Deputeti i Partisë Demokratike, Eno Bozdo, i ftuar në një studio televizive, ka komentuar situatën e krijuar pas shpalljes zyrtare të Belinda Ballukut si e pandehur nga SPAK dhe pezullimit të saj nga detyra si zv/kryeministre dhe ministre. Bozdo akuzoi Kryeministrin Edi Rama për manipulim dhe propagandë politike.
“Rama ka tejkaluar vetveten. Gjithë qëllimi i propagandës së PS është të vendosë në gjumë shqiptarët, por këto Rama do t’i bëjë të gjithë idiotë, duke thënë se po të mos jetë Balluku zv/kryeministre qeveria nuk funksionon,” u shpreh Bozdo.
Ai ironizoi deklaratat e kryeministrit, duke shtuar: “Nuk niset avioni për në Kanada po të mos jetë Belinda, thotë. Ka më qesharake se kjo?!”
Sipas Bozdos, Rama duhej ta kishte shkarkuar Ballukun më herët, ndërsa akuzoi zv/kryeministren e pezulluar se po mban postin për arsye personale: “Ajo është e qartë pse nuk do të largohet. Nuk ka moral për ta bërë këtë dhe nuk e pres nga ajo.”
Deputeti demokrat rikujtoi se Balluku sfidoi Kuvendin edhe pas ngritjes së akuzave nga SPAK. “Ishte me akuzë të fortë dhe sfidoi Kuvendin duke u paraqitur aty,” tha Bozdo, duke shtuar se situata aktuale tregon degradimin e standardeve të qeverisjes.
Tag: shkarkuar
-
“Duhet të ishte shkarkuar, s’ka moral të dorëhiqet”/ Deputeti Bozdo: Qesharake të thuash ‘nuk niset avioni pa Belindën’
-
‘Ta kishte shkarkuar’, Tabaku: Balluku e pandehur dhe menaxhon gjysmën e buxhetit
Deputetja e Partisë Demokratike, Jorida Tabaku, deklaroi sot se zv/kryeministrja Belinda Balluku, e pandehur aktualisht nga SPAK për tunelin e Llogarasë, duhet të ishte dorëhequr.
Në të kundër ajo duhet të ishte shkarkuar nga kryeministri Edi Rama, por aktualisht nuk ka ndodhur asnjë prej këtyre dyjave, edhe pse ministrja e Energjisë dhe Infrastrukturës menaxhon gjysmën e buxhetit.
“Sa i përket zonjës Belinda Balluku, ajo është e pandehur në SPAK dhe menaxhon gjysmën e buxhetit shqiptar, bashkë me personat e tjerë të pandehur që menaxhojnë këtë buxhet. E thamë që në momentin e parë që zv/kryeministrja duhet të kishte dhënë dorëheqje, nëse jo nga ajo, të bëhej nga kryeministri, ta kishte shkarkuar”, u shpreh Tabaku.
Deputetja demokrate shtoi se kemi një dosje me aferë korruptive me numrin dy të qeverisë të pandehur dhe asgjë nuk ndodh. Ajo ngriti paradoksin se edhe ish-zv/kryeministri ëhstë në kërkim, por qeveria vijon pa marrë asnjë masë.
“Nuk di çfarë të them, kemi një bilanc të tillë me qeverinë ku ish-zv/kryeministri është në kërkim dhe zv/kryeministra aktuale është e pandehur për tenderin korruptiv 50 mln euro në tunelin e Llogarasë. Më gjej një qeveri tjetër në botë apo Evropë me këto rrethana dhe unë nuk flas më”, tha ajo. -
Ajax shkakron trajnerin Heitinga pas humbjes në Champions, gati rikthimi i Ten Hag
7 Nëntor 2025
9:46
Telesport
Ish-trajneri i Manchester United dhe Bayern Leverkusen, Erik ten Hag, është kontaktuar për një rikthim në detyrë si trajner te Ajax. Lajmi është konfirmuar nga mediat holandeze, ndërkohë që 24 orë më parë është shkarkuar nga detyra e tij trajneri John Heitinga.
Ajax e ka shkarkuar trajnerin pas pak më shumë se pesë muajsh në punë, pavarësisht se kishte një kontratë deri në verën e vitit 2027. Heitinga, i cili ishte një nga asistentët e Arne Slot te Liverpool vjet, është shkarkuar pas humbjes 3-0 në shtëpi ndaj Galatasaray të mërkurën në Champions League.
