Përballja me Serbinë ishte shumë e rëndësishme dhe futbollistët e dinin shumë mirë se kjo sfidë do të thoshte shumë mbi Kombëtaren tonë dhe vetë ata. Andaj në atë sfidë do të luhej gjithçka për gjithçka dhe të gjithë duhet të jepnin zemrën në fushë për të bërë krenar një komb të tërë.
E kur përballë ke një rival si Serbia, motivimi te lojtarët është në maksimum. Të “karikuar” si rrallë herë, “djemtë” kuqezi treguan se “shqiponjën” s’e ndalon dot askush që të fluturojë. Një prej “shqiponjave” kuqezi në Leskovac ishte Myrto Uzuni.
Loja, cilësitë dhe shpirti i tij bënë që të ishte një nga më të mirët ndaj serbëve. Paraqitje kjo që mori duartrokitjet e tifozëve. Pavarësisht se kanë kaluar disa ditë nga ajo përballje, ende emocionohemi njëlloj.
Sulmuesi ka bërë një postim në rrjetet sociale, ku shkruan se në Leskovac nuk shkuan për të luajtur futboll, por për të bërë historinë dhe ndihet shumë krenar për mënyrën se si ekipi mbrojti flamurin në çdo top. Gjithashtu kjo fitore ishte për të gjithë shqiptarët anembanë botës.
“Në Leskovac nuk shkuam për të luajtur! Shkuam për të bërë histori. zemër, pasion dhe karakter kuqezi. Krenar për ekipin dhe për mënyrën si e mbrojtëm flamurin në çdo top! M.u 10. Kjo fitore për të gjithë shqiptaret kudo qe ndodhen nëpër Botë dhe Shqipëri!”, ka shkruar Uzuni.
Tag: shkuam
-
“Në Serbi nuk shkuam për të luajtur, por për të shkruar historinë”/ Ndeshja fenomenale, reagon Uzuni: Krenar si…
-
Nga nata e frikës së Beogradit, tek agimi i krenarisë së Leskovcit
Kjo nuk ishte thjesht një ndeshje futbolli. Ishte një udhëtim mbrapa në kohë, në plagën që na la 14 tetori 2014, dhe një kthim madhështor në të tashmen, ku historia u shkrua ndryshe, më e pastër, më e fortë, më shqiptare se kurrë.
Shkuam në Serbi me hijen e asaj nate famëkeqe mbi supe. Atëherë flamuri jonë u rrëmbye, lojtarët u sulmuan, britmat “vritini shqiptarët” kumbuan në stadium si një jehonë urrejtjeje e trashëguar. E gjithë ajo egërsi vetëm pse guxuam të ishim vetvetja. Ajo plagë nuk u harrua kurrë, ajo na futi mllefin në palcë dhe mosbesimin në gjak. E kishim në memorje, dhe kujtesa nuk fal.
Këtë herë, për ndeshjen e 11 tetorit 2025, ata u fshehën pas termit “organizim normal”, por frika e tyre foli më shumë se çdo konferencë shtypi. Nuk guxuan ta mbajnë në Beograd, e larguan në Leskovc, sikur donin të ndryshonin hartën e dhimbjes. Flamurin kuqezi s’patën kurajo ta vendosnin as në stadium deri një ditë para ndeshjes, nga frika se do të shpërthenin ata, të vetët. Ky nuk është normalitet, kjo është dorëzim i heshtur.
Stadiumi dukej i rregullt, tribuna e kontrolluar, por helmi i vjetër ishte ende aty, i futur mes dhëmbësh. Dëgjoheshin thirrje të fikura “Kosova është Serbi”, shfaqej një hartë e fshehur e Kosovës me flamur të tyre, zëra që murmuritnin vrer, fjalë të dala nga errësira e mbi 90 viteve konflikt. Ëndrra e tyre ishte që ne të hynim në fushë me mendjen tek e shkuara kur na mendonin të mundur, por ndodhi e kundërta.
Ne shkuam për të luajtur futboll dhe Shqipëria mbrëmë nuk luajti thjesht një ndeshje, ajo dha një shuplakë historike. Mori tri pikë që vlejnë si biletë për play off-in e Botërorit 2026 dhe ua mori në shtëpinë e tyre, aty ku besonin se frika jonë do t’i mbronte ata. Por fituam ne me qetësinë e atyre që e dinë se historia ka ndryshuar kah.
