Trafiku ajror në Aeroportin e Shkupit u ndërpre dje për shkak të erërave të ndryshueshme që kërcënojnë sigurinë e uljes, transmeton Portalb.mk.
Disa aeroplanë u devijuan në vendet fqinje.
Për shkak të kushteve të përkeqësuar të motit disa aeroplanë nuk arritën t’i afroheshin në mënyrë të sigurt pistës së Shkupit dhe u devijuan në Prishtinë.
Avioni Airbus A321neo ka provuar për rreth dy orë të ulet në aeroportin e Shkupit, por nuk ia ka dalë. Pas 17 rrotullimeve mbi aeroport, avioni ka shkuar drejt Prishtinës në Kosovë, ku ka zbritur pa probleme.
Nuk dihet ende pse avioni nuk mundi të ulej në Shkup. Ai ka fluturuar disa herë shumë afër tokës mbi aeroport, që mund të tregojë se piloti kishte nevojë të shikonte nga afër, ndoshta për ndonjë problem me rrotat e uljes, raporton Corriere Della Sera.
Avioni u nis nga Venezia në orën 14:33 dhe mbërriti pranë Shkupit në 15:41, por nuk mundi të ulej. Në 17:33 u drejtua drejt Prishtinës, ku zbriti në orën 17:55, më shumë se tre orë pas nisjes.
Wizz Air nuk ka dhënë ende shpjegime për këtë incident. Avioni i përdorur në këtë rast, i përket flotës së kompanisë në Abu Dhabi.
Sot në Maqedoninë e Veriut mbahet raundi i dytë i zgjedhjeve lokale. Kryetarët e komunave do të zgjidhen në 32 komuna dhe në Qytetin e Shkupit. Në raundin e dytë të zgjedhjeve për kryetar komune do të votohet në kryeqendër (Shkup) dhe në Aerodrom, Bogovinë, Bërvenicë, Valandovë, Vinicë, Dibër, Debarcë, Demir Kapi, Karposh, Kërçovë, Konçe, Koçan, Krushevë, Kumanovë, Lozovo, Makedonska Kamenicë, Makedonski Brod, Rosoman, Strugë, Studeniçan, Tetovë, Qendër, Çeshinovë Obleshevë, Çucer Sandevë, Shuto Orizari, Dollneni, Dojran dhe Zërnovci.
Në raundin e dytë të zgjedhjeve kanë të drejtë të votojnë 1.013.375 votues. Prej tyre, në qytetin e Shkupit të drejtë vote kanë 474.304 votues.
Në kryeqytet, në komunat Qendër, Aerodrom, Karposh, do të ketë dy fletëvotime për votim sepse po zgjidhen kryetari i Qytetit të Shkupit dhe vetëqeverisja lokale, ndërsa në Shuto Orizari do të përdoren tre vendvotime për kryetarë bashkie dhe do të ketë rizgjedhje për këshilltarë. Në komunat e mbetura, do të votohet vetëm për kryetarin e komunave.
Votimi ka nisur që prej orës 7:00 dhe përfundon në orën 19:00. Mund të zgjatet nëse ka votues që kanë mbetur në qendrën e votimit në orën 19:00, ose nëse votimi ndërpritet gjatë periudhës së votimit me vendim të KKZ-së ose KSHZ-së. Nëse votimi ndërpritet për më shumë se një orë, ai do të vazhdojë për të njëjtën periudhë si ndërprerja, por jo më shumë se tre orë.
Këto janë Zgjedhjet e teta Lokale në vend dhe të katërtat në të cilat zgjidhen kryetarë bashkish dhe lista këshilltarësh në 80 komuna dhe Qytetin e Shkupit.
Sot mbahet raundi i dytë i Zgjedhjeve Lokale të vitit 2025 në Maqedoninë e Veriut.
Kryetarët e komunave do të zgjidhen në 32 komuna dhe në Qytetin e Shkupit, dhe do të ketë rizgjedhje për këshilltarë në tre qendra votimi në Shuto Orizare. Nuk do të ketë zgjedhje për kryetar komune në Gostivar, Vrapçisht, Qendër Zhupë dhe Mavrovë, dhe procedura do të përsëritet atje brenda 60 ditëve pas përfundimit të Zgjedhjeve Lokale.
