Lajmidites.com

Tag: shpendi

  • Shpendi drejt Serie A, skuadra që luajti në Champions League hedh “sytë” nga shqiptari

    Shpendi drejt Serie A, skuadra që luajti në Champions League hedh “sytë” nga shqiptari

    Kristian Shpendi mund të luajë në Seria dhe në Europa League sezonin e ardhshëm.

    Mediat italiane raportojnë se ylli kuqezi i cili deri më sot është injoruar nga Silvinjo, mund t’i bashkohet Bolonjës sezonin e ardhëm.
    Skuadra do të marrë pjesë në Ligën e Europës dhe mediat italiane raportojnë se po kërkon alternativa cilësorë që të paraqitet denjësisht në të gjitha kompeticonet.

    Ndaj po sheh edhe Shpendin si alternativë për repartin e sulmit, teksa beson se nën drejtimin e Vinçenco Italianos, sulmuesi shqiptar do të arrijë të bëjë një tjetër hap para në rritjen e tij.

  • Cristian Shpendi drejt Serie A, klubet që e kërkojnë

    Cristian Shpendi drejt Serie A, klubet që e kërkojnë

    E ardhmja e Cristian Shpendit mund të jetë në Serinë A. Sipas raportimeve nga Italia, janë tre klube që duan shërbimet e shqiptarit.

    Bëhet fjalë për Bolognan, Torinon dhe Fiorentinën. Këto klube janë në kërkim të një sulmuesi në merkato dhe kanë hedhur sytë nga “bomberi” i Cesenas.
    Skuadra bardhezi dështoi të ngjitet në elitë dhe për këtë arsye shitja e Shpendit duket më e mundshme për të ndodhur.

    22-vjeçari ka kontratë deri në vitin 2028, ndërsa Cesena kërkon 15 milionë Euro për ta lënë të lirë.

  • E pyesin për pikën ku ishte mes Kombëtares së Italisë dhe Shqipërisë, Shpendi: Po jetoja një përrallë… 

    E pyesin për pikën ku ishte mes Kombëtares së Italisë dhe Shqipërisë, Shpendi: Po jetoja një përrallë… 

    Cristian Shpendi ishte emri më i përmendur në mediat shqiptare pak muaj më parë. Sulmuesi shqiptar kishte një formë të jashtëzakonshme edhe në Serinë B me Cesenën duke arritur në kuotën e 11 golave shumë shpejt dhe ishte në luftë për vendin e parë si golashënues në kampionat. 
    Por një dëmtim i vogël me Cosenzën ktheu gjithë historinë. Më pas shqiptari luajti edhe 20 ndeshje të tjera në Serie B, por nuk shënoi dot më shumë se 1 gol. Në kohën e artë të tij te Cesena, mes goalve të shënuara, në mediat italiane po flitej edhe për një kalim të tijin te Kombëtarja e Italisë. 
    Shpendi i la derën hapur këtij kalimi, duke mos mbyllur asgjë. Por tani jemi në pikën kur Shpendi nuk ka arritur dot të shënojë më gola dhe nuk ka siguruar dot as ftesën e Shqipërisë, pa vazhduar me atë të Italisë. 
    I pyetur nga një gazetar italian pikërisht për këtë temë, për kalimin e mundshëm te Italia, te Kombëtarja, kur ishte saktësisht mes dy Kombëtareve, Shpendid tha: “E gjeta veten duke jetuar përrallën. Një përrallë e jetuar me fanellën e Cesenës, e nisa shumë mirë, me këmbën e djathtë, pastaj erdhi ai dëmtimi me Cosenzën”, tha Shpendi. /Sport Ekspres/ 
     

  • Daku, tjetër dygolësh në Rusi, Shpendi gabim fatal nga pika e bardhë e penalltisë në Itali

    Daku, tjetër dygolësh në Rusi, Shpendi gabim fatal nga pika e bardhë e penalltisë në Itali

