Lajmidites.com

Tag: shpenzimeve

  • Musk kritikon projektligjin e Trump për taksat dhe shpenzimet

    Musk kritikon projektligjin e Trump për taksat dhe shpenzimet

    Elon Musk ka kritikuar ashpër projektligjin e taksave dhe shpenzimeve të Presidentit Donald Trump.
    Përmes një postimi në ‘X’, Musk tha se “nuk mund ta durojë” legjislacionin dhe e përshkroi atë si një “gjë të neveritshme”.
    Projektligji – i cili përfshin lehtësime tatimore prej disa trilionë dollarësh dhe rritje të shpenzimeve të mbrojtjes, ndërsa gjithashtu i lejon qeverisë amerikane të marrë hua më shumë para – u miratua nga Dhoma e Përfaqësuesve në maj.
    Në X, Musk tha se ata që votuan për miratimin e projektligjit “gabohen”.
    “Më vjen keq, por nuk mund të duroj më. Ky projektligj skandaloz dhe me shpenzime të panevojshme të Kongresit, është një neveri e turpshme. Turp për ata që e votuan. Ju e dini që vepruat gabim”, ka shkruar Elon Musk në rrjetin social X.
    Musk kishte thënë më parë se projektligji, një nga politikat kryesore të Trump, ishte “zhgënjyes” sepse ai besonte se dëmtonte punën për uljen e kostove të ekipit që ai drejtonte deri vonë, i njohur si Doge.
    Doge qëndron për Departamentin e Efikasitetit të Qeverisë, edhe pse ekipi nuk është një agjenci në nivel kabineti.
    Koha e miliarderit të teknologjisë me origjinë nga Afrika e Jugut në administratën Trump përfundoi më 31 maj, megjithëse Trump tha se “ai do të jetë gjithmonë me ne, duke na ndihmuar gjatë gjithë kohës”.

  • Nën trysninë e NATO-s dhe SHBA-së, Britania drejt rritjes së shpenzimeve për mbrojtjen

    Nën trysninë e NATO-s dhe SHBA-së, Britania drejt rritjes së shpenzimeve për mbrojtjen

    Mbretëria e Bashkuar pritet të angazhohet këtë muaj për një rritje të ndjeshme të shpenzimeve ushtarake, duke synuar që ato të arrijnë në 3.5% të Prodhimit të Brendshëm Bruto (PBB) deri në vitin 2035.

    Sipas burimeve të Sky News, ky hap vjen si pjesë e një përpjekjeje të përbashkët të NATO-s për të forcuar kapacitetet mbrojtëse dhe për të ruajtur mbështetjen strategjike të Shteteve të Bashkuara.
    Ky zhvillim vjen në një kohë kur në Ministrinë britanike të Mbrojtjes ka pasiguri mbi mënyrën se si do të përshkruhet ky objektiv — si një ambicie apo si një angazhim i qeverisë së ardhshme të udhëhequr nga Sir Keir Starmer. Ndryshimi i mundshëm i kursit shihet si i pashmangshëm, ndërsa qeveria britanike përballet me presione për të balancuar buxhetin mes nevojave ushtarake dhe atyre sociale.
    Burime pranë qeverisë bëjnë me dije se Starmer pritet të marrë një vendim zyrtar që sot, ndërsa diskutimet brenda kabinetit janë intensifikuar.
    Përveç rritjes së drejtpërdrejtë të buxhetit të mbrojtjes, Britania mund të detyrohet të ndajë edhe 1.5% të PBB-së për sektorë të lidhur me sigurinë kombëtare, siç janë shërbimet e inteligjencës dhe infrastruktura strategjike – duke përfshirë rrugët, hekurudhat dhe aeroportet, të nevojshme për një vendosje të shpejtë të trupave.
    Në total, kjo do ta çonte nivelin e përgjithshëm të shpenzimeve të lidhura me mbrojtjen në 5% të PBB-së – një objektiv që Sekretari i Përgjithshëm i NATO-s, Mark Rutte, synon ta zyrtarizojë në një samit kyç që do të mbahet këtë muaj në Holandë.

