Gjatë vitit 2024, menaxhimi i financave publike është karakterizuar nga luhatje të mëdha të likuiditeteve dhe një përqendrim i pazakontë i shpenzimeve në muajin dhjetor, duke sjellë pasoja të drejtpërdrejta në ekuilibrin fiskal të vendit.
Sipas raportit të Kontrollit të Lartë të Shtetit (KLSH) mbi zbatimin e buxhetit 2024, likuiditetet totale janë luhatur nga 40 deri në 137 miliardë lekë, çka tregon për administrim të pamjaftueshëm të mjeteve monetare. Për më tepër, konvertimet e panevojshme të valutave kanë prodhuar kosto të shtuara për buxhetin e shtetit, duke rënduar më tej situatën financiare.
Dhjetori është shndërruar në muajin ku janë përqendruar shumica e shpenzimeve, si ato korente ashtu edhe ato kapitale. Shpenzimet korente kanë qenë gati dyfish më të larta se mesatarja mujore, ndërsa investimet kapitale janë rritur deri në pesëfish.
Vetëm në periudhën shtator–dhjetor janë detajuar për herë të parë 245 projekte investimi me vlerë totale 14.8 miliard lekë, ku një pjesë e fondeve rezulton të jetë përdorur për shlyerjen e detyrimeve të prapambetura. Për më tepër, në dhjetor janë mbyllur 323 projekte të nisura gjatë muajve të mëparshëm, ndërsa dhjetëra projekte të tjera kanë qëndruar aktive për vetëm dy ose tre muaj, një praktikë që tregon planifikim të dobët dhe menaxhim joefikas të investimeve.
Pavarësisht miratimit të Aktit Normativ nr. 5 më 19 dhjetor, i cili duhej të sillte rishikime të fundit të buxhetit, 150 projekte me financim të brendshëm rezultojnë me realizim zero. Mungesa e e masave për mbylljen e këtyre projekteve të që nuk kanë avancuar ka bërë që fondet e parashikuara për to të mbeten të pavlefshme, duke krijuar barrë të re për vitet pasardhëse.
Akumulimi i shpenzimeve në dhjetor ka përthithur të gjithë suficitin fiskal të muajve janar–nëntor dhe e ka kthyer bilancin në deficit me rreth 17 miliardë lekë.
Vetëm në dhjetor të ardhurat arritën në 62.6 miliard lekë, ndërsa shpenzimet u ngjitën në 152.1 miliard lekë, që përbën 21% të gjithë shpenzimeve vjetore. Sipas KLSH-së ky devijim i fortë, sipas të dhënave, lidhet me mungesën e planifikimit të saktë, orientimin e shpeshtë të fondeve drejt nevojave të reja pa adresuar detyrimet e mbartura dhe tejkalimin e tavaneve buxhetore.
Fenomeni ka rritur ndjeshëm riskun fiskal të vendit, duke ekspozuar financat publike ndaj pasigurive të krijuara nga menaxhimi jo i kujdesshëm i likuiditeteve, zgjerimi i angazhimeve kontraktuale përtej hapësirës së miratuar dhe zbatimi jo i rregullt i planifikimit afatmesëm buxhetor./Monitor
Tag: shpenzimeve
-
Dhjetori 2024 ‘gllabëroi’ buxhetin me shpenzime rekord, 245 projekte në minutë të fundit
-
Dhjetori 2024 ‘gllabëroi’ buxhetin me shpenzime rekord, 245 projekte në minutë të fundit
Gjatë vitit 2024, menaxhimi i financave publike është karakterizuar nga luhatje të mëdha të likuiditeteve dhe një përqendrim i pazakontë i shpenzimeve në muajin dhjetor, duke sjellë pasoja të drejtpërdrejta në ekuilibrin fiskal të vendit.