Ata nuk patën më fuqi të ulërinin, nuk patën më fuqi të godisnin, e vetmja gjë që iu mbeti ishte të mërziteshin, me veten. Ne nuk u trembëm nga frika e tyre, ne u përqafuam me rezultatin, me fitoren, me realitetin. Kosova është e lirë, është e pavarur, është pjesë e shqiptarëve dhe as flamuj e pikturuar dhe as britma paranojake nuk e ndryshojnë këtë. Edhe në eliminatoret e Europianit të 2016-ës ishin pas nesh edhe tani prapa mbeten.
Fitorja në Leskovc nuk fshiu nga memorja jonë 2014-ën, ne nuk shkuam për t’u hakmarrë, shkuam për të treguar se kush jemi. Dhe u pa qartë, nuk jemi më kombi që rrëmbehet, goditet dhe hesht. Jemi kombi që futet në fushë, i merr pikët dhe u lë bosh tribunat, me krenarinë tonë mbi supe dhe flamurin tonë në zemër.
Kjo ishte nata kur Serbia nuk na frikësoi më, kjo ishte nata kur historia u kthye në anën tonë. Dhe kur ata mbetën në heshtje, ne qeshëm, jo nga përçmimi, por nga çlirimi, sepse kësaj radhe, nuk treguam gjurmë plagësh, por hapëm plagë tek ata me fitoren tonë.
Top Channel -
“O kamikaz”, Adriatik Lapaj ‘shpërthen’ ndaj Shabanit: Më kishin paralajmëruar për ty, më preve në besë
Kryetari i lëvizjes ‘Shqipëria Bëhet’, Adriatik Lapaj, ka reaguar për zhvillimet e fundit brenda koalicionit, duke komentuar edhe përplasjet pas-zgjedhore me ish-bashkëpunëtorin Endri Shabani. Lapaj thekson se përfshirja në zgjedhje ishte një “kontratë morale” me qytetarët dhe një përpjekje për të sjellë ndryshim përmes besimit dhe institucioneve, jo përmes përplasjes dhe presionit.
“Ne ishim duke bërë një kontratë morale me shoqërinë. Shkuam në këtë lloj besimi. Nëse do më gjykoni për besimin, jam i hapur t’i marr të gjitha kostot. Por e rëndësishme është të shikohet se çfarë ka ndodhur,” u shpreh Lapaj.
Ai theksoi se mosmarrëveshjet që dolën pas procesit zgjedhor janë pjesë e një ushtrimi demokratik, ku palët ndonjëherë nuk bien dakord, por sipas tij, rruga për zgjidhje nuk ishte asnjëherë përmes “institucioneve paraligjore”.
“Ne nuk shkuam në institucione paraligjore për t’i zgjidhur mosmarrëveshjet përmes forcës. Shkuam në institucione ligjore, si KQZ dhe KAS,” tha ai.
Lapaj nuk i fshehu zhgënjimin ndaj Endri Shabanit, duke deklaruar se, pavarësisht paralajmërimeve nga miqtë e tij, kishte ruajtur një marrëdhënie shoqërore 12-vjeçare me të dhe nuk e kishte imagjinuar ndarjen në këtë formë.
“Nuk e mendoja kurrë që dikush mund t’i bënte një akt kamikaz rrugëtimit politik të ndryshimit në Shqipëri”, tha më tej Lapaj.
Sa i takon deklaratës së mëparshme se nuk do të hynte në Parlament nëse subjekti politik që ai drejtonte do të merrte vetëm një mandat, Lapaj theksoi se ishte bërë në funksion të motivimit të ekipit, para formimit të koalicionit dhe se nuk kishte synuar keqinterpretim të sistemit zgjedhor. Ai zbuloi se pas zgjedhjeve ka propozuar një akt të fortë simbolik: dorëzimin e mandatit nga ai vetë, Shabani dhe Soko, për të ruajtur integritetin moral të lëvizjes.
“I kam kërkuar Shabanit, në prani të zotit Soko, që të linim mandatin. Mandatin do e merrte personi i dytë më i votuar i ‘Shqipëria Bëhet’”, tha Lapaj.