Ajax renditet i katërti në Eredivisie dhe ka fituar vetëm një nga shtatë ndeshjet e fundit në të gjitha garat. Drejtori teknik i Ajax, Alex Kroes, tha: “Është një vendim i dhimbshëm. Por duke parë prapa në muajt e fundit, duhet të konkludojmë se gjërat kanë dalë mjaft ndryshe nga ajo që kishim parashikuar. Kemi parë shumë pak përparim dhe kemi humbur pikë”.
“Shpresojmë të prezantojmë një trajner të ri sa më shpejt të jetë e mundur“, shtoi Kroes, pa përmendur emra. Klubi po shqyrton një rikthim për Ten Hag, i cili kaloi katër vjet e gjysmë në krye përpara se të bashkohej me Manchester Utd në verën e vitit 2022. Holandezi është pa punë pasi shkarkimit nga Bayer Leverkusen në fillim të këtij sezoni. -
“Veliaj kërkon ta çojë çështjen në Strasburg”/ Reagon ashpër juristi: Nuk rikthehet më në detyrë, sepse…
Juristi Edmond Petraj, i ftuar në një studio televizive, deklaroi me bindje të plotë se Erion Veliaj nuk do të kthehet më në detyrën e kryebashkiakut të Tiranës.
“Erion Veliaj tashmë është i shkarkuar. Këshilli Bashkiak, me një propozim të një grupi të caktuar, vendosi me unanimitet shkarkimin. Edhe pse Veliaj ka bërë ankimim për VKM-në, çështja është shumë e thjeshtë. Veliaj ka punë me nenin 62, forma se si u shkarkua Veliaj. Presidenti nuk ka të drejtë të shqyrtojë themelin, nuk merret Presidenti se si është shkarkuar. Kushtetuta thotë nëse vakanca është prej vendimit të Këshillit të Ministrava, është i detyruar të dekretojë”, deklaroi Petraj.
“Për mendimin tim, dekreti është ezauruar. Nuk rikthehet më Erion Veliaj në detyrë, sepse Këshilli Bashkiak e ka shkarkuar. Mund ta pranojnë që shkarkimi është i padrejtë, por nuk e rikthen dot në detyrë sepse nuk ka fuqi ekzekutive. VKM-ja nuk shfuqizohet dot sepse në rastin e Veliajt është akt individual dhe pjesë administrative. Veliaj kërkon ta çojë në Strasburg, se shkarkimi i tij pretendon se është politik. Erion Veliaj e di mirë që nuk ka më pjesë te Bashkia Tiranë, është shkarkuar. Në detyrë ka 0 mundësi për t’u kthyer. Mbaj përgjegjësi për këtë që po them”, shtoi juristi. -
Zbulohen prapaskenat e shkarkimit të bujshëm të trajnerit në tunelin e stadiumit/ Hyri në dhomat e zhveshjes dhe…
Vetëm 39 ditë pasi mori drejtimin e skuadrës, Ange Postecoglou është shkarkuar nga posti i trajnerit të Nottingham Forest, duke vendosur një rekord si trajneri me mandatin më të shkurtër në historinë e Premier League për një emërim të përhershëm.
Shkarkimi i australianit u bë publik vetëm 19 minuta pas humbjes 3-0 ndaj Chelseat, të shtunën në “City Ground”.
Sipas TNT Sports, Postecoglou u njoftua për largimin në tunelin e stadiumit, menjëherë pasi kishte përfunduar takimi. Ai hyri në dhomat e zhveshjes për t’u adresuar ndaj lojtarëve dhe më pas u largua nga ana tjetër e tunelit, me një çantë në dorë, drejt parkingut, ku u pa i buzëqeshur me një tifoz ndonëse sapo ishte shkarkuar.
Sipas BBC, vendimi i klubit ishte marrë dhe komunikuar me trajnerin para se ai të fliste me lojtarët. Morgan Gibbs-White, në një deklaratë për TNT Sports pak para se lajmi të bëhej publik, zbuloi se Postecoglou kishte shprehur zhgënjim për rezultatin, ndonëse kishte vërejtur përmirësime në lojë.
