Lajmidites.com

Tag: shkatërroi

  • E pazakontë! Burri i martuar do të padisë farmacinë pasi i zbuloi tradhtinë: Shkatërroi dy familje

    E pazakontë! Burri i martuar do të padisë farmacinë pasi i zbuloi tradhtinë: Shkatërroi dy familje

    Një ngjarje e pazakontë në Kinë është bërë virale në rrjetet sociale, ku një burrë i martuar akuzon një zinxhir farmacies se “i shkatërroi martesën”, pasi sipas tij i zbuloi gruas lidhjen jashtëmartesore, përmes një telefonate të paqëllimshme.

    Ngjarja ndodhi në provincën Guangdong, ku burri në fjalë tentoi të blejë pilula kontraceptive me vlerë rreth 2.2 dollarë, përmes një aplikacioni të farmacies. Por, për shkak të një “problemi me sistemin e pagesave”, transaksioni nuk u përfundua.
    Stafi i farmacisë, në përpjekje për të konfirmuar blerjen, kontaktoi me numrin e regjistruar në kartën e anëtarësisë, i cili rezultoi të ishte i gruas së tij. Gjatë telefonatës, gruaja pyeti për natyrën e produktit dhe punonjësja e informoi hapur se bëhej fjalë për kontraceptivë.

    Pas kësaj, bashkëshortja kuptoi gjithçka. Sipas burrit, jo vetëm që martesa e tij është drejt fundit, por edhe lidhja jashtëmartesore që kishte me një grua tjetër tashmë ka dalë në shesh duke shkaktuar “shkatërrimin e dy familjeve”.
    Në një postim në rrjetin social Weibo, burri shpreh zemërimin e tij dhe pyet publikisht:
    “Tani që gruaja ime i di të gjitha, dy familje janë në prag të kolapsit. Farmacia nuk mban asnjë përgjegjësi për këtë?”
    Ai madje ka publikuar faturën e blerjes, bisedën mes bashkëshortes dhe farmacistes, si dhe një raport të bërë në polici.
    Ekspertët: Nuk ka shanse ligjore
    Megjithëse ai ka paralajmëruar padi ndaj farmacisë, ekspertët ligjorë në Kinë janë skeptikë. Avokati Fu Jian deklaroi për mediat:
    “Ajo që ka çuar në prishjen e martesës është tradhtia bashkëshortore. Farmacia nuk ka shkelur ligjin, telefonata ishte një veprim rutinë për verifikim.”
    Rast i ngjashëm edhe në SHBA
    Ngjarja ka ngjallur reagime të shumta dhe krahasime me një incident të vitit 2018 në Long Island, SHBA, kur një burrë akuzoi një farmaci se zbuloi blerjen e një medikamenti për disfunksion erektil, duke çuar gjithashtu në divorc.
    Në rrjetet sociale kineze, shumë komentues e kanë përqeshur burrin, duke shkruar se “po kërkon dëmshpërblim për gabimet e veta”.
    /vizionplus.tv
     

  • Vajza “sekrete” e Putin “trazon” rrjetin: Burri që mori miliona jetë dhe shkatërroi timen

    Vajza “sekrete” e Putin “trazon” rrjetin: Burri që mori miliona jetë dhe shkatërroi timen

    Vladimir Putin dhe Luiza Rozova

    RUSI- Vajza e përfolur sekrete e Vladimir Putinit ka thyer heshtjen e saj ndaj presidentit rus për herë të parë me postime misterioze në mediat sociale. Elizaveta Krivonogikh, 22 vjeç, e njohur edhe si Luiza Rozova, aludoi për “babanë” e saj ndërsa u ankua për një burrë që “shkatërroi” jetën e saj, raporton The U.S Sun. 
    Luiza, një e diplomuar në shkollën e artit që jeton në Paris, aludoi për “njeriun që mori miliona jetë dhe shkatërroi timen”, me sa duket një qortim i hidhur për babain e saj të raportuar. Postimet nuk e përmendin në mënyrë të qartë Putinin, por në kontekstin e raportimeve të përhapura rreth identitetit të babait të saj, kjo mund të kuptohet si një sulm i drejtpërdrejtë ndaj presidentit rus. 
    Në një postim tjetër, ajo shkroi: “Është çliruese të jem në gjendje t’ia tregoj përsëri fytyrën time botës. Më kujton kush jam dhe kush ma shkatërroi jetën”.
    Luiza lindi më 3 mars 2003 në Shën Petersburg dhe besohet të jetë fëmija e një afere midis Putinit dhe ish-pastrueses së tij Svetlana Krivonogich. Pretendimet për identitetin e babait të saj u bënë publike për herë të parë nga projekti hetimor “Proekt”, i cili është kritik ndaj Kremlinit, në vitin 2020.
    Nëna e saj thuhet se u bë shumë e pasur pas lindjes së saj, duke nxitur spekulimet se paratë kishin ardhur nga Putini për të blerë heshtjen e saj./ZËRI
     