Në raundin e dytë të zgjedhjeve për kryetar komune do të votohet në kryeqendër (Shkup) dhe në Aerodrom, Bogovinë, Bërvenicë, Valandovë, Vinicë, Dibër, Debarcë, Demir Kapi, Karposh, Kërçovë, Konçe, Koçan, Krushevë, Kumanovë, Lozovo, Makedonska Kamenicë, Makedonski Brod, Rosoman, Strugë, Studeniçan, Tetovë, Qendër, Çeshinovë Obleshevë, Çucer Sandevë, Shuto Orizari, Dollneni, Dojran dhe Zërnovci.
Në raundin e dytë të zgjedhjeve kanë të drejtë të votojnë 1.013.375 votues. Prej tyre, në qytetin e Shkupit të drejtë vote kanë 474.304 votues.
Në kryeqytet, në komunat Qendër, Aerodrom, Karposh, do të ketë dy fletëvotime për votim sepse po zgjidhen kryetari i Qytetit të Shkupit dhe vetëqeverisja lokale, ndërsa në Shuto Orizari do të përdoren tre vendvotime për kryetarë bashkie dhe do të ketë rizgjedhje për këshilltarë. Në komunat e mbetura, do të votohet vetëm për kryetarin e komunave.
Votuesit do të mund të shkojnë në vendvotim vetëm një herë. Votimi është i fshehtë dhe në këto zgjedhje, si në të kaluarën, përveç kartës së identitetit ose pasaportës, votuesit do të identifikohen edhe me të ashtuquajturat pajisje për gjurmë gishtash.
Votimi fillon në orën 7:00 të mëngjesit dhe përfundon në orën 19:00. Mund të zgjatet nëse ka votues që kanë mbetur në qendrën e votimit në orën 19:00, ose nëse votimi ndërpritet gjatë periudhës së votimit me vendim të KKZ-së ose KSHZ-së. Nëse votimi ndërpritet për më shumë se një orë, ai do të vazhdojë për të njëjtën periudhë si ndërprerja, por jo më shumë se tre orë.
Në orën 19:00, qendrat e votimit mbyllen. Votuesve të pranishëm në qendrën e votimit u lejohet të votojnë. Një qendër votimi në të cilën kanë votuar të gjithë qytetarët e regjistruar në Listën e Votuesve mund të mbyllet para orës 19:00, me pëlqimin paraprak të KKZ-së kompetente, por numërimi i votave nuk duhet të fillojë para orës 19:00.
Këto janë Zgjedhjet e teta Lokale në vend dhe të katërtat në të cilat zgjidhen kryetarë bashkish dhe lista këshilltarësh në 80 komuna dhe Qytetin e Shkupit.
Në Maqedoninë e Veriut, në 31 komuna, përfshirë edhe Shkupin, kryetarët e komunave do të zgjidhen në raundin e dytë të zgjedhjeve lokale.
Sipas rezultateve paraprake të Komisionit Shtetëror Zgjedhor (KSHZ), në zgjedhjet lokale të mbajtura dje, 19 tetor, janë zgjedhur kryetarë në 44 komuna, ndërsa në tre komuna procesi do të përsëritet për shkak të pjesëmarrjes së pamjaftueshme të votuesve.
Siç raporton Alsat, situata mbetet e paqartë në Komunën e Gostivarit, ndërsa në Staro Nagoriçan, kandidati i VMRO-DPMNE-së ndodhet në avantazh me 50% të votave, teksa i mungon vetëm një votë për ta konfirmuar fitoren që në raund të parë.
Sipas të dhënave të KSHZ-së, kryetarë komunash janë zgjedhur që në raundin e parë në: Berovë, Manastir, Bosilovë, Butel, Vasilevë, Vevçan, Veles, Gazi Babë, Gjevgjeli, Gjorçe Petrov, Gradsko, Dellçevë, Demir Hisar, Zelenikovë, Ilinden, Jegunovcë, Kavadar, Karbincë, Kisella Vodë, Kratovë, Novac, Novosellë, Ohër, Petrovec, Pehçevë, Prilep, Radovish, Resnjë, Sveti Nikollë, Sopishtë, Strumicë, Shtip, Haraçinë, Zhelino, Saraj, Tearcë, Çair, Bogdanci, Kriva Pallankë, Krivogashtan, Gostivar, Likovë, Çashkë dhe Plasnicë.