Sipas raportit të Kontrollit të Lartë të Shtetit (KLSH) mbi zbatimin e buxhetit 2024, likuiditetet totale janë luhatur nga 40 deri në 137 miliardë lekë, çka tregon për administrim të pamjaftueshëm të mjeteve monetare. Për më tepër, konvertimet e panevojshme të valutave kanë prodhuar kosto të shtuara për buxhetin e shtetit, duke rënduar më tej situatën financiare.
Dhjetori është shndërruar në muajin ku janë përqendruar shumica e shpenzimeve, si ato korente ashtu edhe ato kapitale. Shpenzimet korente kanë qenë gati dyfish më të larta se mesatarja mujore, ndërsa investimet kapitale janë rritur deri në pesëfish.
Vetëm në periudhën shtator–dhjetor janë detajuar për herë të parë 245 projekte investimi me vlerë totale 14.8 miliard lekë, ku një pjesë e fondeve rezulton të jetë përdorur për shlyerjen e detyrimeve të prapambetura. Për më tepër, në dhjetor janë mbyllur 323 projekte të nisura gjatë muajve të mëparshëm, ndërsa dhjetëra projekte të tjera kanë qëndruar aktive për vetëm dy ose tre muaj, një praktikë që tregon planifikim të dobët dhe menaxhim joefikas të investimeve.
Pavarësisht miratimit të Aktit Normativ nr. 5 më 19 dhjetor, i cili duhej të sillte rishikime të fundit të buxhetit, 150 projekte me financim të brendshëm rezultojnë me realizim zero. Mungesa e e masave për mbylljen e këtyre projekteve të që nuk kanë avancuar ka bërë që fondet e parashikuara për to të mbeten të pavlefshme, duke krijuar barrë të re për vitet pasardhëse.
Akumulimi i shpenzimeve në dhjetor ka përthithur të gjithë suficitin fiskal të muajve janar–nëntor dhe e ka kthyer bilancin në deficit me rreth 17 miliardë lekë.
Vetëm në dhjetor të ardhurat arritën në 62.6 miliard lekë, ndërsa shpenzimet u ngjitën në 152.1 miliard lekë, që përbën 21% të gjithë shpenzimeve vjetore. Sipas KLSH-së ky devijim i fortë, sipas të dhënave, lidhet me mungesën e planifikimit të saktë, orientimin e shpeshtë të fondeve drejt nevojave të reja pa adresuar detyrimet e mbartura dhe tejkalimin e tavaneve buxhetore.
Fenomeni ka rritur ndjeshëm riskun fiskal të vendit, duke ekspozuar financat publike ndaj pasigurive të krijuara nga menaxhimi jo i kujdesshëm i likuiditeteve, zgjerimi i angazhimeve kontraktuale përtej hapësirës së miratuar dhe zbatimi jo i rregullt i planifikimit afatmesëm buxhetor./ Monitor
-
Buxheti 2026/ Shëndetësia, mbrojtja sociale dhe arsimi “në mëshirë të fatit”
Buxheti 2026/ Shëndetësia, mbrojtja sociale dhe arsimi “në mëshirë të fatit”
Shpërndarja e shpenzimeve buxhetore tregon për një zhvendosje të lehtë drejt forcimit të funksioneve publike dhe të sigurisë, teksa shihet rënie e mbështetjes për politikat sociale dhe arsimin.
Sipas të dhënave të projektbuxhetit 2026, fondi për shërbimet e përgjithshme publike do të jetë 68,5 miliardë lekë dukë zënë 7,7% të shpenzimeve të përgjithshme buxhetore nga 7% që zënë këtë vit. Kjo rritje reflekton shtimin e fondeve për administratën dhe menaxhimin e politikave publike.
Po ashtu, buxheti për mbrojtjen në vitin 2026 arrin në 43 miliardë lekë dhe do të zërë 4.9% të shpenzimeve totale nga 4.5% që zuri këtë vit në përputhje me angazhimet për modernizimin e Forcave të Armatosura dhe detyrimet që rrjedhin nga anëtarësimi në NATO.
