Lajmidites.com

Tag: shpallen

  • Shpallen të pavlefshme fletët e votimit të “Mundësisë”/ Përplasje mes vëzhguesve dhe numëruesve, Policia i nxjerr jashtë

    Shpallen të pavlefshme fletët e votimit të “Mundësisë”/ Përplasje mes vëzhguesve dhe numëruesve, Policia i nxjerr jashtë

    Në KZAZ 40, në Shkollën Sami Frashëri, 3 fletë votimi të Partisë Mundësia po tentohen të shpallen të pavlefshme.

    Edhe pse janë me dy vulat e komisionit të votimit, arsyeja është se fletët kanë ngjyrë të zbehtë.
    Mbi këtë rast u lajmërua Ilirjan Celibashi, ndërkohë që Agron Shehaj ndodhet në KZAZ.
    Kjo është kundërshtuar nga vëzhguesit e Partisë Mundësia dhe me kërkesë të KZAZ 40 ka ndërhyrë policia.
    Policia u ka kërkuar vëzhguesve të dalin jashtë, pasi sipas KZAZ po prishin procesin.

    Top Channel

  • Ndryshim i madh në Eurovision, finalistët do të shpallen në një mënyrë tjetër

    Ndryshim i madh në Eurovision, finalistët do të shpallen në një mënyrë tjetër

    Eurovision 2025 prezanton një metodë të re dhe siç pretendojnë ata, më tensionuese për shpalljen e finalistëve.
    Në natën e parë gjysmëfinale, finalistët nuk do të shpallen më thjesht duke lexuar emrat e vendeve, por tre vende do të shfaqen në ekran njëkohësisht, dhe prezantuesit do të shpallin më pas njërin prej tyre që do të kalojë tutje.U bë një përpjekje për ta futur ndryshimin në fuqi në vitin 2023.
    Dy vendet e mbetura nuk do të eliminohen në atë pikë, por statusi i tyre do të zbulohet më vonë.
    Në fund fare, kur të shpallet finalisti i dhjetë i fundit, gjashtë vendet e mbetura do të shfaqen në ekran.

    Një shembull i mënyrës së re të njoftimit: Suedia, Kroacia dhe Portugalia shfaqen në ekran, dhe pas pak çastesh prezantuesit lexojnë se Suedia po kalon në finale.
    Statusi i Kroacisë dhe Portugalisë mbetet i panjohur deri në njoftim të mëtejshëm.
    Në vitet e fundit, organizatorët kanë provuar modele të ndryshme për ta bërë shpalljen më interesante.Si kujtesë, nata e parë gjysmëfinale fillon në orën 21:00. Nga 15 interpretues, 10 do të kalojnë në finale, dhe shikuesit do të kenë gjithashtu mundësinë të shohin performanca nga përfaqësues nga Italia, Zvicra dhe Spanja, të cilët do të kalojnë direkt në finalen e madhe.

  • Incident në Tiranë/ Shpallen të pavlefshme fletët e votimit të “Mundësia”, përplasje me Policinë

    Incident në Tiranë/ Shpallen të pavlefshme fletët e votimit të “Mundësia”, përplasje me Policinë

    Pamje nga përplasja

    TIRANË- Tensione në KZAZ nr. 40, në shkollën “Sami Frashëri”, fletët e votimit janë kërkuar që të shpallen të pavlefshme. Nga ajo që mësohet deri më tani, 6 fletë votimi të Partisë Mundësia po tentohen të shpallen të pavlefshme. Kjo për shkak se edhe pse janë me dy vulat e komisionit të votimit, arsyeja është se fletët kanë ngjyrë të zbehtë.
    Agron Shehaj ka bërë me dije se ka kontaktuar kreun e Komisionit Qendror të Zgjedhjeve, Ilirjan Celibashi po shkon drejt Qendrës së numërimit.
    vijon…
     