Ndërkaq, raundi i dytë i votimit do të zhvillohet në komunat:
Aerodrom, Bërvenicë, Vallandovë, Vinicë, Debarcë, Demir Kapi, Dojran, Zërnovc, Karposh, Kërçovë, Konçe, Koçan, Makedonska Kamenicë, Makedonski Brod, Mogila, Negotin, Probishtip, Rankovcë, Çeshinovë-Oblishevë, Bogovinë, Dibër, Dollnen, Tetovë, Krushevë, Llozovë, Rosoman, Qendër, Çuçer Sandevë, Strugë, Shuto Orizar, Kumanovë dhe Studeniçan.
Balotazhi në Shkup
Në Shkup, zgjedhjet lokale do të vazhdojnë me raundin e dytë, ku do të përballen Orce Gjorgjievski nga VMRO-DPMNE dhe Amar Mecinoviç nga E Majta.
Në raundin e parë Gjorgjievski mori mbi 91 600 vota, por nuk arriti të kalojë pragun prej 50% të votave të vlefshme për ta siguruar fitoren që në raundin e parë.
“Rezultati është i qartë dhe i padiskutueshëm. Shkupi votoi për punë, për vizion dhe për projekte konkrete. Kjo fitore dhe avantazh në raundin e parë nuk është fitore personale, por fitore për të ardhmen e Shkupit”, deklaroi Gjorgjievski, kandidati i VMRO-DPMNE-së.
Ndërkaq, kandidati i së majtës, Amar Mecinoviç, doli i dyti me mbi 30 660 vota ose 13,2%, duke lënë pas kandidaten e LSDM-së, Kaja Shukova.
“Sot qytetarët e Shkupit treguan guxim dhe vendosmëri për të zgjedhur diçka ndryshe. E Majta shkroi histori, sepse për herë të parë në historinë e Maqedonisë së Veriut në kryeqytet kemi një kandidat që nuk mbështetet as nga VMRO-DPMNE dhe as nga LSDM”, u shpreh Mecinoviç.
Në vendin e tretë u rendit Bashkim Bakiu nga koalicioni VLEN, me mbi 27 870 vota ose 12%, ndërsa Kaja Shukova nga LSDM u pozicionua e katërta me mbi 26.720 vota (11,5%). Ajo falënderoi mbështetësit përmes një postimi në Facebook, duke theksuar se është “krenare për fushatën e ndershme dhe transparente”.
Në vendin e pestë doli Skënder Rexhepi nga AKI, me mbi 26.070 vota (11,22%). Në total, për kryetar të Shkupit garuan 16 kandidatë.
Rezultatet për Këshillin e Qytetit të Shkupit ndjekin një tendencë të ngjashme: shumicën do ta përbëjnë VMRO-DPMNE dhe VLEN. Nga gjithsej 45 këshilltarë, VMRO-DPMNE do të ketë 18, ndërsa VLEN 6. Po aq, nga 6 këshilltarë, kanë edhe AKI-ja dhe E Majta, ndërsa LSDM mbeti me 5. Nga një këshilltar kanë Lëvizja Znam dhe Koalicioni për Sukses i Risto Penovit, ndërsa do të ketë edhe dy këshilltarë të pavarur: Marjan Kaleski dhe Jana Bellçeva Andreevska. Vlen të përmendet se janë regjistruar mbi 12 270 fletë votimi të pavlefshme në kryeqytet.
Raundi i dytë i zgjedhjeve lokale në Maqedoninë e Veriut do të mbahet më 2 nëntor.
Maqedonia e Veriut mban nesër, më 19 tetor 2025, zgjedhjet e teta lokale që nga pavarësia. Qytetarët do të votojnë në të 80 komunat e vendit dhe në Qytetin e Shkupit për të zgjedhur kryetarët e rinj dhe anëtarët e këshillave komunalë.