    Mirlind Daku vazhdon të shënojë rregullisht me fanellën e Rubin Kazan në kampionatin rus. Ndonëse skuadra e tij humbi 3 me 2 në fushën e Khimki në javën e 29-të të Premier League ruse, sulmuesi kuqezi shënoi dy golat e miqve, pa lënë mënjanë një penallti të humbur në minutën e 43 dhe një gol të anuluar për pozicion të parregullt.
    Me këtë dygolësh, sulmuesi nga Gjilani ngjitet në kuotën e 14 realizimeve në këtë sezon të kampionatit rus. Ai është i dyti në listën e golashënuesve, vetëm dy më pak sesa Manfred Ugalde i Spartakut të Moskës me 16 gola. Forma e mirë e Dakut është një ogur i mirë edhe për trajnerin e kombëtares, Silvinjo, në prag të ndeshjes me Serbinë më 7 qershor.
    Ndërkohë në Itali, Kristjan Shpendi ishte i pafat në duelin e play-off që skuadra e tij, Cezena, humbi kundër Katanzaros. Shpendi gaboi nga pika e bardhë e penalltisë në një ndeshje të cilën Cezena duhej ta kishte fituar në mënyrë që të mbante gjallë ëndrrën për t’u ngjitur në Serie A.

    /vizionplus.tv

  • Humbi penalltinë që e afronte me Serinë A, Shpendi shpërthen në lot pas eleminimit

    Humbi penalltinë që e afronte me Serinë A, Shpendi shpërthen në lot pas eleminimit

    Çezena i ka thënë lamtumirë Serisë A. Klubi italian ka humbur mundësinë për t’u ngjitur në elitë. Bardhezinjtë janë mposhtur sot nga Katanxaroja me rezultatin minimal 0-1. Por kjo ndeshje “play off”-i mund të kishte pasur një rrjedhë tjetër.
    Kristjan Shpendi gaboi nga pika e bardhë e 11 metrave në minutën e 49, kur rezultati ishte ende në baraspeshë 0-0. Por gjuajtja e tij u prit nga portieri kundërshtar, duke i mohuar kështu golin sulmuesit shqiptar. Vetëm 5 minuta më vonë Kantanxaroja shënoi golin e fitores, që i afron edhe më shumë me Serinë A. Ndërkohë Shpendi e ka ndjerë së tepërmi peshën e këtij eliminimi, teksa pas përfundimit të ndeshjes ka shpërthyer në lot./Sport Ekspres/

  • Lista ‘Most Wanted’/ Kush është shqiptari në listën e më të kërkuarve në Europë

    Lista ‘Most Wanted’/ Kush është shqiptari në listën e më të kërkuarve në Europë

     Shpendi Malo, 34-vjeç është një ndër shqiptarët më të kërkuar në Europë. Ai është pjesë e listës ‘Europe’s Most Wanted’ pasi besohet se ka vrarë një 27-vjeçar nga Shqipëria. Në mbrëmjen e 11 shtatorit 2019, Shpendi Malo dyshohet se e ka joshur viktimën me anë të celularit në pyllin Dölauer Heide, një pyll urban në Halle (Saale).

    Aty dyshohet se ai e ka therur të riun me thikë dhe 27-vjeçari ka ndruar jetë në vendngjarje. Për të fshehur krimin, trupi u hodh në një kanal dhe u mbulua me gjethe dhe katër ditë më vonë, ai u gjet nga kalimtarët. Ende nuk është e qartë nëse ka pasur një bashkëpunëtor, por sipas policisë, disa prova e sugjerojnë këtë.

    Gjithashtu motivi i saktë i krimit nuk dihet, por mund të bëhet fjalë për mosmarrëveshje në fushën e trafikut të drogës. Personi i kërkuar kishte flokë të errët dhe të drejtë në vitin 2019 dhe ishte i dobët. Detaj i veçantë në fytyrën e tij ka disa nishane, më i madhi ndodhet poshtë syrit të djathtë. Ai cilësohet i rrezikshëm dhe Europoli sugjeron që të mos i afrohen por të lajmërojnë policinë ose autoritetet e tjera të zbatimit të ligjit.

