Lajmidites.com

Tag: shkambi

  • “Vetë e kërkove”/ U plagosën në sallën e gjyqit, zbardhet dëshmia e babë e bir: Na drejtoi armën, por s’kishte më plumba

    “Vetë e kërkove”/ U plagosën në sallën e gjyqit, zbardhet dëshmia e babë e bir: Na drejtoi armën, por s’kishte më plumba

    autori Elvis Shkambi-vitkima astrit kalaja

    TIRANË- Rakip dhe Ervis Kurtaj (babë e bir), të cilët u plagosën brenda sallës së gjyqit, ku u qëllua për vdekje gjyqtari Astrit Kalaja, kanë lënë Spitalin e Traumës një ditë pas ngjarjes së rëndë të regjistruar pranë gjykatës. Mësohet se të plagosurit, babë e bir, janë në gjendje të qëndrueshme dhe jashtë rrezikut për jetën.
    Ndërkohë, burime për mediat bëjnë me dije se Rakip dhe Ervis Kurtaj kanë dëshmuar përpara oficerëve të policisë gjyqësore në lidhje me ngjarjen, teksa kanë rrëfyer momentet e panikut që kanë përfshirë të pranishmit në sallë. Sipas dëshmisë së tyre, ngjarja ka ndodhur brenda pak sekondash. Ashtu sikurse u raportua edhe më herët, dëshmitarët kanë pohuar se pasi gjyqtari Kalaja lexoi vendimin që ishte kundër familjes Shkambi u duk se ishin të dy të pakënaqur. Më pas, në momentin që gjytari do dilte nga dhoma drejt koridorit, 30-vjeçari Elvis Shkambi nxori armën posht xhakete e mbushi me plumbat që kishte në xhep dhe qëlloi 3-4 herë drejt gjykatësit.
    Mësohet se gjyqtari Kalaja është përpjekur të mbrohet por ka qenë e pamundur për shkak të ambientit të vogël. Bëhet fjalë për një nga sallat më të vogla të apelit, salla numër 3, ku autori ka qenë vetëm 5 hapa larg gjyqtarit. Pasi e ka qëlluar, autori i ka shkuar afër dhe i ka thënë “vetë e kërkove”, ndërsa më tej i është drejtuar edhe të pranishmëve në sallë dhe sekretares, por nuk ka pasur më plumba në pistoletë. 
    “Ndonse Kalaja u përpoq të mbrohej ishte e pamundur edhe për shkak të ambinetit të vogël por edhe se Elvisi i shkoi shumë afër dhe e qëlloi duke thënë “vet e kërkove”.  Më tej ai na u drejtua edhe ne por nuk kishte më plumba, pastaj doli i qetë dhe mesa pamë edhe atë zonjën që mbante shënim (sekretaren) iu drejtua po shyqyr arma s’kishte më plumba. Ne u përpoqëm të ndihmonin gjyqtarin por ai nuk përmendej. Për punë minutash erdhi policia dhe ambulanca na mori. Kur dolëm jashtë ishte plot me polica që e morën dhe armën ja kishte lënë një punonjësi aty te dera e pam kur dolëm, ishte një armë shumëne vogël. Na erdhi shumë keq për gjyqtarin, po kjo punë edhe pritej ata kanë vite që na kërcënojnë dhe ishin thuajse të bindur që do na nxirnin nga banesat tona. Do ju hedhim në rrugë na thoshin sa herë takoheshim qoftë dhe kur na binte rruga rastësisht. Na janë kthyer në tmerr”, mësohet të kenë dëshmuar dy të plagosurit babë e bir, Rakip dhe Ervis Kurtaj. 