Të drejtë vote kanë gjithsej 1.832.415 qytetarë, prej të cilëve 1.717.803 votues ndodhen në vend. Procesi i votimit do të zhvillohet në 3.474 qendra aktive votimi.
Garë e paqartë në komunat shqiptare
Sipas analizave dhe sondazheve, ndërsa rezultati në shumicën e komunave me popullatë shumicë maqedonase konsiderohet kryesisht i parashikueshëm, beteja zgjedhore mbetet e hapur dhe rezultati i paqartë në disa prej komunave ku votuesit shqiptarë përbëjnë shumicën.
Në këto zgjedhje, garojnë gjithsej 309 kandidatë për kryetarë komunash dhe 576 lista këshilltarësh, me rreth 10.490 kandidatë në total. Në garë marrin pjesë 22 parti politike, 19 koalicione dhe 119 iniciativa qytetare ose kandidatë të pavarur.
Qyteti i Shkupit mban rekordin e numrit më të madh të kandidatëve për kryetar, me 16 emra.
Shifrat kryesore të votimit
Qyteti i Shkupit ka numrin më të madh të votuesve të regjistruar, me 474.304 qytetarë me të drejtë vote. Komunat e tjera me numër të lartë votuesish përfshijnë Kumanovën (94.041), Tetovën (87.878), Gostivarin (82.893) dhe Manastirin (77.253).
Në anën tjetër, komunat me më pak votues janë: Lozova (1.905), Vevçani (2.092) dhe Novaci (2.429).
Nga të dhënat e Komisionit Shtetëror Zgjedhor (KSHZ), Qendra më e madhe votimi ndodhet në lagjen Butel të Shkupit, me gjithsej 1.432 votues.
Vlen të theksohet se, përveç votuesve në listën e rregullt, të drejtën e votës do ta ushtrojnë edhe 2.162 persona të burgosur ose në paraburgim, si dhe 450 votues nga shtëpitë e të moshuarve. Në diasporë nuk do të ketë votim të organizuar, por qytetarët jashtë vendit mund të votojnë nëse kthehen në Maqedoni gjatë ditës së zgjedhjeve.
Zgjedhjet lokale të vitit 2025 janë të katërtat në të cilat zgjidhen njëkohësisht kryetarë komunash dhe këshilla komunalë në të gjitha njësitë administrative. Votimi do të fillojë nesër në mëngjes.
Në zgjedhjet lokale në Maqedoninë e Veriut, që do të mbahen më 19 tetor, do të garojnë gjithsej 309 kandidatë për 81 poste kryetarësh – 80 komuna dhe qyteti i Shkupit.
Sipas të dhënave nga Komisioni Shtetëror i Zgjedhjeve (KSHZ), kandidatët janë kryesisht burra: 277 (89.6%), ndërsa gra janë vetëm 32 (10.4%).
Në krahasim me zgjedhjet lokale të katër vjetëve më parë, ka një rritje të lehtë të përfaqësimit të grave, pasi nga 299 kandidatët në atë kohë, vetëm 25 ishin gra, ose rreth 8.4%.
Tridhjetë e dy kandidatet gra në këto zgjedhje vijnë nga 24 komuna, që do të thotë se në dy të tretat e komunave nuk do të ketë gra në fletët e votimit.
Numri më i madh i kandidateve është në Prilep: 3, ndërsa në Manastir, Veles, Negotinë, Qendër, Karposh dhe Kisella Vodë janë nga 2, informon Radio Evropa e Lirë.
Marija Majkiç, nga partia pro-ruse Maqedonia e Bashkuar, është kandidatja më e moshuar. Ajo garon në komunën Gazi Babë.
Kandidati më i ri që synon të bëhet kryetar komune, është Andrej Dimitrijevski nga Levica, në Nagoriçan i Vjetër. Pesëdhjetë e shtatë kryetarë nuk duan të heqin dorë
Në shumicën e komunave në Maqedoni të Veriut, qytetarët do të vendosin nëse pushtetin lokal do ta vazhdojë i njëjti ekip apo një i ri. Analiza e emrave tregon se në 57 komuna, kryetarët aktualë do të garojnë për një mandat të ri katërvjeçar.