  • “Krimi të mos prekë zgjedhjet”, Berisha: Bandat do shpallen organizata terroriste në 12 maj

    “Krimi të mos prekë zgjedhjet”, Berisha: Bandat do shpallen organizata terroriste në 12 maj

    Kryetari i Partisë Demokratike, Sali Berisha, shpjegoi programin e Aleancës për Shqipërinë Madhështore në Librazhd dhe Belsh duke iu bërë apel qytetarëve që me votën e tyre të ndryshojnë qeverisjen në Shqipëri.
    Berisha premtoi se prioriteti i qeverisë pas 11 majit do të jetë lufta kundër varfërisë duke vendosur brenda 3 muajve të parë minimumin jetik prej 200 eurosh.
    “Me programin tonë ne do u kthejmë paratë qytetarëve shqiptarë dhe se çdo pensionist, në këtë rreth, në këtë qark, në Shqipëri, brenda 100 ditëve të para nuk do ketë kurrë një pension nën 200 euro”, tha Berisha.

    Përtej shpjegimit të programit, Berisha në Librazhd akuzoi Suel Çelën, i cili është shpallur në kërkim për vrasje, trafik droge e disa vepra penale, se po mbledh vota për një prej kandidatëve të PS. Sipas Berishës, Suel Çela është përplasur edhe me një prej bashkëpunëtorëve të ministrit Taulant Balla.
    “E morët vesh besoj, para dhjetë ditësh, Sueli ia bëri për spital shoferin. Dhe Tao e qepi gojën si i paqenë, si ushtar i Suelit. Turp të ketë. Tao Burreci e qepi gojën ndaj njeriut që e kishte pasur vite shofer. Ia theu kockat sepse nuk mbështeti Sara Milen”, u shpreh ai.
    Berisha paralajmëroi krimin e organizuar të mos përfshihet në fushatë elektorale.
    “Qytetarë të Librazhdit, jeni njerëz të lirë, duhet të ndëshkoni këtë bandë me votën tuaj. Dhe u garantoj ju se Suelin dhe Suelët si ai, do shpallen terroristë me datën 12 maj”, tha kryedemokrati.
    Një paralajmërim të ashpër për krimin e organizuar artikuloi edhe drejtuesi politik i qarkut të Elbasanit, Tomor Alizoti.
    “Nëse prekni demokratët, nëse vini mina, do ju ndjekim, s’do t’ju ndahemi kudo që të jeni. Do t’ju hamë të gjallë! Ju që doni të shkatërroni Shqipërinë, ju analfabetë, ju maskarenj! Doktor jepi sepse ty të kanë më shumë frikë!”, tha Tomor Alizoti.
    Lideri i opozitës, Berisha, paralajmëroi se për çdo votë që tjetërsohet, përgjegjësit do të dënohen me një vit burg.
    /vizionplus.tv

  • Festivali i Filmit në Kanë, shpallen anëtarët e jurisë, Juliette Binoche do të jetë presidente e edicionit të 78-të

    Festivali i Filmit në Kanë, shpallen anëtarët e jurisë, Juliette Binoche do të jetë presidente e edicionit të 78-të

    Shpallen emrat që do të përbëjnë jurinë e Festivalit të 78-të të Filmit në Kanë. Artistët e përzgjedhur që do të vlerësojnë 21 projekte filmike që konkurrojnë për çmimin e lakmuar Palme d’Or përfaqësojnë një gamë të gjerë profesionistësh, si para ashtu edhe pas kameras.