    Si ndodhi ngjarja?
    Gjyqtari Astrit Kalaja humbi jetën ditën e djeshme, 6 tetor, gjatë një seanca gjyqësore. Ai po shyrtonte një çështje që kishte të bënte me një rast pronësie në qarkun e Shkodrës. Autori, Elvis Shkambi, ka pretenduar se ka qenë palë e dëmtuar në çështjen e pronësisë. Momenti fatal i të shtënave është regjistruar sapo gjyqtari Astrit Kalaja është çuar për të dhënë vendimin. Në atë moment, Shkambi ka nxjerrë pistoletën dhe e ka qëlluar gjyqtarin me 3 plumba në gjoks. Gjyqtari Astrit Kalaja nuk arriti t’i mbijetonte 3 plumbave në gjoks dhe humbi jetën rrugës për në spital. Ndërkohë, si pasojë e plumbave kanë mbetur të plagosur edhe 2 persona të tjerë (babë e bir) Rakip dhe Ervis Kurtaj, të cilët aktualisht ndodhen në spital. Në pranga kanë rënë autori, xhaxhai i tij Gjon Shkambi dhe roja e sigurisë, Banush Koxhaj, që e lejoi hyrjen e armatosur të autorit në ambientet e gjykatës, ku ndodhi krimi./ZËRI

  • Elvis Shkambi pret policinë me duar në xhepa: Hajdeni se unë e vr@va

    Elvis Shkambi pret policinë me duar në xhepa: Hajdeni se unë e vr@va

    Pamje tronditëse kanë dalë nga vrasja e ndodhur ditën e djeshme brenda gjykatës së Apelit në Tiranë, ku u vra në krye të detyrës gjyqtari Astrit Kalaja.
    Elvis Shkambi, pasi vrau gjyqtarin doli në ambientet e jashtme të gjykatës, po qëndronte me duar në xhepa dhe gjakftohtë.

    Pasi forcat e rendit mbërritën në vendin e ngjarjes, ai u thërret vetë policëve dhe u thotë se vrasjen e kreu ai.

    Menjëherë pas kësaj, forca të shumta policie e arrestojnë atë dhe xhaxhanë e tij.

  • FOTOLAJM / Pasi vrau gjyqtarin, Elvis Shkambi po e priste Policinë me duar në xhepa

    FOTOLAJM / Pasi vrau gjyqtarin, Elvis Shkambi po e priste Policinë me duar në xhepa

    A2CNN ka siguruar fotot menjëherë pas momentit të vrasjes së gjyqtarit Astrit Kalaja. Autori Elvis Shkambi shihet duke qëndruar në oborrin e gjykatës i qetë dhe me duar në xhepa, duke pritur ardhjen e policisë.
    Ai i ka thënë vetë efektivëve që është ai autori i vrasjes.
    Policia ka arrestuar edhe Gjon Shkambin, xhaxhain e autorit që vrau gjyqtarin Astrit Kalaja. Xhaxhai akuzohet për vrasje në bashkëpunim.
    Gjithashtu, në pranga ka rënë edhe roja i sigurisë së Gjykatës së Apelit, i cili akuzohet për shpërdorim detyre.

  • DETAJET – Policia zbardh dinamikën e ngjarjes së rëndë në Gjykatën e Apelit, arrestohen 3 persona…

    DETAJET – Policia zbardh dinamikën e ngjarjes së rëndë në Gjykatën e Apelit, arrestohen 3 persona…

