Presidenti ukrainas Volodymyr Zelensky deklaroi se Ukraina dhe vendet evropiane janë gati t’i paraqesin SHBA-së versionin e përditësuar të planit të paqes, duke theksuar se Kievi “është i përkushtuar ndaj një paqeje të vërtetë”. Ai shtoi se gjithçka varet nga gatishmëria e Rusisë për të ndalur luftën.
Sipas Zelensky-t, dokumentet e rishikuara të planit do t’i dërgohen së shpejti Uashingtonit. Ai njoftoi se ka diskutuar me ekipin negociator rezultatet e takimit të një dite më parë në Londër, të zhvilluar në nivel këshilltarësh të sigurisë kombëtare të vendeve partnere evropiane.
“Po punojmë intensivisht për të gjitha elementet e mundshme të hapave drejt përfundimit të luftës. Pikat ukrainase dhe evropiane të planit tani janë më të zhvilluara dhe jemi gati t’i paraqesim partnerëve tanë amerikanë,” shkroi Zelensky.
Ai theksoi se Ukraina dhe SHBA do të punojnë së bashku për të bërë hapat sa më konkretë dhe të zbatueshëm. Zelensky shtoi se palët mbeten në kontakt të vazhdueshëm, ndërsa çdo progres varet nga vendosmëria e Rusisë “për të ndalur gjakderdhjen dhe për të parandaluar një rinisje të konfliktit”.
Dokumentet e përditësuara pritet të dërgohen në SHBA në ditët në vijim.
Tag: shpejti
-
“Plani i paqes përpiluar nga Ukrainë-BE gati!”/ Zelensky: Së shpejti do t’ia paraqesim SHBA-së
-
Lukaku, stërvitje i veçuar dhe mesazh për tifozët: “Shihemi së shpejti”
9 Dhjetor 2025
13:46
Alfred Lleshi
Në prag të sfidës së Champions League në Lisbonë kundër Benfica, erdhi një lajm i rëndësishëm për Napolin dhe Antonio Conten: Romelu Lukaku është gjithnjë e më pranë rikthimit. Sulmuesi belg zhvilloi gjatë ditës një stërvitje të diferencuar në fushë, në vazhdën e ditëve të fundit, duke iu afruar rikthimit në grup, pas dëmtimit muskulor në kofshën e majtë, të pësuar më 14 gusht në miqësoren kundër Olympiacos.
Lukaku ishte ndër të parët që mbërriti në qendrën stërvitore dhe iu tha gazetarëve në “Castelvolturno”: “Shihemi së shpejti”. Objektivi është që të jetë në dispozicion për gjysmëfinalen e Superkupës së Italisë kundër Milanit, e planifikuar më 18 dhjetor.
Kundër grekëve, Lukaku kishte pësuar një dëmtim të gradës së lartë të muskulit “rectus femoris” të kofshës së majtë. Pas kontrolleve në Belgjikë dhe një konsulte të dytë në Itali, u vendos të mos ndërhyhej kirurgjikisht, por të ndiqej një terapi konservative. Para përfundimit të stërvitjes, Lukaku bisedoi vetëm me Conten, i cili e pret prej 4 muajsh. -
Trump: Sulmet ndaj objektivave brenda Venezuelës do të fillojnë së shpejti
Presidenti amerikan, Donald Trump tha të martën gjatë mbledhjes së kabinetit se së shpejti do të fillojë të godasë objektiva brenda Venezuelës, një përshkallëzim i ofensivës së administratës së tij kundër trafikantëve të dyshuar të drogës.
“Do të fillojmë t’i bëjmë këto sulme edhe në tokë. Ne e dimë se ku jetojnë ata. Ne e dimë se ku jetojnë të këqijtë dhe do ta fillojmë këtë shumë shpejt”, tha ai.
Trump ka menduar për shënjestrimin e njerëzve në Venezuelë për javë të tëra, në atë që do të shënonte një përshkallëzim të madh nga një fushatë që është përqendruar vetëm në sulmin ndaj anijeve që zyrtarët pretendojnë se transportojnë drogë në SHBA.
Trump mbrojti sulmet ndaj anijeve të dyshuara me drogë në Karaibe dhe argumentoi se fushata ishte e nevojshme për të mbajtur drogën larg SHBA-së. Ai shtoi se do të jetë shumë më e lehtë të goditen objektiva në tokë.
“Kushdo që e bën këtë dhe e shet në vendin tonë është subjekt i sulmit”, tha Trump.