Një rritje e ngjashme vërehet edhe te rendi dhe siguria publike, ku fondet për vitin që vjen kapin një shifër prej 55,8 miliardë lekësh dhe zënë 6.3% të totalit të shpenzimeve buxhetore në 2026 nga 6.1% këtë vit.Çështjet ekonomike, që përfshijnë investimet në infrastrukturë dhe mbështetjen për zhvillimin ekonomik, mbeten të qëndrueshme në rreth 9.4% të totalit të buxhetit.
Ndërkohë, fondet për arsimin dhe shëndetësinë pësojnë ndryshime të vogla me tendencë rënie. Arsimi zë 8% të buxhetit në 2026 me financim 70 miliardë lekë, me një rënie të lehtë krahasuar me 8.1% në 2025, ndërsa shëndetësia mbetet në nivelin 9.2%, duke ruajtur peshën e saj në vitin që vjen njësoj si këtë vit.
Mbrojtja sociale, që përfshin pensionet dhe ndihmën ekonomike, mbetet zëri më i madh i buxhetit, me 27.3% të shpenzimeve në 2026, megjithëse ka një ulje të lehtë -0.4 pikë përqindje, krahasuar me një vit më parë edhe pse fondet për këtë zë u rritën.
Shpenzimet e tjera të paklasifikuara ku përfshihen fondet kontigjencë dhe ato për interesat e borxhit etj janë programuar 194 miliardë lekë ose 21.9% të totalit të buxhetit 2026, nga 22.6% që janë këtë vit.
Në strukturën e shpenzimeve të buxhetit 2026, ndarja e fondeve për mbrojtjen e mjedisit dhe për çështjet e kulturës, argëtimit dhe fesë mbetet shumë modeste, duke treguar se këto fusha nuk zënë ende një vend prioritar në politikat publike të vendit.
Sipas të dhënave, mjedisi përfiton vetëm 0.2% të totalit të buxhetit 202, një peshë shumë simbolike dhe shumë më e ulët se mesatarja europiane, ku fondet për mbrojtjen e mjedisit zakonisht variojnë midis 1.5 dhe 2% të buxheteve totale, dhe në disa vende arrijnë deri në 3%.
Gjithashtu fondet për argëtim, kulturë dhe çështje fetare zënë vetëm 0.8% të buxhetit, dhe dukshëm më i ulët krahasuar me BE-në, ku ky zë zakonisht luhatet rreth 2% të totalit të shpenzimeve publike. Kjo tregon se kultura dhe trashëgimia kulturore, megjithëse të rëndësishme për zhvillimin e turizmit, nuk trajtohen ende si një sektor me ndikim të drejtpërdrejtë ekonomik./ Monitor -
Rama rrit fondet për ‘patronazhistët’ e administratës, ua heq shkollave dhe të varfërve
Qeveria Rama ka parashikuar një rritje të ndjeshme të shpenzimeve për administratën publike në projektbuxhetin e vitit 2026, ndërsa fondet për arsimin dhe mbrojtjen sociale pësojnë tkurrje.. Struktura e re e buxhetit tregon një zhvendosje të prioriteteve, ku “patronazhistët” e administratës duket se përfitojnë më shumë se sektori i arsimit apo shtresat në nevojë.
Sipas të dhënave të projektbuxhetit, fondi për shërbimet e përgjithshme publike – që përfshin administratën, menaxhimin e politikave dhe funksionet qendrore të qeverisë – do të arrijë në 68.5 miliardë lekë, duke zënë 7.7% të shpenzimeve totale, nga 7% që ishte një vit më parë. Rritje që reflekton shtimin e pagave dhe shpenzimeve operative në aparatin shtetëror.
Në të kundërt, arsimi dhe mbrojtja sociale – dy sektorë kyç për zhvillimin e qëndrueshëm të vendit – shënojnë ulje. Arsimi do të marrë 70 miliardë lekë ose 8% të buxhetit, nga 8.1% që kishte në vitin 2025, ndërsa mbrojtja sociale, që përfshin pensionet dhe ndihmën ekonomike, zbret në 27.3% të totalit, me një rënie prej 0.4 pikë përqindje.