    Drejtoria Vendore e Policisë Tiranë
    Përmbyllen veprimet hetimore lidhur me ngjarjen e ndodhur më datë 06.10.2025, ku rreth orës 15:35, u vra me armë zjarri gjyqtari Astrit Kalaja, nga shtetasi Elvis Shkambi, brenda ambienteve të Gjykatës së Apelit, Tiranë, zbardhet i plotë mekanizmi i vrasjes.
    Së bashku me autorin e vënë menjëherë në pranga pas ngjarjes, arrestohen edhe shtetasit Gjon Shkambi dhe Banush Koxhaj.
    Më datë 06.10.2025, rreth orës 15:38, është marrë njoftim në sallën operative të Drejtorisë Vendore të Policisë Tiranë se në ambientet e brendshme të Gjykatës së Apelit të Juridiksionit të Përgjithshëm Tiranë është qëlluar me armë zjarri gjyqtari Astrit Kalaja, i cili po zhvillonte seancë gjyqësore me objekt “Kundërshtimin e veprimeve përmbarimore”, me palë paditëse shtetasin Rakip Kurtaj, i shoqëruar nga djali i tij Ervis Kurtaj, si dhe palë të paditur përmbaruesi gjyqësor T. M., Zyra Përmbarimore Shkodër, dhe palë të treta shtetasin Gjon Shkambi, i shoqëruar nga nipi i tij Elvis Shkambi.
    Menjëherë pas marrjes së njoftimit, shërbime të shumta policie kanë mbërritur në vendngjarje duke marrë masa për shoqërimin e autorit si dhe të gjithë shtetasve të dyshuar ose që kishin dijeni për ngjarjen.
    Njëkohësisht, grupi hetimor i përbërë nga oficerë të Policisë Gjyqësore dhe ekspertë kriminalistë, nën drejtimin e Prokurorisë, kanë vijuar me veprimet hetimore si këqyrja e vendit të ngjarjes, administrimi dhe këqyrja paraprake e pamjeve filmike, marrja e deklarimeve nga dëshmitarët duke bërë të mundur zbardhjen dhe dokumentimin e plotë të dinamikës së kësaj ngjarjeje, si më poshtë:
    Në orën 13:42, në ambientet e sallës së pritjes për publikun të Gjykatës janë futur dhe kanë kaluar nga pajisja skaner (detektor), njëri pas tjetrit, shtetasit Elvis Shkambi dhe Gjon Shkambi. Në ekranin e detektorit është sinjalizuar prezenca e metaleve duke ndezur dritat e kuqe, por shtetasi Banush Koxhaj, me detyrë punonjës sigurie pranë Gjykatës së Apelit Tiranë, ka qëndruar i ulur në karrige dhe nuk ka kryer asnjë veprim për kontrollin fizik të këtyre shtetasve apo regjistrimin e tyre në librin e protokollit, ku duhet të evidentohen të gjithë personat që hyjnë dhe dalin nga ambientet e Gjykatës.
    Të dy këta shtetas, Elvis Shkambi dhe Gjon Shkambi, qëndrojnë në hollin e pritjes së Gjykatës deri rreth orës 15:29, dhe më pas futen në ambientet e sallës së zhvillimit të seancës gjyqësore (salla nr. 3). Në orën 15:35, palët ngrihen në këmbë dhe, menjëherë pasi gjyqtari Astrit Kalaja. shpall vendimin, shtetasi Elvis Shkambi, që ndodhej në sallë, nxjerr nga brezi një armë zjarri pistoletë dhe qëllon disa herë në drejtim të gjyqtarit Astrit Kalaja, i cili, si pasojë e dëmtimeve të marra dhe pas ndihmës së parë mjekësore, ka ndërruar jetë gjatë transportit për në spital.
    Njëkohësisht, pas këtij veprimi, shtetasi Elvis Shkambi i drejton pistoletën dhe qëllon një herë në drejtim të shtetasve Ragip Kurtaj dhe Ervis Kurtaj, duke i plagosur të dy, të cilët aktualisht ndodhen në spital jashtë rrezikut për jetën.
    Gjithashtu, nga hetimet ka rezultuar se shtetasi Gjon Shkambi nuk ndërmerr asnjë veprim për të ndërprerë veprimet kriminale të nipit të tij, çka krijon dyshimin e arsyeshëm se ai ka qenë në dijeni të planit për ekzekutimin e gjyqtarit të çështjes, në rolin e shtytësit dhe/ose ndihmësit.
    Pas ngjarjes, shtetasi Elvis Shkambi ka dalë nga salla dhe i ka dorëzuar armën shtetasit B. P., me detyrë nëpunës gjyqësor, për mbikëqyrjen dhe mbarëvajtjen e proceseve gjyqësore, në një tjetër sallë. Autori Elvis Shkambi, pas daljes në oborr, është neutralizuar dhe prangosur menjëherë nga punonjësit e Policisë.
    Në përfundim të të gjitha veprimeve proceduriale, u bë arrestimi në flagrancë sipas veprave penale si më poshtë:
    • Elvis Shkambi, 30 vjeç, si i dyshuar për veprat penale të “Vrasja e funksionarëve publikë” e kryer në bashkëpunim, “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”;• Gjon Shkambi, 56 vjeç, si i dyshuar për veprat penale të “Vrasja e funksionarëve publikë” e kryer në bashkëpunim dhe “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim;• Banush Koxhaj, 63 vjeç, si i dyshuar për veprën penale të “Shpërdorimit të detyrës”;Në cilësinë e provës materiale u sekuestruan një armë zjarri pistoletë me tre fishekë, e përdorur nga autori, si dhe prova të tjera materiale të gjetura gjatë këqyrjes së vendit të ngjarjes, që i shërbejnë dokumentimit të kësaj ngjarjeje.Materialet iu referuan Prokurorisë për veprime të mëtejshme.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Vrasje me paramendim? Dëshmia e Elvis Shkambit: Më kishte ardhur në majë të hundës, por mendja m’u mbush në sallë