“Ai tha se ishim në rrugën e duhur në aspektin e stilit të lojës, por na mungonte saktësia para portës dhe pësojmë gola të lehtë,” – tha Gibbs-White.
Lojtarët besohej se kishin ende besim të plotë te trajneri për ta përmbysur situatën, por vetëm pak minuta më vonë u thirrën në një takim urgjent me drejtuesit, ku u njoftuan për shkarkimin.
Mediat britanike raportojnë se Nottingham Forest ka nisur kontakte me Roberto Mancinin, ish-trajnerin kampion të Manchester City-t dhe fitues i trefishtë i Serie A me Interin.
Evangelos Marinakis, pronari i Forest, njihet për vendime të shpejta dhe për preferencën ndaj trajnerëve të lirë. Marco Silva (Fulham) dhe Sean Dyche (ish-Everton) janë gjithashtu emra që pëlqehen nga drejtuesit.
Mancini, i cili ka qenë i lirë që pas largimit nga kombëtarja e Arabisë Saudite, mund të emërohet brenda javës dhe të jetë në stol për ndeshjen e Europa League ndaj Portos të enjten.
Me një sezon të trazuar dhe trajnerin e dytë të shkarkuar brenda pak javësh, Forest përballet me sfida serioze për të gjetur stabilitet në pankinë. -
‘Qeveria mbylli sytë’, ish-gjyqtari i Kushtetueses: Veliaj duhej shkarkuar më parë, gjykata kishte dyshimet e saj
Ish-gjyqtari dhe anëtari i Gjykatës Kushtetuese Besnik Muçi, i ftuar në një emision televiziv u shpreh se Erion Veliaj duhet të ishte shkarkuar nga detyra më herët, sapo gjykata u shpreh se ka dyshime të bazuara në prova se është i përfshirë në krim.
Muçi solli në vëmendje disa raste të tjera me të zgjedhurit vendor të cilët janë shkarkuar nga qeveria më herët.
“Procedimi penal i një të zgjedhuri vendor, marrja e një mase sigurie, do të thotë që ka dyshime të mëdha. Sidomos kur është në 3 shkallë. Sipas vendimit të Gjykatës ka dyshime që ky person është përfshirë në krim. Kur një organ i rëndësishëm thotë që ka dyshime të bazuara në prova, në vlerësimin tim kaq mjafton që këshilli i ministrave ta shkarkonte për shkelje të ligjit. Kemi rastin e Lushnjes, Dibrës, Vaut të Dejës. Ne i kemi precedentët edhe në vlerësimin politik. Për mua ku duhet të ishte qëndrimi në përputhje me standardin e ndjekur. Veliaj nuk u shkarkuar dhe u la pending. Nëse nuk ndodhi kjo ishte e qartë që në krye të tre muajve të mblidhej këshilli e ta shkarkonte. Le të ishin zgjedhjet”, tha Muçi. -
Bashkimi ynë i ka kallur frikën në palcë Edi Ramës/ Salianji: Ai ka kolapsuar sistemin
Ervin Salianji, akuzoi kryeministrin Edi Rama për kontroll total mbi institucionet dhe për krijimin e një “rrumpallhane institucionale”.“Është një rrumpallhanë që për shkak të kontrollit të të gjithë institucioneve nga Edi Rama, këtu bëjmë sikur diskutojmë se çfarë ka ndodhur,” tha Salianji, duke shtuar se kryeministri është trembur nga entuziazmi që ka ngjallur bashkimi i opozitës dhe kandidati i saj për Tiranën.Sipas tij, Rama ka manipuluar çdo hap të procesit, që nga shpallja e kandidaturave deri te vendimmarrjet institucionale. “Edi Rama shpalli kandidate pa u shkarkuar Veliaj, e shkarkoi në Asamble pa u shkarkuar në mënyrë institucionale, e më pas në Këshillin e Ministrave. Me autoritetin e tij shpalli vakancën për bashkinë, duke e vendosur presidentin përpara një fakti të kryer,” u shpreh Salianji.