Ndërkohë, fondet për rendi dhe sigurinë publike dhe mbrojtjen kombëtare shënojnë rritje. Mbrojtja arrin në 43 miliardë lekë, ose 4.9% të shpenzimeve, në përputhje me angazhimet ndaj NATO-s, ndërsa rendi dhe siguria publike do të marrin 55.8 miliardë lekë, duke u rritur në 6.3% të totalit.
Investimet për çështjet ekonomike – kryesisht infrastrukturë dhe zhvillim – mbeten të qëndrueshme në 9.4% të buxhetit, ndërsa shëndetësia ruan peshën prej 9.2%, pa ndryshim nga viti aktual.
Nga ana tjetër, fushat që lidhen me mjedisin, kulturën dhe trashëgiminë mbeten tërësisht jashtë fokusit të qeverisë. Mbrojtja e mjedisit përfiton vetëm 0.2% të buxhetit total, një shumë simbolike krahasuar me mesataren evropiane, ndërsa kultura, argëtimi dhe çështjet fetare zënë vetëm 0.8%, shumë më poshtë standardeve të BE-së.
Në tërësi, projektbuxheti 2026 duket se vazhdon modelin e viteve të fundit – më shumë para për administratën qendrore dhe strukturat politike, më pak për arsimin, kulturën dhe mbrojtjen sociale. Një orientim që e çon edhe më tej “greminës” shtresën e varfër, atë të mesme dhe sistemin arsimor shqiptar. Ky është edhe prioriteti i kësaj qeverie mesa duket, e cila përsërit veten nga viti në vit në shpërndarjen e buxhetit. -
Buxheti 2026 ndryshon balancat/ Më shumë fonde për sigurinë, më pak për arsimin dhe ndihmën sociale
Shpërndarja e shpenzimeve buxhetore tregon për një zhvendosje të lehtë drejt forcimit të funksioneve publike dhe të sigurisë, teksa shihet rënie e mbështetjes për politikat sociale dhe arsimin.
Sipas të dhënave të projektbuxhetit 2026, fondi për shërbimet e përgjithshme publike do të jetë 68,5 miliardë lekë dukë zënë 7,7% të shpenzimeve të përgjithshme buxhetore nga 7% që zënë këtë vit. Kjo rritje reflekton shtimin e fondeve për administratën dhe menaxhimin e politikave publike.
Po ashtu, buxheti për mbrojtjen në vitin 2026 arrin në 43 miliardë lekë dhe do të zërë 4.9% të shpenzimeve totale nga 4.5% që zuri këtë vit në përputhje me angazhimet për modernizimin e Forcave të Armatosura dhe detyrimet që rrjedhin nga anëtarësimi në NATO.
Një rritje e ngjashme vërehet edhe te rendi dhe siguria publike, ku fondet për vitin që vjen kapin një shifër prej 55,8 miliardë lekësh dhe zënë 6.3% të totalit të shpenzimeve buxhetore në 2026 nga 6.1% këtë vit.
Çështjet ekonomike, që përfshijnë investimet në infrastrukturë dhe mbështetjen për zhvillimin ekonomik, mbeten të qëndrueshme në rreth 9.4% të totalit të buxhetit.
Ndërkohë, fondet për arsimin dhe shëndetësinë pësojnë ndryshime të vogla me tendencë rënie. Arsimi zë 8% të buxhetit në 2026 me financim 70 miliardë lekë, me një rënie të lehtë krahasuar me 8.1% në 2025, ndërsa shëndetësia mbetet në nivelin 9.2%, duke ruajtur peshën e saj në vitin që vjen njësoj si këtë vit.
Mbrojtja sociale, që përfshin pensionet dhe ndihmën ekonomike, mbetet zëri më i madh i buxhetit, me 27.3% të shpenzimeve në 2026, megjithëse ka një ulje të lehtë -0.4 pikë përqindje, krahasuar me një vit më parë edhe pse fondet për këtë zë u rritën.
