Lajmidites.com

Tag: shkatërruese

  • Trump sulmon gazetaren e ABC News: Je personi më bezdisës në të gjithë vendin, je shkatërruese

    Trump sulmon gazetaren e ABC News: Je personi më bezdisës në të gjithë vendin, je shkatërruese

    Një episod i ri midis Donald Trump dhe një gazetareje ndodhi të hënën, gjatë një konference për shtyp në Shtëpinë e Bardhë.

    Këtë herë, presidenti amerikan sulmoi Rachel Scott të ABC News, kur ajo e pyeti nëse do t’i urdhëronte Sekretarit të Mbrojtjes Pete Hegseth të publikonte videon e sulmit ndaj një varke kontrabandiste minash më 2 shtator, pasi ai më parë kishte deklaruar se “nuk kishte problem” me publikimin e pamjeve filmike.
    “Unë nuk e thashë këtë. Ti e the këtë, jo unë”, tha Trump, duke kundërshtuar pyetjen dhe përmbajtjen e saj.

    BREAKING: In a shocking moment, Trump crashes out on ABC reporter Rachel Scott who asks him if he approves releasing the boat strike video. “Let me just tell you — you are an obnoxious– a terrible reporter.”
    Totally unhinged.pic.twitter.com/bR70QibNPj
    — Really American 🇺🇸 (@ReallyAmerican1) December 8, 2025

    Kur Scott këmbënguli me pyetjen, presidenti republikan e quajti atë “gazetaren më bezdisëse në këtë fushë”. “Më lejoni t’ju them, ju jeni një gazetare bezdisëse – një gazetare shkatërruese, vërtet shkatërruese. Dhe është gjithmonë e njëjta gjë me ju. “Të thashë, çfarëdo që Pete Hegseth dëshiron të bëjë, ai është dakord me mua”, shtoi Trump.
    Ky tension nuk është i pari midis Trump dhe Scott, pasi të dy u përplasën përsëri vitin e kaluar në një aktivitet të Shoqatës Kombëtare të Gazetarëve me Ngjyrë gjatë fushatës zgjedhore të vitit 2024.
    Ai kujton se në nëntor, gjatë një takimi me gazetarët në Air Force One, Trump i kërkoi një gazetari të Bloomberg News të heshtte, duke thënë: “Hesht, derrkuci”. Sekretarja e shtypit e Shtëpisë së Bardhë, Caroline Levitt, i quajti këto deklarata “një shembull të drejtësisë së presidentit”. Gjithashtu, për Ditën e Falënderimeve, presidenti e pyeti gazetaren e CBS News, Nancy Cordes, nëse ishte “budallaqe” pasi i bëri një pyetje në lidhje me procedurat e kontrollit për shtetasit afganë pas një të shtëne me armë në Uashington.

    Top Channel

  • Mbi 250 të vdekur nga përmbytjet shkatërruese në Azinë Juglindore

    Mbi 250 të vdekur nga përmbytjet shkatërruese në Azinë Juglindore

    Bota E Premte, 28 Nëntor 2025 13:02
    Numri i vdekjeve nga përmbytjet shkatërruese në Azinë Juglindore ka tejkaluar 250, me viktima të reja të raportuara në Tajlandë, Malajzi dhe Indonezi. Ditë të tëra reshjesh të dendura shkaktuan përmbytje në nëntë provinca të Tajlandës dhe tetë shtete të Malajzisë fqinje, duke zhvendosur dhjetëra mijëra njerëz. Kjo situatë u përkeqësua nga stina vjetore e musoneve, e intensifikuar nga një stuhi tropikale në rajon.
    Në Tajlandën jugore, numri i të vdekurve arriti në 145, me provincën Songkhla si më e goditura, ku spitalet po përdorin kamionë frigoriferë pasi morgjet kanë tejkaluar kapacitetet. Ndërkohë, në Indonezi, përmbytjet dhe rrëshqitjet e dheut në tre provinca i morën jetën më shumë se 80 personave, me dhjetëra të tjerë të zhdukur në ishullin Sumatra. Sumatra Veriore raportoi 55 vdekje dhe 41 të zhdukur, ndërsa distrikti Tapanuli Qendror pësoi 34 viktima.
    Ekipet e shpëtimit po luftojnë për të arritur komunitetet e izoluara, pasi rrugët janë bllokuar nga rrënojat. Autoritetet kanë theksuar fillimin e fazës së rehabilitimit me qëllim rikthimin e normalitetit sa më shpejt të jetë e mundur në zonat e prekura.

  • Zona e fatkeqësive, pse Afganistani është magnet për tërmete shkatërruese?

    Zona e fatkeqësive, pse Afganistani është magnet për tërmete shkatërruese?