Deputeti demokrat theksoi se amullia aktuale është përgjegjësi e vetme e Ramës. “Njeriu që ka krijuar këtë amulli është një njeri i vetëm – Edi Rama,” përfundoi ai.Salianji: Është një rrumpallhanë që për shkak të kontrollit të të gjithë institucioneve nga Edi Rama, këtu bëjmë sikur diskutojmë se çfarë ka ndodhur.Ka ndodhur kjo, Edi Rama është trembur nga entuziazmi që ka ngjallur bashkimi i opozitës dhe një kandidat i cili ka qenë jashtë pritshmërive të Edi Ramës për t’u përballur.Më shpjegoni pak ku e dinte Edi Rama, që dje ka thënë, pavarësisht vendimit, ju vazhdoni punën, se zgjedhje do ketë.Kjo amulli dhe ky kolaps është shkaktuar për shkak të Edi Ramës dhe duhet ta themi kështu siç është, sepse Edi Rama ka dalë në Asamblenë e Partisë dhe ka thënë që kandidatja do të jetë kjo. Kandidati ka dalë pa u shkarkuar Erion Veliaj.Partia Socialiste dhe Edi Rama kanë kolapsuar sistemin.Edi Rama shpalli kandidate pa u shkarkuar Veliaj, e shkarkoi në Asamble pa u shkarkuar në mënyrë institucionale, pasi e shkarkoi në Këshill Bashkiak, e shkarkoi me vendim të Këshillit të Ministrave, pasi e shkarkoi me vendim të Këshillit të Ministrave vetë Edi Rama, nëpërmjet Sekretariatit të Përgjithshëm, po vetë me autoritetin që ka kryeministri shpalli vakancën për bashkinë.Dhe ka vendosur edhe presidentin që këtu kontrollon të gjitha institucionet ai, përpara kushteve, ku për shkak të shpalljes së vakancës, duhet të caktojë datë zgjedhjesh.Padyshim që po të ishte një president sikurse ishte Meta, do t’i kishte qëndruar. Ne po themi që njeriu që ka krijuar këtë amulli është një njeri i vetëm, Edi Rama. -
GJK pezulloi dekretin për zgjedhjet në Tiranë/ Berisha: Fitore për Veliajn, Begaj duhet shkarkuar
Në një komunikim me gazetarët, kreu i PD, Sali Berisha tha se Bajram Begaj duhet shkarkuar, pasi Kushtetueshja vendosi pezullim të dekretit për zgjedhjet në Tiranë.
“Ku ka integritet për dorëheqje ai, ai duhet shkarkuar. Për Tiranën do punojmë çdo ditë, por natyrisht do ripaketojmë vendimin e Gjykatës kushtetuese”, tha Berisha.
I pyetur se e kujt është kjo fitore, Berisha tha se padyshim e Veliajt dhe ekipit të tij.
“Kjo nuk është një fitore për PD, është fitore për çdo shqiptar, për të gjithë ata që besojnë se kushtetuta duhet respektuar si garanci për të drejtat e tyre. Në kushtetuese e kanë dërguar avokatët e Veliajt, në këtë kontekst është specifikisht e mbrojtësve dhe vetë Erion Veliajt”, tha Berisha.
-
Sali Berisha: Rusmalin e kam shkarkuar si ministër për korrupsion! Edi Rama është mashtrues ordiner
Kryetari i PD, Sali Berisha nuk ngurroi të sqaronte edhe njëherë shkarkimin nga detyra të Ilir Rusmalit si Ministër i Drejtësisë, në kohën kur drejtonte qeverinë. Duke folur në konferencën me gazetarët dje, Berisha tha se Edi Rama është një mashtrues ordiner, që përmes një akti të pashembullt, shkelmoi Kushtetutën dhe ligjet, vetëm për të varrosur politikisht Erion Veliajn. Por si kryetar organizate kriminale që nuk përfill ligj dhe as Kushtetutë, Berisha tha se Rama u përpoq t’ia atribuonte këtë ish-bashkëpunëtorit të tij, Ilir Rusmali, për të cilin tha se e ka shkarkuar për korrupsion, pasi tentoi të favorizonte të vëllanë në tender. “Kurse ai tjetri citon një ish-bashkëpunëtor timin, dhe unë ua them ju këtu, Edi Rama është një mashtrues ordiner, vulgar.