  • “Burri që mori miliona jetë dhe shkatërroi timen”, vajza sekrete e Putinit e kritikon atë për luftën në Ukrainë

    “Burri që mori miliona jetë dhe shkatërroi timen”, vajza sekrete e Putinit e kritikon atë për luftën në Ukrainë

    Një seri mesazhesh të fshehta në Telegram e kanë rikthyer në qendër të vëmendjes Louisa Rozova-n, 22-vjeçaren që përflitet të jetë vajza sekrete e Vladimir Putinit.

    Ajo është shfaqur për herë të parë në publik duke kritikuar në mënyrë indirekte presidentin rus dhe duke dënuar hapur luftën në Ukrainë.
    Rozova – emri artistik i të cilës është Elizaveta Krivonogik – shkroi në llogarinë e saj personale në Telegram:“Burri që mori miliona jetë dhe shkatërroi timen.” Edhe pse nuk e përmend drejtpërdrejt Putinin, mesazhi i saj është interpretuar gjerësisht si një akuzë personale ndaj tij, për shkak të indikacioneve të shumta ndër vite që e lidhin me presidentin rus. Sipas raportimeve, ajo është fryt i marrëdhënies së Putinit me ish-muzikanten Svetlana Krivonogik.

    Elizaveta Krivonogikh, 21, reappears in Paris after vanishing from social media pre-Ukraine war. Known as Luiza Rozova, she’s now a DJ while linked to Russia’s elite. 🌍✨#Russia #Paris #Investigation #UkraineConflict pic.twitter.com/qvsMS10xKl
    — Orbital News (@orbital_news_) November 29, 2024

    “Është çliruese të mund t’ia tregoj fytyrën botës”
    Në një tjetër postim, e reja që jeton në Paris dhe punon në fushën e artit, ndau një selfie me mbishkrimin:“Është çliruese të jem në gjendje t’ia tregoj përsëri fytyrën time botës. Më kujton kush jam dhe kush ma shkatërroi jetën.”

    ‼️🇷🇺 “The man who took the lives of millions and destroyed mine as well” — Putin’s alleged illegitimate daughter has released personal photos and publicly criticized her dictator father, according to the German outlet BILD.
    📍Luiza Rozova was born on March 3, 2003, in Saint… pic.twitter.com/HJmF8j7vBn
    — Visioner (@visionergeo) August 4, 2025

    Këto deklarata janë raportuar nga gazeta gjermane Bild, e cila ka qasje në kanalin e saj të Telegram-it me emrin “Arti i Luizës.”
    Louisa, e cila dikur postonte rregullisht foto nga udhëtime luksoze dhe festa private me DJ, u zhduk nga rrjetet sociale pas pushtimit të Ukrainës në vitin 2022. Sot, ajo paraqet një profil krejt tjetër – të angazhuar, politikisht të vetëdijshëm dhe në mënyrë të hapur kundër luftës.
    E lindur në vitin 2003 në Shën Petersburg, Louisa dyshohet se është vajza e Vladimir Putinit, sipas një hetimi të grupit hulumtues rus Proekt, i cili në vitin 2020 zbuloi detaje për lidhjen e mundshme mes presidentit dhe nënës së saj. Hetimi përmend edhe emrin “Vladimirovna” në certifikatën e saj të lindjes – një tjetër shenjë e fortë lidhjeje.
    Në qershor të vitit 2024, ajo u diplomua nga shkolla ICART për menaxhim kulturor në Paris. Aktualisht, punon në dy galeri arti: L Galerie në lagjen Belleville dhe Escape Albatros në Montreux, të cilat organizojnë ekspozita të fokusuara në artin kundër luftës. Roli i saj përfshin kurimin e ekspozitave dhe prodhimin e materialeve audiovizuale.
    Përballja me kritikët: “A jam unë vërtet përgjegjëse?”
    Megjithëse angazhimi i saj kundër luftës është i dukshëm, prania e Rozovës në këto galeri ka ngjallur reagime të përziera. Artistja ruse në mërgim, Nastya Rodionova, njoftoi se po ndërpret çdo bashkëpunim me institucionet ku punon Louisa.
    Në një postim në Facebook, ajo shkroi: “Unë besoj në parimin e pafajësisë dhe se fëmijët nuk janë përgjegjës për krimet e prindërve të tyre. Megjithatë, në një kohë lufte, është e papranueshme që dikush nga një familje që përfiton nga regjimi të përfaqësojë të kundërtën.”
    Në përgjigje, Louisa deklaroi publikisht:
    “A jam vërtet përgjegjëse për veprimet e një familjeje që as nuk mund të më dëgjojë?”
    Ajo thuhet se ka filluar të përdorë emrin Elizaveta Rudova – ndoshta një përpjekje për t’u distancuar nga mbiemri i njohur dhe e kaluara. Emri mund të jetë i frymëzuar nga Oleg Rudov, një bashkëpunëtor i ngushtë i ndjerë i Putinit.