    Vrasje me paramendim? Dëshmia e Elvis Shkambit: Më kishte ardhur në majë të hundës, por mendja m’u mbush në sallë

    Elvis dhe Gjon Shkambi dhe gjyqtari astrit kalaja

    TIRANË- Elvis Shkambi, autori i vrasjes së gjyqtarit të apelit Astrit Kalaja, në dëshminë e tij paraprake pas ngjarjes është shprehur se krimin nuk e ka pasur me paramendim, pavarësisht se kishte hyrë i pajisur me armë në sallën e gjyqit. Shkambi është shprehur se vendimin për ta vrarë e ka marrë në momentin kur gjyqtari është shprehur në favor të palës tjetër.
    “Më kishte ardhur në majë të hundës me gjyqet. Dëgjova që mori vendimin në favor të palës tjetër. Unë nuk e kam menduar përpara vrasjen por aty m’u mbush mendja për ta vrarë kur dha vendim kundër nesh”, ka thënë 30-vjeçari.
    Gjyqtari Astrit Kalaja humbi jetën ditën e djeshme, 6 tetor, gjatë një seancae gjyqësore. Ai po shyrtonte një çështje që kishte të bënte me një rast pronësie në qarkun e Shkodrës. Dyshohet se autori tashmë i identifikuar, Elvis Shkambi, ka pretenduar se ka qenë palë e dëmtuar në çështjen e pronësisë. Momenti fatal i të shtënave është regjistruar sapo gjyqtari Astrit Kalaja është çuar për të dhënë vendimin. Në atë moment, Shkambi ka nxjerrë pistoletën dhe e ka qëlluar gjyqtarin me 3 plumba në gjoks. 
    Gjyqtari Astrit Kalaja nuk arriti t’i mbijetonte 3 plumbave në gjoks dhe humbi jetën rrugës për në spital. Ndërkohë, si pasojë e plumbave kanë mbetur të plagosur edhe 2 persona të tjerë (babë e bir) Rakip dhe Ervis Kurtaj, të cilët janë jashtë rrezikut për jetën.
    Elvis Shkambi është autori i ngjarjes, i cili u arrestua menjëherë pas krimit, ndërsa në pranga ka rënë edhe xhaxhai i tij, Gjon Shkambi. Gjithashtu në pranga ka rënë edhe një punonjës sigurie i Gjykatës së Apelit Tiranë, i cili lejuar hyrjen e armatosur të autorit në ambientet e gjykatës, ku ndodhi krimi. Gjykata e Apelit ka marrë një vendim drastik pas vrasjes në sallën e gjyqit të magjistratit Astrit Kalaja. Ditën e sotme do të pezullohen të gjitha gjyqet në Gjykatën e Apelit, dhe asnjë qytetar nuk do të jetë i pranishëm në ambientet e këtij institucioni. /ZËRI
     