Ilir Rusmali është shkarkuar nga Sali Berisha për korrupsion’, u shpreh kryedemokrati. “Ata janë juristë, besnikë të ligjit dhe të Kushtetutës. Pse, në narkoshtetin shqiptar ka kryeministër, kryetar organizate kriminale që nuk përfill ligj dhe as Kushtetutë, siç është Edi Rama, që në një akt të pashembullt, shkelmoi Kushtetutën dhe ligjet vetëm e vetëm për të varrosur përfundimisht politikisht Erion Veliajn. Ka një njeri hipokrit për të mos i thënë edhe më shumë, por unë nuk dua të prish gojën time, i cili bëri një skenar që unë ua nxora këtu para jush para se të shpalosej, siç jeni dëshmitarë. Unë u thashë se po përdorin këtë platformë antikushtetuese, thellësisht antikushtetuese, dhe njëherë për çdo njeri që i thotë shtetit, shtet, dhe Kushtetutës, Kushtetutë, neni 115 i Kushtetutës nuk lë asnjë lloj hapësire. Por kur ka një kryeministër që edhe atje në birucë ku është e ka frikë Erion Veliajn, ka tmerr nga Erion Veliaj, dhe i lejon vetes të bëjë gjithçka, të shkelë çdo lloj ligji për ta larguar në kundërshtim me… Më falni, po sa muaj ndenji kryetari i bashkisë së Tropojës në arrest shtëpie? Mbi 10 muaj.
Mos mendoni se po qaj hallin e Erion Veliajt, ne kemi votuar, e kemi kërkuar të parët, votuam dhe do votojmë për groposjen e tij politike. Por ne nuk jemi kurrë dakord për dhunimin e Kushtetutës dhe ligjeve. Se Shqipëria ka një president të marrë peng nga aferat korruptive që ka me kryeministrin, me gjirin e Limianit dhe me prona të tjera të ushtrisë, që ka shkelur ligje dhe Kushtetutë duke firmosur, kjo nuk do të thotë që ne do të pajtohemi. A e dëgjuat ju? Njëri thoshte, më tha stafi. Lexoni pak në qoftë se gjeni në historinë e botës një president që të fshihet për dekretin antikushtetues pas stafit. Stafi në qoftë se të thotë një akt antikushtetues, pushohet në vend nga puna. Po stafi, edhe po ta tha, nuk ta imponon dot. Ky e ka kuptuar krimin që ka kryer dhe thotë më ka shtyrë stafi. Kurse ai tjetri citon një ish-bashkëpunëtor timin, dhe unë ua them ju këtu, Edi Rama është një mashtrues ordiner, vulgar. Ilir Rusmali është shkarkuar nga Sali Berisha për korrupsion.
Ngjarja ka qenë, drejtori i përgjithshëm i burgjeve, Dashamir Maçi, kishte hapur një tender. I vëllai i ministrit i shkon drejtorit dhe i kërkon tenderin. Nuk ishin standardet e Edi Ramës, as të Lubisë, ishin standardet e Sali Berishës. Ai thotë, ik tani dhe mos u duk këtu se nuk ke punë ti, je vëllai i ministrit, nuk mund të vish këtu për tenderin. I vëllai i ministrit e kërcënon drejtorin e përgjithshëm se do pësosh këtë dhe atë. Mençurisht ai e regjistron. Mençurisht Dashamir Maçi e regjistroi kërcënimin dhe e solli në zyrë tek unë. Ilir Rusmali, në vend që të kritikonte vëllain dhe të mbante qëndrim ndaj vëllait, në kundërshtim me Kushtetutën dhe ligjin, shkarkon drejtorin e përgjithshëm të burgjeve, në një kohë kur nuk ishte nomenklaturë e tij, ishte e kryeministrit ose e këshillit të ministrave. Ministria kishte vetëm propozimin. I them, se më duhej të nisesha jashtë, sapo të kthehem do e trajtoj. Vij unë këtu, ky kishte bërë shkarkimin.