    Top Channel

  • Vajza sekrete e Putinit e kritikon për luftën në Ukrainë: Burri që mori miliona jetë dhe shkatërroi timen

    Vajza sekrete e Putinit e kritikon për luftën në Ukrainë: Burri që mori miliona jetë dhe shkatërroi timen

    Një seri mesazhesh të fshehta në Telegram e kanë rikthyer në qendër të vëmendjes Louisa Rozova-n, 22-vjeçaren që përflitet të jetë vajza sekrete e Vladimir Putinit.

    Ajo është shfaqur për herë të parë në publik duke kritikuar në mënyrë indirekte presidentin rus dhe duke dënuar hapur luftën në Ukrainë.

    Rozova – emri artistik i të cilës është Elizaveta Krivonogik – shkroi në llogarinë e saj personale në Telegram:
    “Burri që mori miliona jetë dhe shkatërroi timen.” Edhe pse nuk e përmend drejtpërdrejt Putinin, mesazhi i saj është interpretuar gjerësisht si një akuzë personale ndaj tij, për shkak të indikacioneve të shumta ndër vite që e lidhin me presidentin rus. Sipas raportimeve, ajo është fryt i marrëdhënies së Putinit me ish-muzikanten Svetlana Krivonogik.

    “Është çliruese të mund t’ia tregoj fytyrën botës”

    Në një tjetër postim, e reja që jeton në Paris dhe punon në fushën e artit, ndau një selfie me mbishkrimin:
    “Është çliruese të jem në gjendje t’ia tregoj përsëri fytyrën time botës. Më kujton kush jam dhe kush ma shkatërroi jetën.”

     

    Këto deklarata janë raportuar nga gazeta gjermane Bild, e cila ka qasje në kanalin e saj të Telegram-it me emrin “Arti i Luizës.”

    Louisa, e cila dikur postonte rregullisht foto nga udhëtime luksoze dhe festa private me DJ, u zhduk nga rrjetet sociale pas pushtimit të Ukrainës në vitin 2022. Sot, ajo paraqet një profil krejt tjetër – të angazhuar, politikisht të vetëdijshëm dhe në mënyrë të hapur kundër luftës.

    E lindur në vitin 2003 në Shën Petersburg, Louisa dyshohet se është vajza e Vladimir Putinit, sipas një hetimi të grupit hulumtues rus Proekt, i cili në vitin 2020 zbuloi detaje për lidhjen e mundshme mes presidentit dhe nënës së saj. Hetimi përmend edhe emrin “Vladimirovna” në certifikatën e saj të lindjes – një tjetër shenjë e fortë lidhjeje.

    Në qershor të vitit 2024, ajo u diplomua nga shkolla ICART për menaxhim kulturor në Paris. Aktualisht, punon në dy galeri arti: L Galerie në lagjen Belleville dhe Escape Albatros në Montreux, të cilat organizojnë ekspozita të fokusuara në artin kundër luftës. Roli i saj përfshin kurimin e ekspozitave dhe prodhimin e materialeve audiovizuale.

    Përballja me kritikët: “A jam unë vërtet përgjegjëse?”

    Megjithëse angazhimi i saj kundër luftës është i dukshëm, prania e Rozovës në këto galeri ka ngjallur reagime të përziera. Artistja ruse në mërgim, Nastya Rodionova, njoftoi se po ndërpret çdo bashkëpunim me institucionet ku punon Louisa.

    Në një postim në Facebook, ajo shkroi: “Unë besoj në parimin e pafajësisë dhe se fëmijët nuk janë përgjegjës për krimet e prindërve të tyre. Megjithatë, në një kohë lufte, është e papranueshme që dikush nga një familje që përfiton nga regjimi të përfaqësojë të kundërtën.”

    Në përgjigje, Louisa deklaroi publikisht:

    “A jam vërtet përgjegjëse për veprimet e një familjeje që as nuk mund të më dëgjojë?”