Janë edhe disa komuna, ku ish-kryetarët do të përpiqen të rikthehen, si Ilinden apo Jegunoc.
Për kryetar të Shkupit do të kandidojë Orce Gjorgjevski nga VMRO-DPMNE-ja, i cili aktualisht është kryetar i komunës Kisella Vodë.
Ministra dhe deputetë në garë për qeverisjen lokale
Një nga kundërshtarët e Gjorgjevskit do të jetë Kaja Shukova nga Lidhja Socialdemokrate e Maqedonisë (LSDM), e cila ka qenë ministre e Mjedisit gjatë viteve 2023–2024.
Pasardhësi i saj në atë pozitë, Izet Mexhiti, i cili gjithashtu është ministër dhe zëvendëskryeministër në Qeverinë aktuale, është kandidat i koalicionit VLEN në komunën e Çairit.
Atje do të përballet me ish-ministrin e Punëve të Jashtme, Bujar Osmani, nga Bashkimi Demokratik për Integrim.
Nga zyrtarët aktualë, kandidatë për kryetar bashkie janë ministri i Politikës Sociale, Demografisë dhe Rinisë nga VLEN-i, Fatmir Limani, në Kërçovë, si dhe ministri pa portofol nga Forcat Demokratike të Romëve, Shaban Saliu, në komunën Shuto Orizarë të Shkupit.
Edhe zëvendësministri i Energjisë nga ZNAM-i, Mirosllav Llabudoviç, është kandidat në komunën Qendër të Shkupit.
Në fletëvotime do të jenë edhe emrat e disa deputetëve aktualë: Beti Stamenkovska nga VMRO-DPMNE-ja si kandidate në Kisella Vodë, Skender Rexhepi nga Fronti Evropian për qytetin e Shkupit, si dhe deputetët e së Majtës – Amar Meçinoviq dhe Jovana Mojsoska për qytetin e Shkupit dhe atë të Strugës.
Shkupi me fletëvotimin më të gjatë
Pa konkurrencë, fletëvotimin më të gjatë për kryetar komune do ta kenë banorët e Shkupit. Sipas listës së publikuar të KSHZ-së, për qytetin e Shkupit janë konfirmuar 16 kandidatë.
Tre prej tyre janë të pavarur, ndërsa të tjerët janë nga parti dhe koalicione.
Në Prilep dhe Strugë janë nga nëntë kandidatë të konfirmuar. Banorët e Prilepit do të zgjedhin midis katër kandidatëve të pavarur dhe pesë kandidatëve të partive, ngjashëm sikurse banorët e Strugës.
Manastiri ka tetë kandidatë – tre të pavarur dhe pesë partiakë.
Nga shtatë kandidatë do të jenë në Kumanovë, Kisella Vodë dhe Gazi Babë dhe nga gjashtë në Koçan, Tetovë dhe Shuto Orizarë.
Kandidatët për kryetarë dhe këshilltarë komunash do ta nisin zyrtarisht fushatën të hënën, më 29 shtator. Ata i kanë marrë numrat rendorë në fletët e votimit me short në KSHZ.
Rundi i parë i votimeve do të zhvillohet më 19 tetor, ndërsa i dyti do të mbahet dy javë më vonë, më 2 nëntor.
Në rundin e parë pritet të zgjidhen përbërjet e reja të këshillave komunalë, ndërsa kryetari i komunës do të konsiderohet i zgjedhur nëse fiton 50% plus një votë dhe nëse së paku një e treta e zgjedhësve të regjistruar në komunë votojnë.
Nëse asnjëri nga kandidatët nuk e arrin këtë shumicë, atëherë mbahet rundi i dytë, ku qytetarët zgjedhin midis dy kandidatëve me më shumë vota.
Këto do të jenë zgjedhjet e teta lokale që nga pavarësia e Maqedonisë së Veriut më 1991.
Një avion në Maqedoninë e Veriut është përballur me probleme gjatë fluturimit. Ai ishte nisur nga Aeroporti Ndërkombëtar i Shkupit drejt Bazelit dhe u detyrua të kthehet menjëherë pas ngritjes, pas përplasjejes me një tufë zogjsh.