Shpenzimet e tjera të paklasifikuara ku përfshihen fondet kontigjencë dhe ato për interesat e borxhit etj janë programuar 194 miliardë lekë ose 21.9% të totalit të buxhetit 2026, nga 22.6% që janë këtë vit.
Në strukturën e shpenzimeve të buxhetit 2026, ndarja e fondeve për mbrojtjen e mjedisit dhe për çështjet e kulturës, argëtimit dhe fesë mbetet shumë modeste, duke treguar se këto fusha nuk zënë ende një vend prioritar në politikat publike të vendit.
Sipas të dhënave, mjedisi përfiton vetëm 0.2% të totalit të buxhetit 202, një peshë shumë simbolike dhe shumë më e ulët se mesatarja europiane, ku fondet për mbrojtjen e mjedisit zakonisht variojnë midis 1.5 dhe 2% të buxheteve totale, dhe në disa vende arrijnë deri në 3%.
Gjithashtu fondet për argëtim, kulturë dhe çështje fetare zënë vetëm 0.8% të buxhetit, dhe dukshëm më i ulët krahasuar me BE-në, ku ky zë zakonisht luhatet rreth 2% të totalit të shpenzimeve publike. Kjo tregon se kultura dhe trashëgimia kulturore, megjithëse të rëndësishme për zhvillimin e turizmit, nuk trajtohen ende si një sektor me ndikim të drejtpërdrejtë ekonomik./Monitor -
KLSH zbulon skandalin e radhës/ Rama me taksat e qytetarëve pagoi detyrimet e klientëve të preferuar, plot 40.5 miliardë lekë
Raporti i auditimit i Kontrollit të Lartë të Shtetit prezantuar sot nga drejtuesi i këtij institucioni, Arben Shehu në Komisionin e përbashkët për Nismat Qytetare dhe në Komisionin e Ekonomisë zbulon një sërë gjetjesh skandaloze lidhur me menaxhimin e buxhetit të shtetit.
Njëra prej tyre lidhet me garancitë shtetërore. Raporti zbulon se një pjesë e konsiderueshme e subjekteve përfituese, sidomos në sektorin strategjik të energjisë dhe ujësjellësve, nuk po shlyejnë kreditë e garantuara nga shteti.Si pasojë, buxheti i shtetit është detyruar të ndërhyjë duke paguar shuma marramendëse për të mbuluar paaftësinë e tyre paguese duke rritur rrezikun fiskal dhe ekspozimin e buxhetit të shtetit.Vetëm në vitin 2024, janë paguar 40.5 miliardë lekë nga taksat e qytetarëve për të shlyer borxhet e të tjerëve.Kjo situatë ka rritur ndjeshëm ekspozimin fiskal të vendit. Për më tepër, agjencia e posaçme e ngritur për të menaxhuar dhe rikuperuar këto kredi të këqija ka rezultuar plotësisht inefektive, duke dështuar të zbatojë masa ligjore dhe administrative për kthimin e parave në buxhet. Kjo dëshmon për një dështim të plotë të mekanizmave kontrollues, duke e lënë buxhetin të pambrojtur përballë borxheve të këqija.
Fjala e kreut të KLSH Arben Shehu në Komision
Fondi i kontigjencës dhe fondi rezervë nuk janë përdorur plotësisht sipas qëllimeve për të cilat ato krijohen, por për mbulim të shpenzimeve të cilat kanë qenë të parashikueshme.
Në fazën e zbatimit të buxhetit u konstatuan problematika në regjistrimin e shpenzimeve në sistemin e thesarit, jo në përputhje me rregullat e disiplinës fiskale.
Konkretisht, u konstatuan regjistrime të kontratave përtej afatit ligjor pesëditor, vonesa përtej afatit ligjor 30 ditor në dorëzimin e faturave në thesar, kryerja e pagesave pjesore të faturave dhe të tjerë.
Gjithashtu janë konstatuar klasifikime të gabuara ndërmjet zërave të shpenzimeve korrente dhe atyre për investime, si në rastin e projekteve të financuara nga fondi i rindërtimit apo të projekteve me financim të huaj.