    Afganistani është një nga vendet më të prekura nga tërmetet, pasi ndodhet mbi disa shkëputje sizmike ku takohen pllakat tektonike indiane dhe evropiane. Kjo e bën rajonin veçanërisht të ndjeshëm ndaj lëkundjeve të forta të tokës, shkruan BBC.
    Historikisht, vendi ka përjetuar tërmete shkatërruese për shkak të ndërtimeve të dobëta dhe infrastrukturës së kufizuar.
    Në vitin 2023, më shumë se 1,400 persona humbën jetën pas një serie tërmetesh me magnitudë 6.3 në pjesën perëndimore, pranë qytetit të Heratit. Një vit më parë, një tërmet me magnitudë 5.9 goditi lindjen e vendit, duke shkaktuar të paktën 1 mijë viktima dhe 3 mijë të plagosur. Edhe pse magnituda ishte mesatare, dëmet ishin të mëdha për shkak se tërmeti ishte i cekët, vetëm 10 km nën sipërfaqe.
    Tërmeti i së dielës, 31 gusht, ishte edhe më i cekët, vetëm 8 km nën tokë, duke rritur rrezikun për viktima dhe të plagosur. Banorët e fshatrave të largëta janë më së shumti të rrezikuar, pasi shtëpitë e tyre, ndërtuar me dru, tulla balte ose beton të dobët, nuk janë të rezistueshme ndaj tërmeteve.
    Për më tepër, rrëshqitjet e dheut që shkaktohen nga tërmetet në malet afgane e vështirësojnë punën e ekipeve të shpëtimit për të arritur tek viktimat.
    Afganistani, një vend malor dhe me qindra fshatra të largëta, ka një histori të gjatë katastrofash natyrore që kanë përkeqësuar pasojat humanitare. Përveç tërmeteve, luftërat dhe konfliktet e vazhdueshme e bëjnë vendin më të ndjeshëm ndaj krizave humanitare, duke e komplikuar ndihmën dhe shpëtimin e viktimave.

  • Presidenti i Iranit: Do t’i japim një përgjigje shkatërruese Izraelit

    Presidenti i Iranit: Do t’i japim një përgjigje shkatërruese Izraelit

    Presidenti iranian, Masoud Pezeshkian, ka paralajëmruar Izraelin se përgjigja e Iranit ndaj sulmeve të vazhdueshme do të jetë shkatërruese.

    Media shtetërore iraniane IRNA, raportojnë se gjatë një telefonate që Masoud Pezeshkian ka patur me holologun e tij francez Emmanuel Macron, i ka thënë këtij të fundit se Irani do të japë një përgjigje shkatërruesë ndaj sulemeve izraelite.
    “Përgjigjja jonë ndaj agresionit të vazhdueshëm të regjimit sionist do të jetë më shkatërruese”, tha Pezeshkian në një telefonatë me Presidentin francez Emmanuel Macron, raporton IRNA.

    Gjithashtu Masoud Pezeshkian tha se Teherani nuk do ta ndalë aktivitetin bërthamor “në asnjë rrethanë”.
    “Ne jemi të gatshëm të diskutojmë dhe të bashkëpunojmë për të ndërtuar besim në fushën e aktiviteteve bërthamore paqësore, por nuk biem dakord të zvogëlojmë aktivitetet bërthamore në asnjë rrethanë“, tha Pezeshkian në një telefonatë me Presidentin francez Emmanuel Macron, sipas agjencisë zyrtare të lajmeve IRNA .

  • Presidenti iranian: Përgjigja jonë ndaj Izraelit do jetë më shkatërruese, s’do ta ndalojmë aktivitetin bërthamor

    Presidenti iranian: Përgjigja jonë ndaj Izraelit do jetë më shkatërruese, s’do ta ndalojmë aktivitetin bërthamor

    Presidenti iranian Masoud Pezeshkian ka paralajmëruar se përgjigjja e vendit të tij ndaj “agresionit” të vazhdueshëm të Izraelit do të jetë “më shkatërruese”, ndërsa luftimet midis dy armiqve vazhdojnë në ditën e nëntë.
    “Përgjigjja jonë ndaj agresionit të vazhdueshëm të regjimit sionist do të jetë më shkatërruese”, tha Pezeshkian në një telefonatë me Presidentin francez Emmanuel Macron, raporton IRNA.
    Presidenti iranian Masoud Pezeshkian tha se Teherani nuk do ta ndalë aktivitetin bërthamor “në asnjë rrethanë”.
    “Ne jemi të gatshëm të diskutojmë dhe të bashkëpunojmë për të ndërtuar besim në fushën e aktiviteteve bërthamore paqësore, por nuk biem dakord të zvogëlojmë aktivitetet bërthamore në asnjë rrethanë “, tha Pezeshkian në një telefonatë me Presidentin francez Emmanuel Macron, sipas agjencisë zyrtare të lajmeve IRNA .