Në fund, Lapaj thekson se pavarësisht se sistemi elektoral i ka penalizuar me formulën e mandateve, lëvizja e tij mori një sasi votash që në kushte të tjera do të siguronte disa deputetë. Ai shton gjithashtu se ka qenë i gatshëm të japë një shembull ndryshe nga politika tradicionale. -
“O kamikaz”, Lapaj ‘shpërthen’ ndaj Shabanit: Më kishin thënë për ty, më preve në besë!
Kryetari i lëvizjes ‘Shqipëria Bëhet’, Adriatik Lapaj, ka reaguar për zhvillimet e fundit brenda koalicionit, duke komentuar edhe përplasjet pas-zgjedhore me ish-bashkëpunëtorin Endri Shabani.
Në ‘Ditari’ me gazetarin Erion Dushi në A2 CNN, Lapaj thekson se përfshirja në zgjedhje ishte një “kontratë morale” me qytetarët dhe një përpjekje për të sjellë ndryshim përmes besimit dhe institucioneve, jo përmes përplasjes dhe presionit.
“Ne ishim duke bërë një kontratë morale me shoqërinë. Shkuam në këtë lloj besimi. Nëse do më gjykoni për besimin, jam i hapur t’i marr të gjitha kostot. Por e rëndësishme është të shikohet se çfarë ka ndodhur,” u shpreh Lapaj.
Ai theksoi se mosmarrëveshjet që dolën pas procesit zgjedhor janë pjesë e një ushtrimi demokratik, ku palët ndonjëherë nuk bien dakord, por sipas tij, rruga për zgjidhje nuk ishte asnjëherë përmes “institucioneve paraligjore”.
“Ne nuk shkuam në institucione paraligjore për t’i zgjidhur mosmarrëveshjet përmes forcës. Shkuam në institucione ligjore, si KQZ dhe KAS,” tha ai.
Lapaj nuk i fshehu zhgënjimin ndaj Endri Shabanit, duke deklaruar se, pavarësisht paralajmërimeve nga miqtë e tij, kishte ruajtur një marrëdhënie shoqërore 12-vjeçare me të dhe nuk e kishte imagjinuar ndarjen në këtë formë.
“Nuk e mendoja kurrë që dikush mund t’i bënte një akt kamikaz rrugëtimit politik të ndryshimit në Shqipëri”, tha më tej Lapaj.
Sa i takon deklaratës së mëparshme se nuk do të hynte në Parlament nëse subjekti politik që ai drejtonte do të merrte vetëm një mandat, Lapaj theksoi se ishte bërë në funksion të motivimit të ekipit, para formimit të koalicionit dhe se nuk kishte synuar keqinterpretim të sistemit zgjedhor.
Ai zbuloi se pas zgjedhjeve ka propozuar një akt të fortë simbolik: dorëzimin e mandatit nga ai vetë, Shabani dhe Soko, për të ruajtur integritetin moral të lëvizjes.
“I kam kërkuar Shabanit, në prani të zotit Soko, që të linim mandatin. Mandatin do e merrte personi i dytë më i votuar i ‘Shqipëria Bëhet’”, tha Lapaj.
Në fund, Lapaj thekson se pavarësisht se sistemi elektoral i ka penalizuar me formulën e mandateve, lëvizja e tij mori një sasi votash që në kushte të tjera do të siguronte disa deputetë. Ai shton gjithashtu se ka qenë i gatshëm të japë një shembull ndryshe nga politika tradicionale. -
“Shkuam në shkollë ndaj Sitit dhe Realit”, trajneri i Juventusit: 10 lojtarë më kërkuan të zëvendësoheshin
Juventusi është eleminuar nga Botërori i Klubeve që po zhvillohet në SHBA. Humbja mininale 1+0 kundër Realit të Madridit e ka nxjerrë skuadrën italiane jashtë këtij kompeticioni. Trajneri i bardhezinjve ka thënë pas përfundimit të takimit se ekipi i tij ka marrë mësime nga Reali dhe Mançester Siti. Tudori është shprehur gjithashtu se lojtarë ishin tejet të lodhur, teksa 10 prej tyre kërkuan të zëvendësoheshin.