-
Shpallet fituesi: Së shpejti nisin punimet në rrugën “Butrinti” (Turizëm – Kanali i Çukës)
Shpallet fituesi: Së shpejti nisin punimet në rrugën “Butrinti” (Turizëm – Kanali i Çukës)
Fondi Shqiptar i Zhvillimit ka shpallur fituesin e tenderit për rikualifikimin e rrugës “Butrinti”, një nga akset më të rëndësishme turistike të Sarandës, që lidh qytetin me zonën e Kanalit të Çukës dhe vijën bregdetare shumë të frekuentuar gjatë verës. Fitues është shpallur kompania ALMO KONSTRUKSION, me ofertë prej 192,764,078 lekë pa TVSH.
Projekti është pjesë e programit të transformimit urban për hapësirat publike të Fondit Shqiptar të Zhvillimit dhe synon modernizimin e infrastrukturës në një zonë që vitet e fundit ka patur rritje të madhe të vizitorëve.
Çfarë përfshin projekti?
Punimet do të fokusohen në:
– rikualifikimin e infrastrukturës rrugore,
– trotuare dhe hapësira për këmbësorët,
– sistemimin e ujërave të bardha e të zeza,
– përmirësimin e sinjalistikës dhe elementëve urbanë.
Projekti pritet të sjellë përmirësim të dukshëm të qarkullimit dhe pamjes urbane në hyrje të zonës turistike. Pas përfundimit të procedurave dhe nënshkrimit të kontratës, punimet pritet të nisin së shpejti dhe afati për përfundimin e ytre është 9 muaj.
Jetojmë si qeni – E moshuara dhe djali saj me epilepsi jetojnë në kasolle dhe pa drita – VIDEO
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
-
Rama: Ishallah do të kemi së shpejti fluturimet e Qatar Airways në Tiranë
Kryeministri Edi Rama ndodhet në Doha të Katarit, ku ka zhvilluar një takim me Drejtorin e Përgjithshëm të Qatar Airways, Ing. Badr Mohammed Al-Meer.
“Doha, Katar – Me Drejtorin e Përgjithshëm të Qatar Airways, Ing. Badr Mohammed Al-Meer, folëm për hyrjen e kompanisë prestigjioze në Shqipëri dhe ishallah do të kemi së shpejti fluturimet e Qatar Airways për Tiranën”, shkruan Rama në rrjetet sociale, ku ka ndarë edhe pamjet nga ky takim. -
Vesa Vllasaliu dhe Mirlind Daku së shpejti prindër, zbulohet gjinia e bebit
Vesa Vllasaliu dhe futbollisti Mirlind Daku pritet të bëhen prindër për herë të parë dhe sipas burimeve mediatike, çifti është në pritje të një vajze. Lajmi i ëmbël ka nisur të qarkullojë prej ditësh, edhe pse të dy protagonistët kanë zgjedhur të mos e konfirmojnë publikisht ende.
Muaj më parë, ishte “Prive” në Klan Kosova që zbuloi për herë të parë shtatzëninë e Vesës, duke e vënë çiftin në qendër të interesit të publikut. Tani, sipas IndeksOnline, burime pranë çiftit tregojnë se Vesa dhe Mirlindi po presin një vajzë, duke shtuar edhe një emocion më shumë në këtë periudhë të veçantë të jetës së tyre.
Edhe pse çifti ka qenë i rezervuar në deklarata, Vesa ka ndarë së fundmi disa fotografi në rrjetet sociale ku barku i saj i rrumbullakosur shihej qartë një tjetër detaj që i ka bindur fansat se lajmi është mëse i vërtetë.
Sipas informacioneve data e parashikuar e lindjes është diku në fund të dhjetorit ose në fillim të janarit, duke e bërë këtë fundvit edhe më të veçantë për çiftin.
Për momentin, mbetet të shihet nëse Vesa dhe Mirlindi do të vendosin ta konfirmojnë vetë së shpejti, por një gjë është e sigurt: fansat e tyre janë tashmë duke pritur me padurim ardhjen e vogëlushes. -
Rama: 19 filma ikonë të ish-Kinostudios do të shfaqen së shpejti në 4K
Kryeministri Edi Rama thotë se 19 filma ikonë të ish-Kinostudios “Shqipëria e Re”, me figurë, zë dhe ngjyra janë restauruar në 4K.
Përmes një postimi në Facebooko, Rama shprehet se filmat, së shpejti do të shfaqen ekskluzivisht në ekranin e RTSH.