  • Lufta Izrael-Iran, Kondi: Pasojat janë shkatërruese për të dyja vendet!

    Lufta Izrael-Iran, Kondi: Pasojat janë shkatërruese për të dyja vendet!

    Pedagogu për marrëdhëniet ndërkombëtare Sokol Kondi tha se situata në Lindjen e Mesme nuk është thjesht një demonstrim force, por një përshkallëzim i vërtetë ushtarak me pasoja të rënda.

    Sipas tij, është e gabuar të përjetohet kjo përballje me entuziazëm për fitore apo humbje, pasi të dyja shtetet po përballen me rrezik real.
    Kondi rikujtoi në studion e Quo Vadis se marrëdhëniet mes Iranit dhe Izraelit dikur kanë qenë miqësore, por gjithçka ndryshoi, duke çuar në një armiqësi të hapur.

    Pjesë nga biseda:
    Borakaj: Është një tregim force, apo situata është serioze?
    Kondi: Është një situatë luftarake që përfshin ushtritë, dhe është për t’u habitur që shihet eufori për sukseset apo dështimet. Pasojat janë shkatërruese për të dyja vendet, edhe për Iranin, që nuk ka ato vende strehimi si Izraeli ose Zvicra. Irani dhe Izraeli kanë qenë bashkë që kur ishte çështja për të luftuar botën arabe. Pas luftës së gjashtë ditëve, Irani kuptoi që mund të vinte edhe radha e tij, dhe miqësia erdhi duke u zbehur deri në këtë armiqësi. Nuk mendoj se është vetëm një testim nervash apo fuqie.
    /vizionplus.tv
     

  • Rriten përsëri tensionet/ Irani: Sulme shkatërruese brenda pak orësh! Izraeli: Bombardime ajrore të rëndësishme në proces

    Rriten përsëri tensionet/ Irani: Sulme shkatërruese brenda pak orësh! Izraeli: Bombardime ajrore të rëndësishme në proces

    Ndërsa fuqitë e mëdha po lëvizin nëpër telefona me biseda të gjata dhe intensive për të arritur paqen, Izraeli dhe Irani vazhdojnë të njoftojnë sulme dhe kundërsulme në proces, goditje shënjestrash dhe dëmet e shkaktuara nga bombardimet që nuk ndalen.
    Teherani njoftoi sulme “shkatërruese” brenda pak orësh ndaj izralit. Televizioni shtetëror iranian kërcënoi me “sulme të rënda dhe shkatërruese kundër Izraelit do bëheshin brenda pak orësh”. Ndërkohë, media iraniane raportoi se “raketa kruiz izraelite u lëshuan nga Iraku kundër qyteteve në Iran”.
    Edhe Izraeli njoftoi ‘ulme të rëndësishme ajrore në proces’, nga Forcat Ajrore izraelite, që janë duke u zhvilluar në disa zona të Iranit. Kjo u deklarua në një konferencë për shtyp nga zëdhënësja e Forcave të Mbrojtjes së Izraelit, Effie Defrin, e cila foli për “një seri sulmesh që nuk kanë ndaluar për 40 orë dhe që kanë goditur më shumë se 150 objektiva”.
    “Qindra avionë dhe aeroplanë izraelitë aktualisht ruajnë epërsi ajrore mbi Iranin perëndimor dhe Teheranin”, shtoi Defrin, “aeroplanët po përfundojnë një valë sulmesh kundër objektivave strategjikë të industrisë ushtarake, objektivave të programit bërthamor dhe zyrtarëve të lartë të udhëheqjes terroriste iraniane”.
    Televizioni shtetëror iranian raportoi se sistemet e mbrojtjes ajrore u aktivizuan në zonën e portit Bandar Abbas në jug të vendit. Porti, i vendosur në bregun verior të Ngushticës së Hormuzit në hyrje të Gjirit Persik, është qendra më e madhe detare tregtare e vendit.
    Agjencia iraniane e lajmeve Sabrin raportoi gjithashtu se sistemet e mbrojtjes ajrore u aktivizuan pranë objekteve bërthamore në Isfahan.

  • Sanksione “shkatërruese” ndaj Rusisë? Presidenti i Finlandës paralajmëron: Trumpit po i soset durimi me Putinin

    Sanksione “shkatërruese” ndaj Rusisë? Presidenti i Finlandës paralajmëron: Trumpit po i soset durimi me Putinin

    Presidenti i Finlandës Alexander Stubb ka deklaruar se ish-presidenti amerikan Donald Trump po shfaq shenja impatience ndaj presidentit rus Vladimir Putin, ndërsa paralajmëroi se fati i Ukrainës nuk duhet të vendoset pa përfshirjen e Kievit.