    Top Channel

  • Transportuan materialet zgjedhore, Ushtria i kërkon 33 milionë lekë KQZ-së

    Transportuan materialet zgjedhore, Ushtria i kërkon 33 milionë lekë KQZ-së

    Shtabi i Përgjithshëm i Forcave të Armatosura i është drejtuar me një kërkesë KQZ-së për rimbursimin e shpenzimeve për transportin e materialeve zgjedhore, për zgjedhjet parlamentare të 11 majit.
    Në shkresë, thuhet se për realizimin e detyrës janë vënë në dispozicion 217 kamionë transporti (kamionë të mbuluar).
    “Për realizimin e detyrës nga Komanda Mbështetëse (sipas përllogaritjeve të bëra të krahasuara dhe me GPS e mjeteve) për periudhën 25 prill 2025 deri më 22 maj 2025 janë aktivizuar 217 kamionë transporti (kamion të mbuluar) të cilët në total kanë kryer 27,108 kilometra duke harxhuar në total prej 13,686 litra gasoil me vlerë 2,326,620 lekë, si dhe prej 347 litra vajra lubrifikant me vlerë 41,576 lekë, dhe janë angazhuar 162 personel që trajtohen me dietë jashtë rrethit me vlerë 991,000 lekë.
    Vlera totale e shpenzimeve për transportimin e materialeve zgjedhore është 3,359,196 lekë, e cila sipas akt-marrëveshjes duhet të rimbursohet nga Komisioni Qendror i Zgjedhjeve bazuar në akt-marrëveshjen ndërmjet dy palëve (Komanda Mbështetëse dhe KQZ).”, thuhet në dokumentin e depozituar në KQZ.

  • Deficiti i skemës së pensioneve në përmirësim, si po mbahen shpenzimet nën kontroll

    Deficiti i skemës së pensioneve në përmirësim, si po mbahen shpenzimet nën kontroll

    Skema e sigurimeve shoqërore ka arkëtuar më shumë, teksa është treguar me e kursyer në shpenzime me 2024, duke ulur në këtë mënyrë boshllëkun “deficitin” që mbulohet nga buxheti. Të dhënat zyrtare nga Ministria e Financave tregojnë se deficiti i skemës së sigurimeve shoqërore (të ardhura nga kontributet minus shpenzimet për pensionet) arritën në -1.9 për qind të PBB-së, duke qëndruar në të njëjtin nivel më vitin e kaluar por shumë më ulët se niveli 3.2% të PBB-së në vitin 2016. Sipas Monitor, të ardhurat më të larta nga kontributet janë faktor kryesor që kanë ndikuar në frenimin e rritjes së deficitit të skemës së pensioneve. Ato arritën 139,4 miliard lekë me 2024 ose 10.5% më shumë se fakti i 2023, teksa numri i kontribuuesve u rrit 2%.
    Paga mesatare bruto u rrit 11,2%, duke nxitur arkëtimet nga kontributet të cilat grumbullohen mbi pagat bruto. Nga ana tjetër rritja e shpenzimeve për skemën e pensioneve ishte me modeste në vitin 2024. Indeksimi i pensioneve u bë vetëm 4,1% në tetor 2024, shumë më pak se niveli 8,6% i vitit 2023. Për pasojë shpenzimet faktike të skemës së sigurimeve ishin pak më të ulëta se plani. Kursimet në krahun e shpenzimeve të skemës po nxiten nga përfitimet më të ulëta të pensioneve të reja. Mosplotësimi i kritereve për pension, sidomos vitet e punës me sigurime ka bërë që pjesa dërmuese e përfituesve të pensioneve të pleqërisë të marrin pagesa të pjesshme. Deficiti i skemës së pensioneve në vlerë ishte 49 miliardë lekë ose 500 milionë euro vitin e kaluar. Kjo vlerë ishte 8% më e lartë se me 2023, por 14% më i ulët se e vitit të 2022. Rritja me rreth 4% e PBB në vlerë i ka ulur raportet e shpenzimeve për disa zëra që kanë në vlera neto të njëjta si në vitin 2023.
    Nëse rritja e pagës minimale 50,000 lekë vijon sipas planit të qeverisë vitin që vjen dhe digjitalizimi forcon formalizimin, të ardhurat mund të vazhdojnë të përmirësojnë deficitin. Megjithatë zhvillimet demografike me plakjen e popullsisë që rrit daljet në pension do të ushtrojë presion për rritjen e shpenzimeve. Pensionet në tregun e punës, të tilla si emigracioni dhe informaliteti i lartë po ngushtojnë bazën e kontributeve. Reformat mbi skemën e pensioneve të zhvilluara gjatë 30 viteve të fundit nuk preken thelbin, strukturën demografike dhe informalitetin në tregun e punës. Aktualisht është duke u hartuar një reformë për pensionet, por ajo ndaloi progresin për shkak të zgjedhjeve të përgjithshme

  • Rutte i bën “qejfin” Trump/ Shpenzimet e mbrojtjes për NATO, i bindur në rritjen e kuotës në 5% të GDP

    Rutte i bën “qejfin” Trump/ Shpenzimet e mbrojtjes për NATO, i bindur në rritjen e kuotës në 5% të GDP

    Sekretari i Përgjithshëm i NATO-s, Mark Rutte shprehet i bindur se mes vendeve anëtare të NATO-s do të ketë dakordësim për rritjen e kuotës së shpenzimeve për mbrojtjen në 5% të produktit bruto.