    Ajo thuhet se ka filluar të përdorë emrin Elizaveta Rudova – ndoshta një përpjekje për t’u distancuar nga mbiemri i njohur dhe e kaluara. Emri mund të jetë i frymëzuar nga Oleg Rudov, një bashkëpunëtor i ngushtë i ndjerë i Putinit.

  • Tucker Carlson: Merkel e shkatërroi Gjermaninë më shumë se ç’mund ta bënte Putini, Rusia po ngrihet

    Tucker Carlson: Merkel e shkatërroi Gjermaninë më shumë se ç’mund ta bënte Putini, Rusia po ngrihet

    Populli gjerman duhet të jetë i zemëruar me qeverinë e vet, e cila ua shkatërroi vendin, në vend të presidentit rus Vladimir Putin, tha gazetari amerikan Tucker Carlson për gazetën berlineze Bild.

    Një pjesë e madhe e intervistës dy-orëshe të publikuar të shtunën iu kushtua intervistës së Carlson me Putinin në shkurt të vitit 2024.

    Gjatë shkëmbimit të pohimeve, gazetari amerikan kundërshtoi përpjekjet e zëvendëskryeredaktorit të Bild, Paul Ronzheimer, për të dënuar udhëheqësin rus për shkak të konfliktit në Ukrainë.

    Pasi Ronzheimer e quajti Putinin një “kriminel”, Carlson u përgjigj: “Unë nuk po e mbroj Putinin, i cili mendoj se ka bërë një punë të shkëlqyer për Rusinë. Punë shumë më të mirë se çdo udhëheqës gjerman. Kjo është e sigurt.”

    “Vendi juaj po bie, Rusia po ngrihet. Duhet të jeni të zemëruar me udhëheqësit tuaj. Në vend të kësaj, jeni të zemëruar me Putinin”, argumentoi ai.

    Sipas Carlson, Angela Merkel – kancelarja gjermane nga viti 2005 deri në vitin 2021 – e meriton shumë më tepër të cilësohet si “kriminele” sepse “ajo e shkatërroi vendin tuaj përmes migrimit masiv… Ai nuk do të rikuperohet as gjatë jetës suaj dhe as gjatë jetës sime”.

    Carlson sugjeroi që qeveria aktuale po sulmon Putinin dhe Rusinë për të shpërqendruar publikun nga problemet e migracionit dhe ekonomike në Gjermani, e cila pritet ta përfundojë vitin 2025 në recesion për të tretin vit radhazi.

    “Vendi juaj është në rrëmujë sepse udhëheqësit tuaj janë të këqij. Ky është fakti. Ju jeni të zemëruar për këtë. Kështu që, ata e marrin zemërimin tuaj dhe thonë: ‘Oh jo, është faji i Putinit. Është faji i Putinit.’ Në rregull, e kuptova”, tha ai.

    Më herët këtë muaj, zëdhënësi i Kremlinit, Dmitry Peskov, tha se Gjermania po “bëhet përsëri e rrezikshme”, pasi Ministri i Mbrojtjes, Boris Pistorius, deklaroi se trupat gjermane duhet të jenë të përgatitura të “vrasin” ushtarët rusë nëse është e nevojshme.

    Ministri i Jashtëm rus Sergey Lavrov tha më parë se duke mbështetur Kievin në konfliktin me Moskën,  “Gjermania po rrëshqet poshtë të njëjtës shpat rrëshqitës që ndoqi disa herë në shekullin e kaluar – drejt rënies së saj”, duke iu referuar Luftërave të Parë dhe të Dytë Botërore.

  • “Sulmi i SHBA shkatërroi programin bërthamor iranian”, Sekretari amerikan i mbrojtjes: Kur Presidenti Trump flet, bota duhet të dëgjojë

    “Sulmi i SHBA shkatërroi programin bërthamor iranian”, Sekretari amerikan i mbrojtjes: Kur Presidenti Trump flet, bota duhet të dëgjojë

    Sekretari amerikan i mbrojtjes, Pete Hegseth, e nisi informimin në Pentagon duke thënë se sulmet e mbrëmshme kishin për qëllim “degradimin” dhe “shkatërrimin” e aftësive bërthamore të Iranit.

    Ai thotë se sulmi “shkatërroi” programin bërthamor iranian, por nuk ndikoi te trupat apo civilët iranianë.
    Hegseth tha se shumë presidentë “ëndërronin t’i jepnin goditjen përfundimtare programit bërthamor të Iranit, por askush nuk mundi deri sa e bëri Trump”.
    Ai shton se operacioni ndaj Iranit ishte “i guximshëm dhe brilant”.
    “Kur Presidenti Trump flet, bota duhet të dëgjojë”, thotë ai, duke shtuar se “asnjë vend tjetër përveç SHBA-së nuk mund ta kishte bërë këtë”.