  • Kalaja u përpoq të mbrohej nga plumbat, sekretarja e seancës: Shkambi ma drejtoi pistoletën mua, por…

    Kalaja u përpoq të mbrohej nga plumbat, sekretarja e seancës: Shkambi ma drejtoi pistoletën mua, por…

    Shqipëria u trondit më 6 tetor nga një ngjarje e rëndë dhe e paprecedentë në sistemin e drejtësisë, ku gjyqtari Astrit Kalaja u vra me armë zjarri brenda sallës së gjyqit në Gjykatën e Apelit. Ngjarja e rëndë ndodhi gjatë shpalljes së një vendimi gjyqësor.
    Autori i dyshuar i vrasjes është 30-vjeçari Elvis Shkambi. Sipas raportimeve nga “Vizion Plus”, autori mbushi armën sapo gjyqtari dha vendimin dhe qëlloi fillimisht me një plumb në drejtim të tij. Gjyqtari Kalaja tentoi të largohej dhe të mbrohej, por Shkambi e qëlloi edhe dy herë të tjera, duke e plagosur për vdekje në kraharor dhe në bark.
    Më pas ka plagosur babë e bir me të cilët ishte në konflikt në lidhje me pronën.
    Sipas dëshmisë së sekretares së gjykatës, autori ka drejtuar armën edhe në drejtim të sekretares, por nuk e ka shkrepur.
    Policia ka arrestuar edhe Gjon Shkambin, xhaxhain e autorit që vrau gjyqtarin Astrit Kalaja. Xhaxhai akuzohet për vrasje në bashkëpunim.
    Gjithashtu, në pranga ka rënë edhe roja i sigurisë së Gjykatës së Apelit, i cili akuzohet për shpërdorim detyre.

  • Tronditet Tirana, vritet gjyqtari Astrit Kalaja, plumbat kapin edhe babë e bir, dështojnë tërësisht masat e sigurisë…

    Tronditet Tirana, vritet gjyqtari Astrit Kalaja, plumbat kapin edhe babë e bir, dështojnë tërësisht masat e sigurisë…