    Juria do të përfshijë aktoren dhe regjisoren amerikane, fituese e çmimit Oscar, Halle Berry, regjisoren dhe skenaristen indiane Payal Kapadia, aktoren italiane Alba Rohrwacher dhe shkrimtaren me prejardhje franceze dhe marokene, fituese e çmimeve, Leila Slimani.
    Gjithashtu përfshihen regjisori dhe producenti kongolez Diedo Hamadi, regjisori dhe skenaristi i njohur korean Hong Sang-soo, aktori i njohur Jeremy Strong dhe regjisori, skenaristi dhe producenti meksikan Carlos Reygadas. Sipas IndieWire, festivali i filmit do të zhvillohet nga 13 deri më 24 maj. Në krye të jurisë, siç është njoftuar më parë, do të jetë Juliette Binoche.
    Nën kryesimin e saj, komiteti do të jetë përgjegjës për përzgjedhjen e fituesit të Palmës së Artë, si dhe të çmimeve të tjera në seksionin e konkursit. Vlen të përmendet se kompania e prodhimit Neon ka prodhuar gjashtë fituesit e mëparshëm të Palmës së Artë radhazi, ku suksesi më i fundit është filmi i Sean Baker “Anora”, i cili fitoi edhe çmimin Oscar për Filmin më të Mirë.
    Filmi debutues si regjisor i Amelie Bonan, “Leave One Day”, do të hapë festivalin, duke bërë histori si filmi i parë nga një regjisore debutuese që hap Festivalin e Kanës në 78 vitet e institucionit.

    Top Channel

  • Adriana Kalaja shpërndan publikisht para, për ata që do e votojnë: Do jap një mijë, 500 dhe 200 euro

    Adriana Kalaja shpërndan publikisht para, për ata që do e votojnë: Do jap një mijë, 500 dhe 200 euro

    Arjana Kalaja, kandidate e PD-së në listën e hapur për qarkun e Tiranës në zgjedhjet e 11 majit, premton shpërblime financiare për votuesit.
    Ajo ka bërë diçka të pazakontë, duke filluar të shpërndajë publikisht para për ata që e votojnë, nëpërmjet një video-mesazhi që e ka postuar edhe në llogarinë personale në rrjetin social Facebook, ku hedh edhe deklaratat dhe takimet elektorale që zhvillon me PD-në dhe në krah të Sali Berishës.
    Ajo premton 3 çmime për fituesit e këtij ‘konkursi’ për votuesit e saj. Çmimi i parë me 1 mijë euro shpërblim, i dyti më 500 euro dhe i treti me 200 euro.
    Fituesit sipas saj do shpallen 1 ditë para zgjedhjeve, pra më 10 maj, ora 19:00.
    Por dukshëm kjo është një shkelje e ligjit zgjedhor dhe e penalizueshme. Kalaja nuk ka deklaruar burime e fondi dhe sipas procedurës i takon KQZ-së dhe Task-Forcës ta verifikojë nëse kjo është shkelje ligjore apo jo.
    Postimi i Arjana Kalasë në FB:
    “Voto 1. Voto Arjana Kalaja.
    Për të vlerësuar mbështetjen tuaj, 3 ndjekës do të shpërblehen me:
    1000€, 500€ dhe 200€.
    Fituesit do shpallen më 10 maj, ora 19:00, në mënyrë të drejtë dhe transparente.
    Për të marrë pjesë:
    1. Tag 3 miq
    2. Komento: Voto 1, Voto Arjana Kalaja
    3. Ndiq këtë profil
    Fituesit shpallen me transparencë me 10 maj 2025”.