Sipas informacioneve nga mediat vendase, përplasja ka shkaktuar dëmtim në njërin prej motorëve të avionit, çka ka detyruar pilotët të marrin vendimin për t’u kthyer.
Pas një kohe të shkurtër në ajër, avioni u rikthye në aeroportin e Shkupit, pa pasoja për pasagjerët dhe ekuipazhin.
Drejtori i M-NAV, Vladimir Risteski, deklaroi se situata të tilla ndodhin herë pas here, por për rastin konkret nuk preferoi të jepte më tepë detaje. Autoritetet kanë nisur tashmë një hetim për ngjarjen.
Një avion i kompanisë ajrore me kosto të ulët “Wizz Air”, i cili ishte nisur dje nga Aeroporti Ndërkombëtar i Shkupit drejt Bazelit, është detyruar të kthehet menjëherë pas ngritjes, për shkak të një përplasjeje me një tufë zogjsh.
Sipas informacioneve nga mediat në Shkup, përplasja ka shkaktuar dëmtim në njërin prej motorëve të avionit. Bëhet fjalë për fluturimin me numër WZZ1KX në linjën Shkup–Bazel, i cili, pas një kohe të shkurtër në ajër, është kthyer në aeroportin e Shkupit dhe ka realizuar një ulje të sigurt, pa pasoja për pasagjerët dhe ekuipazhin.
Drejtori i M-NAV, Vladimir Risteski, në një prononcim për mediat, ka deklaruar se situata të tilla ndodhin herë pas here dhe, ndonëse për rastin konkret nuk ka dhënë më shumë detaje, ka bërë të ditur se do të ndërmerret një hetim për të përcaktuar shkakun dhe përmasat e dëmeve të shkaktuara.
Mehmedi, djali i Hasanit nga Përshefca e kadillëkut të Kalkandeles (Tetovës), në vitin 1585 ishte evidentues kalhani* për të hyrat nga miniera e Trepçës dhe paguhej me mëditje prej 10 akçesh.Kështu thuhet në dokumentin e administratorit të nezaretit të Shkupit, dërguar Portës së Lartë.Në dokumentin që flet për mbledhjen gjashtëvjeçare të tatimeve nga minierat e Trepçës, jepen të dhëna për procedurën e mbledhjes së tatimeve, për kompetencat e kadive lokalë dhe të administratorëve të nezaretit të Shkupit.Në shekullin XVI gjejmë pak të dhëna për shfrytëzimin e minierave të Trepçës nga Perandoria Osmane.E dhëna e vitit 1585 është botuar në një punim të R. Murphyt, i cili flet për prodhimin e argjendit në Rumeli, rreth vitit 1600 (Shih: R. Murphy, “Silver Production in Rumelia According to an official Ottoman Report Circa 1600”, Südost – Forschungen, XXXIX, 1980).Dokumenti konsiderohet i rëndësishëm, sepse rrëzon stereotipat për rënien e xehetarisë në periudhën e Perandorisë Osmane (Shih: Srxhan Katiq, “Закуп рудника и хасова Трепче”, 1585, Miscellanea, XXXI, Beograd, 2010, f. 110).Në shekullin XVI në Trepçë si tatime mblidheshin 6144 kg argjend të pastër.Trepça (Tirebçe, Tirepça) është ndër minierat e para që ra në duart e Perandorisë Osmane dhe vlerësohej si ndër më të rëndësishmet.Trepça shënohej si emanet dhe mukat, kurse në vitin 1585 administrohej nga Kara Abdulhalimi. (Shih: Nenad Filipoviq, “Rudnici i kovnice novca krajem XIV i u prvoj polovini XVII veka”, Balcanica, XX, 1989, f.251-252)Shënime:*Kalhana (turq: kal, pers: hâne) – vend i pastrimi ku fitohej argjendi i pastër.**Nezareti i Shkupit gjatë kohë ishte institucioni me të hyrat më të mëdha shtetërore në Perandorinë Osmane. Ka pak të dhëna për strukturën organizative dhe kompetencat që kishte.cMehmedi nga Përshevca në një dokument të vitit 1585.Arkivi-Historia