“Mirëmëngjes dhe me kryeveprat e restauruara të kinemasë shqiptare, 19 filma ikonë të ish-Kinostudios “Shqipëria e Re”, me figurë, zë dhe ngjyra të rikthyera mjeshtërisht në 4K nga Arkivi Qendror Shtetëror i Filmit, që së shpejti do të shfaqen ekskluzivisht në ekranin e RTSH, ju uroj një ditë të mbarë”, shkruan Rama. -
Labubu, së shpejti në kinema. Ja si do të paraqitet
Një nga fenomenet më të mëdha të këtij viti në botën e lodrave mund të kalojë shumë shpejt në ekranin e madh.
The Hollywood Reporter bëri të ditur se kompania Sony Pictures ka nënshkruar një marrëveshje për të realizuar një film të bazuar te kukullat shumë të njohura Labubu, që u bënë një mani globale.
Filmi ndodhet ende në fazat e para të zhvillimit, ndërsa ende nuk është vendosur nëse projekti do të realizohet në formë animacioni.
Në shumë vende, blerësit kanë pritur në radhë me orë të tëra për t’i siguruar këto kukulla, ku modeli i saktë mbetet surprizë derisa të hapet kutia.
Sony Pictures njihet tashmë për produksione të suksesshme si seria “Jumanji” dhe animacioni në Netflix, “KPop Demon Hunters”.
-
“Ndjek Krenarin dhe Endin”/ Luana hedh në gjyq gazetarin, “shpërthen” Tozaj: Së shpejti nxjerr listën e eskortave
Një konflikt i nisur nga deklarata e gazetarit Elton Tozaj ka marrë përmasa të reja dhe mjaft të tensionuara, duke e zhvendosur debatin nga studiot televizive drejt gjykatës. Moderatorja Luana Vjollca ka vendosur ta padisë zyrtarisht gazetarin, pasi akuzat dhe insinuatat e tij janë konsideruar nga pala e saj si të pavërteta, fyese dhe cënim i rëndë i figurës publike.
Gjithçka nisi pas një interviste të Tozajt në emisionin “Zgjohu me MCN”, ku gazetari deklaroi se Luana ishte “fiksuar” pas ish-partnerit Krenar Çoçaj dhe se e ndiqte atë dhe partneren e tij aktuale, Endi Demnerin. Ai përmendi disa raste të pretenduara, si: një fluturim drejt Milanos ku, sipas tij, moderatorja gjendej në të njëjtin avion me çiftin; afërsia e vendndodhjes së saj gjatë pushimeve të verës në Saint-Tropez, në të njëjtin qytet ku gjendej ish-partneri.
Këto deklarata ndezën menjëherë rrjetin, duke hapur diskutime të ashpra rreth qëllimit dhe vërtetësisë së tyre.
Pas emisionit, avokati i saj ka kontaktuar gazetarin për të kërkuar sqarime dhe prova mbi deklaratat e bëra në publik. Tozaj vetë e bëri këtë publik përmes një postimi në “Instagram Story”, duke shkruar:
“Luana më vë avokatin të më marrë në telefon pas intervistës. Këto s’kanë as guxim të telefonojnë, aq të dh*ra janë…”
Ky postim jo vetëm nuk e ul tensionin, por e përshkallëzon akoma më shumë. Pak orë pas deklaratës së parë, Tozaj reagoi sërish këtë herë me një mesazh të drejtpërdrejtë dhe të ashpër, të cilin shumë e interpretuan si kërcënim:
“Së shpejti listën kush del si eskortë nëpër burgje.” -
Einxhel Shkira do rikthehet në ekran?
Ish banorja e ‘Big Brother VIP Albania’, Enixhel Shkira është pyetur nga ndjekësit nëse do të rikthehet së shpejti në ekran. Mesazh i ndjekësit ishte i drejtpërdrejt: “Do të jesh pjesë e ekranit së shpejti? Ti e meriton, njerëz si ty i duhen ekranit.”
Moderatorja u përgjigj me sinqeritet, duke theksuar se për të, qëllimi nuk është të jetë medoemos para kamerave:
“Nuk e di çfarë lloj njerëzish i duhen ekranit… por di që mua s’më duhet ekrani për të qenë pranë jush apo para jush. Ka plot forma për të bërë atë që do dhe për të thënë atë që do.”
Ajo shtoi se aktualisht fokusi i saj është te familja dhe disa aspirata të tjera profesionale, por nuk përjashton surpriza:
“Për momentin kam të tjera aspirata dhe e kam thënë shumë herë se së shpejti do të shihni diçka më shumë. Por jeta familjare ka qenë një prioritet dhe po mundohem të bëj diçka që të ecin të dyja paralel, pa më marrë kohën e çmuar për familjen.”
Me këtë deklaratë, ajo la të hapur mundësinë e një rikthimi në të ardhmen, por duke theksuar se çdo hap i saj do të jetë në harmoni me jetën personale.