  • Përdhunuan anglezen, dënohen me 18 vite burg dy shqiptarët

    Përdhunuan anglezen, dënohen me 18 vite burg dy shqiptarët

    Dy të rinj shqiptarë janë dënuar me nga nëntë vite burg secili nga një gjykatë në Angli, pasi u shpallën fajtorë për përdhunimin e një gruaje britanike në qytetin Leicester. Ngjarja ndodhi në tetor të vitit 2023, kur vajza raportoi në polici se ishte sulmuar seksualisht.
    Sipas hetimeve, ajo kishte qenë në një klub nate së bashku me miqtë e saj, ku gjatë mbrëmjes kishte takuar një djalë. Më vonë, ajo ishte ndarë nga grupi dhe kishte dalë jashtë me 22-vjeçarin Redjon Cenaj. Aty u bashkua edhe 20-vjeçari Mariglen Ferataj.
    Të tre hipën në një taksi që i çoi në banesën e viktimës, ku ndodhi dhe akti i dhunës seksuale. Vërtetimet mjekësore dhe pamjet e sigurisë qenë kyçe në zbardhjen e rastit dhe vërtetimin e ngjarjes. Pamjet e kamerave treguan qartë që gruaja nuk ishte në gjendje të mirë, dhe të dy të rinjtë shihen duke e mbajtur dhe ndihmuar atë të hipte në taksi. Në një moment, ajo rrëzohet në tokë dhe Ferataj shihet duke e ngritur dhe futur në automjet.
    Shoferi i taksisë dha një dëshmi që konfirmoi se viktima nuk dukej e ndërgjegjshme për situatën në të cilën ndodhej. Një test toksikologjik zbuloi se ajo kishte substanca narkotike në organizëm. Të dy të rinjtë u arrestuan disa ditë më vonë. Gjatë marrjes në pyetje, Ferataj pretendoi se akti ishte me pëlqimin e saj, ndërsa Cenaj mohoi të kishte pasur marrëdhënie seksuale me të.
    Megjithatë, në përfundim të procesit gjyqësor në Gjykatën e Leicester muajin e kaluar, të dy u shpallën fajtorë për veprën penale të përdhunimit dhe u dënuan me nga 9 vite burg secili.

  • Pas sherrit për motive të dobëta i dogjën makinën, shpallen në kërkim 3 autorët

    Pas sherrit për motive të dobëta i dogjën makinën, shpallen në kërkim 3 autorët

    Zbardhet autorësia e djegies së automjetit të një 30-vjeçareje, në orët e para të mëngjesit të djeshëm, në rrugën “Belul Hatibi”. Identifikohen dhe shpallen në kërkim 3 autorët e dyshuar të rastit (shtetas maqedonas dhe kosovarë).
    Si rezultat i hetimeve të kryera nga shërbimet e Komisariatit të Policisë Nr. 4, mbi djegien e automjetit të shtetases P. K., 30 vjeçe, kryer rreth orës 04:00 të datës 16.04.2025, në rrugën “Belul Hatibi”, u zbardh autorësia e këtij krimi.
    Konkretisht, u identifikuan dhe u shpallën në kërkim si autorë të dyshuar, shtetasi maqedonas A. S., 65 vjeç, si dhe shtetasit kosovarë, A. S., 37 vjeç dhe F. B., 40 vjeç, të tre banues në Kosovë. Nga hetimet dyshohet se krimi u krye për motive të dobëta.

  • Rama nga Cërriku: Në 2030 synojmë pensionin minimal 200 euro

    Rama nga Cërriku: Në 2030 synojmë pensionin minimal 200 euro

    Kryeministri Edi Rama ishte ditën e sotme në Cërrik për të zhvilluar një takim me fermerët e zonës.Gjatë fjalës së tij, ai ka folur për pensionet, teksa tha se në 2030, synojnë pensionin minimal 200 euro.
    “Sot ka pensionistë që për të njëjtën vite pune marrin pensione të ndryshme në varësi të reformës. Një nga politikat më kriminale, të kënetës, u bë një mbyllje masive e aseteve të Shqipërisë dhe u nxorën njerëzit në rrugë dhe që 40 vjeç u shpallën pensionistë. U nxor me një vendim që pensioni më i lartë ishte 200 mijë lek. Të tjerat ishin qesharake. Kjo krijoi një masë të madhe njerëzish që u shpallën pensionistë dhe puna e tyre nuk konsiderua dhe niveli i punës në të zezë katastrofik.Kjo situatë u mbajt deri në 2014 kur ne e hoqëm tavanin dhe thamë pensioni është ajo që ke kontribuar në vite. Na ra goja duke thënë, mos e hani karamelen që duket e ëmbël, të marrjes së pagave në dorë. Të duket sikur merr pak më shumë, do i bësh vetes gropën kur të dalësh në pension. Kjo ka sjellë të rritet në mënyrë të ndjeshme kontributi në sigurimet shoqërore. Në 2030, synojmë pensionin minimal 200 euro. Ajo që thatë ju. Ju që jeni këtu dhe ato që janë pranë pensionit, keni një kapacitet financiar, nuk e kanë pensionistët e qytetit. Keni kapacitet ekonomik. I them atyre që thonë po vdesin për bukë. Kush flet kështu nuk njeh fshatin, ata që janë aty punojnë fort. Ju punoni fort. Në të gjitha rastet duam një pension minimal, të jetë garanci”, tha Rama.