    “Unë mendoj, që në Hagë do të biem dakord për kuotën e gjithsej 5%. Nuk do të them se cila është ndarja individuale, por do të jetë dukshëm mbi 3% kur bëhet fjalë për shpenzimet e vështira”, thotë Rutte.
    Pavarësisht se në fillim, një nivel i tillë shpenzimesh i propozuar nga presidenti amerikan Donald Trump u duk i vështirë për t`u arritur, anëtaret e aleancës duket se po binden një e nga një.
    Në fillim të muajit Rutte vetë foli për 3,5% të produktit bruto për mbrojtjen dhe 1,5% për infrastrukturën. Tani pritet që në samitin e Hagës, në 24 dhe 25 qershor, të arrihet pajtimi  në samitin për objektivat e reja.
    Gjermania, një ndër vendet më të kritikuara prej Trumpit për mospërmbushjen e nivelit të pretenduar të shpenzimeve të mbrojtjes, dy javë më parë u dorëzua, duke pranuar kërkesat e shefit të Shtëpisë së Bardhë. Sipas ministrit gjerman të Mbrojtjes, Boris Pistorius, kuota e shpenzimeve për mbrojtjen në produktin bruto të Gjermanisë do të rritet brenda një periudhe pesë vjeçare me 0,2% në vit. Nga 2,1% vitin e kaluar deri më 2032 do të arrihet një kuotë prej 3,5%.
    Kryeministri holandez Dick Schoof qe shprehur në fillim të këtij muaji se “Rutte u kishte dërguar një letër të gjithë anëtarëve të NATO-s për t`i treguar që në samitin e qershorit pret angazhim konkret për shtim shpenzimesh”.

    Top Channel

  • Rutte pret dakordësim për rritjen e shpenzimeve të mbrojtjes

    Rutte pret dakordësim për rritjen e shpenzimeve të mbrojtjes

    Sekretari i Përgjithshëm i NATO-s, Mark Rutte sikurse vë vet në dukje, mendon se do të arrihet marrëveshje ndër vendet anëtare për rritjen e kuotës së shpenzimeve për mbrojtjen në pesë përqind të produktit bruto.
    “Unë mendoj, që në Hagë do të biem dakord për kuotën e gjithsej pesë përqind”, deklaroi Sekretari i Përgjithshëm i NATO-s Mark Rutte në takimin e pranverës të Asamblesë Parlamentare të NATO-s në Dejton, në shtetin federal Ohajo në SHBA.
    Në fillim të muajit Rutte propozoi 3,5 përqind të produktit bruto për mbrojtjen dhe 1,5 përqind për infrastrukturën. Aleanca ushtarake, NATO, më 24 dhe 25 qershor në samitin në Hagë do të bjerë dakord për objektivat e reja.
    Gjermania do të rrisë shpenzimet për mbrojtjen
    Gjermania përpara dy javësh i mbështeti kërkesat e presidentit të SHBA-së, Donald Trump, sipas të cilit aleatët duhet të rrisin në pesë përqind të produktit bruto shpenzimet e tyre për mbrojtjen.
    Sipas ministrit gjerman të Mbrojtjes, Boris Pistorius, kuota e shpenzimeve për mbrojtjen në produktin bruto të Gjermanisë do të rritet brenda një periudhe pesë vjeçare me 0,2 përqind në vit.
    Nga 2,1 përqind vitin e kaluar deri më 2032 do të arrihet një kuotë prej 3,5 përqind./DW

  • “Po shkon më mirë se sa pritej”, sekretari amerikan i Thesarit: Fatura e shpenzimeve po ulet

    “Po shkon më mirë se sa pritej”, sekretari amerikan i Thesarit: Fatura e shpenzimeve po ulet

    Sekretari i Thesarit, Scott Bessent dha një përditësim optimist mbi faturën e shpenzimeve të presidentit amerikan, Donald Trump sot gjatë një fjalimi në Shoqatën Amerikane të Bankierëve.

    “Po shkon mirë, më mirë se sa pritej”, tha Bessent.
    “Unë e kuptoj pse disa nga këta kongresmenë, disa nga këta senatorë, janë të tërbuar dhe thonë: “Duhet ta bëjmë tani”, por ne nuk mund të bëjmë gjithçka menjëherë, kjo do të shkaktojmë recesion”, shtoi sekretari.
    Bessent pretendoi masa kyçe për të parandaluar rënien ekonomike në miratimin e projektligjit “të madh” të lehtësimit të taksave dhe reduktimeve të shpenzimeve nga Trump.
    “Ajo që do të na ndihmojë të mos kemi një recesion është të sigurohemi që fatura e taksave të mos skadojë, duke shtuar zhvlerësimin 100% dhe më pas duke shtuar një axhendë të presidentit Trump”, shtoi Bessent
    Trump doli në mediat sociale sot për të inkurajuar miratimin e projektligjit të tij, duke u thënë republikanëve: “Është më e rëndësishme tani, më shumë se kurrë” të kalohet “një projektligj i madh”.
    Disa republikanë ende nuk kanë rënë në linjë në një votim kritik të Dhomës së Përfaqësuesve këtë javë që do t’i lejojë Kongresit të ecë më në fund përpara me paketën e parë të madhe legjislative të Trump, siç raportohet nga CNN.

    Top Channel