    Deklarata vjen pas një bisede të gjatë mes Stubb dhe Trump, përpara një telefonate të planifikuar mes këtij të fundit dhe Putinit të hënën.
    “Zelenskyy është i duruar. Trump po bëhet i paduruar – por në drejtimin e duhur, drejt Rusisë,” tha Stubb në Konferencën e Sigurisë Lennart Meri në Talin.
    Sanksione “shkatërruese” në horizont
    Sipas Stubb, në varësi të rezultatit të bisedës mes Trump dhe Putin, senatorët amerikanë Lindsey Graham dhe Richard Blumenthal mund të paraqesin në Kongres një paketë të re sanksionesh ekonomike, që synon të godasë rëndë financat e Rusisë. Graham, një aleat i afërt i Trump, e ka përshkruar këtë paketë si “shkatërruese”, duke synuar edhe kompanitë e huaja që importojnë energji nga Rusia.
    Pjesë e planit është edhe vendosja e tarifave 500% ndaj vendeve që tregtojnë energji me Rusinë, megjithëse Trump më parë ka kundërshtuar qasje të tilla ekstreme në politikat tregtare.
    “Rusia nuk është më një fuqi e madhe”
    Stubb shtoi se ka punuar personalisht për të ndikuar te Trump, duke theksuar se Rusia nuk është më një superfuqi: “Ekonomia e saj është më e vogël se ajo e Italisë dhe pak më e madhe se e Spanjës. Rezervat po shterojnë, interesat mbi 20% dhe përparimi në frontin e luftës është minimal.”
    Ai theksoi se çdo kontakt i BE-së me Moskën duhet të koordinohet përmes liderëve të E3: Britania, Franca dhe Gjermania.
    Amerika kërkon më shumë angazhim europian në mbrojtje
    Në konferencë foli edhe ambasadori amerikan në NATO, Matthew Whitaker, i cili paralajmëroi se SHBA do të ulë praninë ushtarake në Evropë, duke përsëritur mesazhin e Trump: “Mjaft. Kjo do të ndodhë tani. Nuk ka më durim për zvarritje.”
    Ndërkohë, ministri i jashtëm i Polonisë, Radosław Sikorski, tha se Putini “ka zgjuar një gjigant të fjetur” dhe përshëndeti rritjen e shpenzimeve të mbrojtjes në NATO.
    “Në samitin e ardhshëm të NATO-s, do të synojmë 3.5% të PBB-së për mbrojtjen ushtarake dhe 1.5% për mbrojtjen civile dhe kibernetike,” shtoi ai, duke theksuar se Europa është në gjendje të lërë Rusinë në hije, veçanërisht nëse fondet shpenzohen më mirë dhe me qëllime të qarta.
    NATO përgatitet për vendime të vështira
    Megjithëse SHBA nuk ka përmendur zyrtarisht ndonjë tërheqje nga NATO, diplomatë evropianë paralajmërojnë për përplasje strategjike në samitin e ardhshëm të Aleancës. Roli i Ukrainës dhe kërcënimi afatgjatë nga Rusia pritet të jenë tema kyçe, me shumë liderë që këmbëngulin se paqja nuk duhet të përjashtojë integrimin e Ukrainës në NATO.

    Top Channel

  • Armëpushimi me Ukrainën, kërcënon aleati i Trump: Do te vendosim sanksione shkatërruese ndaj Rusisë. Putin bën mire të angazhohet në negociata

    Armëpushimi me Ukrainën, kërcënon aleati i Trump: Do te vendosim sanksione shkatërruese ndaj Rusisë. Putin bën mire të angazhohet në negociata

    Shtetet e Bashkuara të Amerikës do të vendosin sanksione “shkatërruese” ndaj Rusisë nëse Vladimir Putin nuk angazhohet seriozisht në negociatat e paqes, sipas një aleati kyç të Trump.

    Senatori Lindsey Graham se kishte mbështetjen e 72 kolegëve të Senatit dhe Dhomës së Përfaqësuesve për një projektligj të propozuar.
    Masat përfshijnë tarifa prej 500% për vendet që blejnë naftë, uranium, gaz natyror ose produkte nafte ruse, sipas Bloomberg.
    “Këto sanksione përfaqësojnë pikëpamjen e Senatit se ne e shohim Rusinë si fajtorin kryesor”, tha Graham.
    Ai shtoi se Putini “do të bënte një gabim të madh duke u përpjekur të luante me Trumpin” dhe se projektligji do të përdorej nëse negociatat arrinin në një ngërç.
    “Kur Presidenti Trump beson se kemi arritur në një rrugë pa krye, atëherë prisni veprime”, theksoi senatori.
    Kjo do të pritet mirë në Kiev, ku janë ngritur frikëra se Trump nuk është i gatshëm të ndërmarrë veprime kundër regjimit të Putinit në negociatat e paqes.
     

    Top Channel