Në qoftë se ishte për të qëndruar ndaj korrupsionit, ministri duhej të lavdëronte drejtorin për qëndrimin që mbajti ndaj vëllait të tij, që i tha jo nuk ke punë ti këtu me tenderin. Por ministri mbajti anën e vëllait, çka do të thotë se mund të kishte interesa, dhe shkarkoi drejtorin. Dhe unë shkarkova ministrin. Absolutisht. I thashë, me këtë që ke bërë, duhet të largohesh. Do bëhej largimi, shkoi në zyrë dhe solli një shkresë dorëheqje dhe kjo është gjithë puna. Por historia është kjo. Po ta lëmë këtë histori. Ky, personi që i referohet Edi Rama, e di si është ky? Ky është këshilltar i presidentit, të cilin ligji nuk e lejon të kryejë asnjë detyrë tjetër, shkon dhe merr detyrën e kryetarit të KAS-it, një pagesë tjetër si shërbëtor i Edi Ramës. Ja, ky është juristi, ky është stafi. Po këta janë njëlloj të gjithë. Prandaj gjejnë njëri-tjetrin. Ata duhet të respektojnë Kushtetutën, sepse avoketërit e Erion Veliajt, me sa di unë, dekretin e Bajram Begajt e kanë çuar në Gjykatë Kushtetuese përsëri. Është një e drejtë e tyre. Dhe sigurisht çdo jurist nuk mund të bëhen as Rusmalë, as Bajram, as Edi Ramë, duhet t’i qëndrojnë ligjit. Ligji kërkon që të pritet vendimi i gjykatës. Kjo është e gjitha”, deklaroi dje Berisha. -
Zhvatën mijëra shqiptarët dhe i çuan drejt vdekjes, mashtruesit e mikrokredive me nga 2 avokatë në SPAK! Mbrohen nga gjyqtarë dhe prokurorë që vettingu i shkarkoi si të korruptuar (EMRAT)
Maksiprocesi i mashtrimit të mijëra shqiptarëve nga e ashtuquajtur banda e mikrokredive, ka vijuar edhe këtë të premte, datë 3 Tetor, në seancën e dytë paraprake. Gjyqtarja e posaçme Flojera Davidhi ka dëgjuar palët, ndërsa prokurori i SPAK, Ervin Kondili ka mbrojtur interesin e viktimave që përgjatë viteve janë zhvatur nga kompanitë mashtruese të mikrokredive.Reklama në FieriWeb – “Oazi i Pishave”
Në bankën e të akuzuarëve dolën 15 personat e marrë të pandehur nga organi i akuzës dhe 31 persona që kanë rënë pre e mashtrimit, pavarësisht se në realitet numërat janë më mijëra. Reklama në FieriWeb – “KETU MUND TE JETË REKLAMA JUAJ”
Newsbomb.al raporton për një fakt të padëgjuar më parë në analet e gjyqësorit shqiptar, se 15 të pandehurit e këtij procesi kanë 22 avokatë mbrojtës, ku 90% e tyre janë gjyqtarë dhe prokurorë të shkarkuar nga vettingu.Reklama në FieriWeb – “PASTIÇERI “RUSTEMAJ”
Reklama në FieriWeb – “BREGU CLIMA”
Emra të njohur e të spikatur të gjyqësorit dhe të akuzës shqiptare ndër vite, të konvertuar në avokatë, janë vendosur si “mur” mbrojtës, për “bandën” e mikrokredive që shkaktoi mijëra viktima social-ekonomike por edhe viktima në jetë njerëzore, për dhjetëvjeçarin e fundit.Reklama në FieriWeb – “COVIM CAFFE”
Të akuzuarit nga SPAK dhe avokatët e tyre:
1- Elda Ibro pronare e MCA mbrohet nga av. Ardian Kalija, ish-gjyqtar në Gjykatën e Rrethit Gjyqësor Tiranë (i shkarkuar) dhe av. Shpëtim Kurti, ish-prokuror në Prokurorinë pranë Gjykatës së Rrethit Gjyqësor Tiranë (i shkarkuar).
Elda Ibro dhe dy avokatet e saj, ish-prokurore
2- Arben Meskuti pronar i ZIG dhe Final mbrohet nga av. Besnik Muçi, ish-prokuror në Prokurorinë pranë Gjykatës së Shkallës së Parë për Krime të Rënda Tiranë (i shkarkuar) dhe av. Adam Jahja.
Meskuti dhe nje nga dy avokatet e tij, ish-prokurori Besnik Muçi
3- Alban Kote i ZIG, ADCA mbrohet nga avokatët Ilir Murati, ish-OPGJ, Prokuroria Tiranë (i shkarkuar) dhe av. Geri Murati (i biri).