  • Lista e më të kërkuarve, kush është shqiptari që konsiderohet i rrezikshëm për policinë europiane (Emri+Foto)

    Lista e më të kërkuarve, kush është shqiptari që konsiderohet i rrezikshëm për policinë europiane (Emri+Foto)

    Një shqiptar i është shtuar listës së personave më të kërkuar në Europë. Bëhet fjalë për 34-vjeçarin Shpendi Malo.
    Ai është pjesë e listës ‘Europe’s Most Wanted’ pasi besohet se ka vrarë një 27-vjeçar nga Shqipëria.
    Sipas ZDF, krimi ka ndodhur më 11 shtator 2019 në Gjermani.
    Në mbrëmjen e 11 shtatorit 2019, Shpendi Malo dyshohet se e ka joshur viktimën me anë të celularit në pyllin Dölauer Heide, një pyll urban në Halle (Saale).
    Aty dyshohet se ai e ka therur të riun me thikë. Viktima vdiq në vendngjarje. Për të fshehur krimin, trupi u hodh në një kanal dhe u mbulua me gjethe. Katër ditë më vonë, ai u gjet nga kalimtarët.
    Ende nuk është e qartë nëse ka pasur një bashkëpunëtor. Por sipas policisë, disa prova e sugjerojnë këtë. Edhe motivi i saktë i krimit nuk dihet. Mund të bëhet fjalë për mosmarrëveshje në fushën e trafikut të drogës.

    Shpendi Malo është 34 vjeç. Personi i kërkuar kishte flokë të errët dhe të drejtë në vitin 2019 dhe ishte i dobët. Detaj i veçantë: në fytyrën e tij ka disa nishane, më i madhi ndodhet poshtë syrit të djathtë.
    Ai cilësohet i rrezikshëm dhe Europoli sugjeron që të mos i afrohen por të lajmërojnë policinë ose autoritetet e tjera të zbatimit të ligjit.

  • VIDEO/ Shpendi e mbyll kampionatin me një gol spektakolar nga distanca, i tund rrjetën Palermos

    VIDEO/ Shpendi e mbyll kampionatin me një gol spektakolar nga distanca, i tund rrjetën Palermos

    Stiven Shpendi e ka përfunduar kampionatin me gol. Sulmuesi shqiptar ka gjetur rrugën e rrjetës mbrëmjen e sotme përballë Palermos. Lojtari 21-vjeçar zhbllokoi rezultatin që në minutën e 16 të takimit.
    Shpendi shënoi një gol spektakolar nga distanca, teksa e djathta e tij la të papërgatitur portierin e Palermos. Megjithatë goli i tij nuk mundi t’i jepte fitoren Karrarezes, pasi skuadra siçiliane barazoi shifrat në 1-1 në minutën e 86./Sport Ekspres/

  • Kristian Shpendi rigjen golin

    Kristian Shpendi rigjen golin

    Kristian Shpendi është rikthyer te goli ditën e sotme, pasi nuk shënonte prej 12 javësh.
    Sulmuesi shqiptar shënoi golin e vetëm për skusdrën e tij, e cila u mund 1-2 nga Juve Stabia.
    Ftesa nga Silvinjo ka munguar dhe pse Shpendi është një nga golashënuesit më të mirë në Serinë B. Ky ishte goli i 11-të për të gjatë kampionatit, teksa për një periudhë humbi ndeshje për shkak dëmtimi.

     

  • Hubner këshillon Shpendin: Duhet të godasësh portën, mos u trego altruist

    Hubner këshillon Shpendin: Duhet të godasësh portën, mos u trego altruist

    Sulmuesi shqiptar Kristjan Shpendi po vuan prej tre muajsh thatësirën para portës në Serinë B. Shpendi e nisi mirë sezonin, por që nga një dëmtim që pësoi, nuk po gjen më rrjetën, duke u kthyer në një problem për të dhe për ekipin.
    Megjithatë, ish-sulmuesi i njohur i kësaj skuadre, Dario Hubner, i cili u shpall golashënuesi më i mirë i Serisë A në vitin 2002, insiston se Shpendi mund të kthehet përsëri të jetë vdekjeprurës në zonë nëse ndërron pak mënyrën e lojës.
    “Ai punon shumë për skuadrën, shpenzon energji, por shumë jashtë zonës. Duhet shërbyer më shumë, duhet të gjuajë në portë dhe shënojë. Unë kam falënderuar gjithmonë shokët e skuadrës që më lejonin të bëja gola duke më vendosur në kushte më të mira për t’i tentuar. Unë e shoh djaloshin si shumë altruist, luan shumë jashtë zonës, bën sponda, por duhet shërbyer më shumë në 25 metrat e fundit dhe kështu do të kthehet të shënojë, pasi ka gjithçka duhet për të bërë mirë”, tha ish-sulmuesi i njohur italian.