  • Berisha: Të gjitha dokumentacionet e legalizimit të cilat u mban peng Edi Rama, do të shpallen dëshmi pronësie

    Berisha: Të gjitha dokumentacionet e legalizimit të cilat u mban peng Edi Rama, do të shpallen dëshmi pronësie

    Lideri i opozitës, Sali Berisha ka akuzuar kryeministrin Edi Rama se po i mban peng shqiptarët me dokumentacionin e legalizimeve.
    ‘Të gjithë dokumentacionet me të cilat u mban peng Edi Rama, do të shpallen dëshmi pronësie’, premtoi Berisha gjatë takimit në Durrës, ku prezantoi ekipinin e Partisë Demokratike.

    Berisha deklaroi: Miqtë e mi, Durrësi ka përjetuar padrejtësi të mëdha shumë gjatë këtyre 12 viteve.
    Durrësi përjetoi një fatkeqësi të madhe me tërmetin.
    Me rindërtimin, Edi Rama dhe Bashkia e Durrësit bëri biznes për veten e vet dhe sot durrsakët janë jashtë.
    I garantoj ju se përparësi absolute e buxhetit të shtetit vitin e parë do të jetë ndarja përfundimtare me pasojat e tërmetit në Durrës, në Krujë, në Kurbin dhe kudo që janë.
    Nuk dua as të ndjell, as të tremb njerëz, por ne kemi një memorie. Ne nuk mund të harrojmë kurrë viktimat e Thumanës, ata burra dhe gra, as të Durrësit të ri, por ata të Thumanës e kishin një specifikë.
    Ata në Thumanë, një tërmet ua kishte bërë me të gjitha dokumentet zyrtare, shtëpitë të pabanueshme.
    Po u lëviz një gozhdë? U desh të vinte tërmeti tjetër dhe ata dhjetëra banorë të mos jetojnë më.
    Kjo është situata se si i lë Edi Rama që vjen dhe flet.
    Po nuk ka përparësi më të madhe se sa ndarja përfundimtare me pasojat e atij tërmeti.
    Miqtë e mi, Durrësi është tërmeti që në vitet e demokracisë u dyfishua. Ka Durrësin e ri, një risi e mrekullueshme. 13 vite, Gjushi dhe Gjushja me pantallona i kanë diskriminuar banorët e Durrësit të ri sikur të mos ishin shqiptarë.
    Fjala ime e nderit është se ata do kenë infrastrukturën më moderne që meritojnë.
    Ka një moral në çdo gjë, ju o njerëz të mirë i ndërtuat vetë shtëpitë, por shteti e ka borxhin të pafundëm që t’i bëjë lagje siç e meriton qyteti, dhe do bëhen.
    Legalizimet. Të gjithë dokumentacionet e mbushura, me të cilat Edi Rama u mban peng, do të shpallen dëshmi pronësie dhe legalizime.
    Pronarëve u jap fjalën e nderit se brenda 4 viteve, dosjet e tyre, detyrimet ndaj tyre dhe të përndjekurve politikë, do marrin zgjidhje përfundimtare.