetit është gjetur një trup i pajetë. Viktima është identifikuar si Jusuf Jaçe.
    Sipas informacioneve paraprake, shpërthimi ka shkaktuar dëme materiale edhe në disa biznese përreth si dhe në një automjet tjetër të parkuar pranë.
    Autoritetet kanë nisur hetimet për zbardhjen e plotë të ngjarjes.
    “Sot, rreth orës 22:50, në lagjen nr. 3, Sarandë, dyshohet se ka shpërthyer një sasi lënde eksplozive e vendosur në një automjet tip Toyota, në pronësi të shtetasit I. J. Ky shtetas dyshohet se është edhe personi që ndodhej brenda në automjet i cili si pasojë e shpërthimit ka humbur jetën. Grupi hetimor ndodhet në vendngjarje dhe po vijon punën për identifikimin dhe kapjen e autorit/autorëve, zbardhjen e plotë të rrethanave të ngjarjes dhe dokumentimin e saj ligjor”, njoftoi policia.