Deficiti buxhetor ka qenë i projektuar në një nivel më të lartë dhe është rishikuar në ulje me akte normative për shkak të pritshmërisë në rritjen e të ardhurave dhe pritshmëritë në ulje për dispozim, për disbursimet nga huamarrja e huaj.
Ndërkohë, realizimi i deficitit vetëm në muajin dhjetor është kushtëzuar nga përqëndrimi i shpenzimeve në këtë muaj, ku janë kryer 21% të totalit vjetor.
Gjithashtu, në këtë rezultat kanë ndikuar dhe disa trajtime të paunifikuara kontabël, si të ardhurat e transfertës nga shpronësimet dhe transferimi i rezultatit financiar të ISSh-së.
Gjatë vitit 2024, të nderuar deputetë, në lidhje me nënhuash, garancitë shtetërore dhe kreditë e tjera, auditimi konstatoi se të drejtat e shtetit për t’u arkëtuar ndaj përfituesve, kryesisht në sektorin e energjisë, ujësjellës-kanalizimeve dhe njësive të qeverisjes vendore, vijuan të rriten, pasi një pjesë e konsiderueshme e subjekteve nuk kanë respektuar kushtet kontraktuale të shlyerjes dhe nuk kanë ndërmarrë masa efektive për rikthimin e detyrimeve.
Si pasojë, janë kryer pagesa nga buxheti i shtetit për të mbuluar paaftësinë paguese të përfituesve nëpërmjet garancive buxhetore, duke rritur ekspozimin fiskal.
Pavarësisht krijimit të agjencisë së menaxhimit të garancive dhe kredive të pashlyera, mangësitë në ndjekjen administrative dhe ligjore, mungesa e një metodologjie të unifikuar për monitorimin e marrëveshjeve të nënhuas, vonesat në rakordime, si dhe mungesat e mekanizmave efektivë të sigurimit, kolateralit dhe sanksioneve të zbatueshme në kohë, nuk kanë mundësuar rikuperimin e këtyre detyrimeve.
Kështu përgjatë vitit 2024 janë paguar nga buxheti i shtetit 40.5 miliardë lekë principal dhe interes për llogari të kredisë dhe garancisë shtetërore.
Sa i përket likuiditetit, megjithëse gjendja për vitin 2024 rezultoi brenda kufirit të miratuar, me përfshirjen dhe të llogarive speciale, ky limit tejkalohet me rreth 25.1 miliardë lekë.
Përgjatë vitit u shënuan mbajtje të tepricave të larta të likuiditetit, humbje nga kursi i këmbimit dhe nga investimet në depozitë, kufizime të instrumentave operacionalë të disponueshëm, mungesa e njoftimeve nga njësitë e qeverisjes së përgjithshme.
-
Zgjedhjet e 11 Majit, zbulohet sa kanë kushtuar fushatat e PS dhe PD
Komisioni Qendror i Zgjedhjeve ka publikuar raportin e plotë të Partisë Socialiste dhe Partisë Demokratike, sa i përket shpenzimeve të tyre për zgjedhjet e 11 majit.
Partia Socialiste ka shpenzuar në total 169,574,703 lekë. Sipas raportit zyrtar të bërë publik nga KQZ, totali i shpenzimeve indirekte-dhurimet janë në vlerën e 9,889,608 lekëve.
Ndërkohë Partia Demokratike ka shpenzuar në total 213,060,301 lekë, ndërsa totali i shpenzimeve indirekte/dhurimet kapin shifrën e 270,000 lekëve.Sipas KQZ, për PD totali i shpenzimeve të papaguara/detyrime financiare është në vlerën e 13,819,837 lekëve.