4- Aldo Daka i STAR, FS mbrohet nga kryetari i Dhomës së Avokatëve, av. Maks Haxhia dhe ndihmësi i tij, av. Dritan Jahaj.
5- Albert Gega i ZIG, STAR mbrohet nga av. Zhylien Ristani.
6- Andis Gjoka, administrator i MCA, mbrohet nga av. Përparim Kulluri, ish-prokuror në Prokurorinë pranë Gjykatës për Krime të Rënda Tiranë (i shkarkuar).
Andis Gjoka dhe avokati i tij ish-prokuror
7- Vasil Bakallbashi, administrator i Final, mbrohet nga av. Ervin Metalla, ish-gjyqtar pranë Gjykatës së Apelit Tiranë (i shkarkuar) dhe av. Lauren Sheshi, bashkëshort i Blerona Hasës, aktualisht gjyqtare pranë Gjykatës Administrative të Apelit Tiranë.
8- Yljana Sejfo, eksperte e pasurive të paluajtshme, mbrohet nga av. Adriatik Çama, ish-prokuror pranë Prokurorisë së Rrethit Gjyqësor Tiranë (i shkarkuar), dhe av. Ardian Visha, ish-prokuror pranë Gjykatës së Lartë deri në vitin 2008.
Sejfo dhe dy avokatet e saj
9- Indrit Çuberi, i ADCA, mbrohet me av. Gridi Shehu.
10- Rigels Bejko, përmbarues privat, mbrohet me av. Andri Ymeri, ish-gjyqtar pranë Gjykatës së Rrethit Gjyqësor Shkodër (i shkarkuar).
11- Altin Vako, përmbarues privat, mbrohet nga av. Gerti Ymeri (vëlla i Andi Ymerit).
12- Helidon Xhindi, ish-përmbarues, mbrohet me av. Ardian Braho, ish-prokuror në Prokurorinë pranë Gjykatës së Rrethit Gjyqësor Tiranë (i shkarkuar) dhe av. Liljana Gjomema, ish-prokurore (në pension), Prokuroria e Tiranës.
13- Lefter Canaj, ish-përmbarues, mbrohet me av. Ardian Braho.
14- Fatos Alimadhi me avokat Atmir Mane.
15- Roland Deda, ish-përmbarues, mbrohet me av. Julian Bajrami.
16- Endri Myftari mbrohet me av. Orgesa Serani.
E drejta e marrjes dhe mbrojtjes me avokat në gjithë procesin penal njihet nga Kushtetuta e Shqipërisë dhe është e patjetërsueshme që pas viteve ’90. Kjo, me qëllim dhe funksion të një procesi sa më të drejtë, dhe për t’i dhënë siguri të pandehurit, që del para prokurorit akuzues apo gjykatës që vendos kur dëgjon të dyja palët.
Në këtë pikë, askush nuk do guxonte të shihte me dyshim që, mashtruesit e mijëra njerëzve, kanë marrë për t’u mbrojtur jo një por dy avokatë.
Në pikëpyetje mund të vihet forca financiare e të pandehurve që kanë mundësi të marrin kaq shumë avokatë, përballë pafuqisë së mijëra viktimave të tyre që nuk mundën të mbroheshin nga padrejtësitë “me avokat” nëpër gjykata, kur u mashtruan masivisht.
Maksiprocesi i sotëm, edhe pse në seancë paraprake të tij, duket se ka përmbysur fuqinë ligjore që ka SPAK dhe GJKKO, para një “ushtrie” me avokatë, që praktikisht kanë qenë pjesë e sistemit të drejtësisë deri pak muaj apo vite më parë. Vetëm një prokuror i SPAK dhe një gjyqtare e GJKKO, u gjendën në sallën e gjyqit, për t’u përballur me 22 avokatë, shumica ish-kolegë të tyre, dhe 15 të pandehur që ata mbronin, për të dhënë drejtësinë që pret një opinion i tërë publik.
Prokurorët dhe gjyqtarët e shkarkuar nga vetting, në pjesën më të madhe të tyre janë sot avokatë të të njëjtave salla gjykimi, por me një ndryshim: ndërsa prokurorët e SPAK dhe gjyqtarët e GJKKO i paguan Reforma në Drejtësi, avokatët e shkarkuar prej saj janë në borderotë e pjesës më të “inkriminuar” të shoqërisë.