    Top Channel

  • Romeo Kara: Meta shkatërroi familjen për jaranin! Kur ta lërë Tedi do ta kuptojë!

    Romeo Kara: Meta shkatërroi familjen për jaranin! Kur ta lërë Tedi do ta kuptojë!

    Në një intervistë në emisionin “Dekalog” të Roland Qafokut në DritareTV, juristi Romeo Kara bëri deklarata të forta ndaj Ilir Metës dhe Tedi Blushit, duke i akuzuar për korrupsion moral, mungesë përgjegjësie dhe përçmim ndaj institucioneve.
    Ai komentoi edhe marrëdhënien e Metës me ish-bashkëshorten e tij, Monika Kryemadhin, për të cilën tha:
    “Monika i tha: “Shkatërrove shtëpinë për jaranin!” Kështu që kur ta lërë dhe Tedi, mendoj do t’i bjerë rëndë shumë.”

    Më tej, Kara theksoi se si Blushi dhe Kryemadhi nuk kanë guxuar të largohen nga partia, për shkak të ndikimit të Metës:
    “Po të kishin pasur një çikë sedër Tedi me gjithë tjetrën, do kishin dhënë dorëheqjen. Por nuk e ka lejuar Meta. Ata janë aty ngaqë Meta nuk e ka bërë deklaratën.”

  • “Banditizmi elektoral, “treni bullgar”/ Meta: Regjimi i krimit shkatërroi zgjedhjet

    “Banditizmi elektoral, “treni bullgar”/ Meta: Regjimi i krimit shkatërroi zgjedhjet

    Kreu i Partisë së Lirisë, Ilir Meta në postim në rrjetet sociale ka reaguar në lidhje me zgjedhjet e 11 majit, ku ka përmendur atë që cilësoi dje Berisha si “ trenin bullgar”.
    “Banditizmi elektoral, “treni bullgar”, shit-blerja e votave, presionet për bukën e gojës, përdorimi i bandave dhe kriminelëve elektorale, parave të pista të trafiqeve dhe drogës, keqpërdorimi i administratës publike dhe aseteve shtetërore dhe të gjitha provat e masakrës elektorale, që po dalin në dritë të diellit, të organizuar nga Narkoregjimi tregojnë qartë një tjetërsim mafioz, total dhe të dhunshëm  të vullnetit të lirë të qytetarëve”, shkruan Meta.
    Sipas Metës, ky regjim i bazuar te krimi shkatërroi standardet e zgjedhjeve, demokracinë dhe shtetin e së drejtës.
    “Ky regjim i bazuar mbi krimin, që bazon çdo gjë në tjetërsimin, manipulimin dhe në inflitrimin e njerëzve të korruptuar brenda opozitës, përmes mekanizmave shtrëngues të “Drejtësisë së Re”, shkatërroi standardet e zgjedhjeve, demokracinë dhe shtetin e së drejtës”, shkruan Meta.
    Kreu i PL në këtë postim nënvizoi se beteja për votën e lirë është e pakthyeshme për të mbrojtur Shqipërinë nga gremina dhe shqiptarët nga kthetrat e Narkoshtetit kriminal.
    “Beteja për votën e lirë është e pakthyeshme për të mbrojtur Shqipërinë nga gremina dhe shqiptarët nga kthetrat e Narkoshtetit kriminal.
    Ne nuk do të ndalemi përballë asnjë shantazhi, presioni apo manipulimi. Do të evidentojmë dhe denoncojmë çdo shkelje, çdo abuzim, çdo tentativë për të kthyer zgjedhjet në një farsë, formalitet dhe në falsitet total.
    Mbrojtja e votës së lirë është një mision kombëtar për të rikthyer Shqipërinë në rrugën e demokracisë së vërtetë, të shtetit të së drejtës dhe barazisë para ligjit për të gjithë.
    Sot beteja është mes narkokriminelëve që kanë zaptuar pushtetin dhe të drejtës së qytetarëve për të zgjedhur me vullnetin e tyre njerëzit, që respektojnë Kushtetutën dhe ligjin.
    Themeli i fitores është vota e lirë ndaj të bëjmë çdo sakrificë për t’ja shkulur pushtetin Narkoqeverisë dhe për t’ja kthyer pushtetin qytetarëve”, shkruan Meta.