Raporti i plotë për PS:
Të ardhurat
Totali i të ardhurave nga fondet publike: 65,291,390
Totali i të ardhurave nga individë: 10,989,608
Totali i të ardhurave nga persona juridikë: 0
Totali i të ardhurave nga kandidatët e listave: 0
Totali i të ardhurave nga vetë partia: 103,740,313
Totali i të ardhurave jopublike në natyrë : 9,889,608
Totali i të ardhurave: 180,021,311
Huatë dhe Kreditë
Totali i huave dhe kredive: 0
Shpenzimet
Totali i shpenzimeve të bëra nga partia: 169,574,703
Totali i shpenzimeve të bëra nga kandidatët e listave: 0
Totali i shpenzimeve indirekte/dhurimet në natyrë: 9,889,608
Totali i shpenzimeve të papaguara/detyrime financiare: 0
Raporti i plotë për PD:
Të ardhurat
Totali i të ardhurave nga fondet publike: 44,818,545
Totali i të ardhurave nga individë: 9,921,118.755
Totali i të ardhurave nga persona juridikë: 1,400,000
Totali i të ardhurave nga kandidatët e listave: 0
Totali i të ardhurave nga vetë partia: 171,010,474
Totali i të ardhurave jopublike në natyrë : 270,000
Totali i të ardhurave: 227,150,137.755
Huatë dhe Kreditë
Totali i huave dhe kredive: 0
Shpenzimet
Totali i shpenzimeve të bëra nga partia: 213,060,301
Totali i shpenzimeve të bëra nga kandidatët e listave: 0
Totali i shpenzimeve indirekte/dhurimet në natyrë: 270,000
Totali i shpenzimeve të papaguara/detyrime financiare: 13,819,837 -
Shifra marramendëse/ KQZ zbulon sa para hodhën PS dhe PD në fushatën e 11 majit
Komisioni Qendror i Zgjedhjeve, (KQZ) ka publikuar raportin e plotë të Partisë Socialiste dhe Partisë Demokratike për shpenzimet e tyre në zgjedhjet e 11 majit. Sipas raportit të KQZ, PS ka shpenzuar në total 169,574,703 lekë, në zgjedhjet e 11 majit. Mësohet se totali i shpenzimeve indirekte-dhurimet janë në vlerën e 9,889,608 lekëve.
Ndërkohë Partia Demokratike ka shpenzuar në total 213,060,301 lekë. Sakaq, totali i shpenzimeve indirekte/dhurimet kapin shifrën e 270,000 lekëve. Po ashtu totali i shpenzimeve të papaguara/detyrime financiare bëhet me dije se është në vlerën e 13,819,837 lekëve.
Raporti i plotë për Partinë Socialiste:Detaje dhe Përmbledhje
Të ardhurat
Totali i të ardhurave nga fondet publike: 65,291,390
Totali i të ardhurave nga individë: 10,989,608
Totali i të ardhurave nga persona juridikë: 0
Totali i të ardhurave nga kandidatët e listave: 0
Totali i të ardhurave nga vetë partia: 103,740,313
Totali i të ardhurave jopublike në natyrë : 9,889,608
Totali i të ardhurave: 180,021,311
Huatë dhe Kreditë
Totali i huave dhe kredive: 0
Shpenzimet
Totali i shpenzimeve të bëra nga partia: 169,574,703
Totali i shpenzimeve të bëra nga kandidatët e listave: 0
Totali i shpenzimeve indirekte/dhurimet në natyrë: 9,889,608
Totali i shpenzimeve të papaguara/detyrime financiare: 0
Raporti i plotë për Partinë Demokratike:Detaje dhe Përmbledhje
Të ardhurat
Totali i të ardhurave nga fondet publike: 44,818,545
Totali i të ardhurave nga individë: 9,921,118.755
Totali i të ardhurave nga persona juridikë: 1,400,000
Totali i të ardhurave nga kandidatët e listave: 0
Totali i të ardhurave nga vetë partia: 171,010,474
Totali i të ardhurave jopublike në natyrë : 270,000
Totali i të ardhurave: 227,150,137.755
Huatë dhe Kreditë
Totali i huave dhe kredive: 0
Shpenzimet