    Tirana u trondit pasditen e djeshme nga vrasja e një gjyqtari brenda sallës së gjyqit në Apelin e Tiranës. Gjyqtari Astrit Kalaja, me një karrierë 32-vjeçare në sistemin e drejtësisë, ishte në krye të detyrës, duke shqyrtuar një çështje pronash, kur një nga personat palë në proces ka qëlluar me armë në drejtim të tij dhe dy personave të tjerë që ishin në gjyq. Fatkeqësisht, gjyqtari Kalaja nuk i ka mbijetuar dot plagëve dhe ka humbur jetën brenda në sallën e gjyqit. Të plagosur kanë mbetur babë e bir, Rakip dhe Ervis Kurtaj. Njëri prej tyre, i është nënshtruar një operacioni, por ndodhen jashtë rrezikut për jetën. Forca të shumta policie mbërritën në vendin e ngjarjes dhe arrestuan autorin e dyshuar Elvis Shkambi, 30 vjeç, duke i sekuestruar edhe armën e krimit “Rreth orës 15:40, në ambientet e Gjykatës së Apelit të Juridiksionit të Përgjithshëm Tiranë, gjatë një procesi gjyqësor, dyshohet se shtetasi E. Sh., 30 vjeç (palë në proces) ka qëlluar me armë zjarri drejt gjyqtarit, shtetasit A. K., dhe shtetasve R. K., 65 vjeç dhe E. K., 45 vjeç, atë e bir (pala tjetër në proces).   Si pasojë ka humbur jetën shtetasi A. K. dhe janë plagosur shtetasit R. K. dhe E. K, të cilët janë jashtë rrezikut për jetën”, informoi Policia e Tiranës.
    Dinamika e ngjarjes
    Gjyqi për çështjen e pronave nisi rreth orës 14:00 të mesditës së djeshme. Seanca në Apelin e Tiranës zgjati për rreth 1 orë e gjysmë, ndërsa rreth orës 15:40, gjyqtari shpalli vendimin. Gjon Shkambi, xhaxhai i autorit, humbi gjyqin, pasi gjyqtari Kalaja vendosi në favor të palës tjetër. Autori i cili ka qenë me armë me vete në sallën e gjyqit, duket qartë se e kishte një plan të mirëmenduar, dhe sapo është shpallur vendimi ka qëlluar më armë në drejtim të tij dhe dy personave të tjerë. Ky i fundit menjëherë armën ia ka dhënë rojës së sigurisë së gjykatës. Pas kësaj, autori ka dalë te dera e gjykatës ku i ka thënë patrullës së policisë që “unë jam autori”. 3 plumba e kapën gjyqtarin, 2 në kraharor dhe 1 në bark.
    Dështim i masave të sigurisë
    31-vjeçari Shkambi ka pranuar tashmë autorësinë e krimit, ndërsa mbetet e paqartë se si arriti që të futej brenda në sallë i armatosur, duke ngritur kështu alarmin për një dështim të masave të sigurisë në një prej institucioneve më të rëndësishme të drejtësisë. Gjykata e Apelit të Juridiksionit të Përgjithshëm ruhet nga polici private dhe jo nga Policia e Shtetit. Dyshohet se nuk kanë funksionuar detektorët metalikë, duke mos kapur armën, që tashmë është sekuestruar nga policia. Para një viti në një nga proceset gjyqësore, pala humbëse kërcënoi me jetë trupën e gjykatësve. Çështja i kaloi organeve të drejtësisë dhe policia premtoi forcim të masave të sigurisë, por pa bërë asgjë konkrete.
    Sherri për pronën, motiv i vrasjes
    Në vitin 1992, 31 familje në lagjen Skënderbeg në Shkodër, me vendim të Bashkisë së Shkodrës, u vendosën në godinën e ish-shkollës së Rezervave të Ndërtimit. Banorët pretendojnë se prona është ende shtetërore, ndërsa Gjon Shkambi, xhaxhai i autorit të vrasjes së gjyqtarit, pretendonte se ishte pronar i godinës. Banorët e akuzuan në atë kohë se ka dokumente false. Çështja është zvarritur në dyert e institucioneve dhe të drejtësisë. Përballjen me këto familje, Gjon Shkambi e ka fituar edhe në Gjykatën e Shkodrës, ndërsa në vitin 2024 e fitoi çështjen edhe në Apel. Çështja tani ishte në Apelin e Tiranës, i vetmi në gjithë territorin e Shqipërisë. Ajo u ridërgua sërish në Apel nga familjet që kundërshtonin të lironin godinën. Kurtaj bashkë me 12 familje të tjera kishin paditur Zyrën e Përmbarimit të Shkodrës, dhe Gjon Shkambi, i cili pretendon edhe pronësinë e godinës ishte palë në këtë çështje.
    31 familjet që fituan çështjen fajësojnë shtetin
    Gjithashtu familjet banuese në ish-Shkollën e Rezervave të Shkodrës kanë reaguar dje për mediat pas ngjarjes tronditëse. Aktualisht banues në atë godinë, janë 31 familje të zhvendosura me banim aty që prej vitit 1993 me vendim të Bashkisë së Shkodrës. Banorët e zonës tregojnë se kjo pronë ka qenë e shtetit dhe ish-kryebashkiaku Lorenc Luka ia ka kaluar në pronësi Gjon Shkambit pa një vendim të firmosur nga Këshilli i Ministrave në vitin 2012. Ndër të tjera ata tregojnë se janë kërcënuar vitin e kaluar nga Gjon Shkambi, i cili u ka shkuar banorëve i armatosur për t’i nxjerrë jashtë nga godina. “Ne na ka strehuar bashkia në ’93. Kemi ndenjur, e më pas në 2012 kanë ardhur Shkambi kanë thënë është ndërtesa ime.
    Na kanë nxjerrë nëpër gjyqe, kemi punuar e kemi derdhur para për këtë ndërtesë. Tani na kanë bërë presion që të lëshojmë shtëpinë. Kemi nejtur në tension, fajet i ka bashkia që na ka dhënë ne e më pas ia ka shitur edhe atij. Ne na e ka dhënë e më pas atij ia ka shitur. Njehemi shumë keq, më zi nuk ka më. Më mirë kishim dalë në rrugë të madhe se sa të kishin vrarë gjyqtarin. Më mirë të na kishin vrarë ne”, tha njëri prej banorëve në konflikt me Shkambajt. Për banorët, përgjegjësi kryesor për këtë ngjarje fatale është Lorenc Luka, i cili me firmën e tij i ka kaluar familjes Shkambi pronësinë e godinave shtetërore. Sipas tyre, Gjon Shkambi disponon vetëm dokumente false pasi nuk ka asnjë akt trashëgimie nga paraardhësit e tij që të vërtetojë pretendimet e Gjon Shkambit.