“Është një ndjesi e vështirë, sepse humbëm. Ka gjithashtu pak keqardhje. Ne dhamë gjithçka. Në fund, 10 lojtarë po kërkonin të zëvendësoheshin. Siti dhe Reali i Madridit? Ne shkuam në shkollë kundër dy ekipeve të nivelit më të lartë”, ka thënë Igor Tudori./Sport Ekspres/ -
“I gjuajta dy plumba në gjoks, katër në kurriz”, Tafani rrëfen si vrau kushëririn: Nuk na ndezi Audi, ikëm me…
Gjatë dëshmisë së tij prej 11 orësh, i penduari i drejtësisë Arben Tafani rrëfeu edhe episodin e vrasjes së kushëririt të tij avokatin Adriatik Guri.
Sipas të akuzuarit, avokatin donte ta vriste Laert Haxhiu, pasi sipas tij, ai ndihmonte armikun.
“Këta njëkohësisht kishin kamerat e policisë, kishin kodin, këta më ruanin edhe mua”, u shpreh Tafani.
Tafani: Mora shpi me qira në Lushnjë, do vrisnim avokatin Adriatik Guri, e ruaja unë avokatin, ndërkohë unë e kam kushëri, donte ta vriste Laerti se sipas Laertit ky ndihmonte hasmin e tij, këta njëkohësisht kishin kamerat e policisë, kishin kodin, këta më ruanin edhe mua, Lulzim Arapi erdhi tek shtëpia solli një pistoletë tip CZ me dy siliencatorë, vazhdonim ruanim avokatin, u rrija aty te lokali ku vinte dhe avokati dhe un i thashë se bëj dot se e kam kushëri, e lamë do e bënte Lulzimi, një natë na iku ai, unë i përfshiva nga frika, jo për lek, tha ai do bëhet (Laerti).
Më herët isha dhe me Lulzimin dhe Laertin njëherë në fshatin Gjocaj për të parë vendin, prapë me makinë me qira, i merrja me një patentë false. Kishim një garazh në Astir te Erisiano Abedinit që mbanim një Audi për punë, vrasje dmth, e morëm atë morëm dhe një Benz me targa greke dhe ikëm me dy makina. Benzin e parkum në Rrogozhinë, Audin do e digjnim pas vrasjes, shkuam me Lulzimin me armë me vete, një TT ja blemë Bledar Berberit 1 milionë lekë, shkuam tek lokali ku ishte ky, ishte herët ora 4;30 e mëngjesit, erdhi viktima nga ora 8, e kishim lënë si do vepronim, i gjuajta 2 plumba ne gjoks 4 në kurriz, Audi jonë nuk ndezi dhe u detyruam e dogjëm në vend, nga vendngjarja u larguam me makinën e viktimës me të cilën shkuam deri në Rrogozhinë ku e braktisëm dhe morëm makinën tonë tjetër.
Pas përfundimit të seancës së parë, seanca e radhës së dëshmisë së Tafanit do të mbahet më 11 qershor.Top Channel
-
“E ardhmja ime do të jetë temë e ditëve në vijim”, Ançeloti pas humbjes: Bëmë atë që duhet të bënm, shkuam shumë afër
Karlo Ançeloti ka mbetur i kënaqur me paraqitjen e skuadrës së tij në finalen e Kupës së Mbretit. Pavarësisht se nuk arritën të fitonin dot trofeun, trajneri italian ka deklaruar në konferencë për shtyp se lojtarët e tij bënë atë që duhet të bënin në fushë. Sa i përket të ardhmes së tij në stolin e madrilenëve, Ançeloti ka lënë të hapur çdo mundësi. Ai ka theksuar se kjo është një temë diskutimi e ditëve të ardhshme.
“Kemi garuar mirë. Bëmë atë që duhet të bënim. Shkuam shumë afër, por duhet të vazhdojmë të luftojmë. Jemi mbrojtur mirë. Kur ata kanë shumë energji, ushtrojnë presion mirë dhe ndërlikohet situata. Nuk e ngritëm Kupën, por bëmë ndeshjen që duhet të bënim. Shpresë? Për çfarë të kem shpresë?! E kam thënë që mund të vazhdoj ose mund të largohem. Është një temë e ditëve të ardhshme, jo e sotmja. Arbitri? Nuk dua të flas për arbitrin”, ka thënë Karlo Ançeloti./Sport Ekspres/