Totali i shpenzimeve të bëra nga partia: 213,060,301
Totali i shpenzimeve të bëra nga kandidatët e listave: 0
Totali i shpenzimeve indirekte/dhurimet në natyrë: 270,000
Totali i shpenzimeve të papaguara/detyrime financiare: 13,819,837
-
Japonia emëron kryeministren e parë grua, tregjet reagojnë me optimizëm
“Tregtia Takaichi” nxit optimizëm në tregje, me pritshmëri për rritje të shpenzimeve për mbrojtjen, ulje taksash dhe rihapje të centraleve bërthamore.Aksionet japoneze u rritën ndjeshëm pasi Sanae Takaichi u zgjodh nga parlamenti si kryeministrja e parë grua në historinë e vendit, ndërsa tregjet reaguan me optimizëm ndaj politikave të pritshme të qeverisë së saj.Indeksi referues Nikkei 225 u rrit me 1.5% të martën, duke arritur mbi 49,900 pikë, pranë nivelit rekord 50,000. Në total, indeksi është rritur me mbi 26% që prej fillimit të vitit.Takaichi mori 237 vota në Dhomën e Ulët të Parlamentit me 465 vende, pas marrëveshjes së arritur një ditë më parë mes Partisë Liberaldemokrate (LDP) dhe partisë reformiste Japan Innovation Party (JIP). Koalicioni i ri pritet të diskutojë rritjen e shpenzimeve për mbrojtjen, ulje të mundshme taksash dhe riaktivizimin e centraleve bërthamore të ndaluara që prej katastrofës së Fukushimës në vitin 2011.Burime pranë LDP-së thanë se Takaichi, ish-prezantuese televizive dhe përkrahëse e politikave të Margaret Thatcher, pritet të emërojë Satsuki Katayama, ish-ministre e Rilindjes Ekonomike, si Ministren e parë të Financave grua në historinë e Japonisë. Ajo po ashtu planifikon të krijojë një kabinet me numrin më të madh të grave që vendi ka pasur ndonjëherë.Ndërkohë, jeni vazhdoi të dobësohej ndaj dollarit amerikan, duke rënë nën nivelin prej 151, për shkak të pritshmërive se Banka e Japonisë mund të shtyjë rritjen e normave të interesit në mbledhjen e ardhshme të politikës monetare.Euforia në tregun e aksioneve pasoi nënshkrimin e marrëveshjes së re të koalicionit midis LDP-së, që ka qeverisur Japoninë për pjesën më të madhe të 70 viteve të fundit, dhe JIP-it, një parti 15-vjeçare që ka fituar mbështetje të fortë në rajonin e Osakës.Hirofumi Yoshimura, guvernatori i Osakës dhe bashkëkryetar i JIP-it, deklaroi pas votimit se “dëshira e zjarrtë e kryeministres Takaichi për ta përmirësuar realisht Japoninë u ndje qartë.”Formimi i koalicionit LDP–JIP vjen pas shpërbërjes së aleancës 26-vjeçare të LDP-së me partinë Komeito, e cila, ndonëse ndante shumë objektiva të përbashkëta, shpesh pengonte iniciativat më të mëdha politike. JIP-i, sipas drejtuesve të tij, është më afër LDP-së në qëndrimet për rritjen e shpenzimeve ushtarake dhe rihapjen e reaktorëve bërthamorë, shumica e të cilëve qëndrojnë të mbyllur që prej vitit 2011.Neil Newman, strateg në Astris Advisory, tha se për shkak të interesit të lartë të investitorëve të huaj për aksionet japoneze, ai e ka rritur objektivin e tij të fundvitit për Nikkei 225 në 51,500 pikë.Zgjedhja e Sanae Takaichi shënon një moment historik për Japoninë, jo vetëm për faktin që vendi merr për herë të parë një grua në postin më të lartë politik, por edhe për pritshmëritë që kjo lëvizje do të sjellë ndryshime të thella në ekonominë, mbrojtjen dhe energjinë japoneze. / FTKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.