  • “Nuk ndërhyri kur nipi nisi të qëllonte me pistoletë”, zbardhen akuzat ndaj Gjon Shkambit për vrasjen e gjyqtarit

    “Nuk ndërhyri kur nipi nisi të qëllonte me pistoletë”, zbardhen akuzat ndaj Gjon Shkambit për vrasjen e gjyqtarit

    Gjon Shkambi duket se ka qenë në dijeni të planit të nipit të tij, për të ekzekutuar gjyqtarin Astrit Kalaja në sallën e gjyqit. Ky është përfundimi i hetimeve nga Policia e Shtetit lidhur me masakrën që tronditi dje vendin, ku në sallën e gjyqit të Gjykatës së Apelit në Tiranë u qëllua ndaj gjyqtarit dhe 2 personave të tjerë, babë e bir, me të cilin autori Elvis Shkambi ishte në proces gjyqësor.
    “Njëkohësisht, pas këtij veprimi, shtetasi E. Sh. i drejton pistoletën dhe qëllon një herë në drejtim të shtetasve R. K. dhe E. K., duke i plagosur të dy, të cilët aktualisht ndodhen në spital jashtë rrezikut për jetën.
    Gjithashtu, nga hetimet ka rezultuar se shtetasi G. Sh. nuk ndërmerr asnjë veprim për të ndërprerë veprimet kriminale të nipit të tij, çka krijon dyshimin e arsyeshëm se ai ka qenë në dijeni të planit për ekzekutimin e gjyqtarit të çështjes, në rolin e shtytësit dhe/ose ndihmësit.
    Pas ngjarjes, shtetasi E. Sh. ka dalë nga salla dhe i ka dorëzuar armën shtetasit B. P., me detyrë nëpunës gjyqësor, për mbikëqyrjen dhe mbarëvajtjen e proceseve gjyqësore, në një tjetër sallë. Autori E. Sh., pas daljes në oborr, është neutralizuar dhe prangosur menjëherë nga punonjësit e Policisë.”, thuhet në njoftimin e policisë.

  • Vrasja e gjyqtarit Kalaja, arrestohet xhaxhai i autorit dhe roja i sigurisë së Gjykatës së Apelit

    Vrasja e gjyqtarit Kalaja, arrestohet xhaxhai i autorit dhe roja i sigurisë së Gjykatës së Apelit

    Tre persona janë arrestuar pas vrasjes së gjyqtarit Astrit Kalaja brenda sallës së Gjykatës së Apelit teksa ushtronte detyrën e tij.
    Të arrestuar janë, autori i ngjarjes Elvis Shkambi, xhaxhai i tij Gjon Shkambi si dhe roja i sigurisë së Gjykatës së Apelit të Juridiksionit të Përgjithshëm.
    Ngjarja e rëndë u shënua mesditën e së hënës, ku 30-vjeçari Elvis Shkambi qëlloi me tre plumba gjyqtarin pasi mori vendim kundër xhaxhait të tij. Ai qëlloi me armë edhe ndaj palës kundërshtare në gjyq, babë e bir, Ragip dhe Ervis Kurtaj.
    Pas krimit, ai iu dorëzua patrulës së policisë në dalje të gjykatës. Mister mbetet se si u thye siguria e gjykatës duke u futur brenda një person i armatosur.

  • Pamjet filmike, Elvis Shkambi qëllon nga afër gjyqtarin/ Një plumb bëri rikoshet, hyri në kompjuterin e sekretares

    Pamjet filmike, Elvis Shkambi qëllon nga afër gjyqtarin/ Një plumb bëri rikoshet, hyri në kompjuterin e sekretares

    Nga Elton Qyno/

    Momente të rënda kanë arritur të regjistrojnë kamerat e sallës së gjykimit në Gjykatën e Apelit, që dje u kthye në një skemë krimi.

    Imazhe tronditëse që nëse do shfaqeshin në publik do drithëronin këdo që do i shihte. Gazetari Elton Qyno ka mësuar se Astrit Kalaja, është qëlluar teksa ndodhej në këmbë duke lexuar vendimin përfundimtar “NË EMER TË REPUBLIKËS” për një çështje kundërshtim të veprimeve përmbarimore.

    Në pamjet filmike të regjistruara nga kamera e brendshme e sallës së gjykimit, Elvis Shkambi, dukshëm shfaqet duke mbushur armën dhe më pas ashtu siç ishte në këmbë qëllon në drejtim të gjyqtarit që lexonte vendimin.

    Plot 4 të shtëna arme të ardhura me intensitet, kanë sjellë vdekje e menjëhershme të gjyqtarit, Astrit Kalasë. Pamjet filmike tregojnë se sekretarja e gjyqtarit, Kalaja, “Xhuli” ka shpëtuar mrekullisht nga plumbat.

    Njëri nga plumbat ka bërë rrikoshet dhe është kthyer drejt kompjuterit të sekretares, duke e lënë atë të dëmtuar.

    Situata e rëndë e zhvilluar në atë seancë gjyqësore është filmuar e gjitha nga kamerat. Ndërkohë kamerat e tjera të instaluara në korridor kanë parë një grumbull njerëzit që vrapojnë dhe fshihen, nga frika e një sulmi të dytë me armë.

    Autori Elvis Shkambi dhe xhaxhai i tij Gjon Shkambi, pas masakrës të realizuar në sallën e gjyqit, kanë dalë në korridorin e gjykatës.

    Njëri prej tyre duket që ndez një cigare dhe të dy së bashku largohen qetësisht në dalje të gjykatës.

    Ata janë arrestuar nga policia në derën fundore të daljes së gjykatës. Ku pas marrjes në pyetje, Elvis Shkambi nuk ka shfaqur pendesë.

    Fillimisht në vendngjarje u shfaqën prokurorët e SPAK pas të dhënave se ngjarja mund të ishte organizuar nga një “Grup Kriminal”.

    Por pas sqarimit të rrethanave dhe motiveve të ngjarjes, aktualisht dosja tashmë po hetohet nga prokuroria e Tiranës, e cila ka kompetencën për këtë ngjarje.

    Pas hetimeve të kryera gjatë mbrëmjes së djeshme,policia e Tiranës, i ka komunikuar arrestimin Elvis dhe Gjon Shkambit, të cilit i akuzon për veprën penale të “Vrasjes për shkak të rrethanave cilësuese” ndaj gjyqtarit Astrit Kalaja, “Vrasjes me paramendim” mbetur në tentativë ndaj dy personave të tjerë babë e bir, dhe “Mbajtjes pa lejë të armëve”.

    Mes personave të arrestuar për akuzën e “Shpërdorimit të detyrës” është dhe punonjësi i sigurisë në perimetrin e brendshëm të Gjykatës së Apelit Tiranë.